Интанорм (суспензия, 1 мг/мл)
Инструкция
-
русский
-
қазақша
Саудалық атауы
Интанорм
Халықаралық патенттелмеген атауы
Домперидон
Дәрілік түрі
Суспензия 1 мг/мл, 30 мл
Құрамы
Бір мл ерітіндінің құрамында
белсенді зат – домперидон 1,00 мг,
қосымша заттар: сахароза, кристалданбайтын сұйық сорбитол 70%, натрий метилпарагидроксибензоаты, натрий пропилпарагидроксибензоаты, натрий кроскармеллозасы, натрий цитраты,
сусыз лимон қышқылы, Понсо 4R (Е-124), апельсин эссенциясы, тазартылған су.
Сипаттамасы
Қызғылт-қызыл түсті суспензия.
Фармакотерапиялық тобы
АІЖ моторикасын көтермелегіштер. Домперидон.
АТХ коды А03FA03
Фармакологиялық қасиеттері
Фармакокинетикасы
Сіңуі
Домперидон ашқарынға ішу арқылы қабылдағанда асқазан-ішек жолдарынан (АІЖ) тез сіңіріледі. Қан плазмасындағы ең жоғарғы концентрациясына (Cmax) қабылдағаннан кейін 30 - 60 минут ішінде жетеді.
Домперидонның ішу арқылы қабылдағанда төмен абсолюттік био- жетімділігіне (шамамен 15%) ішек қабырғасы мен бауырдағы бастапқы экстенсивті метаболизмі түрткі болады.
Домперидонның биожетімділігі тамақтан кейін қабылдағанда артады, бірақ АІЖ патологиясымен науқастарға домперидонды асқа дейін 15-30 минут бұрын қабылдау керек. Асқазан сөлінің төмен қышқылдылығы домперидонның сіңірілуін төмендетеді
Препаратты тамақтан кейін қабылдағанда Cmax жету үшін ұзақ уақыт керек, ал «концентрация-уақыт» (AUC) фармакокинетикалық қисығы астындағы ауданы аздап ұлғаяды.
Таралуы
Тамақтан кейін қабылдағанда домперидон жинақталмайды және өзінің метаболизмін индукцияламайды. Бір рет қабылдағаннан кейін Сmax 18 нг/мл және препаратты 2 апта ішінде күніне 30 мг-ден күнделікті қабылдағанда 21 нг/мл жетеді.
Домперидон қан плазмасы ақуыздарымен 91-93%-ға байланысады. Домперидонның бала емізетін аналардың емшек сүтіндегі концентрациялары қан плазмасындағы сәйкесінше концентрацияларына қарағанда 4 есе төмен.
Метаболизмі
Домперидон бауырда гидроксилдену және N-дезалкилдену жолымен метаболизденеді.
CYP3A4 домперидонның N-дезалкилдену үдерісіне қатысатын P450 цитохром жүйесінің негізгі изоферменті болып табылады, ал CYP3A4, CYP1A2 мен CYP2Е1 домперидонның хош иісті гидроксилденуі үдерісіне қатысады.
Шығарылуы
Несеппен және нәжіспен шығарылуы ішу арқылы қабылданған дозасының сәйкесінше 31 және 66%-ын құрайды. Өзгеріссіз күйде 10% - нәжіспен және шамамен 1% - несеппен шығарылады. Бір реттік дозасын қабылдағаннан кейін қан плазмасынан жартылай шығарылу кезеңі (T1/2) 7-9 сағатты құрайды.
Айрықша клиникалық жағдайлардағы фармакокинетикасы
Бүйректің ауыр дәрежедегі жеткіліксіздігі бар науқастарда домперидонның T1/2 жоғарылайды.
Фармакодинамикасы
Интанорм - дофаминнің антагонисі болып табылады, құсуға қарсы әсер көрсетеді, асқазан-ішек жолының АІЖ моторикасының көтермелегіші. Домперидон гематоэнцефалдық бөгет (ГЭБ) арқылы нашар өтеді. Құсуға қарсы әсері, мүмкін, шеткері (гастрокинетикалық) әсерінің және хеморецепторлардың триггерлі аймағында допамин рецепторларына антагонизмінің бірігуімен шартталған.
