Индовазин (30 мг/ 20 мг)

Индовазин®

Жоқ

Дәрілік түрі, дозасы

Сыртқа қолдануға арналған гель

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар Сірке қышқылы туындылары және тектес қосылыстар. Басқа препараттармен біріктірілген индометацин.

АТХ коды М01АВ51

Препарат симптоматикалық емдеу үшін қолданылады:

- созылмалы веналық жеткіліксіздікте, ауырумен және ісінумен қатар жүретін венаның варикозды кеңеюінде

- беткейлік тромбофлебитте, флебитте, флебиттен кейінгі жағдайда

- геморроидальды ауруды кешенді емдеуде

- тендовагинитте, бурситте, фиброзитте, периартритте

- хирургиялық араласулардан кейінгі ісінулерде, контузияларда, шығып кеткенде,

созылуларда.

Қолдануды бастағанға дейін қажетті мәліметтер тізбесі

- препараттың әсер етуші немесе қосымша компоненттердің кез келгеніне аса жоғары сезімталдық

- ацетилсалицил қышқылына және басқа ҚҚСД (қабынуға қарсы стероидты емес дәрілерге) аса жоғары сезімталдық

- 14 жасқа дейінгі балалар мен жасөспірімдер (тиімділігі мен қауіпсіздігі дәлелденбеген)

- тері жабын бүтіндігінің (ашық жаралар), шырышты қабықтың бұзылуы

- қайталанатын поллиноз

- этиологиясы айқын емес қан ұюының бұзылуы (гипокаогулопатии)

Қолданған кездегі қажетті сақтандыру шаралары

Сақтықпен:

- қабынуға қарсы дәрілермен бір мезгілде қабылдау

- бронх демікпесі

- порфирия

- асқазан-ішек жолының эрозиялы-ойық жаралы зақымдануы

- бауыр мен бүйрек функциясының ауыр бұзылулары

- созылмалы жүрек жеткіліксіздігі

- егде жастағылар

Басқа дәрілік препараттармен өзара әрекеттесуі

Индовазин® гелін кортикостероидты препараттармен бір мезгілде қолдану ұсынылмайды, өйткені олардың ульцерогенді әсері күшеюі мүмкін.

Препаратты басқа ҚҚСД, антибиотиктер, антикоагулянттар, гипогликемиялық препараттармен бір мезгілде сақтықпен қабылдау керек. Гель фотосенсибилизация туындататын препараттардың әсерін күшейтуі мүмкін.

Арнайы ескертулер

Бронх демікпесі, аллергиялық ринит немесе басқа атопиясы бар пациенттерге қолдану ұсынылмайды.

Гельді тек зақымдалмаған теріге жағады. Гельдің ашық жара бетіне, көздің шырышты қабығына немесе конъюнктивасына түсуін болдырмау керек.

Бауырдың және бүйректің ауыр  сипатты ауруы және ойық жара ауруы бар науқастарға препаратты ұзақ уақыт, әсіресе терінің үлкен аумағында қолдануды шектеу керек.

10 күннен асатын емдеу курсында, лейкоцитарлық және тромбоцитарлық формулаға зертханалық бақылау жүргізу керек.

Қосымша заттар туралы ақпарат

Индовазин® гелінің құрамында теріге, көзге және шырышты қабыққа тітіркендіргіш әсер беретін қосымша заттар ретінде натрий бензоаты және диметилсульфоксид бар.

Педиатрияда қолдану

Препарат клиникалық қолдану тәжірибесінің болмауына байланысты 14 жасқа дейінгі балаларға және жасөспірімдерге қолдануға болмайды.

Жүктілік және бала емізу

Жүктілік және/немесе бала емізу кезеңінде препаратты қолдану қауіпсіздігін растайтын клиникалық тәжірибе жоқ. Егер ана үшін күтілетін пайда шаранаға ықтимал қауіптен асып кетсе, препаратты емдеуші дәрігер клиникалық жағдайды мұқият бағалағаннан кейін ғана қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын жүргізу және механизмдермен жұмыс істеу кезінде психомоторлы реакциялардың жылдамдығына әсер етпейді.

