Ингавирин® (90 мг)
Инструкция
-
русский
-
қазақша
Саудалық атауы
Ингавирин®
Халықаралық патенттелмеген атауы
Жоқ
Дәрілік түрі, дозалануыКапсулалар, 90 мг
Фармакотерапиялық тобы
Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа препараттар. Имидазолилэтанамид пентандион қышқылы.
АТХ коды J05AX21
Қолданылуы
ересектерде А және В тұмауы мен басқа жедел респираторлық вирустық инфекцияларды (аденовирустық инфекция, парагрипп, респираторлық-синцитиальді инфекция, риновирустық инфекция) емдеуде және профилактикасында.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
әсер етуші затқа немесе қосымша заттардың кез келгеніне аса жоғары сезімталдық
тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы
жүктілік
лактация кезеңі
18 жасқа дейінгі балалар мен жасөспірімдер
Қолдану кезіндегі қажетті сақтық шаралары
Дәрігермен алдын ала кеңесіп алмай, басқа вирусқа қарсы препараттармен бір мезгілде қабылдау ұсынылмайды.
Басқа дәрілік препараттармен өзара әрекеттесуіИнгавирин® препаратының басқа дәрілік препараттармен өзара әрекеттесуі жағдайлары сипатталмаған.
Арнайы ескертулер
Қосымша заттар
Ингавирин® құрамында лактоза моногидраты бар. Бұл жағдайды тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге назарда ұстау керек.
Ингавирин® құрамында аллергиялық реакциялар тудыруы мүмкін азорубин Е 122 бояғыш бар.
Ингавирин® құрамында аллергиялық реакциялар тудыруы мүмкін қан қызыл бояғыш понсо 4R) Е 124 бояғыш бар.
Жүктілік немесе лактация кезінде
Жүкті әйелдерде бақыланатын зерттеулер жүргізілген жоқ, сондықтан препаратты пациенттердің бұл санатында қолдануға болмайды.
Препараттың лактация кезінде қабылдануы зерттелмеген, сондықтан препаратты лактация кезеңінде қолдану қажет болса, бала емізуді тоқтату керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Зерттелмеген, алайда әсер ету механизмі мен жағымсыз реакциялардың профилін ескере отырып, препарат көлік құралдарын, механизмдерді басқару қабілетіне әсер етпейді деп болжауға болады.
Қолдану бойынша ұсынымдар
Дозалау режимі
Тұмауды және жедел респираторлық вирустық инфекцияны емдеу үшін 90 мг-ден күніне 1 рет тағайындайды.
Науқастармен қарым-қатынастан кейінгі тұмау және жедел респираторлық вирустық инфекцияның профилактикасы үшін 90 мг-ден күніне 1 рет тағайындайды.
Айқын симптомдар болған кезде, сондай-ақ қатар жүретін аурулар болған кезде (тыныс алу және жүрек -қантамыр жүйесі аурулары, қант диабеті, семіздік) аурудың алғашқы үш күнінде препараттың екі еселенген дозасын қабылдау керек, содан кейін жалғастыру керек, оны әдеттегі дозада 2-4 күн ішінде қабылдау.
Енгізу жолы және тәсілі
Ішке, ас қабылдауға қарамастан.
Қабылдау уақыты көрсетілген қолдану жиілігі
Күніне бір рет, бір уақытта қабылдаған дұрыс. Ас қабылдауға қарамастан.
Препаратты қабылдауды аурудың бірінші симптомдары пайда болғанда, ең дұрысы ауру басталғаннан 2 тәуліктен кешіктірмей бастаған дұрыс.
Емдеу ұзақтығы
Тұмауды және жедел респираторлық вирустық инфекцияны емдеу ұзақтығы 5-7 күн (жағдайдың ауырлығына байланысты).
Науқастармен қарым-қатынастан кейінгі тұмау және жедел респираторлық вирустық инфекцияның профилактикасы үшін қолдану ұзақтығы - 7 күн.
Артық дозалану жағдайында қабылдау қажет шаралар
Ингавирин® препаратымен осы уақытқа дейін артық дозалану жағдайлары туралы хабарланған жоқ.
Дәрілік препараттың бір немесе бірнеше дозасын өткізіп алған жағдайында қабылдау қажет шаралар
Егер препараттың жекелеген дозаларын өткізіп алған жағдайда қосарлы доза қабылдамау керек.
Тоқтату симптомдарының болу қаупіне нұсқау
Осы уақытқа дейін тоқтату симптомдары туралы хабарланған жоқ.
Дәрілік препаратты қабылдамас бұрын дәрігердің кеңесіне жүгініңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жағымсыз құбылыстардың жиілігін анықтау мына критерийлерге сәйкес жүргізіледі: өте жиі (≥1/10), жиі (≥ 1/100-ден <1/10 дейін), жиі емес (≥ 1/1000-нан, <1/100 дейін), сирек (≥1/10000 < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес).
Сирек
аллергиялық реакциялар
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер Дәрілік препараттың құрамыБір капсуланың құрамында
белсенді зат – имидазолилэтанамид пентандион қышқылы (витаглутам) 100 % затқа шаққанда, 90.00 мг
қосымша заттар - лактоза моногидраты, картоп крахмалы, коллоидты кремнийдің қостотығы (аэросил), магний стеараты
капсула қабығының құрамы - титанның қостотығы Е 171, хинолинді сары бояғыш Е 104, азорубин бояғыш Е 122, қан қызыл бояғыш (понсо 4R) Е 124, желатин;
логотипке арналған сиялар құрамы - шеллак, пропиленгликоль Е 1520, титанның қостотығы Е 171.
Сыртқы түрінің, иісінің, дәмінің сипаттамасы
Қызыл түсті № 2 немесе № 3 капсулалар. Капсуланың қақпақшасына сақина және сақина ішінде И әрпі түріндегі ақ түсті логотип салынған. Капсула ішіндегісі – ақ немесе ақ дерлік түсті түйіршіктер немесе ұнтақ; жеңіл басқан кезде оңай үгілетін конгломераттар түзілуіне жол беріледі.
Шығарылу түрі және қаптамасы
7 немесе 10 капсуладан поливинилхлоридті үлбір мен баспалы лакталған алюминий фольгадан жасалған перфорациясы бар пішінді ұяшықты қаптамада.
Бір пішінді ұяшықты қаптама қазақ және орыс тіліндегі медициналық қолдану жөніндегі нұсқаулықпен бірге тұтынушылық ыдысқа арналған картон қорапшаға салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды!Сақтау шарттары
Жарықтан қорғалған жерде 25 °C-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Валента Фарм» АҚ, Ресей
141101, Ресей, Мәскеу облысы, Щелково қ., Фабричная к-сі, 2 үй
Телефон: +7 (495) 933-48-62, факс +7 (495) 933-48-63
Электронды пошта: moscowoffice@valentapharm.com
Тіркеу куәлігінің ұстаушысы
«Валента Фарм» АҚ, Ресей
141101, Ресей, Мәскеу облысы, Щелково қ., Фабричная к-сі, 2 үй
Телефон: +7 (495) 933-48-62, факс +7 (495) 933-48-63
Электронды пошта: moscowoffice@valentapharm.com
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Валента Фармацевтика» акционерлік қоғамының Қазақстан Республикасындағы өкілдігі
Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе
Телефон: 8 (727) 3341551 ішкі 4027
Ұялы +7 771 779 79 37
Электронды пошта: asia@valentapharm.com