Капетеро

Капетеро

Капецитабин

Дәрілік түрі, дозасы

Үлбірлі қабықпен қапталған таблеткалар, 500 мг

Антинеопластикалық және иммуномодуляциялайтын препараттар. Антинеопластикалық препараттар. Антиметаболиттер. Пиримидин аналогтары. Капецитабин

АТХ коды L01BС06

Колоректальді обыр

- III сатыдағы тоқ ішек обырына жүргізілген операциядан кейін пациенттерге адъювантты ем ретінде

- метастазды колоректальді обыры (мКРО) бар пациенттерді емдеу үшін

Асқазан обыры

- асқазанның таралған обыры бар пациенттерді емдеу үшін платина негіздегі препараттармен үйлесімде бірінші қатардағы ем ретінде

Сүт безінің обыры

- антрациклиндер қатыстырылған химиотерапия тиімсіз болғанда, сүт безінің жергілікті таралған немесе метастаздық сүт безінің обыры (СБО) бар пациенттерді емдеу үшін доцетакселмен біріктіріліп қолдану

- таксандар мен антрациклиндер қатыстырылған химиотерапия тиімсіз болғанда немесе антрациклиндерді қолдануға болмайтын, жергілікті таралған немесе метастазданған СБО (мСБО) бар пациенттерді емдеу үшін монотерапия түрінде.

Қолдануды бастағанға дейін қажетті мәліметтер тізбесі

- капецитабинге, фторурацилге немесе фторпиримидиндерге немесе қосымша заттардың кез келгеніне жоғары сезімталдық

- дигидропиримидин дегидрогеназа жеткіліксіздігі

- ауыр бүйрек жеткіліксіздігі (креатинин клиренсі минутына 30 мл-ден төмен)

- ауыр бауыр жеткіліксіздігі

- жүктілік және лактация кезеңі

- лейкопенияның, нейтропенияның немесе тромбоцитопенияның ауыр түрлері

- соривудинмен немесе оның химиялық тұрғыдан байланысқан аналогы - бривудинмен емдеу

- 18 жасқа дейінгі балалар мен жасөспірімдерге (қолдану тиімділігі және қауіпсіздігі анықталған жоқ).

Егер емдеудің біріктірілген сызбасындағы кез келген басқа препаратқа қарсы көрсетілімі бар болса, онда Капетеро қолдануға кеңес берілмейді.

Қолдану кезінде қажетті сақтық шаралары

Капецитабин қабылдайтын пациенттер уыттылық белгілерін анықтау үшін мұқият бақылауды қажет етеді. Жағымсыз құбылыстардың көпшілігі қайтымды және емдеуді тоқтатуды талап етпейді, бірақ бұл ретте дозаны төмендету қажет болуы мүмкін.

Басқа дәрілік препараттармен өзара әрекеттесуі

Бривудин: бривудин мен фторпиримидиндер (мысалы, капецитабин, 5-фторурацил, тегафур) арасындағы дигидропиримидиндегидрогеназаны (ДПД) бривудинмен тежеу нәтижесінде туындайтын клиникалық мәнді өзара әрекеттесуі сипатталды. Бұл өзара әрекеттесу фторпиримидиннің өлімге дейін әкеп соғатын уыттылығының айтарлықтай артуына әкелуі мүмкін. Демек, бривудинді капецитабинмен бір мезгілде енгізуге болмайды. Капецитабинді бривудинмен емдеу аяқталғаннан кейін кемінде 4 аптадан кейін қолдануға болады. Бривудинмен емдеуді капецитабиннің соңғы дозасын қабылдағаннан кейін 24 сағаттан соң бастауға болады.

Р450 2С9 цитохромының субстраттары: варфаринді қоспағанда, капецитабиннің CYP2C9 басқа субстраттарымен өзара әрекеттесуіне ресми түрде тіркелген зерттеулер жүргізілген жоқ. Капецитабинді 2C9 субстраттарымен (мысалы, фенитоинмен) бірге тағайындағанда сақ болу керек.

Антикоагулянттар-кумариннің туындылары: коагуляцияның және/немесе қан кетудің өзгертілген параметрлері капецитабинді варфарин және фенпрокумон сияқты кумаринді қатардағы антикоагулянттармен бір мезгілде қабылдаған пациенттерде тіркелді. Бұл реакциялар капецитабинмен емдеу басталғаннан кейін бірнеше күн және тіпті бірнеше ай ішінде және кейбір жағдайларда капецитабин қабылдауды тоқтатқаннан кейін бір ай ішінде пайда болды. 20 мг варфариннің бір реттік дозасынан кейін фармакокинетикалық өзара әрекеттесуді клиникалық зерттеуде капецитабинмен емдеу 91%-ға ХҚҚ мәнін арттыра отырып, S-варфариннің AUC-ы 57%-ға ұлғайтты. R-варфариннің метаболизміне әсер болмағандықтан, бұл нәтижелер капецитабин 2C9 изоферментін басатынын, бірақ 1A2 және 3A4 изоферменттеріне әсер етпейтінін көрсетеді. Капецитабинмен бір мезгілде кумариннің туындыларын - антикоагулянттарды қабылдайтын пациенттер коагуляция параметрлерінің (ПУ немесе ХҚҚ) өзгеруі мәніне тұрақты тексерілуі және тиісінше антикоагулянт дозаларын түзетуі тиіс.

