Зацеф (1 г)

• русский
• қазақша

• Скачать инструкцию медикамента

Саудалық атауы

Зацеф

Халықаралық патенттелмеген атауы

Цефтазидим

Дәрілік түрі

1 г инъекция үшін ерітінді дайындауға арналған ұнтақ.

Құрамы

Бір құтының ішінде

белсенді зат − 1 г цефтазидим (цефтазидим пентагидратының және натрий карбонатының стерильді қоспасы түрінде).

Сипаттамасы

Ақ немесе крем тәріздес реңді ақ түсті кристал ұнтақ.

Фармакотерапиялық тобы

Жүйелі қолдануға арналған бактерияға қарсы дәрілер. Басқа да бактерияға қарсы бета-лактамды препараттар. Үшінші буын цефалоспориндері. Цефтазидим

АТХ коды J01D D02

Фармакологиялық қасиеттері

Фармакокинетикасы

500 мг және 1 г бұлшықетішілік инъекциядан кейін, тиісінше, 18 және 37 мг/л орташа жоғары шекті концентрацияларына жылдам жетеді. 500 мг, 1 г немесе 2 г көктамырішілік болюстік енгізуден кейін бес минуттан соң қан сарысуында, тиісінше, орташа 46, 87 немесе 170 мг/л концентрацияларына жетеді. Көктамырішілік және бұлшықетішілік енгізгеннен кейін 8-12 сағат өткен соң да емдік тиімді концентрациялары қан сарысуында қалады. Қан плазмасының ақуыздарымен байланысуы шамамен 10% құрайды. Кең таралған патогенді микроорганизмдердің көпшілігіне тән ең аз тежеу концентрациясынан асып кететін цефтазидим концентрациясына сүйектер, жүрек, өт, қақырық, көзішілік, синовиальді, плевральді және перитонеальді сұйықтықтар сияқты тіндер мен орталарда жетеді. Цефтазидим плацента арқылы жылдам өтеді және емшек сүтіне бөлініп шығады. Препарат зақымданбаған гематоэнцефалдық бөгет арқылы нашар өтеді, қабыну болмаған кезде препараттың ми-жұлын сұйықтығындағы (МЖС) концентрациясы төмен. Алайда ми қабықтары қабынған кезде цефтазидимнің МЖС-дағы концентрациясы 4-20 мг/л және одан көп құрайды, бұл оның емдік концентрациясының деңгейіне сәйкес келеді.

Цефтазидим организмде метаболизденбейді. Парентеральді енгізгеннен кейін цефтазидим қан сарысуында жоғары және орнықты концентрациясына жетеді. Жартылай шығарылу кезеңі шамамен 2 сағат құрайды. Препарат өзгермеген күйде шығарылады, белсенді түрінде гломерулярлы сүзілу жолымен несеппен; шамамен 80-90% дозасы 24 сағат ішінде несеппен шығарылады. Бүйрек функциясы бұзылған емделушілерде цефтазидимнің шығарылуы төмендейді, сондықтан дозаны азайту керек. 1%-дан аз препарат өтпен шығарылады, бұл ішекке түсетін препарат мөлшерін едәуір шектейді.

Фармакодинамикасы

Зацеф − механизмі бактериялық жасуша жақтауларының синтезін бұзумен байланысты әсер ету ауқымы кең III буынның бактерицидті цефалоспориндік антибиотигі. Гентамицинге және басқа аминогликозидтерге төзімді штаммдарды қоса, грамоң және грамтеріс бактериялардың кең ауқымына қатысты жоғары белсенділік иеленген. Грамоң да, грамтеріс те микроорганизмдерден өнетін көптеген бета-лактамазалар әсеріне өте төзімді. Цефтазидим жұқпаны қоздырушылардың көпшілігіне қарсы ЕТК (ең аз тежеу концентрациясы) шегі тар ауқымда әсер етіп, in vitro жоғары белсенділігін танытады.

Цефтазидим мұндай микроорганизмдерге қарсы белсенділік танытады.

