Интрон А® (25 млн. МЕ/2,5 мл (5 доз по 5 млн. МЕ))

• русский
• қазақша

• Скачать инструкцию медикамента

Саудалық атауы

Интрон A®

Халықаралық патенттелмеген атауы

Интерферон альфа

Дәрілік түрі

Инъекцияға арналған ерітінді 18 млн. ХБ/3мл (3 млн. ХБ 6 доза),

25 млн. ХБ/2.5 мл (5 млн. ХБ 5 доза)

18 млн. ХБ/1.2 мл (3 млн. ХБ 6 доза).

Құрамы

1 мл ерітіндінің құрамында

белсенді зат - 6 млн. ХБ, 10 млн. ХБ немесе 15 млн. ХБ альфа-2b интерфероны,

қосымша заттар: сусыз динатрий гидрофосфаты, натрий дигидрофосфат моногидраты, натрий эдетаты, натрий хлориді, м-крезол (m-крезол), полисорбат 80, инъекцияға арналған су.

Сипаттамасы

Көрінетін механикалық қосылыстарсыз мөлдір түссіз сұйықтық.

Фармакотерапиялық тобы

Иммуностимуляторлар. Интерферондар. Интерферон альфа-2b

АТХ коды L03AB05

Фармакологиялық қасиеттері

Фармакокинетикасы

Ересектер.

Альфа-2b интерферонының фармакокинетикасы дені сау еріктілерде 5 млн. ХБ/м2 және 10 млн. ХБ/м2 дозаларда бір рет бұлшықет ішіне, тері астына және көктамырішілік инфузия арқылы 30 минут бойы енгізе отырып зерттелді. Қан сарысуындағы интерферонның орташа концентрациясы тері астына және бұлшықет ішіне енгізгеннен кейін салыстырарлық болды. Бұл арада ең жоғары сарысулық концентрациясына 3-12 сағаттан кейін (5 млн. ХБ/м2) және 6-8 сағаттан кейін (10 млн. ХБ/м2) жетті; бұлшықет ішіне енгізгеннен кейінгі, сондай-ақ тері астына енгізгеннен кейінгі жартылай шығарылу кезеңі дозаларына қарай шамамен 2-3 сағатты және 6-7 сағатты құрады; қан сарысуындағы интерферонның мөлшері 16-24 сағаттан кейін анықталмады. Препаратты тері астына және бұлшықет ішіне енгізгендегі биожетімділігі 100% құрады. Көктамырішілік енгізгеннен кейінгі интерферонның плазмадағы концентрациясы ең жоғары шамасына (135-273 ХБ/мл) инфузия аяғында жетті, ал содан кейін тері астына немесе бұлшықет ішіне инъекциялаудан кейінгіге қарағанда біршама жылдам төмендеген, және инфузия аяқталғаннан 4 сағаттан кейін анықталмады; жартылай шығарылу кезеңі 2 сағатқа жуықты құрады.

Интерферонның несептегі концентрациясы енгізу жолдарына байланыссыз анықталған шамадан төмен болды. Бақыланатын клиникалық зерттеулер жүргізу барысында альфа-2b интерферонын қабылдаған емделушілерде интерферон-бейтараптандыратын антиденелер анықталды. Олардың анықталу жиілігі онкологиялық аурулар себепті альфа-2b интерферонымен ем қабылдаған науқастардың 2.9% құрады, және созылмалы гепатиті бар емделушілердің 6.2% құрады. Интерферон-бейтараптандыратын антиденелер анықталуы емнің тиімділігіне әсер етпеген және басқа аутоиммундық бұзылулармен байланысы жоқ.

Балалар мен жасөспірімдер.

Альфа-2b интерферонының инъекцияға арналған ерітіндісін рибавирин (RBV) капсулаларымен оларды созылмалы С гепатиті (ССГ) бар 5 жастан 16 жасқа дейінгі балалар мен жасөспірімдер жасында тағайындағандағы фармакокинетикасы бойынша деректер 1-кестеде келтірілген. Альфа-2b интерферонының инъекцияға арналған ерітіндісінің RBV капсулаларымен ересектер және балалар немесе жасөспірімдер арасындағы фармакокинетикасы ұқсас.

1-кесте. ССГ бар балалар мен жасөспірімдерге Интрон А® препаратын және RBV капсулаларын тағайындағандағы фармакокинетикасының көрсеткіштері.

* AUC12сағ (нг.сағ/мл) RBV үшін, AUC0-24 сағ (ХБ.сағ/мл) Интрон А® үшін.

Фармакодинамикасы

Интрон А® рекомбинантты жоғары деңгейде тазартылған альфа-2b интерферонының препараты болып табылады, молекулалық салмағы 19300 дальтонға жуық суда еритін ақуыз түрінде болады. Оны құрамында гендік инженерия әдістерімен алынған және өзінде адам лейкоциттеріндегі альфа-2b интерферон генін қамтитын плазмидті гибрид бар Escherichia coli клонынан өндіреді.

Интрон А® препаратының белсенділігі халықаралық бірліктермен (ХБ) өрнектеледі; 1 мг рекомбинантты альфа-2b интерферонына 2.6×108 ХБ сәйкес келеді. Халықаралық бірліктер рекомбинантты альфа-2b интерфероны белсенділігін Дүниежүзілік денсаулық сақтау ұйымы (ДДҰ) белгілеген адамның лейкоцитарлық интерфероны стандартты препаратының белсенділігімен салыстыру арқылы айқындалады.

Интерферондар молекулярлық массасы 15 000-ден 21 000 дальтонға дейінгі ақуыз молекулаларына ие. Интерферондар вирустық инфекцияға немесе басқа қоздырғыштарға жауап ретінде өндіріледі және жасушалармен секрецияланады. Интерферондардың үш негізгі кластары ерекшеленеді: альфа, бета және гамма, олардың интерферон молекуласында айырмашылықтар бар. Адам альфа интерферонының 14 түрінен астамы айқындалған. Интрон А® рекомбинантты aльфа-2b интерфероны ретінде жіктеледі.

Интерферондар жасуша беткейінде спецификалық жарғақшалық рецепторлармен байланысу есебінен жасушаларға әсер етеді. Адам лимфобластоидты жасушаларынан (Daudi) бөлініп шығатын адам интерферонының рецепторлары өте ассиметриялық ақуыздар болып табылады. Олар адам интерферондарына, бірақ тышқандардың емес, селективтілігін көрсетеді, бұл тектік спецификалықты айғақтайды. Басқа интерферондармен жүргізілген зерттеулер де тектік спецификалықты көрсеткен. Алайда маймылдың жеке түрлері, мысалы, макака-резус, 1 типті адам интерфероны әсерінен фармакодинамикалық стимуляцияға сезімтал.

Бірнеше зерттеулердің нәтижелері интерферонның жасушалық жарғақшасымен байланысуынан кейін күрделі бірізді жасушаішілік реакцияларды, оның ішінде белгілі бір ферменттердің индукциясын бастамалайтыны туралы айғақтайды. Бұл үдерістер ең болмаса ішінара интерферонның әртүрлі жасушалық әсерін, оның ішінде инфекцияланған жасушалардағы вирустар репликациясын бәсеңдетуді қоса, жасушалар пролиферациясын бәсеңдету, сондай-ақ макрофагтардың фагоцитарлық белсенділігін күшейтуі және нысана-жасушаларға қатысты лимфоциттердің спецификалық цитоуыттылығын күшейтуі сияқты интерферонның иммунитет модульдейтін қасиеттерін анықтайды деп болжанады. Бұл тиімділігінің кейбіреулері немесе барлығы интерферонның емдік әсерін анықтай алады.

Рекомбинантты альфа-2b интерфероны адам және жануарлар жасушаларының өсірінділері, сондай-ақ адам ісігінің ксенотрансплантаттары жануарларда пайдаланылған зерттеулерде антипролиферативтік әсерін көрсетті. Препарат in vitro елеулі иммунитет модульдейтін белсенділігін көрсетті.

Сондай-ақ рекомбинантты альфа-2b интерфероны in vitro және in vivo вирустар репликациясын бәсеңдетеді. Рекомбинантты альфа-2b интерферонының вирусқа қарсы дәл механизмі анықталмаса да, препараттың қожайын жасушаларда метаболизм өзгертетіні белгілі. Осының салдарынан вирус репликациясы тежеледі немесе, егер репликация жүрсе, вириондар ұрпағы жасушаны тастап кетуге қабілетсіз болады.

Созылмалы В гепатиті (СВГ).

Зерттеулер 4-тен 6 айға дейін альфа-2b интерферонын қабылдаған емделушілердің қан сарысуында В гепатиті вирусының ДНҚ (ВГВ-ДНҚ) төмендегені/болмағаны бақыланғанын және бауырдың гистологиялық бейінінің жақсарғанын көрсетті. Вирустық гепатиттің е-антигені (HBeAg) және ВГВ-ДНҚ жоқ ересек емделушілерде ауру мен өлім жағдайының елеулі азаюы байқалды.

Альфа-2b интерферонын 6 ХБ/м2 дозада 6 ай бойы аптасына 3 рет қабылдаған белсенді СВГ бар педиатриялық емделушілерде өсу темпінің төмендегені анықталды және кейбір жағдайларда депрессия байқалды. Әдістемелік жұмыстары жетімсіздігінен ем тиімділігін анықтау мүмкін болмады.

Ересек емделушілердегі ССГ. Альфа-2b интерферонын RBV біріктірілімінде қабылдаған ересек емделушілерде 47% жағдайда тұрақты вирусологиялық жауап (ТВЖ) байқалды. Алайда ең жақсы тиімділік пегилирленген альфа-2b интерферонының RBV (PegIFN+RBV) біріктірілімімен (RBV >10.6 мг/кг дозада ересек емделушілерде ТВЖ 61% жиілігіне қол жетті) емдегенде байқалды.

