Кардикет® (40 мг)

• русский
• қазақша

• Скачать инструкцию медикамента

Саудалық атауы

КардикетÒ

Халықаралық патенттелмеген атауы

Изосорбид динитраты

Дәрілік түрі

Ұзақ әсер ететін 20 мг, 40 мг таблеткалар

Құрамы

Бір таблетканың құрамында

белсенді зат - 20 мг, 40 мг изосорбид динитраты

қосымша заттар: лактоза моногидраты, тальк, магний стеараты, поливинилацетат, картоп крахмалы (40 мг таблетка).

Сипаттамасы

Ақ түсті, дөңгелек, бір жақ беті тегіс, кертігі және сызығы бар және сызығының үстіне «IR», ал астына «20» (20 мг үшін), «40» (40 мг үшін) ойып жазылған, басқа дөңес жақ бетіне «SCHWARZ PHARMA» жазуы ойып жазылған, диаметрі 8,9 мм-ден 9,2 мм-ге дейін (20 мг және 40 мг үшін), биіктігі 2,9 мм-ден 3,2 мм-ге дейін (20 мг үшін), 3,1 мм-ден 3,4 мм-ге дейін (40 мг үшін) болатын таблеткалар.

Фармакотерапиялық тобы

Жүрек ауруларын емдеуге арналған вазодилататорлар.

Органикалық нитраттар. Изосорбид динитраты

АТХ коды С01DA08

Фармакологиялық қасиеттері

Фармакокинетикасы

Изосорбид динитратын ішу арқылы қабылдаған кезде тез сіңеді. Әсерінің басталуы – 15-30 минуттан кейін, қан плазмасында ең жоғары концентрацияға 15 минут – 1-2 сағаттан соң жетеді. Бауыр арқылы өту нәтижесінде изосорбид динитраты, изосорбид-2-мононитратын және изосорбид-5-мононитратын түзе отырып метаболизденеді, олардың жартылай шығарылу кезеңі, тиісінше, 1,5-2 және 4-6 сағат болады. Екі метаболит те фармакологиялық тұрғыдан белсенді.

Фармакодинамикасы

КардикетÒ қантамырлардың тегіс бұлшықет қабырғаларын босаңсытады, осылайша, вазодилатацияны индукциялайды. Изосорбид динитраты артерияларға да, сонымен қатар көктамырларға да ықпалын тигізетін шеткергі вазодилататор ретінде әсер етеді. Осы әсерлер көктамырлық қанның жиналып қалуына және жүрекке көктамырмен қайта оралуының азаюына мүмкіндік беріп, ақырғы диастолалық қысымды және сол жақ қарыншаның көлемін төмендетеді (жүктемені алдын ала азайтады).

Ұзақ әсер ететін КардикетÒ әсерінің тез басталуы мен әсер ету ұзақтығының бірігуімен сипатталады.

Препараттың артықшылығы ұзақ әсер ететін КардикетÒ таблеткасындағы белсенді затпен анықталады, ол қан ағымына тез түседі. Осының нәтижесінде, препарат стенокардияны емдеген кезде әсерінің тез басталуын қамтамасыз етеді және өзінің қорғағыш әсерін ұзақ сақтайды.

Қолданылуы

-жүректің ишемиялық ауруын ұзақ уақыт емдеуге; стенокардияның алдын алуға (тіпті миокард инфарктісін емдегеннен кейін)

-жүректің созылмалы ауыр жеткіліксіздігін ұзақ емдеуге, біріктірілген ем құрамында

-өкпе гипертензиясында.

Қолдану тәсілі және дозалары

Басқа нұсқаулар болмаса, ұзақ әсер ететін КардикеттіÒ былайша (ас қабылдауға қарамай-ақ, шайнамай, және сұйықтықтың аздаған мөлшерімен ішіп) қабылдау керек:

Ұзақ әсер ететін 20 мг КардикетÒ: күніне 2 рет 1 таблеткадан. Емдік әсері жеткіліксіз болған кезде дозаны күніне 3 рет 1 таблеткаға дейін арттыруға болады.

Ұзақ әсер ететін 40 мг КардикетÒ: емнің басында – күніне бір рет 1 таблеткадан немесе күніне 2 рет 1/2 таблеткадан. Емдік әсері жеткіліксіз болған кезде дозаны күніне 2 рет 1 таблеткаға дейін арттыруға болады. Күніне 2 рет 1 таблетка дозада емдік әсерін демеу үшін, екінші таблетканы алғашқысынан кейін 8 сағаттан кешіктірмей қабылдау керек.

Емдеуді өте аз дозалардан бастаған және дозаны ең жоғары тиімділікке дейін баяу арттырған жөн. Ең жоғары бір реттік дозасы 60 мг, ең жоғары тәуліктік дозасы 120 мг құрайды. Емдеуді жалғастыру жөніндегі шешімді дәрігер қабылдайды. Бұл дәрі ұзақ қолдануға арналған, және де дәрігердің кеңесінсіз оны қабылдауды дереу тоқтатуға болмайды.