Грамтерістер:

Pseudomonas aeruginosa, Pseudomonas spp. (Ps. Pseudomallei қоса), Еscherichia coli, Klebsiella spp. (Klebsiella pneumonia қоса), Proteus mirabilis, Proteus vulgaris, Morganella morganii (Proteus morganii), Proteus rettgeri, Providencia spp., Enterobacter spp., Citrobacter spp., Serratia spp., Salmonella spp., Shigella spp., Yersinia enterocolitica, Pasteurella multocida, Acinetobacter spp., Neisseria gonorrhoeae, Neisseria meningitidis, Haemophilus influenzae (ампициллинге төзімді штаммдарды қоса), Haemophilus parainfluenzae (ампициллинге төзімді штаммдарды қоса).

Грамоңдар:

Staphylococcus aureus (метицилинге сезімтал штаммдар), Staphylococcus epidermidis (метицилинге сезімтал штаммдар), Micrococcus spp., Streptococcus pyogenеs (А тобының β-гемолитикалық стрептококктары), В тобы Streptococcus (Strept. agalactiae), Streptococcus pneumoniae, Streptococcus mitis, Streptococcus spp. (Streptococcus faecalis қоспағанда).

Анаэробтықтар:

Peptococcus spp., Peptostreptococcus spp., Streptococcus spp., Propionibacterium spp., Clostridium perfringens, Fusobacterium spp., Bacteroides spp. (көптеген Bacteroides fragilis штаммдары төзімді).

Цефтазидим метицилинге төзімді стафилококктарға, Streptococcus faecalis және көптеген басқа энтерококктарға, Listeria monocytogenes, Campylobacter spp. және Clostridium difficile қарсы in vitro әсер етпейді.

Қолданылуы

Оған сезімтал микроорганизмдер туғызған жұқпаларды емдеу:

- пневмонияны қоса, тыныс алу жолдарының жұқпалары

- терінің және жұмсақ тіндердің жұқпалары, фурункулездер, пиодермия

- урогенитальді жолдың әрі аралас, әрі оқшауланған жұқпалары

- бактериялық септицемия

- сүйектер мен буындардың жұқпалары

- эндометриттерді қоса, гинекологиялық жұқпалар, әйелдің урогенитальді жолының жұқпалары

- перитониттер, көп микробты жұқпалар

- менингиттерді қоса, орталық жүйке жүйесінің жұқпалары

- біріктірілген антибиотиктермен емдеу: иммунитет тапшылығы бар емделушілердегі өмірге қауіпті жұқпаларда цефтазидимді басқа антибиотиктермен (мысалы, аминогликазидтермен, ванкомицинмен, клиндамицинмен) пайдалануға болады

Қолдану тәсілі және дозалары

Доза аурудың ауырлығына, жұқпаның сезімталдығына, орналасуына және типіне, сондай-ақ емделушінің жасына және бүйрек функциясына байланысты.

Ересектер.

Ересектерге арналған тәуліктік доза көктамырішілік немесе бұлшықетішілік инъекция жолымен 2-3 рет енгізілетін 1 г-ден 6 г-ге дейін құрайды.

Несеп-жыныс жолдарының жұқпалары және ауырлығы азырақ жұқпаларда: 500 мг - 1 г әр 12 сағат сайын.

Көпшілік жұқпалар: 1 г әр 8 сағат сайын немесе 2 г әр 12 сағат сайын.

Нейтропениясы бар емделушілерді қоса, әсіресе, иммунитет тапшылығы бар емделушілердегі өте ауыр жұқпалар: 2 г әр 8 немесе 12 сағат сайын немесе 3 г әр 12 сағат сайын.

Өкпенің көкіріңді жұқпасымен қосылған муковисцидоз: тәулігіне 3 рет енгізілетін 100-ден 150 мг/кг-ге дейін.

Бүйрек функциясы қалыпты ересектерде тәулігіне 9 г-ге дейінгі доза қолданылады.

Қуық асты безіне операциялық араласуларда алдын алу үшін қолданған кезде жансыздандыруды көтермелеу кезінде 1 г енгізген жөн. Екінші дозаны катетерді алып тастаған сәтте енгізеді.

Емшек еметін нәрестелер және 2 айдан асқан сәбилер.

Тәулігіне 2-3 қабылдауға 30-100 мг/кг. Иммунитет тапшылығы, муковисцидозы немесе менингиті бар балаларға тәулігіне 3 рет енгізілетін 150 мг/кг-ге дейінгі дозаны (тәулігіне ең жоғары 6 г) енгізу ұсынылады.

