Инфорин Актив
Инструкция
-
русский
-
қазақша
Саудалық атауы
Инфорин Актив
Халықаралық патенттелмеген атауы
Жоқ
Дәрілік түрі
Сыртқа қолдануға арналған гель, 40 г
Құрамы
1 г гель құрамында
белсенді заттар: 50 мг ибупрофен,
30 мг левоментол,
қосымша заттар: 96% этанол, пропиленгликоль, карбомер интерполимеры (карбопол ультрез), диизопропаноламин, тазартылған су.
Сипаттамасы
Түссізден ақшыл-сары түске дейінгі гель тәріздес мөлдір масса
Фармакотерапиялық тобы
Қимыл-тірек аппаратының ауруларын жергілікті емдеуге арналған препараттар. Қимыл-тірек аппаратының ауруларын жергілікті емдеуге арналған басқа да препараттар. Өзге де препараттар.
АТХ коды M02АХ10
Фармакологиялық қасиеттері
Фармакокинетикасы
Ибупрофен жергілікті қолданған кезде тері арқылы сіңіріледі. Жергілікті қолданған кезде сіңірілу деңгейі пероральді қабылдаған кездегі сіңірілу деңгейінің шамамен 5% құрайды. Қан плазмасындағы ибупрофеннің ең жоғарғы концентрациясына қолданғаннан кейін 2 сағаттан кейін жетеді және 0.6 мкг/мл құрайды. Ибупрофен бүкіл организмге жылдам және қарқынды таралады, плазма ақуыздарымен 99% байланысады. Ибупрофен гидроксилдену және карбоксилдену арқылы бауырда метаболизмге ұшырайды. Нәтижесінде екі белсенді емес метаболит пайда болады. Ибупрофеннің плазмадан жартылай шығарылу кезеңі 2,5 сағатты құрайды. Фармакологиялық белсенді емес метаболиттер негізінен бүйрек арқылы (90%), сондай-ақ өтпен шығарылады.
Левоментол полярлық метаболиттер түрінде бүйрек арқылы және аздаған мөлшерде СО2 түрінде деммен шығатын ауамен шығарылады.
Фармакодинамикасы
Препараттың фармакологиялық әсері гельдің құрамында екі компонент: ибупрофен және ментолдың болуымен шартталған.
Ибупрофен фенилпропион қышқылының туындысы простогландин-синтетазасының тежегіші болып табылады, жергілікті қолданған кезде ауыруды басатын және қабынуға қарсы әсерге иеленген.
Ментол ауыру сезімінің жеңілдеуімен және тері мен оның астындағы тіннің температурасының көтерілуімен, тері гиперемиясымен байқалатын тамырды тарылтатын және алаңдататын әсер көрсете отырып, терінің ауыру рецепторларын рефлекстік ынталандырады. Осылайша, ментол бұлшықеттің, сіңірдің және буындардың ауыруының төмендеуіне көмектеседі.
Қолданылуы
- шығу тегі әр түрлі бұлшықет және буын ауыруын жергілікті симптоматикалық емдеуде, сондай-ақ ауыруы мен қабынуды азайту үшін жеңіл жарақатты зақымдануда (сіңірдің созылуы, соғылу, спорттық жарақаттар)
- ревматизм кезінде ауыру синдромын кешенді емдеуде
Қолдану тәсілі және дозалары
Ересектер мен 12 жастан асқан балаларда, сондай-ақ егде жастағы тұлғаларда тек сыртқа қолдануға арналған. 1-4 см гельді ауыратын аймаққа жағады және сіңгенге дейін аздап сылайды. Қажет болған жағдайда қайта қолданады, әр қолдану арасында кем дегенде 4 сағат аралықты сақтай отырып, күніне үш ретке дейін қолданады. Егер екі апта емдегеннен кейін жағдай жақсармаса, дәрігерге қаралған жөн.
12 жастан кіші балалар
Тиімділік қауіпсіздігі бойынша деректердің жоқтығына байланысты препаратты 12 жастан кіші балаларға қолдану ұсынылмаған.