Фенитоин: капецитабинді фенитоинмен бір мезгілде қолданған кезде жекелеген жағдайларда фенитоинмен уыттану симптомдарының пайда болуына әкеп соғатын, плазмадағы фенитоиннің жоғары концентрациялары тіркелді. Фенитоинді капецитабинмен бір мезгілде қабылдайтын пациенттер плазмадағы фенитоин концентрациясының жоғарылауы тұрғысынан тұрақты бақылануы тиіс.

Фолиний қышқылы/фолий қышқылы: фолиний қышқылын капецитабинмен қолдануды біріктірілген зерттеу фолиний қышқылы капецитабин мен оның метаболиттерінің фармакокинетикасына елеулі әсер етпейтінін көрсетті. Дегенмен, фолиний қышқылы капецитабиннің фармакодинамикасына әсер етеді және оның уыттылығы фолиний қышқылымен жоғарылауы мүмкін: үзік режимді пайдалана отырып, ең жоғары көтере алушылық дозасы (ЕЖКД) күніне 3000 мг/м2 құрайды, ал сол уақытта капецитабин мен фолиний қышқылының (30 мг пероральді) біріктірілімі кезінде ол небәрі күніне 2000 мг/м2 құрайды. Жоғары уыттылық 5-ФУ/ЛВ режимінен капецитабин режиміне көшу кезінде маңызды болуы мүмкін. Фолий мен фолиний қышқылының ұқсастыққа байланысты фолаттар тапшылығы кезінде фолий қышқылының қоспаларына да қатысты болуы мүмкін.

Антацидтер: құрамында алюминий және магний гидроксиді бар антацидтердің капецитабин фармакокинетикасына әсері зерттелді. Капецитабиннің және плазмадағы бір метаболит (5'-ДФЦТ) концентрациясының аздап артуы байқалды; капецитабиннің үш негізгі метаболитіне (5'-ДФУР, 5-ФУ және ФБА) олар әсер етпейді.

Аллопуринол: аллопуринолмен өзара әрекеттесуі 5-ФУ тиімділігінің төмендеуі мүмкін болатын, 5-ФУ қолданғанда байқалды. Аллопуринолды капецитабинмен бір мезгілде қолданудан аулақ болу керек.

Интерферон альфа: бір капецитабин пайдаланылған күніне 3000 мг/м2 салыстырғанда альфа-2a (күніне 3 МХБ/м2) интерферонымен біріктірілімде капецитабиннің ЕЖКД-ы күніне 2000 мг/м2 құрады.

Сәулемен емдеу: Капецитабин ЕЖКД-ы үзік режимді пайдалана отырып, монотерапия ретінде күніне 3000 мг/м2 құрайды, ал тік ішек обыры кезінде сәулемен емдеу біріктірілімінде капецитабин ЕЖКД үздіксіз режимде немесе сәулелі емнің 6 апталық курсы кезінде дүйсенбіден жұмаға дейін күнделікті қабылдауда күніне 2000 мг/м2 тең болды.

Оксалиплатин: капецитабин оксалиплатинмен біріктіріп немесе оксалиплатинмен және бевацизумабпен біріктіріп қолданғанда капецитабиннің немесе оның метаболиттерінің, бос платинаның немесе жалпы платинаның әсерінде клиникалық елеулі айырмашылықтар байқалмады.

Бевацизумаб: оксалиплатиннің қатысуымен капецитабиннің немесе оның метаболиттерінің фармакокинетикалық параметрлеріне бевацизумабтың клиникалық елеулі әсері байқалған жоқ.

Тағамдық өзара әрекеттесу

Барлық клиникалық сынақтарда пациенттерге тамақты ішкеннен кейін 30 минут ішінде капецитабинді қабылдау туралы нұсқау берілді. Қауіпсіздік пен тиімділік туралы қазіргі заманғы деректер аспен қабылдауға негізделгендіктен, капецитабинді аспен қабылдау ұсынылады. Аспен қабылдау капецитабиннің сіңу жылдамдығын төмендетеді.

Арнайы ескертулер

Доза шектеуші уыттылық

Доза шектеуші уыттылық диарея, іштің ауыруы, жүрек айнуы, стоматит және алақан-табан синдромы (алақан-табан тері реакциясы, алақан-табан эритродизестезиясы) кіреді. Жағымсыз құбылыстардың көпшілігі қайтымды және препаратты толық тоқтатуды талап етпейді, бірақ дозаны түзету немесе препаратты уақытша тоқтату қажеттілігі туындауы мүмкін.

Диарея

Капетеро кейде ауыр диарея тудыруы мүмкін. Ауыр диареясы бар пациенттерді мұқият бақылауға алған жөн, дегидратация жағдайында су және электролиттік теңгерімді қалпына келтіру үшін орын алмастыру емін жүргізу керек. Тиісті дәрі-дәрмектерді (лоперамид) мүмкіндігінше ерте тағайындау керек. Егер қажет болса, дозаны азайту керек.

Дегидратация

Сусыздану пайда болған жағдайда оның мүмкіндігінше ертерек алдын алған, немесе ем жүргізген жөн. Анорексиясы, астениясы, жүректің айнуы және құсу немесе диарея бар пациенттер дегидратацияға көбірек ұшырайды. Сусыздану жедел бүйрек жеткіліксіздігін, әсіресе бүйрек функциясы бұзылған пациенттерде немесе капецитабинді нефроуытты дәрілік заттармен бір мезгілде тағайындағанда тудыруы мүмкін. Дегидратация салдарынан дамыған жедел бүйрек жеткіліксіздігі ықтимал өлімге әкелуі мүмкін.

