Ибуфен® (гель для наружного применения) (Ibuprofen)

Ибуфен

Ибупрофен

Сыртқа қолдануға арналған гель 100 мг/г, 50 г

50 г гельдің құрамында

белсенді зат: 5.000 г лизинді тұздың ибупрофені

қосымша заттар: полиэтиленгликоль 200, метилпарагидроксибензоат, пропилпарагидроксибензоат, карбомер 980, қышқыл апельсин майы, триэтаноламин, тазартылған су.

Ақшыл-сары немесе сары сәл бозаңданатын өзіне тән иісі бар гель.

Жергілікті қолдануға арналған қабынуға қарсы стероидты емес препараттар. Ибупрофен.

АТХ коды M02AA13

Фармакокинетикасы

Ибуфен® гель препаратынан ибупрофен белсенді заты тікелей тері арқылы терең тіндік қабаттарға, буындарға және синовиальді сұйықтыққа өтеді, онда емдік тиімді концентрацияларда байқалады. Теріге жаққан кезде ибупрофеннің сіңірілуі ішке қабылданатын концентрацияның шамамен 5% құрайды. Теріге жаққаннан кейін ибупрофеннің емдік концентрациясына жергілікті жетеді. Ибупрофеннің сіңірілуі мен таралуы терінің, теріасты тінінің қалыңдығына, оның қанмен қамтамасыз етілуіне және қабыну инфильтраттарының шамасына байланысты. Бір реттік дозаны теріге соңғы жаққаннан кейін, препарат 24 сағат ішінде толығымен шығарылады. Дәрілік зат организмде жиналмайды

Фармакодинамикасы

Ибупрофен пропион қышқылының туындысы болып табылады. Гель түріндегі Ибуфен® негізінен простагландин синтезін ауыру және қабыну медиаторларын тежеу есебінен жергілікті ауыруды басатын және қабынуға қарсы әсер етеді.

Жергілікті ауыруды басатын және қабынуға қарсы әсерін талап ететін дімкәстік кезінде жергілікті қолданылады:

- сүйек-бұлшықет жүйесінің аурулары кезіндегі ауыру синдромында

- арқа ауырғанда

- невралгияда

- жарақаттан кейінгі ауыру синдромында

- артриттің жеңіл формасындағы ауыруларда

Сыртқа қолдануға арналған.

Ересектер және 12 жастан асқан балалар:

Гельдің жолағын (шамамен 3 см) ауырған жердегі теріге жағу және толық сіңгенге дейін абайлап ысқылау керек.

Ұсынылған дозаны асырмау керек. Емдеудің ұзақтығын дәрігер анықтайды.

- тері тарапынан бұзылулар (мысалы қызару) және препаратты жаққан жерде түршігу сезімі

- спецификалық емес аллергиялық және анафилаксиялық реакциялар

- демікпе, демікпе асқынуы, бронх түйілуі немесе ентігу

- түрлі сипаттағы бөртпе, қышыну, есекжем

- Квинке ісінуі

- эпидермис некрозы және полиморфты эритема (сирек)

- іштің ауыруы, диспепсия.

Дененің үлкен аумағына ұзақ уақыт қолданған кезде бас ауыруы, бас айналу, қан құрамындағы өзгерістер (гранулоцитопения, агранулоцитоз), гиперурикемия, ал АІЖ тарапынан: жүрек айнуы, құсу, диарея, тәбеттің жоғалуы, асқазан және он екі елі ішектің ойық жаралы ауруының қайталануы сияқты қосымша жағымсыз әсерлердің дамуы мүмкін. Ибупрофенмен емдеу үдерісінде сондай-ақ бүйрек тарапынан негізінен бүйрек аурулары бар пациенттерде бұзылулар болуы мүмкін.

Барлық, соның ішінде қосымша бетпарақта көрсетілмеген жағымсыз (ерекше) әсерлердің пайда болуы туралы емдеуші дәрігерге хабарлау керек.

- ибупрофенге немесе қандай да бір қосымша заттарға, ацетилсалицил қышқылына және басқа қабынуға қарсы стероидты емес дәрілерге жеке жоғары сезімталдық

- терінің аллергиялық аурулары

- терідегі өзгерістермен инфекциялық аурулар

- күйіктер

- тері тұтастығының бұзылулары

- ацетилсалицил қышқылын немесе басқа ҚҚСП қабылдауға байланысты анамнезде бронх түйілуі, ринит және есекжем

- 12 жасқа дейінгі балалар

Сыртқа қолданған кезде ибупрофеннің дәрілік өзара әрекеттесуі сипатталмаған, алайда ішке қабылдағаннан кейін болатын өзара әрекеттесулерді жоққа шығаруға болмайды. Дегенмен, жергілікті қолданғанның өзінде ибупрофен жүйелік әсер ететінін және теориялық жағынан гельді басқа ҚҚСП бір уақытта пайдаланудан жағымсыз әсерлер күшеюі мүмкін екендігін ескерген жөн.

Ибупрофенді қолданған кезде бауыр немесе бүйрек функциялары бұзылған, сондай-ақ асқазан және (немесе) он екі елі ішектің ойық жаралы ауруы бар науқастарда сақ болған жөн.