Альфа-2b интерферонын RBV бірге тағайындау СГВ Интрон А® препаратымен емдеудің тиімділігін бұрын ем қабылдамаған емделушілерде 2 есе ұлғайтады. Емнің тиімділігі және вирусологиялық жауаптың дамуының предикторлары бастапқы вирустық жүктеме және СГВ генотипі болып табылады. Вирусологиялық жауаптың тұрақтылығы емделушілердің жүргізілетін емге ұшыратылуына байланысты. СГВ генотипіне байланыссыз, альфа-2b интерферонының RBV біріктірілген ем курсының <80% аяқтаған емделушілермен салыстырғанда, біріктірілген ем курсының ≥80% аяқтаған емделушілерде ем аяқталғаннан кейін 6-12 ай бойына ТВЖ көрсеткіші жоғарырақ болды.

С гепатиті вирусымен/адам иммунитет тапшылығы вирусы (СГВ/АИТВ) ко-инфекцияланған емделушілер.

СГВ және АИТВ ко-инфекциясы бар емделушілерді Интрон А® препараты және RBV біріктірілімімен емдеудің PegIFN+RBV біріктірілімімен салыстырғанда тиімділігі төмендеу.

Алдыңғы альфа-2b интерферонымен моноемнен кейінгі қайталануы бар емделушілер.

345 емделуші зерттеу барысында қайталану себебі бойынша Интрон А® моноемін немесе RBV біріктірілімі түрінде қабылдаған. Қайталану жағдайында Интрон А® -ның RBV кешеніндегі емі Интрон А® препаратының моноемімен салыстырғанда 10 есе тиімді (4.7% қарсы 48.6%). Тиімділігін бағалау критерийлері ем аяқталғаннан кейін 6 ай өткен соң сарысудағы СГВ титрі төмендегенін (ПТР-да <100 көшірмелер/мл), аланинаминотрансфераза (АЛТ) қалыпқа келгенін, бауырдағы қабыну үдерісінің азайғанын есептеген.

Ем тиімділігінің ұзақтығы бойынша деректер.

Пегилирленбеген альфа-2b интерферонымен моноем немесе пегилирленбеген альфа-2b интерферонымен/RBV біріктірілімімен емдеу қабылдаған 1 071 емделушіде клиникалық зерттеулер ем аяқталғаннан кейін ТВЖ ұзақтығын және ем тиімділігіне вирустық жүктеме болмауының клиникалық әсерін анықтау үшін жүргізілді. 492 емделушінің тек 12 емделушісінде ғана ем аяқталғаннан кейін ССГ қайталануы дамығаны (462 емделуші бес жыл бойына бақыланды) анықталды. Пегилирленбеген альфа-2b интерферонымен моноем немесе RBV біріктірілімімен емдеуден кейін ТВЖ болуы бауырдағы инфекцияны айығуынан және ССГ бар емделушілердің клиникалық сауығуын қамтамасыз ететін вирустық инфекцияның ұзақ элиминациясына алып келді. Гепатокарцинома дамуын қоса, бауыр циррозы бар емделушілерде бауыр асқынулары даму мүмкіндігін ескеру керек.

Балалар және жасөспірімдердегі ССГ.

Стандартты интерферон мен RBV немесе PegIFN–нің RBV-мен біріктірілген емін қабылдаған балалар және жасөспірімдердегі клиникалық зерттеулер пегилирленген альфа-2b интерферонымен RBV-нің еміне қарағанда Интрон А® препаратымен RBV-нің біріктірілген емінің тиімділігі аз екенін анықтады.

Компенсацияланған түрдегі ССГ және С гепатиті вирусының РНҚ (СГВ-РНҚ) оң болатын 3-тен 16 жасқа дейінгі жастағы балалар және жасөспірімдердегі ем нәтижесі 1 жыл бойына (емделушілерге бақылау 6 ай бойына жүргізілген) күніне 15 мг/кг дозада RBV–мен аптасына 3 рет 3 млн. ХБ/м2 мөлшерінде Интрон А® препаратымен емнен кейінгі ересектердегі емге ұқсас нәтиже көрсетті.

Ем тиімділігінің ұзақтығы бойынша деректер.

Стандартты интерферонмен емді аяқтаған 97 баладағы 5 жылдық бақылау нәтижесі деректері бойынша 75% балада ТВЖ сақталады (балалардың 70%-да зерттеу аяқталған). Клиникалық зерттеудің мақсаты альфа-2b интерферонымен немесе RBV 48 апталық емнің 24 аптасында ТВЖ бар емделушілердегі ТВЖ ұзақтығын анықтау және емнің тиімділігіне вирустық жүктеменің болмауының клиникалық әсері болды. Тек бір балада ғана альфа-2b интерферонының RBV-мен біріктірілген емі аяқталғаннан кейін ауру қайталануы дамыды.

Пегилирленбеген альфа-2b интерфероны мен RBV біріктірілімімен емдеуден кейін ТВЖ болуы бауырдағы инфекциядан айығудың және ССГ бар емделушілердің клиникалық сауығуын қамтамасыз ететін вирустық инфекцияның ұзақ элиминациясына алып келді. Гепатокарцинома дамуын қоса, бауыр циррозы бар емделушілерде бауыр асқынулары даму мүмкіндігін ескеру керек.

Қолданылуы

• ересек емделушілердегі гистологиялық тұрғыда бауырдың қатты қабынуы және/немесе фиброз дәлелденген және АЛТ белсенділігі жоғарылаған, қанда ВГВ ДНҚ және HbeAg болған кездегі созылмалы В гепатитінде

• созылмалы С гепатитінде (Интрон А® препаратымен ем бастар алдында Интрон А® препараты және пегилирленген интерферон арасындағы клиникалық зерттеулер салыстыруының нәтижесін ескеру керек)

Ересектер

• бауыр декомпенсациясы белгілері жоқ және қанында СГВ-РНҚ бар трансаминаза белсенділігі жоғары болғанда (рибавиринмен біріктірілген ем ұсынылады) Интрон А® препараты рибавиринмен кешенді ем құрамында

3 жастан асқан балалар және жасөспірімдер

• созылмалы С гепатиті бар, бұрын ем қабылдамаған, бауыр декомпенсациясы белгілері жоқ және қанында СГВ-РНҚ бар (кейбір емделушілерде біріктірілген емді тағайындау бой өсуінің төмендеуіне ықпал етуі мүмкіндігін ескеру керек, сондықтан емді тағайындау туралы шешім жеке-дара негізде қабылдануы тиіс) 3 жастан асқан балалар және жасөспірімдерде Интрон А® препараты рибавиринмен кешенді ем құрамында

• түкті-жасушалы лейкозда

• созылмалы миелолейкозда

• филадельфиялық хромосомасы бар (Ph+) немесе BCR/ABL транслокациялы ересек емделушілерде моноемде (клиникалық тәжірибе гематологиялық ремиссияға және цитогенетикалық жауапқа (үлкен/аз) көптеген емделушілерде қол жететінін көрсетеді, бұл арада үлкен цитогенетикалық жауап Ph+ лейкозды жасушалар <34%, ал азы 34-тен 90% дейінгі Ph+ лейкозды жасушалар мөлшері ретінде анықталады)

• цитарабинмен біріктірілген емде (алғашқы 12 айда үлкен цитогенетикалық жауапты елеулі ұлғайтады және альфа-2b интерфероны моноемімен салыстырғанда тірі қалу мүмкіндігін елеулі арттырады)

• көптүрлі миеломада

бастапқы индукциялық химиялық емнен кейін ремиссияға қол жеткен емделушілерде демеуші ем ретінде (миеломалық ақуыздар деңгейінің 50%-дан астам төмендеуі). Клиникалық тәжірибе көрсеткендей, тірі қалу мүмкіндігін жақсарту бойынша деректер аяғына дейін расталмаса да, альфа-2b интерферонымен демеуші ем тағайындаудың тұрақтану фазасын ұзартады.

• фолликулярлық лимфомада

СНОР-сызбасы сияқты сәйкес химиялық ем біріктірілімінде адьювантты терапия ретінде, ең болмағанда келесі белгілердің бірі: ісік көлемінің үлкен болуы (>7 см), 3–тен астам лимфа түйіндері тартылуы (әрқайсысы >3 см), жүйелік білінулер болуы (дене салмағын жоғалту >10%, 8 күннен астам дене температурасының жоғарылауы >38 °C немесе түнгі тершеңдік), спленомегалия (көкбауыр шегінің кіндік аумағынан шығып тұруы), өмірлік маңызы бар ағзаларда басып тұру, компрессиондық синдром дамуы, эпидуралдық кеңістік немесе орбиталдық аумақтың тартылуы, лейкемия немесе елеулі жалқық болғанда

• бүйректік-жасушалы карциномада

• қатерлі меланомада (ісікті хирургиялық алып тастағаннан кейін қайталану қаупі жоғары болғанда адъювантты ем ретінде)

• лимфа түйіндеріндегі немесе бауырдағы және карциноидты синдромымен метастазалары бар карциноидты ісікте

Қолдану тәсілі және дозалары

Препаратты тек тиісінше тәжірибесі бар дәрігер тағайындауы тиіс. Егер Интрон А® емі барысында кез келген көрсетілімдер кезінде жағымсыз әсерлер туындаса, дозаны өзгерткен немесе емдеуді жағымсыз әсерлер жоғалғанша уақытша үзе тұрған дұрыс. Егер тиісінше түзетілген дозадан кейін персистирленетін немесе қайталанған жағымсыздық дамыса немесе ауру дамыса, Интрон А® емін тоқтату керек. Дәрігердің шешімімен емделуші, препарат тері астына енгізілетін демеуші ем сызбасын ұстанып, дозаны өз бетінше енгізе алады.

