Зокардис® 7,5

• русский
• қазақша

• Скачать инструкцию медикамента

Саудалық атауы

Зокардис® 7,5

Зокардис® 30

Халықаралық патенттелмеген атауы

Зофеноприл

Дәрілік түрі

Үлбірлі қабықпен қапталған 7,5 мг және 30 мг таблеткалар

Құрамы

Бір таблетканың құрамында

белсенді зат: 7,5 мг және 30 мг кальций зофеноприлі, бұл 7,2 мг және 28,7 мг зофеноприлге сәйкес келеді

қосымша заттар: микрокристалды целлюлоза, лактоза моногидраты, жүгері крахмалы, магний стеараты, сусыз коллоидты кремнийдің қостотығы

қабық құрамы: гипромеллоза, титанның қостотығы (Е 171), макрогол 400, макрогол 6000

Сипаттамасы

Зокардис® 7,5 мг

Дөңгелек пішінді, екі беті сәл дөңес, ақ түсті үлбірлі қабықпен қапталған таблеткалар.

Зокардис® 30 мг

Ұзынша пішінді, екі жағында да сызығы бар, ақ түсті үлбірлі қабықпен қапталған таблеткалар. Таблетканы екі бірдей бөлікке бөлуге болады.

Фармакотерапиялық тобы

Ренин-ангиотензин жүйесіне әсер ететін препараттар. Ангиотензин конвертациялаушы фермент (АКФ) тежегіштері. Зофеноприл.

АТХ коды C09АA15

Фармакологиялық қасиеттері

Фармакокинетикасы

Кальций зофеноприлі ізашар дәрі болып табылады, өйткені белсенді тежегіші тиоэфирлі гидролиз арқылы алынатын бос сульфгидрильді қосылыс – зофеноприлат.

Сіңірілуі

Кальций зофеноприлі ішу арқылы қабылдаудан кейін тез әрі толық сіңіріледі және толық дерлік зофеноприлатқа айналады, ол қандағы ең жоғары концентрациясына Зокардистің® ішу арқылы дозасын қабылдағаннан кейін 1,5 сағаттан соң жетеді. Бір реттік дозасының кинетикасы кальций зофеноприлінің 10-80 мг дозалары аралығында дозаға байланысты болады. 3 апта бойы 15-60 мг кальций зофеноприлін қолданудан кейін жинақталу байқалмайды. Асқазан-ішек жолында тамақтың болуы жылдамдықты төмендетеді, бірақ сіңірілу дәрежесін емес, ал зофеноприлаттың фармакокинетикалық қисық астындағы аудандары (AUC) аш қарын күйде және ас ішуден соң сәйкес дерлік.

Таралуы

Радиобелсенді изотоппен таңбаланған кальций зофеноприлінің дозасын қабылдаудан кейін ex-vivo өлшенген айналымдағы радиобелсенділігінің 88% шамасы плазма ақуыздарымен байланысады және анықталған таралу көлемі 96 литр құрайды.

Метаболизмі

Адам несебінде радиобелсенді изотоппен таңбаланған кальций зофеноприлінің дозасын қабылдаудан кейін несептің 76% радиобелсенділігін құрайтын сегіз метаболит сәйкестендірілді. Негізгі метаболиті артынан глюкурон қышқылымен конъюгацияны (17%), глюкурон қышқылымен циклизация мен конъюгацияны (13%), цистеинмен конъюгацияны (9%) және тиол тобының S-метилденуін (8%) қамтитын бірнеше жолмен метаболизденетін зофеноприлат (22%) болып табылады. Кальций зофеноприлін ішке қабылдаудан кейін зофеноприлаттың жартылай шығарылу кезеңі 5,5 сағат, ал оның жалпы клиренсі 1300 мл/мин құрайды.

Шығарылуы

Көктамыр ішіне енгізілген радиобелсенді изотоппен таңбаланған зофеноприлат несеппен (76%) және нәжіспен (16%) шығарылады, ал радиобелсенді изотоппен таңбаланған кальций зофеноприлінің ішу арқылы дозасынан соң, тиісінше, 69% және 26% радиобелсенділігі несеп пен нәжістен табылады, бұл бүйрек және бауыр – элиминацияның екі жолының бар екенін айғақтайды.

Егде жастағы пациенттердегі фармакокинетикасы

Бүйрек функциясы қалыпты егде жастағы пациенттерде дозаны түзету қажет емес.

Бүйрек дисфункциясы кезіндегі фармакокинетикасы

Радиобелсенді изотоппен таңбаланған кальций зофеноприлін ішу арқылы қолданудан кейін бағалау жүргізілген зофеноприлаттың шешуші фармакокинетикалық параметрлерін салыстыруды негізге алғанда, жеңіл дәрежелі бүйрек жеткіліксіздігі (креатинин клиренсі >45 және <90 мл/мин) бар пациенттерде зофеноприл организмнен бүйрек функциясы қалыпты (креатинин клиренсі >90 мл/мин) пациенттердегі жылдамдықпен шығарылады.

Бүйрек жеткіліксіздігі орташа және ауыр дәрежедегі (7-44 мл/мин) пациенттерде элиминация жылдамдығы қалыпты кездегісінің шамамен 50% дейін төмендеген. Бұл пациенттердің осы тобына Зокардистің® әдеттегі бастапқы дозасының жартысын тағайындау керек екенін білдіреді.

Гемодиализде және перитонеальді диализде жүрген бүйрек ауруының терминалдық сатысындағы пациенттерде элиминация жылдамдығы қалыпты кездегісінің шамамен 25% дейін төмендеген. Бұл пациенттердің осы тобына Зокардистің® әдеттегі бастапқы дозасының төрттен бірін тағайындау керек екенін білдіреді.

Бауыр дисфункциясы кезіндегі фармакокинетикасы

Радиобелсенді изотоппен таңбаланған кальций зофеноприлінің бір реттік дозасы берілген бауыр дисфункциясының ауырлығы жеңіл немесе орташа дәрежедегі пациенттерде зофеноприлатқа тән Тмакс және Смакс мәндері дені сау пациенттерден алынған мәндермен ұқсас болды. Алайда циррозға шалдыққан пациенттерде ҚАА (қисық астындағы аудан, AUC) мәндері, қалыпты пациенттердегі AUC мәндерімен салыстырғанда, шамамен екі есе артық болып, ауырлығы жеңіл және орташа дәрежедегі бауыр дисфункциясы бар пациенттерге бауыр функциясы қалыпты пациенттерге тағайындалған Зокардистің® бастапқы дозаның жартысын тағайындау керек екенін көрсетеді.

Бауыр дисфункциясы ауыр дәрежедегі пациенттерде зофеноприл мен зофеноприлат фармакокинетикасына қатысты деректер жоқ, сондықтан бұл пациенттерге зофеноприл қарсы көрсетілімді.

Фармакодинамикасы

Артериялық гипертензия және жедел миокард инфарктісі жағдайларында Зокардистің® жағымды әсері, ең алдымен, плазмалық ренин-ангиотензин-альдостерон жүйесі супрессиясының нәтижесінде болады. АӨФ тежелісінің нәтижесі (зофеноприлаттың аргининді тұзына тән үй қояны өкпесіндегі Ки 0,4 нМ) қан плазмасындағы ангиотензин II деңгейінің төмендеуі болып табылады, ол тамыр тарылту белсенділігінің төмендеуіне және альдостеронның төмен күйдегі секрециясына әкеледі. Осы төмендеудің салыстырмалы түрде көп еместігіне қарамастан, натрий мен сұйықтықты жоғалтумен қатар қан сарысуында калий концентрациясының сәл жоғарылауы болуы мүмкін. Ренин секрециясына ангиотензин II теріс кері байланысын тоқтату нәтижесінде плазмалық ренин белсенділігінің жоғарылауы болады.