2-дәрежелі немесе одан жоғары дегидратация дамығанда Капетеромен емдеуді дереу тоқтатып, регидратацияны жүргізу керек. Емдеуді регидратация аяқталғанға және оны тудырған факторларды жойғанға немесе түзеткенге дейін қайта бастауға болмайды. Препараттың дозасын дегидратацияға әкеп соққан жағымсыз құбылыстарға арналған ұсынымдарға сәйкес түзету керек.

Алақан-табан синдромы (сондай-ақ алақан-табан тері реакциясы, алақан-табан эритродизестезиясы немесе химиотерапиядан туындаған акральді эритема ретінде белгілі). 1 дәрежелі алақан-табан синдромы ұйып қалу, дизестезия/парестезия, шаншу, ауырмайтын ісіну немесе қол және/немесе аяқ эритемасы және/немесе пациенттің әдеттегі белсенділігін бұзбайтын жайсыздық ретінде анықталады.

2 дәрежелі алақан-табан синдромы – бұл пациенттің белсенділігіне және күнделікті өміріне әсер ететін қолдың және/немесе аяқтың ауыратын эритемасы және ісіну және/немесе жайсыздық. 3 дәрежелі алақан-табан синдромы пациенттерде күшті жайсыздық тудыратын, қол ұшы және/немесе табанда ылғалды десквамациямен, ойық жара болуымен, күлдіреуіктердің түзілуімен және қатты батып ауырумен сипатталады, мұндай кезде күнделікті белсенділіктің кез келген түрлері мүмкін болмайды. Тұрақты немесе ауыр алақан-табан синдромы (2 дәрежелі және одан жоғары) пациенттің саусақ іздерінің жойылуына әкелуі мүмкін, бұл сәйкестендіруге әсер етуі мүмкін. Егер 2 немесе 3 дәрежелі алақан-табан синдромы туындаса, капецитабин қабылдауды жағдай қарқындылығы бойынша 1 дәрежеге дейін азайғанша немесе басылғанша үзу керек. 3 дәрежелі «алақан-табан» синдромы дамығаннан кейін капецитабиннің кейінгі дозаларын азайту керек. Капецитабин мен цисплатин біріктіріп пайдаланылса, B6 дәруменін (пиридоксинді) симптоматикалық емдеу немесе синдромның екінші қайтара профилактикасы үшін қолдануға ұсынылмайды, өйткені жарияланған хабарламаларда B6 цисплатиннің тиімділігін төмендетуі мүмкін. Декспантенолдың капецитабин алған пациенттерде синдромның профилактикасы және емдеу үшін тиімді екені туралы кейбір дәлелдері бар.

Кардиоуыттылық

Фторпиримидиндерді қолданумен байланысты кардиоуыттылық спектріне миокард инфарктісі, стенокардия, аритмия, кардиогенді шок, кенеттен өлім және электрокардиограммадағы өзгерістер (QT аралығының өте сирек ұзаруын қоса алғанда) кіреді. Бұл жағымсыз реакциялар анамнезінде жүректің ишемиялық ауруы бар пациенттерде жиі болуы мүмкін. Капецитабин алған пациенттерде жүрек ырғағының бұзылуы (оның ішінде қарыншалардың фибрилляциясы, пируэтті тахикардия және брадикардия), стенокардия, миокард инфарктісі, жүрек жеткіліксіздігі және кардиомиопатия байқалды. Анамнезінде ауыр жүрек аурулары, аритмиялар және стенокардиясы бар пациенттерді емдеуде сақ болу керек.

Гипо - немесе гиперкальциемия

Гипо - немесе гиперкальциемия капецитабинмен емдегенде байқалды. Егер пациентте гипо- немесе гиперкальциемия болса, сақтық танытқан жөн.

Орталық немесе шеткері жүйке жүйесінің аурулары

Пациенттерде орталық немесе шеткері жүйке жүйесінің аурулары болған кезде, мысалы, мидағы метастаздар немесе нейропатия кезінде сақ болу керек.

Қант диабеті немесе электролиттік теңгерімнің бұзылуы

Қант диабеті бар пациенттерде немесе электролиттік теңгерім бұзылғанда сақ болу керек, өйткені капецитабинмен емдеу кезінде жай-күйі нашарлауы мүмкін.

Антикоагулянттар-кумарин туындылары

Варфариннің бір реттік дозасымен өзара әрекеттесуін зерттеуде S-варфариннің AUC (+ 57%) орташа мәнінің едәуір ұлғаюы байқалды. Бұл нәтижелер P450 2C9 цитохромының изоферменті жүйесін капецитабинмен тежеуге байланысты өзара әрекеттесудің болуын болжайды. Бір мезгілде капецитабин мен пероральді антикоагулянттар - кумарин туындылары алатын пациенттер өздерінің антикоагулянттық жауабын (ХҚҚ немесе протромбин уақыты) мұқият бақылап, тиісінше антикоагулянт дозасын түзетуі тиіс.

