Изониазид-Дарница

• русский
• қазақша

• Скачать инструкцию медикамента

Саудалық атауы

Изониазид-Дарница

Халықаралық патенттелмеген атауы

Изониазид

Дәрілік түрі

Инъекцияға арналған 10% ерітінді 5 мл

Құрамы

1 мл ерітіндінің құрамында

белсенді зат - 100% құрғақ затқа шаққанда 100 мг изониазид,

қосымша зат - инъекцияға арналған су.

Сипаттамасы

Мөлдір түссіз немесе сәл боялған сұйықтық

Фармакотерапиялық тобы

Туберкулезге қарсы препараттар. Гидразидтер. Изониазид.

АТХ коды J04A C01

Фармакологиялық қасиеттері

Фармакокинетикасы

Парентеральді түрде енгізгенде организм тіндеріне, биологиялық сұйықтықтарға жылдам өтеді. Әсіресе ми қабығының қабынуында ГЭБ арқылы өтеді. Сүйекке өтеді. Адамның генетикалық ерекшеліктеріне байланысты барынша жоғары немесе барынша төмен жылдамдықпен бауырда метаболизденеді. Бүйрекпен шығарылады. Метаболизм жылдамдығы барынша жоғары адамдарда изониазидтің жартылай шығарылу кезеңі 0,5-1,5 сағатты, ал барынша төмендерінде – 4-6 сағатты құрайды. Негізінен өтпен шығарылады, дозаның 30 % несеппен экскрецияланады.

Фармакодинамикасы

Изониазид ДНҚ-тәуелді РНҚ-полимеразаны тежейді және туберкулёз микобактериялары жасуша қабырғасының микол қышқылдарының синтезін кідіртеді. Препарат туберкулез микобактерияларына қатысты, олардың өсуін 0,03 мкг/мл концентрациясында кідірте отырып, жоғары бактериостатикалық белсенділікті иеленген. Әсіресе жылдам көбейетін микроорганизмдерге қатысты белсенді. Басқа жұқпалы аурулар қоздырғыштарына әлсіз әсер етеді.

Қолданылуы

Ересектер мен балаларда белсенді туберкулездің барлық түрлерін және орнығуын емдеуде (бірінші қатар дәрісі ретінде)

Қолдану тәсілі және дозалары

Изониазид-Дарница көктамыр ішіне, бұлшықет ішіне, каверна ішіне, ингаляциялар түрінде қолданылады.

Изониазид-Дарница кең таралған өкпе туберкулезін емдеу үшін, көп мөлшерде бактерия бөліп шығаруда, асқазан-ішек жолының қатарласқан ауруларында, препаратты ішке қабылдағысы келмейтін науқастарға, пероральді түрде қабылдау тәсілі тиімсіз болған жағдайда, көктамыр ішіне енгізіледі.

Көктамыр ішіне тәуліктік доза ересектерде – 200-300 мг, балаларда – 100-300 мг (дене салмағының әр кг-на шаққанда 10-20 мг), жаңа туған нәрестелерде – 3-5 мг/кг, бірақ тәулігіне дене салмағының әр кг-на шаққанда 10 мг-нан көп емес. Көктамыр ішіне 2,5-10% ерітінді түрінде (қажет болса, препаратты инъекцияға арналған сумен немесе 0,9% натрий хлоридінің ерітіндісімен сұйылтады) тәулігіне 1 рет 30-60 секунд бойы енгізеді. Емдеу курсы емнің тиімділігіне және препараттың жағымдылығына байланысты – 30-150 инъекция. Изониазид-Дарницаны көктамыр ішіне енгізу кезіндегі жағымсыз құбылыстарды болдырмау мақсатында В6 витаминін (пиридоксин) және глутамин қышқылын қолданады. Пиридоксин Изониазид-Дарницадан кейін 30 минуттан соң бұлшықет ішіне енгізіледі (100-125 мг) немесе Изониазид-Дарницаның әрбір көктамырішілік енгізулерінен кейін 2 сағат сайын ішке (60-100 мг) тағайындалады. Глутамин қышқылы 1-ден 1,5 г дейін аралықтағы тәуліктік дозада қабылданады. Препаратты көктамыр ішіне енгізгенде 1-1,5 сағат бойы төсек режимін сақтау қажет.

