Дюфалак® для Мамы и Малыша (Лактулоза)

Дюфалак® Ана мен Балаға

Лактулоза

Дәрілік түрі, дозалануы

Шәрбат 667 г/л

Ас қорыту жолы және зат алмасу. Іш қатуды емдеуге арналған препараттар. Осмоcтық іш жүргізетіндер. Лактулоза

АТХ коды А06АD11

• іш қатуда (жуан ішектің физиологиялық ырғағын реттеу)

• медициналық мақсатта нәжістің жұмсаруын қажет ететін жағдайларда (геморрой, тоқ ішек және перианалды аумаққа жасалған операциядан кейінгі жағдайлар)

Қолдануды бастағанға дейін қажетті мәліметтер тізбесі

• лактулозаға немесе қосымша заттардың кез келгеніне аса жоғары сезімталдық

• галактоземия

• асқазан-ішектің обструкциясы, ішектің тесілуі немесе тесілу қаупінің болуы (мысалы, ойық жара колиті, Крон ауруы сияқты ішектің жедел қабыну аурулары)

• тұқым қуалайтын галактоза немесе фруктоза жақпаушылығы, Lapp-лактаза ферменті тапшылығы, глюкоза-галактоза мальабсорбциясы

Басқа дәрілік препараттармен өзара әрекеттесуі

Егер сіз басқа препараттарды бұрын қабылдасаңыз немесе қабылдап жатсаңыз немесе қабылдау мүмкін болатынын туралы дәрігеріңізге немесе фармацевтке хабарлаңыз.

Лактулоза басқа препараттар (мысалы, тиазидтер, кортикостероидтар және амфотерицин В) туындатқан калийдің жоғалуын арттыруы мүмкін. Жүрек гликозидтерімен бір мезгілде қабылдау калий тапшылығымен  байланысты гликозидтердің әсерін күшейтуі мүмкін.

Арнайы ескертулер

- емдеу басталғанға дейін іштің белгісіз ауыру симптомдарында

- бірнеше күн емдеуден кейінгі жеткіліксіз терапиялық әсерде.

Әдетте іш қату кезінде пайдаланылатын доза қант диабеті бар науқастар үшін проблема болмауы тиіс. Түзетілмеген дозаны ұзақ қабылдау және препаратты дұрыс қолданбау диареяға және электролиттік теңгерімнің бұзылуына әкеп соғады.

Дюфалак® Ана мен Балаға препаратының құрамында лактоза, галактоза және аз мөлшерде фруктоза бар. Сондықтан галактозаны немесе фруктозаны жақпаушылығы, лактаза тапшылығы синдромы немесе глюкоза-галактоза мальабсорбциясы синдромы сияқты сирек тұқым қуалайтын аурулармен зардап шегетін пациенттерге препаратты қабылдауға болмайды. Дюфалак® Ана мен Балаға препаратында өндіріс үдерісінде түзілетін сульфит іздері болуы мүмкін. Сирек жағдайларда сульфиттер аса жоғары сезімталдықтың ауыр реакцияларын, соның ішінде бронх түйілуін дамытуы мүмкін.

Гастрокардиальді синдромы (Ремхельд синдромы) бар пациенттер лактулозаны тек дәрігердің кеңесінен кейін ғана қолдану керек. Егер мұндай пациенттерде лактулозаны қабылдағаннан кейін  метеоризм немесе іштің кебуі сияқты симптомдар пайда болса дозаны азайту немесе емдеуді тоқтату керек.

Балалар

Балаларды емдеу кезінде іш жүргізетін дәрілер ерекше жағдайларда және дәрігердің бақылауымен қолданылуы керек.

Емдеу кезінде нәжіс шығару рефлексінің бұзылуы орын алуы мүмкіндігін ескерген жөн.

Дюфалак® Ана мен Балаға препаратын балаларда қолдануға болады.

Жүктілік кезінде

Дюфалак® Ана мен Балаға препаратты жүктілік кезінде қабылдағанда, лактулозаның жүйелі әсерінің айтарлықтай болмауына байланысты шаранаға әсер етпейді деп болжанады. Дюфалак ® Ана мен Балаға препаратын жүкті әйелдерге пайдалануға болады.

Лактация

Дюфалак® Ана мен Балаға препаратты бала емізу кезінде қабылдағанда лактулозаның жүйелі әсерінің айтарлықтай болмауына байланысты нәрестеге әсер етпейді деп болжанады.

Дюфалак® Ана мен Балаға препаратын бала емізетін әйелдерге қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дюфалак® Ана мен Балаға препарат көлік және қауіптілігі зор механизмдерді басқару қабілетіне әсер етпейді немесе елеусіз әсері бар.

Қолдану жөніндегі нұсқаулар

Дозалау режимі

Дюфалак® Ана мен Балаға препаратын,  ішуге арналған шәрбатын ішке сұйылтып немесе сұйылтпай  қабылдауға болады. Бір реттік дозаны ауызда ұзақ ұстап тұрмай, бірден жұту керек.