Бұрын ацетилсалицил қышқылын немесе басқа ҚҚСП қабылдамаған бронх демікпесі бар пациенттерге, Ибуфен® гелі дәрілік өнімін қолданғанға дейін дәрігермен кеңескен жөн.

Сыртқа қолданылатын ибупрофен АІЖ тарапынан жағымсыз әсерлерді тудыруы мүмкін. Ибупрофенді ішке қабылдағанға қарағанда мұндай жағымсыз әсерлердің пайда болу қаупі төмен болуына қарамастан, АІЖ тарапынан бұзылулар бар пациенттерге Ибуфен® гель дәрілік препаратын қолданғанға дейін дәрігерге қаралған жөн.

Көзге және шырышты қабықтарға тигізуге болмайды.

Жағу аймағында тері өзгерістері болған жағдайда дәрілік препаратты қолдануды тоқтатқан жөн.

Теріге ұзақ уақыт жағу қажет болғанда қорғаныс қолғаптарын қолдану ұсынылады.

Дәрілік препаратты әр 4 сағаттан жиі және тәулігіне 3 реттен аса қолдануға болмайды.

Гельді жаққаннан кейін, егер емделетін жер қол болған жағдайдан басқа кезде қолды мұқият жуып тастау қажет.

Егер дәрілік препаратты 2 апта қолданғаннан кейін симптомдары жоғалмаса немесе күшейсе, дәрігерге қаралу қажет.

Қан жүйесіндегі ибупрофеннің концентрациясы ішке қабылдағанға қарағанда сыртқа қолдану кезінде төмен. Дегенмен ішке қабылданатын ибупрофен бүйрек жеткіліксіздігін күшейту мүмкін болғандықтан, анамнезде бүйрек аурулары бар пациенттерге Ибуфен® гель дәрілік препаратын қолданғанға дейін дәрігерден кеңес алған жөн.

Жүктілік және лактация кезеңі

Дәрілік препаратты жүктілік және емшек емізген кезде сақ болған жөн. Жергілікті қолданылатын ибупрофен организмге ішке қабылдауға қарағанда аз мөлшерде өтетініне қарамастан жүкті әйелдер мен емшек емізетін аналар дәрілік препаратты қолданар алдында дәрігерден кеңес алған жөн.

Автокөлікті және қауіптілігі зор механизмдерді басқару қабілетіне әсер етуі

Ибуфен® гель препаратынан кейін көлікті басқаруға және механизмдерге қызмет көрсетуге қарсы көрсетілімдер туралы ақпарат жоқ.

Сыртқа қолданғаннан кейін артық дозалану ықтималдығы аз.

Препарат ауыз қуысына түскен жағдайда артық дозалану симптомдары болуы мүмкін. Артық дозаланудан кейін препараттың жартылай шығарылуы кезеңі 1,5-нан 3 сағатқа дейінгі уақытты құрайды.

Препаратты ішке қабылдаған кезде артық дозалану симптомдары

ҚҚСП қабылдаған пациенттердің көбінде: жүрек айнуы, құсу, құрсақ үсті аймағының ауыруы, сирек диарея байқалған. Сондай-ақ құлақтың шуылдауын, бастың ауыруын және АІЖ қан кетуді байқаған.

Ауыр жағдайларда ұйқышылдық, уақытша қозу, бағдардан адасу немесе кома түріндегі шеткері жүйке жүйесі тарапынан бұзылулар байқалған. Кейде құрысулар, ал ауыр улану кезінде – метаболизмдік ацидоз және протромбин уақытының (РТ/INR) артуы болған. Сондай-ақ жедел бүйрек жеткіліксіздігі мен бауыр тарапынан бұзылулар байқалған. Сондай-ақ демікпеден зардап шегетін науқастарда демікпе симптомдарының күшею мүмкіндігі белгіленген.

Артық дозалану кезіндегі шаралар

Препаратты кездейсоқ ішке қабылданған жағдайда, құстыру, асқазанды шаю (қабылдағаннан кейін бір сағат ішінде), белсендендірілген көмірді, сілтілік сусын ішу қажет. Симптоматикалық және демеуші ем қолданылады.

Шығарылу түрі және қаптамасы

50 г препараттан пластмасса қақпақпен бұралатын алғашқы ашылуы бақыланатын алюминий сықпаға құяды.

1 сықпаны медициналық қолдану жөніндегі мемлекеттік және орыс тілдеріндегі нұсқаулықтармен бірге картон қорапшаға салады.

Түпнұсқалық қаптамасында, 25°C-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Алғашқы қаптаманы ашқаннан кейін 6 ай.

Өндіруші

Медана Фарма А.Қ.

98-200 Серадз, В. Локетка көшесі, 10, Польша

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнімнің сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ-сы, Қазақстан Республикасы, Рашидов к-сі, 81

Телефон нөмірі 7252 (610151)

Электронды пошта: complaints@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Химфарм» АҚ, Қазақстан Республикасы, Шымкент қ-сы, Рашидов к-сі, 81

Телефон нөмірі + 7 7252 (610150)

Электронды пошта: phv@santo.kz; infimed@santo.kz

5