Кальций зофеноприлін 30 мг және 60 мг дозада бір рет қабылдаудан кейін 24 сағат ішінде плазмалық АӨФ белсенділігі, тиісінше, 53,4% және 74,4% бәсеңдейді.

АӨФ тежелісі нәтижесінде простагландин жүйесінің белсенділенуі арқылы шеткергі вазодилатацияға атсалысатын айналымдағы және жергілікті калликреин-кинин жүйесінің белсенділігі артады. Кальций зофеноприлінің гипотензиялық әсерінің аталған жағымсыз әсерлерді туындататын себептердің бірі болуы мүмкін механизммен байланысты екені жоққа шығарылмайды.

Артериялық гипертензиясы бар пациенттерде Зокардис® қолдану жатқан және тұрған қалыпта артериялық қысымның жүректің жиырылу жиілігінің компенсаторлық артуының болмауымен шамамен бірдей дәрежеде төмендеуіне әкеледі. Орташа жүйелі тамырлық кедергі Зокардис® қолданудан кейін азаю үрдісіне бейім.

Кейбір пациенттерде артериялық қысымның оңтайлы төмендеуіне жету үшін бірнеше апталық ем қажет болады. Тұрақты гипотензиялық әсерге ұзақ уақыт емдеу жолымен жетеді.

Емді кенет тоқтату артериялық қысымның күрт көтерілуімен байланысты болмаған. Қазіргі уақытта Зокардистің® артериялық гипертензиядан зардап шегетін пациенттердің ауруға шалдығуына және өлімге ұшырауына әсер етуіне қатысты деректер жоқ.

Гипотензиялық әсер көрінісі барлық зерттелген нәсіл тұлғаларында байқалса да, соның өзінде артериялық гипертензиядан зардап шегетін қара нәсілді пациенттерде (әдетте, бұл артериялық гипертензияның төмен ренинді түрі байқалатын қауымдар) организмнің АӨФ тежегішімен монотерапияға реакциясы басқа нәсілді пациенттердегіден, орташа алғанда, азырақ білінеді. Осы өзгешелігі диуретиктермен қосымша емде байқалмайды.

Миокард инфарктісінде Зокардисті® дер мезгілінде қолдану нәтижесінде жеткен клиникалық әсер плазмада ангиотензин II деңгейінің төмендеуі (яғни, инфаркт алған жағдайда болжамына теріс әсері болуы мүмкін қарыншалардың қайта үлгілену үдерісінің бәсеңдеуі) және плазма мен жасушаларда (простагландин-кинин жүйесі) дилататорлар концентрациясының жоғарылауы сияқты көптеген факторлармен байланысты болуы мүмкін.

Зофеноприлдің рандомизацияланған плацебо-бақыланатын клиникалық зерттеуі тромболитикалық ем берілмеген миокардтың алдыңғы қабырға инфарктісіне шалдыққан 1556 пациенттің қатысуымен жүргізілді. Емдеу 24 сағат ішінде басталып, 6 апта бойы жалғасты.

Бастапқы біріктірілген соңғы нүкте жиілігі (ауыр жүрек жеткіліксіздігі және/немесе 6 апта ішіндегі өлім) зофеноприлмен емделген пациенттерде төмендеген (зофеноприл 7,1%, плацебо 10,6%). Бір жыл ішіндегі тіршілік қабілеті коэффициенті Зокардис® қабылдаған пациенттер тобында Зокардис® қабылдамағандар тобынан жоғары болды.

АӨФ тежегіштерін және ангиотензин II рецепторлары блокаторларын бірге қолдану екі кең ауқымды, рандомизацияланған, бақыланатын (ONTARGET (ONgoing Telmisartan Alone және Ramipril Global Endpoint Trial-мен біріктірілген) және VA NEPHRON-D (The Veterans Affairs Nephropathy in Diabetes)) зерттеуінде зерттелген.

ONTARGET сыртартқысында жүрек-қантамырлық немесе цереброваскулярлы ауруы немесе нысана-мүшенің зақымдану белгілерімен қатар жүретін 2 типті қант диабеті бар пациенттерде жүргізілген зерттеу түрінде болды. VA NEPHRON-D 2 типті қант диабеті және диабеттік нефропатиясы бар пациенттерде жүргізілген зерттеу түрінде болды. Аталған зерттеулерде бүйрек және/немесе жүрек-қантамыр аурулары мен олардан болатын өлім нәтижесіне елеулі оң әсер анықталмаған, сонымен қатар, монотерапиямен салыстырғанда, гиперкалиемияның, жедел бүйрек зақымдануының және/немесе гипотонияның жоғары даму қаупі орын алған. Фармакодинамикалық қасиеттерінің ұқсастығын ескеріп, баяндалған нәтижелерді басқа АӨФ тежегіштері және ангиотензин II рецепторларының блокаторлары үшін де қолдануға болады.

Диабеттік нефропатиясы бар пациенттерде АӨФ тежегіштері мен ангиотензин II рецепторларының блокаторларын бірге қолдану қарсы көрсетілімді.

ALTITUDE (Aliskiren Trial in Type 2 Diabetes Using Cardiovascular and Renal Disease Endpoints) 2 типті қант диабеті және созылмалы бүйрек ауруы, жүрек-қантамыр ауруы бар немесе осы екі ауру да болатын пациенттерде АӨФ тежегіштерімен және ангиотензин II рецепторларының блокаторларымен стандартты емге алискиренді қосудың оң әсерін анықтау үшін жүргізілген зерттеу түрінде болды. Аталған зерттеу жағымсыз нәтижелер қаупінің жоғарылауымен байланысты ертерек тоқтатылған. Жүрек-қантамыр ауруларынан өлімге ұшырау және инсульттің туындауы алискирен қабылдаған топта плацебо қабылдаған топтағыдан жиірек болды, ал назар аудартатын жағымсыз құбылыстар және күрделі жағымсыз құбылыстар (гиперкалиемия, гипотензия және бүйрек функциясының бұзылуы) туралы хабарламалар алискирен қабылдаған топта плацебо қабылдаған топтағыдан жиірек болды.

Қолданылуы

- ауырлығы жеңіл және орташа дәрежедегі эссенциальді артериялық гипертензияны емдеуде

- гемодинамикаға қатысты тұрақты болатын және тромболитикалық ем жүргізілмеген жүрек жеткіліксіздігінің белгілері немесе симптомдары бар (немесе оларсыз) жедел миокард инфарктісіне шалдыққан пациенттерді алғашқы 24 сағатта емдеуде.

Қолдану тәсілі және дозалары

Зокардисті® ас ішуге дейін, кезінде немесе одан кейін қабылдауға болады. Доза әркімге жеке таңдалуы тиіс.

Артериялық гипертензия

Қажетті дозасын келесі дозаны тура қабылдар алдында артериялық қысымды өлшеу арқылы таңдап алу керек. Дозаны төрт апталық аралықпен арттыру керек.

Су-тұз тапшылығы жоқ пациенттер

Емдеуді тәулігіне бір рет 15 мг дозадан бастап, дозаны оңтайлы артериялық қысымға жеткенше арттыру керек.

Әдетте, тиімді доза тәулігіне 30 мг құрайды.

Ең жоғары доза тәулігіне бір немесе екі рет қабылданатын 60 мг құрайды.

Тиімсіз болған жағдайда, мысалы, диуретиктер сияқты басқа гипотензиялық препараттарды қосуға болады.

Су-тұз тапшылығының барына күдік тудыратын пациенттер

Алғашқы дозаны қабылдаудан кейін жоғары қауіп тобындағы пациенттерден артериялық гипотензияны байқауға болады («Айрықша нұсқауларын» қараңыз). Ангиотензин өзгертуші фермент (АӨФ) тежегіштерімен емнің басында тұз және/немесе су тапшылығын жойып, тәулігіне 15 мг құрайтын дозадан бастап, АӨФ тежегішін қабылдау басталғанша екі-үш күн бойы диуретиктермен емді тоқтату қажет. Егер ол мүмкін болмаса, тәулігіне 7,5 мг дозадан бастау керек.

Ауыр жедел артериялық гипотензияның басталу қаупі жоғары пациенттерді бірінші дозаны қолданудан кейін ең жоғары әсерге жеткенше және АӨФ тежегішінің және/немесе диуретиктің дозасын арттырған әр жолы, дұрысы, стационар жағдайларында ұқыпты қадағалау керек. Осының бәрі шектен тыс артериялық гипотензия миокард инфарктісіне немесе ми қан айналымының жедел бұзылуына әкелуі мүмкін стенокардиясы немесе цереброваскулярлық ауруы бар пациенттерге де қатысты.

Бүйрегі зақымданған немесе гемодиализбен емделіп жүрген пациенттерде дозалануы

Жеңіл дәрежелі бүйрек патологиясы (креатинин клиренсі > 45 мл/мин) бар артериялық гипертензиядан зардап шегетін пациенттерде бүйрек функциясы қалыпты пациенттердегі сияқты Зокардис® дозаларын және қабылдау режимін (тәулігіне бір рет) қолдануға болады. Бүйрек функциясының бұзылу дәрежесі орташа және ауыр (креатинин клиренсі < 45 мл/мин) пациенттерде Зокардисті® жартылай емдік дозасында қолдану керек; дозалау режимін (тәулігіне бір рет) өзгерту қажет емес.

Артериялық гипертензиядан зардап шегетін және диализде жүрген пациенттер үшін Зокардистің® бастапқы дозасы мен дозалық режимі бүйрек функциясы қалыпты пациенттерге тағайындалған дозаның төрттен бір бөлігін құрайды.

Таяудағы клиникалық зерттеулер өткізгіш қабілеті жоғары диализдік жарғақшалар қолданылатын гемодиализ кезінде немесе тығыздығы төмен липидтер аферезі кезінде АӨФ тежегіштерін қабылдайтын пациенттерде анафилактоидтық реакциялар жиілігінің жоғары екенін көрсетті («Айрықша нұсқауларын» қараңыз).

Егде жастағы пациенттерде дозалануы

Креатинин клиренсі қалыпты егде жастағы пациенттерде дозаны түзету қажет емес.

Креатинин клиренсі төмендеген (45 мл/минуттан аз) егде жастағы пациенттерге күндізгі дозаның жартысын қабылдау ұсынылады.

Креатинин клиренсін сарысулық креатинин негізінде мына формула бойынша есептеуге болады:

[(140 – жасы) * салмағы (кг)]

Креатинин клиренсі (мл/мин) = __________________________

сарысулық креатинин (мг/дл) х 72

Жоғарыда берілген формуламен ерлердегі креатинин клиренсін есептеуге мүмкіндік береді. Әйелдер үшін алынған мәнді 0,85-ке көбейту керек.

Бауыр функциясының бұзылуында дозалануы

Артериялық гипертензиядан және ауырлығы жеңіл немесе орташа дәрежедегі бауыр функциясының бұзылуынан зардап шегетін пациенттерде Зокардистің® бастапқы дозасы бауыр функциясы қалыпты пациенттерде қолданылған дозаның жартысын құрайды.

Бауыр функциясының бұзылу дәрежесі ауыр пациенттерге Зокардис® қарсы көрсетілімді.

Балалар

Балаларда Зокардис® қолдану қауіпсіздігі мен тиімділігі анықталмаған. Сондықтан оны балаларда қолдануға болмайды.

Жедел миокард инфарктісі

Зокардиспен® емдеуді миокард инфарктісінің алғашқы симптомдары білінгеннен кейін 24 сағат ішінде бастап, алты апта бойы жалғастырған жөн.

Келесі дозалау сызбасын қолдану керек:

1 және 2 тәулік: әр 12 сағат сайын 7,5 мг

3 және 4 тәулік: әр 12 сағат сайын 15 мг

5 тәулік және әрі қарай: әр 12 сағат сайын 30 мг

Төмен систолалық артериялық қысым ( 120 мм сын. бағ.) жағдайында емдеудің басында немесе миокард инфарктісінен кейін алғашқы үш тәулік ішінде күнделікті дозаны арттыруға болмайды. Артериялық гипотензия ( 100 мм сын. бағ.) жағдайында емдеуді бұрын жақсы көтерімді болған дозамен жалғастыруға болады. Ауыр артериялық гипотензия (бір сағаттан кем емес аралықпен екі бірізді өлшеу кезіндегі систолалық артериялық қысым 90 мм сын. бағ. аз) жағдайында Зокардис® қабылдауды тоқтату керек.

6 апта емделуден кейін пациенттердің жағдайы талдануы тиіс және сол жақ қарынша дисфункциясының немесе жүрек жеткіліксіздігінің белгілері жоқ пациенттерде емді тоқтату керек.

Егер осы белгілер қалып қойса, емдеуді ұзақ уақыт бойы жалғастыруға болады.

Пациенттерге нитраттармен, аспиринмен немесе бета-блокаторлармен емдеу сияқты тиісті стандартты емді де қолдану керек.

Егде жастағы пациенттерде дозалануы

Зокардис® миокард инфарктісі бар 75 жастан асқан пациенттерде абайлап қолданылу керек.

Бүйрегі зақымданған немесе диализде жүрген пациенттерде дозалануы Миокард инфарктісі және бүйрек функциясының бұзылуы бар немесе диализ жасалған пациенттерде Зокардис® қолданудың тиімділігі мен қауіпсіздігі анықталмаған. Сондықтан осындай пациенттерде Зокардис® қолдануға болмайды.

Бауыр функциясы бұзылған пациенттерде дозалануы

Миокард инфарктісі және бауыр функциясының бұзылуы бар пациенттерде Зокардис® қолданудың тиімділігі мен қауіпсіздігі анықталмаған. Сондықтан ондай пациенттерде бұл препаратты қолдануға болмайды.

Жағымсыз әсерлері

Төменде Зокардиспен® емделген пациенттерде клиникалық тәжірибеде байқалған барлық жағымсыз әсерлер тізбеленген.

Жиі (≥1/100, бірақ <1/10)

- бас айналу, бас ауыру

- жөтел

- жүрек айну, құсу

- қатты қажу

Жиі емес (≥1/1000, бірақ ≤1/100)

- бөртпе

- бұлшықеттердің құрысуы

- астения

Сирек (≥1/10000, бірақ <1/1000)

- ангионевроздық ісіну

АӨФ тежегіштерін қабылдаумен байланысты мына жағымсыз әсерлері байқалған:

Сирек (≥1/10000, бірақ <1/1000)

- депрессия, көңіл-күйдің өзгергіштігі, ұйқы бұзылыстары және сананың шатасуы

- көрудің бұлыңғырлануы

- құлақтың шыңылдауы

- тері жабындарының гиперемиясы

- ентігу, синусит, ринит, глоссит, бронхит және бронх түйілуі

- гипергидроз

- эректильді дисфункция

- несеп шығарудың бұзылуы

Өте сирек (≥1/10000)

- гипогликемия

- жіңішке ішекте шоғырланған ангионевроздық ісіну

- шеткергі ісіну және кеуде қуысының ауыруы

Жиілігі белгісіз (қолда бар деректер бойынша бағалау мүмкін емес):

- агранулоцитоз және панцитопения

- глюкоза-6-фосфатдегидрогеназа тапшылығы бар пациенттердегі гемолиздік анемия

- парестезия, дисгевзия, тепе-теңдіктің бұзылуы

- емнің бастапқы сатысында және дозаны арттырғанда ауыр артериялық гипотензия байқалған. Аталған құбылыс белгілі бір қауіп топтарына тән («Айрықша нұсқауларын» қараңыз). Артериялық гипотензиямен қатар бас айналу, әлсіздік сезімі, көрудің нашарлауы, сирек – сананың бұзылуы (синкопе) сияқты симптомдарды байқауға болады.

- артериялық гипотензиямен байланысты АӨФ тежегіштеріне қатысты тахикардия, жүрек қағу, аритмия, стенокардия, миокард инфарктісінің жекелеген жағдайлары жөнінде хабарланды

- пациенттердің шағын санында беттің және орофарингеальді аймақты қамтыған ангионевроздық ісінудің білінуі АӨФ тежегіштерімен байланыстырылды. Жекелеген жағдайларда жоғарғы тыныс алу жолдарын қамтыған ангионевроздық ісіну тыныс алу жолдарының обструкциясын туындатып, өліммен аяқталды.

- абдоминальді ауырулар, диарея, іш қату немесе ауыздың кеберсуі

- АӨФ тежегіштерімен байланысты панкреатит және ішек бітелісі

- холестаздық сарғаю және гепатиттер

- қышыну, есекжем, мультиформалы эритема, Стивенс-Джонсон синдромы, эпидермалық уытты некролиз, псориазға ұқсас бөртулер, алопеция сияқты аллергиялық реакциялар және аса жоғары сезімталдық реакциялары

- миалгия

- бүйрек жеткіліксіздігі немесе жедел бүйрек жеткіліксіздігі

- препаратты тоқтатудан кейін қалып шегіне келетін, әсіресе, бүйрек жеткіліксіздігі, ауыр жүрек жеткіліксіздігі және реноваскулярлы гипертензия бар кездегі қандағы мочевина мен креатинин деңгейінің жоғарылауы

- гемоглобин мен гематокриттің төмен деңгейі, тромбоциттер мен лейкоциттер санының азаюы

- сарысудағы бауыр ферменттері мен билирубин мөлшерінің жоғарылауы

Болуы мүмкін жағымсыз реакциялар туралы хабарламалар

Дәрілік препаратты тіркеуден кейін болуы мүмкін жағымсыз әсерлер туралы хабарлама маңызды рөл атқарады. Бұл осы дәрілік затқа қатысты «пайда/қауіп» арақатынасын бақылауды жалғастыруға мүмкіндік береді. Денсаулық сақтау қызметкерлерінен ұлттық хабарландыру жүйесі арқылы кез келген болжамды жағымсыз әсерлер жөнінде хабарлау талап етіледі.

Қолдануға болмайтын жағдайлар

- кальций зофеноприліне, кез келген басқа АӨФ тежегішіне немесе препарат құрамына кіретін қосымша заттардың біреуіне аса жоғары сезімталдық

- сыртартқыдағы АӨФ тежегішімен алдыңғы емделуге байланысты ангионевроздық ісіну

- тұқым қуалайтын/идиопатиялық ангионевроздық ісіну

- бауыр функциясының ауыр дәрежелі бұзылуы

- жүктіліктің екінші және үшінші триместрі

- тиімді контрацепция қолданбайтын бала туу жасындағы әйелдер

- бүйрек артериясының билатеральді стенозы немесе жалғыз бүйрек жағдайында бүйрек артериясының бір жақты стенозы

- Зокардис пен құрамында алискирен бар препараттарды бірге қолдану қант диабетіне немесе бүйрек функциясы бұзылуына (ШСЖ < 60 мл/мин/1,73 м2) шалдыққан пациенттерге қарсы көрсетілімді

- 18 жасқа дейінгі балалар мен жасөспірімдерге

- сирек тұқым қуалайтын галактозаны көтере алмаушылығы, лактоза тапшылығы, глюкоза-галактоза метаболизмінің бұзылуы бар пациенттер.

Дәрілермен өзара әрекеттесуі

Бірге қолдану ұсынылмайды

Ренин-ангиотензин-альдостерон жүйесін қосарлы бөгеу

Клиникалық сынақтар деректері АӨФ тежегіштерін және ангиотензин II рецепторлары блокаторларын немесе алискиренді бірге қолданумен байланысты ренин-ангиотензин-альдостерон жүйесін (РААЖ) қосарлы бөгеудің, РААЖ-ға әсер ететін бір дәріні пайдаланумен салыстырғанда, гипотензия, гиперкалиемия және бүйрек функциясының төмендеуі (соның ішінде, жедел бүйрек жеткіліксіздігі) сияқты жағымсыз құбылыстар жиілігінің жоғарылауына алып келетінін көрсетті.

Калий жинақтаушы диуретиктер немесе калий қоспалары. АӨФ тежегіштері диуретик туындататын калий жоғалтуды азайтады. Калий жинақтаушы диуретиктер, мысалы, спиронолактон, триамтерен немесе амилорид, калий қоспалары немесе құрамында калий бар тұз алмастырғыштар сарысудағы калий деңгейінің елеулі жоғарылауына әкелуі мүмкін. Егер анықталған гипокалиемия себебімен осы дәрі-дәрмектерді бірге қолдану көрсетілсе, оларды сақтықпен, сондай-ақ ЭКГ мен сарысулық калийді жиі бақылаумен пайдалану керек.

Бірге қолданғанда алдын ала сақтану шараларын қадағалау талап етіледі

Диуретиктер (тиазидті немесе ілмектік).

Осының алдында диуретиктердің жоғары дозаларымен емделу зофеноприлмен емдеудің бастапқы сатысында сусыздануға және артериялық гипотензияның даму қаупінің туындауына әкелуі мүмкін. Гипотензия әсерлерін диуретиктерді тоқтату, сұйықтық немесе тұз тұтынуды арттыру арқылы немесе емдеуді зофеноприлдің төмен дозаларынан бастаумен азайтуға болады.

Литий. Литий АӨФ тежегіштерімен бірге тағайындалғанда сарысулық литий концентрациясының қайтымды жоғарылауы және оның уыттылығы туралы хабарланды. Тиазидті диуретиктерді литий препараттарымен бірге қолдану литиймен уыттану қаупін арттыруы мүмкін. Бұл қауіптілік литийлік уыттану қаупін арттыра түсетін АӨФ тежегіштерімен емделу аясында жоғарылайды.

Сондықтан Зокардисті® литиймен бірге тағайындау ұсынылмайды, ал ондай қажеттілік жағдайында сарысудағы литий деңгейін мұқият бақылап отыру керек.

Алтын. АӨФ тежегіштерін қабылдайтын пациенттерде нитритоидты реакциялардың (аса ауыр сипатта болуы мүмкін бетке қан тебу, жүрек айну, бас айналу және гипотензияны қоса, вазодилатация симптомдары) жиірек дамуы хабарланған.

Анестезиялаушы дәрілік препараттар. АӨФ тежегіштері жалпы анестетиктердің (мысалы, тиопентал) гипотензиялық әсерін күшейтуі мүмкін.

Есірткілік дәрілер / үш циклды антидепрессанттар / психозға қарсы дәрілер / барбитураттар

Ортостатикалық артериялық гипотензия кездесуі мүмкін.

Басқа гипотензиялық дәрілер (мысалы, бета-блокаторлар, альфа-блокаторлар, кальций антогонистері). Аддитивті гипотензиялық әсер немесе препараттар әсерінің күшеюі болуы мүмкін. Нитроглицерин, басқа нитраттар мен вазодилататорларды абайлап қолдану керек.

Циметидин. Гипотензиялық әсерінің туындау қаупі жоғарылауы мүмкін.

Циклоспорин. АӨФ тежегіштерін бірге қолданғанда бүйрек дисфункциясы қаупінің жоғарылауы.

Аллопуринол, прокаинамид, цитостатиктер және иммунодепрессанттар. АӨФ тежегіштерімен бірге қолданғанда аса жоғары сезімталдық реакциясының туындау қаупі артады. Басқа АӨФ тежегіштеріне (мысалы, каптоприл) қатысты деректер осы топ препараттарымен бірге пайдалану кезіндегі лейкопенияның жоғары қаупін көрсетеді.

Диабетке қарсы дәрілер. Сирек жағдайларда АӨФ тежегіштері қант диабеті бар пациенттерде инсулин мен диабетке қарсы ішуге арналған дәрілердің (сульфонилмочевина) гипогликемиялық әсерлерін күшейтеді. Ондай жағдайларда, АӨФ тежегіштерімен бірге тағайындалғанда диабетке қарсы дәрілердің дозасын азайту қажет болуы мүмкін.

Өткізгіш қабілеті жоғары диализдік жарғақшалар пайдаланылатын гемодиализ. АӨФ тежегіштерімен бір мезгілде қолданғанда анафилактоидтық реакциялардың пайда болу қаупі артады.

Цитостатиктер, иммунодепрессанттар, жүйелі кортикостероидтар және прокаинамид. АӨФ тежегіштерімен бірге қолдану лейкопенияның жоғары пайда болу қаупіне әкелуі мүмкін.

Бірге тағайындау кезінде ескеру керек

Қабынуға қарсы стероидты емес дәрілер (күніне ³ 3 г дозадағы АСҚ қоса): қабынуға қарсы стероидты емес дәрілер қабылдау АӨФ тежегішінің гипотензиялық әсерін азайтуы мүмкін. Бұдан басқа, ҚҚСП және АӨФ тежегіштерінің бүйрек функциясы нашарлап кеткен уақытта сарысулық калий деңгейін қосымша арттыруы баяндалған. Бұл әсерлер, негізінен, қайтымды болады және, әсіресе, бүйрек функциясы бұзылған пациенттерде кездеседі. Сирек жағдайларда, әсіресе, бүйрек функциясы бұзылған пациенттерде, мысалы, егде жаста немесе сусызданған пациенттерде жедел бүйрек жеткіліксіздігі байқалады.

Антацидтер. АӨФ тежегіштерінің биожетімділігін азайтады. Симпатомиметиктер. АӨФ тежегіштерінің гипотензиялық әсерін азайтуы мүмкін. Қажетті әсерге қол жеткізілгенін растау үшін ондай пациенттерді мұқият қадағалау қажет.

Тағам. Кальций зофеноприлінің сіңірілу дәрежесін емес, жылдамдығын азайтуы мүмкін.

Қосымша ақпарат

Зофеноприлдің Р цитохромы ферменттерімен метаболизденетін басқа дәрілік заттармен тікелей өзара әрекеттесуіне қатысты клиникалық деректер жоқ. Алайда зофеноприлмен жүргізілген in vitro метаболизмді зерттеу Р цитохромы ферменттерімен метаболизденетін дәрімен әлеуетті өзара әрекеттесуінің болмайтынын көріністеді.

Айрықша нұсқаулар

Артериялық гипотензия

Артериялық гипертензиясы асқынбаған пациенттерде симптоматикалық артериялық гипотензия сирек байқалса да, басқа да АӨФ тежегіштері сияқты Зокардис®, әсіресе, алғашқы дозадан кейін артериялық қысымның күрт төмендеуін туындатуы мүмкін.

Оның диуретиктермен емдеу, тұзды шектейтін емдәм нәтижесінде, диализ, диарея немесе құсудың салдарынан су-тұз алмасуы бұзылған пациенттерде, сондай-ақ ренинге тәуелді ауыр артериялық гипертензия кезінде білінуі аса ықтимал.

Ауыр жүрек жеткіліксіздігі және қатар жүретін бүйрек жеткіліксіздігі бар немесе онсыз пациенттерде симптоматикалық артериялық гипотензия байқалған. Бұл құбылыс өте жоғары дәрежедегі жүрек жеткіліксіздігі бар пациенттерде ықтималдырақ, бұл ілмектік диуретиктердің жоғары дозаларын қолданумен, гипонатриемиямен немесе бүйрек дисфункциясымен көрініс береді. Симптоматикалық артериялық гипотензия қаупі жоғары пациенттерде емдеуді, дұрысы, төмен дозалардан бастап стационар жағдайларында мұқият медициналық бақылаумен бастау керек. Әріқарайғы дозаларды таңдауға сақтықпен келу қажет.

Зокардиспен® емдеудің бастапқы сатысында диуретиктермен емдеуді, мүмкіндігінше, уақытша тоқтату керек.

Осы тәсілді артериялық қысымның шектен тыс азаюы миокард инфарктісіне немесе ми қан айналымының жедел бұзылуына әкелуі мүмкін стенокардиясы немесе цереброваскулярлы патологиясы бар пациенттерге де қолданылады.

Егер артериялық гипотензия дамыса, пациентті шалқасынан жатқызу керек. АҚК толықтыру үшін көктамыр ішіне физиологиялық тұзды ерітінді енгізу қажет болуы мүмкін. Алғашқы дозаны қабылдаудан кейін артериялық гипотензияның білінуі тиімді ем жүргізілген соң дәрі дозаларын бірізді титрлеп таңдау керектігін жоққа шығармайды.

Жүрек жеткіліксіздігі бар және артериялық қысымы қалыпты немесе төмен кейбір пациенттерде Зокардис® артериялық қысымның қосымша төмендеуін туындатуы мүмкін. Бұл әсер болжанады және, әдетте, емдеуді тоқтатуға себеп бола алмайды. Егер артериялық гипотензия симптоматикалық сипат алса, Зокардис® дозасын азайту немесе тоқтату қажет болуы мүмкін.

Жедел миокард инфарктісі кезіндегі артериялық гипотензия

Жедел миокард инфарктісі бар пациенттерде вазодилататормен емделу салдарынан қосымша күрделі гемодинамикалық жеткіліксіздіктің пайда болу қаупі болғанда Зокардиспен® емді бастауға болмайды. Оларға систолалық артериялық қысымы < 100 мм сын.бағ. немесе кардиогенді шок алған пациенттер жатады. Жедел миокард инфарктісі бар осындай пациенттерді Зокардиспен® емдеу ауыр артериялық гипотензияға әкелуі мүмкін. Персистирлеуші артериялық гипотензия (бір сағаттан аса уақыт бойы систолалық артериялық қысымы < 90 мм сын. бағ.) жағдайында Зокардиспен® емдеуді тоқтату керек. Жедел миокард инфарктісінен кейін жүрек жеткіліксіздігі ауыр пациенттерде Зокардис® тұрақты гемодинамикасы бар пациенттерге ғана тағайындалу керек.

Бауыр функциясының бұзылуымен біріккен жедел миокард инфарктісі бар пациенттер

Бауыр функциясының бұзылуымен біріккен жедел миокард инфарктісі бар пациенттерде Зокардис® қолданудың тиімділігі мен қауіпсіздігі анықталмаған. Сондықтан ондай пациенттерде аталған препаратты қолдануға болмайды.

Егде жастағы пациенттер

Миокард инфарктісі бар 75 жастан асқан пациенттерде Зокардисті® сақтықпен қолдану керек.

Реноваскулярлы артериялық гипертензиясы бар пациенттер

Реноваскулярлы артериялық гипертензиясы және бүйрек артерияларының бұрыннан бар билатеральді стенозы немесе жалғыз бүйрегі бар пациенттердегі бүйрек артериясының бір жақты стенозы бар пациенттерді АӨФ тежегіштерімен емдеу кезінде ауыр гипотензия және бүйрек жеткіліксіздігінің туындау қаупі жоғары болады. Осы орайда диуретиктермен емдеу ықпал етуші фактор болуы мүмкін. Бүйрек жеткіліксіздігі тіпті бүйрек артериясының бір жақты стенозы бар пациенттерде сарысулық креатинин деңгейінің тек аздаған өзгерістерімен қатар жүруі мүмкін. Егер бұл бәрібір абсолютті қажеттілік болып саналса, онда Зокардиспен® емдеуді жіті медициналық бақылаумен стационарда төмен дозалардан бастап, келесі дозаларын абайлап арттыру керек. Зокардиспен® емделу кезінде диуретиктермен емдеуді уақытша тоқтату керек, ал емнің алғашқы бірнеше аптасы бойына бүйрек функциясын мұқият қадағалаған жөн.

Бүйрек жеткіліксіздігі бар пациенттер

Бүйрек жеткіліксіздігі бар пациенттерде Зокардис® сақтықпен қолданылу керек, өйткені оларға төмендетілген доза қажет болуы мүмкін. Ем кезінде бүйрек функциясына тиісінше мұқият бақылау жүргізген жөн. АӨФ тежегіштері тағайындалғанда, ең алдымен, ауыр жүрек жеткіліксіздігі немесе, бүйрек артериясы стенозын қоса, бүйрек ауруларынан зардап шегетін пациенттерде бүйрек жеткіліксіздігі жөнінде хабарланған. Бүйрек патологиясы бұрыннан бар, бірақ айқын емес кейбір пациенттерде, әсіресе, диуретиктер бірге тағайындалғанда қандағы мочевина мен креатинин концентрациясының жоғарылауы болған. АӨФ тежегішінің дозасын азайту және/немесе диуретик қабылдауды тоқтату қажет болуы мүмкін. Емнің алғашқы бірнеше аптасы бойына бүйрек функциясын мұқият қадағалау ұсынылады.

Бүйрек функциясының бұзылуымен миокард инфарктісі бар пациенттерде Зокардис® қолданудың тиімділігі мен қауіпсіздігі анықталмаған. Сондықтан бүйрек жеткіліксіздігі (сарысулық креатинин  2,1 мг/дл және протеинурия  500 мг/күн) және миокард инфарктісі бар болса, Зокардис® қолдануға болмайды.

Ренин-ангиотензин-альдостерон жүйесінің (РААЖ) қосарлы бөгелісі

АӨФ тежегіштерін, ангиотензин II рецепторлары блокаторларын немесе алискиренді бірге қолданудың артериялық гипотензия, гиперкалиемия және бүйрек функциясы төмендеуінің (соның ішінде жедел бүйрек жеткіліксіздігінің) даму қаупін арттыруы туралы айғақтар бар. Сондықтан АӨФ тежегіштерін, ангиотензин II рецепторлары блокаторларын немесе алискиренді бірге қолдану аясында РААЖ қосарлы бөгеу ұсынылмайды.

Егер қосарлы бөгеумен ем абсолютті қажеттілік болса, ол маманның бақылауымен ғана, сондай-ақ бүйрек функциясын, электролиттер мөлшері мен артериялық қысымды мұқият бақылау аясында жүргізілуі тиіс.

АӨФ тежегіштерін және ангиотензин II рецепторлары блокаторларын бірге қолдану диабеттік нефропатиясы бар пациенттерде қарсы көрсетілімді.

Гемодиализде жүрген пациенттер

Өткізгіш қабілеті жоғары полиакрилонитрильді жарғақшалар (мысалы, AN 69) пайдаланылатын гемодиализде жүрген және АӨФ тежегіштерімен емделетін пациенттерде гемодиализдің алғашқы минуттарында беттің ісінуі, қан кернеу, гипотензия және ентігу сияқты анафилактоидтық реакциялардың дамуы ықтимал. Баламалы жарғақшаны немесе баламалы гипотензиялық препаратты пайдалану ұсынылады.

Диализ жүргізілетін миокард инфарктісі бар пациенттерде Зокардис® қолданудың тиімділігі мен қауіпсіздігі анықталмаған. Сондықтан ондай пациенттерде препаратты қолдануға болмайды.

ТТЛП аферезі (тығыздығы төмен липопротеиндер плазмаферезі) жүргізілетін пациенттер

АӨФ тежегіштерін қабылдайтын және декстран сульфатының көмегімен ТТЛП-аферез (тығыздығы төмен липопротеиндер плазмаферезі) жүргізілетін пациенттерде өткізгіш қабілеті жоғары жарғақшалар пайдаланылатын гемодиализ жасалатын пациенттерде кездесетіндеріне ұқсас анафилактоидтық реакциялар дамуы мүмкін (жоғарыдан қараңыз). Ондай пациенттерге гипотензиялық дәрілердің басқа класына жататын дәрілерді қолдану ұсынылады.

Жәндіктер уына қарсы немесе жәндіктер шаққаннан кейін десенсибилизация жүргізу кезіндегі анафилаксиялық реакциялар

Анда-санда АӨФ тежегіштерін алатын пациенттерде десенсибилизациялау емі (мысалы, жарғақ қанатты жәндіктер уы) кезінде немесе жәндіктер шаққаннан кейінгі өмірге қатерлі анафилаксиялық реакциялар дамыды. АӨФ тежегіштерін уақытша тоқтатқанда пациенттерде аталған реакциялардың туындауын болдырмаудың сәті түсті, алайда олар препарат қабылдауды кездейсоқ жаңғыртудан кейін қайта туындады. Сондықтан АӨФ тежегіштерін қабылдайтын пациенттерге десенсибилизациялау емін тағайындағанда алдын ала сақтану шараларын қадағалау керек.

