Каптоприл ШТАДА® (12.5 мг)

Каптоприл ШТАДА®

Каптоприл

12,5 мг, 25 мг және 50 мг таблеткалар

1 таблетканың құрамында

белсенді зат – 12,5 мг, 25 мг немесе 50 мг каптоприл,

қосымша заттар: лактоза моногидраты, желатинделген жүгері крахмалы, микрокристалды целлюлоза, стеарин қышқылы.

Дөңгелек пішінді, тегіс беткейлі, екі жағында сызығы бар, ақ түсті таблеткалар (12.5 мг доза үшін).

Дөңгелек пішінді, тегіс беткейлі, екі жағында крест тәрізді сызығы бар,

ақ түсті таблеткалар (25 мг және 50 мг доза үшін).

Ренин-ангиотензин жүйесіне әсер ететін препараттар.

Ангиотензин конвертациялаушы фермент (АКФ) тежегіштері. Каптоприл.

АТХ коды С09AА01

Фармакокинетикасы

Ішу арқылы қабылдаудан кейін каптоприл тез сіңеді. Қандағы ең жоғары концентрациясына шамамен бір сағаттан соң жетеді. Ең төмен сіңуі 75% жуық. Ас қорыту жолында тамақтың болуы сіңуін шамамен 30-40% төмендетеді. Қан плазмасы ақуыздарымен байланысуы 25-30% жуық құрайды. Плазмада концентрациясының жоғары шегіне 60-90 минут өткенде жетеді. Жартылай шығарылу кезеңі 2 сағатқа жуық құрайды. Каптоприлдің сіңірілген дозасының 95%-дан астамы 24 сағат ішінде, олардан 40-50% өзгеріссіз күйде және 50-60 дисульфидтің белсенді емес метаболиттері түрінде (каптоприл дисульфиді және каптоприл цистеин дисульфиді) несеппен шығарылады. Бүйрек функциясының төмендеуі препараттың жинақталуына әкелуі мүмкін. Осылайша, бүйрек функциясы төмендеген пациенттерде дозасы азайтылуы және/немесе дозалау аралығы ұзартылуы тиіс. Каптоприл гематоэнцефалдық бөгет арқылы өтпейді.

Фармакодинамикасы

Каптоприл – ангиотензин өзгертуші фермент тежегіші.

Ангиотензин өзгертуші фермент (АӨФ) тежелісі қан плазмасында және тіндерінде тамыр тарылтатын әсері бар ангиотензин-II түзілуінің қан плазмасында азаюына алып келеді, соның салдарынан бүйрек үсті бездерінде альдостерон секрециясының төмендеуі жүреді. Соның салдарынан диурез және натрий шығарылуы күшейеді, қан сарысуында калий деңгейі артады, су алмасу қалыпқа түседі. Ренин секрециясына ангиотензин II теріс кері реакциясының болмауы қан плазмасында ренин белсенділігінің артуына алып келеді.

Сонымен бірге ангиотензин өзгертуші фермент брадикининді белсенді емес метаболиттерге дейін ыдыратады. АӨФ тежелісі простагландин жүйесін белсенділендіру арқылы шеткері тамырлар кеңеюіне ықпал ететін айналымдағы және жергілікті калликреин-кинин жүйесінің белсенділігін арттырады. Бұл механизм АӨФ тежегіштерінің гипотензиялық әсеріне қатысады.

Артериялық гипертензиясы бар пациенттерде каптоприл жатқан және тік тұрған қалыпта жүректің жиырылу жиілігінің артуын, натрий мен су іркілісін туындатпастан артериялық қысымды төмендетеді.

Пациенттердің көпшілігінде гипертензиялық әсері каптоприл қолданудан кейін 15-30 минуттан соң білінеді. Артериялық қысым барынша төмендеуіне, әдетте, 60-90 минуттан соң жетеді. Ең жоғары емдік тиімділігіне жету үшін бірнеше апта қажет болуы мүмкін. Каптоприлдің белгілі бір дозасында артериялық қысымның барынша төмендеуі 3-4 апта емделуден кейін білінеді. Каптоприл мен тиазидті диуретиктерде артериялық қысымды түсіру әсерлері өзара үйлеседі.

Каптоприл шеткері артериялық кедергінің едәуір төмендеуіне себеп болады. Бұл орайда бүйрек қан ағымының және шумақтық сүзіліс жылдамдығының клиникалық мәнді өзгерістері болмайды.

