Иммунал®
Инструкция
-
русский
-
қазақша
Саудалық атауы
Иммунал®
Халықаралық патенттелмеген атауы
Жоқ
Дәрілік түрі
Ішуге арналған тамшылар, 50 мл
Құрамы
1 мл ерітіндінің құрамында
белсенді зат – 0.8 мл - қызылкүрең эхинацея шөбінің жаңа әзірлеген шырыны бар (Echinacea purpurea L. herba)
қосымша заттар: 70% сорбитол ерітіндісі, 96% этанол
Сипаттамасы
Аздаған мөлшерде шөгіндісі бар, мөлдірден бұлыңғырға дейінгі қоңыр түсті ерітінді.
Фармакотерапиялық тобы
Иммуномодуляторлар. Басқа да иммуностимуляторлар.
АТХ коды L03AX
Фармакологиялық қасиеттері
Иммунал® дәрілік өсімдік шикізатынан дайындалған иммунитетті стимуляциялаушы препарат болып табылады.
Қызылкүрең эхинацея (Echinacea purpurea) құрамында организмнің белсенді күштерін күшейтетін және спецификалық емес иммунитет стимуляциялаушы ретінде әсер ететін белсенді заттар бар. Лейкоциттер (гранулоциттер) санын ұлғайта және фагоцитозды белсенділендіру арқылы препараттың әсер етуші заттары адам организміндегі микроорганизмдердің көбеюін басады және ауру тудыратын бактериялардың жойылуына ықпал етеді. Сондай-ақ қызылкүрең Эхинацея шөбінің тұмау мен герпес қоздырғыштарына қатысты вирусқа қарсы әсері анықталған.
Қолданылуы
- суық тию аурулары кезінде бастапқы симптомдардың профилактикасы және емдеу
Қолдану тәсілі және дозалары
Қолданар алдында шайқаңыз!
Иммунал® препаратын қабылдау курсы 10 күн. Препаратпен емнің келесі курсын 14 күн өткеннен кейін бастауға болады.
Қолданудың ыңғайлы болуы мен дұрыс дозалануы үшін әрбір қаптама градуирленген дозалағыш тамшуырмен жабдықталған.
Жиынтық құрамына кіретін тамшуырдың көмегімен ерітіндінің қажетті мөлшерін өлшеп алыңыз және оны сығып шығарып аздаған жылы су құйылған стақанға құйып ішіңіз. Ерітіндіні сондай-ақ араластырылмаған түрде қабылдауға болады.
Емді суық тию ауруларының бастапқы симптомдары пайда болуымен бастау керек.
Иммуналды® тағам қабылдауға байланыстырмай-ақ қабылдауға болады.
1 мл құрамында 15 тамшы препарат бар.
Ересектер: 2,5 мл (35-40 тамшы) күніне үш рет.
Жағымсыз әсерлері
Сирек:
- терінің аса жоғары сезімталдық реакциялары (қышыну, тері бөртпелері, есекжем)
- Стивенс –Джонсон синдромы
Өте сирек
- обструкциямен бронхтың түйілуі
- аса жоғары сезімталдық реакциялары салдарынан болатын демікпе
- ангиоісіну
- Квинке ісінуі
- анафилаксиялық шок
- аутоиммунды аурулар (жайылған энцефалит, түйінді эритема, аутоиммунды тромбоцитопения, бүйректің түтікшелік дисфункциясымен Шегрен синдромы)
- ұзақ уақыт (8 аптадан аса) қолданғандағы лейкопения
Қолдануға болмайтын жағдайлар
- препарат компоненттеріне және Күрделі гүлділер тұқымдастарына жататын өсімдіктерге жоғары сезімталдық
- үдемелі жүйелік аурулар (туберкулез, саркоидоз)
- аутоиммундық аурулары (коллагеноздар, жайылған склероз)
- иммунитет тапшылығы жағдайы (АИТВ-инфекциялар, ЖИТС)
- иммуносупрессия (онкологиялық цитостатикалық ем, сыртартқысында мүше трансплантациясы немесе сүйек кемігінің трансплантациясы бар болса)
- агранулоцитоз, лейкоз
- аллергиялық реакцияға туа біткен бейімділігі бар пациенттерге (есекжем, атопиялық дерматит, демікпе)
- тұқым қуалайтын фруктоза көтере алмаушылық
- 18 жасқа дейінгі балалар
Дәрілермен өзара әрекеттесуі
Қызылкүрең эхинацея шырынының басқа дәрілік заттармен қандай да бір өзара байланысуы туралы ақпараттар жоқ. Сонда да иммунодепрессанттармен (циклоспоринмен және метотрексатпен) бір мезгілде қолдану ұсынылмайды.
Айрықша нұсқаулар
Егер препаратты қолданғанда пациенттің жай-күйі төмендесе немесе температура жоғарылауы байқалса емдеуші дәрігерден кеңес алу қажет.
Анафилаксиялық реакциялардың даму қаупінің болуына байланысты аллергиялық реакцияларға туы біткен бейімділігі бар пациенттерге (атопиялық дерматиті бар пациенттерге) айрықша сақтық таныту керек.
Сақтау барысында ерітіндінің бұлыңғырлануы немесе белсенді полисахаридтерден тұратын үлпек түріндегі шөгінді тұнуы мүмкін. Қолданар алдында құтыны мұқият сілку керек.
Иммунал® препаратының әрбір дозасында (2.5 мл) 404 мг этанол бар, ол 10 мл сыраға немесе 4.2 мл шарапқа баламалы.
Алкогольден зардап шегетін адамдар үшін ол қауіпті. Сондай-ақ мұны жүкті әйелдер (бала емізетін аналар), балалар және қауіптілігі жоғары пациенттер, мысалы бауыры немесе эпилепсиямен ауыратын пациенттер ескерулері тиіс.
Жүктілік және лактация кезеңі
Препаратты жүктілік және бала емізу кезеңінде қолданғанда зиянды әсері туралы хабарламалар жоқ. Препаратты жүктілік және лактация кезеңінде дәрігердің кеңесінсіз және егер препаратты қолданғандағы қатер пайдасынан жоғары болса, қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Зерттеулер жүргізілген жоқ.
Артық дозалануы
Артық дозалану жағдайлары анықталмаған.
Шығарылу түрі және қаптамасы
Қақпағы бұралып бекітілетін құйылып жасалған янтарь шыны құтыда 50 мл препараттан. 1 құтыдан градуирленген дозалағыш тамшуыр және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Алғашқы ашқаннан кейінгі сақтау мерзімі 3 ай.
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші/Қаптаушы/Тіркеу куәлігінің иесі
Лек Фармасьютикалс д.д., Словения
Веровшкова 57, 1526 Любляна, Словения
Қазақстан Республикасы аумағында тұтынушылардан өнім (тауар) сапасына қатысты шағымдарды, дәрілік заттың қауіпсіздігіне тіркеуден кейінгі бақылауға жауапты қабылдайтын ұйымның мекенжайы
Қазақстан Республикасындағы «Сандоз Фармасьютикалс д.д.» АҚ өкілдігі, Қазақстан Республикасы, 050051, Алматы қ., Луганский к-сі 96, “Керуен” Бизнес-Орталығы, Тел +7 (727) 2581048 Факс: +7 (727) 2581047,
e-mail: kzsdz.drugsafety@sandoz.com
8 800 080 0066 – Қазақстан бойынша тегін қоңырау шалу