Индуктор интерферона бактериальный жидкий
Инструкция
-
русский
-
қазақша
Саудалық атауы
Бактериялық сұйық интерферон индукторы
Халықаралық патенттелмеген атауы
Жоқ
Дәрілік түрі
Инъекцияға арналған ерітінді, 1,0 мл
Құрамы
Бір мл құрамында
белсенді зат – белсенділігі жойылған Brucellа melitentis (74 штамм) 107 ± (2 х 103) микроб жасушасы,
қосымша зат – 0,9% натрий хлоридінің ерітіндісі.
Сипаттамасы
Мөлдір, түссіз сұйықтық, оны шайқаған кезде үлпектер табылмауы және бұлыңғырланбауы тиіс.
Фармакотерапиялық тобы
Басқа да иммуностимуляторлар
АТЖ коды L03AX
Фармакологиялық қасиеттері
Фармакокинетикасы
Зерттелген жоқ
Фармакодинамикасы
Препарат – бактериялық сұйық интерферон индукторы – организмде өз кезегінде вирусқа қарсы, ісіктерге қарсы және иммунитетті стимуляциялайтын әсер беретін α- және γ- интерферондардың түзілуін индукциялайды.
Эндогендік интерферонды индукциялайтын ең жоғары концентрацияға жету уақыты 6- 8 сағаттан соң, ол 24 сағат ішінде біртіндеп төмендейді.
Қолданылуы
Кешенді ем құрамында:
- қайталанатын созылмалы вирустық жұқпаларында (ұшық жұқпасында, В және С вирустық гепатиттерінде)
- ісік алды ауруларында (эрозивті эзофагитте, эрозивті гастритте, мастопатияда)
- қатерлі жаңа түзілімдерде (асқазан мен өңештің қатерлі ісігінде, лимфомада, лимфогранулематозда)
- мерезде
- парадонтитте
- созылмалы остеомиелитте
- тілмеде
- жатыр қосалқыларының қабыну ауруларында
- тыныс алу ағзаларының жұқпалы-қабыну ауруларында.
Қолдану тәсілі және дозалары
Бактериялық сұйық интерферон индукторын ересектерде бұлшықет ішіне 1,0 мл-ден тағайындайды.
Қолдану жиілігін және ұзақтығын көрсетілімдеріне, аурудың ауырлығына, емделушінің жекелей реакциясына байланысты белгілейді.
Ұсынылатын емделу курсы:
Жаңа түзілім – аптасына 1 инъекция, емделу курсы – 7 инъекция.
Ісікалды аурулары – аптасына 2 инъекция, емделу курсы – 7 инъекция.
Созылмалы В және С вирустық гепатиті – күнара 1 инъекция, емделу курсы – 7-10 инъекция.
Кез келген жерге орныққан ұшықты вирус жұқпалары – күнара 1 инъекция, емделу курсы – 7 инъекция.
Мерез – күнара 1 инъекция, емделу курсы – 7 инъекция.
Парадонтит – күнара 1 инъекция, емделу курсы – 7 инъекция.
Созылмалы остеомиелит - күнара 1 инъекция, емделу курсы – 7-10 инъекция.
Тілме – күнара 1 инъекция, емделу курсы – 7 инъекция.
Жатыр қосалқыларының қабыну аурулары – күнара 1 инъекция, емделу курсы – 7 инъекция.
Тыныс алу ағзаларының жұқпалы-қабыну аурулары – күнара 1 инъекция, емделу курсы – 7 инъекция.
Қолданар алдында құтыны шайқап араластыру керек. Құтыны ашу асептика және антисептика ережелерін қатаң сақтай отырып, жүзеге асырылуы тиіс.
Жағымсыз әсерлері
Жиі (>1/100 - <1/10)
-дене температурасының қысқа мерзімдік жоғарылауы
-қысқа мерзімдік бас ауыруы
Аталған жағымсыз әсерлер препаратты тоқтатуға себеп болмайды.
Қолдануға болмайтын жағдайлар
- жедел ағымды вирустық гепатиттерде
- жедел ағымды және жеделге жуық ревматизмде
- бронх демікпесінде
- созылмалы бруцеллезда
- жүректің ауыр ауруларында
- бүйрек қызметінің жедел ағымды және созылмалы жеткіліксіздігінде
- бауыр қызметінің жедел ағымды және созылмалы жеткіліксіздігінде
- аутоиммундық ауруларда
- аллергиялық ауруларда
- балаларға және 18 жасқа дейінгі жасөспірімдерге
Дәрілермен өзара әрекеттесуі
Препарат мыналармен үйлеседі:
- антибиотиктермен
- цефалоспариндермен
- вирусқа қарсы және иммунитетті модуляциялайтын препараттармен
- химиялық сәулемен емдеу кешенінде.
Айрықша нұсқаулар
Бактериялық сұйық интерферон индукторын енгізгенде 390С-ден жоғары температурадағы реакция пайда болған кезде препаратты тоқтату керек.
Емді бастағанға дейін және емнен кейін иммундық жағдайына зерттеу жүргізу керек.
Препараттың тиімділігі мен қауіпсіздігі балаларда анықталған жоқ.
Бүйрек, бауыр қызметінің жеңіл және орташа бұзылуларында емделушілерді мұқият бақылауға алу қажет.
Трансплантациядан кейін науқастарда дәрі-дәрмектік иммуносупрессия тиімділігі аз болуы мүмкін, өйткені индукцияланатын эндогендік интерферон иммундық жүйені стимуляциялаушы әсер береді.
Жүктілік және лактация кезеңі
Жүкті әйелдерге қолдану тәжірибесі шектеулі, сондықтан препарат дәрігердің қатаң бақылауымен, ана үшін пайдасы мен ұрық үшін қаупінің арақатынасын ескере отырып, қолданылады.
Дәрілік заттың көлікті және қауіпті механизмдерді басқару қабілетіне ықпал ету ерекшеліктері
Ықпал етпейді.
Артық дозаланғанда
Білінген жоқ
Шығарылу түрі және қаптамасы
Құтыларда 1 мл-ден. Құтылар резеңке тығынмен жабылады және металл қақпақпен көмкеріледі. 7 құты қаптамалық картон қорапта. Қорапқа препаратты медицинада қолданылуы жөнінде мемлекеттік және орыс тілдеріндегі нұсқаулықты салады.
Сақтау шарттары
2оС-ден 80С-ге дейінгі температурада сақтау керек. Мұздатып қатыруға болмайды!
Балалардың қолы жетпейтін жерде сақтау керек!
Сақтау мерзімі
2 жыл
Препаратты қаптамасында көрсетілген жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
Қазақстан Республикасы ДСМ Х.Жұматов атындағы ғылыми гигиена және эпидемиология орталығы
Тіркеу куәлігінің иесі
Қазақстан Республикасы ДСМ Х.Жұматов атындағы ғылыми гигиена және эпидемиология орталығы
Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы
ҚР ДСМ Х.Жұматов атындағы ғылыми гигиена және эпидемиология орталығы, Алматы қ-сы Мақатаев к-сі, 34. Тел. (872) 397-75-05, Факс (872) 397-75-18 e-mail ncgigieny@ mail.ru.