Жаңа туған нәрестелер (0-2 ай).

Тәулігіне 2 қабылдауға 25-60 мг/кг. Жаңа туған нәрестелерде цефтазидимнің қан сарысуынан жартылай шығарылу кезеңі, ересектердегіден гөрі, 3-4 есе ұзағырақ болуы мүмкін.

Егде жастағы емделушілер.

Жедел жұқпалары бар егде жастағы емделушілерде цефтазидим клиренсінің төмендеуі ескеріліп, әсіресе, 80 жастан асқан емделушілер үшін тәуліктік доза 3 г-ден аспауы тиіс.

Бүйрек функциясы бұзылған кезде дозалануы.

Цефтазидим бүйрекпен өзгеріссіз күйде шығарылады. Сондықтан бүйрек функциясы бұзылған емделушілер үшін дозаны азайту керек.

Бастапқы доза 1 г құрауы тиіс. Демеуші доза гломерулярлы сүзілу жылдамдығы негізінде белгіленуі тиіс.

Цефтазидимнің бүйрек жеткіліксіздігінде ұсынылатын демеуші дозалары

 

Ауыр жұқпалары бар емделушілерге бір реттік дозаны 50% арттыруға немесе, тиісінше, енгізу жиілігін ұлғайтуға болады. Мұндай емделушілерде сарысудағы цефтазидимнің 40 мг/л-ден асырылмайтын деңгейін бақылау ұсынылады.

Балаларда креатинин клиренсін дене беткейінің аумағына немесе дене салмағына қарай ретке келтіру керек.

Гемодиализ.

Цефтазидимнің қан сарысуынан жартылай шығарылу кезеңі гемодиализ кезінде 3-тен 5 сағатқа дейін құрайды.

Гемодиализдің әр сеансынан кейін цефтазидимнің ұсынылған демеуші дозасын енгізу керек (жоғарыда келтірілген кестені қара).

Перитонеальді диализ.

Цефтазидимді перитонеальді диализ кезінде әдеттегі режимде және ұзақ уақыттық амбулаторлық перитонеальді диализде қолдануға болады.

Көктамыр ішіне енгізуден басқа, цефтазидимді диализ сұйықтығына қосуға болады (2 л диализдік сұйықтыққа, әдетте, 125-тен 250 мг-ге дейін).

Қарқынды ем бөлімдерінде ұзақ уақыттық артериялық-көктамырлық гемодиализ немесе жылдамдығы жоғары гемофильтрация жүргізілетін бүйрек жеткіліксіздігі бар емделушілерде бір реттік доза түріндегі немесе бірнеше қабылдауға ұсынылатын доза тәулігіне 1 г құрайды. Жылдамдығы төмен гемофильтрация үшін бүйрек функциясы бұзылған кездегідей дозаны қолдану керек.

Көктамыр-көктамырлық гемофильтрация және көктамыр-көктамырлық гемодиализ жүргізілетін емделушілерде дозалау жөніндегі нұсқаулар кестелерде келтірілген.

Ұзақ уақыт көктамыр-көктамырлық гемофильтрация жүргізілетін емделушілерге арналған цефтазидимді дозалау жөніндегі нұсқаулар

*Ескерту. Демеуші доза әр 12 сағат сайын енгізілуі тиіс.

 

Ұзақ уақыт көктамыр-көктамырлық гемодиализ жүргізілетін емделушілерге арналған цефтазидимді дозалау жөніндегі нұсқаулар

* Ескерту. Демеуші доза әр 12 сағат сайын енгізілуі тиіс.

Енгізу.

Зацеф көктамыр ішіне немесе терең бұлшықетішілік инъекция арқылы енгізіледі. Бұлшықет ішіне енгізу үшін ұсынылатын бөліктер үлкен шонданай бұлшықетінің жоғарғы сыртқы квадрантына немесе санның латеральді бөлігі болып саналады.

Цефтазидим ерітінділерін, егер емделуші сұйықтықты парентеральді алатын болса, тікелей көктамырға немесе көктамырішілік инфузияларға арналған жүйеге енгізуге болады.

 Дайындау жөніндегі нұсқау.

*Ескерту. Ерітуді екі сатыда жүргізу керек (мәтінді қараңыз).

Зацеф кеңінен қолданылатын көктамыр ішіне енгізуге арналған ерітінділердің көпшілігімен үйлеседі. Бірақ инъекцияға арналған натрий бикарбонатын еріткіш ретінде қолдануға болмайды («Үйлесімсіздігін» қараңыз).

Ерітіндінің түсі концентрациясына, еріткішіне және сақтау шарттарына қарай ашық-сарыдан янтарь түске дейін құбылады. Ұсынымдары сақталса, препараттың әсер етуі оның бояуының өзгергіштігіне байланысты болмайды.

Зацеф 1 мг/мл-ден 40 мг/мл-ге дейінгі концентрацияларында мынадай ерітінділермен үйлесімді: 0,9% натрий хлориді ерітіндісі; М/6 натрий лактаты ерітіндісі; Гартман ерітіндісі; 5% глюкоза ерітіндісі; 5% глюкоза ерітіндісіндегі 0,225% натрий хлориді ерітіндісі; 5% глюкоза ерітіндісіндегі 0,45% натрий хлориді ерітіндісі; 5% глюкоза ерітіндісіндегі 0,9% натрий хлориді ерітіндісі; 4% глюкоза ерітіндісіндегі 0,18% натрий хлориді ерітіндісі; 10% глюкоза ерітіндісі; 0,9% натрий хлориді ерітіндісіндегі 10% декстран 40 ерітіндісі; 5% глюкоза ерітіндісіндегі 10% декстран 40 ерітіндісі; 0,9% натрий хлориді ерітіндісіндегі 6% декстран 70 ерітіндісі; 5% глюкоза ерітіндісіндегі 6% декстран 70 ерітіндісі.

Зацеф 0,05 мг/мл-ден 0,25 мг/мл-ге дейінгі концентрацияларында интраперитонеальді диализге арналған сұйықтықпен (лактатпен) үйлеседі.

Бұлшықет ішіне енгізу үшін Зацеф 0,5% немесе 1% лидокаин ерітіндісінде ерітіледі.

Екі препараттың да тиімділігі 4 мг/мл дозадағы цефтазидимді мынадай заттармен араластырғанда сақталады: 0,9% натрий хлориді ерітіндісіндегі немесе 0,5% глюкоза ерітіндісіндегі 1 мг/мл гидрокортизон (гидрокортизон натрий фосфаты); 0,9% натрий хлориді ерітіндісіндегі 3 мг/мл цефуроксим (натрий цефуроксимі); 0,9% натрий хлориді ерітіндісіндегі 4 мг/мл клоксациллин (натрий клоксациллині); 0,9% натрий хлориді ерітіндісіндегі 10 ХК/мл немесе 5 ХК/мл гепарин; 0,9% натрий хлориді ерітіндісіндегі 10 мэкв/л немесе 40 мэкв/л калий хлориді.

Бұлшықетішілік немесе көктамырішілік болюстік инъекцияға арналған ерітінділерді дайындау.

Еккіштің инесін құтының қақпағы арқылы тесіп кіргізіп, ұсынылған еріткіш көлемін енгізеді.

Еккіштің инесін суырып, құтыны мөлдір ерітінді алынғанша сілкілейді.

Құтыны төңкереді. Еккіш поршені толық енгізілген кезде құтыға инені орнатады. Еккішке бүкіл ерітіндіні тартып алады, бұл кезде ине үнемі ерітіндіде болуы тиіс.

Көктамырішілік инфузияға арналған ерітінділерді дайындау.

Еккіштің инесін құтының қақпағы арқылы тесіп кіргізіп, 10 мл еріткішті енгізеді.

Еккіштің инесін суырып, құтыны мөлдір ерітінді алынғанша сілкілейді.

Қысымды арттыру үшін ауаға арналған инені құтыға қақпағынан өткізіп орнатады.

Ауаға арналған инені суырмай тұрып, тағы 40 мл еріткіш қосады. Ауаға арналған инені суырып, құтыны сілкілеп, әдеттегі тәртіппен инфузияға арналған жүйені орнату керек.

Ескерту. Препараттың стерильділігін қамтамасыз ету үшін препарат ерігенше ауаға арналған инені орнатпау өте маңызды.

Жағымсыз әсерлері

- көктамыр ішіне енгізген кездегі флебит немесе тромбофлебит; бұлшықетішілік инъекция салған жердегі ауырсыну және/немесе қабыну

- дақты-папулезді бөртулер немесе есекжем, қызба, қышыну

- диарея, жүрек айну, құсу, іштің ауыруы

- кандидоз, вагинит

- бас ауыру, бас айналу, парестезиялар және дәм сезудің нашарлауы

- эозинофилия

- қан тобын анықтауға ықпал етуі мүмкін жалған оң Кумбс реакциясы

Өте сирек

- ангионевроздық ісіну және анафилаксия (соның ішінде бронх түйілуі және/немесе гипотензия), полиморфты эритема, Стивенс-Джонсон синдромы, уытты эпидермалық некролиз

- кандидозды стоматит және колит; басқа цефалоспориндерді қолданған кездегідей, колит Clostridium difficile-мен байланысты болуы және жалған жарғақшалы колит түрінде болуы мүмкін

- сарғаю

- тремор, миоклония, құрысулар, цефтазидим дозасы тиісінше азайтылмаған бүйрек жеткіліксіздігі бар емделушілердегі энцефалопатия мен кома

- гемолитикалық анемия

- бауырдың бір немесе бірнеше ферменттері (АЛТ, АСТ, ЛДГ, ГГТ, сілтілі фосфатаза) деңгейінің жоғарылауы, қан мочевинасы, қан мочевинасының азоты және/немесе қан сарысуындағы креатинин деңгейінің транзиторлы жоғарылауы

- гипопротромбинемия

- тромбоцитоз, лейкопения, нейтропения, агранулоцитоз, тромбоцитопения және лимфоцитоз

Қолдануға болмайтын жағдайлар

- цефтазидимге немесе препараттың кез келген басқа компонентіне аса жоғары сезімталдық

- басқа цефалоспоринді антибиотиктерге, пенициллиндерге аса жоғары сезімталдық

Сақтықпен қолданылады: бүйрек жеткіліксіздігінде, асқазан-ішек жолының ауруларында (соның ішінде сыртартқыдағы және спецификалық емес ойық жаралы колит), жүктілікте, лактация кезеңінде және жаңа туған нәрестелерде, «ілмекті» диуретиктермен және аминогликозидтермен біріктіргенде.

Дәрілермен өзара әрекеттесуі

Препараттың жоғары дозаларын нефроуытты препараттармен бір мезгілде қолдану бүйрек функциясына теріс әсер етуі мүмкін.

Хлорамфеникол in vitro цефтазидимнің және басқа цефалоспориндердің антагонисті болып табылады. Бұл құбылыстың клиникалық мәні белгісіз, дегенмен де, егер Зацефті хлорамфениколмен бір мезгілде қолдану ұсынылса, антагонизм мүмкіндігін есепке алу керек.

Үйлесімсіздігі.

Көктамыр ішіне енгізуге арналған басқа ерітінділерден гөрі, инъекцияға арналған натрий бикарбонатының ерітіндісінде Зацеф тұрақтылығы аз, сондықтан ол еріткіш ретінде ұсынылмайды.

Цефтазидим мен аминогликозидтерді бір инфузиялық жүйеде немесе еккіште араластыруға болмайды.

Егер цефтазидим ерітіндісіне ванкомицин қосылса, шөгінді түзілуі мүмкін. Сондықтан осы екі препаратты пайдалану арасында инфузиялық жүйелерді және көктамырішілік катетерлерді жуып-шаю ұсынылады.

Айрықша нұсқаулар

Емдеу басталғанша емделушінің сыртартқысында цефтазидимге, цефалоспориндерге, пенициллиндерге немесе басқа дәрілерге аса жоғары сезімталдық реакциясының бар-жоғын анықтау керек.

Цефтазидимді сыртартқысында пенициллиндерге немесе басқа бета-лактамды антибиотиктерге аллергиялық реакциясы болған емделушілерге ерекше сақтықпен тағайындау керек. Цефтазидимге аллергиялық реакция болған жағдайда препаратты қолдануды дереу тоқтату қажет. Ауыр аса жоғары сезімталдық реакцияларында адреналин, гидрокортизон, гистаминге қарсы препараттар және басқа шұғыл жәрдем дәрілерін қолдану қажет болады.

Цефалоспориндердің жоғары дозаларымен және аминогликозидтер немесе белсенділігі жоғары диуретиктер (мысалы, фуросемид) сияқты нефроуытты препараттармен бір мезгілде емдеу бүйрек функциясына қолайсыз әсер етуі мүмкін. Ұсынылған дозалануын сақтағанда бұл құбылыстың ықтималдығы аз. Әдеттегі емдік дозаларында цефтазидимнің бүйрек функциясына қолайсыз әсер етуі жөнінде деректер жоқ.

Цефтазидим бүйрекпен шығарылады, сондықтан дозаны бүйректің зақымдану дәрежесіне қарай азайту керек. Егер доза тиісінше азайтылмаса, неврологиялық асқынулар болуы мүмкін.

Препаратты жаңа туған нәрестелерді емдегенде сақтықпен қолдану керек.

Әсер ету ауқымы кең басқа антибиотиктерді қолданған кездегідей, Зацефпен ұзақ уақыт емдеу сезімтал емес микроорганизмдердің (мысалы, Candida, Enterococci) шамадан тыс өсуіне әкелуі мүмкін; бұл жағдайда емдеуді тоқтату немесе басқа қажетті шараларды қабылдау қажеттілігі туындайды. Науқас ахуалын үнемі бақылауға алу өте маңызды.

Әсер ету ауқымы кең цефалоспориндер мен пенициллиндерді қолданған кездегідей, кейбір бұрыннан сезімтал Enterobacter spp. және Serratia spp. штамдары цефтазидиммен емдеу кезінде төзімді болып қалуы мүмкін. Мұндай жағдайларда сезімталдыққа ауық-ауық зерттеу жүргізу қажет.

Цефтазидим энзим әдістерімен глюкозурияны айқындау нәтижелеріне ықпал етпейді, дегенмен де, мысты қалпына келтіру әдістерін (Бенедикт, Фелинг, Клинитест) қолданған кезде талдау нәтижелеріне мардымсыз әсері байқалады.

Цефтазидим креатининді анықтаудың сілтілі-пикратты әдісіне ықпал етпейді.

Жүктілік және лактация

Цефтазидимді жүктілік (әсіресе, бірінші триместр) және лактация кезеңінде қолдану тек емдік тиімділігі препараттың ұрық пен сәбиге болжамды теріс әсерінен артық болатын жағдайларда ғана көрсетілген.

Педиатрияда пайдаланылуы

Препаратты жаңа туған нәрестелерде абайлап қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зерттелмеген, дегенмен, дәрілік заттың жағымсыз әсерлерін ескере отырып, препаратты емделушілердің осы санатына сақтықпен тағайындау керек.

Артық дозалануы

Симптомдары: энцефалопатия, құрысулар және кома сияқты неврологиялық асқынулар.

Емі: симптоматикалық.

Шығарылу түрі және қаптамасы

1 г-ден сыйымдылығы 10 мл немесе 20 мл құтыда. 5 құтыдан кассетада. 1 кассетадан медициналық қолдану жөніндегі мемлекеттік және орыс тілдеріндегі нұсқаулықпен бірге картон пеналда.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы.

Өндіруші

«Борщагов химия-фармацевтикалық зауыты» Ғылыми-өндірістік орталығы» жариялы акционерлік қоғамы.

03134, Украина, Киев қ., Мир к-сі, 17.

Тіркеу куәлігінің иесі

«Борщагов химия-фармацевтикалық зауыты» Ғылыми-өндірістік орталығы» жариялы акционерлік қоғамы, Украина

Қазақстан Республикасы аумағында өнім (тауар) сапасына қатысты шағымдар қабылдайтын ұйымның мекенжайы

«Борщагов химия-фармацевтикалық зауыты» Ғылыми-өндірістік орталығы» жариялы акционерлік қоғамының Қазақстан Республикасындағы өкілдігі

050063, Алматы қ., Әуезов ауданы, «Жетісу-3» ықш., үй 25, кеңсе 27

Факс: +7(272) 313-23-34; E-mail: vadimt58@list.ru