Егде жастағы тұлғалар
Егде жастағы пациенттерде барлық ҚҚСП жағымсыз реакциялардың дамуына айқын бейімділігіне байланысты сақтықпен қолданған жөн.
Бүйрек және бауыр функциялары бұзылған пациенттер
Айқындылық дәрежесі жеңілден орташаға дейінгі бауыр және бүйрек функциялары бұзылған пациенттерде құрамында ибупрофен бар препараттарды клиникалық симптоматиканы жою үшін қажетті болатын ең қысқа мерзім ішінде ең төмен тиімді дозада қабылдаған жөн.
Жағымсыз әсерлері
Жағымсыз реакциялардың пайда болу жиілігін бағалау үшін келесі критерийлер қолданылады: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректер бойынша бағалау мүмкін емес).
Жиі:
- бөртпе, қышыну, есекжем, терінің құрғауы, қызаруы, күйдіріп-ашыту сезімі, жанаспалы дерматит.
Сирек (ибупрофенге байланысты аса жоғары сезімталдық реакциялары):
- спецификалық емес аллергиялық және анафилаксиялық реакциялар
- тыныс алу жолы тарапынан жоғары сезімталдық реакциялары (демікпе, демікпенің асқынуы, бронх түйілуі және ентігу)
- бөртпе, қышыну, есекжем, пурпура, ангионевроздық ісіну, сирегірек буллезды дерматоздар (уытты эпидермалды некролиз, мультиформалы эритема).
Өте сирек:
- ҚҚСП жергілікті қолданған кезде (гельдің жағылған мөлшеріне, гель жағылатын беткейдің көлеміне, тері тұтастығының деңгейіне, емдеу ұзақтығы мен окклюзиялық таңғышты пайдалануға байланысты) іштің ауыруы, диспепсия, бүйрек жеткіліксіздігі сияқты жүйелік әсерлердің пайда болуы мүмкін.
Белгісіз:
- бүйрек функциясының бұзылулары (анамнезде бүйрек ауыруы туралы деректер бар пациенттерде).
Қолдануға болмайтын жағдайлар
- ибупрофенге, левоментолға, ацетилсалицил қышқылына немесе препараттың басқа компоненттеріне немесе басқа ҚҚСП жоғары сезімталдық
- ацетилсалицил қышқылын немесе басқа стероидты емес қабынуға қарсы препараттарды қабылдауға байланысты бронх демікпесі, бронх түйілуі, ринит, есекжем.
- зақымданған немесе қабынған тері
- жергілікті инфекцияның бар болуы
- бір мезгілде терінің бір бөлігінде жергілікті қолдануға арналған басқа да дәрілік заттарды қолдану
- жүктіліктің соңғы триместрі
- 12 жасқа дейінгі балалар.
Дәрілермен өзара әрекеттесуі
Ацетилсалицил қышқылын немесе басқа ҚҚСП бір уақытта қолдану жағымсыз реакциялардың даму қаупін арттыруы мүмкін.
Қалыпты жағдайда төмен жүйелік сіңірілуіне байланысты ҚҚСП пероральді түрлері үшін сипатталған өзара әрекеттесуінің дамуы күтілмейді.
Айрықша нұсқаулар
Гельді қабынған немесе зақымданған теріге жағуға болмайды. Қолданар алдында терінің кішкентай бөлігіне сезімталдықты тексерген жөн. Препаратты көзге және шырышты қабықтарға тигізуге болмайды. Қызару, қышыну, бөртпе немесе мүмкін болатын аллергиялық реакциялардың басқа клиникалық белгілері пайда болған кезде препаратты қолдануды тоқтатып, маманнан препаратпен емдеуді жалғастыруға қатысты кеңес алған жөн.
Гельді жаққан аймаққа окклюзиялық таңғышты (су өткізбейтін) қоюға болмайды. Инфорин Активті қолданғаннан кейін, егер олар емдеу объектісі болып табылмаса, үнемі қолды жуу керек.