Домперидон асқазанның эвакуаторлық және қимыл белсенділігін жоғарылатады және өңештің төменгі бөлігі сфинктерінің тонусын жоғарылатады. Домперидон асқазан сөлінісіне әсер етпейді. Домперидонды қолдану сирек жағдайларда әсіресе ересектерде экстрапирамидалық жағымсыз әсерлермен қатар жүреді, бірақ домперидон гипофизден пролактиннің бөлінуін көтермелейді.
Қолданылуы
-
жүрек айнуын және құсуды симптоматикалық емдеуде
Қолдану тәсілі мен дозалары
Препаратты тамаққа дейін қабылдау ұсынылады.
Препаратты тамақтан кейін қабылдаған жағдайда сіңірілу біраз баяулайды.
Дозаны және емдеу ұзақтығын клиникалық жағдайға және ауру ағымының сипатына қарай дәрігер анықтайды.
Ересектер мен дене салмағы 35 кг және одан жоғары 12 жастан асқан балалар дозасы. Күніне 3 рет 10 мг (10 мл шәрбат) тамақтануға дейін 15–30 мин бұрын және қажет жағдайда, ұйықтар алдында тағайындайды.
Препараттың ең жоғарғы тәуліктік дозасы – 30 мг (30 мл суспензия).
1 жасқа дейінгі балалар дозасы. Тәулігіне 3 рет баланың дене салмағының 1 кг 0,25 мг-ден (0,25 мл суспензия) тағайындайды.
1 жастан 12 жасқа дейінгі балалар дозасы. Тәулігіне 3-4 рет баланың дене салмағының 1 кг 0,25-0,5 мг-ден (0,25-0,5 мл суспензия) тағайындайды.
Мысалы, салмағы 10 кг бала үшін доза 2,5 мг және күніне үш рет ең жоғарғы дозаға дейін тәулігіне 7,5 мг құрайды.
Бастапқы емнің ұзақтығы – 7 күн. Дәрігер препаратты әрі қарай қолдану қажеттілігін анықтайды.
Бүйрек жеткіліксіздігінде препаратты қабылдау жиілігін төмендету қажет; бауыр жеткіліксіздігінде препаратты тағайындамаған жөн («Қолдану ерекшеліктері» бөлімін қар.).
Өлшегіш қасық 2,5 немесе 5 мл суспензияны, яғни дене салмағы 4 кг-ден басталатын балалар үшін дозаны өлшеуге арналғанын есте ұстау керек. Дене салмағы 4 кг дейінгі балаларға 1 мл-ден төмен дозаны өлшеу үшін сыйымдылығы 2 мл инесіз бір реттік пластик шприц қолдануға болады.
Жағымсыз әсерлері
Клиникалық зерттеу деректері бойынша
Интанорм қабылдаған пациенттердің ≥ 1%-ында байқалған жағымсыз реакциялар: депрессия, үрей, либидоның төмендеуі немесе болмауы, бас ауыруы, ұйқышылдық, акатизия, ауыз қуысының құрғауы, диарея, бөртпе, қышыну, галакторея, гинекомастия, сүт бездері аймағының ауыруы мен сезімталдығы, етеккір оралымының бұзылуы және аменорея, лактацияның бұзылуы, астения.
Интанорм қабылдаған пациенттердің < 1%-ында байқалған жағымсыз реакциялар: аса жоғары сезімталдық, есекжем, сүт бездерінің ісінуі және одан бөліністер.
Жағымсыз құбылыстар туралы өздігінен түскен деректер бойынша
Төменде атап келтірілген жағымсыз әсерлер келесідегідей жіктеледі: өте жиі (≥ 10%), жиі (≥1%, бірақ < 10%), жиі емес (≥ 0,1%, бірақ < 1%), сирек (≥ 0,01%, бірақ <0,1%) және жекелеген жағдайларды қоса, өте сирек (<0,01%).
