Кандибене® (100 мг)

МНН: Клотримазол
Производитель: МЕДА Мануфакчеринг ГмбХ
Анатомо-терапевтическо-химическая классификация: Clotrimazole
Номер регистрации в РК: № РК-ЛС-5№018731
Информация о регистрации в РК: 10.05.2017 - 10.05.2022

Инструкция

Саудалық атауы

Кандибене®

Халықаралық патенттелмеген атауы

Клотримазол

Дәрілік түрі

100 мг, 200 мг қынаптық таблеткалар

Құрамы

Бір таблетканың құрамында:

белсенді зат: 100 мг, 200 мг клотримазол,

қосымша заттар: лактоза моногидраты, прежелатинделген жүгері крахмалы, адипин қышқылы, натрий гидрокарбонаты, магний стеараты, коповидон (Коллидон VA 64), сусыз коллоидты кремний, полисорбат 80.

Сипаттамасы

Сопақша, екі жағы дөңес, бір жағында “СL” белгісі ойылып жазылған ақ таблеткалар (100 мг доза үшін).

Сопақша, екі жағы дөңес ақ таблеткалар (200 мг доза үшін).

Фармакотерапиялық тобы

Антисептиктер және гинекологиялық ауруларды емдеуге арналған микробқа қарсы препараттар. Имидазол туындылары.

АТЖ коды G01АF 02

Фармакологиялық қасиеттері

Фармакокинетикасы

Қынаптық қолданғаннан кейін фармакокинетикалық зерттеулер клотримазолдың ең төменгі мөлшері сіңірілетінін (3-10 % кем) көрсетеді. Қан плазмасындағы ең жоғары концентрациясы 10 нг/мл-ден төменді құрайды, мөлшері аңықтауға жататын жүйелі әсерлерді немесе жағымсыз әсерлерді туындатпайды. Клотримазол имидазол сақинасының тотығуы және ыдырауы (деаминирлену, О-деалкилирлену) арқылы бауырда белсенсіз гидроксильді дериват түрінде сіңеді, негізінен өт арқылы шығарылады.

Фармакодинамикасы

Кандибене® фунгистатикалық әсерге ие. Зеңдер жасушалық жарғақшасы құрамына кіретін эргостерол биосинтезін бәсеңдетудің салдарынан жарғақша өткізгіштігі бұзылады. Соңымен қатар, Кандибене® фунгистатикалық концентрациясында сутегінің асқын тотығының концентрациясының уытты жоғарылауына әкеледі, ол зеңдердің жасушалық қырылуын туындатады.

Кандибене® кең ауқымды әсер етеді. Дерматофиттерге, өңезді зеңдер, Candida текті зеңдер, диморфтық зеңдерге қатысты белсенді. МИК сол типтердегі зеңдер үшін 0,062-4(-8) мкг/мл субстраттан төменді құрайды. Кандибене® 0,5-10 мкг/мл субстрат концентрациясында Corynebacterіum және энтерококктан басқа грамоң кокктардың көбеюін бәсеңдетеді, және бұл зат 100 мкг/мл-де трихомонадоцидті әсер етеді.

Қолданылуы

  • Candіda және/немесе Trіcomonas vagіnalіs тектес (кандидозды вульвовагиниттерде, трихомониазда) ашытқы зеңдері тудыратын генитальдық жұқпаларда

  • клотримазолға сезімталдығы бар бактериялар туындатқан генитальді супержұқпаларда

Қолдану тәсілі және дозалары

Кандибене®-ні кешке аяғын тізе тұсында бүгіп, шалқасынан жатып аппликатордың көмегімен қынап ішіне барынша терең енгізеді. Емдеуді курстап жүргізеді: қынаптық 200 мг Кандибене®-нің 1 таблеткасын күнделікті 3 күн бойы немесе 100 мг 6 күн бойы енгізу керек. Керек болған жағдайда курстық емді қайталауға болады. Кандибене® қолдануда жақсы емдік нәтижеге жету үшін аурудың жедел белгілерінің бетін қайтарғаннан кейін, емдеуді бірден тоқтатуға болмайды.