Бривудин

Бривудинді капецитабинмен бір мезгілде енгізуге болмайды. Осы препараттардың өзара әрекеттесуі кезінде өлім жағдайлары тіркелді. Капецитабинді бривудинмен емдеу аяқталғаннан кейін кемінде 4 аптадан кейін қолдануға болады. Бривудинмен емдеуді капецитабиннің соңғы дозасын қабылдағаннан кейін 24 сағаттан соң бастауға болады.

Бривудинді кездейсоқ енгізгенде капецитабинмен ем қабылдайтын пациенттерге капецитабиннің уыттылығын азайту үшін тиімді шаралар қабылдау керек. Дереу ауруханаға жатқызу ұсынылады. Жүйелі инфекциялар мен дегидратацияның алдын алу үшін барлық шараларды қолдану қажет.

Бауыр жеткіліксіздігі

Бауыр жеткіліксіздігі бар пациенттерде препараттың қауіпсіздігі мен тиімділігі туралы деректердің болмауына байланысты капецитабинді бауырдың жеңіл және орташа дисфункциясы бар пациенттерде, бауырда метастаздардың болуына немесе болмауына қарамастан мұқият бақылау керек. Егер емдеу нәтижесінде билирубин деңгейі 3 еседен астам, ал бауыр аминотрансферазасының (АЛТ, АСТ) белсенділігі қалыптың жоғарғы шегінен 2,5 есе артық болса, капецитабин қабылдауды тоқтатқан жөн. Капецитабинмен монотерапияны билирубин деңгейі мен бауыр трансаминазаларының белсенділігі көрсетілген шектерден төмендегенде қайта бастауға болады.

Бүйрек жеткіліксіздігі

Орташа бүйрек жеткіліксіздігі бар пациенттерде (креатинин клиренсі 30-50 мл/мин) 3 немесе 4 дәрежелі жағымсыз реакциялар жиілігі жалпы популяциямен салыстырғанда жоғарылаған.

Дигидропиримидиндегидрогеназа (ДПД) тапшылығы: 5-фторурацилмен байланысты сирек, күтпеген, ауыр уыттылығы (мысалы, стоматит, диарея, шырышты қабықтың қабынуы, нейтропения және нейроуыттылық) ДПД белсенділігінің жетіспеушілігімен түсіндіріледі.

Фторурацил метаболизміне қатысатын ДПД ферментінің толық немесе ішінара тапшылығы бар пациенттер фторурацил қолданудан туындаған өмірге қауіпті (өлім жағдайларын қоса алғанда) жағымсыз құбылыстардың жоғары қаупіне ұшырайды.

Офтальмологиялық асқынулар: пациенттерді кератит және қасаң қабықтың бұзылуы сияқты офтальмологиялық асқынуларға, әсіресе бұрын көру бұзылыстары болса, мұқият бақылау керек. Көру бұзылыстарын емдеуді клиникалық мақсатқа сай бастау керек.

Ауыр тері реакциялары: капецитабин Стивенс-Джонсон синдромы және уытты эпидермальді некролиз сияқты ауыр тері реакцияларын тудыруы мүмкін. Емдеу кезінде елеулі тері реакцияларын бастан өткерген пациенттерге капецитабинді қолдануды тоқтату керек.

Қосымша заттар

Бұл дәрілік препараттың құрамында лактоза бар. Галактозаға жақпаушылығы, жалпы лактаза тапшылығы немесе глюкоза-галактоза мальабсорбциясы сияқты сирек тұқым қуалайтын бұзылулары бар пациенттерге бұл дәріні қабылдауға болмайды.

Бұл дәрілік препараттың құрамында бір таблеткаға шаққанда 1 ммоль аз натрий (23 мг) бар, яғни құрамында натрий жоқ деуге болады.

Педиатрияда қолдану

Капецитабиннің қауіпсіздігі мен тиімділігі балаларда анықталмаған.

Жүктілік немесе лактация кезінде

Ұрпақ өрбіту жасындағы әйелдер/Ерлер мен әйелдердегі контрацепция

Ұрпақ өрбіту жасындағы әйелдерге капецитабинмен емдеу кезінде контрацепцияның сенімді әдісін ұсынуы керек. Егер капецитабинді қабылдау кезінде әйел пациент жүкті болса, шарана үшін ықтимал қауіпті түсіндіру керек. Контрацепцияның сенімді әдісін емдеу кезінде және капецитабиннің соңғы дозасын қабылдағаннан кейін 6 ай бойы қолдану керек.

Генетикалық уыттылық нәтижелеріне сүйене отырып, ұрпақ өрбіту жасындағы серіктері бар еркек жынысты пациенттер емдеу кезінде және капецитабиннің соңғы дозасын қабылдағаннан кейін 3 ай ішінде контрацепцияның сенімді әдісін пайдалануы тиіс.

Жүктілік

Жүктілік кезінде капецитабинді қолдануға болмайды.

Лактация кезеңі

Капецитабинмен емдеу кезінде бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Капетеро бас айналуы, шаршау және жүрек айнуын туындатуы мүмкін.

Препараттың көлік құралдарын немесе қауіптілігі зор механизмдерді басқару қабілетіне әсері әлсіз немесе орташа.

Қолдану бойынша ұсынымдар

Ісікке қарсы дәрілік заттарды қолдану тәжірибесі бар білікті дәрігер ғана тағайындауы тиіс. Емдеудің бірінші циклі кезінде мұқият мониторинг барлық пациенттер үшін ұсынылады.

