Ингавирин® (сироп, 90 мл)

Ингавирин®

Жоқ

Дәрілік түрі, дозасы

Шәрбат 30 мг/5 мл

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар. Имидазолилэтанамид пентандион қышқылы.

АТХ коды J05AX21

• Ересектер мен 3 жастан асқан балаларда А және В тұмауын және басқа жедел респираторлық вирустық инфекцияларды (аденовирустық инфекция, парагрипп, респираторлық-синцитиалды инфекция, риновирустық инфекция) емдеу және алдын алу.

Қолданудың басталуына дейін қажетті мәліметтер тізбесі

• Әсер етуші затқа немесе препараттың кез келген басқа компонентіне жоғары сезімталдық.

• Сахараза/изомальтаза тапшылығы, фруктоза жақпаушылығы, глюкоза-галактоза мальабсорбциясы.

• Жүктілік.

• Бала емізу кезеңі.

• 3 жасқа дейінгі балалар.

Қолдану кезіндегі қажетті сақтандыру шаралары

Дәрігердің алдын ала кеңесінсіз басқа вирусқа қарсы препараттарды бір мезгілде қабылдау ұсынылмайды.

Басқа дәрілік препараттармен өзара әрекеттесуі

Ингавирин® препаратының басқа дәрілік препараттармен өзара әрекеттесу жағдайлары сипатталған жоқ.

Арнайы сақтандырулар

Қосымша заттар

Препарат құрамында мальтитол бар және тұқым қуалайтын фруктоза жақпаушылығы бар адамдарға қолдануға болмайды (Қолдануға болмайтын жағдайларды қараңыз). Гидрогенделген глюкозаның калориялылығына шаққанда 5 мл шәрбаттың құрамында 4 ккал бар. Мальтитол орташа босаңсытатын әсері болуы мүмкін.

Препарат құрамында метилпарагидроксибензоат бар. Метилпарагидроксибензоат, баяу типті аллергиялық реакцияларды, бронхтың түйілуін тудыруы мүмкін.

Жүктілік немесе лактация кезінде

Клиникаға дейінгі зерттеулердің деректері бойынша Ингавирин® препаратының эмбриоуытты және тератогенді әсері жоқ. Жүкті әйелдерде бақыланатын зерттеулер жүргізілген жоқ, сондықтан препаратты пациенттердің осы санатында қолдануға болмайды.

Лактация кезінде препараттың қолданылуы зерттелмеген, сондықтан лактация кезінде препаратты қолдану қажет болған жағдайда емшек емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зерттелмеген, бірақ жағымсыз реакциялардың механизмі мен бейінін ескере отырып, препарат көлік құралдарын, механизмдерді басқару қабілетіне әсер етпейді деп болжауға болады.

Қолдану жөніндегі нұсқаулар

Дозалау режимі

Тұмау мен жедел респираторлық вирустық инфекцияларды емдеу және алдын алу үшін ересектерге күніне 1 рет 90 мг (15 мл), 7 жастан асқан балаларға ‒ күніне 1 рет 60 мг (10 мл), 3 жастан 6 жасқа дейінгі балаларға ‒ күніне 1 рет 30 мг (5 мл) тағайындайды.

Ересектер мен балаларда симптомдардың айқын белгілері, сондай-ақ қатар жүретін аурулар (тыныс алу және жүрек-қантамырлары жүйесінің аурулары, қант диабеті, семіздік) байқалған кезде аурудың алғашқы 3 күнінде препараттың қосарлы дозасын қабылдау керек, содан кейін 2-4 күн бойы әдеттегі дозада қабылдауды жалғастыру керек.

Енгізу әдісі мен жолы

Ішке. Тамақ ішуге қарамастан.

Өлшеуіш шприцті құтының мойнына тығыздап салу керек. Құтыны түбінен жоғары аударып, шәрбатты қажетті белгіге дейін құйып алып, поршеньді төмен қарай бірқалыпты тарту керек. Қолданғаннан кейін шприцті жылы суда жуып, оны кептіру керек.

Қабылдау уақытын көрсете отырып қолдану жиілігі

Күніне бір рет бір уақытта қабылдаған жөн. Тамақ ішуге қарамастан.

