Ибуфен® Д форте (суспензия для приема внутрь)

• русский
• қазақша

• Скачать инструкцию медикамента

Саудалық атауы

Ибуфен® Д форте

Халықаралық патенттелмеген атауы

Ибупрофен

Дәрілік түрі

Ішуге арналған 200 мг/5 мл суспензия

Құрамы

100 мл суспензияның құрамында

белсенді зат - 4,00 г ибупрофен,

қосымша заттар: макрогол глицеролгидроксистеараты, ксантан шайыры, глицерол, натрий бензоаты, натрий фосфатының додекагидраты (немесе натрий фосфатының дигидраты), лимон қышқылының моногидраты, натрий сахаринаты, сұйық мальтитол, “Кола” хош иістендіргіші, тазартылған су

Сипаттамасы

Кола иісі бар ақ немесе ақ дерлік түсті суспензия

Фармакотерапиялық тобы

Қабынуға қарсы стероидты емес препараттар. Пропион қышқылының туындысы.

ATЖ коды: М 01 АЕ 01

Фармакологиялық қасиеттері

Фармакокинетика

Ішу арқылы қабылдағанда асқазан-ішек жолынан ибупрофеннің 80%-дан астамы сіңеді. Қан плазмасы ақуыздарымен (негізінен альбуминдермен) препараттың 90% байланысады.

Аш қарынға қабылдағанда қан плазмасындағы ең жоғарғы концентрациясына жету уақыты – 45 минут, тамақтанғаннан кейін – 1,5-2,5 сағат; қан плазмасындағыға қарағанда үлкен концентрация пайда болатын синовиалды сұйықтықта – 2-3 сағат.

Препарат организмде жинақталмайды.

Ибупрофен ең алдымен бауырда метаболизденеді. Жүйе алдындағы және жүйеден кейінгі метаболизмге ұшырайды. Абсорбциядан кейін 60% жуығы фармакологиялық белсенді емес ибупрофеннің R – түрі баяу белсенді – түріне өзгереді.

Препараттың 60-90% метаболиттер түрінде және глюкурон қышқылымен оның қосылыстарының өнімдері бүйрекпен шығарылады, аздаған дәрежеде, өтпен және өзгермеген түрде кем дегенде 1% бөлінеді. Бір реттік дозаны қабылдағаннан кейін препарат 24 сағат ішінде толығымен шығарылады.

Фармакодинамикасы

Ибупрофен® Форте пропион қышқылының туындысы болып табылады. Ауыруды басатын, ыстықты түсіретін және қабынуға қарсы әсері бар.

Ибупрофен®Фортенің әсер ету механизмі ең алдымен арахидон қышқылының простагландиндерге, простациклин және тромбоксанға айналуын реттейтін ферменті – циклооксигеназа (ЦОГ) белсенділігін төмендету есебінен простагландиндер биосинтезін бәсеңдетуге байланысты. Бұл кезде арахидон қышқылының циклооксигеназалы метаболизмі жолын қайтымды тежеу нәтижесінде простагландиндер түзілуі азаяды. Қабынған жерде простагландиндер концентрациясын төмендету брадикинин, эндогенді пирогендер, басқа биологиялық белсенді заттардың, оттек және NO радикалдары түзілуінің азаюымен қатар жүреді. Мұның барлығы қабыну барысының белсенділігі төмендеуіне әкеп соқтырады (ибупрофеннің қабынуға қарсы әсері) және ауыру рецепциясының азаюымен қатар жүреді (ауыруды басады). Жұлын сұйықтығында простагландиндер концентрацияның азаюы дене қызуының қалыпты болуын (антипиретикалық әсері) туындатады.

Қолданылуы

Шығу тегі әртүрлі дене қызуы жоғарылаған кезде:

- суық тию ауруларында

- жедел респираторлық вирусты жұқпаларда

- тұмауда

- баспада, фарингите

- дене қызуының көтерілуімен қатар жүретін балалар жұқпасында

Шығу тегі әртүрлі әлсіз және орташа қарқындылықтағы ауыру синдромында:

• ортаңғы құлақ қабынуы кезіндегі құлақ ауыруында

• тіс ауырғанда, тіс ауыртып шыққанда

• бас ауыруында, бас сақинасында

• невралгияда

• ревматикалық ауыруларда

• бұлшықет, буындар ауырғанда

• қимыл-тірек аппаратының жарақатында.

Қолдану тәсілі және дозалары

Ішке қабылданады.

5 мл суспензияның құрамында 200 мг ибупрофен бар.

Қолданар алдында біртекті суспензияны алғанға дейін шайқау керек.

Дәрілік препаратты ас ішкеннен кейін судың мол мөлшерімен бірге қабылдайды.

Қаптамаға қоса берілген шкаласы бар өлшеуіш стақан препаратты дәл дозалауға мүмкіндік береді

Доза баланың жасына және дене салмағына байланысты анықталады.