Бүйрек трансплантациясы

Сыртартқысында таяуда жасалған бүйрек трансплантациясы бар пациенттерде Зокардис® қолдануға қатысты клиникалық тәжірибе жоқ.

Бастапқы альдостеронизм

Бастапқы альдостеронизмі бар пациенттер, әдетте, ренин-ангиотензин жүйесінің тежегіштері ретінде әсер ететін гипотензиялық дәрілерге реакция бермейді. Сондықтан бұл дәріні пайдалану ұсынылмайды.

Ангионевроздық ісіну

АӨФ тежегіштерін қабылдайтын пациенттерде көбінесе емделудің алғашқы апталарында бет, аяқ-қол, ерін, шырышты қабықтар, тіл, дауыс қатпарлары және/немесе көмейдің ангионевроздық ісінуі туындауы мүмкін. Алайда, сирек жағдайларда ауыр ангионевроздық ісіну ангиотензин өзгертуші фермент тежегішімен ұзақ уақыт емделуден кейін дамуы мүмкін. АӨФ тежегіштерімен емделуді дереу тоқтатып, дәрілік заттардың басқа класына жататын препаратпен ауыстыру керек.

Тіл, дауыс қатпарларын немесе көмейді қамтыған ангионевроздық ісіну өліммен аяқталуға әкелуі мүмкін. ЭКГ және артериялық қысымның мұқият бақылануымен өзінде 1:1000 (0,3-0,5 мл) адреналин ерітіндісін дереу тері астына енгізу немесе 1 мг/мл адреналин ерітіндісін баяу көктамыр ішіне енгізуді (нұсқаулыққа сәйкес сұйылту керек) қамтитын шұғыл медициналық жәрдем көрсетілу керек – бірақ осымен шектелуі міндетті емес. Пациентті стационарға орналастырып, кемінде 12-24 сағат қадағалау және дамыған симптомдар толық басылғанша ауруханадан шығармау керек.

Тіпті ісіну тек тілді қамтумен туындаған, тыныс алу жеткіліксіздігі болмаған жағдайларда пациенттерді қадағалау қажет болады, өйткені антигистаминдік және кортикостероидтық дәрілермен емдеу жеткіліксіз болуы мүмкін.

АӨФ тежегіштері қара нәсілді пациенттерде ангионевроздық ісіну басқа нәсілдердегіден жиірек туындайды.

Сыртартқысында шығу тегі басқа ангионевроздық ісінуі бар пациенттер АӨФ тежегіштерін қабылдау кезінде осы патологияның дамуына қатысты жоғары қауіп тобында болады («Қолдануға болмайтын жағдайларын» қараңыз).

Жөтел

Зокардиспен® емделу кезінде Зокардис® қолдануды тоқтатудан кейін басылатын өнімсіз құрғақ жөтел дамуы мүмкін. Жөтелді дифференциалдық диагностикалау кезінде жөтелдің АӨФ тежегіштерін қолданудан болатын нұсқасын ескерген жөн.

Бауыр жеткіліксіздігі

Сирек жағдайларда АӨФ тежегіштерін қолдану бауырдың шұғыл дамитын некрозына ұласатын холестаздық сарғаюдан басталатын және (кейде) өлімге ұшыраумен аяқталатын синдроммен қатар жүрген. Аталған синдром механизмі түсініксіз. АӨФ тежегіштерімен емделу аясында сарғаю немесе бауыр ферменттерінің деңгейінің айқын жоғарылауы дамитын пациенттерде АӨФ тежегіштерін тоқтатып, тиісті медициналық күтіммен қамтамасыз ету қажет.

Гиперкалиемия

АӨФ тежегішімен емделу кезінде гиперкалиемияны байқауға болады. Гиперкалиемияның жоғары даму қаупі мына жағдайларда: бүйрек жеткіліксіздігі, қант диабеті, калий жинақтаушы диуретиктерді, калий қоспаларын немесе құрамында калий бар тұз алмастырғыштарды, сондай-ақ сарысулық калийдің жоғарылауын туындататын әсер етуші заттарды (мысалы, гепарин) қолдану кезінде болады. Егер де жоғарыда аталған препараттарды бір мезгілде қолдану орынды деп саналса, оларды сарысулық калийді жиі бақылаумен пайдалану керек.

Хирургия/анестезия

Ауқымды хирургиялық араласу жасалатын пациенттерде немесе анестезия кезінде АӨФ тежегіштері артериялық гипотензияны немесе тіпті артериялық гипотензиямен қатар жүретін шокты туындатуы мүмкін, өйткені олар рениннің компенсаторлық босап шығуы нәтижесінде ангиотензин II түзілуін бөгеуі мүмкін. Егер АӨФ тежегішін қабылдаудан бас тарту мүмкін болмаса, АҚК және плазма көлемін ұқыпты бақылап отыру керек.

Қолқа сағасының және митральді клапан саңылауының стенозы/гипертрофиялық кардиомиопатия

АӨФ тежегіштерін митральді клапан саңылауының стенозы және сол жақ қарыншадан шығатын қан ағымының кедергісі бар пациенттерде сақтықпен қолдану керек.

Нейтропения/агранулоцитоз

АӨФ тежегіштерін қабылдайтын пациенттерде нейтропения/агранулоцитоз, тромбоцитопения және анемияның пайда болуы хабарланған. Нейтропенияның туындау қаупі доза шамасымен және АӨФ типімен байланысты және пациенттің клиникалық статусына тәуелді. Нейтропения асқынбаған клиникалық көрінісі бар пациенттерде сирек дамиды. Нейтропения бүйрек жеткіліксіздігі жеңіл дәрежедегі пациенттерде және, әсіресе, коллагеноздар көрінісі сияқты тамырлар патологиясында (мысалы, жүйелі қызыл жегіде), склеродермияда, иммунодепрессанттармен, аллопуринолмен, прокаинамидпен емдеуде, сондай-ақ осы асқындырушы факторлар біріккенде сирек дамиды. Осы пациенттердің шағын санында кейбір жағдайларда антибиотиктермен қарқынды емдеуге берілмеген ауыр инфекциялық үдерістер дамыған.

Осындай пациенттерге зофеноприл тағайындалғанда препараттың тағайындалуына дейін, артынан - зофеноприлмен емделудің алғашқы 3 айында, артынша - әр 2 апта сайын лейкоциттер саны мен лейкоцитарлық формуланы анықтау, ал әріқарай мезгіл-мезгіл бақылап отыру ұсынылады. Емделу кезінде барлық пациенттерге лейкоцитарлық формуланы анықтау қажет болатын инфекцияның кез келген белгілері (мысалы, жұтқыншақтың қабынуы, қызба) туралы хабарлау қажеттілігі жөнінде нұсқау берілуі тиіс. Нейтропения анықталғанда немесе нейтропенияға күдік туындағанда (нейтрофильдер саны 1000/мм3 аз) зофеноприл мен басқа да қатарлас препараттар тоқтатылу қажет.

АӨФ тежегішін тоқтатудан кейін нейтрофильдер саны әдеттегі деңгейіне жетеді.

Псориаз

Псориаздан зардап шегетін пациенттерде АӨФ тежегіштерін сақтықпен қолдану керек.