Қолдануға болмайтын жағдайлар

- белсенді затқа және басқа қосылыстарға, немесе қосымша заттардың кез келгеніне жоғары сезімталдық

- қан айналымының жедел жеткіліксіздігі (шок, коллапс)

- кардиогендік шок (егер жеткілікті соңғы диастолалық қысымға тиісті шаралармен демеу жасалатын болса)

- гипертрофиялық обструктивті кардиомиопатия

- констриктивті перикардит

- жүрек тампонадасы

- ауыр артериялық гипотензия (90 мм с.б.-нан төмен систолалық артериялық қысым)

- ауыр гиповолемия

- нитраттармен емделу кезеңінде фосфодиэстераза тежегіштері (мысалы, силденафил, тадалафил, варденафил) қолданылмауы тиіс («Арнайы ескертулер және қолданған кездегі сақтық шаралары», «Басқа дәрілік заттармен өзара әрекеттесуі және өзара әрекеттесуінің басқа түрлері» тарауларын қараңыз)

- ауыр анемия

- балалар және 18 жасқа дейінгі жасөспірімдер (қолдану тиімділігі және қауіпсіздігі анықталған жоқ).

Жағымсыз әсерлері

Өте жиі

• бас ауыру («нитраттық»), ол көбіне препаратты әрі қарай қолданғанда бірнеше күннен кейін кетеді

Жиі

- бас айналу, ұйқышылдық

- ортостатикалық гипотензия (кейде брадикардиямен бірігіп)

- әлсіздік сезімі

- рефлекторлы тахикардия

- астения

Жиі емес

• жүректің айнуы, құсу, бет терісінің қызаруы және бөртпе сияқты, аллергиялық тері реакциялары

• стенокардияның өршуі

• коллапс жағдайы, кейде брадикардиямен біріккен, синкопэ

Сирек

• гипоксемия (өкпенің алғашқы ауруларында пациенттерде қан ағысының нашар желденетін альвеолярлы аймақтарға біршама қайта таралуы есебінен)

Өте сирек

• қыжыл

• Квинке ісінуі, Стивенс-Джонсон синдромы

Жекелеген жағдайларда

• эксфолиативті дерматит

Белгісіз жиілікпен

- гипотензия

Органикалық нитраттарға ауыр гипотензивтік реакциялардың пайда болғаны жөнінде мәлімделген, ол жүректің айнуымен, құсумен, бозарумен, тершеңдікпен, тыныстың жиілеуімен қатар жүрді.

Дәрілермен өзара әрекеттесуі

Артериялық қысымды төмендететін қасиеттері бар препараттармен, мысалы, бета-бөгегіштермен, кальций өзекшелерінің антагонистерімен, қантамырын кеңейткіш дәрілермен және т.б./немесе алкогольмен қатарластыра қолдану КардикеттіңÒ гипотензивтік әсерін күшейтуі мүмкін. Бұндай нейролептиктермен де және трициклдік антидепрессанттармен де болуы мүмкін. Егер олар фосфодиэстераза тежегіштерімен (мысалы, силденафилмен, тадалафилмен, варденафилмен) бірге қолданылса, артериялық қысымды төмендету әсері артады.

Бұл өмір үшін қауіпті жүрек-қантамыр асқынуларына әкеп соқтыруы мүмкін. Препаратты қолданып жүрген пациенттер, демек, фосфодиэстераза тежегіштерін (мысалы, силденафил, тадалафил, варденафил) пайдаланбауы тиіс.

Бір мезгілде енгізілген кезде препараттың қанда дигидроэрготамин деңгейін арттырып, жағымсыз зардабын тигізуі мүмкін екендігін қорытындылар көрсетіп отыр.

Айрықша нұсқаулар

Ұзақ әсер ететін Кардикет® стенокардия ұстамаларын басу үшін қолданылмайды!

Препарат келесі жағдайларда аса сақтықпен және дәрігердің бақылауымен ғана қолданылуы тиіс:

- төмен қысым, мысалы, жедел миокард инфарктісінде, сол жақ қарынша қызметі бұзылғанда (сол жақ қарынша қызметінің жеткіліксіздігі). Систолалық артериялық қысымның 90 мм с.б.-нан төмендеуіне жол бермеген жөн.

- қолқа стенозы және/немесе митральді стеноз

- бас сүйекішілік қысымның жоғарылауына байланысты аурулар (дегенмен, күні бүгінге дейін, бас сүйекішілік қысымның жоғарылауы көктамыр ішіне тринитроглицеринді жоғары дозаларда енгізгеннен кейін ғана байқалды).

- ортостатикалық функцияның бұзылуы

Төзімділіктің (тиімділігінің төмендеуі), сондай-ақ нитрат типті басқа препараттарға қатысты кросстөзімділіктің пайда болғаны (бұған дейін басқа нитраттық препараттармен емдеген жағдайда әсерінің төмендегені) мәлімделді. Әсерінің төмендеуіне немесе тиімділігінің жоғалуына жол бермеуге болады, ұдайы жоғары дозаларды қолданбаған жөн.

Изосорбидтермен демеуші доза қабылдап жүрген пациенттер құрамында фосфодиэстераза тежегіштері (мысалы, силденафил, тадалафил, варденафил) бар препараттарды қолданбауы тиіс, өйткені мұндайда индукциялану қаупінің артуы мүмкін екендігінен хабардар болуы тиіс.

Құрамында лактозаның болуына байланысты, сирек тұқым қуалайтын галактозаның жақпаушылығы, лактаза тапшылығы немесе глюкоза-галактоза мальабсорбциясы бар пациенттер ұзақ әсер ететін таблеткаларды қабылдамағандары жөн.

Жүктілік және емшек емізу кезеңі

Жүктілік және емшек емізу кезеңінде ұзақ әсер ететін КардикетÒ ана үшін күтілетін пайдасы ұрық және/немесе нәресте үшін қаупінен басым болған жағдайда ғана қолданылады.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Бұл дәрілік зат психомоторлы реакцияны өзгертуге қабілетті, ол көше қозғалысына немесе механизмдерді басқаруға белсенді қатысу қабілетіне ықпалын тигізуі мүмкін. Бұл әсер алкоголь қабылдаумен ұштасқан кезде елеулі күшейеді.

Артық дозалануы

Симптомдары: артериялық қысымның төмендеуі ≤ 90 мм сын. бағ., бозару, қатты тершеңдік, пульстің әлсіз толуы, тахикардия, бас айналу (оның ішінде дене қалпы өзгергендегі ортостатикалық реакциялар), бас ауыру, әлсіздік, жүрек айну, құсу, диарея.

Басқа нитраттарды қабылдаған пациенттерге қатысты метгемоглобинемия жағдайлары туралы хабарланған. ИСДН биотрансформациясы кезінде кейіннен тахипное, үрейді сезіну, естен тану және жүректің тоқтап қалуымен метгемоглобинемияны және цианозды индукциялауы мүмкін нитрит иондары босап шығады. ИСДН артық дозалануында осы жағымсыз реакция мүмкіндігін жоққа шығаруға болмайды.

Төтенше жоғары дозалар интракраниальді қысымның артуына әкелуі мүмкін. Бұл жалпы ми симптомдарына алып келеді.

Жалпы шаралар

- препараттың келіп түсуін тоқтату

- нитраттар туындатқан артериялық гипотензия жағдайында қолданылатын жалпы шаралар:

• • бас жағын төмендете қойып, басын төменірек етіп пациентті жатқызу керек

  • оттегі түсуін қамтамасыз ету

  • айналатын қан көлемін ұлғайту

  • арнайы шокқа қарсы ем жүргізу (пациент қарқынды терапия бөлімшесінде жатуы тиіс).

Арнайы шаралар

Қантамырларын кеңейтетін ИСДН арнайы антагонисі жоқ. Артық дозалану кезінде дамитын артериялық гипотензия венодилатация мен артериялық гиповолемияның нәтижесі болып табылатындықтан, ем айналатын қан көлемінің ұлғаюына бағытталуы тиіс. Пациентті көлденеңінен жатқызу кейде жетклікті болып шығады. Кейде физиологиялық (немесе оған ұқсас) ерітіндінің көктамырішілік инфузиясын жасау керек. Мұндай жағдайда адреналин қолдану ұсынылмайды (оңдысынан гөрі теріс әсері басымдау болады).

Метгемоглобинемияны емдеу

- С витаминімен, метиленді көк немесе толуидинсиниммен қалпына келтіруші ем – таңдау бойынша

- оттегін қолдану (қажет болған жағдайда)

- жасанды желдету, қан ауыстыру (қажет болған жағдайда)

- гемодиализ (қажет болған жағдайда).

Реанимациялық шаралар

- тыныс алудың немесе қан айналымының тоқтап қалу белгілері жағдайында дереу реанимациялық шаралар қолданады.

Шығарылу түрі және қаптамасы

Ұзақ әсер ететін 20 мг, 40 мг таблеткалар

10 таблеткадан полипропиленді ламинацияланған фольгадан және полипропиленді лакталған фольгадан; немесе полипропиленді ламинацияланған фольгадан және алюминий фольгадан жасалған пішінді ұяшықты қаптамаға салынған.

Пішінді ұяшықты 2 немесе 5 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханадан босатылу шарттары

Рецепт арқылы

Өндіруші

Эйсика Фармасьютикалз ГмбХ

Галилейштрассе 6, 08056 Цвикау, Германия

Тіркеу куәлігінің иесі

ЮСБ Фарма ГмбХ, Германия

Alfred-Nobel-Strasse 10, 40789 Monheim, Germany

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ГлаксоСмитКляйн Экспорт Лтд Қазақстандағы өкілдігі

050059, Алматы қ., Фурманов к-сі, 273

Телефон нөмірі: +7 727 258 28 92, +7 727 259 09 96

Факс нөмірі: + 7 727 258 28 90

Электрондық пошта: kaz.med@gsk.com

Бекітілген медициналық қолдану жөніндегі нұсқаулықты www.dari.kz сайтынан да қарауға болады