Дозалау режимі

Стандартты доза

Монотерапия

Тоқ ішек обыры, колоректальді обыр және сүт безінің обыры

Капетероның монотерапия үшін ұсынылатын дозасы 7 күн үзіліспен 2 апта бойы 1250 мг/м2-нан 2 рет, яғни тәулігіне таңертең және кешке қабылдауға бөлінген 2500 мг/м2 құрайды.

Біріктірілген ем

Тоқ ішек обыры, колоректальді обыр және асқазан обыры

Біріктірілген ем кезінде Капетероның ұсынылатын бастапқы дозасы кейіннен 7 күн үзілісімен екі апта ішінде тәулігіне екі рет 800-1000 мг/м2 дейін немесе үздіксіз ем кезінде тәулігіне екі рет 625 мг/м2 дейін азайтылуы тиіс.

Иринотеканмен біріктірілген ем кезінде Капетероның ұсынылатын бастапқы дозасы 2 апта ішінде тәулігіне екі рет 800 мг/м2 құрайды, кейін 7 күн үзіліс болады. Иринотекан әр үш апталық циклдің бірінші күнінде 200 мг/м2 тағайындалады.

Бевацизумабты біріктірілген емге қосу Капетероның бастапқы дозасына әсер етпейді.

Гидратацияның адекватты деңгейін ұстап тұру үшін премедикацияны және антиэметикаға қарсы профилактиканы цисплатин немесе оксалиплатинді Капетеромен біріктіріп енгізу басталғанға дейін қолдану жөніндегі нұсқаулыққа сәйкес жүргізеді.

Сүт безінің обыры

Доцетакселмен біріктірілімде

Капетероны доцетакселмен біріктіріп 2 апта бойы, кейін 7 күн үзіліс жасап, тәулігіне 2 рет 1250 мг/м2 дозада тағайындайды. Доцетакселді 3 аптада 1 рет 75 мг/м2 дозада сағаттық вена ішіне инфузия түрінде енгізеді. Премедикация доцетакселді Капетеромен бірге енгізер алдында доцетакселді қолдану жөніндегі нұсқаулыққа сай жүргізіледі.

Капетеро дозасын дене бетінің ауданына байланысты есептейді. Төменде берілген 1 мен 2-кестелер дене бетінің әрбір м2 шаққанда 1250 мг-ға немесе 1000 мг-ға есептелген Капецитабиннің стандартты және азайтылған дозаларын көрсетеді.

1-кесте. Дене бетінің әрбір м2 шаққанда 1250 мг-ға есептелген Капетероның стандартты және азайтылған дозалары.

2-кесте. Дене бетінің әрбір м2 шаққанда 1000 мг-ға есептелген Капетероның стандартты және азайтылған дозалары.

Емдеу барысында дозаны түзету

Жалпы ережелер

Капетеромен емдеген кезде уыттану құбылыстарын симптоматикалық ем жәрдемімен және/немесе Капетеро дозасын (емдеуді тоқтатып немесе препарат дозасын азайтып) өзгерту арқылы жоюға болады. Егер бір рет Капетеро дозасын азайтуға тура келген болса, онда кейін оны арттырмаған жөн. Емдеуші дәрігер уыттану белгілері пациенттің өмірі үшін қауіпті емес деп, немесе олардың дәрежесі ауыр емес деп есептеген жағдайларда Капетеромен емдеуді бастапқы дозада, емдеуді тоқтатпай, қайта жаңғыртуға болады.

1 дәрежелі уыттылықта дозаны түзетпеген жөн. 2 және 3 орташа дәрежелі уыттылықта Капетеро қабылдауды тоқтатқан жөн. Жағымсыз құбылыстар мәселесі шешілгеннен кейін немесе олардың айқындылығы 1 дәрежеге дейін азайғаннан кейін, Капетероны қабылдауды 3-кестеде көрсетілген нұсқауларға сәйкес түзете отырып, толық дозада қайта бастауға болады. 4 дәрежедегі уыттылық белгілері дамыған жағдайда емдеуді тоқтатқан немесе симптоматика ауырлығы 1 дәрежеге дейін азайғанға дейін уақытша тоқтата тұрған жөн, содан кейін препаратты қолдануды бастапқының 50%-ын құрайтын дозада қайта бастауға болады.  Егер уытты құбылыстарға байланысты Капетероның бірнеше қабылдануын өткізіп алған болса, онда бұл дозалардың орнын толтырмайды, тек емдеудің жоспарланған циклін әрі қарай жалғастырады (3-кесте).

3-кесте. Уыттылығына байланысты дозаны модификациялау жөніндегі нұсқаулар.

(*) - Канаданың ұлттық онкологиялық институтының (NCIC CTG) жалпы уыттылық критерийлеріне (1 нұсқа) және АҚШ Ұлттық онкологиялық институты Обыр терапиясын бағалау бағдарламасының жағымсыз құбылыстар критерийлерінің жалпы терминологиясына (CTCAE) (3.0 нұсқа) сәйкес. Алақан-табан синдромы мен гипербилирубинемияға арналған деректер «Айрықша нұсқаулар мен сақтық шаралары» бөлімінде келтірілген.