Созылмалы В гепатиті.

Интрон A® препаратының ұсынылатын дозасы 5-тен 10 млн. ХБ дейінді құрайды, 4-6 ай бойына аптасына 3 рет тері астына (күнара). Лейкоциттер саны <1 500/мм3, гранулоциттер саны <1 000/мм3 және тромбоциттер санының <100 000/мм3 төмендеуі сияқты гематологиялық бұзылулар пайда болған жағдайда доза 50%-ға төмендетілуі тиіс. Лейкопенияның (<1 200/мм3), нейтропенияның (<750/мм3) немесе тромбоцитопенияның (<70 000/мм3) ауыр түрі туындаған жағдайда емді тоқтату керек. Интрон А® препаратымен емді, егер 3-4 ай емнен кейін қан сарысуында ВГВ-ДНҚ жойылуы түріндегі вирусологиялық жауап байқалмаса, емді тоқтату керек.

Созылмалы С гепатиті

Ересектер. Интрон А® ересектерге 3 млн. ХБ дозасында аптасына 3 рет (күнара) тері астына монотерапия ретінде немесе RBV біріктіріліп тағайындалады.

3 жастан асқан балалар және жасөспірімдер. Интрон А® 3 млн. ХБ/м2–ден аптасына 3 рет (күнара) тері астына RBV капсулаларымен немесе тамақ кезінде пероральді екі рет – таңертең және кешке қабылданатын ерітіндісімен біріктірілімде (медициналық қолдану және RBV капсула модификациясы бойынша нұсқаулықты қараңыз. Дене салмағы 47 кг аз балаларда ішке қабылдануға арналған медициналық қолдану нұсқаулығын қараңыз) қолданылады.

Қайталанатын аурулары бар емделушілер (ересектер).

Интрон А® препараты тек RBV біріктірілімінде тағайындалады. 6 ай бойы жүргізілген клиникалық зерттеулер нәтижесі негізінде RBV-мен біріктірілген емнің ұсынылатын ұзақтығы 6 айды құрайды.

Интрон А® бұрын қабылдамаған емделушілер

Интрон А® тиімділігі RBV бір уақытта қолданғанда жоғарылайды. Препаратпен моноемді тек RBV қолдануға қарсы көрсетілімі немесе оның жағымсыздығы болғанда ғана жүргізеді.

Интрон А® препаратының RBV біріктірілімі.

12 ай бойы жүргізілген клиникалық зерттеулер нәтижесі негізінде RBV-мен біріктірілген емнің ұсынылатын ұзақтығы 6 айдан кем болмауы тиіс. Алғашқы 6 айлық емнің аяғында қан сарысуында С гепатиті вирусының РНҚ (СГВ-РНҚ) анықталмайтын 1 генотипті және СГВ-РНҚ жоғары деңгейі бар емделушілерде (ем басында жүргізілген зерттеу нәтижесі бойынша) емді тағы да 6 ай жалғастырады (жалпы алғанда 12 ай). 12 ай бойы біріктірілген ем жүргізу туралы шешім қабылдағанда сондай-ақ басқа да теріс болжамды факторларды ескеру керек: 40 жастан асқан жас, ер жынысты болуы, көпірлік фиброз. Клиникалық зерттеулер жүргізгенде емнің 6 айынан кейін вирусологиялық жауап болмаған (СГВ-РНҚ анықтаудың деңгейінен төмен) жағдайда ТВЖ әдетте түзілмейтіні (СГВ-РНҚ деңгейі ем тоқтатылғаннан кейін 6 айдан соң анықтаудың деңгейінен төмен) анықталған.

Интрон А® препаратымен моноем.

Интрон А® моноемінің оңтайлы ұзақтығы анықталмаған, бірақ ұсынылатын ұзақтығы 12-ден 18 айға дейінді құрайды.

Интрон А® препаратымен моноемді, егер 3-4 ай емнен кейін қан сарысуында СГВ-РНҚ жойылуы түріндегі вирусологиялық жауап байқалмаса, емді тоқтату керек.

Интрон А® бұрын қабылдамаған емделушілер (балалар және жасөспірімдер).

Балалар мен ересектердегі емнің ұзақтығы:

Генотип 1 - ұсынылатын емнің ұзақтығы бір жылды құрайды. Емнің 12 аптасынан кейін вирусологиялық жауапқа қолы жетпеген емделушілер, шамасы тұрақты вирусологиялық респондент бола алмайды (теріс болжам мәні 96%). Сондықтан Интрон А®/RBV біріктірілімімен ем қабылдаған балалар мен жасөспірімдерде, егер СГВ-РНҚ деңгейі емге дейінгі көрсеткіштермен салыстырғанда 12 аптада <2 log10 төмендесе немесе, егер СГВ-РНҚ 24 апталық емнен кейін анықталса, емді тоқтату ұсынылады.

Генотип 2/3 - ұсынылатын емнің ұзақтығы 24 аптаны құрайды.

Түкті-жасушалы лейкоз.

Ұсынылатын Интрон А® дозасы аптасына 3 рет (күнара) тері астына енгізу үшін спленэктомиядан кейін және онсыз емделушілерге 2 млн. ХБ/м2 құрайды. Көп жағдайларда бір және одан да көп гематологиялық көрсеткіштердің қалыпқа келуі емнің 1-2 айынан кейін басталады. Шеткергі қан көрсеткіштерінің қалыпқа келуі үшін (лейкоциттер, тромбоциттер саны және гемоглобин деңгейі) 6 айға дейінгі ем талап етілуі мүмкін. Дозалаудың бұндай режимін, егер тек бұл арада аурудың жылдам үдеп кетуі немесе препараттың ауыр жағымсыздығы дамуы жүрмесе, үнемі ұстану керек.

Созылмалы миелолейкоз (СМЛ).

Ұсынылатын Интрон А® препаратының дозасы күн сайын тері астына 4-тен 5 млн. ХБ/м2 дейінді құрайды. Лейкоциттердің дұрыс тұрақты деңгейіне қол жеткізілгенде гематологиялық ремиссияны ұстап тұру үшін ең жоғары көтерімді дозаны (күн сайын 4-тен 5 млн. ХБ/м2 дейінгі доза) қолданған дұрыс. Егер осы уақытқа дейін ішінара гематологиялық ремиссияға немесе лейкоциттер санының клиникалық мәнді төмендеуіне қол жеткізілмесе, 8-12 апта емдегеннен кейін Интрон А® тоқтатылу керек.

Көптеген миелома

Демеуші ем. Тұрақтану сатысындағы емделушілерде (миелома ақуыздары деңгейі төмендеуі 50% астам), бастапқы индукциялық химиялық емнен кейін альфа-2b интерфероны моноем түрінде тері астына аптасына үш рет (күнара) 3 миллион ХБ/м2 дозада енгізілуі мүмкін.

Фолликулярлық лимфома

Интрон А® химиялық емімен үйлесімде 18 ай бойына тері астына аптасына 3 рет (күнара) 5 млн. ХБ дозада тағайындайды. Химиялық емнің СНОР-режимін пайдалану ұсынылады. CHVP қолдану бойынша ғана клиникалық деректер бар (циклофосфамид, доксорубицин, тенипозид және преднизолон біріктірілімі).

Бүйректік-жасушалық карцинома

Моноем. Интрон А® көктамыр ішіне де, сондай-ақ тері астына да аптасына 3 немесе 5 рет, немесе күн сайын 3-тен 30 млн. ХБ/м2 дейінгі дозаларда тағайындалады. Ең жоғары әсері Интрон А® препаратын 6 ай бойы аптасына 3 рет 3-тен 10 млн. ХБ/м2 дейінгі дозада тері астына енгізілгенде байқалады.

Интерлейкин-2 сияқты басқа дәрілік заттармен біріктірілген ем. Оңтайлы дозасы анықталмаған. Интрон А® тері астына 3-тен 20 млн ХБ/м2 дейінгі дозаларда интерлейкин-2-мен біріктіріліп қолданылады. Ең жоғары тиімділігі Интрон А® 6 млн. ХБ/м2 дозада аптасына 3 рет тері астына қолданылғанда байқалады.

Карциноидты ісіктер

Интрон А® препаратының стандартты дозасы тері астына аптасына 3 рет (күнара) енгізілетін 5 млн. ХБ (3-9 млн. ХБ) құрайды. Таралу үдерісі бар емделушілерде күн сайын 5 млн. ХБ дейінгі дозаны қолдану қажет болады. Хирургиялық жолмен емделгенде Интрон А® препараты емін операция кезінде және одан кейінгі қалпына келу кезеңінде уақытша тоқтата тұрады. Препаратпен емдеуді альфа-2b интерферонымен емдеуге клиникалық жауап байқалатын кезге дейін жалғастырады.

Қатерлі меланома

Интрон А® препараты ерітіндісін ремиссия индукциясы үшін көктамыр ішіне 4 апта бойы аптасына 5 рет 20 млн. ХБ/м2 дозада; әріқарай 48 апта бойы аптасына 3 рет (күнара) тері астына 10 млн ХБ/м2 демеуші дозада қолданады. Альфа-2b интерферонының дозасы 20 минут бойына натрий хлоридінің 0.9% ерітіндісімен (9 мг/мл) енгізіледі.