Сирек
-асқазан-ішек бұзылыстары
- плазмадағы пролактин деңгейінің артуы, гипофиздің гематоэнцефалдық бөгеттен тыс орналасуына байланысты, сирек жағдайларда осы гиперпролактинемия галакторея, гинекомастия және аменорея секілді нейро-эндокриндік құбылыстардың пайда болуын көтермелеуі мүмкін
Өте сирек
-анафилаксиялық шокты қоса, анафилаксиялық реакциялар, ангионевротикалық ісіну, аллергиялық реакциялар: есекжем, Квинке ісінуі, қышыну, бөртпе
- ажитация, күйгелектік (негізінен жаңа туғандар мен балалардарда)
- экстрапирамидалық құбылыстар, құрысулар, ұйқышылдық, бас ауыруы - Экстрапирамидалық құбылыстар, құрысулар, бас ауыруы жаңа туған сәбилер мен балаларда өте сирек кездеседі, бірлі жарым жағдайларда ересектерде, олар толық қайтымды және препаратты қабылдауды тоқтатқаннан кейін дереу басылады.
- QTс аралығының ұзаруы, қарыншалық аритмия*, кенеттен болған коронарлық өлім*
- несептің іркілуі
- ішектің қайтымды түйілуі
- бауыр функциясының зертханалық көрсеткіштерінің ауытқуы, қандағы пролактин деңгейінің жоғарылауы
*Кейбір эпидемиологиялық зерттеулерде көрсетілгендей, домперидонды қолдану күрделі қарыншалық аритмияның немесе кенеттен өлім жағдайының даму қаупінің жоғарылауымен байланысты болуы мүмкін. Аталған құбылыстардың пайда болу қаупінің мүмкіндігі препаратты 30 мг асатын тәуліктік дозада қабылдайтын пациенттерде жоғары. Домперидонды балаларда ең төмен тиімді дозада қолдану ұсынылады.
Қолдануға болмайтын жағдайлар
- препарат компоненттеріне жоғары сезімталдық
- асқазан-ішектік қан кету, ішектің бітелуі немесе тесілу, осы жағдайларда асқазанның қимылдық функциясын стимуляциялау қауіпті болуы мүмкін
-гипофиздің пролактин – секрециялайтын ісігі (пролактинома) - кетоконазолдың, эритромициннің ішу арқылы қабылданатын түрлерін және QT аралығының ұзаруын туындататын, флуконазол, вориконазол, кларитромицин, амиодарон және телитромицин секілді басқа да CYP3A4 изоферментінің күшті тежегіштерін бір мезгілде қабылдау («Дәрілермен өзара әрекеттесуі» бөлімін қараңыз)
- бауыр функциясының орташа және ауыр дәрежедегі бұзылуы
Сақтықпен
- бүйрек функциясының бұзылуы
Дәрілермен өзара әрекеттесуі
Апиынды анальгетиктер және антихолинергиялық препараттармен бір мезгілде қолданғанда Интанормның әсерін төмендетуі мүмкін.
Интанормды антацидтік және секрецияға қарсы препараттармен бір мезгілде қолданғанда домперидонның биожетімділігі төмендейді.
Домперидонның метаболизмдік өзгеруінің негізгі жолы CYP3A4 арқылы жүреді. in vitro зерттеулері негізінде Интанормды осы ферментті айтарлықтай тежейтін дәрілік заттармен бір мезгілде қабылдағанда қан плазмасында домперидонның деңгейінің жоғарылауы мүмкіндігін болжамдауға болады.
CYP3A4 күшті тежегіштеріне флуконазол*, итраконазол, кетоконазол* және вориконазол* секілді азольді зеңге қарсы препараттар; макролидті- антибиотиктер, мысалы кларитромицин* және эритромицин*; АИТВ протеаза тежегіштері, мысалы ампренавир, атазанавир, фосампренавир, индинавир, нелфинавир, ритонавир мен саквинавир; дилтиазем мен верапамил; амиодарон*; апрепитант; телитромицин, нефазодон секілді кальций антагонистері жатады.