Гематологиялық уыттылық

Нейтрофилдердің бастапқы саны <1,5 x 109/л және/немесе тромбоциттердің бастапқы саны <100 x 109/л болатын пациенттерге капецитабинмен емдеуді тағайындауға болмайды. Егер емдеу барысында жүргізілетін жоспардан тыс зертханалық зерттеулердің нәтижелері 3-ші және 4-ші дәрежелі гематологиялық уыттылықты көрсетсе, капецитабинмен емдеуді тоқтату қажет.

Әдеттегі біріктірілген ем

Біріктіріп емдеген кезде пайда болған уыттылықта дозаны модификациялауды 3-кестедегі нұсқауларға және Капетеро препаратымен бірге қолданылған препараттардың медициналық қолдану жөніндегі нұсқаулыққа сай жүргізген жөн.

Циклдің басында

Егер Капетеро препаратын немесе химотерапиялық режимдегі басқа препаратты енгізуді кідірте тұру қажет болса, пациенттің жағдайы Капетеро препаратымен және таңдап алынған біріктірілімнің басқа препараттармен емдеуді бастауға мүмкіндік беретін критерийлерді қанағаттандырғанша, емдеу сызбасына кіретін басқа препараттарды да тоқтата тұрған жөн.

Цикл кезінде

Егер біріктірілген химиотерапия циклін жүргізу кезінде емдеуші дәрігер Капетеромен астасқан деп есептемейтін уыттылық белгілері (мысалы, нейроуыттылық, отоуыттылық, сенсорлы нейропатия, сұйықтық іркілісі, соның ішінде плевральді немесе перикардиальді жалқық, асцит, сондай-ақ қан кету, асқазанның немесе ішектің тесілуі, протеинурия, гипертензия) пайда болса, онда Капетеро препаратын қабылдауды жалғастырған жөн, ал басқа препараттың дозасын оны қолдану жөніндегі нұсқаулыққа сай түзету керек.

Егер басқа препарат(тар) уыттылық себебіне байланысты тоқтатылуы тиіс болса, онда Капетеро препаратымен емдеуді, пациенттің жағдайы қанағаттанарлықтай деп есептелген жағдайда, Капетеро қабылдауды жалғастыруға болады.

Дозалау жөнінде арнайы нұсқаулар

Бауыр жеткіліксіздігі

Дозаны түзетуді ұсыну үшін бауыр функциясы бұзылған пациенттерде қауіпсіздігі мен тиімділігі туралы жеткілікті деректер жоқ. Циррозға немесе гепатитке байланысты бауыр жеткіліксіздігі туралы ақпарат жоқ.

Бүйрек жеткіліксіздігі

Бүйрек функциясының ауырлығы орташа жеткіліксіздігі (креатинин клиренсі (КК) 30-50 мл/мин) бар пациенттерде емнің басында дозаны 1250 мг/м2 бастап 75%-ға дейін азайту қажет. Бүйрек функциясының жеңіл дәрежедегі жеткіліксіздігі (КК 51-80 мл/мин) бар пациенттерде дозаны төмендету керек емес.

Егер пациентте 2-4 дәрежедегі жағымсыз құбылыстар пайда болса, онда оның жағдайын мұқият бақылаудың шұғыл шараларын қолға алған жөн, қажет болған жағдайда емдеуді тоқтатып, әрі қарай дозаны 3-кестедегі нұсқауларға сай түзету керек. Егер емдеу үдерісінде КК 30 мл-ден төменге түсіп кетсе, Капетеро қабылдауды тоқтатқан жөн. Бүйрек функциясының ауырлығы орташа жеткіліксіздігі бар пациенттерде дозаны түзету жөнінде нұсқаулар Капетеромен монотерапия жүргізуге де, сондай-ақ біріктірілген сызбаларға да қатысты. Тәуліктік дозаны есептеу үшін 1 және 2 кестелерді қараңыз.

Егде жастағылар

Капетеромен монотерапияда дозаны түзетудің қажеттілігі жоқ. Алайда 80 жастан асқан пациенттерде, жас адамдарға қарағанда, ауырлығы 3 және 4 дәрежелі жағымсыз құбылыстар жиі пайда болады. Біріктіріп емдеген кезде егде жастағы (65 жастан асқан) адамдарда Капетероны қабылдауды тоқтатуды қажет ететін, 3 және 4 дәрежелі жағымсыз реакциялар, жас пациенттерге қарағанда, жиі пайда болады. Егде жастағы пациенттерді мұқият бақылау ұсынылады. Доцетакселмен біріктірілген Капетеромен емдеген кезде 3 және 4 дәрежедегі жағымсыз реакциялардың және емдеумен байланысты ауыр жағымсыз құбылыстардың жоғарырақ жиілігі 60 жастан асқан пациенттер тобында жасырақ пациенттерге қарағанда байқалды. Сондықтан 60 жастан асқан адамдарға Капетероны доцетакселмен біріктіргенде бастапқы дозасын 75%-ға дейін (тәулігіне 2 рет 950 мг/м2) төмендету қажет болады. Дозаны есептеу үшін 2-кестені қараңыз.

Балалар жасы

Балалар популяциясында Капецетабин тоқ ішек обыры, колоректальді обыр, асқазан және сүт безінің обыры сияқты көрсетілімдер бойынша қолданылмайды.

Енгізу әдісі мен жолы

Капетеро таблеткаларын ішке, тамақтанудан кейін 30 минуттан соң сумен ішіп қабылдайды. Таблеткаларды бүтіндей жұтып қою керек, оларды ұсақтауға және бөлшектеуге болмайды.