Интрон А® препаратының емі кезінде ауыр жағымсыз әсерлер дамығанда, әсіресе гранулоциттер саны 500/мм3-тен аз төмендегенде немесе аланинаминотрансфераза/аспартатаминотрансфераза (АЛТ/АСТ) жоғарғы қалып шегінен (ЖҚШ) 5 есе асып түсетін мәндерге дейін жоғарылағанда препарат қолдануды жағымсыз әсерлер көріністері жоғалғанша уақытша тоқтатады. Интрон А® препаратымен емдеу алдын ала 50-ға азайтылған дозаны қолданумен жаңғыртылады. Егер дозаны төмендеткеннен кейін жағымсыздық сақталған және гранулоциттер саны 250 мм3 мәніне дейін азайған, немесе АЛТ/АСТ белсенділігі ЖҚШ 10 есе асып түсетін мәндерге дейін артқан жағдайда препарат тоқтатылады. Қазіргі уақытта клиникалық әсерге қол жеткізу үшін оңтайлы (ең төмен) доза анықталмаған, сондықтан емделушілерге препараттың уыттылық әсері дамыған жағдайда дозаны төмендетумен ұсынылатын доза тағайындау керек.

Енгізу тәсілдері

Енгізер алдында ерітіндінің көрінетін бөлшектері жоқ екеніне және түсінің өзгермегеніне қарап тексерумен көз жеткізу қажет. Құтылардағы және еккіш-қаламдардағы Интрон А® препаратының ерітіндісі түссіз және мөлдір болуы тиіс. Көрсетілімдердің кейбіреуіне дәрілік түрлердің және концентрациясының бәрі бірдей сәйкес келмейді. Түрі және доза концентрациясы дұрыс таңдалғанына көз жеткізіңіз. Интрон А® инъекцияға немесе инфузияға арналған ерітіндісін стерильді ине көмегімен құтыдан қажетті дозаны шығарып алғаннан кейін дереу енгізу керек.

Еккіш-қаламды ерітінді бөлме температурасына дейін (25 С-ден аспайтын) жылуы үшін, инъекция салудан 30 минут бұрын тоңазытқыштан шығарып қою қажет. Әр еккіш-қалам ең көп дегенде 4 апта бойы қолдануға арналған; осы мерзім өткеннен кейін препаратты қолдануға болмайды. Әр келесі енгізу үшін жаңа ине пайдаланылуы тиіс. Инъекциядан кейін инені (қауіпсіздік ережелерін қадағалаумен) тастау, ал еккіш-қаламды дереу тоңазытқышқа салып қою керек. Еккіш-қаламның тоңазытқыштан тыс 25 °С температурада ұсталуының жалпы ұзақтығы ол қолданылған 4 апталық кезең ішінде 48 сағаттан (екі күн) аспауы тиіс.

Картон қорапқа еккіш-қаламмен, қаптамасында баяндалған енгізулер санының есептелуіне қарай, инелер мен сүрткілердің қажетті саны салынады. Емделушіні еккіш-қаламнан соңғы дозаны енгізгеннен кейін инелер мен сүрткілерді жоюға қатысты нұсқауландырған дұрыс.

Көктамыр ішіне енгізуге арналған ерітіндіні дайындау тура қолданар алдында жүргізілгені жөн. Альфа-2b интерферонының натрий хлоридінің 0.9% ерітіндісіндегі түпкілікті концентрациясы 0.3 млн. ХБ/мл-ден кем болмауы тиіс. Препараттың тиісті дозасын құтыдан (құтылардан) сорып алып, поливинилхлоридтен (ПВХ) жасалған қапшықтағы немесе инфузияға арналған шыны құтыдағы 50 мл 0.9 натрий хлориді ерітіндісіне қосады және көктамыр ішіне (тамшылатып) 20 минут бойы енгізеді.

БАСҚА ПРЕПАРАТТАРДЫ ИНТРОН А® ПРЕПАРАТЫМЕН БІРГЕ БІР ЕККІШТЕ БІР МЕЗГІЛДЕ ЕНГІЗУГЕ ЖОЛ БЕРУГЕ БОЛМАЙДЫ!

Жағымсыз әсерлері

Әртүрлі көрсетілімдерде дозаның кең ауқымы қолданылған клиникалық зерттеулер (түкті-жасушалы лейкозда аптасына 6 млн. ХБ/м2–тен меланомада 100 млн. ХБ/м2 дейін) көбіне жиірек кездесетін жағымсыз реакциялардың дене температурасының жоғарылауы, шаршағыштық, бас ауыру, миалгия болғаны анықталды. Дене температурасының жоғарылауы және шаршағыштық препарат енгізуді тоқтатқаннан кейін 72 сағаттан соң жойылған.

Жиілігі өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000) немесе белгісіз (қолда бар деректер бойынша бағалауға болмайтын) болғаны анықталды.

Ересектерде

Өте жиі

• фарингит*, вирустық инфекция*, лейкопения, анорексия

• депрессия, ұйқысыздық, қозу, эмоциялық құбылу*, ажитация, күйгелектік

• бас айналу, бас ауыру, зейін шоғырландырудың бұзылуы, ауыздың кеберсуі

• көрудің бұзылуы

• диспноэ*, жөтел*

• жүрек айнуы, құсу, іштің ауыруы, диарея, стоматит, диспепсия

• алопеция, қышыну*, терінің құрғауы*, бөртпе*, тершеңдік

• миалгия, артралгия, бұлшықет-қаңқа ауырулары

• инъекция енгізу орнындағы қабыну және жергілікті реакциялар*, шаршағыштық, қалтырау, пирексия§, тұмауға ұқсас жай-күй§, астения, ашушаңдық, кеуденің ауыруы, дімкәстік, дене салмағының азаюы

Жиі

• бронхит, синусит, қарапайым герпес (тұрақты), ринит

• тромбоцитопения, лимфаденопатия, лимфопения

• гипотиреоз§, гипертиреоз§

• гипокальциемия, дегидратация, гиперурикемия, шөлдеу

• сананың шатасуы, ұйқының бұзылыстары, либидо төмендеуі

• тремор, парестезия, гипестезия, бас сақинасы, қан кернеулері, ұйқысыздық, дәм сезудің өзгеруі

• конъюнктивит, көрудің бұзылуы, көз жасы бездері бұзылыстары, көздің ауыруы

• вертиго, құлақтағы шуыл

• жүрек қағысының жиілеуі, тахикардия, гипертензия

• мұрыннан қан кету, тыныс алу ағзалары қызметінің бұзылыстары, мұрын бітелуі, ринорея, өнімсіз жөтел

• ойық жаралы стоматит, жоғарғы оң квадранттың ауыруы, тіл қабынуы, гингивит, іш қатуы, сұйық нәжіс, гепатомегалия

• псориаз (қайтадан жүре пайда болған немесе өршіген)§, макуло-папулезді бөртпе, эриматозды бөртпе, экзема, эритема, тері қабынуы

• артрит

• жиілеген несеп шығару

• аменорея, кеуде аумағының ауыруы, дисменорея, меноррагия, етеккір оралымының бұзылуы, қынап аурулары

• инъекция орнының ауыруы

Жиі емес

• бактериялық инфекция, шеткергі нейропатия

Сирек

• пневмония§, сепсис

• суицидтік ойлар

• торқабыққа қан құйылу§, ретинопатиялар (макулярлық ісікті қоса), торқабықтың артериялары немесе көктамырларының тромбозы§, көру жүйкесінің невриті, көру жүйкесі дискісінің ісінуі, көру өткірлігінің төмендеуі немесе көру ауқымының шектелуі, үлпек дақ§

• кардиомиопатия

Өте сирек

• апластикалық анемия, саркоидоз, саркоидоз өршуі

• гипергликемия, гипертриглицеридемия§, тәбеттің артуы

• суицид, суицид әрекеттеріне ұмтылыс, озбыр мінез-құлық (кейде басқаларға бағытталған), психоз, елестеулерді қоса

• цереброваскулярлық қан кету, цереброваскулярлық ишемия, эпилепсиялық ұстамалар, сананың бұзылуы, энцефалопатия

• нашар есту, естудің бұзылуы

• миокард инфарктісі, жүрек ишемиясы, шеткергі ишемия, гипотензия§

• панкреатит, ишемиялық колит, спецификалық емес ойық жаралы колит, қызыл иектің қанағыштығы

• гепатоуыттылық (кейде өліммен аяқталатын)

• Стивенс–Джонсон синдромы, уытты эпидермальді некролиз, мультиформалы эритема, рабдомиолиз, миозит, аяқ балтырының бұлшықеттерінің құрысулары, бел ауыруы

• бүйрек жеткіліксіздігі, декомпенсацияланған бүйрек жеткіліксіздігін қоса, нефроздық синдром

• инъекция орнының некрозы, бет ісінуі

• өкпе инфильтраттары§, пневмонит§

Белгісіз

• шынайы эритроцитарлық аплазия, идиопатиялық тромбоцитопениялық пурпура, тромбоцитопениялық тромбогемолитикалық пурпура

• жүйелік эритематоздық қызыл жегі, васкулит, ревматизмдік полиартрит (қайта пайда болған немесе өршіген), Фогт-Койянаги-Харада синдромы, аса жоғары сезімталдықтың жедел реакциялары, оның ішінде есекжем, Квинке ісінуі, бронхостеноз, анафилаксия§

• гомицидтік ойлану, ментальді статус өзгерістері§, мания, биполярлық бұзылыстар

• жүректің ишемиялық аурулары, экссудативті перикардит, аритмия

• торқабықтың сероздық ажырауы

• өкпе фиброзы

* Бұл жағымсыз әсерлер Интрон А® препаратымен моноемде дамыған

§ «Айрықша нұсқаулар» бөлімін қараңыз

Интрон А® препаратымен моноемде дамыған жағымсыз құбылыстар.