Бұлшықет ішіне ересектер мен балаларға Изониазид-Дарницаның дайын 10% ерітіндісі түрінде тәулігіне және салмағының әр кг-на шаққанда 5-12 мг-нан, тәулігіне 1 рет, 2-5 ай бойы енгізіледі. Ішке енгізудің осы тәсіліндегі жағымсыз әсерді бәсеңдету үшін Изониазид-Дарницаны енгізумен бір мезгілде 60-100 мг доза пиридоксин тағайындалады (100-125 мг/кг доза Изониазид-Дарницадан кейін 30 минуттан соң бұлшықет ішіне енгізуге де болады).

Ингаляциялық Изониазид-Дарница сұйылтылмаған дайын 10% ерітінді түрінде 1-2 қабылдауға тағайындалады. Тәуліктік дозасы – 1 кг дене салмағына шаққанда 0,005-0,01 г (5-10 мг). Ингаляциялар 1-6 ай бойы күн сайын жүргізіледі.

Туберкулездің фиброзды-кавернозды және кавернозды түрлері бар науқастарда бактерия бөлушілік кезінде және операцияның алдындағы кезеңде Изониазид-Дарница препаратының дайын сұйылтылмаған 10% ерітіндісін тәуліктік 10-15 мг/кг дозада тәулігіне 1 рет тағайындайды. Көбіне каверна ішіне, трахея ішіне құю арқылы енгізеді.

Препараттың ең жоғары тәуліктік және курстық дозасын аурудың сипаты мен түріне, изониазид белсенділігінің жойылу дәрежесіне және әр адамға жекелей жағымдылығына қарай белгілейді.

Жағымсыз әсерлері

• орталық және шеткергі жүйке жүйесі тарапынан: бас айналу, бас

ауыру, ашушаңдық, эйфория, ұйқының бұзылуы, парестезиялар, шеткергі невриттер, психоздар, эпилепсиямен науқастарда ұстамалардың жиілеуі, құрысулар, уытты энцефалопатия, жады бұзылыстары

- сезім мүшелері тарапынан: көру жүйкесінің невриті, көру жүйкесінің атрофиясы

- асқазан-ішек жолы тарапынан: анорексия, жүрек айну, құсу

- бауыр және өт шығару жолдары тарапынан: бауыр функциясының бұзылуы, гепатит, сарысу трансаминазалары деңгейінің жоғарылауы (АСТ, АЛТ), билирубинемия, билирубинурия

- эндокриндік жүйе мен зат алмасу тарапынан: пиридоксин тапшылығы, пеллагра, гипергликемия, метаболизмдік ацидоз

- жүрек-қантамыр жүйесі тарапынан: жүрек қағуын сезіну, төс артының және жүрек тұсының ауыруы, артериялық гипертензия, егде жастағы адамдардың миокард ишемиясы

- қан жүйесі тарапынан: агранулоцитоз, гемолитикалық анемия, сидеробластикалық анемия, апластикалық анемия, тромбоцитопения, эозинофилия

- жыныс жүйесі тарапынан: гинекомастия және меноррагиялар

- аллергиялық реакциялар: терінің қышынуы, дерматит, дене температурасының көтерілуі, лимфаденопатия, васкулит, терідегі бөртулер (эксфолиативтік, макулопапулездік, пурпура, мультиформалы эритема, қызыл жегі синдромы).

Әдетте жағымсыз әсерлері препараттың дозасын азайтқанда немесе қолдануды уақытша тоқтатқанда қайтады.

Қолдануға болмайтын жағдайлар

- изониазидке жоғары сезімталдық

- эпилепсия және құрысу ұстамаларына бейімділікпен қатар жүретін басқа да ауырулар

- ауыр психоздар

- полиомиелит (соның ішінде сыртартқыдағы)

- сыртартқыдағы изоникотин қышқылы гидразидінің туындыларын (фтивазид т.б.) қабылдау салдарынан болатын уытты гепатит

- бауыр және/немесе бүйрек функциясының жеткіліксіздігі

- айқын атеросклероз

- флебиттер

- бала емізу кезеңі

Изониазидті тәулігіне 10 мг/кг артық дозада қабылдауға болмайды:

- жүктілік кезеңінде

- жүрек-өкпе функциясының жеткіліксіздігінде, II-III сатыдағы артериялық гипертензияда, жүректің ишемиялық ауруында

- жүйке жүйесінің ауруларында

- бронх демікпесінде

- бүйрек функциясының созылмалы жеткіліксіздігінде

- өршу кезеңіндегі гепатитте, бауыр циррозында

- псориазда, экзема өршігенде

- микседемада, гипотиреозда.