Емдеу ұзақтығы

III дәрежелі колоректальді обыры бар пациенттерге адъювантты монотерапия немесе біріктірілген ем жалпы алғанда 6 ай ұсынылады.

Артық дозалану жағдайында қабылдануы қажет шаралар

Симптомдары: жүрек айнуы, құсу, диарея, шырышты қабықтың қабынуы, асқазан-ішек жолының тітіркенуі және қан кету, сүйек кемігі функциясының тежелуі.

Емі: симптоматикалық және орын алмастыратын емдеу

Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000 < 1/1000 дейін), өте сирек (< 1/10000).

Монотерапия

Өте жиі

• анорексия

• диарея, құсу, жүрек айнуы, стоматит (оның ішінде ойық жара), іштің ауыруы

• алақан-табан эритродизестезиясы синдромы**

Жиі

• герпес вирустық инфекциялары, назофарингит, төменгі тыныс жолдарының инфекциялары

• нейтропения, анемия

• сусыздану, дене салмағының төмендеуі, тәбеттің төмендеуі

• ұйқысыздық, депрессия

• бас ауыру, сылбырлық, бас айналу (вертигодан басқа), парестезиялар, дисгевзия

• шамадан тыс көзден жас ағу, конъюнктивит, көздің тітіркенуі

• тромбофлебит

• ентігу, мұрыннан қан кету, жөтел, ринорея

• асқазан-ішектен қан кету, іштің қатуы, іштің жоғарғы бөлігіндегі ауырсыну, диспепсия, метеоризм, ауыздың құрғауы

• гипербилирубинемия, бауырдың функционалдық тесттерінің өзгеруі

• тері бөртпесі, алопеция, макулезді бөртпе, эритема, терінің құрғауы, қышыну, гиперпигментация, терінің қабыршақтануы, дерматиттер, тырнақтың өзгеруі, тері пигментациясының бұзылуы

• аяқ-қолдың ауыруы, арқаның ауыруы, артралгия

• қызба, шеткері ісіну, әлсіздік, кеуденің ауыруы

Жиі емес

• сепсис, несеп шығару жолдарының инфекциялары, целлюлит, тонзиллит, фарингит, ауыз қуысының шырышты қабығының кандидозы, тұмау, гастроэнтерит, зеңдік инфекциялар, инфекциялар, тіс абсцессі

• липома

• фебрильді нейтропения, панцитопения, гранулоцитопения, тромбоцитопения, лейкопения, гемолитикалық анемия, халықаралық қалыптасқан қатынастың ұлғаюы, протромбин уақытының ұзаруы

• аса жоғары сезімталдық

• ас қорытудың бұзылуы, қант диабеті, гипокалиемия, гипертриглицеридемия

• сананың шатасуы, үрейлі атака, либидоның төмендеуі, жабырқаңқы көңіл

• афазия, есте сақтаудың бұзылуы, атаксия, естен тану, тепе-теңдіктің бұзылуы, сезімталдықтың жоғалуы, шеткері нейропатия

• көз көргіштігінің төмендеуі, дипломопия

• вертиго, құлақтың ауыруы

• стенокардия, оның ішінде тұрақсыз, ишемия/миокард инфарктісі, аритмия, қарыншалық аритмия (оның ішінде жүрекше фибрилляциясы), тахикардия, синусты тахикардия, жүрек соғуын сезіну

• терең веналардың тромбозы, артериялық қысымның жоғарылауы/төмендеуі, петехий, қан кернеуі, аяқ-қолдың дистальді бөлімдерінің салқындауы

• өкпе артериясының эмболиясы, пневмоторакс, қан қақыру, бронх демікпесі, физикалық жүктеме кезіндегі ентігу

• ішектің бітелуі, асцит, энтерит, гастрит, дисфагия, іштің төменгі бөлігінің ауыруы, эзофагит, іштің жайсыздығы, гастроэзофагеальді рефлюкс, колит, нәжістегі қан

• сарғаю

• терінің ойық жаралары, күлдіреуіктер, сәулелі дерматит, есекжем, фотосезімталдық реакциялары, алақан эритемасы, бет ісінуі, пурпура, тоқтатудың радиациялық синдромы

• буындардың ісінуі, сүйектердің ауыруы, беттегі ауыруы, буындардағы қимыл шектелісі, бұлшықет әлсіздігі

• гидронефроз, несеп тоқтамау, гематурия, никтурия, қан плазмасында креатинин концентрациясының жоғарылауы

• қынаптық қан кету

• ісіну, қалтырау, тұмауға ұқсас синдром, дене қызуының көтерілуі, дірілдеу

Сирек

• көзжас арнасының анықталмаған стенозы, қасаң қабығының зақымдануы, кератит, нүктелі кератит

• қарыншалардың фибрилляциясы, QT аралығының ұзаруы, «пируэт» типті қарыншалық тахикардия, брадикардия, вазоспазм

• бауыр жеткіліксіздігі, холестаздық гепатит

• жүйелі қызыл жегі (терілік түрі)

• Соғылу

Өте сирек

• Ангионевроздық ісіну

• уытты лейкоэнцефалопатия

• Стивенс-Джонсон синдромы және уытты эпидермальді некролиз сияқты ауыр тері реакциялары

** Постмаркетингтік тәжірибе көрсеткендей, алақан-табан эритродизестезиясының тұрақты немесе ауыр синдромы (2 дәрежесі және одан жоғары) ақырында саусақ іздерінің жоғалуына әкелуі мүмкін.