Егер препаратты бір рет қабылдау ұсынылған болса, онда тәуліктік дозаны бір мезгілде, мысалы таңертеңгі ас ішу кезінде қабылдау керек. Іш жүргізетіндерді қабылдау кезінде сұйықтықтың жеткілікті 1.5-2.0 л дейін мөлшерін  немесе күніне 6-8 стақан суды ішу ұсынылады.

Дюфалак® Ана мен Балаға препаратын дозалау үшін өлшеуіш қалпақшасын пайдалануға болады.

Іш қатуларды емдеу және медициналық мақсатта нәжісті жібіту үшін

Дюфалак Ана мен Балаға препаратының тәуліктік дозасын бір рет қабылдауға немесе екі қабылдауға бөлуге болады. Емді бастағаннан кейін бірнеше күннен соң бастапқы доза емдік әсеріне байланысты демеуші дозаға дейін түзетілуі керек. Емдік әсерін дамыту үшін 2-3 күн қажет болуы мүмкін.

Енгізу әдісі мен жолы

Құтыдағыны ішке қабылдау үшін:

Егде жастағы пациенттер және бүйрек немесе бауыр жеткіліксіздігі бар пациенттер

Дозалануына қатысты арнайы ұсыныстар жоқ, өйткені лактулозаның жүйелі әсері  мардымсыз.

Артық дозаланған жағдайда қабылдануы тиіс шаралар

Егер доза тым жоғары болса, мыналар орын алуы мүмкін:

Симптомдары: іштің ауыруы және диарея.

Емі: препаратты қабылдауды тоқтату немесе дозасын төмендету. Диарея немесе құсудың нәтижесінде сұйықтықты көп жоғалту электролиттік теңгерімді түзетуді қажет етуі мүмкін.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Әрқашан препаратты осы қосымша параққа немесе емдеуші дәрігер мен дәріхана қызметкерінің ұсыныстарына сәйкес қабылдаңыз. Күдік болған жағдайда емдеуші дәрігермен немесе дәріхана қызметкерімен кеңесіңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар.

Дюфалак® Ана мен Балаға препараты жағымсыз реакцияларды тудыруы мүмкін, бірақ олардың көрінісі әркімде туындамауы мүмкін.

Қолданудың алғашқы күндері метеоризм болуы мүмкін. Әдетте, ол бірнеше күннен соң өтеді. Нұсқаулықта ұсынылғаннан жоғары дозаларда, іштің ауыруы және диарея дамуы мүмкін. Мұндай жағдайларда дозаны төмендету қажет.

Өте жиі

- диарея

Жиі

- метеоризм, іштің ауыруы, жүрек айнуы, құсу

Жиі емес

- диарея салдарынан электролиттік теңгерімнің бұзылуы

Жиілігі белгісіз

- аса жоғары сезімталдық

- бөртпе, терінің қышынуы, есекжем, эритема

Препаратты балаларға қолданғанда ересектермен салыстырғанда қауіпсіздіктің ұқсас бейіні күтіледі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір құтының ішінде

белсенді зат - сұйық лактулоза 667 г/л – 99.9%

қосымша зат – қара өрік хош иістендіргіші*

* табиғи қара өрік хош иістендіргіші

Тектес қанттардың (лактоза, галактоза, апилактоза, тагатоза, фруктоза) ең аз мөлшері болуы мүмкін

Сыртқы түрінің, иісінің, дәмінің сипаттамасы

Түссізден қоңыр-сары түске дейін мөлдір тұтқыр сұйықтық.

Шығарылу түрі және қаптамасы

200 мл және 500 мл препараттан полипропиленнен жасалған бұралып жабылатын қақпағы бар тығыздығы жоғары полиэтиленнен жасалған құтыларға құйылған. Қақпақтың үстіне полипропиленнен жасалған өлшеуіш қалпақша кигізіледі. Құтыға медициналық қолдану жөніндегі қазақ және орыс тіліндегі нұсқаулығы бар  заттаңба жапсырады.

3 жыл

Сақтау шарттары сақталған жағдайда жарамдылық мерзімі ішінде құтыны ашқаннан кейін түпнұсқалық қаптамада болады.

25 °С-ден аспайтын температурада сақтау керек

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Эбботт Байоложикалз Б.В., Нидерланды

Веервег 12, Ольст, 8121 АА

тел.: +31881205000

факс: + 31881205001

e-mail: pv.qppv@abbott.com)

Тіркеу куәлігінің ұстаушысы

Эбботт Хелскеа Продактс Б.В., Веесп, Нидерланды

C.J. van Houtenlaan 36, 1381 CP Weesp, Нидерланды.

тел.: +31(0)294-477000 

факс: +31(0)294-480253

e-mail: pv.qppv@abbott.com)

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абботт Қазақстан» ЖШС

050060 Қазақстан Республикасы, Алматы қ.,

Еділ Ерғожин к-сі, 1 үй 90 кеңсе

Тел.: +7 727 244 75 44

e-mail: pv.kazakhstan@abbott.com