Қолдану жөніндегі нұсқаулар

Дозалау режимі

4-5 см гель мөлшері күніне 3-4 рет жеңіл ысқылау қозғалыстарымен зардап шеккен аймаққа жұқа қабатпен жағылады. Бір реттік дозасы 4-5 см-ге сәйкес, тәуліктік  дозасы 20 см-ден аспауы тиіс. Емдеу ұзақтығы 10 күннен аспауы тиіс.

Енгізу әдісі мен жолы

Препарат сыртқа қолдануға арналған.

Емдеу ұзақтығы

Емдеу ұзақтығын дәрігер анықтайды.

Артық дозаланған жағдайда қабылдануы тиіс шаралар

Препаратты жергілікті қолданғанда, артық дозалану жағдайлары туралы мәліметтер жоқ.

Ұзақ (10 күннен аса) емдегенде бастың қатты ауыруы пайда болуы мүмкін.

Ішке абайсызда қабылдап қойған жағдайда ауыз ішін ашыту сезімі, сілекейдің көп бөлінуі, жүрек айнуы, құсудың пайда болуы мүмкін.

Емі: ауыз қуысы мен асқазанды шаю, қажет болған жағдайда – симптоматикалық ем.

Көзге, шырышты қабыққа немесе ашық жара беткейлеріне түскен жағдайда, жергілікті тітіркену – көзден жас ағуы, қызаруы, ашытуы, ауыруы байқалады

Емі: зақымданған жерді ауыруы басылғанша немесе азайғанша дистилденген судың немесе физиологиялық ерітіндінің көп мөлшерімен шаю керек.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Индовазин® препаратын әрдайым қосымша параққа немесе емдеуші дәрігердің ұсыныстарына сәйкес қабылдаңыз. Күмән болған жағдайда емдеуші дәрігермен кеңесіңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жергілікті реакциялар

Сирек

- терінің құрғауы, тері гиперемиясы

- аллергиялық реакциялар (жанаспалы дерматит, қызару, қышыну, тері бөртпесі, жаққан жерде «жылу» мен ашытуды сезіну)

Жүйелік реакциялар

Өте сирек, (дененің ауқымды жеріне ұзақ уақыт бойы қолданған кезде)

- жүрек айнуы, құсу, асқазандағы ауыру

- бауыр энзимдері деңгейінің жоғарылауы

- анафилаксия, бронх түйілуі, ангионевроздық ісіну

- фотосенсибилизация реакциясы

Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Дәрілік препараттың құрамы

1 г гельдің құрамында

белсенді заттар: 30 мг индометацин

20 мг троксерутин,

қосымша заттар: карбомер, макрогол 400, натрий бензоаты, изопропанол, диметилсульфоксид, динатрий эдетаты, Fresco BM&GD R.08.0932.1 хош иістендіргіші, тазартылған су.

Сыртқы түрінің, иісінің, дәмінің сипаттамасы

Аздап бозаңданатын сарғыштан сарғыш-қоңыр түске дейінгі гель.

Шығарылу түрі және қаптамасы

45 г препараттан жарғақшалы алюминий сықпада.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 С-ден аспайтын температурада.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Балканфарма-Троян АД

Болгария, 5600, Троян қ.,

“Крайречна” көш. № 1

(+359) 0670 68 104

trooperations@actavis.bg

Тіркеу куәлігінің ұстаушысы

Балканфарма-Троян АД

Болгария, 5600, Троян қ.,

“Крайречна” көш. № 1

(+359) 0670 68 104

trooperations@actavis.bg

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы-Тау БО, 5Б, 6 қабат. Телефон: (727)3251615; е-mail: info.tevakz@tevapharm.com; веб сайт: www.kaz.teva