Жағымсыз әсерлері

Кейде

- қайтымды қызарулар, шаншу және дуылдау сезімдері.

Қолдануға болмайтын жағдайлар

- клотримазолға немесе басқа компонентеріне асқын сезімталдықта

- балалар мен 18 жасқа дейінгі жасөспірімдерге

Дәрілермен өзара әрекеттесуі

Кандибене® препараты мен:

  • амфотерицин В және басқа полиенді антибиотиктерді бір мезгілде қолданғанда соңғылардың белсенділігі төмендейді.

Айрықша нұсқаулар

Урогениталді реинфекцияны болдырмау үшiн жыныстық жұптастарын бiр уақытта емдеу керек.

Трихомониазда жүйелiк әсерге ие болатын басқа дәрiлік заттарды Кандибенемен® бiрге тағайындау керек (мысалы, ішке метронидазол қабылдау).

Кандибенені® етеккір кезінде пайдалауға болмайды. Еттеккір кезінде бұл дәріні тек аурудың айқын клиникалық белгілерінде ғана қолдануға болады.

Жүктілік және лактация кезеңі

Жүктілік кезеңінде препаратты тағайындау қажеттілігін анықтағанда, ол әр әйел үшін дәрігердің кеңесінен кейін, жеке шешілуі керек. Жүкті әйелге препаратты тағайындағанда Кандибене® қынаптық таблеткасын қынапқа енгізерде, ол әйел аппликаторды қолданбасын деп ескерту қажет.

Кандибене® препаратын жүктіліктің I триместрінде пайдаланған кезде өте мұқият болған дұрыс.

Сыртқа қолданғанда Кандибененің® ең төмен дәрежеде сіңіуіне байланысты емшекпен емізуде қауіпсіз.

Дәрілік заттың көлікті немесе қауіпті механизмдерді басқару қабілетіне әсер ету ерекшеліктері

Белгісіз.

Артық дозалануы

Кандибенені® жоғары дозада қолдану қандай да бір өмірге қауіп туғызатын реакцияны немесе жағдайды туындатпайды. Егер кездейсоқ жағдайлардың нәтижесінде препарат ішке қабылданса, ол мынадай белгілермен білінуі мүмкін: анорексия, лоқсу, құсу, асқазанның ауыруы, бауыр қызметінің бұзылуы, сирек түрде - ұйқышылдық, елестер, поллакиурия, терінің аллергиялық реакциялары.

Емі: симптоматикалық. Арнайы у қайтарғы жоқ.

Шығарылу түрі және қаптамасы

100 мг және 200 мг қынаптық таблеткалар.

Баспалы алюминий фольгадан және поливинилхлоридті үлбірден жасалған пішінді ұяшықты қаптамада 3 таблеткадан. 1 (200 мг үшін) немесе 2 (100 мг үшін) пішінді қаптамадан аппликатормен және медицинада қолданылуы жөніндегі мемлекеттік және орыс тілдерінде жазылған нұсқаулықпен бірге картон қорапқа салынған.

Сақтау шарттары

25˚С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

«МЕДА Мануфакчеринг ГмбХ», Германия

Тіркеу куәлігінің иесі

«ратиофарм ГмбХ», Германия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«ратиофарм Қазақстан» ЖШС, 050023, Алматы қаласы, Бағанашыл ықш.-ауд.,

Сырғабеков көшесі, 17. Телефон: +7 (727) 269 69 92, 321 02 72, 321 02 73,

Факс: +7 (727) 321 02 74, электронды пошта: info@ratiopharm.kz

 

 

Прикрепленные файлы

696128671477977136_ru.doc 50.5 кб
888821351477978303_kz.doc 60.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники