Зобон (Порошок лиофилизированный)

• русский
• қазақша

• Скачать инструкцию медикамента

Саудалық атауы

Зобон

Халықаралық патенттелмеген атауы

Золедрон қышқылы

Дәрілік түрі

Вена ішіне инфузия үшін ерітінді дайындауға арналған 4 мг лиофилизацияланған ұнтақ

Құрамы

Бір құтының ішінде

белсенді зат – 4.264 мг золедрон қышқылының моногидраты

(4.0 мг сусыз золедрон қышқылына баламалы),

қосымша заттар: маннитол, натрий цитратының дигидраты, инъекцияға арналған су.

Сипаттамасы

Ақ немесе ақ дерлік лиофилизацияланған ұнтақ.

Фармакотерапиялық тобы

Сүйек ауруларын емдеуге арналған препараттар. Сүйектің құрылысына және минералдануына ықпалын тигізетін препараттар. Бисфосфонаттар. Золедрон қышқылы.

АТХ коды М05ВА08

Фармакологиялық қасиеттері

Фармакокинетикасы

Фармакокинетикалық көрсеткіштерінің мәндері дозаға байланысты емес. Золедрон қышқылын вена ішіне енгізгеннен кейін препараттың плазмалық концентрациялары артып, енгізу соңында өзінің ең жоғары белгісіне жетеді, содан кейін 4 сағаттан соң ең жоғары көрсеткішінің 10%-дан азына дейін және 24 сағаттан соң 1%-дан азына төмендеуі басталып, кейіннен препаратты 28-ші күні қайтадан енгізген сәтке дейінгі ең жоғары мәннің 0.1%-нан аспайтын өте төмен концентрацияларда ұзаққа созылатын кезеңге ұласады.

Вена ішіне енгізілген золедрон қышқылы бүйрек арқылы мына үш кезеңмен шығарылады: препараттың жүйелік айналымнан, жартылай шығарылу кезеңі (Т1/2) 0.24 сағат және 1.87 сағатты құрайтын екі фазалы тез шығарылуы және ақырғы Т1/2 167 сағатты құрайтын ұзаққа созылатын фаза. Золедрон қышқылы метаболизмге түспейді және бүйрек арқылы өзгермеген күйінде шығарылады. Енгізілген дозаның 39±16%-ы алғашқы 24 сағат ішінде несептен табылады. Препараттың қалған мөлшері негізінен сүйек тінімен байланысады. Содан кейін сүйек тінінен золедрон қышқылының жүйелік айналымға кері босап шығуы және оның бүйрек арқылы шығарылуы жүреді. Препараттың жалпы плазмалық клиренсі сағатына 5.04±2.5 л құрайды. Ол препараттың дозасына, пациенттің жынысына, жасына, нәсіліне және дене салмағына байланысты емес. Инфузияның ұзақтығын 5 минуттан 15 минутқа дейін арттыру инфузия соңында золедрон қышқылын концентрациясының 30%-ға төмендеуіне әкеледі, бірақ «концентрация-уақыт» қисығы астындағы ауданның шамасына ешқандай да ықпалын тигізбейді.

Гиперкальциемиясы бар пациенттерде, бауыр функциясының жеткіліксіздігі немесе бүйрек функциясының ауыр жеткіліксіздігі бар пациенттерде золедрон қышқылының фармакокинетикасы жөнінде деректер әлі алынған жоқ.

Золедрон қышқылы Р450 ферментін тежемейді және биотрансформацияға ұшырамайды. Бауыр функциясының күйі золедрон қышқылының фармакокинетикасына елеулі ықпалын тигізбейді.

Золедрон қышқылының қан жасушаларына ұқсастығы жоқ. Қан плазмасы ақуыздарымен байланысуы төмен (56%-ға жуық) және плазмадағы препарат концентрациясына тәуелді емес.

Золедрон қышқылының бүйректік клиренсі креатинин клиренсімен оң байланысқан, бүйректік клиренсі креатинин клиренсінің 75±33%-ын құрайды. Креатинин клиренсі минутына 20 мл (бүйрек функциясының ауыр жеткіліксіздігі) және минутына 50 мл (бүйрек функциясының орташа жеткіліксіздігі) болатын науқастарда золедрон қышқылының болжамды салыстырмалы клиренсі, сәйкесінше, 37% және 72% болады.

Фармакодинамикасы

Зобон – сүйекке іріктеп әсер ететін тиімділігі жоғары бисфосфонаттардың жаңа класына жатады, және күні бүгін сүйек тіні резорбциясының ең күшті әсер ететін тежегіштерінің бірі болып табылады.

