Иксим

• русский
• қазақша

• Скачать инструкцию медикамента

Саудалық атауы

Иксим

Халықаралық патенттелмеген атауы

Цефиксим

Дәрілік түрі

Ішке қабылдау үшін суспензия дайындауға арналған ұнтақ, 100 мг/5 мл

Құрамы

5 мл суспензияның құрамында

белсенді зат – 120.39 мг цефиксим тригидраты

(100.0 мг сусыз цефиксимге баламалы)

қосымша заттар: натрий бензоаты, сахароза, құлпынай хош иістендіргіші 052311 АР 0551, кремнийдің коллоидты қостотығы, ксантан шайыры

Сипаттамасы

Ақтан ақшыл сары түске дейінгі ұнтақ. Өзіне тән жеміс (құлпынай) хош иісі бар, ақтан сары түске дейінгі суспензия

Фармакотерапиялық тобы

Жүйелі пайдалануға арналған бактерияға қарсы препараттар. Бета-лактамдық бактерияға қарсы препараттар және басқалар. Үшінші буын цефалоспориндері. Цефиксим

АТХ  коды J01DD08

Фармакологиялық қасиеттері

Фармакокинетикасы

Ішке қабылағаннан кейін 40–50 %-ға дейінгі цефиксим сіңіріледі (ас ішуге байланыссыз), алайда, тамақпен бірге қабылдағанда ең жоғарғы концентрациясына жету уақыты шамамен 0.8 сағатқа артады. Қан плазмасындағы ең жоғарғы концентрациясына Cmax 2–6 сағаттан соң жетеді. Қан плазмасы ақуыздарымен байланысуы 65 %-ға жуықты құрайды. Басқа ересектердегі фармакокинетикалық қисық астындағы ауданының орташа шамалары, концентрация-уақыт (AUC) осындаймен салыстырғанда егде жастағы емделушілерде тепе-теңдік жағдайында шамамен 40 %-ға жоғары. 50 %-ға жуығы несеппен өзгеріссіз күйде 24 сағат ішінде шығарылады. Қан плазмасынан жартылай шығарылу кезеңі (T1/2) дозасына байланысты емес және орташа алғанда 3–4 сағатты құрайды, алайда 9 сағатқа да жетуі мүмкін. Бүйрек қызметінің бұзылулары бар емделушілерде (T1/2) – 6.4 -11.5 сағат.

Фармакодинамикасы

Ішу арқылы қолдануға арналған III буынның цефалоспориндік антибиотигі. Бактерицидтік әсер береді (микроорганизмдердің жасуша қабырғасының синтезін бұзады). Әсер ету ауқымы кең, оған түрлі аэробты және анаэробты грамоң және грамтеріс микроорганизмдер, соның ішінде Pseudomonas aeruginosa кіреді. Грамоң және грамтеріс микроорганизмдердің бета-лактамазаларына төзімді.

Streptococcus pneumonia, Streptococcus pyogenes, Streptococcus agalactiae, Haemophilus influenzae, Haemophilus parainfluenzae, Moraxella catarrhalis (соның ішінде, бета-лактамазаны өндіретін штаммдар), Escherichia coli, Proteus mirabilis, Proteus vulgaris, Neisseria gonorrhoeae, Klebsiella pneumoniae, Klebsiella oxytoca, Pasteurella multocida, Providencia spp., Salmonella spp., Shigella spp., Citrobacter spp. (соның ішінде, Citrobacter diversus), Serratia marcescens. Pseudomonas spp., Acinetobacter spp., Streptococcus, Enterococcus spp. (метициллинге төзімді штаммдар), Listeria monocytogenes, Bacteroides fragilis-ке қатысты белсенді, Staphylococcus, Enterobacter Clostridium штаммдарының көпшілігі цефиксимге төзімді.

Қолданылуы

Препаратқа сезімтал микроорганизмдер туғызған жұқпалы-қабыну аурулары:

- фарингитте, тонзиллитте, синуситте

- жедел және созылмалы бронхитте

- ортаңғы құлақ отитінде

- несеп шығару жолдарының асқынбаған жұқпаларында, асқынбаған созда.

Қолдану тәсілі және дозаары

Ішке. Ересектер мен дене салмағы 50 кг асатын 12 жастан асқан балаларға: күн сайын бір реттік доза түрінде 400 мг немесе тәулігіне 2 рет 200 мг.

Несеп шығару өзегі мен жатыр мойнының асқынбаған созында бір реттік ішілетін 400 мг дозасы тағайындалады.

Балаларға

Суспензияның ұсынылған дозасы тәулігіне 8 мг/кг құрайды. Оны тәуліктік дозада бір рет немесе тәулігіне 2 қабылдауға бөліп, яғни әр 12 сағат сайын 4 мг/кг-ден қолдануға болады.

12 жасқа дейінгі балаларға арналған бір реттік дозасы 4-8 мг/кг, тәуліктік дозасы кг салмаққа 8 мг.

Емдеу курсының орташа ұзақтығы 7-10 күн.

Бүйрек қызметінің бұзылуларында: дозасын қандағы КК көрсеткішіне (креатинин клиренсі) байланысты белгілейді: КК 21–60 мл/мин болса немесе гемодиализдегі науқастарда тәуліктік дозасын 25%-ға азайту керек; КК 20 мл/мин және одан аз болса немесе перитонеальді диализдегі науқастарда, тәуліктік дозасын 2 есе азайту керек.

Суспензияны дайындау тәсілі: құтыны төңкеріңіз және ұнтақты сілкіңіз. Заттаңбасындағы белгіге (бағыттағышқа) дейін 2 бөліп қайнап суытылған су қосып, құтыны жабыңыз және гомогенді суспензия түзілгенше шайқаңыз. Қолданар алдында шайқау керек! Дайындалған суспензияның сақтау мерзімі 10 тәуліктен аспайды.