Дәрілермен өзара әрекеттесуі

Тікелей емес антикоагулянттар, бензодиазепиндер, фенитоин, карбамазепин, теофиллин, МАО тежегіштері – изониазид осы препараттардың әсерлерін үдетеді (оның ішінде уытты).

Глюкокортикостероидтар – бір мезгілде қолданғанда изониазидтің метаболизмі және элиминациясы жоғарылайды.

Фенитоин, теофиллин, карбамазепин – изониазид аталған препараттардың метаболизмін бәсеңдетеді, бұл қан плазмасында олардың концентрациясының жоғарылауына және уытты әсерінің күшею ықтималдығына әкеледі.

Дифенин – изониазид дифениннің аритмияға қарсы әсерін күшейтеді.

Әлеуетті гепатоуытты және нейроуытты дәрілер (оның ішінде алкоголь, рифампицин) – уытты гепатит пен нейропатияның даму ықтималдығын арттырады (парацетамолмен гепатоуытты әсерінің қаупі артады).

Вальпроат – бір мезгілде қолданғанда қан плазмасында вальпроат концентрациясы артады.

Ставудин – дистальді сенсорлық нейропатияның даму қаупі артады.

Витамин В6 және глутамин қышқылы – біріктіргенде изониазидтің жағымсыз әсерлері ықтималдығы төмендейді.

Айрықша нұсқаулар

Емдеу кезінде дәрігерлік бақылау, функционалдық бауыр сынамаларын жүйелі түрде және офтальмологиялық тексерулер жүргізу қажет. Тексеруді алғашқы айда кем дегенде 2 рет, содан кейін айына 1 рет жүргізу қажет.

Емделу кезінде спирт ішімдіктерін пайдаланбау керек.

Жағымсыз әсерлер пайда болған жағдайда оларды азайту үшін пиридоксин, тиамин, глутамин қышқылын қолданады.

Изониазидтің бауырға уытты әсері етуіне жол бермеу үшін, оны гепатопротекторлармен біріктіріп тағайындайды.

Кейбір жағдайларда емдеу кезінде фатальді дәрілік гепатит пайда болады, ол тіпті қолдану аяқталғаннан кейін бірнеше айдан соң да байқалуы мүмкін. Қауіп, әсіресе этанолды күн сайын пайдаланғанда жастың ұлғаюымен арта түседі (ең көп жиілігі 35-64 жастағы топта). Сондықтан ай сайын бауыр функциясын қадағалап отыру керек, 35 жастан асқан адамдарда емдеуді бастар алдында бауыр функциясын қосымша тексереді. Этанолды пайдаланудан басқа қосымша қауіп факторлары бауырдың созылмалы аурулары, дәрілік заттардың парентеральді түрде қолданылуы және босанудан кейінгі кезең болып табылады; осындай жағдайларда бауыр функциясын бақылауды (зертханалық және клиникалық) жиі жүргізген жөн. Емделушілер бауыр зақымдануларының кез келген көріністері (түсініксіз анорексия, жүректің айнуы, құсу, несептің күңгірттенуі, сарғаю, бөртпе, қол саусақтары мен табан парестезиясы, әлсіздік, қажығыштық немесе 3 күннен астамға созылатын қызба, іштің ауыруы, әсіресе оң жақ қабырға астындағы) жөнінде мәлімдеп отыру қажеттігінен хабардар болуы тиіс. Мұндай жағдайларда изониазидті дереу тоқтатады.

Изониазидтік гепатитпен бұрын ауырған емделушілерге туберкулезге қарсы альтернативті дәрілік заттар тағайындалады. Емді қайта бастау қажет болғанда, оны гепатиттің клиникалық және зертханалық белгілері толық шешімін тапқаннан кейін бастайды, бұл әрі қарай бауыр функциясын тұрақты қадағалап отыруға ұласады. Қайталанудың кез келген белгілері білінсе, изониазид дереу тоқтатылады.

Сонымен қатар, изониазидпен индукцияланған гепатоуыттылық қаупі 35 жастан асқан емделушілерде, әсіресе әйел жыныстыларда, препарат белсенділігінің жойылуы баяу болатын адамдарда, АИВ жұқтырғандарда, тойып тамақ ішпеуден зардап шегетіндерде, нейропатиясы бар емделушілерде арта түседі.

Нейропатияның немесе пиридоксин жетіспеушілігінің пайда болу қаупі бар (диабетке, созылмалы маскүнемдікке шалдыққан науқастар, гипотрофиясы, бүйрек функциясы жеткіліксіздігінің терминалдық сатысындағы емделушілер, жүкті әйелдер, АИВ жұқтырғандар) емделушілерге пиридоксин тағайындаған жөн.

Изониазид монотерапиясында оған қоздырғыштар төзімділігінің жылдам дамитындығын ескеріп (70% жағдайларда), бұл үдерісті баяулату үшін препаратты тек туберкулезге қарсы басқа препараттармен бірге тағайындайды. Аралас жұқпада инозиазидпен бір мезгілде әсер ету ауқымы кең антибиотиктер, фторхинолондар, сульфаниламидтер және т.б. тағайындалады.

Метаболизмнің әртүрлі жылдамдығымен байланысты изониазидті қолданар алдында оның белсенділігінің жойылу жылдамдығын (қандағы және несептегі мөлшерінің динамикасы бойынша) анықтаған дұрыс. "Жылдам ацетиляторларда" изониазидті біршама жоғары дозаларда қолданады.

Шеткергі невриттің пайда болу (65 жастан асқан емделушілер, қатарласа жүретін қант диабеті, жүктілік, бүйрек функциясының созылмалы жеткіліксіздігі, маскүнемдік, құнарсыз тамақтану салдарынан болатын В6 гиповитаминозы, құрысуға қарсы емнің қатарласуы) қаупінде тәулігіне 10-25 мг пиридоксин тағайындалады.

Емделу кезінде ірімшікті (әсіресе швейцариялық немесе чеширлік), балықты (әсіресе тунецті, сардинелланы, скипджекті) пайдаланбаған жөн, өйткені оларды изониазидпен бір мезгілде пайдаланғанда моноаминооксидаза және диаминоксидаза белсенділігінің бәсеңдеуімен байланысты және балық пен ірімшік құрамындағы тирамин және гистамин метаболизмінің бұзылуына әкелетін реакциялар (тері гиперемиясы, қышыну, ыстықтау немесе тоңу сезімі, жүректің лүпілдеуі, қатты терлеу, қалтырау, бас ауыру, бас айналу) пайда болуы мүмкін.

Изониазидтің салдарлық глюкозуриясы бар гипергликемияны туындатуы мүмкін екенін ескерген жөн; Cu2+ қалпына келтірілетін тестілер жалған оң болуы мүмкін; препарат глюкозаның ферменттік тестілеріне ықпалын тигізбейді.

Изониазид-Дарницаның тиімділігін күшейту үшін туберкулезге қарсы басқа препараттармен (мысалы, рифампицин, этамбутол, пиразинамид) біріктіріп, ал аралас жұқпада әсер ету ауқымы кең антибиотиктермен: фторхинолондармен, сульфаниламидтермен, макролидтермен (тағы сол сияқтылар) бір мезгілде қолданады.

Жүктілік және лактация кезеңі

Жүктілік кезінде препаратты тәулігіне дене салмағының әр кг-на шаққанда 10 мг-нан жоғары дозада қолдануға болмайды. Изониазид-Дарницаны жүкті әйелдерге қолданғанда (дене салмағының әр кг-на шаққанда 10 мг-ға дейінгі тәуліктік дозада) инозиазидтің плацента арқылы өтіп, миеломенингоцеле мен гипоспадияның, геморрагияның (К гиповитаминозының салдары) пайда болуын, сондай-ақ ұрықтың психомоторлық дамуының кідіруін туындатуы мүмкін екенін ескеру қажет.

Инозиазид емшек сүтіне өтеді, сондықтан сәбиде гепатиттің және шеткергі невриттердің пайда болу ықтималдығын ескеріп, бала емізуді қоя тұру немесе препаратты қолдануды тоқтату жөніндегі мәселені шешу қажет.

Балалар

Препарат балаларға жаңа туған кезеңінен бастап тағайындалады.

Дәрілік заттың автокөлікті немесе басқа да қауіпті механизмдерді басқару қабілетіне ықпал ету ерекшеліктері

Күрделі механизмдерді жүргізушілер мен операторлар жүйке жүйесі тарапынан болатын, зейінді жұмылдыру қабілетіне және реакция шапшаңдығына ықпал етуі мүмкін, жағымсыз әсерлердің пайда болу ықтимал екендігін ескеруі керек.