Ұсынылған тәуліктік дозасын қабылдағанда гипертензияға қарсы әсері тіпті ұзаққа созылатын ем кезінде сақталады. Каптоприл қабылдауды қысқа мерзімге тоқтату артериялық қысымның тез, шектен тыс көтерілуіне (рикошет) әкелмейді.

Каптоприл қолдану сол жақ қарынша гипертрофиясының азаюын туындатады. Жүрек жеткіліксіздігі бар пациенттерде каптоприл шеткері жүйелі кедергіні азайтып, вена сыйымдылығын арттырады. Бұл жүректің алдыңғы және кейінгі жүктемесінің азаюына (сол жақ қарынша толу көлемінің кемуі) алып келеді. Каптоприлмен емделу кезінде жүрек лықсуының, жүректің жұмыс индексінің және дене жүктемесіне төзімділіктің артуы болады.

• артериялық гипертензияда

• созылмалы жүрек жеткіліксіздігінде (кешенді ем құрамында)

Каптоприл ШТАДА® дозасы пациенттің жай-күйіне және артериялық қысымның жауап реакциясына қарай әркімге жеке таңдалады. Ұсынылатын ең жоғары доза 150 мг құрайды.

Артериялық гипертензия

Ұсынылатын бастапқы доза тәулігіне 2 рет 12,5 мг құрайды. Дозаны кем дегенде 2 апта аралықпен, көзделген артериялық қысымға жетуге қажетті екі дозаға бөлінген тәулігіне 100-150 мг дейін біртіндеп арттыруға болады.

Каптоприлдің бір өзін немесе гипертензияға қарсы басқа препараттармен, әсіресе, тиазидті диуретиктермен біріктірілімде пайдалануға болады. Тиазидті диуретиктер сияқты қатарлас гипертензияға қарсы препараттарды қосу кезінде күніне бір рет дозалау режимі жеткілікті болуы мүмкін.

Ренин-ангиотензин-альдостерон жүйесі өте белсенді (гиповолемия, реноваскулярлы гипертензия, жүрек декомпенсациясы) пациенттерде 6,25 мг немесе 12,5 мг бір реттік дозадан бастаған дұрыс. Осындай емді мұқият медициналық қадағалаумен бастаған дұрыс. Бұл дозалары әріқарай тәулігіне екі рет қабылданады. Дозаны тәулігіне бір немесе екі қабылданатын 50 мг дейін, ал қажет болса, бір немесе екі қабылдауға тәулігіне 100 мг дейін біртіндеп көбейтуге болады.

Жүрек жеткіліксіздігі

Каптоприлмен жүрек жеткіліксіздігін емдеуді мұқият медициналық қадағалаумен бастау керек. Әдеттегі старттық доза – тәулігіне екі немесе үш рет 6,25 мг немесе 12,5 мг. Демеуші дозаны титрлеу (тәулігіне 75-150 мг) пациенттің жауабы, клиникалық статусы мен төзімділігі негізінде екі қабылдауға бөлінген тәулігіне ең жоғары 150 мг дозаға дейін жүргізілуі тиіс. Пациент жауабын бағалау үшін дозаны, кем дегенде, 2 апта аралықпен біртіндеп арттыру керек.

Егде жастағы (65 жастан асқан) пациенттерде дозалануы

Ұсынылатын бастапқы доза тәулігіне 2 рет 6,25 мг құрайды. Жеткілікті бақылануына жету үшін дозаны артериялық қысымның жауап реакциясына қарай титрлеп, мүмкіндігінше, ең төменін ұстану қажет.

Бүйрек функциясының төмендеуі

Бүйрек функциясы төмендеген пациенттерге ұсынылатын тәуліктік дозалары:

Дозалау аралығын арттыру керек. Бүйрек жеткіліксіздігі ауыр пациенттерге диуретиктермен қатарлас ем тағайындау қажет болғанда, тиазидтілерге қарағанда, ілмекті диуретиктерді (фуросемид) таңдаған дұрыс.

Балаларда дозалануы

Каптоприл тиімділігі мен қауіпсіздігі толық анықталмағандықтан, балаларда және 18 жасқа толмаған жасөспірімдерде Каптоприл ШТАДА® қолдану ұсынылмайды.

Қолдану тәсілі:

Ас ішуге дейін, ішу кезінде және одан кейін Каптоприл ШТАДА® қолдануға болады.

• жүрек айну, құсу, асқазанның тітіркенуі, іштің ауыруы, анорексия, диарея, іш қату, ауыздың кеберсуі, стоматит / афтозды ойық жаралану, глоссит, пептидті ойық жара, панкреатит

• құрғақ, өнімсіз жөтел, диспноэ, бронх түйілуі, ринит, аллергиялық альвеолит / эозинофильді пневмония, кеуденің ауыруы

• бөртпелі немесе онсыз қышыну, бөртпе, алопеция, ангионевроздық ісіну, уртикарлы бөртпе, Стивенс-Джонсон синдромы, мультиформалы эритема, жарыққа сезімталдық, эритродермия, пемфигоидты реакция, эксфолиативті дерматит

• дәм сезудің төмендеуі, бас айналу, ұйқышылдық, қажу, дімкәстану, қызба, бас ауыру, парестезия, цереброваскулярлы бұзылыстар (инсульт, естен тану), ұйқының бұзылуы, сананың шатасуы, депрессия, көрудің нашарлауы

• тахикардия немесе тахиаритмия, стенокардия, гипотензия, Рейно синдромы, қызару, бозару, жүректің тоқтап қалуы, кардиогенді шок,

• бүйрек жеткіліксіздігі, полиурия, олигурия, несеп шығарудың жиілеуі, протеинурия, нефроздық синдром

• бауыр функциясының төмендеуі, холестаз, сарғаю, гепатит, бауыр жасушаларының некрозы, бауыр ферменттерінің және билирубиннің жоғарылауы

• қан плазмасында калийдің жоғарылауы, натрийдің төмендеуі, мочевина қалдық азотының, сарысулық креатинин мен билирубиннің жоғарылауы, қанда гемоглобиннің, гематокриттің, лейкоциттердің, тромбоциттердің төмендеуі, антинуклеарлы антиденелерге оң титрлер, протеинурия, эозинофилия, ЭШЖ жеделдеуі

• миалгия, артралгия

• импотенция, гинекомастия

• каптоприлге немесе анамнездегі басқа ангиотензин өзгертуші фермент тежегішіне аса жоғары сезімталдық

• препараттың кез келген компонентіне аса жоғары сезімталдық

• анамнездегі АӨФ тежегішімен алдыңғы емдеумен астасқан қантамырлық ісіну

• тұқым қуалайтын / идиопатиялық ангионевроздық ісіну

• жүктіліктің екінші және үшінші триместрі

• лактация

АӨФ тежегіштері диуретиктерден болатын калий жоғалуын төмендетеді. Калий жинақтаушы диуретиктер (спиронолактон, триамтерен, амилорид), калий препараттары және құрамында калий бар тұз алмастырғыштары қан плазмасында калий мөлшерінің едәуір көбеюіне әкелуі мүмкін. Егер гипокалиемия анықталғанда осындай препараттармен бір мезгілде Каптоприл ШТАДА® қолдану көрсетілсе, оларды абайлап қолданып, қан плазмасында калий деңгейін жиі бақылап отыру керек.

Ілмекті немесе тиазидті диуретиктермен Каптоприл ШТАДА® қолданылғанда, әсіресе, диуретиктің алғашқы дозасынан кейін айқын гипотензияның, гипокалиемияның, бүйрек функциясы бұзылуының даму қаупі артады. Осының алдында жоғары дозалардағы тиазидті немесе ілмекті диуретиктермен емдеу Каптоприл ШТАДА® емін бастар алдында айналымдағы қан көлемінің азаюын туындатып, гипотензияның даму қаупін арттырады. Бұл әсерді диуретиктерді тоқтату, тұз көлемін немесе тұтынылуын арттыру немесе төменірек бастапқы Каптоприл ШТАДА® дозасын пайдалану арқылы төмендетуге болады. Алайда, гидрохлоротиазидпен немесе фуросемидпен спецификалық зерттеулерде клиникалық дәрілік өзара әрекеттесулер анықталмаған.

Литиймен бір мезгілде қолданғанда литий концентрациясы мен уыттылығы артады. Тиазидті диуретиктерді қатарлас пайдалану литий мен АӨФ тежегіштерін біріктіргенде орын алған уыттанудың даму қаупін өршітеді. Осыған орай, аталған біріктірілімді қолдану ұсынылмайды.