Препаратты қабылдауды аурудың алғашқы симптомдары пайда болған сәттен бастап, аурудың басталуынан 2 тәуліктен кешіктірмей бастайды.

Емдеу ұзақтығы

Ересектер мен 7 жастан асқан балаларда тұмау мен жедел респираторлық вирустық инфекцияларды емдеудің ұзақтығы ‒ 5-7 күн (жағдайдың ауырлығына байланысты). 3 жастан 6 жасқа дейінгі балалардағы тұмау мен жедел респираторлық вирустық инфекцияларды емдеудің ұзақтығы ‒ 5 күн.

Тұмау мен жедел респираторлық вирустық инфекциялардың алдын алу үшін ауру адамдармен байланысқаннан кейін ересектер мен 7 жастан асқан балаларға препарат 7 күн бойы, 3 жастан 6 жасқа дейінгі балаларға ‒ 5 күн бойы тағайындалады.

Артық дозалану жағдайында қабылдау қажет болатын шаралар

Ингавирин® препаратымен артық дозалану жағдайлары туралы осы уақытқа дейін хабарланған жоқ.

Дәрілік препараттың бір немесе бірнеше дозасын өткізіп алу кезіндегі қажетті шаралар

Жекелеген дозаларды өткізіп алған жағдайда препараттың қосарлы дозасын қабылдауға болмайды.

Тоқтату кезіндегі симптомдар қаупінің бар-жоғын көрсету

Осы уақытқа дейін тоқтату симптомдары туралы хабарланған жоқ.

Дәрілік препаратты қабылдамас бұрын дәрігермен кеңесіңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажетіне қарай)

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес (≥ 1/1000-нан <1/100 дейін), сирек (≥ 1/10000-нан <1/1000 дейін), өте сирек (< 1/10000), белгісіз (қолдағы мәліметтердің негізінде бағалау мүмкін емес)

Сирек

• аллергиялық реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

5 мл шәрбаттың құрамында:

белсенді зат: имидазолилэтанамид пентандион қышқылы – 30 мг;

қосымша заттар: мальтитол (сұйық мальтитол), глицерол, лимон қышқылы моногидраты, ксантан шайыры, натрий метилпарагидроксибензоаты, алмұрт хош иістендіргіші (дәмді хош иісті заттар, табиғи дәмді хош иісті заттар, пропиленгликоль Е1520, су), тазартылған су.

Сыртқы түрінің, иісінің, дәмінің сипаттамасы

Өзіне тән иісі бар мөлдір түссіз сәл тұтқыр сұйықтық.

Шығарылу түрі және қаптамасы

90 мл-ден алғашқы ашылуы бақыланатын және балалардың ашылуынан қорғайтын полипропиленнен жасалған бұрандалы қақпақтармен тығындалған сақиналы адаптермен жабдықталған полиэтилентерефталаттан жасалған қоңыр түсті құтыларға құйылады.

Әр құтыға қағаздан жасалған заттаңбалар жапсырылады немесе мәтін тікелей құтыға жазылады.

Өлшеуіш шприцпен бір құтымен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Құтыны ашқаннан кейін 7 күннен асырмай сақтау керек.

Жарамдылық мерзімі өткеннен кейін қолдануға болмайды!

Түпнұсқалық қаптамада, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

АВС Фармацойтичи С.п.А., Италия

Виа Кантоне Моретти, 29 (Локалита Сан-Бернардо), 10015, Ивреа (Турин).

Телефон/факс: +39 0125.240111 r.a., +39 0125.240169

Электронды пошта: info@abcfarmaceutici.it

Тіркеу куәлігінің ұстаушысы

«Валента Фарм» АҚ, Ресей

141101, Ресей, Мәскеу облысы, Щелково қ., Фабричная көш., 2 үй

Телефон: +7 (495) 933-48-62, факс +7 (495) 933-48-63

moscowoffice@valentapharm.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Валента Фармацевтика» акционерлік қоғамының өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551 ішкі 4027Ұялы +7 771 779 79 37

Электронды пошта: asia@valentapharm.com