Протеинурия

Протеинурия, атап айтқанда, бүйрек дисфункциясы бұрыннан бар немесе АӨФ тежегіштерінің салыстырмалы жоғары дозаларын қабылдайтын пациенттерде жиі кездесуі мүмкін. Сыртартқысында бүйрек ауруы бар пациенттерде емделуге дейін және ол басталған соң мезгіл-мезгіл несептегі (таңғы несептің алғашқы бөлігіндегі тест-жолақ) ақуыз мөлшерін анықтау қажет.

Қант диабеті бар пациенттер

Бұрын диабетке қарсы ішуге арналған дәрілер немесе инсулин қабылдаған қант диабеті бар пациенттерде АӨФ тежегішімен емделген бірінші айда қандағы глюкоза деңгейін мұқият бақылау керек.

Литий

Зокардис® пен литийді біріктіру, әдетте, ұсынылмайды.

Нәсіл

Басқа АӨФ тежегіштері сияқты, зофеноприл қара нәсілді пациенттерде, басқа нәсілдермен салыстырғанда, аз гипотензиялық әсер көрсетуі мүмкін.

АӨФ тежегіштері қара нәсілді пациенттерде ангионевроздық ісінуді басқа нәсіл пациенттерінен жиірек туындатады.

Жүктілік

Жүктілік кезінде АӨФ тежегіштерін қолдануға болмайды. АӨФ тежегіштерімен ұзақ емдеу қажет болса, жүктілікті жоспарлайтын пациент әйелдерге қолдану қауіпсіздігі дәлелденген гипотензиялық препараттармен баламалы емдеу көрсетілген. Жүкті болып қалған жағдайда АӨФ тежегіштерін қабылдауды дереу тоқтатып, қажет болса, баламалы дәрілермен емдеуді бастау керек.

Басқалары:

Дәрілік препарат құрамында лактоза бар. Сирек тұқым қуалайтын галактозаны көтере алмаушылықпен қатар жүретін патологиясы, лактаза тапшылығы немесе глюкоза-галактоза метаболизмінің бұзылуы бар пациенттерге препаратты қабылдауға болмайды.

Жүктілік және лактация кезеңі

АӨФ тежегіштерін жүктіліктің бірінші триместрінде қолдану ұсынылмайды («Айрықша нұсқауларын» қараңыз). Жүктіліктің 2 және 3 триместрлерінде АӨФ тежегіштерін қабылдау қарсы көрсетілімді («Қолдануға болмайтын жағдайларын» және «Айрықша нұсқауларын» қараңыз).

Жүктіліктің бірінші триместрінде АӨФ тежегіштерін қабылдау салдарынан болатын тератогенез қаупіне қатысты эпидемиологиялық деректер бұлтартпас дәлелді болып табылмайды, алайда қауіптің болымсыз жоғарылауы жоққа шығарылмайды. АӨФ тежегіштерімен ұзақ емдеу қажет болғанда, жүктілікті жоспарлайтын пациент әйелдерге қолдану қауіпсіздігі дәлелденген гипотензиялық препараттармен баламалы емдеу көрсетілген. Жүкті болып қалған жағдайда АӨФ тежегіштерін қабылдауды дереу тоқтатып, қажет болса, баламалы дәрілермен емдеуді бастау керек.

Жүктіліктің 2 және 3 триместрлерінде АӨФ тежегіштерін қабылдау нәтижесінде фетоуыттылық әсерлерінің (бүйрек функциясының нашарлауы, су аздық), бассүйек сүйектері оссификациясының баяулауы), ал жаңа туған нәрестелерде – бүйрек жеткіліксіздігі, гипотония және гиперкалиемияның білінуі жоққа шығарылмайды («Қауіпсіздігі жөніндегі клиникаға дейінгі деректерін» қараңыз). Жүктіліктің 2 триместрінде АӨФ тежегішімен емдеу кезінде фетоуыттылық әсерлері білінген жағдайда ұрықтың бүйрек функциясын және бассүйек жай-күйін тексеру үшін пациент әйелдерге ультрадыбыстық зерттеу көрсетілген. Аналары жүкті кезінде АӨФ тежегіштерін қабылдаған балаларды артериялық гипотензия тұрғысынан мұқият қадағалау керек («Қолдануға болмайтын жағдайларын» және «Айрықша нұсқауларын» қараңыз).

Лактация

Лактация кезінде Зокардис® қолдану жөнінде ақпарат жоқ болғандықтан, оны тағайындау ұсынылмайды. Емшекпен қоректендіру кезінде, әсіресе, жаңа туған немесе шала туған нәрестелерді емізу кезінде баламалы қауіпсіздеу препараттарды пайдаланған дұрыс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зокардистің® көлік құралдарын басқару қабілетіне әсер етуіне қатысты зерттеулер жүргізілмеген. Көлік құралдарын басқару немесе техникамен жұмыс істеу кезінде ұйқышылдық, бас айналу немесе шаршаудың болуы мүмкін екенін есте сақтау керек.

Артық дозалануы

Ауыр дәрежелі артериялық гипотензия, шок, мелшию, брадикардия, электролиттік теңгерімнің бұзылуы және бүйрек жеткіліксіздігі сияқты симптомдар артық дозалануын айғақтайды.

Артық дозаланған жағдайда пациент, дұрысы - қарқынды емдеу бөлімінде, дәрігердің жіті қадағалауында болуы тиіс. Қан сарысуындағы электролиттер мен креатинин мөлшерін тұрақты бақылау көрсетілген. Емдеу симптомдардың шығу тегіне және ауырлығына байланысты. Препарат таяуда қабылданған жағдайда асқазанды шаю, адсорбенттер мен натрий сульфатын тағайындау сияқты сіңірілуді болдырмау шараларын қабылдауға болады. Артериялық гипотензия белгілері білінгенде пациентті аяқтарын сәл көтеріп, жатқызады. Қан арнасындағы сұйықтық көлемін арттыратын препараттарды қолданудың және/немесе ангиотензин II-мен емдеудің мақсатқа сай келу мәселесі қарастырылады. Брадикардия немесе шектен тыс айқын вагустық реакцияларды атропин қолданумен емдеу керек. Жүрек ырғағы жетектегішін пайдаланудың мақсатқа сай келу мәселесін қарастыру керек. АӨФ тежегіштерін қан арнасынан гемодиализ көмегімен шығаруға болады. Өткізгіш қабілеті жоғары полиакрилонитрильді жарғақшалар пайдаланбау керек.

Шығарылу түрі және қаптамасы

Поливинилхлорид/поливинилиденхлорид үлбірінен және баспалы лакталған алюминий фольгадан жасалған пішінді ұяшықты қаптамаға 7 немесе 14 таблеткадан салады.

Пішінді 1 қаптамадан (7 немесе 14 таблеткадан) немесе пішінді 2 қаптамадан (14 таблеткадан) медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

30оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы

А. Менарини Мэнюфекчеринг Лоджистикс энд Сервисиз С.р.л., Италия

Тіркеу куәлігінің иесі

«Менарини Интернэшнл Оперейшнз Люксембург С.А.», Люксембург

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Берлин-Хеми АГ» АҚ ҚР өкілдігі

Телефон нөмірі: +7 727 2446183, 2446184, 2446185

факс нөмірі: +7  727 2446180

электронды пошта: Kazakhstan@berlin-chemie.com