Дәрілік препаратты пайдалану уақытына бронх демікпесі немесе аллергиялық аурулары немесе осы аурулар анамнезінде бар пациенттерде демікпенің, оның асқынуының бронх түйілуінің немесе ентігудің дамуы түріндегі тыныс алу жолы тарапынан жоғары сезімталдық реакцияларының туындауы мүмкін.
Жағымсыз әсерлер ең төмен тиімді дозаны ең қысқа емдеу кезеңінде пайдаланған кезде азаюы мүмкін.
Гельді кездейсоқ жұтып қойған жағдайда, жағымсыз әсерлер пайда болған кезде, жақсару болмаған немесе дәрілік препаратты қолдану аясында жағдай нашарлаған кезде дәрігерге қаралған жөн.
Ибупрофеннің бүйрек функциясына әсер етуін ескере отырып, бүйрек функциясы нашарлаған пациенттерде препаратты тек қана дәрігердің кеңесінен кейін қолданған жөн.
Фертильділік, жүктілік, лактация кезеңі
Инфорин Актив гелінің құрамында әсер ететін зат ретінде ибупрофен бар, ол циклооксигеназа синтезінің тежегіші болып табылады және жүйелік әсер еткен кезде фертильділікке әсер етуі мүмкін (дегенмен оның ықтималдығы өте төмен), сондықтан Инфорин Активті жүкті болуға байланысты қиындықтары бар әйелдерге немесе бедеулікке қатысты тексерістен өтіп жатқан әйелдерге қолдануға ұсынылмайды. Жануарларға жасалған тәжірибелік зерттеулердің деректері препараттың тератогендік әсерінің жоқтығын көрсетеді. Ибупрофеннің босану уақытының баяулауына және ұзаруына әсер ету деректері бар. Жергілікті емдеуге арналған препараттардың құрамындағы Ибупрофенді жүктіліктің алғашқы алты айында қолдану ұсынылмаған.
Ибупрофен және оның метаболиттері емшек сүтімен бөлініп шығады, сондықтан емшек емізген кезде препаратты қолдану ұсылымаған.
Дәрілік заттың автокөлікті немесе қауіптілігі зор механизмдерді басқару қабілетіне әсер ету ерекшеліктері
Жергілікті қолдануға арналған препарат - ибупрофенді пайдалану автомобильді басқару және қозғалатын механизмдермен жұмыс жүргізу қабілетіне әсер етпейді.
Артық дозалануы
Препаратты жергілікті қолданғанда артық дозалану мүмкіндігі төмен.
Ибупрофеннің артық дозалану симптомдары (ішке қабылдағанда): бас ауыруы, құсу, ұйқышылдық, гипотония.
Емі: ішке қабылдаған кезде асқазанды шаю, құсып тастау, белсендендірілген көмірді қабылдау, симптоматикалық ем, қажет болған жағдайда электролиттік теңгерімді түзету жүргізу.
Арнайы антидоты белгісіз.
Шығарылу түрі және қаптамасы
40 г препарат ішкі лакталған жабындысы бар, бұрандалы платмасса қалпақшамен тығындалған, төменгі бөлігінде латекс сақинасы бар алюминий сықпаға салынған.
1 сықпадан медициналық қолдану жөнінде мемлекеттік және орыс тілдеріндегі нұсқаулықтармен бірге картон қорапшаға салады.
Сақтау шарттары
Жарықтан қорғалған жерде, 25°C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Balkanpharma-Razgrad AD, Разград, Болгария
Тіркеу куәлігінің иесі
Spey Medical Ltd., Лондон, Ұлыбритания
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
«Cepheus Medical» (Цефей Медикал) ЖШС:
050000, Қазақстан Республикасы, Алматы қ-сы, Панфилов к-сі 98, «OLD SQUARE» БО, 807-кеңсе, телефон: +7 (727) 300 69 71
Электрондық пошта: cepheusmedical@gmail.com
6