Ибупрофен®Д Форте препаратының бір реттік дозасы бала дене салмағының әр келісіне 5 – 10 мг тәулігіне 3-4 ретті құрайды. Суспензияның ең жоғары тәуліктік дозасы дене салмағының әр келісіне 20-30 мг құрайды. Препаратты төменде көрсетілген сызба бойынша бір реттік дозаларда тағайындайды:

1 жастан 2 жасқа дейінгі балалар (10-12 кг): бір реттік доза 2,5 мл (ол 100 мг ибупрофенге сәйкес). Ең жоғарғы тәуліктік доза 7.5 мл (300мг ибупрофен).

3 жастан 5 жасқа дейінгі балалар (13-19 кг): бір реттік доза 2,5 мл (ол 100 мг ибупрофенге сәйкес). Ең жоғарғы тәуліктік доза 10 мл (400мг ибупрофен).

6 жастан 9 жасқа дейінгі балалар (20-29 кг): бір реттік доза 5,0 мл (ол 200 мг ибупрофенге сәйкес). Ең жоғарғы тәуліктік доза 15 мл (600мг ибупрофен).

10 жастан 12 жасқа дейінгі балалар (30-39 кг): бір реттік доза 5,0 мл (ол 200 мг ибупрофенге сәйкес). Ең жоғарғы тәуліктік доза 20 мл (800мг ибупрофен).

12 жастан және одан үлкен балалар (40 кг астам): бір реттік доза 5,0-10,0 мл (ол 200-400 мг ибупрофенге сәйкес). Ең жоғарғы тәуліктік доза 30 мл (1200мг ибупрофен)

Ең төменгі интервал кезекті дозалар арасымен кем дегенде 4-6 сағатты құрауы тиіс.

1 жасқа дейінгі балаларға дәрілік препараты тек дәрігердің кеңесіненен кейін оның ұсынымына сай қолдану керек.

Препаратты дәрігердің бақылауынсыз 3 күннен астам қолдануға болмайды.

Препараттың құрамында қант жоқ, сондықтан диабеттен зардап шегетін адамдарға қолданылуы мүмкін.

Жағымсыз әсерлері

Пайда болу жиілігіне байланысты жағымсыз әсерлерді мынадай топтарға бөледі:

Жиі емес (>1/1000, <1/100)

- жүрек айнуы, қыжыл, диарея, іштің ауыруы

- бас ауыруы

- тері бөртпесі, қышыма, есекжем

Сирек (>1/10000, <1/1000)

- құсу, метеоризм, іш қатуы, асқазан-ішек жолының қабынуы

- бас айналуы, қозу, ұйқысыздық, ұйқышылдық, жабығу, сананың шатасуы, елестеулер

- ісіну синдромы

Өте сирек (<1/10000)

- асқазан-ішек жолының эрозивті-ойық жаралы зақымдануы, ауыздың құрғауы, Крон ауруы, стоматит, гепатит, панкреатит, бауыр қызметінің бұзылуы

- асептикалық менингит

- жедел бүйрек жеткіліксіздігі, нефротикалық синдром, аллергиялық нефрит, полиурия, цистит

- анемия (оның ішінде, гемолитикалық, апластикалық), тромбоцитопения және тромбоцитопениялық пурпура, агранулоцитоз, лейкопения

- Квинке ісінуі, ангионевротикалық ісіну, анафилактоидты реакциялар, анафилактикалық шок, бронхтық түйілу, қызба, көптүрлі экссудативті эритема (оның ішінде, Стивенс-Джонсон синдромы), уытты эпидермальді некролиз (Лайел синдромы), эозинофилия, аллергиялық ринит

- қайтымды уытты көру невриті, көрудің бұлыңғырлануы, қосарлана көріну, конъюктивит

- тер бөлінуінің күшеюі

- қан кетулер (асқазан-ішектік, қызыл иектік, жатырлық, геморроидальді)

Жекелеген жағдайда

- естудің төмендеуі, құлақтағы шуыл

- депрессия

- жүрек жеткіліксіздігі, АҚ жоғарылауы, тахикардия

Қолдануға болмайтын жағдайлар

- ибупрофенге немесе препараттың басқа да құрамдастарына, сондай-ақ қабынуға қарсы стероидты емес басқа да дәрілік препараттарға жоғары сезімталдықта

- ацетилсалицил қышқылын немесе басқа да қабынуға қарсы стероидты емес препараттарды қабылдағаннан кейін ертеректе аллергиялық симптомдардың тұмау, тері бөртпелері немесе бронхтық түйілу реакциясы түрінде пайда болуы

- асқазан-ішек жолынан белсенді қан кетуі

- асқазанның ойық-жаралы ауыруы және он екі елі ішектің асқыну фазасында

- бауыр және бүйрек қызметінің айқын жеткіліксіздігінде

- қан ауруында (қан кету бейімділігінде, гемофилияда, гипокоагуляцияда, геморрагиялық диатезде)

- бүйректің немесе бауырдың ауыр жеткіліксіздігінде

- глюкоза-6-фосфатдегидрогеназа тапшылығында

- жүктіліктің III триместрінде және лактация кезеңінде

- 1 жасқа дейінгі балаларға

Дәрілермен өзара әрекеттестігі

Ибупрофен® Форте (қабынуға қарсы стероидті емес препараттар тобынының басқа дәрілік заттары сияқты) төменде көрсетілген дәрілік заттармен бір мезгілде қолданбау керек:

• ацетилсалицил қышқылымен немесе қабынуға қарсы басқа стероидты емес препараттармен – асқазан-ішек жолдары тарапынан жағымсыз әсерлер пайда болу қаупі артады

• антигипертензивті дәрілік заттармен және диуретиктермен – қабынуға қарсы басқа стероидты емес препараттар тобының дәрілік заттарымен осы заттар әсерінің тиімділігі төмендеуін туындатуы мүмкін,

• антикоагулянттармен – аздаған клиникалық деректер қабынуға қарсы басқа стероидты емес препараттар қан ұйығыштығын төмендететін дәрілік заттардың әсерін күшейтуі мүмкін екендігін көрсетеді

• литий және метотрексатпен – қабынуға қарсы стероидты емес препараттар плазмада литий, сондай-ақ метотрексат концентрациясы артуын туындатуы мүмкін

• зидовудинмен – бір мезгілде ибупрофен мен зидовудинді қабылдайтын емделушілерде қан ағу уақытының артуы орын алуы мүмкін

• минералокортикоидтармен, глюкокортикоидтармен – жағымсыз әсерлері күшейеді

• сульфонилмочевина туындыларымен – гипогликемиялық әсері күшейеді, антацидтер мен холестирамин сіңуін төмендетеді

• кофеин ауыруды басатын әсерін күшейтеді

Айрықша нұсқаулар

Емделу кезеңінде шеткергі қан көрінісін және бауыр және бүйрек қызметінің жағдайын бақылау қажет.

Бронхтық демікпесі немесе ацетилсалицил қышқылына аллергиялық реакциялар белгісі бар, сондай-ақ басқа да дәрілік заттарды (әсіресе гипертензияға қарсы, диуретикалық, кардиотропты және психотропты дәрілік заттарды) қабылдап жүрген адамдар препаратты қолдануға үлкен сақтықты қадағалаған жағдайда ғана жол беріледі.

Ибупрофенді қолданған кезде амблиопия уыттылығының жекелеген жағдайы байқалған.

Ас қорыту жүйесі тарапынан бұзылудың пайда мүмкіндігін ескере отырып ибупрофенді ульцерогенді әсер байқататын заттармен (оның ішінде ацетилсалицил қышқылымен, кортикостероидтармен) немесе дәрілік заттармен бір мезгілде қабылдаудан аулақ болу керек.

Фруктозаны туа біткен көтере алмаушылығы бар адамдарға қатысты ерекше абай болуды қадағалау керек.

Жүктілік және лактация кезеңі

Үлкен топтағы емделушілерге жақсы бақыланатын зерттеулердің болмауына байланысты дәрілік затты өте қажет болған кезде ғана қолдану керек.

ІІІ триместр: босануды кешіктіру мүмкіндігі бар болғандықтан, сондай-ақ ол ұзаққа созылатындықтан ибупрофенді жүктіліктің ІІІ триметрінде қолданбау керек.

Ибупрофен аздаған мөлшерде ана сүтіне бөлінуі мүмкін. Нәрестелерде жағымсыз әсерлер пайда болуы жайлы жағдайлар белгісіз, алайда ибупрофенмен емделу кезінде бала емізуді тоқтату керек.

Дәрілік заттың көлік құралдарын немесе қауіпті мехпнизмдерді басқару қабілетіне әсер ету ерекшеліктері

Ибуфен®Д Форте препаратын қабылдау кезінде бас айналуы пайда болуы мүмкін, оны көлікті басқару және механизмдерге қызмет көрсету кезінде ескеру керек.

Артық дозалануы

Симптомдары: іштің ауыруы, құсу, мәңгіру, бас ауыруы, құлақтағы шуыл, жабығу, ұйқышылдық, метаболикалық ацидоз, кома, геморагиялық диатез, АҚ төмендеуі, құрысулар, жедел бүйрек жеткіліксіздігі, бауыр қызметінің бұзылуы, тахикардия, брадикардия.

Емдеу: асқазанды шаю (препаратты қабылдағаннан кейін бір сағат ішінде), белсендендірілген көмір, сілтіні ішу, симптоматикалық ем.

Шығарылу түрі және қаптамасы

Кепілді сақинасы бар бұралып жабылатын полиэтиленді қақпақпен тұмшаланған полиэтиленді құтыға препараттың 100 мл-і құйылған.

Құтыға өздігінен жабысатын заттаңба жапсырады.

Әр құты өлшегіш стақанымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пашкеге салынған.

Сақтау шарттары

Түпнұсқалық қаптамасында 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Ашылған құтыны 6 айдың ішінде пайдалану керек.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

“Медана Фарма” АҚ

98-200 Серадз, В. Локетка к-сі 10, Польша

Тіркеу куәлігінің иесі

«Химфарм» АҚ, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Химфарм» АҚ, Шымкент қ-сы, ҚАЗАҚСТАН РЕСПУБЛИКАСЫ,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz