Зентусс

Зентусс

Ацетилцистеин

Дәрілік түрі, дозалануы

Көпіршитін таблеткалар, 600 мг

Респираторлық жүйе. Жөтел және суық тию кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Муколитиктер. Ацетилцистеин

АТХ коды R05 CB01

- қою және тұтқыр гиперсекрециямен сипатталатын респираторлық ауруларды емдеуде.

Қолдануды бастағанға дейін қажетті мәліметтер тізбесі

- ацетилцистеинге немесе қосымша заттардың кез келгеніне аса жоғары сезімталдық

- 2 жасқа дейінгі балалар

- жүктілік және лактация кезеңі.

Қолдану кезіндегі қажетті сақтық шаралары

Бронх демікпесімен ауыратын пациенттер емдеу кезінде мұқият медициналық бақылауда болуы керек. Бронх түйілуі туындаған жағдайда ацетилцистеинмен емдеуді дереу тоқтатып, тиісті емді бастау керек.

Осы дәрілік затты анамнезінде ойық жара ауруы бар немесе ойық жара ауруына шалдыққан пациенттерде, әсіресе қышқылды төмендететін әсері белгілі басқа дәрілік заттармен бір мезгілде қолданғанда сақтықпен қолдану керек.

Стивенс-Джонсон синдромы және ацетилцистеин қолданумен уақытша байланысы бар Лайелл синдромы сияқты терінің ауыр реакцияларының пайда болуы туралы өте сирек хабарламалар келіп түсті. Сондықтан дереу дәрігерге қаралу керек және тері мен шырышты қабықтарда жаңа өзгерістер пайда болған кезде ацетилцистеин қабылдауды тоқтату керек.

Гистамин көтере алмаушылығы бар пациенттерге сақтық танытқан жөн. Бұл пациенттерге ұзақ емделуден аулақ болған жөн, себебі Зентусс гистамин метаболизміне әсер етеді және көтере алмаушылық симптомдарына (мысалы, бас ауыруы, тұмаурату, қышыну) әкелуі мүмкін.

Күкірт иісінің болуы ықтималдығы дәрілік заттың өзгеруін көрсетпейді, ол белсенді заттың өзінің қасиеті болып табылады.

Ацетилцистеинді қолдану, әсіресе емдеудің басында, бронх секрециясының сұйылуына және оның көлемінің ұлғаюына әкелуі мүмкін. Егер пациент дұрыс қақырына алмаса, қақырықтың кідіруіне жол бермеу үшін постуральді дренаж және бронх секрециясының аспирациясын жүргізу керек.

Ацетилцистеин гистамин метаболизміне әсер етуі мүмкін. Сондықтан гистамин көтере алмаушылығы бар пациенттерге Зентусс тағайындау кезінде сақ болу керек, себебі аса жоғары сезімталдық симптомдары туындау мүмкін.

Зентусс бір таблеткасының құрамында 194 мг натрий бар, бұл ДДҰ ұсынған ең жоғары тәуліктік дозаның 10%-на баламалы, ересек адам үшін 2 г натрийге сәйкес келеді.

Басқа дәрілік препараттармен өзара әрекеттесуі

Ацетилцистеинді жөтелге қарсы препараттармен бір мезгілде қолдану жөтел рефлексінің бәсеңдеуіне және бронх секрециясының жиналуына әкелуі мүмкін, сондықтан мұндай біріктірілген емнің қолданылуы мұқият қарастырылуы керек.

Белсендірілген көмір ацетилцистеиннің әсерін төмендетуі мүмкін.

Зентусс ерітіндісін басқа дәрілік препараттармен араластыру ұсынылмайды.

Антибиотиктерді ішке бір мезгілде қолданғанда, лоракарбефті қолдануды қоспағанда, ацетилцистеин қабылдағаннан кейін кемінде 2 сағат аралықты сақтау қажет.

Нитроглицерин мен ацетилцистеинді бір мезгілде қабылдау айтарлықтай гипотензияны туындататыны және бас ауыруының пайда болуымен самай артериясының кеңеюіне әкелетіні көрсетілген.

Егер нитроглицерин мен ацетилцистеинді бір мезгілде енгізу талап етілсе, пациенттер медициналық бақылауда болуы тиіс және оларға ауыр және бас ауыруымен қатар жүруі мүмкін гипотензияның дамуы туралы ескерту керек.

Зертханалық тест көрсеткіштеріне әсері

Ацетилцистеин салицилаттарды анықтаудың колориметриялық әдісіне әсер етуі мүмкін.

Ацетилцистеин несептегі кетон денелерін анықтау нәтижелеріне әсер етуі мүмкін.

Арнайы ескертулер

Жүктілік немесе лактация кезінде

Препаратты жүктілік немесе лактация кезінде қолдану ұсынылмайды

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зентусс автомобиль жүргізу және механизмдерді басқару қабілетіне әсер етпейді.

Қолдану жөніндегі ұсынымдар

Дозалану режимі

Ересектер мен 2 жастан асқан балалар тәулігіне 1 таблеткадан (дұрысы кешке).

Енгізу әдісі мен жолы

Бір таблетканы бір стақан суда еріту керек. Ол еріген кезде алынған ерітіндіні бірнеше минут ішінде ішу керек.

Емдеу ұзақтығы

Зентуссты 5 күннен артық қолдануға болмайды.

Артық дозаланған жағдайда қабылдануы қажет шаралар

Ацетилцистеинді пероральді қабылдау кезінде артық дозалану жағдайлары тіркелген жоқ.

Симптомдары

Артық дозалану жүрек айнуы, құсу және диарея сияқты асқазан-ішек симптомдарына әкелуі мүмкін.

Емі

Спецификалық антидоттары жоқ; артық дозалану емі симптоматикалық емдеуге негізделген.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек

Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдау керек шаралар

Кейде

- аса жоғары сезімталдық

- бас ауыру

- құлақтағы шуыл

- тахикардия

- құсу, диарея, стоматит, іштің ауыруы, жүрек айнуы

- есекжем, бөртпе, ангионевроздық ісіну, қышыну

- пирексия

- төмен артериялық қысым

Сирек

- бронх түйілуі, тыныс алудың қиындауы

- ас қорыту бұзылыстары

Өте сирек

- анафилаксиялық шок, анафилаксиялық / анафилактоидты реакция

- қан кету

- Стивенс-Джонсон синдромы және Лайелл синдромы

Белгісіз

- бронх обструкциясы

- беттің ісінуі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек 

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

Көпіршитін бір таблетканың құрамында

белсенді зат - ацетилцистеин 600 мг,

қосымша заттар: сусыз лимон қышқылы, мальтодекстрин, натрий гидрокарбонаты, апельсин дәмдеуіш қоспасы, лейцин, натрий сахарині

Сыртқы түрінің, иісінің, дәмінің сипаттамасы

Дөңгелек пішінді, жайпақ, ақ түсті таблеткалар

Шығарылу түрі және қаптамасы

10 немесе 20 таблеткадан полиэтилен тығынмен тығындалған полипропилен тубаға салады.

1 тубадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

3 жыл

Қаптаманы ашқаннан кейін - 90 күн

Жарамдылық мерзімі өткеннен кейін қолдануға болмайды.

Құрғақ, тығыз жабылған түпнұсқалық қаптамада 25 ºС-ден аспайтын температурада.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Е-Фарма Тренто С.п.А, Италия.

Тел/факс: +39 (0)461 922818

Электронды пошта: info@e-pharma.com

Тіркеу куәлігінің ұстаушысы

Зентива, к.с.

Прага 10 – Долни Меколупи, Укабеловни 130, Пошта индексі 102 37, Чех Республикасы

тел./факс : (+420) 267 241 111

Эл. пошта: info@zentiva.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Алвоген Фарма Трейдинг Юроп ЕООД» Қазақстандағы өкілдігі

050008, Алматы қ., Әуезов к-сі, 48, 3/3 кеңсе

тел: +7-(727) 345 04 05

Электронды пошта: PV-Kazakhstan@zentiva.com