Бисфосфонаттардың сүйекке іріктеп әсер етуі олардың минералданған сүйекке ұқсастығының жоғарылығымен байланысты, алайда остеокластар белсенділігінің тежелуін қамтамасыз ететін дәл молекулалық механизмі бүгінгі күнге дейін түсініксіз күйінде қалып отыр. Золедрон қышқылы сүйектің резорбциясын тежейды, мұндайда сүйектің түзілуіне, минералдануына және механикалық қасиеттеріне жағымсыз әсерін тигізбейді.

Остеокластты сүйек резорбциясын тежеуден басқа, золедрон қышқылы адамда миеломаның өсірінді жасушаларына және сүт безінің обырына тікелей ісікке қарсы әсерін тигізеді, ол апоптоз пролиферациясының және индукциясының басылуы болып табылады.

Ісіктен туындаған гиперкальциемиясы бар пациенттерде золедрон қышқылының әсері сарысуда кальций концентрациясының төмендеуімен және оның несеппен шығарылуының азаюымен сипатталады.

Қолданылуы

• қатерлі ісіктен болған гиперкальциемияда

• сүйектегі метастаздармен қатар жүретін қатерлі жаңа түзілімдері бар пациенттерде сүйек тінінің патологиясымен байланысты симптомдардың профилактикасында (патологиялық сынулар, омырта бағанының компрессиясы, сүйектерге хирургиялық араласымдардан және сәуле емінен кейінгі асқынулар, ісікпен индукцияланған гиперкальциемия)

Қолдану тәсілі және дозалары

Қатерлі ісікпен байланысты гиперкальциемияны емдеу

Ересектер және егде жастағы пациенттер

Гиперкальциемияда (альбумин > 12 мг/дл немесе 3 ммоль/л деңгейіне түзетілген кальций концентрациясы) препараттың ұсынылатын дозасы инфузияға арналған ерітіндімен (100 мл 0,9% натрий хлориді ерітіндісі немесе 5% глюкоза ерітіндісі) сұйылтылған 4 мг құрайды, ол кем дегенде 15 минуттық вена ішіне бір реттік инфузия түрінде тағайындалады.

Зобонды енгізгенге дейін пациенттің гидратация дәрежесіне баға берген жөн. Зобон инфузиясын пациенттің адекватты гидратациясы жағдайында жүргізеді.

Сүйектегі метастаздармен қатар жүретін қатерлі жаңа түзілімдері бар пациенттерде сүйек тінінің патологиясымен байланысты симптомдардың профилактикасында (патологиялық сынулар, омыртқа бағанының компрессиясы, сүйектерге хирургиялық араласымдардан және сәуле емінен кейінгі асқынулар, гиперкальциемиядан кейінгі асқынулар)

Ересектер және егде жастағы пациенттер

Ұсынылатын доза – 4 мг Зобон препараты. Концентрат 100 мл 0,9% натрий хлориді ерітіндісінде немесе 5% глюкоза ерітіндісінде ерітілуі тиіс. Әрбір 3-4 апта сайын вена ішіне кем дегенде 15 минуттық инфузия түрінде тағайындалады.

Пациенттер сондай-ақ күн сайын 500 мг доза кальций препаратын және 400 ХБ Д3 дәруменін қабылдауы тиіс.

Бүйрек функциясы бұзылған пациенттерге қолдану

Қатерлі ісіктен туындаған гиперкальциемиядағы бүйрек функциясының жеткіліксіздігі

Бүйрек функциясының айқын жеткіліксіздігі бар пациенттерде қатерлі ісіктен туындаған гиперкальциемияны Зобон препаратымен емдеуді осы емнің қаупі мен пайдасына баға бергеннен кейін ғана тағайындаған жөн. Қатерлі ісіктен туындаған гиперкальциемиясы бар, сарысудағы креатинин деңгейі < 400 мкмоль/л немесе < 4,5 мг/дл болатын пациенттерде дозаны түзетудің қажеттілігі жоқ.

Сүйектер зақымданатын асқынған қатерлі жаңа түзілімдері бар пациенттерде сүйек тінінің патологиясымен байланысты симптомдардың профилактикасындағы бүйрек функциясының жеткіліксіздігі

Емдеуді бастар алдында көптеген миеломасы бар немесе ірі ісіктерде сүйектері метастаздық зақымданған, ароматаза тежегіштерімен ем қабылдап жүрген пациенттерде сарысудағы креатинин деңгейін және креатинин клиренсін анықтаған жөн. Креатинин клиренсін сарысудағы креатинин деңгейінің негізінде Кокрофт-Голт формуласы бойынша есептейді. Зобон емдеуге дейін бүйрек функциясының айқын жеткіліксіздігі бар, креатинин клиренсі < 30 мл/мин болатын пациенттерге ұсынылмайды.