С гепатитінде байқалған жағымсыз реакциялар басқа көрсетілімдердегі Интрон А® препаратын қолданғандағы реакцияларға ұқсас, олардың туындау жиілігінің кейбір болжамды дозаға тәуелді жоғарылауы бар. Мысалы, меланомасы бар емделушілерді емдеу үшін жоғары дозалардағы Интрон А® препаратын қосымша қолданғандағы зерттеулерде шаршағыштық, пирексия, миалгия, нейтропения/анемия, жүрек айнуы және құсу, диарея, қалтырау, тұмауға ұқсас симптомдар, депрессия, алопеция, дәм сезу өзгерістері, бас айналуы сияқты реакциялардың жиілігі С гепатитін зерттеулерге қарағанда жоғарырақ болды. Сондай-ақ ауырлығы жеңіл және орташа аурылықпен салыстырғанда төмен дозаларда қолданғанда реакция ауырлығы жоғары дозаларда емдегенде артқан (ДДҰ бойынша 3 және 4 дәреже – емделушілердің 66 және 14%, тиісінше). Әдетте жағымсыз реакциялар доза түзетумен реттелген.

Жүрек-қан тамырлары жүйесі тарапынан жағымсыз реакциялар, атап айтқанда аритмия, негізінен бұрыннан бар жүрек-қан тамырлары ауруларымен және алдыңғы кардиоуытты препараттармен еммен өзара байланысты болды. Жүрек ауруларының белгілері жоқ емделушілерде альфа интерферонын тоқтатқаннан кейін қайтымды болуы мүмкін кардиомиопатия туындауы туралы сирек хабарланған.

Альфа интерферонын қолданғанда қалқанша без тарапынан бұзылуларды қоса, жүйелік қызыл жегі, ревматоидты артрит (туындауы немесе нашарлауы), идиопатиялық және тромбоздық тромбоцитопениялық пурпура, васкулит, нейропатия, мононевропатияны қоса әртүрлі аутоиммунды және иммунитетке қатысты бұзылулар дамығаны туралы хабарланған.

Зертханалық көрсеткіштердің клиникалық елеулі ауытқулары (көбіне тәулігіне 10 млн. ХБ артық доза қолданғанда туындаған) мыналар болды: гранулоциттердің және лейкоциттердің мөлшері төмендеуі; гемоглобин деңгейінің және тромбоциттер мөлшерінің төмендеуі; сілтілік фосфатазаның, ЛДГ, қан сарысуындағы креатининнің және қан сарысуындағы мочевина азотының деңгейі жоғарылауы. Ауырлығы орташа және әдетте қайтымды болатын панцитопения туралы хабарланған. Гепатиті жоқ кейбір емделушілерде, сондай-ақ созылмалы В гепатиті бар кейбір емделушілерде қан сарысуындағы АЛТ/АСТ деңгейінің патологиялық жоғарылауы анықталды, бұл вирустық ДНҚ-полимераза клиренсімен сәйкес келді.

Балалар және жасөспірімдер

ССГ–дегі RBV біріктірілген ем. Интрон А® препаратымен және RBV 48 апта бойына біріктірілген ем барысында қайтымды болу ықтималдығы аз бой өсуінің іркілуі байқалды. Атап айтқанда, ұзақ уақыт бақылаудан кейін 1 жылдан соң бой өсуінің перцентилінің орташа төмендеуі препубертаттық жастағы балаларда айқынырақ білінді.

Өте жиі

• вирустық инфекция, фарингит, анемия, нейтропения

• гипотиреоз§, анорексия

• депрессия, эмоциялық құбылу, ұйқысыздық, бас ауыру, бас айналуы

• диарея, құсу, жүрек айнуы, абдоминальді ауыру

• алопеция, бөртпе

• инъекция орнының қабынуы, инъекция орнындағы реакциялар, шаршағыштық, діріл, пирексия§, тұмауға ұқсас симптомдар§, дімкәстік, ашушаңдық, бой өсунің жылдамдығы азаюы (жасына қарай бой өсу және/немесе дене салмағы көрсеткіші төмендеуі)

• артралгия, миалгия, қаңқа-бұлшықет ауруы

Жиі

• зеңдік инфекция, бактериялық инфекция, өкпе инфекциясы, ортаңғы отит, тістің абсцессі, қарапайым герпес, несеп шығару жолдарының инфекциясы, вагинит, гастроэнтерит

• неоплазма (анықталмаған), тромбоцитопения, лимфаденопатия

• гипертиреоз§, вирилизм

• гипертриглицеридемия§, гиперурикемия, тәбеттің артуы

• суицидтік ойлар, озбырлық реакциясы, сананың шатасуы, мінез-құлық бұзылуы, ажитация, сомнамбулизм, үрейлену, күйгелектік, ұйқының бұзылуы, патологиялық түстер көру, апатия

• гиперкинезия, тремор, дисфония, парестезия, гипестезия, гиперестезия, зейін шоғырландырудың төмендеуі, ұйқышылдық

• конъюнктивит, көздің ауыруы, көрудің бұзылуы, көз жасы безі тарапынан бұзылулар

• қан құйылулар, бозару

• диспноэ, тахипноэ, мұрыннан қан кету, жөтел, мұрын бітелуі, мұрын қуысының тітіркенуі, ринорея, түшкіру

• ауыз қуысының ойық жаралануы, ойық жаралы стоматит, стоматит, жоғарғы оң квадрантындағы ауыру, диспепсия, глоссит, гастроэзофагеальді рефлюкс, тік ішек тарапынан бұзылулар, гастроинтестинальді бұзылу, іш қатуы, сұйық нәжіс, тістің ауыруы, тіс аурулары

• бауыр функциясының патологиялық өзгерістері

• фотосезімталдық реакциялары, макуло-папулярлық бөртпе, экзема, акне, тері бұзылулары, тырнақ тарапынан бұзылу, тері түсінің өзгерістері, қышыну, тері құрғауы, эритема, қанталаулар, қатты тершеңдік

• энурез, несеп шығару бұзылуы, несеп ұстамау

• қыздарда – аменорея, меноррагия, етеккір оралымының бұзылуы, қынаптық бұзылулар, жас ер балаларда – тестикулярлық ауыру

• кеудедегі ауыру, астения, ісіну, инъекция орнының ауыруы, тері жарақаттары

§ «Айрықша нұсқаулар» бөлімін қараңыз

Қолдануға болмайтын жағдайлар

• әсер етуші немесе кез келген қосымша заттарға аса жоғары сезімталдық

• ауыр кардиологиялық аурулар, соның ішінде сыртартқыдағы (бақыланбайтын жүрек жеткіліксіздігі, таяудағы миокард инфарктісі, жүрек ырғағының ауыр бұзылулары)

• бүйрек немесе бауыр функциясы бұзылуының ауыр түрі, метастазадан туындағанын қоса

• эпилепсия және/немесе орталық жүйке жүйесі (ОЖЖ) функциясының басқа да ауыр бұзылуы

• декомпенсацияланған бауыр циррозы бар созылмалы гепатит

• бұрын иммуносупрессанттармен немесе глюкокортикостероидтармен емделген созылмалы гепатит

• аутоиммундық аурулар, соның ішінде қазіргі уақыттағы немесе сыртартқыдағы аутоиммундық гепатит; трансплантацияланған ағзалары бар емделушілердегі иммуносупрессия

• қалқанша без ауруы, стандартты ем жүргізумен бақыланатын ауруларды қоспағанда

• Интрон А® препараты мен телбивудин біріктірілімі

• рибавиринмен біріктірілімде тағайындағанда жүктілік және лактация кезеңі

Балалар және жасөспірімдер:

• сыртартқыдағы психикалық аурулар, әсіресе ауыр депрессия, суицидтік ойлар немесе суицидтік әрекетке ұмтылыстар

• созылмалы С гепатиті бар 3 жасқа дейінгі жас

Рибавиринмен біріктірілімдегі ем:

Интрон А® препаратын рибавиринмен біріктірілімде тағайындағанда, егер бұл препарат созылмалы С гепатиті бар емделушілерді емдеу үшін Интрон А® препаратымен біріктірілімде қолданылатын болса, рибавиринді қолдану бойынша нұсқаулықтағы қолдануға болмайтын жағдайлар бөлімін қараңыз.

Дәрілермен өзара әрекеттесуі

Интрон А® есірткі, ұйықтататын және тыныштандыратын дәрілермен бірге сақтықпен қолданылу керек.

Интрон А® препаратымен өзге дәрілік заттар арасындағы дәрілік өзара әрекеттесу толық зерттелмеген. Интрон А® миелосупрессиялық әсер етуі потенциалды препараттармен біріктірілгенде абайлап қолданылу керек.

Интерферондар тотықтырғыш метаболизмдік үдерістерге әсер етуі мүмкін. Мұны осы жолмен метаболизденетін препараттармен (мысалы, ксантин туындылары - теофиллин және аминофиллин) бір мезгілде емдегенде ескерген жөн. Ксантин туындыларымен бір мезгілде қолданылғанда қан сарысуындағы теофиллиннің деңгейін бақылап және қажет болғанда дозасын түзету қажет.

Альфа интерферонымен, оның ішінде Интрон А® препаратымен ем қабылдаған емделушілер арасында өкпе инфильтраты, пневмонит және пневмония, кейде өліммен аяқталғаны сирек дамыды. Бұл жағдайларда этиологиясы анықталмаған. Бұндай симптомдары туындауының көбірек жиілігі шо-сайко-то (қытай өсімдік препараты) препаратын альфа интерферонымен бір мезгілде қолдану аясында анықталды.

Интрон А® препараты басқа химиялық ем препараттарымен (мысалы, цитарабин, циклофосфамид, доксорубицин, тенипозид) біріктірілімде қолданылғанда уытты әсерлерінің (олардың ауырлығы мен ұзақтығын) даму қаупін жоғарылатады.

Егер бұл препарат ССГ бар емделушілерді емдеу үшін Интрон А® препаратымен біріктірілімде қолданылатын болса, сондай-ақ RBV нұсқаулығымен танысу керек.Телбивудиннің (тәулігіне 600 мг) PegIFN-мен (тері астына аптасына 1 рет 180 мкг) біріктірілімі тексерілген клиникалық зерттеулер бұндай біріктірілімнің шеткергі нейропатия дамуының жоғары қаупімен байланыстылығын көрсетті. Бұл реакциялардың механизмі белгісіз (телбивудин нұсқаулығын қараңыз). Оның үстіне, созылмалы В гепатитін емдеу үшін телбивудиннің интерферондармен біріктірілімінің қауіпсіздігі және тиімділігі көрсетілмеген. Осы себепті Интрон А® препараты және телбивудин біріктірілімі қарсы көрсетілімде.

Айрықша нұсқаулар

Психикалық бұзылулар және ОЖЖ.

Кейбір емделушілерде ОЖЖ тарапынан күрделі бұзылулар, атап айтқанда депрессия, суицидтік ойлар және суицидтік әрекеттер Интрон А® препаратымен емделу кезінде және тіпті ең бастысы ем аяқталғаннан кейін 6 ай ішінде байқалды. Интрон А® препаратын RBV біріктірілімде қабылдаған балалар және жасөспірімдер арасында суицидтік ойлар және суицидтік әрекеттер ересек емделушілермен салыстырғанда жиірек байқалды (1% қарсы 2.4%). Ересек емделушілерде, балалар және жасөспірімдерде, сондай-ақ, басқа да психикалық бұзылулар, мысалы, депрессия, эмоциялық құбылу, ұйқышылдық байқалды. Бұндай симптомдар пайда болған жағдайда осыған ұқсас жағымсыз құбылыстардың потенциалды күрделілігін ескеру керек. Симптомдар сақталғанда немесе өршігенде, немесе суицидтік және гомицидтік ойлар немесе мінез-құлық озбырлығы анықталғанда емді тоқтату және емделушіге тиісінше психиатриялық көмек көрсету ұсынылады.

Қазіргі уақытта немесе сыртартқысында ауыр психикалық жай-күйі бар емделушілер.

Егер ауыр психикалық жай-күйі бар емделуші үшін (қазіргі уақытта немесе сыртартқысында) альфа-2b интерферонымен ем қажет болса, оны психикалық жай-күйіне жеке диагностикалық және емдік бақылауды тиісінше қамтамасыз еткеннен кейін ғана бастау керек.

Альфа-2b интерферонын ауыр психиатриялық жай-күйдегі балалар және жасөспірімдерде (қазіргі уақытта немесе сыртартқысында) қолдану қарсы көрсетілімде.

Психикалық белсенді заттарды тұтынатын/зиян келетіндей артық тұтынатын емделушілер.

Бір мезгілде психикалық белсенді заттарды (алкоголь, марихуана, және т.б.) тұтынатын С вирусты гепатиті бар емделушілерде альфа интерферонымен емдегенде психика тарапынан бұзылу дамуының немесе бұрыннан бар психика бұзылуының өршуінің жоғары қаупі бар. Егер бұндай емделушілерде альфа интерферонымен ем қажет болса, қатарлас психикалық аурулар болуын және басқа заттарды қолдану потенциалын мұқият бағалау керек және ем бастар алдында тиісінше шара қабылдау керек. Егер қажет болса, жай-күйін, емді және кейінгі бақылауды бағалау үшін психолог немесе наркологты қоса, аралық бақылау мәселесін қарастыру керек. Емделушінің жай-күйін ем кезінде, сондай-ақ емдеу тоқтатылғаннан кейін мұқият бақылау керек. Психиатриялық бұзылулар және психикалық белсенді заттар қолдану қайта туындауға немесе дамуына қатысты ертерек араласу ұсынылады.

Балалар және жасөспірімдер: өсуі және дамуы (созылмалы С гепатиті).

Ұзақтығы 48 апталық 3 жастан 17 жасқа дейінгі емделушілердегі интерферонмен (стандартты және пегилирленген)/RBV біріктірілген емнің курсы барысында дене салмағының өсуі іркілісі (орташа перцентиль 13%-ға төмендеген) және және бойдың өсуі баяулауы (орташа перцентиль 9% төмендеген) жиі байқалды.

Бұл көрсеткіштердің жалпы нашарлауы емнен кейінгі 24 апталық кезең барысында анықталды. Балалардағы интерферон/RBV біріктірілімімен емнің ұзақ кезеңінің қолда бар деректері сондай-ақ бойдың өсуі елеулі баяулауын (бой өсу перцентилі бастапқы көрсеткішпен салыстырғанда >15 перцентильге төмендеген), тіпті ем 5 жыл бұрын аяқталса да, балалардың 21%-да айғақтайды, кейбір емделушілерде ересек жаста түпкілікті бойдың азаюына алып келген.

Балалардағы артықшылығын/қаупін жеке бағалау.

Емнің болжамды пайдасын балалар мен жасөспірімдер қатыстырылған клиникалық зерттеулерден алынған қауіпсіздік бойынша деректермен мұқият салыстыру керек. Біріктірілген емнің бой өсуін индукциялайтынын, ал бұл үдерістің қайтымдылығының күмәнді екенін ескеру маңызды. Қаупін баладағы ауру үдеуі белгілері (айқын фиброз), ауру үдеуіне теріс әсер ететін қатарлас аурулар (мысалы, қатарлас АИТВ-инфекция) сияқты ауру сипаттарымен, сондай-ақ вирусологиялық жауапқа қатысты (С гепатиті вирусының генотипі және вирустық жүктеме) болжам факторларымен салыстыру керек. Егер мүмкін болса, баланың емін бой өсуі іркілісі қаупін төмендету үшін бой өсуінің пубертаттық секірісінен кейін жүргізу керек. Жыныстық жетілуге кейіннен болатын әсеріне қатысты деректер жоқ.

Шұғыл типті аса жоғары сезімталдық.

Интрон А® препаратымен ем барысында альфа интерферонына шұғыл типті аса жоғары сезімталдық реакциялары (есекжем, ангионевроздық ісіну, бронх түйілуі, анафилаксия сияқты) сирек байқалды. Егер бұндай реакциялар туындаса, препаратты тоқтату және тиісті дәрі-дәрмектік ем тағайындау керек. Өтпелі тері бөртпесі препарат тоқтатуын талап етпейді.

Қан ұю көрсеткіштерінің және бауыр тарапынан патологиясының ұзартылуын қоса, жағымсыз реакциялар.

Ауырлығы орташа немесе ауыр дәрежедегі жағымсыз реакциялар туындағанда доза модификациясы қажет немесе кейбір жағдайларда Интрон А® препаратымен емді тоқтату керек болуы мүмкін. Басқа да интерферондарды қолданғандағы сияқты, Интрон А® препаратын қан ұю уақыты ұзарған жағдайда тоқтату керек, бұл бауыр функциясының декомпенсациясын білдіру мүмкін.

Интрон А® препаратымен ем кезінде бауыр тарапынан патологиялық өзгерістер туындаған барлық емделушілерде мұқият бақылау және белгілер мен симптомдар үдеуі жағдайында емді тоқтату керек. Интрон А® препаратымен ем бастағаннан кейін 2, 8 және 12 аптасында және ем кезінде әр 6 ай сайын бауыр функциясын сарысулық билирубин, аланинаминотрансфераза (АЛТ), аспартатаминотрансфераза (АСТ), сілтілік фосфатаза (СФ) және лактатдегидрогеназа (ЛДГ) деңгейін өлшеу арқылы бақылау керек. Ауырлығы ауыр дәрежелі (3 дәрежелі) бауыр жеткіліксіздігі немесе бауыр декомпенсациясы (В және С класы, Чайлд-Пью бойынша >6) дамыған жағдайда Интрон А® препаратымен емді тоқтату керек.

Артериялық гипотензия.

Артериялық гипотензия Интрон А® препаратымен ем барысында және ол аяқталғаннан кейін 2 күн ішінде туындауы мүмкін, бұл демеуші ем жүргізуді талап етуі мүмкін.

Талапқа сай гидратация қажеттігі.

Интрон А® препаратымен ем қабылдайтын емделушілерде талапқа сай гидратациямен қамтамасыз ету керек, өйткені кейбір емделушілерде организмде сұйықтық көлемі азаюына байланысты болатын артериялық гипотензия анықталды. Бұндай жағдайларда регидратация жүргізу қажет болуы мүмкін.

Қызба тұмау тәрізді синдром белгісі болуы мүмкін, бұл интерферон емінде жиі кездеседі, алайда оның туындауының басқа себептері бар-жоғын айқындау керек.

Қатарлас аурулар.

Интрон А® препаратын сыртартқысында ауыр созылмалы аурулары: созылмалы обструктивтік өкпе ауруы, кетоацидозға бейімі бар қант диабеті бар емделушілерге сақтықпен тағайындайды. Препаратты қан ұюы бұзылуы (тромбофлебит, өкпе эмболиясы) немесе айқын миелосупрессиясы бар емделушілерге қолданғанда ерекше сақтық талап етіледі.

Өкпе аурулары.

Өкпе инфильтраттары, пневмонит және пневмония, кейде өліммен аяқталатын, Интрон А® препаратымен ем қабылдайтын емделушілерде сирек бақыланды. Бұл аурулардың этиологиясы белгісіз. Шо-сайко-то (қытайлық өсімдік препараты) альфа интерферонымен бір мезгілде қолдану аясында бұл симптомдардың туындағаны жиірек анықталды. Қызба, жөтел, ентігу немесе басқа да респираторлық симптомдар туындаған барлық емделушілерге кеуденің рентгенографиясын жүргізу керек. Егер рентгенограммада инфильтраттар көрінсе немесе өкпе функциясының нашарлау белгілері болса, емделушінің жай-күйін мұқият бақылау керек және, егер қажет болса, альфа интерферонын тоқтату керек. Альфа интерферонымен ем қабылдаған ССГ бар емделушілерде бұндай өзгерістер жиірек туындаса да, олардың осындай альфа интерферонымен ем қабылдаған онкологиялық аурулары бар емделушілерде дамыған жағдайлары туралы хабарланған. Альфа интерферонын дереу тоқтату және кортикостероидтармен емдеу өкпе тарапынан болатын жағымсыз құбылыстардың жойылуына алып келеді.

Көру тарапынан өзгерістер.

Торқабыққа қан құйылу, торқабықтың серозды ажырауы, үлпек дақтар және торқабықтың артериялары немесе көктамырларының тромбозын қоса, офтальмологиялық бұзылулар туралы альфа интерферонымен емнен кейін сирек хабарланған. Барлық емделушілер ем басталғанша офтальмологиялық тексеруден өтуі тиіс. Көру өткірлігінің немесе көру аумағының өзгерісіне шағымы бар барлық емделушілерге, сондай-ақ Интрон А® препаратымен ем кезінде басқа да офтальмологиялық симптомдар туындаған емделушілерге дереу толық офтальмологиялық тексерілу жүргізу керек. Интрон А® препаратымен ем кезінде, әсіресе ретинопатияға байланысты болуы мүмкін бұзылулары бар емделушілерге, мысалы қант диабетінде немесе артериялық гипертензияда мезгіл-мезгіл көру қабілетін тексеру ұсынылады. Офтальмологиялық аурулар пайда болғанда немесе барысы нашарлағанда, емделушілерде Интрон А® препаратын тоқтату туралы мәселені қарастыру керек.

Есеңгіреу, кома және энцефалопатия.

Энцефалопатия жағдайларын қоса, есеңгіреу және кома сияқты елеулілігі жоғарырақ жағымсыз реакциялар препараттың жоғары дозаларын қабылдаған (көбіне егде жастағы) кейбір емделушілерде бақыланды. Әдетте бұл әсерлер қайтымды сипатта болатындықтан, кейбір емделушілерде толық сауығу 3 аптадан соң басталды. Интрон А® препаратын жоғары дозаларда қолданғанда құрысулар өте сирек бақыланды.

Жүрек тарапынан патологиясы бар емделушілер.

Интрон А® препаратымен ем қабылдайтын, сыртартқысында іркілісті жүрек жеткіліксіздігі бар, сыртартқысында немесе қазіргі кезде миокард инфарктісі және/немесе жүрек ырғағы бұзылуы бар ересек емделушілер үнемі бақылауда болуы тиіс. Жүрек тарапынан патологиясы бар және/немесе терминальді сатыдағы онкологиялық аурулары бар емделушілерге ем бастар алдында және ем барысында ЭКГ-зерттеу жүргізу ұсынылады. Жүрек аритмиясы (негізінен қарыншаүстілік) әдетте стандартты емге көндігеді, бірақ Интрон А® препаратын тоқтату талап етілуі мүмкін. Сыртартқысында жүрек ауруы бар балалар немесе жасөспірімдерге қатысты деректер жоқ.

Гипертриглицеридемия.

Гипертриглицеридемия және кейде ауыр түрдегі гипертриглицеридемия айқындығы күшеюі бақыланған; осы себепті липидтер деңгейін бақылау ұсынылады.

Псориазы және саркоидозы бар емделушілер.

Альфа интерферонымен емдеу аясында псориаз бен саркоидоздың өршулері сипатталған жағдайларды ескеріп, Интрон А® мұндай емделушілерде тек күтілімді пайдасы болжамды қауіптен артық болатын жағдайда ғана қолданылады.

Аллотрансплантаттардың ажырауы.

Алдын ала алынған деректерде альфа интерферонымен емдеудің бүйрек трансплантатының ажырау қаупін арттыруы мүмкін екені айғақталады. Сондай-ақ, альфа интерферонымен емдеумен себептік байланысы анықталмаса да, бауыр трансплантатының ажырауы жөнінде хабарланған.

Аутоантиденелер және аутоиммундық аурулар.

Интрон А® препаратымен ем аутоантиденелердің пайда болуына және аутоиммундық аурулардың дамуына әкелуі мүмкін. Аутоиммундық аурулар симптомдарының дамуына тұқым қуалаған бейімділігі немесе күдігі бар емделушілер оларды ерте анықтау мақсатында тұрақты қадағалануы тиіс. ССГ бар емделушілерде Фогт-Койянаги-Харада синдромына күдік болған жағдайда вирусқа қарсы ем тоқтатылып және кортикостероидты емдеу қажеттілігі талқылануы тиіс. Интрон А® препаратымен ем аясында пайда болуы мүмкін тұмауға ұқсас синдромда дене температурасын түсіру және бас ауыруын азайту үшін ыстық түсіретін ем қолдану ұсынылған.

Қатарлас химиялық ем.

Интрон А® мен басқа химиялық ем препараттарды (мысалы, цитарабин, циклофосфамид, доксирубицин, тенипозид) біріктіріп қолдану оларды бір мезгілде қолдану салдарынан өмірге қауіп төндіретін немесе өлімге себеп болатын уыттылық әсерлерінің (олардың ауырлығы мен ұзақтығының) даму қаупін арттырады. Өмірге потенциалды қауіпті немесе фатальді болуы ретінде келесі жағымсыз әсерлер туралы жиірек хабарланды: шырышты қабықтардың қабынуы, диарея, нейтропения, бүйрек функциясы бұзылуы және электролиттік теңгерімсіздік. Уыттылық қаупі жоғарылауы себепті Интрон А® препаратының және қатарлас химиялық ем препараттарының дозасын мұқият таңдау керек. Егер Интрон А® препаратын гидроксимочевинамен қолданса, жиілігі жоғарылауы және тері васкулитінің ауырлығы күшеюі мүмкін.

ССГ RBV біріктірілген ем.

Сондай-ақ ССГ бар емделушілерде Интрон А® препаратымен RBV қолданғанда оның нұсқаулығына қарау керек. ССГ зерттеулеріндегі барлық емделушілерге бауыр биопсиясын олар зерттеуге кіргенше жүргізген, бірақ кейбір жағдайларда (мысалы, 2 және 3 генотипі бар емделушілер) емді гистологиялық растауларсыз жүргізу де мүмкін болды. Ем бастар алдында бауыр биопсиясын жүргізу қажеттігі туралы мәселені шешуде қолданыстағы нұсқауларды ұстану керек.

Моноем.

ССГ емдеу үшін Интрон А® қабылдайтын ересек емделушілерде қалқанша без тарапынан бұзылулар - гипотиреоз немесе гипертиреоз жиі туындамайды. Емделушілердің 2.8% Интрон А® қолданудың клиникалық зерттеулерінде қалқанша безі тарапынан патологиялық өзгерістер туындаған. Қалқанша безі функциясының бұзылуын жалпы тиісті еммен бақылаған. Интрон А® препаратының тиреоидты статусқа әсер ету механизмі белгісіз. ССГ емдеу үшін Интрон А® қолдануды бастар алдында қан сарысуында ТТГ деңгейін анықтау керек. Қандай да бір ауытқулар анықталғанда жалпы тиісті ем жүргізу керек. Егер ТТГ деңгейін қалыпты деңгейде дәрі-дәрмектік еммен ұстап тұру мүмкін болса, Интрон А® препаратымен ем бастауға болады. Егер емделушіде емдеу курсы барысында қалқанша безі функциясының болжамды бұзылуын көрсететін симптомдар туындаса, ТТГ деңгейін анықтау керек. Қалқанша безі дисфункциясында, егер ТТГ деңгейі дәрі-дәрмектік ем жүргізгенде қалып шегінде сақталатын болса, Интрон А® препаратын қолдануды жалғастыруға болады. Интрон А® препаратын қолдануды тоқтату ем барысында туындаған қалқанша безі дисфункциясының қайтымдылығына алып келмейді (төмендегі «Балалар және жасөспірімдердегі қалқанша безінің қосымша мониторингін» қараңыз).

Балалар және жасөспірімдердегі қалқанша безі функциясының қосымша мониторингі.

Альфа-2b интерфероны/RBV біріктірілген ем қабылдаған балалардың шамамен 12%-да ТТГ деңгейі жоғарылауы, ал шамамен 4 % емделушілерде – гормон деңгейінің өтпелі төмендеуі (қалыптың төменгі шегінен төмен) бақыланды. Интрон А® препаратын қолдануды бастар алдында ТТГ деңгейін анықтау керек және қалқанша безі тарапынан қандай да бір патология анықталғанда стандартты ем жүргізу керек. Егер ТТГ деңгейін қалыпты деңгейде дәрі-дәрмектік еммен ұстап тұру мүмкін болса, Интрон А® препаратымен ем бастауға болады. Альфа-2b интерфероны/RBV емі барысында қалқанша безі функциясының бұзылуы бақыланды. Қалқанша безі тарапынан патология анықталғанда тиреоидты статусты тексеру керек және тиісті ем жүргізіледі. Балалар және жасөспірімдерде қалқанша безі функциясын әр 3 ай сайын бақылау керек (мысалы, ТТГ деңгейін анықтау).