(Жұлдызшамен белгіленген препараттар бұдан басқа QTс аралығын ұзартады).
Домперидонның ішке қабылданатын кетоконазолмен және ішке қабылданатын эритромицинмен фармакокинетикалық және фармакодинамикалық өзара әрекеттесуінің бір қатар зерттеулерінде көрсетілгендей, дені сау еріктілерде бұл препараттар CYP3A4 изоферментімен іске асырылатын домперидонның алғашқы метаболизмін айтарлықтай тежейді.
10 мг домперидонды тәулігіне 4 рет және 200 мг кетоконазолды тәулігіне 2 рет бір мезгілде қабылдағанда бақылаудың барлық кезеңі бойы QTc аралығының орташа 9.8 мс ұзаруы байқалған, кейбір кезде өзгерістер 1.2-ден 17.5 мс дейін ауытқып отырды. 10 мг домперидонды тәулігіне 4 рет және 500 мг эритромицинді тәулігіне 3 рет бір мезгілде қабылдағанда бақылаудың барлық кезеңі бойы QTc аралығының орташа 9.9 мс ұзаруы байқалған, кейбір кезде өзгерістер 1.6-дан 14.3 мс дейін ауытқып отырды. Осы зерттеулердің әрқайсысында домперидонның Cmax және AUC шамамен 3 есе артқан.
Қазіргі кезде домперидонның плазмадағы жоғары концентрациясының QTc аралығының өзгеруіне қандай үлес қосатыны белгісіз.
Осы зерттеулерде домперидонмен монотерапия (10 мг тәулігіне 4 рет) QTc аралығының 1.6 мс (кетоконазолды зерттеу) және 2.5 мс (эритромицинді зерттеу) ұзаруына әкелді, кетоконазолмен монотерапия (тәулігіне 2 рет 200 мг) және эритромицинмен монотерапия (тәулігіне 3 рет 500 мг) барлық бақылау кезеңі бойы QTc аралығының сәйкесінше 3.8 және 4.9 мс ұзаруына әкелді.
Дені сау еріктілердегі бірнеше реттік дозаларын қолданумен басқа зерттеулерде, домперидонмен стационарлық монотерапия кезінде (40 мг тәулігіне 4 рет, жалпы тәуліктік дозасы 160 мг, ол ұсынылған ең жоғары тәуліктік дозасынан 2 есе жоғары) QTc аралығының айтарлықтай ұзаруы анықталған жоқ. Бұл кезде домперидонның плазмадағы концентрациясы домперидонның басқа препараттармен өзара әрекетесуін зерттеулермен ұқсас болды.
Фенотиазинмен бірмезгілде тағайындағанда экстрапирамидалық симптомдар дамуы мүмкін.
Бромокриптинмен бірмезгілде қабылдау гиперпролактинемияға әкелуі мүмкін.
Интанормды парацетамолды қабылдау аясында немесе дигоксинмен емдеумен қолдану осы препараттардың қандағы деңгейіне әсер етпеді.
Интанормды нейролептиктермен де үйлестіруге болады, ол олардың әсерін күшейтпейді; дофаминэргиялық рецепторлардың агонистерімен (бромокриптинмен, L-допамен), асқорыту бұзылулары, жүрек айнуы, құсу сияқты жағымсыз шеткері әсерлерін олардың негізгі қасиеттерін байтараптандырмай-ақ бәсеңдетеді.
Айрықша нұсқаулар
Препаратты ұзақ уақыт қолданғанда жүйелі медициналық қадағалау қажет.
Интанормды антихолинергиялық дәрілермен, антацидтік немесе секрецияға қарсы дәрілермен бірге тағайындамау керек. Оларды үйлестіріп қолдану қажет болса, соңғыларын Интанормды қабылдап жүрген кезде тамаққа дейін емес, тамақтан кейін қабылдау керек.