Жағымсыз әсерлері

• тері бөртпесі, қышыну, шырышты қабықардың қабынуы, эозинофилия, қызба, сарысу құю тәрізді синдром, уытты эпидермальді некролиз, мультиформалы экссудативтік эритема, есекжем, анафилактикалық шок

• бас ауыруы, бас айналуы, құлақтағы шуыл, транзиторлық асқын белсенділік, құрысулар болуы мүмкін

• бүйрек жеткіліксіздігі (бұл жағдайларда препараттың дозасын төмендетеді және емдеуді қандағы қалдық азот, мочевина және креатинин динамикасын бақылай отырып жүргізеді), интерстициальді нефрит, гематурия

• жүрек айнуы, құсу, тәбеттің болмауы, метеоризм, стоматит, диарея, іштің ауыруы, іштің қатуы, жалған жарғақшалы энтероколит, дисбактериоз, холестаз, холестатикалық сарғаю, гепатит

• лейкопения, панцитопения, нейтропения, агранулоцитоз, тромбоцитопения, лимфоцитоз, гемолитикалық анемия, апластикалық анемия, эозинофилия, «бауыр» трансаминазалары мен сілтілік фосфотазалар белсенділігінің жоғарылауы, гипербилирубинемия, гиперкреатининемия, протромбиндік уақыттың ұзаруы

• кандидамикоз, вагинит

• В гиповитаминозының дамуы

• ентігу

Қолдануға болмайтын жағдайлар

• пенициллиндер және цефалоспориндер тобының антибиотиктеріне жоғары сезімтадық

• тұқым қуалайтын фруктозаны көтере алмаушылық, глюкоза-галактоза мальабсорбциясы, сукраза-изомальтаза ферментінің тапшылығы

- 6 айға дейінгі балаларға

- лактация кезеңі

Сақтықпен: қант диабетімен науқастарға (құрамында сахароза болғандықтан)

Дәрілермен өзара әрекеттесуі

Кальций өзектерінің блокаторы нифедипин Иксимнің биожетімділігін шамамен 70 %-ға арттырады. Иксимді нефроуыттылығы зор дәрілермен (аминогликозидтер, колистин, полимиксин, виомицин сияқты) немесе күшті әсері бар диуретиктермен (этакрин қышқылы немесе фуросемид) біріктіргенде бүйрек жеткіліксіздігінің даму қаупі жоғарлайды. Цефиксимді, антикоагулянттарды қабылдап жүрген емделушілерге тағайындағанда сақ болу керек, өйткені цефиксим протромбиндік уақытты ұзартуы мүмкін.

Цефиксим мен карбамазепинді бір мезгілде қолданғанда соңғысының қан плазмасындағы концентрациясы артады.

Айрықша нұсқаулар

Дәрігердің тағайындауы бойынша қолдану керек.

Препаратпен емдеуді бастағанға дейін емделушіде бұрын цефалоспориндерге, пенициллиндерге немесе басқа дәрілік заттарға аса жоғары сезімталдық реакциялары болған-болмағанын білу қажет. Пенициллинге сезімтал емделушілерде қолданғанда сақ болу керек, өйткені бета-лактамдық антибиотиктер арасында айқаспалы аса жоғары сезімталдық болуы мүмкін (сыртартқысында пенициллинге аллергиясы бар емделушілердің 10 %-ында кездеседі).

Егде жастағы емделушілерге, бүйрек жеткіліксіздігінде, колитте сыртартқысындағы) сақтықпен қолдану керек.

Препарат тұқым қуалайтын фруктозаны көтере алмаушылығы, глюкоза-галактоза мальабсорбциясы, сукраза - изомальтаза ферментінің тапшылығы бар емделушілерге қарсы көрсетілімді. 5 мл суспензияның құрамында 2.310 г сахароза бар, мұны қант диабеті бар емделушілерге таағйындау қажет болған кезде ескеру қажет.

Жүктілік кезеңі

Препаратты жүктілік кезінде, егер емдеудің күтілетін әсері ұрық үшін ықтимал қауіптен асатын болса ғана қолдануға болады.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Болуы мүмкін жағымсыз әсерлерін ескере отырып, препаратты қолдану кезінде сақ болу қажет.

Артық дозалануы

Симптомдары: жағымсыз реакцияларының күшеюі.

Емі: асқазанды шаю, симптоматикалық және демеуші ем, соның ішінде антигистаминдік препараттар мен глюкокортикоидтарды тағайындау, оксигенотерапия, өкпені жасанды желдету. Гемо- немесе перитонеальді диализ тиімсіз. Арнайы у қайтарғысы белгісіз.

Шығарылу түрі және қаптамасы

Препаратты бірінші ашылуы бақыланатын, бұралатын пластмасса қақпағы бар, сыйымдылығы 50 мл пластмасса құтыға салады.

1 пластмасса құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

Құрғақ жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Дайындағаннан кейін 10 тәуліктен аспайтын уақыт бойы пайдалану керек.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Люпин Лтд,

159, Си Эс Ти Роуд, Калина, Сантакруз (Ист), Мумбай 400098, Үндістан

Тіркеу куәлігінің иесі

Люпин Лтд,

159, Си Эс Ти Роуд, Калина, Сантакруз (Ист), Мумбай 400098, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы Люпин ЛТД компаниясының өкілдігі,

Алматы қ., Жангелдин к-сі, 31

«Жар - Су» БО, 419 кеңсе

E.mail: lupinkz@yandex.ru

Тел - 278 – 59 – 73, факс: 7 (727) 3 86 28 38