СГВ/АИТВ ко-инфекциясы.

Белсенділігі жоғары антиретровирусты ем қабылдайтын, қатарлас АИТВ-инфекциясы бар емделушілерде лактоацидоз дамуының жоғарырақ қаупі бар. Егер Интрон А® препараты және RBV белсенділігі жоғары антиретровирусты ем жүргізу уақытында тағайындалса, сақтық шараларын жүргізу керек (RBV қолдану бойынша нұсқаулықты қараңыз). Интрон А®/RBV және зидовудин біріктірілімін қабылдайтын емделушілерде анемия даму қаупі жоғары болуы мүмкін.

Белсенділігі жоғары вирусқа қарсы ем қабылдайтын, ко-инфекциясы және үдемелі циррозы бар емделушілерде бауыр функциясы декомпенсациясының және өліммен аяқталу қаупі жоғары болуы мүмкін. Тек альфа интерферонымен немесе RBV біріктірілімімен қосымша ем емделушілердің бұл тобында қауіпті жоғарылатуы мүмкін.

Дентальді және периодонтальді бұзылулар.

Тіс түсуіне алып келуі мүмкін дентальді және периодонтальді бұзылулар туралы Интрон А® және RBV препараттарымен біріктірілген ем қабылдайтын емделушілерде хабарланды. Бұдан басқа, Интрон А® және RBV препараттарымен біріктірілген ұзақ уақыттық емде ауыз құрғауы тіске және ауыз қуысының шырышты қабығына зақымдайтын әсер етуі мүмкін. Емделушілерге тісін күніне 2 рет мұқият тазартуы және стоматологиялық тексеруден ұдайы өтіп тұруы тиіс. Одан өзге, кейбір емделушілерде құсу туындауы мүмкін, бұдан кейін ауызды мұқият шаю керек.

Зертханалық зерттеулер

Интрон А® препаратымен ем бастар алдында және емделу үдерісінде мезгіл-мезгіл барлық емделушілерде шеткергі қан көрінісіне (лейкоцитарлық формуланы және тромбоциттер санын анықтаумен), биохимиялық қан көрсеткіштеріне (электролиттер, бауыр ферменттері, соның ішінде АЛТ, билирубин, жалпы ақуыз бен фракциялар, соның ішінде альбумин, және де креатининнің деңгейін анықтау) бақылау жүргізіледі. Интрон А® препаратымен емінің алдында және емдеу барысында қан көрсеткіштерінің деңгейі қалыпты мәндер шегінде болуы тиіс.

Созылмалы гепатиті бар емделушілердегі ем уақытында зертханалық көрсеткіштерге бақылау жүргізудің келесі мерзімділігі ұсынылады: 1, 2, 4, 8, 12, 16-шы апта және одан әрі қарай айына 1 рет, емнің барлық курсы бойына. Ем басталғанға дейін тіркелген АЛТ бастапқыдан екі есе немесе одан да көп жоғарылауында, Интрон А® препаратымен емді бауыр жеткіліксіздігінің белгілері біліну жағдайларын қоспағанда, жалғастыру мүмкіндігі бар. Бұл жағдайда АЛТ, протромбиндік уақытты, СФ, альбумин және билирубинді анықтауды әр 2 аптада жүргізу керек және емделушінің жай-күйін мұқият бақылау керек.

Қатерлі меланомасы бар емделушілерде бауыр функциясын және лейкоциттер санын (толық формуласымен) ремиссия индукциясы кезінде әр апта сайын және демеуші ем жүргізілгенде ай сайын бақылап отырған жөн.

Фертильділігіне әсері.

Интерферон фертильділігіне әсер ете алады.

Интрон А® препаратының құрамына кіретін кейбір қосымша заттар туралы маңызды ақпарат

Препарат құрамында 0.5 мл-де 1 ммоль-ден (23 мг) аз натрий бар және іс жүзінде құрамында натрий жоқ дерлік.

Жүктілік және лактация кезеңі

Ұрпақ өрбіту жасындағы әйелдер/еркектер және әйелдердегі контрацепция. Ұрпақ өрбіту жасындағы әйелдер контрацепцияның тиімді заттарын бүкіл ем бойына қолдануы тиіс. Адам лейкоцитарлық интерферонымен ем қабылдаған әйелдердің қан сарысуында эстрадиол және прогестерон концентрациясы төмендегені туралы хабарланды.

Фертильді еркектерде Интрон А® препаратын сақтықпен қолдану керек.

Жүктілік кезіндегі RBV біріктіріліміндегі ем күрделі туа біткен патология туындауына алып келеді. Әйел емделушілер және жұптары Интрон А® препаратын RBV біріктірілімде қабылдайтын әйелдер жүктілікті болдырмау үшін контрацепцияның аса сенімді шараларын қолдануы тиіс. Ұрпақ өрбіту жасындағы әйелдер контрацепцияның тиімді заттарын бүкіл ем бойына және ем аяқталғаннан кейін 4 ай бойы қолдануы тиіс. Ер жынысты емделушілер және олардың жұптары бүкіл ем бойына және ем аяқталғаннан кейін 7 ай бойына контрацепцияның тиімді заттарын пайдаланулары тиіс (RBV нұсқаулығын қараңыз).

Жүктілік.

Жүкті әйелдерде альфа-2b интерферонын қолдану туралы тиісті деректер жоқ. Жануарлардағы зерттеулер ұрпақ өрбітуге уыттылығын көрсетті. Адам үшін потенциалды қаупі белгісіз.

Жүкті әйелдерге RBV біріктіріліміндегі ем қарсы көрсетілімде.

Емшекпен емізу.

Адамда препарат компоненттерінің емшек сүтіне өтетіні белгісіз. Емшек еметін балаларда жағымсыз реакциялар туындау мүмкіндігі бар болғандықтан бала емізуді ем басталғанға дейін тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделушіге емделу аясында әлсіздік, ұйқышылдық, сана бұзылуының дамуы мүмкін екенін ескертіп, көлік құралдарын немесе күрделі техниканы басқарудан аулақ болу керегін ұсыну керек.

Артық дозалануы

Жедел клиникалық білінулерімен қатар жүретін артық дозалану жағдайлары туралы хабарланбаған. Алайда, кез келген фармакологиялық белсенді заттардың артық дозалауындағы сияқты, өмірлік маңызы бар ағзалардың функциясына жиі мониторингпен симптоматикалық ем жүргізу және емделушінің жай-күйін мұқият бақылау көрсетіледі.

Шығарылу түрі және қаптамасы

Интрон А®, инъекцияға арналған ерітінді, 18 млн. ХБ /3 мл (3 млн. ХБ 6 доза),

25 млн. ХБ /2.5 мл (5 млн. ХБ 5 доза),

18 млн. ХБ /1.2 мл (3 млн ХБ 6 доза).

3 мл препараттан (18 млн. ХБ/3 мл (3 млн. ХБ 6 доза)) немесе 2.5 мл препараттан (25 млн. ХБ/2.5 мл (5 млн. ХБ 5 доза)) сыйымдылығы 5 мл шыны құтыларға құяды.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.

1.2 мл препараттан (18 млн. ХБ/1.2 мл (3 млн. ХБ 6 доза)) еккіш-қаламға құяды.

1 еккіш-қаламды енгізуге арналған 6 инемен және теріні дезинфекциялауға арналған 6 сүрткімен жиынтықта пластик тұғырға орналастырады.

Тұғыр медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

2 °С-ден 8 °С-ге дейінгі температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек.

2 °С-ден 8 °С-ге дейінгі температурада тасымалданады. 25 °С-ге дейінгі температурада 7 күннен асырмай тасымалдауға рұқсат етіледі. Осы кезең ішінде препарат тоңазытқышта (сақтау температурасы 2 °С-ден 8 °С-ге дейін) әріқарай сақтауға қайтарылуы мүмкін, бұл орайда препараттың жарамдылық мерзімі сақталады. Егер де препарат 7 күн бойы тоңазытқышқа сақтауға салынбаса және пайдаланылмаса, ол әріқарай қолдануға жарамайды.

Құтыны немесе еккіш-қаламның қаптамасын ашқаннан кейін препараттың химиялық және физикалық тұрақтылығы, ерітіндінің микробиологиялық тазалығы және препараттың қолдануға жарамдылығы 2 °С-ден 8 °С-ге дейінгі температурада сақталатын болса, 28 күн бойы сақталады.

Сақтау мерзімі

2 жыл (құтылар үшін) және 15 ай (еккіш-қаламдар үшін)

Дәріханалардан босатылу шарттары

Рецепт арқылы

Өндіруші

Шеринг-Плау (Бринни) Компани, Ирландия

Қаптаушы

Шеринг-Плау Лабо Н.В., Бельгия

Тіркеу куәлігінің иесі

Шеринг-Плау Сентрал Ист АГ, Швейцария

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

Қазақстандағы Шеринг-Плау Сентрал Ист АГ компаниясының өкілдігі,

Алматы қ., Достық д-лы, 38, «Кең Дала» бизнес орталығы, 5 қабат

Тел. +7(727) 330-42-66, +7(727) 259-80-84

Факс +7(727) 259-80-90

эл. поштасы: dpoccis2@merck.com, pharmacovigilance.ukraine&cis@merck.com

 

Intron A EU SmPC IntronA-H-C-0281-WS-429-PI-en_CRT; S-CCDS-MK2958-MTL-062014 & S-CCDS-MK2958-MTL-082014