Интанорм сирек жағдайларда неврологиялық жағымсыз әсерлерді туғызуы мүмкін. Неврологиялық жағымсыз әсерлер қаупі кішкентай балаларда жоғары, өйткені өмірінің алғашқы айларында метаболизмдік функциялары мен гематоэнцефалдық бөгеті толық дамымайды.
Осыған байланысты Интанормның жаңа туған нәрестелерге, сәбилерге, 12 айдан асқан және мектепке дейінгі жастағы кішкентай балаларға арналған дозасын дәл есептеу және осындай дозасын қатаң сақтау керек. Неврологиялық жағымсыз әсерлер балаларда препараттың артық дозалануынан туындауы мүмкін, бірақ мұндай әсерлердің болуы мүмкін басқа себептерін де ескеру қажет.
Интанорм суспензиясының құрамында сорбитол бар, сондықтан оны сорбитолды көтере алмаушылығы бар пациенттер қабылдамауы керек.
Бауыр аурулары кезінде қолданылуы
Домперидонның бауырдағы метаболизмі дәрежесінің жоғарылығын ескере отырып, Интанормды бауыр аурулары бар науқастарға сақтықпен тағайындау керек.
Бүйрек аурулары кезінде қолданылуы
Бүйректің ауыр жеткіліксіздігі бар пациенттерде (сарысудағы креатинин > 6 мг /100 мл, яғни > 0,6 ммоль/л) домперидонның жартылай шығару кезеңі 7,4-тен 20,8 сағатқа дейін артқан, бірақ препараттың плазмадағы концентрациясы дені сау еріктілердегіге қарағанда төмен болған. Препараттың өте аз пайызы бүйрекпен өзгеріссіз күйде шығарылатындықтан, бүйрек жеткіліксіздігі бар науқастарда бір реттік дозасын түзету қажет емес. Алайда қайталап тағайындаған кезде қабылдау жиілігі тәулігіне бір немесе екі есеге дейін төмендетілуі тиіс, сондай-ақ препараттың дозасын төмендету қажеттілігі туындауы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат автокөлік басқару және техникамен жұмыс жасау қабілетіне әсер етпейді немесе өте аз әсер етеді.
Артық дозалануы
Симптомдары: ұйқышылдық, бағдарсыздық, экстрапирамидалық бұзылыстар, әсіресе балаларда.
Емі: домперидонның арнайы антидоты жоқ, асқазанды шаю және белсендірілген көмірді қабылдау ұсынылады; экстрапирамидалық бұзылыстарда - антихолинергиялық препараттар, паркинсонға қарсы немесе антигистаминдік препараттар.
Шығарылу түрі мен қаптамасы
30 мл суспензиядан тамызғыш құрылғысымен алғашқы ашылуы бақыланатын бұралатын алюминий қақпақпен жабылған янтар түстес пластик бөтелкеде.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салады.
Сақтау шарттары
Құрғақ, жарықтан қорғалған жерде, 30 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Сақтау мерзімі құтыны ашқаннан кейін 15 күн.
Жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецепт арқылы
Өндіруші
Interpharma, Үндістан
Тіркеу куәлігінің иесі
Interpharma
902, Викрам Тоуер, 16, Ранжендра Плас,
Нью Дели – 110008, Үндістан
Е-mail. interpharma@hotmail.com
Қазақстан Республикасы аумағында тұтынушылардан өнімнің (тауардың) сапасына қатысты шағымдарды қабылдайтын және дәрілік заттың қауіпсіздігін тіркеуден кейінгі қадағалауға жауапты ұйымның мекенжайы
«КазЕвроФарм» ЖШС
050000, Қазақстан Республикасы, Алматы қ-сы, Құрманғазы, 48а, 9-кеңсе
тел./факс: +7 (727) 2615141, 2614466
электронды поштасы: registration1@kazeuropharm.com