Езафосфина
Инструкция
-
русский
-
қазақша
Саудалық атауы
Езафосфина
Халықаралық патенттелмеген атауы
Фосфруктоза
Дәрілік түрі
Көктамыр ішіне енгізу үшін ерітінді дайындауға арналған 0,5 г лиофилизацияланған ұнтақ, еріткішпен – инъекцияға арналған стерильді 10 мл сумен жиынтықта
Құрамы
Бір құтының ішінде
белсенді зат: 0,375 г D-фруктозо-1,6-дифосфат қышқылына сәйкес келетін 0,5 г D-фруктозо-1,6-дифосфаты натрий тұзы.
еріткіш: 10 мл стерильді инъекцияға арналған су
Сипаттамасы
Өзіне тән иісі мен тұзды дәмі бар ақ немесе ақшыл-сары түсті ұнтақ. Қалпына келтірілген ерітінді – мөлдір түссіз немесе ақшыл сары түсті сұйықтық
Фармакотерапиялық тобы
Жүрек ауруларын емдеуге арналған басқа да препараттар. Басқа да кардиотоникалық препараттар. Фруктоза 1,6 дифосфат
АТХ коды С01ЕВ07
Фармакологиялық қасиеттері
Фармакокинетикасы
250 мг/кг дозада көктамыр ішіне енгізу аяқталған соң 5 минуттан кейін қан плазмасын препараттың концентрациясы 770 мл/л құрайды. Препарат концентрациясының екі есе төмендеуі плазмада 10-нан 15 мин дейін ауытқып тұрады. Ерітіндіні енгізгеннен кейін 8 минуттан соң D-фруктозо-1,6-дифосфатының мөлшері қан плазмасында анықталмаған. Препараттың плазмадан толық жоғалып кетуі оның экстраваскулярлық кеңістікке түсуімен және эритроцитарлық жарғақша мен плазмада болатын фосфатазалар және басқа да энзимдер белсенділігінің арқасында монофосфаттарға, триозофосфат және органикалық емес фосфатқа дейінгі жылдам метаболизммен қамтамасыз етіледі.
Фармакодинамикасы
Фосфат жасушаішілік сұйықтықтардың құрамында басты анион болып табылады. Ол плазмада екі түрде – органикалық және бейорганикалық –фосфолипидтер компоненті, ферменттер мен нуклеин қышқылдарының кофакторы ретінде болады.
Фосфат макроэргиялық байланыс пайда болуына (аденозинтрифосфат), оттегінің тіндерге берілуіне (2,3 – дифосфоглицерат), гликолизді реттеуге, плазма мен несепте рН деңгейін ұстап тұруға қатысатындықтан физиологиялық үдерістер қатарында негізгі рөлді атқарады.
Ересек адамдарда фосфат деңгейінің қалыпты көрсеткіші 0,8-ден 1,5 ммоль/л дейін.
Гипофосфатемия әрқилы клиникалық, мәселен, маскүнемдік және алкогольдік абстинентті синдром, фосфатбайланыстырғыш антацидтерді ұзақ уақыт қабылдау, ауыр және ауқымды күюлер, диабеттік кетоацидоз, респираторлық алкалоз, операциялық араласудан кейін қалпына келу, парақалқанша бездері гиперфункциясы, D витамині тапшылығы сияқты төтенше (гемотрансфузия, экстракорпоральді қан айналымы), әрі созылмалы жағдайларда жиі кездеседі.
Фосфатты қабылдау өкпенің созылмалы обструктивтік аурулары және гипофосфатемиямен заттарды жеткіліксіз қабылдау салдарынан туындайтын респираторлық жеткіліксіздігі бар науқастарда тыныс алу бұлшықеттерінің бұлшықет функциясын жақсартады.
Гипофосфатемияның ауыр оқиғалары, сондай-ақ фосфаттың талапқа сай түспеуі жағдайында парентеральді қорек алатын емделушілерде жиі туындайды.
Парестезия, бұлшықеттік гипотония және асқын желдету сияқты гипофосфатемияның клиникалық белгілері, әсіресе фосфаттың ауыр жеткіліксіздігі жағдайында байқалады. Сондай-ақ айқын клиникалық белгілері болмағанда фосфат тапшылығы салдарынан кейбір метаболикалық функциялардың бұзылуы жүруі мүмкін. Зерттеулер сонымен қатар, парентеральді қоректену кезінде амин қышқылдары мен көмірсудың дұрыс қорытылуы үшін фосфордың тиісінше қорытылуы маңызды фактор болып табылатындығын көрсеткен. Зат алмасуды көтермелейтін D-фруктозо-1,6-дифосфат сияқты органикалық фосфаттарды қабылдау плазмада фосфаттың физиологиялық деңгейінің жылдам қалпына келуін мүмкін етеді. D-фруктозо-1,6-дифосфат фармакологиялық дозаларда жасушалық жарғақшамен өзара әрекеттеседі, айналымдағы калийдің жасушалық сіңуіне ықпал етеді және жоғары энергетикалық жасушаішілік фосфатты пул мен 2,3-дифосфоглицерат құралуын көтермелейді.