Зобон препаратымен емдеуді бастағанға дейін сүйек метастазасы, бүйрек функциясының жеңіл және орташа жеткіліксіздігі бар пациенттерге (анықталатын креатинин клиренсі 30-60 мл/мин) препараттың келесі дозалары ұсынылады:

* Дозалар 0,66 (мг · сағ./л) құрайтын (креатинин клиренсі = 75 мл/мин) мақсаттық AUC негізінде есептелген. Бүйрек функциясының жеткіліксіздігінде төмендетілген дозалар, креатинин клиренсі минутына 75 мл болатын пациенттерде AUC мәндеріне қол жеткізуді қамтамасыз етеді деп болжанады.

Емдеуді бастағаннан кейін қан сарысуындағы креатинин деңгейін Зобон препаратының әрбір дозасын енгізер алдында өлшеген жөн. Бүйрек функциясы бұзылғанда емдеуді тоқтату керек. Клиникалық зерттеулерде бүйрек функциясының бұзылуы былайша анықталды:

• сарысудағы креатининнің бастапқы деңгейі қалыпты (<1,4 мг/дл) пациенттер үшін – көрсеткіш 0,5 мг/дл-ге артады

• сарысуда креатининнің бастапқы деңгейі (> 1,4 мг/дл) өзгерген пациенттер үшін – көрсеткіш 1 мг/дл-ге артады.

Клиникалық зерттеулерде золедрон қышқылымен емдеу креатинин деңгейі бастапқы шаманың 10% шегіндегі мәніне оралғаннан кейін қайта жаңғыртылды. Емдеу тоқтатылғанға дейін сол дозада препаратпен емдеуді қайта жаңғыртқан жөн.

Емдеуді бастағаннан кейін Зобонның әрбір дозасын енгізер алдында қан сарысуындағы креатинин деңгейін анықтау керек, бүйрек функциясы нашарлаған жағдайда ем тоқтатылуы тиіс.

Емді тоқтату алдында сол дозада Зобонмен емдеуді қайта жаңғыртқан жөн.

Зобонның төмендетілген дозаларын дайындау тәсілі

Қажетіне қарай концентраттың тиісті көлемін құйып алады:

- 3,5 мг доза үшін 4,4 мл

- 3,3 мг доза үшін 4,1 мл

- 3,0 мг доза үшін 3,8 мл

Концентраттың алынған мөлшері 100 мл стерильді 0,9% натрий хлориді ерітіндісінде немесе 5% глюкоза ерітіндісінде сұйылтылуы тиіс. Доза кем дегенде 15 минут бойы вена ішіне бір реттік инфузия түрінде енгізілуі тиіс.

Зобон препаратын кальциймен және Рингер лактат ерітіндісі сияқты екі валентті катиондары бар, инфузияға арналған басқа ерітінділермен араластырмаған жөн, және инфузияға арналған вена ішіне бір реттік желіні пайдаланып, вена ішіне бөлек ерітінді түрінде енгізу керек.

Зобон препаратын енгізгенге дейін және енгізгеннен кейін пациенттің организмінде сұйықтықтың жеткілікті мөлшерін сақтаған жөн.

Жағымсыз әсерлері

Өте жиі - ≥1/10, жиі: ≥1/100, <1/10, жиі емес: ≥1/1,000, <1/100, сирек: ≥1/10,000, <1/1,000, өте сирек: <1/10,000.

Өте жиі (≥1/10)

• гипофосфатемия

Жиі (≥1/100 <1/10)

• анемия

• бас ауыру, парестезия

• ұйқының бұзылуы

• конъюнктивит

• жүректің айнуы, құсу, тәбеттің төмендеуі, іш қату

• гипергидроз

• сүйектердің ауыруы*, миалгия*, артралгия*, денеге жайылған ауыру, буындардың қиын қозғалысы, кейіннен буындардың ісінуіне ұласатын артрит

• гипертензия

• бүйрек функциясының жеткіліксіздігі

• жедел фазалы реакция, қызба, тұмау тәрізді аурулар (шаршауды, қалтырауды, дімкәстікті және қан кернеулерді қоса)

• шеткері ісінулер, астения

• қандағы креатинин және мочевина деңгейлерінің жоғарылауы, гипокальциемия

Жиі емес (≥1/1,000 <1/100)

• тромбоцитопения, лейкопения

• аса жоғары сезімталдық реакциясы

• бас айналу, дәм сезімінің бұзылуы, гипостезия, гиперстезия, тремор

• мазасыздық

• көрудің жіті болмауы

• диарея, абдоминальді ауыру, диспепсия, стоматит, ауыздың кеберсуі

• диспноэ, жөтел

• қышыну, бөртпе (эритематоздық және макулярлық бөртпелерді қоса)

• жас остеонекрозы, бұлшықет спазмдары*

• гипотензия, гипертензия, жүрекшелердің дефибрилляциясы, синкопеге (естен тануға) немесе циркуляторлы коллапсқа әкелетін гипотензия