Капетеромен біріктірілген ем

Өте жиі

• нейтропения (оның ішінде температураның 38°С-ден жоғары көтерілуімен байланысты 3-4 дәрежелі нейтропения)*, лейкопения*, анемия*, тромбоцитопения

• дене салмағының төмендеуі, тәбеттің төмендеуі

• парестезия, дизестезия, шеткері нейропатия, шеткері сенсорлық нейропатия, дисгевзия, бас ауыру

• көзден шамадан тыс жас ағу

• аяқтың ісінуі, артериялық қысымның жоғарылауы, тромбоз/эмболия*

• тамақтың ауыруы, жұтқыншақ-көмей дизестезиясы

• іш қату, диспепсия

• алопеция, тырнақтардың өзгеруі

• миалгия, артралгия, аяқ-қолдың ауыруы

• қызба, әлсіздік*, сылбырлық (3-4 дәрежелі), аса жоғары және төмен температураларға жоғары сезімталдық

Жиі

• несеп жолдарының инфекциясы, ауыз қуысының кандидозы, жоғарғы тыныс жолдарының инфекциялары, ринит, тұмау, инфекция*, ауыз қуысының герпесі

• миелосупрессия, фебрильді нейтропения*

• аса жоғары сезімталдық

• гипокалиемия, гипонатриемия, гипомагниемия, гипо/гиперкальциемия, гипергликемия

• ұйқының бұзылуы, мазасыздық

• нейроуыттылық, тремор, невралгия, гипестезия

• көрудің бұзылуы, көрудің бұлыңғырлануы, көздің құрғауы, көздің ауыруы

• құлақтағы шуыл, кереңдік

• жүрекшелер фибрилляциясы, миокард ишемиясы (оның ішінде миокард инфарктісі)

• гиперемия, артериялық қысымның төмендеуі, гипертониялық криз, қан кернеуі, флебит

• мұрыннан қан кету, ринорея, жұтқыншақтың және көмейдің ауыруы, дисфония

• АІЖ жоғарғы бөліктерінен қан кету, ықылық, ауыз қуысының шырышты қабығының ойық жаралары, гастрит, іштің кебуі, гастроэзофагеальді рефлюкс, ауыз қуысындағы ауырсыну, дисфагия, тік ішектен қан кету, іштің ауыруы, дизестезия, парестезия және ауыз аймағындағы гипестезия, іштегі жайсыздық

• бауыр жеткіліксіздігі

• гипергидроз, эритематозды бөртпе, есекжем, түнгі терлеу

• жақ ауыруы, бұлшықеттің түйілуі, тризм, бұлшықеттің әлсіздігі

• гематурия, протеинурия, креатинин клиренсінің төмендеуі, дизурия

• ауыру, шырышты қабықтың қабынуы, аяқ-қолдың ауыруы, қалтырау, кеуденің ауыруы, тұмауға ұқсас синдром, қанталану, қызба*, инфузия орнының ауыруы, инъекция орнының ауыруы

Сирек

• дегидратация салдарынан жедел бүйрек жеткіліксіздігі

Жиілік санаттары 3-ші және 4-ші дәрежелі жағымсыз әсерлерге жататын, *символымен белгіленген реакциялардан басқа, реакциялардың барлық ауырлық дәрежелері үшін көрсетілген. Жағымсыз қолайсыз құбылыстар негізгі біріктірілген зерттеулердің кез келгенінде байқалатын анағұрлым көп жиілікке сәйкес қосылған.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 500 мг капецитабин

қосымша заттар – сусыз лактоза, натрий кроскармеллозасы, гипромеллоза 2910 5CPS, микрокристалды целлюлоза, магний стеараты.

Үлбірлі қабық – опадрай қызғылт 03 А84598**: гипромеллоза, тальк, титанның қостотығы (Е 171), темірдің қызыл тотығы Е172, темірдің сары тотығы Е172.

Сыртқы түрінің, иісінің, дәмінің сипаттамасы

Сопақша пішінді, екі жақ беті дөңес, сарғыш реңді қызғылт түсті үлбірлі қабықпен қапталған, бір жақ бетінде '3' өрнегі және басқа жақ бетінде 'Н' өрнегі бар таблеткалар

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді 2 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босату шарттары

Рецепт арқылы

Өндіруші туралы мәліметтер

ХЕТЕРО ЛАБС ЛИМИТЕД

Телангана штаты,Үндістан.

Телефон: +914023704923/24/25

E-mail: contact@heterodrugs.com

Тіркеу куәлігінің ұстаушысы

"CAMBER PHARMA (КАМБЕР ФАРМА)" ЖШС, Қазақстан

050059, Алматы қ., Әл-Фараби д-лы, 13

тел.: +77273115362, +77013481255, +77013099613

факс: +77273115362

E-mail: regulatory-pvg.kz@camberglobal.com

PV.kazakhstan@heterodrugs.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

"CAMBER PHARMA (КАМБЕР ФАРМА)" ЖШС, Қазақстан

050059, Алматы қ., Әл-Фараби д-лы, 13

тел.: +77273115362, +77013481255, +77013099613

факс: +77273115362

E-mail: regulatory-pvg.kz@camberglobal.com

PV.kazakhstan@heterodrugs.com