Кейбір анестетиктер, үш циклды антидепрессанттар мен психозға қарсы препараттарды АӨФ тежегіштерімен бір мезгілде қолдану гипотензиялық әсерді күшейтеді. Демек, ондай біріктірілімді қолданудан сақтану керек.

Аллопуринол, прокаинамид, жүйелі кортикоидтар, цитостатикалық немесе иммуносупрессиялық препараттардың жоғары дозаларымен бірге қолданғанда лейкопенияның даму қаупі артады.

Қабынуға қарсы стероидты емес дәрілермен бір мезгілде қолданғанда Каптоприл ШТАДА® препаратының гипертензияға қарсы әсері төмендейді, бүйрек функциясының төмендеуі, соның ішінде бүйрек жеткіліксіздігінің дамуы, әсіресе, бүйрек функциясы төмендеген пациенттерде қан плазмасында калий концентрациясының көбею қаупі артады. Осы біріктірілімді, әсіресе, егде жастағы пациенттерде сақтықпен қолдану керек. Пациенттерге талапқа сай мөлшерде сұйықтық ішіп, бүйрек функциясын жүйелі бақылап отыру қажет.

Симпатомиметиктер АӨФ тежегіштерінің гипертензияға қарсы әсерін төмендетеді.

Β-адреноблокаторлар, кальций өзекшелерінің блокаторлары гипотензиялық әсерді өзара күшейтеді.

Гидралазин гипотензиялық әсерді болжанбайтын сипатта өзара күшейтеді. Осы біріктірілімді бірге қолдану ұсынылмайды.

Каптоприл аясында плазмадағы дигоксин концентрациясы жоғарылайды.

Азатиопринмен қолданғанда анемияның, лейкопенияның даму қаупі артады.

Нитроглицерин гипотензиялық және жүрек қыспасына қарсы әсерлерді өзара күшейтеді.

Орлистат каптоприл тиімділігінің азаюына ықпал етеді, бұл АҚ көтерілуіне, гипертониялық кризге әкелуі мүмкін, миға қан құйылу жағдайы сипатталған.

Интерлейкин-3, миноксидилмен, натрий нитропруссидімен, перголидпен бірге қолдану гипертензияға қарсы әсердің күшеюіне ықпал етеді.

Альфа-2а интерферонмен, бета интерферонмен қолданғанда ауыр гранулоцитопения дамуы мүмкін.

Триметоприммен бірге қолданғанда, әсіресе, бүйрек функциясының бұзылулары бар пациенттерде гиперкалиемияның даму қаупі артады.

Хлорпромазин ортостатикалық гипотензияның даму қаупін арттырады.

Циклоспоринмен бірге қолданғанда жедел бүйрек жеткіліксіздігінің, олигурияның даму қаупі артады.

Эритропоэтиндер гипертензияға қарсы дәрілер тиімділігін азайтады.

АӨФ тежегіштерін диабетке қарсы препараттармен (инсулин, ішуге арналған гипогликемиялық препараттар) бір мезгілде қолдану, әсіресе, біріктірілген емнің алғашқы апталарында және бүйрек жеткіліксіздігі бар пациенттерде гипогликемияның даму қаупімен қан глюкозасының қатты азаюын туындатады.

Антацидтермен (алюминий гидроксиді, магний гидроксиді, симетикон) бірге қолдану каптоприл сіңірілуін азайтады, соның салдарынан оларды 2 сағаттан кем емес уақыт аралығымен бөлек қабылдау қажет.

Этанол гипотензияны күшейтеді, сондықтан емделу кезінде алкогольді ішімдіктер тұтынудан бас тарту қажет.

Аутоиммундық аурулары бар пациенттерде, нейтропения мен агранулоцитоздың пайда болу қаупінің артуына орай, ерекше сақтықпен қолдану керек.

Натрий көлемінің және/немесе мөлшерінің азаюы білінетін артериялық гипертензиясы бар пациенттерде диуретиктермен күшейтілген емге, тұзды шектейтін диетаға, диареяға, құсуға немесе гемодиализге байланысты симптоматикалық гипотензия дамуы мүмкін. Сондықтан, Каптоприл ШТАДА® қолдануды бастар алдында төмендеген натрий көлемін және/немесе мөлшерін түзетіп, бастапқы төменірек дозасын қолдану керек.