Толық парентеральді қоректенуге арналған қоспаларда D-фруктозо-1,6-дифосфатының катиондармен, әсіресе кальций иондарымен үйлесімділігі бейорганикалық фосфатқа қарағанда анағұрлым жақсы.
Қолданылуы
- Клиникалық дәлелденген гипофосфатемияда
Қолдану тәсілі мен дозалары
Езафосфина ерітіндісін көктамыр ішіне, 1 минутта 10 мл ерітіндіден аспайтын жылдамдықпен енгізеді.
Ерітіндіні дайындау: лиофилизацияланған ұнтақты құтыдағы 10 мл дистилляцияланған суда ерітеді.
Ұсынылатын бір реттік доза аурудың ауырлығына байланысты дене салмағына 70 мг/кг-ден 160 мг/кг дейінді (күніне 5 г 1-2 құты) құрайды.
Фосфордың артық мөлшері жинақталуын болдырмас үшін, доза гипофосфатемияның ауырлық дәрежесіне байланысты таңдалады. Толық парентеральді қоректенуге көшірілген науқастар үшін дозасы тәуліктік дозаның ұсынылатын мөлшеріне байланысты анықталады. Ең аз дозаны қабылдаған кезде ЕЗАФОСФИНА 0,5 г/10 мл қолдануға болады.
Ұсынылатын дозадан асыруға болмайды.
Ерінді (дайындалғаны да, қолдануға дайыны да) бір қабылдаумен пайдаланылуы тиіс. Ерітіндіні дайындағаннан кейін бірден пайдалану қажет. Болуы мүмкін қалдығы пайдаланылмайды.
Жағымсыз әсерлері
Өте сирек
- гиперфосфатемия (теңдестірілмеген дозаларында)
- ауырлық дәрежесі әртүрлі, анафилактикалық шокқа дейінгі аллергиялық реакциялар
Болуы мүмкін
- тері жабындарының қызаруы, жүрек қағысының жиілеуі, аяқ-қолдардың ұюы (препаратты минутына 10 мл артық жылдамдықта енгізген жағдайда)
- қызба реакциялары, инъекция орнына жұқпа жұқтыру, енгізген жердің ауыруы, терінің тітіркенуі, тромбоздар, флебиттер (экстравазация кезінде)
Қолдануға болмайтын жағдайлар
- препаратқа жоғары сезімталдық
- тұқым қуалайтын фруктозаны көтере алмаушылық
- гиперфосфатемия
- бүйрек жеткіліксіздігі
- 18 жасқа дейінгі балалар мен жасөспірімдер (тиімділігі мен қауіпсіздігі анықталмаған)
- жүктілік және лактация кезеңі (тиімділігі мен қауіпсіздігі туралы мәліметтер жоқ болғандықтан)
Дәрілермен өзара әрекеттесуі
Фармакологиялық өзара әрекеттесу жағдайлары белгісіз. Препаратты рН 5,5 кезінде немесе кальцийдің сілтілік ерітінділерімен ерітілген дәрілермен бірге пайдалануға болмайды. Басқа да препараттармен үйлесімділігіне зерттеу жүргізілмегендіктен, Езафосфина препаратын басқа препараттармен араластыруға болмайды.
Айрықша нұсқаулар
Инфузия кезіндегі экстравазация ауыруы мен жергілікті тітіркенуді туғызуы мүмкін.
Емдеу кезінде плазмадағы электролиттер деңгейін бақылауға алу қажет. Креатинин клиренсі минутына 50 мл аз емделушілерде плазма фосфаттарының деңгейін бақылауға алу және қажет болған жағдайда, дәрілік заттың дозасын азайту ұсынылады.
Егер ерітінді мүлдем мөлдір болмаса, ол пайдаланылмауы тиіс.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Көлік құралын немесе қауіптілігі зор механизмдерді басқаруда сақ болу керек.
Артық дозалануы
Артық дозалану жағдайлары белгісіз.
Симптомдары: препаратты дозаларының жоғарғы ауқымында пайдаланғанда қандағы фосфаттар деңгейін бақылауға алу ұсынылады және гиперфосфатемия белгілері пайда болса, препараттың дозасын төмендету ұсынылады.
Емі: симптоматикалық.
Шығарылу түрі мен қаптамасы
0,5 г препараттан резеңке тығынмен тығындалған және алюминий қалпақшамен қаусырылған мөлдір шыны құтыға салады.
10 мл еріткіштен ампулада.
Құтыға өздігінен желімделетін заттаңба жапсырылады.
Препараты бар 4 құты еріткіштің 4 ампуласымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шаттары
Рецепт арқылы
Өндіруші
Biomedica Foscama Group S. p. A
Via Morolense, 87 03013 Ferentino (FR)
Италия
Тіркеу куәлігінің иесі
Biomedica Foscama Group S. p. A
Via Morolense, 87 03013 Ferentino (FR)
Италия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Биофармед ЖШС
Қазақстан Республикасы, 050013, Алматы қ., Бұхар жырау к-сі 27/5, 275 пәтер
Телефон нөмірі: +7 727 337 58 97
Факс нөмірі: +7 727 337 58 97
Электронды поштасы: s.sitnikova@biofarmed.kz