• бүйрек функциясының жедел жеткіліксіздігі, гематурия, протеинурия

• инъекция жасалған жердегі реакциялар (ауыруды, тітіркенуді, қышуды, қатаюды, қызаруды қоса)

• кеуденің ауыруы

• дене салмағының артуы

• гипомагниемия, гипокалиемия

• дене салмағының артуы

Сирек (≥1/10,000 <1/1,000)

• панцитопения

• ангионевроздық ісіну

• сананың шатасуы

• увеит

• өкпенің интерстициальді ауруы

• брадикардия, жүрек аритмиясы (гипокальциемия аясында)

• артрит және буындардың ісінуі (жедел фазалы реакция симптомдары сияқты)

• гиперкалиемия, гипернатриемия

Өте сирек (<1/10,000)

• құрысулар, гипестезия және тетания (гипокальциемия аясында)

* өте жоғары жиілік пременопаузада гормон-рецептор оң ЕСБО бар, гонадотропин-босататын гормон (ГБГ) агонисін қолдануды қоса, гормональді ем қабылдап жүрген әйелдерде, және постменопаузада ЕСБО бар, ароматаза тежегіштерін қатар қолданылатын ем қабылдап жүрген әйелдерде білінуі мүмкін

Постмаркетингтік бақылаулар (жиілігі белгісіз)

• анафилаксиялық реакциялар/шок

• ұйқышылдық

• эписклерит, склерит және көзұя қабынуы

• жыпылықтағыш аритмия

• ең бірінші кезекте қауіп факторлары бар пациенттерде естен тануға немесе қантамырлар функциясының жеткіліксіздігіне әкелетін гипотензия

• бронхтың түйілуі

• есекжем

• жедел, кейде қатардан шығаратын сүйектердің, буындардың және/немесе бұлшықеттердің ауыруы, ортан жілік сүйегінің өзіне тән емес ұршық асты және диафизарлық сынулары (Зобон препаратын қоса, бисфосфонаттардан туындаған жағымсыз реакциялар).

Жекелеген жағымсыз реакцияларды сипаттау

Бүйрек функциясының бұзылуы

Зобон препаратын қолдану бүйрек функциясы бұзылуының дамуымен астасты. Клиникалық зерттеулерде препаратты сүйектің зақымдануымен бірге кең таралған қатерлі жаңа түзілімдері бар пациенттерде қаңқа тарапынан асқынулардың профилактикасы мақсатында қолданғанда, препаратты қолданумен байланысты бүйрек функциясы бұзылуының туындау жиілігі былайша бөлінген: көптеген миелома (3,2%), простата обыры (3,1%), сүт безінің обыры (4,3%), өкпе обыры және басқа да ірі ісіктер (3,2%). Бүйрек функциясының нашарлау қаупін арттыруы мүмкін факторларға мыналар жатады: дегидратация, мұның алдында бүйрек функциясының бұзылуы, Зобон препаратымен немесе басқа да бисфосфонаттармен емдеудің көптеген курсы, нефроуытты препараттарды бір мезгілде қолдану немесе препаратты ұсынылған азырақ уақыт кезеңі ішінде енгізу. Зобон препаратының бастапқы немесе бір реттік дозасын енгізгеннен кейін бүйрек функциясының нашарлауы, бүйрек функциясы бұзылуының бүйрек функциясының жеткіліксіздігіне дейін өршуі және гемодиализ жүргізудің қажеттілігі байқалды.

Жақ остеонекрозы

Бисфосфонаттармен, соның ішінде Зобон препаратымен емдеген кезде негізінен онкологиялық аурулары бар пациенттерде остеонекроздың даму жағдайлары (негізінен, жақтың, бірақ басқа да жерге орныққан, соның ішінде жамбас сүйегінде, ортан жілік сүйегінде және сыртқы есту жолында) байқалды. Көптеген пациенттерде жергілікті инфекциялық үдеріс белгілері, соның ішінде остеомиелит білінді; көбінде мұндай жағдайлар тісті жұлғаннан кейін немесе стоматологиялық операциялық араласымдардан кейін байқалды. Жақ остеонекрозының дамуына бейім, қатерлі жаңа түзілімдер, бір мезгілде емдеу (мысалы, химиотерапия, антиангиогенді препараттар, сәулелік емдеу, глюкокортикостероидтар) және қатар жүретін жағдайлар (мысалы, анемия, коагулопатия, инфекция, ауыз қуысының мұның алдындағы ауруы) сияқты көптеген, белгілі, кең таралған қауіп факторлары бар. Себеп-салдарлық байланысы анықталмағанына қарамастан, мезгілінен ерте жазылу мүмкіндігімен байланысты стоматологиялық операциялық араласымдарға жол белмеу мақсатқа сай келеді. Қолжетімді деректер нәтижесінде, жақ остеонекрозының даму жиілігі ісіктің сипатымен (сүт безінің кең таралған обыры, көптеген миелома) байланысты.

