Интанорм таблетки (10 мг)

• русский
• қазақша

• Скачать инструкцию медикамента

Саудалық атауы

Интанорм

Халықаралық патенттелмеген атауы

Домперидон

Дәрілік түрі

10 мг таблеткалар

Құрамы

Бір таблетканың құрамында

белсенді зат –10 мг домперидон,

қосымша заттар: микрокристалды целлюлоза, кальций дигидрофосфаты, магний стеараты, тальк, коллоидты кремнийдің қостотығы.

Сипаттамасы

Дөңгелек пішінді, екі беті дөңес, бір жағында сындыру сызығы бар, екінші жағы жайпақ, ақ түсті таблеткалар.

Фармакотерапиялық тобы

Ішектің функционалдық бұзылыстарын емдеуге арналған препараттар. АІЖ моторикасын көтермелегіштер. Домперидон.

АТХ коды A03FA03

Фармакологиялық қасиеттері

Фармакокинетикасы

Домперидон ашқарынға ішу арқылы қабылдағанда тез сіңіріледі. Домперидонның қан плазмасындағы ең жоғарғы концентрациясына жету уақыты (Тmax) препаратты қабылдағаннан кейін 60 минутты құрайды. Препаратты тамақтан кейін қабылдағанда домперидоннің сіңірілуі баяулайды, ал «концентрация-уақыт» (AUC) арақатынасының қисық астындағы ауданы артады. Асқазан сөлінің гипоацидтілігі де домперидонның сіңірілуі мен Тmax шамамен 90 минутқа төмендетеді. Бұл кезде ең жоғарғы концентрациясы (Сmax) бір рет қабылдағаннан кейін 18нг/мл-ге және препаратты 2 апта бойы күніне 30 мг-ден күн сайын қабылдағанда 21 нг/мл-ге тең болады. Домперидонның төмен абсолюттік биологиялық жетімділігіне (шамамен 15%) ішек қабырғасы мен бауырдағы бастапқы экстенсивті метаболизмі түрткі болады. Домперидон бауырда гидроксилдену және N-дезалкилдену жолымен метаболизденеді.

Домперидон қан плазмасы ақуыздарымен 91-93%-ға байланысады. Домперидонның бала емізетін аналардың емшек сүтіндегі концентрациялары қан плазмасындағы сәйкесінше концентрацияларына қарағанда 4 есе төмен. Домперидон гематоэнцефалдық бөгет арқылы нашар өтеді.

Бір реттік дозасының қан плазмасынан жартылай шығарылу кезеңі 7-9 сағатты құрайды. Несеппен және нәжіспен шығарылуы ішу арқылы қабылданған дозасының сәйкесінше 31 және 66%-ын құрайды. Препараттың өзгеріссіз күйде шығарылуы аз пайызды құрайды (10% - нәжіспен және шамамен 1% - несеппен). Домперидон жинақталмайды және өзінің алмасуын индукцияламайды.

Бүйректің ауыр жеткіліксіздігі бар науқастарда (сарысу креатинині > 6 мг /100 мл, яғни, > 0,6 ммоль/л) домперидонның жартылай шығарылу кезеңі 7,4-тен 20,8 сағатқа дейін артады, бірақ препараттың қан плазмасындағы концентрациялары төмен болған.

Фармакодинамикасы

Интанорм препаратының белсенді заты – домперидон - дофаминнің антагонисі болып табылады, шеткергі (гастрокинетикалық) әсері мен хеморецепторлардың триггерлік аймағындағы дофамин рецепторларына антагонизмінің бірігуінен болатын құсуға қарсы әсері бар.

Домперидон асқазанның антральді және дуоденальді бөліктерінің жиырылуы ұзақтығын арттырады, оның босауын жеделдетеді және өңештің төменгі бөлігінің сфинктері аймағындағы қысымды арттырады. Домперидон асқазан сөлінісіне әсер етпейді. Интанормды қолдану сирек жағдайларда экстрапирамидтік жағымсыз әсерлермен қатар жүреді, бірақ гематоэнцефалдық бөгеттен тыс тұратын гипофизбен пролактиннің сөлінісін көтермелейді.

Қолданылуы

- диспепсиялық синдромда (эпигастрийдің толып кету сезімі, іштің үстіңгі жағының ауыруы, іштің кебу сезімі, кекіру, қыжыл) асқазан босауының баяулауында, асқазан-өңеш рефлюксінде, эзофагитте

- шығу тегі функционалдық, органикалық, жұқпалық, сондай-ақ емдәм бұзылуынан, радиотерапиядан, дәрі-дәрмекпен емдеуден кейінгі (мысалы, Паркинсон ауруы кезінде дофаминнің агонистері L-допа мен бромокриптин туғызған) жүрек айнуы және құсуда

Қолдану тәсілі мен дозалары

Интанорм таблеткаларын тамаққа дейін 20-30 минут бұрын қабылдау ұсынылады. Ересектер мен 12 жастан асқан балаларға (салмағы 35 кг асатын) симптомдарының айқындығына байланысты 1-2 таблеткадан күніне 3 немесе 4 рет ұсынылады. Ең жоғарғы тәуліктік дозасы 80 мг. Емдеу ұзақтығын дәрігер әр жағдайда жекелей анықтайды, орташа алғанда диспепсияда, шығу тегі функционалдық, жұқпалық жүрек айнуы мен құсуда, емдәм бұзылуынан кейін 1-2 апта, радиотерапиядан және дәрі-дәрмекпен емдеуден туындаған жүрек айнуы мен құсуда негізгі емдеу курсына байланысты орташа алғанда 1 ай.

Бүйрек жеткіліксіздігі кезінде қолдану

Препараттың азғантай пайызы бүйрекпен өзгеріссіз шығарылатындықтан, бүйрек жеткіліксіздігі бар науқастарда бір реттік дозасын түзету қажет емес. Алайда препаратты қайта тағайындағанда препаратты қабылдау жиілігі тәулігіне бір немесе екі ретке дейін төмендетілуі тиіс.

Жағымсыз әсерлері

Клиникалық зерттеу мәліметтері бойынша

Емделушілердің ≥ 1%-ында байқалған жағымсыз реакциялар: депрессия, үрей, либидо төмендеуі немесе болмауы, бас ауыруы, ұйқышылдық, акатизия, ауыз қуысының құрғауы, диарея, бөртпе, қышыну, галакторея, гинекомастия, сүт бездері аймағының ауыруы мен сезімталдығы, етеккір оралымының бұзылуы және аменорея, лактация бұзылуы, астения.

Емделушілердің < 1%-ында байқалған жағымсыз реакциялар: аса жоғары сезімталдық, есекжем, ісіну және сүт бездерінің бөліністері.

Жағымсыз құбылыстар туралы дербес хабарламалар мәліметтері бойынша

Төменде атап келтірілген жағымсыз әсерлер төмендегідей жіктеледі: өте жиі (≥ 10%), жиі (≥1%, бірақ < 10%), жиі емес (≥ 0,1%, бірақ < 1%), сирек (≥ 0,01%, бірақ <0,1%) және жекелеген жағдайларды қоса, өте сирек (<0,01%).

Өте сирек

- анафилактикалық шокты қоса, анафилактикалық реакциялар,

- қозу, күйгелектік

- экстрапирамидтік бұзылулар, құрысулар (көбінесе жаңа туған сәбилер мен балаларда)

- QT аралығының ұзаруы, жүрек ауруынан кенеттен өлу*, күрделі қарыншалық аритмиялар*

- Квинке ісінуі, есекжем

- несеп іркілуі

- плазмадағы пролактин деңгейінің артуы, бауыр қызметінің зертханалық көрсеткіштерінің ауытқулары

* Кейбір эпидемиологиялық зерттеулер домперидонді қолданудың күрделі қарыншалық аритмиялардың дамуы немесе кенеттен өлу қаупінің артуымен байланысты болу мүмкін екендігін көрсетті. Бұл құбылыстардың туындау қаупінің 60 жастан асқан емделушілер мен препаратты 30 мг асатын тәуліктік дозада қабылдаған емделушілердегі ықтималдығы үлкен. Ересектер мен балаларда домперидонды ең аз тиімді дозада қолдану ұсынылады.

Қолдануға болмайтын жағдайлар

- домперидонға және препараттың қосымша заттарына жоғары сезімталдық

- гипофиздің пролактин – секрециялайтын ісігі (пролактинома) - асқазан-ішектен қан кету, ішектің механикалық бітелуі, асқазан-ішек жолының кез-келген бөлігінің тесілуі (АІЖ) (яғни, АІЖ моторикасының көтермеленуі қауіпті болуы мүмкін)

- бауыр жеткіліксіздігінің орташа және ауыр дәрежесі

- кетоконазолдың, эритромициннің немесе CYP3A4 изоферментінің басқа күшті тежегіштерінің ішу арқылы қабылданатын түрлерін: флуканазолды, итраконазолды, вориконазолды, кларитромицинді, амиодаронды, телитромицинды және т.б. бір мезгілде қабылдау («Дәрілермен өзара әрекеттесуін» қараңыз)

- жүктілік және лактация кезеңі

- 12 жасқа дейінгі және дене салмағы 35 кг төмен балалар

Сақтықпен

- бүйрек қызметінің бұзылуы

Дәрілермен өзара әрекеттесуі

Домперидонның ішу арқылы қабылдағандағы биожетімділігі циметидинді, натрий бикарбонатын немесе басқа антацидтік және антисекреторлық дәрілерді бір мезгілде немесе кейіннен қабылдағанда төмендейді.

Домперидонның метаболикалық өзгерулерінің негізгі жолы CYP3A4 арқылы жүзеге асырылады. Интанормды бұл ферментті едәуір тежейтін дәрілік заттар: азол қатарының зеңге қарсы препараттарымен (флуконазол, итраконазол, кетоконазол, вориконазол), макролидтер тобының антибиотиктерімен (кларитромицин, эритромицин), АИВ протеазасы тежегіштерімен (ампренавир, атазанавир, фосампренавир, индинавир, нелфинавир, ритонавир, саквинавир), нефазодонмен, кальций антагонистері (дилтиазем, верапамил), амиодаронмен, апрепитантпен, телитромицинмен бір мезгілде қабылдау домперидонның қан плазмасындағы деңгейінің артуын тудыруы мүмкін.

Кетоконазол домперидонның CYP3A4-ге тәуелді алғашқы метаболизмін тежейді, соның нәтижесінде домперидонның ең жоғарғы концентрациясы мен плато фазасындағы AUC шамамен үш есе атуына жетеді.

Интанормды 10 мг дозада күніне 4 рет және кетоконазолды 200 мг дозада күніне 2 рет бірге қолданғанда QT аралығының 10-20 м/сек ұзарғаны байқалады, Интанорммен монотерапия кезінде QT аралығының клиникалық елеулі өзгерістері байқалмаған.

Антихолинергиялық препараттар Интанормның әсерін бейтараптандыруы мүмкін.

Интанормды науқастарда парацетамолды қабылдау немесе таңдап алынған дигоксинмен емдеу аясында қолдану бұл препараттардың қандағы деңгейіне әсер еткен жоқ. Интанормды нейролептиктермен де үйлестіруге болады, ол олардың әсерін күшейтпейді; дофаминэргиялық рецепторлардың агонистерімен (бромокриптинмен, L-допамен), асқорыту бұзылулары, жүрек айнуы, құсу сияқты жағымсыз шеткергі әсерлерін олардың негізгі қасиеттерін байтараптандырмай-ақ бәсеңдетеді.

Айрықша нұсқаулар

Антацидтік немесе антисекреторлық дәрілерді Интанорммен бірге тағайындағанда, бұл препараттарды қабылдаулар арасындағы 2 сағат аралықты сақтау немесе Интанормды тамаққа дейін 30 минут бұрын, ал антацидтік және антисекреторлық препараттарды тамақтан кейін 30 минуттан соң қабылдау қажет.

Домперидонның бауырдағы метаболизмі дәрежесінің жоғарылығын ескере отырып, ауырлық дәрежесі жеңіл және орташа бауыр жеткіліксіздігі бар науқастарға Интанормды сақтықпен тағайындау керек.

Интанорммен ұзақ емдеу кезінде бүйрек жеткіліксіздігі бар науқастар ұдайы бақылауда болуы тиіс.

Педиатрияда қолданылуы

Интанорм таблеткаларын дене салмағы 35 кг асатын балаларға тағайындайды (жасы 12-ден асқан). Кішкентай және салмағы аз балаларға домперидонды суспензия түрінде тағайындайды.

Жүктілік және лактация кезеңі

Домперидонның жүктілік және лактация кезінде қолданылуы туралы мәліметтер жеткіліксіз.

Дәрілік заттардың көлік құралдарын немесе қауіпті механизмдерді басқару қабілетіне әсер ету ерекшеліктері

Интанорм автокөлік басқару және техникамен жұмыс жасау қабілетіне әсер етпейді.

Артық дозалануы

Симптомдары: ұйқышылдық, бағдарсыздық және экстрапирамидтік реакциялар, әсіресе балаларда.

Емі: белсенділендірілген көмірді қолдану және мұқият қадағалау ұсынылады. Экстрапирамидтік реакциялар туындаған жағдайда, антихолинергиялық дәрілерді, антигистаминдік препараттарды, паркинсонизмді емдеу үшін қолданылатын препараттарды тағайындауға болады.

Шығарылу түрі мен қаптамасы

10 таблеткадан алюминий фольгадан жасалған пішінді ұяшықты қаптамаға салады.

1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Құрғақ, жарықтан қорғалған жерде, 30 0С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Lincoln Pharmaceuticals Ltd», Үндістан

Тіркеу куәлігінің иесі

«Interpharma Pvt. Ltd»

902, Викрам Тоуер, 16, Ранжендра Плас,

Нью Дели – 110008, Үндістан

Е-mail. interpharma@hotmail.com

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«КазЕвроФарм» ЖШС

Алматы қ., Құрманғазы к-сі 48 «а», 9 кеңсе

Индекс 050000

Телефон нөмірі (727) 2729871, 2615141

Факс нөмірі (727) 2614466

Электронды поштасы: Info@kazeuropharm.com