Зинерит®
Инструкция
-
русский
-
қазақша
Саудалық атауы
Зинерит ®
Халықаралық патенттелмеген атауы
Жоқ
Дәрілік түрі
Сыртқа қолдану үшін ерітінді дайындауға арналған ұнтақ еріткішпен және аппликатормен жиынтықта
Құрамы
1 мл дайындалған ерітіндінің құрамында
белсенді заттар: эритромицин 40 мг, микрондалған мырыш ацетаты дигидраты 12 мг,
қосымша заттар: диизопропилсебакат, этанол
Препараты бар (араластырғанға дейін) бір құтының (А) ішінде:
Эритромицин 1,2 г
Микрондалған мырыш ацетаты дигидраты 0,36 г бар
Еріткіші бар (араластырғанға дейін) бір құтының (В) ішінде:
Диизопропилсебакат – 7,80 г (8,36 мл)
Этанол – 17,00 г (21,6 мл) бар
Сипаттамасы
Ақ түсті ұнтақ.
Еріткіші – түссіз мөлдір сұйықтық.
Фармакотерапиялық тобы
Тері ауруларын емдеуге арналған препараттар. Безеу бөртпесін жергілікті емдеуге арналған препараттар. Безеу бөртпесін емдеуге арналған микробқа қарсы препараттар. Басқа препараттармен біріктірілген эритромицин.
АТХ коды D10AF52
Фармакологиялық қасиеттері
Фармакокинетикасы
Препарат компоненттерінің кешенді байланысы мырыштың май бездеріне өту дәрежесін жоғарылатады, ал мырыш ацетаты өз кезегінде эритромициннің теріге әсер ету уақытын ұлғайтады. Мырыш фолликулярлық эпителиймен байланысады және қан ағыны жүйесіне резорбцияланбайды. Эритромицин елеусіз мөлшерде сіңеді және организмнен тез шығарылады.
Фармакодинамикасы
Зинерит® эритромицин-мырышты кешен болып табылады. Қабынуға қарсы, микробтарға қарсы және комедонолитикалық әсер етеді. Эритромицин – макролидтер тобының бактерияға қарсы препараты, безеу бөртпесін туындататын Propionibacterium acnes – микроорганизмдеріне қатысты бактериостатикалық әсері бар. Эритромицин молекуласы рибосомальді 50S-субъбірліктің катализдік пептидил-трансфераздық орталығымен (P-site) қайтымды байланысуға және пептидил-тРНК (өсетін пептидтік тізбекті білдіретін) кешенінің рибосомадан ыдырап шығуын туындата алады. Бұл арада пептидтік тізбектің пептидил-трансфераздық орталыққа (P-site) және 50S-субъбірліктерінің акцепторлық аминоацил-тРНК-орталығына (A-site) бірізді жалғануының циклдігі бұзылады, яғни транслокация және транспептидация реакциялары тежеледі. Нәтижесінде пептидтік тізбектің қалыптасу және өсу үдерісі тоқтатылады.
Мырыш май бездері сөлінісі өндірілуін азайтады, тұтқырлық, қабынуға қарсы әсер етеді, эритромициннің Propionibacterium acnes қатысты, эритромицинрезистентті штаммдарды қоса белсенділігін қуаттандырады.
Қолданылуы
- безеу бөртпесін емдеуде
Қолдану тәсілі және дозалары
Сыртқа, ересектерге және балаларға 12 жастан бастап.
Бет терісінің зақымданған жеріне ұсынылған аппликатор көмегімен Зинеритті® тәулігіне 2 рет жұқа қабатпен жағады: таңертең (макияж жасағанға дейін) және кешкісін (жуынғаннан кейін). Препаратты дайындалған ерітіндісі бар құтыны төмен еңкейтіп, сәл басу арқылы жағу керек. Ерітіндіні жағу жылдамдығы аппликаторды теріге күшпен басу арқылы реттеледі. Бір реттік доза шамамен 0,5 мл. Кепкеннен кейін ерітінді көрінбей кетеді. Курс ұзақтығы 10-12 апта. Бірен-саран жағдайларда клиникалық жақсару 2 аптадан кейін-ақ болуы мүмкін.
Жағымсыз әсерлері
Сирек (>1/1000, < 1/100)
- қышыну, қызару, тері тітіркенуі, теріні күйдіру сезімі, тері құрғауы, препарат жаққан жердегі терінің түлеуі (әдетте, бұл құбылыстар әлсіз білінген және препаратты тоқтатуды және/немесе симптоматикалық ем жүргізуді талап етпейді)
Өте сирек (< 1/10000)
- жоғары сезімталдық
Қолдануға болмайтын жағдайлар
- эритромицинге және басқа да макролидтерге аса жоғары сезімталдық
- мырышқа немесе қандай да бір қосымша заттарына аса жоғары сезімталдық
- 12 жасқа дейінгі балалық жаста
Дәрілермен өзара әрекеттесуі
Зинериттің® басқа дәрілік препараттармен клиникалық елеулі өзара әрекеттесулері осы уақытқа дейін анықталмаған.
Қажет болғанда Зинеритті® бөртпе безеулерін емдеуге арналған басқа жергілікті және жүйелік препараттармен біріктірілімін қолдануға болады.
Айрықша нұсқаулар
Басқа макролидтерге, линкамицинге клиндамицинге айқаспалы резистенттілік даму мүмкіндігін ескеру керек (жергілікті және жүйелі қолдануларда). Көзге, ауыз қуысының және мұрынның шырышты қабығына тигізуден абай болу керек (тітіркену немесе күю мүмкіндігі бар).
Педиатрияда қолданылуы
12 жастан кіші балаларға қауіпсіздігі мен тиімділігі бойынша деректер жоқ.
Жүктілік және лактация кезеңі
Препарат жүктілік және лактация кезінде көрсетілімдер бойынша және ұсынылатын дозаларда қолданылуы мүмкін. Ұрыққа жағымсыз әсері анықталмаған.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат автокөлікті басқару және механизмдермен жұмыс істеу қабілетіне әсер етпейді.
Артық дозалануы
Препаратты жергілікті қолдануға байланысты кездейсоқ артық дозалану ықтималдығы аз.
Шығарылу түрі және қаптамасы
1.69 г препараттан бұралып жабылатын қақпағы бар тығыздығы жоғары полиэтиленнен жасалған құтыға салынады. 30 мл еріткіштен бұралып жабылатын қақпағы бар тығыздығы жоғары полиэтиленнен жасалған құтыға салынады.
Препараты бар 1 құтыдан және дозалауға арналған аппликаторы мен еріткіші бар 1 құтыдан және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
Араластырғанға дейін 15 - 250С температурада сақтау керек.
Ерітіндіні дайындағаннан кейін 15-250С температурада, 5 аптадан асырмай сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші
«Астеллас Фарма Юроп Б.В.»,
Силвиусвег 62, 2333 ВE, Лейден, Нидерланды
Тіркеу куәлігі иесі
«Астеллас Фарма Юроп Б.В.», Нидерланды
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Астеллас Фарма Юроп Б.В.» ҚР-дағы өкілдігі
Алматы қ., 050559, Әл-Фараби даңғылы 15, «Нұрлы Тау» ПФО, 4В ғимараты, №20 кеңсе
Телефон (727) 311-13-89 Факс (727) 311-13-90
www.astellas.ru, e-mail astellas@com.kz