Жедел фазаның реакциясы

Осы жағымсыз реакция симптомдарының кешені: дене температурасының жоғарылауы, жалпы әлсіздік, сүйектердің ауыруы, қалтырау, тұмау тәрізді синдром болып табылады. Әдетте Зобон препаратының инфузиясынан кейін ≤3 күн аралығында басталады. Реакция «тұмау тәрізді» немесе «дозадан кейінгі» симптомдар терминін пайдаланумен де аталады. Симптомдар әдетте бірнеше күннен кейін қайтады.

Жүрекшелердің фибрилляциясы

Клиникалық зерттеулердің бірінде золедрон қышқылын постменопаузальді остеопорозы бар пациентке 3 жыл бойы (жылына бір рет 5 мг дозада) қолданғанда жүрекшелер фибрилляциясы дамуының жалпы жиілігі, плацебо тобындағы 1,9%-бен (3852-ден 75) салыстырғанда, 2,5% (3862-ден 96 адам) құрады. Ауыр гемодинамикалық бұзылулармен қатар жүретін жүрекшелер фибрилляциясының даму жиілігі золедрон қышқылы мен плацебода, сәйкесіншен, 1,3% (3862-ден 51) және 0,6% (3852-ден 22) құрады. Осындай теңгерімсіздік золедрон қышқылының басқа да клиникалық зерттеулерінде, соның ішінде онкологиялық аурулары бар пациенттерде Зобон препаратын 3-4 аптада бір рет 4 мг дозада қолданғанда байқалған жоқ. Постменопаузальді остеопорозы бар пациенттерде золедрон қышқылымен емдеу аясында жүрекшелер фибрилляциясының даму жиілігінің жоғарылау себебі осы зерттеуде анықталған жоқ.

Ортан жілік сүйегінің өзіне тән емес сынулары

Тіркеуден кейінгі қолдану тәжірибесі үдерісінде келесі реакциялардың (жиілігі бойынша сирек) дамығаны жөнінде мәлімделді:

Ортан жілік сүйегінің өзіне тән емес ұршықасты және диафизарлы сынулары (бисфосфонаттар класына тән жағымсыз реакциялар).

Гипокальциемиямен байланысты дәрілік препаратқа жағымсыз реакциялар

Гипокальцемия қолдануға тіркелген көрсетілімдеріне сәйкес, Зобонды пайдаланумен байланысты анықталған қауіп болып табылады: клиникалық сынақтардың екеуін де шолу және тіркеуден кейінгі жағдайлардың негізінде Зобонмен емдеу, мәлімделген гипокальциемия жағдайы және жүрек аритмиясының фондық дамуы арасындағы байланысты айғақтайтын жеткілікті дәлелдер бар. Бұдан басқа, гипокальциемия мен осы жағдайларда тіркелген кейінгі неврологиялық асқынулардың, соның ішінде құрысулардың, парестезияның және тетанияның арасында өзара байланыстың дәлелді деректері бар.

Қолдануға болмайтын жағдайлар

• золедрон қышқылына, басқа да бисфосфонаттарға немесе препарат құрамына кіретін кез келген басқа компоненттерге жоғары сезімталдық

• бүйрек функциясының ауыр жеткіліксіздігі (креатинин клиренсі <35 мл/мин)

• жүктілік және лактация кзеңі

• 18 жасқа дейінгі балалар мен жасөспірімдер

Дәрілермен өзара әрекеттесуі

Ісікке қарсы дәрілермен, диуретиктермен (ілмектік диуретиктерді қоспағанда), антибиотиктермен, анальгетиктермен клиникалық тұрғыдан өзара әрекеттесу байқалған жоқ.

Аминогликозидтермен, кальцитонинмен немесе ілмектік диуретиктермен қатар, Зобон препараты сияқты бисфосфонаттарды қолданған кезде сақтық таныту ұсынылады, өйткені препараттарды бір мезгілде қолдану сарысудағы кальций деңгейінің, қажеттіден гөрі, өте ұзағырақ төмендеуіне әкелуі мүмкін. Зобон препаратын және басқа да потенциалды нефроуытты препараттарды тағайындаған кезде сақтық танытқан жөн. Зобон препаратын және антиангиогендік препараттарды тағайындағанда сақ болу керек, өйткені осы препараттарды бір мезгілде қолданғанда пациенттерде жақ остеонекрозы жиілігінің артуы байқалды.

