Иенлип

Иенлип

Клиндамицин

Қынаптық суппозиторийлер, 100 мг

Несепжыныс жүйесі және жыныс гормондары. Гинекологиялық инфекцияға қарсы және антисептикалық препараттар. Кортикостероидтармен біріктірілімді қоспағанда инфекцияға қарсы және антисептикалық препараттар. Бактерияға қарсы препараттар. Клиндамицин.

ATХ коды G01AА10

- препаратқа сезімтал микроорганизмдерден туындаған бактериялық вагинозды емдеуде.

Қолдануды бастағанға дейін қажетті мәліметтер тізбесі

- клиндамицинге, линкомицинге немесе препараттың басқа да компоненттеріне аса жоғары сезімталдық

- миастения

- анамнезде антибиотиктерді қабылдаумен астасқан колит

- бауыр мен бүйрек функцияларының айқын бұзылуы

- жүктілік (I триместр), лактация кезеңі

- 18 жасқа дейінгі балалар мен жасөспірімдер

Қолданған кездегі қажетті сақтандыру шаралары

Емдеу аясында айқын немесе ұзақ диарея туындаған жағдайда дереу дәрігерге қаралу керек, себебі препаратпен емдеуді тоқтату қажет болуы мүмкін.

Иенлип, қынаптық суппозиторийлерді қолдану кезінде жыныстық қатынастардан, сондай-ақ қынапішілік енгізуге арналған бұйымдардың басқа да түрлерін (мысалы, тампондар, бүркіп шаю) пайдаланудан аулақ болу керек.

Қынаптық суппозиторий түріндегі Иенлип құрамында латекстен немесе каучуктан жасалған бұйымдардың (мүшеқаптар, ұрықтануға қарсы қынаптық диафрагмалар) беріктігін азайтатын компоненттер бар. Сондықтан емдеу кезінде және қынаптық суппозиторий түрінде Иенлип қабылдағаннан кейін 72 сағатқа дейін мұндай бұйымдарды пайдалану ұсынылмайды.

Басқа дәрілік препараттармен өзара әрекеттесуі

Иенлип препаратымен басқа қынаптық препараттарды бірге пайдалану туралы ақпарат жоқ.

Клиндамицин мен линкомицин арасында айқаспалы резистенттілік бар.

Клиндамицин жүйелі қолданған кезде нейробұлшықеттік таралуды бұзатыны және сол арқылы шеткері әсер ететін миорелаксанттардың әсерін күшейтуі мүмкін екені анықталды, сондықтан препаратты осы топтағы препараттарды қабылдайтын пациенттерде сақтықпен қолдану керек.

Арнайы ескертулер

Дәрігер тағайындағаннан артық суппозиторий пайдаланбаңыз.

Клиндамицин фосфатының суппозиторийлерімен емді бастағанға дейін немесе одан кейін Trichomonas vaginalis, Candida albicans, Chlamydia trachomatis және гонококтық инфекцияларды қоса, басқа да инфекцияларды талапқа сай зертханалық тестілер арқылы зерттеу қажет.

Иенлипті пайдалану сезімтал емес организмдердің, әсіресе ашытқы тәрізді зеңдердің өсуіне әкелуі мүмкін.

Жалған жарғақшалы колит симптомдары бактерияға қарсы емдеу кезінде немесе кейін пайда болуы мүмкін. Клиндамицинді қоса, барлық бактерияға қарсы дәрілерді қолданған кезде жалған жарғақшалы колит ағымының ауырлығы жеңіл дәрежеден өмірге қауіпті дәрежеге дейін өзгеруі мүмкін. Сондықтан, бактерияға қарсы дәрілер енгізгеннен кейін диареясы бар пациенттерде мұны ескеру маңызды. Жеңіл және орташа ауырлық дәрежесі кезінде препаратты тоқтатқаннан кейін жақсаруы мүмкін.

Жалған жарғақшалы колит дамыған кезде клиндамицинмен емдеуді тоқтату және талапқа сай бактерияға қарсы ем тағайындау керек. Бұл жағдайда ішектің перистальтикасын тежейтін дәрілік заттар қолдануға болмайды.

Крон ауруы немесе ойық жаралы колит сияқты ішектің қабыну аурулары бар пациенттерге Иенлип тағайындау кезінде сақтық қажет.

Педиатрияда қолдану

Балалар жасындағы пациенттерде препараттың қауіпсіздігі мен тиімділігі анықталмаған, сондықтан осы категорияда қолдануға болмайды.

Жүктілік және лактация кезінде

Жүктіліктің I триместрінде препаратты қолдануға болмайды. Иенлип препаратын жүктіліктің II және III триместрінде қынапішілік қолдану ана үшін күтілетін пайдасы шарана үшін әлеуетті қауіптен асып кеткен жағдайда ғана мүмкін болады.

Лактация

Клиндамицин қынапішілік қолданғаннан кейін емшек сүтімен бөлінетіні белгісіз. Клиндамицин жүйелі қолданғаннан кейін емшек сүтінде анықталады. Клиндамицин емшек еметін нәрестелерде диарея немесе нәжістегі қан немесе бөртпелер сияқты АІЖ микрофлорасына жағымсыз әсерлер көрсетуге әлеуетті қабілеті бар. Егер емшек емізетін ана клиндамицинді пероральді немесе парентеральді қолдану қажет болса, бұл емшек емізуді тоқтатуға себеп болып табылмайды, бірақ баламалы дәрілік препаратқа артықшылық беруге болады. Баланың дамуы мен денсаулығы үшін емшек сүтімен қоректендірудің пайдасын, сондай-ақ клиндамицинді анада қолданудың клиникалық қажеттілігін және клиндамицинмен немесе емшек сүтімен қоректенетін бала үшін ананың негізгі ауруларымен байланысты кез келген әлеуетті жағымсыз әсерлерді ескеру қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдары жүргізушілерінің және ерекше назар аударуды талап ететін қондырғыларға қызмет көрсететін адамдардың реакциясының жылдамдығына әсер етпейді.

Қолдану жөніндегі нұсқаулар

Дозалау режимі

Бір суппозиторийден тәулігіне 1 рет.

Енгізу әдісі мен жолы

Қынаптық. Суппозиторийді 3-7 күн қатарынан ұйықтар алдында тікелей қынапқа тереңірек салу керек.

Пайдалану тәсілі:

- Пластик жолақтан суппозиторийді алыңыз

- Шалқадан жатып, тізеңізді кеудеге қарай тартыңыз

- Жайсыздық тудырмай, суппозиторийді, үшінші (ортаңғы) саусақтың ұшымен қынапқа әрірек салыңыз.

Суппозиторийлерді қолданғаннан кейін үнемі қолыңызды жуыңыз.

Емдеу ұзақтығы

Ұсынылатын доза қатарынан 3 күн бойы ұйықтар алдында 1 суппозиторийді құрайды.

Артық дозаланған жағдайда қабылдануы тиіс шаралар

Препараттың төмен сіңуіне байланысты артық дозалану ықтималдығы аз.

Артық дозаланған жағдайда жалпы симптоматикалық және қосымша шаралар қажеттілігіне қарай көрсетіледі.

Кездейсоқ пероральді енгізу клиндамицинді пероральді енгізудің емдік концентрациясының әсерлерімен салыстыруға болатын әсерлерге әкелуі мүмкін.

Дәрілік препараттың бір немесе бірнеше дозасын өткізіп алған жағдайда қажетті шаралар

Суппозиторийді бірнеше сағат бойы жіберіп алған жағдайда, дереу Иенлип қолданыңыз.

Егер кезекті қабылдаудың уақыты келіп қалса, онда өткізіп алған дозаны ұмытып, қалыпты режимде пайдалануды жалғастыру қажет.

Дәрілік препаратты қабылдамас бұрын дәрігерге немесе фармацевтке жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Бірлі-жарым жағдайларға қарағанда жиі кездесетін жағымсыз реакциялар келесі градацияға сәйкес атап көрсетілген:

өте жиі (≥ 1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректер негізінде реакциялардың пайда болу жиілігін бағалау мүмкін емес).

Жиі

- зеңдік инфекция, кандидоздық инфекция

- бас ауыруы

- іштің ауыруы, диарея, жүрек айнуы

- қышыну

- вульвовагинальді кандидоз, вульвовагинальді ауыру, вульвовагинальді бұзылыс

Жиі емес

- құсу

- бөртпе

- бүйірдің ауыруы

- пиелонефрит, дизурия

- қынаптық инфекция, қынаптан бөліністер, етеккір оралымының бұзылысы

- енгізген жердегі реакция (ауыру, қышыну, жергілікті ісіну, гипертермия)

- жалған жарғақшалы колиттің дамуы (барлық бактерияға қарсы дәрілерге тән)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозиторийдің құрамында

белсенді зат – клиндамицин (клиндамицин фосфаты түрінде) 100 мг,

қосымша зат – қатты май.

Сыртқы түрінің иісінің, дәмінің сипаттамасы

Ақ дерлік түстен сарғыш түске дейінгі сопақша пішінді суппозиторий.

Шығарылу түрі және қаптамасы

Полиэтиленмен ламинатталған поливинилхлоридті үлбірден жасалған пішінді ұяшықсыз қаптамаға 3 немесе 7 суппозиторийден салынған.

1 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«Лавифарм СA», 59, Агиа Марина, 19002, Пеания Аттика, Греция

Тіркеу куәлігінің ұстаушысы

«Верисфилд С.М.С.А.», 8, Виронос, Халандри, 15231, Афины, Греция

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Caspi Group (Каспи Групп)» ЖШС

Қазақстан Республикасы, Алматы қ., Желтоқсан к-сі, 177Б, 3 кеңсе.

Тел.: +7 708 899 88 87, pharmacovigilance@verisfield.gr