Алғашқы дозаны қабылдаудан кейін, сондай-ақ каптоприл және/немесе ілмекті диуретиктер дозаларын арттырғанда бұл пациенттер гипотониялық реакцияның бақыланбайтын туындауына жол бермеу үшін шамамен 2 сағат бойы дәрігерлік бақылауда болуы тиіс.

Гипотензияның даму қаупі едәуір жоғары болатын жүрек жеткіліксіздігі бар пациенттерге Каптоприл ШТАДА® емін бастапқы төменірек дозасынан бастап, оның дозасын немесе диуретик дозасын абайлап арттыру керек.

Ишемиялық жүрек ауруы немесе цереброваскулярлы ауруы бар пациенттерде артериялық қысым шамадан тыс төмендегенде миокард инфарктісі мен инсульттің туындау қаупі артады. Гипотензия дамуында пациент жатқан қалыпта болуы тиіс, ал қажет болса, вена ішіне физиологиялық ерітінді енгізумен қан көлемін толықтыру керек.

Бүйрек жеткіліксіздігі бар пациенттерде калий және креатинин деңгейін тұрақты бақылау қажет.

Бүйрек жеткіліксіздігі ауыр пациенттерге және егде жастағы (65 жастан асқан) пациенттерге емдеудің бастапқы сатысында Каптоприл ШТАДА® артериялық қысымды және/немесе репрезентативті зертханалық көрсеткіштерді қарқынды бақылау жағдайларында ғана қолданылуы тиіс.

Бет, аяқ-қол, ерін, шырышты қабықтар, тіл, дауыс саңылауының немесе көмейдің ангионевроздық ісінуі дамығанда Каптоприл ШТАДА® қолдануды дереу тоқтатып, шұғыл ем жүргізу қажет, пациент ауруханаға жатқызылып, симптоматика басылғанша кемінде 12-24 сағат қадағалауда болуы тиіс, өйткені тіл, дауыс саңылауы немесе көмейдің ангионевроздық ісінуі өліммен аяқталуы мүмкін. АӨФ тежегіштерін қабылдағанда дамитын өнімсіз, персистирленетін жөтел емді тоқтатудан кейін басылады.

АӨФ тежегіштерін қолданғанда холестазды сарғаюдан басталып, шұғыл типті бауыр некрозының дамуымен үдейтін және кейде өлімге соқтыратын даму механизмі түсініксіз синдром сирек білінеді.

Сарғаюы мен бауыр ферменттерінің жоғарылауы дамыған пациенттерге препарат қабылдауды тоқтатып, тиісті медициналық жәрдем көрсету қажет.

Калий жинақтаушы диуретиктер, калий препараттарын, құрамында калий бар тұз алмастырғыштарын немесе қан плазмасында калий деңгейін арттыратын басқа препараттарды қабылдайтын бүйрек жеткіліксіздігі, қант диабеті бар пациенттерде гиперкалиемияның даму қаупі жоғары болады. Демек, олар қан плазмасындағы калий деңгейін тұрақты бақылап отыру қажет.

Каптоприл ШТАДА® мен литий біріктірілімін пайдалану ұсынылмайды.

Сол жақ қарынша клапаны мен сол жақ қарынша шығару жолының обструкциясы бар пациенттерге абайлап тағайындалады, сондай-ақ кардиогенді шок кезінде және гемодинамиканың едәуір бұзылуында қолдануға болмайды.

Каптоприл ШТАДА® қамтылатын АӨФ тежегіштерін қабылдайтын пациенттерде нейтропения / агранулоцитоз, тромбоцитопения және анемия білінуі мүмкін. Бүйрек функциясы қалыпты және асқындыратын факторлары жоқ пациенттерде нейтропения сирек кездеседі. Каптоприл ШТАДА® аллопуринолмен және прокаинамидпен ем алатын иммуносупрессорлық емде жүрген коллагенозы бар пациенттерге немесе, әсіресе, бүйрек функциясының төмендеуіне бейім болып келетін пациенттерде осы факторлардың бірігуінде сақтықпен пайдалану қажет. Ондай пациенттерде жекелеген жағдайларда бактерияға қарсы емге жауап бермейтін ауыр инфекция дамуы мүмкін. Осындай пациенттерде емдеуді бастар алдында Каптоприл ШТАДА® емінің алғашқы үш айында және әріқарай жүйелі ретпен әр 2 апта сайын қанның ақ жасушаларының санына есептеу жүргізген жөн. Пациенттер инфекцияның кез келген симптомдары (мысалы, тамақтың ауыруы, температураның көтерілуі) туралы хабарлауы керек. Нейтропения болғанда немесе оған күдік туындағанда (нейтрофилдердің 1000/мм3 кем азаюы) Каптоприл ШТАДА® және басқа қатарлас препараттармен емдеуді тоқтату қажет. Каптоприл ШТАДА® тоқтатылған соң пациенттердің көпшілігінде нейтрофилдер саны қалып шегіне тез оралады.

Бүйрек жеткіліксіздігі бар пациенттерде немесе АӨФ тежегіштерінің салыстырмалы жоғары дозаларын қолданғанда протеинурия дамуы мүмкін.

Анамнезінде бүйрек аурулары бар пациенттерге Каптоприл ШТАДА® қолдануды бастар алдында және әріқарай жүйелі ретпен протеинурияға анықтау жүргізген жөн.

Ауқымды хирургиялық араласулары болған пациенттерде немесе артериялық қысымды түсіретін анестетиктермен емделу кезінде айналымдағы қан көлемін толықтырумен түзетуге болатын гипотензия дамуы мүмкін.

Ішуге арналған диабетке қарсы дәрілер немесе инсулин алатын қант диабеті бар пациенттерде, әсіресе, Каптоприл ШТАДА® емінің алғашқы айының ішінде қан глюкозасының деңгейін бақылау қажет.

Каптоприл ШТАДА® құрамында лактоза бар болғандықтан, оны туа біткен галактоземия, глюкоза және галактоза мальабсорбциясы немесе лактазаның жеткіліксіздік синдромы кезінде тағайындауға болмайды.

Каптоприл ШТАДА® несептің ацетонға жалған оң тестісін туындатуы мүмкін.

Жүктілік кезеңі

Жүктілік кезінде Каптоприл ШТАДА® қолдану ұсынылмайды. Жүктілік жоспарланғанда немесе расталғанда дереу баламалы емдеуге көшу қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Каптоприл ШТАДА® қолданылғанда, әркімнің жеке бейімділігіне қарай, әсіресе, емдеудің басында, дозасын өзгерткенде және алкоголь тұтынғанда көлік құралын немесе аса қауіпті механизмдерді басқару қабілеті төмендеуі мүмкін.

Симптомдары: ауыр гипотензия, шок, мелшию, брадикардия, электролиттік бұзылулар, бүйрек жеткіліксіздігі.

Емді: уыттануды емдеу

Таяуда қолданылған жағдайда сіңірілуін болдырмауға (мысалы, қабылдаудан кейін 30 минут ішінде асқазанды шаю, абсорбенттер және натрий сульфатын енгізу) және жедел шығаруға арналған шаралар жүргізілуі тиіс. Гипотензияның дамуында пациент шок ұстанымына ауысуы тиіс және тұз әрі қан көлемін толықтыруды жылдам жүргізген жөн. Ангиотензин II емін қарастыру керек. Брадикардия мен шамадан тыс вагустық реакцияны атропин енгізумен емдеу керек. Ырғақ жетекшісін пайдалануды қарастыруға болады.

Арнайы антидоты болмайды. Каптоприл гемодиализ кезінде шығарылады.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 10 таблеткадан салады.

Пішінді 3 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

+25 °С-ден аспайтын температурада сақтау керек.

Балалардың қолы жетпейтін жерде сақтау керек!

4 жыл

Жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

телефон: + 49 6101 603-0

телефакс: + 49 6101 603-259

веб сайт: http://www.stada.de

Тіркеу куәлігі ұстаушысының атауы және елі

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

телефон: + 49 6101 603-0

телефакс: + 49 6101 603-259

веб сайт: http://www.stada.de

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Нижфарм» АҚ ҚР өкілдігі

050043, Қазақстан Республикасы,

Алматы қ., Хан-Тәңірі ы/а 55б

тел.: (727) 2222-100

факс: (727) 398-64-95

e-mail: almaty@stada.kz