Талидомидпен бірге қолданғанда, емдеуді бастағанға дейін бүйрек функциясының жеңіл және орташа дәрежедегі жеткіліксіздігі бар пациенттерді қоспағанда, Зобон препаратының дозаларын түзету қажет болмайды, Талидомидті (тәулігіне 100 немесе 200 мг) Зобон препаратымен бір мезгілде тағайындау көптеген миеломасы бар пациенттерде золедрон қышқылының фармакокинетикасына және креатинин киренсіне елеулі ықпалын тигізбейді.

Айрықша нұсқаулар

Зобон препаратын енгізер алдында пациенттерде, бүйрек функциясының жеңіл және орташа бұзылулары бар пациенттерді қоса, гидратацияның жеткіліксі екендігіне көз жеткізген жөн. Жүрек функциясы жеткіліксіздігінің даму қаупі бар пациенттерде шамадан тыс гидратацияға жол бермеу керек.

Сарысудағы альбумин, фосфат және магний, сондай-ақ креатинин деңгейлері түзетілген, қан сарысуындағы кальций деңгейлері сияқты гиперкальциемиямен байланысты стандартты метаболизмдік параметрлер Зобон препаратымен емдеуді бастағаннан кейін мұқият тексерілуі тиіс. Гипокальциемияда, гипофосфатемияда немесе гипомагниемияда қысқа мерзімдік қосымша ем қажет болуы мүмкін. Гиперкальциемиясы бар, ем қабылдамаған пациенттерде бүйрек функциясы біршама дәрежеде бұзылған.

Зобон препаратының құрамында Акласта® препаратындағыдай әсер етуші зат (золедрон қышқылы) бар болғандықтан, Зобон препаратымен ем қабылдап жүрген пациенттерге Акласта® препаратын тағайындау ұсынылмайды. Зобон препаратымен ем қабылдап жүрген пациенттер сондай-ақ басқа бисфосфонаттарды бір мезгілде қолданбауы тиіс. Аяқталмаған остеогенездің ауыр түрі бар ересек пациенттерде Зобон препаратын қолданудың қауіпсіздігі және тиімділігі анықталған жоқ.

Бисфосфонаттарды қабылдап жүрген, ацетилсалицил қышқылына сезімтал, демікпесі бар пациенттерде бронхтың түйілуі жөнінде мәлімделді.

Қатерлі ісіктен болған гиперкальциемиясы, және бүйрек функциясының нашарлау белгілері бар пациенттер, емдеудің ықтимал қаупінен бастап емдеудің потенциалды пайдасына дәрігер баға бергенше, мұқият тексерілуі тиіс.

Сүйегінде метастаздары бар пациенттерде сүйек тінінің зақымдануымен байланысты симптомдарға жол бермеу үшін емдеу жөнінде шешім қабылдаған кезде емдеудің әсерінің 2-3 айдан соң басталатынын ескерген жөн.

Бисфосфонаттарды қолданған кезде бүйрек функциясының нашарлағаны жөнінде мәлімдемелер болды. Бүйрек функциясының бұзылуы ықтималдылығын арттыратын факторлар дегидратацияны, бүйрек функциясының бұрыннан бар бұзылуын, Зобон препаратын немесе басқа бисфосфонаттардың көп реттік циклін, сондай-ақ қазіргі кезде ұсынылатындарға қарағанда, нефроуытты дәрілерді қолдануды немесе өте қысқа уақытта инфузия жүргізуді қамтиды. Зобон препаратын 4 мг дозада кем дегенде 15 минут ішінде енгізсе де, қауіп азаяды, бүйрек функциясы нашарлауы мүмкін. Зобон препаратының бастапқы немесе бір реттік дозасын енгізгеннен кейін пациенттерде бүйрек функциясының нашарлағаны, бүйрек функциясының жеткіліксіздігі мен диализге дейін өршігені жөнінде мәлімделді. Сарысудағы креатинин деңгейінің жоғарылауы сүйек тінінің зақымдануымен байланысты симптомдардың, бұл өте сирек жүретін болса да, туындауына жол бермеу үшін препаратты ұсынылған дозаларда қабылдап жүрген кейбір пациенттерде байқалады.

Зобон препаратының әрбір дозасын енгізер алдында пациенттерде қан сарысуындағы креатинин деңгейіне баға беру қажет. Қатерлі ісіктен болған гиперкальциемиясы бар пациенттерді қоспағанда, бүйрек функциясының аздаған немесе орташа бұзылулары бар пациенттерде емдеуді бастағаннан кейін Зобон препаратының өте төмен дозалары ұсынылады. Емдеу кезінде бүйрек функциясының нашарлау белгілері бар пациенттерде препарат қабылдауды креатинин деңгейі бастапқы шамасының 10%-ы шегіндегі мәніне оралған кезде ғана қайта жаңғыртуға болады.

Зобон препаратын қоса, бисфосфонаттардың потенциалды әсер етуіне, бүйрек функциясына, қауіпсіздігі жөнінде ауқымды клиникалық деректерді және фармакокинетикалық деректердің жоқ болуына байланысты, Зобон препаратын қолдану ұсынылмайды.