Артық дозалануы

Енгізгеннен кейін 0,5-3 сағат ішінде мына симптомдар көрініс береді: жүректің айнуы, құсу, бас айналу, былдырлап сөйлеу, көрудің нашарлауы, көзге көрінетін елестеулер.

Айқын артық дозалануда: респираторлық дистресс-синдром, мелшиюден комаға тез ауысатын орталық жүйке жүйесінің тежелуі, басыла қоймайтын ауыр құрысулар, ауыр метаболизмдік ацидоз, ацетонурия, гипергликемия.

Емдеу: айқын артық дозаланғанда (80-150 мг/кг) емнің жеткілікті болмауы өліммен аяқталатын нейроуыттануға әкеледі. Талапқа сай ем жүргізілгенде болжамы жағымды.

Симптомсыз артық дозалануда: 80 мг/кг-нан артық дозада қолданғанда көктамыр ішіне дәл сондай дозада пиридоксин енгізіледі, егер қолданылған изониазид дозасы белгісіз болса, онда ересектерге 5 г, балаларға – 80 мг/кг пиридоксин 30-60 минут бойы көктамыр ішіне енгізіледі.

Клиникалық көріністерінде: талапқа сай желдету, жүрек-қан тамырлары жүйесінің қызметін демеу, асқазанның ішіндегісімен аспирацияланудың алдын алу. Егер қабылданған изониазид дозасы белгілі болса, пиридоксиннің сондай мөлшерін 3-5 минут бойы көктамыр ішіне болюсті түрде енгізеді. Егер қолданылған изониазид дозасы белгісіз болса, онда ересектерге 5 г, балаларға 80 мг/кг пиридоксин көктамыр ішіне енгізіледі. Егер құрысулар тоқтамаса, дозаны қайталауға болады. 10 г-нан астам дозаны тағайындау сирек болады. Изониазидпен артық дозалану кезіндегі пиридоксиннің ең жоғары қауіпсіз дозасы белгісіз. Пиридоксин тиімсіз болғанда диазепам тағайындалады.

Қандағы электролиттер, мочевина, глюкоза және парциальді газ қысымын бақылау қажет. Метаболизмдік ацидоз пайда болғанда натрий гидрокарбонаты гиперкапнияны күшейтуі мүмкін (ұдайы мониторинг қажет).

Егер құрысулар мен ацидоз пиридоксинмен, диазепаммен және натрий гидрокарбонатымен басылмаса, диализ тағайындалады.

Шығарылу түрі және қаптамасы

Мөлдір шыныдан жасалған ампулаларда 5 мл-ден.

Ампулаға өздігінен желімденетін жабыны бар қағаздан жасалған заттаңба немесе шыны бұйымдарға арналған терең баспа бояуымен жазуға болады.

Ампуланы ашуға арналған пышақпен бірге поливинилхлоридті үлбірден жасалған пішінді ұяшықты қаптамаға (кассета) 5 ампуладан салынған. Түрлі түсті сындыру сақинасы немесе түрлі түсті сындыру нүктесі бар ампулаларды қаптағанда ампула ашуға арналған пышақ салынбайды. Екі пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге қорапшаға салынған.

10 ампула медицинада қолданылуы жөніндегі мемлекеттік және орыс тілдеріндегі нұсқаулықпен және ампула ашуға арналған пышақпен бірге гофрлауға арналған қағаздан жасалған гофрланған қосымша бетпен бірге қорапқа салынады. Түрлі түсті сындыру сақинасы немесе түрлі түсті сындыру нүктесі бар ампулаларды қаптағанда ампула ашуға арналған пышақ салынбайды.

Сақтау шарттары

Жарықтан қорғалған жерде, 2°С-ден 8°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға боламайды.

Дәріханалардан босатылу шарттары

Рецепт арқылы

Өндіруші

«Дарница» фармацевтикалық фирмасы» ЖАҚ

Украина, 02093, Киев қ., Борисполь к-сі, 13.

Тіркеу куәлігінің иесі

«Дарница» фармацевтикалық фирмасы» ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

телефон/факс: (+ 380 44) 207 73 27

е-mail: vigilance@darnitsa.kiev.ua

http://www.darnitsa.kiev.ua