Бауыр функциясының ауыр жеткіліксіздігі бар пациенттер үшін белгілі бір нұсқаулар жоқ, өйткені қолжетімді клиникалық деректер шектеулі ғана.

Остеонекроз

Жақ остеонекрозы

Жақ остеонекрозы жөнінде көбіне емдеуге бисфосфонаттар, соның ішінде Зобон препараты енгізілген онкологиялық пациенттерде мәлімделді. Осы пациенттердің көбісі сондай-ақ химиотерапия және кортикостероидтар қабылдады. Көбісінде остеомиелитті қоса, жергілікті инфекциялардың белгілері болды.

Постмаркетингтік тәжірибе және әдебиет деректері нәтижесінде, көптеген мәлімдемелер онкологиялық аурулары (сүт безінің обырының кеш сатысы, көптеген миелома) бар пациенттерге, тістерін жұлғаннан кейінгі, парадонт ауруы, тиісінше анықталған тіс протездерінен туындаған жарақаттарды қоса, жергілікті жарақаттары бар пациенттерге қатысты болды.

Жекелеген адамдардағы қаупіне баға бергенде жақ остеонекрозы дамуының мына қауіп факторларын ескерген жөн:  

- бисфосфонаттың тиімділігі (күшті әсер ететін заттардың жоғары қаупі), қолдану тәсілі (парентеральді енгізгендегі жоғары қаупі) және бисфосфонаттың жиынтық дозасы; обыр, патологиялық жағдай (мысалы, анемия, коагулопатия, инфекция), шылым тарту;

- қатар жүргізілетін ем: химиотерапия, ангиогенез тежегіштері, бас пен мойынның сәулелік емі, кортикостероидтар;

- тіс аурулары, ауыз қуысының тазалығын сақтамау, пародонт ауруы, инвазиялық стоматологиялық емшаралар (мысалы, тісті жұлу) және нашар орналастырылған тіс протездері.

Барлық пациенттерге ауыз қуысының тазалығын сақтау, стоматологтың ұдайы тексерілуінен өту және Зобон препаратымен емделу кезінде тістің босауы, ауыруы немесе ісінуі, бітпейтін ойық жаралар немесе қанталаулар сияқты кез келген симптомдардың пайда болғаны жөнінде дереу мәлімдеп отыру ұсынылады.

Пациенттер ауыз қуысын тазалығын сақтауы және бисфосфонаттармен емделуді бастағанға дейін профилактикалық санацияға сәйкес ауыз қуысын тексеруден өткізуі тиіс.

Емделу кезінде осы пациенттер инвазиялық стоматологиялық емшараларға, мүмкіндігінше, жол бермеуі тиіс. Бисфосфонаттармен емдеу кезінде жақ остеонекрозы дамыған пациенттерде стоматологиялық операция жағдайды нашарлатуы мүмкін. Бисфосфонаттармен емдеуді тоқтату жақ остеонекрозының даму қаупін төмендетеді ме әлде жоқ па, соны алдын ала болжау үшін стоматологиялық емшараларды керек ететін пациенттерге қатысты деректер жоқ. Дәрігер, клиникалық баға беру кезінде, әрбір пациентте жекелей пайдасы мен қаупін бағалауды жоспарлы түрде жүргізуді басшылыққа алуы тиіс.

Орналасуы өзгеше остеонекроз

Бисфосфонаттармен, соның ішінде Зобон препаратымен ем қабылдап жүрген, онкологиялық аурулары бар ересек пациенттерде орналасуы өзгеше болатын, соның ішінде жамбас сүйегінің, ортан жілік сүйегінің, сыртқы есту жолының остеонекрозы жағдайлары жөнінде мәлімделді.

Ортан жілік сүйегінің өзіне тән емес сынулары

Көбіне остеопорозда ұзақ уақыт ем қабылдаған пациенттерді бисфосфонаттармен емдеген кезде өзіне тән емес ұршық астының сыну және ортан жілік сүйегі диафизінің сыну жағдайлары жөнінде мәлімделді. Көлденең немесе қысқа қиғаш сынулар ортан жілік сүйегінің кез келген, кіші ұршықтың тура төмен нүктесінен басталып, айдаршықүстінің кеңейген жерінен тікелей жоғары нүктесімен аяқталатын аймағында пайда болуы мүмкін. Бұл сынулар өте кішкентай жарақат әсері нәтижесінде немесе онсыз пайда болуы мүмкін және кейбір пациенттерде ортан жілік сүйегінің толық сынуының пайда болуынан бірнеше апта немесе ай бұрын туындауы мүмкін. Сынулар әдетте екі жақты болып табылады; сондықтан Зобон препаратымен ем қабылдап жүрген пациенттерде және ортан жілік сүйегінің диафизі сынғандарда екінші аяқтағы ортан жілік сүйегіне де баға беруді жүргізген жөн. Сондай-ақ мұндай сынулардың нашар өсетіні де мәлімделді. Ортан жілік сүйегінің өзіне тән емес сынуына күдік бар пациенттерде, қаупі мен пайдасына жекелей баға беруді бағдарлап, Зобон препаратымен емдеуді тоқтату ықтималдылығын қарастырған жөн.

Препаратпен емдеу кезінде пациенттерге сандағы, жамбас-сан буынындағы немесе шаптағы кез келген ауыру жөнінде мәлімдеп отыруға кеңес беру қажет. Осындай симптомдары бар пациенттерде ортан жілік сүйегінде толық емес сынулардың бар-жоқтығын тексерген жөн.

Бұлшықеттің ауыруы

Постмаркетингтік зерттеулерде бисфосфонаттарды қабылдаған пациенттердің сүйектерінде, буындарында кейде мүгедектікке әкелетін жедел ауыру және/немесе бұлшықет ауыруы жөнінде мәлімделді. Симптомдар басталғанға дейінгі уақыт емдеуді бастағаннан бастап бір күннен бірнеше айға дейін өзгерді. Көптеген пациенттерде емдеуді тоқтатқаннан кейін симптомдардың айқындылығы азайды. Пациенттердің осы санатында, егер емдеу сол дәрілік затпен немесе басқа бисфосфонатпен қайта жаңғыртылса, симптомдардың қайталану жағдайлары білінеді.

Гипокальциемия

Зобон препаратын қабылдаған пациенттерде гипокальциемия жөнінде мәлімдемелер бар. Ауыр гипокальциемияға қатысты салдарлық жүрек аритмиялары және неврологиялық жағымсыз реакциялар (құрысулар, тетания, ұю сезімі) жөнінде мәлімделді. Кейбір жағдайларда гипокальциемия өмір үшін қауіп төндіруі мүмкін.

Зобон препаратын гипокальциемияны туындататын басқа препараттармен бірге тағайындағанда сақтық таныту ұсынылады, өйткені ауыр гипокальциемияға әкеп соғатын синергиялық әсер болуы мүмкін («Дәрілермен өзара әрекеттесуі» бөлімін қараңыз). Зобон препаратын тағайындар алдында қан сарысуындағы кальций деңгейін анықтау және гипокальциемияны түзету керек. Пациенттер кальций препараттарының және D дәруменінің адекватты дозаларын қабылдағандары жөн.

Автокөлікті немесе потенциалды қауіпті механизмдерді басқару қабілетіне дәрілік заттардың ықпал ету ерекшеліктері

Препараттың автокөлікті басқару және механизмдерді пайдалану қабілетіне ықпалына қатысты зерттеулер жүргізілген жоқ, бірақ ОЖЖ тарапынан жағымсыз әсерлер пайда болған жағдайда мұндай қызметтер түріне жол бермеген жөн.

Артық дозалануы

Бисфосфонаттар артық дозаланған кезде болатын жедел уыттану жөнінде шектеулі ғана клиникалық деректер бар.

Симптомдары: препаратты ұсынылғаннан жоғары дозада қабылдап жүрген пациенттер мұқият бақылауда болуы тиіс, өйткені бүйрек функциясының бұзылулары (бүйрек функциясының жеткіліксіздігін қоса) және сарысу электролиттері (кальций, фосфор және магнийді қоса) деңгейлерінің бұзылулары жөнінде мәлімделді.

Емі: клиникалық тұрғыдан маңызды гипокальциемияны кальций глюконатымен бейтараптандыруға болады.

Шығарылу түрі және қаптамасы

Препарат тығынмен және көк түсті қақпақпен жабылған, 1 типті (АҚШФ), сыйымдылығы 5 мл, түтікше формалы түссіз шыныдан жасалған құтыларға салынған.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Sun Pharmaceutical Industries Ltd., Үндістан

Заңды мекенжайы:

Acme Plaza,Andheri-Kurla Road,

Andheri (E), Mumbai 400 059, Үндістан

Өндірістің тұрғылықты мекенжайы:

Halol-Baroda,Highway,Halol-389 350,Gujarat, Үндістан

Тіркеу куәлігін ұстаушы

Sun Pharmaceutical Industries Ltd., Үндістан

Қаптаушы ұйымның атауы және елі

Sun Pharmaceutical Industries Ltd., Үндістан

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы

050004, Алматы қ., Манас к-сі 32 «А», «SAT» бизнес орталығы

6-қабат, 602 кеңсе,

Тел. (727) 250-92-35, факс (727) 250-33-64

regulatory.kz@sunpharma.com