Дюрофлам Актив ягода

Дюрофлам Актив жидек

---

Дәрілік түрі, дозалануы

Мұз кәмпиттер

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды: R02AA20

Дәрілік препарат (ДП) ересектерде қолдануға арналған:

- ауыз-қуысының және тамақтың жеңіл инфекциялары мен ауырсынуын симптоматикалық жеңілдету үшін;

- тонзиллит және фарингит сияқты тамақ инфекциялары кезінде ауырсынуды және жайсыздықты жеңілдету үшін.

Қолдану басталғанға дейін танысу қажет мәліметтер тізбесі

• әсер етуші заттарға немесе кез-келген қосымша заттарға аса жоғары сезімталдық

• 18 жасқа дейінгі балалар мен жасөспірімдер

• тұқым қуалайтын фруктоза жақпаушылығы бар адамдар

Қолдану кезіндегі қажетті сақтандыру шаралары- Лидокаинді гиповолемиясы, жүрек блокадасы немесе өткізгіштігінің басқа бұзылулары бар пациенттерге тағайындамау керек, сондай-ақ оны іркілісті жүрек жеткіліксіздігі, брадикардиясы немесе тыныс алуының тежелуі бар пациенттерде сақтықпен қолдану керек.

- Лидокаин бауырда метаболизденеді және оны бауыр қызметі бұзылған пациенттерге сақтықпен тағайындау керек. Лидокаиннің плазмадан жартылай шығарылу кезеңі жүрек жеткіліксіздігі және қан айналымының жеткіліксіздігі сияқты бауыр қан ағымын төмендететін жағдайларда ұзартылуы мүмкін.

- Лидокаин метаболиттері бүйрек жеткіліксіздігі бар пациенттерде жинақталуы мүмкін.

- Лидокаин порфириямен ауыратын науқастар үшін қауіпті деп саналады.

- Бұл препаратта бензидаминнің болуына байланысты оны бүйрек жеткіліксіздігінен зардап шегетін науқастарға қолдануға болмайды.

Басқа дәрілік препараттармен өзара әрекеттесуі

- Лидокаин клиренсі пропранолол мен циметидинмен азайтылуы мүмкін.

- Фенитоин немесе барбитураттар сияқты дәрілерді ұзақ пайдалану препаратты метаболиздейтін микросомалдық ферменттердің индуциялануына байланысты лидокаин дозасына қойылатын талаптарды арттыруы мүмкін.

- Фенитоин сондай-ақ плазмадағы қышқыл гликопротеиннің а-1 концентрациясын арттыруы және сол арқылы плазмадағы лидокаиннің бос фракциясын төмендетуі мүмкін.

- Лидокаин концентрациясының плазмадағы айтарлықтай артуы пропранолололмен және басқа бета-адреноблокаторлармен плазмадан лидокаин клиренсінің төмендеуі салдарынан болды.

Арнайы сақтандырулар

Жүктілік және лактация кезеңі

Жүктілік және емшекпен емізу кезінде мұз кәмпиттерді пайдалану қауіпсіздігі анықталған жоқ. Осылайша, бұл мұз кәмпиттер жүктілік немесе емшекпен емізу кезінде тек дәрігердің ұсынысы бойынша ғана қолданылуы керек.

Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері

Жағымсыз әсерлер анықталған жоқ.

Қолдану жөніндегі нұсқаулар

Дозалану режимі

Мұз кәмпиттерді шайнауға болмайды. Олар ауызда баяу еруі керек. Бір мұз кәмпитті әрбір 2-3 сағат сайын баяу сору керек, бірақ күніне 8 мұз кәмпиттен артық қолдануға болмайды. Үздіксіз емдеу жеті күннен аспауы керек.

Ересектер үшін: әр 2-3 сағат сайын бір мұз кәмпиттен.

Тәуліктік доза 8 мұз кәмпиттен аспауы керек.

Қолдану тәсілі мен жолы

Пероральды қолдануға арналған. Мұз кәмпитті ауыз қуысында баяу еріту керек. Барлық мұз кәмпиттер сияқты, ауыз қуысының шырышты қабығын тітіркендірмеу үшін, сорған кезде мұз кәмпитті аузыңызда жылжытыңыз.

Артық дозалану жағдайында қабылдау қажет болатын шаралар Лидокаинмен уланудың ең ауыр салдары орталық жүйке жүйкесіне (ОЖЖ) және жүрек-қан тамырлары жүйесінде байқалады, ал артық дозалануы ауыр гипотонияға, асистолияға, брадикардияға, апноэге, құрысуға, комаға, жүректің тоқтауына және тыныс алудың тоқтауына әкелуі мүмкін. Жергілікті қолдануға арналған ерітінділерді қабылдағаннан кейін және ауызда тұтқыр препараттарды қолданғаннан кейін ОЖЖ-ға әсер ету және балалар мен ересектерде құрысудың пайда болуы туралы хабарланды. Препаратпен кездейсоқ артық дозаланғанда демеуші және симптоматикалық ем қолдану керек.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар

Дәрілік препаратты қабылдамас бұрын дәрігермен немесе фармацевтпен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Бензидамин:

Жиі (≥1/100, <1/10)

• ауыз және тілдің шырышты қабығының ұюы мен шаншуы

Жиі емес (≥1/1000, <1/100)

• жарыққа сезімталдық

• бронх түйілуі

• есекжем

Лидокаин:

Жиі (≥1/100, <1/10)

• дерматит

• ашытып күйдіру

• қышу, шаншу, ауырсыну

• бөртпе

• есекжем

• ісіну

Жиі емес (≥1/1000, <1/100)

• жарыққа сезімталдық

• бронх түйілуі

• мазасыздық

• қозу

• ашушаңдық

• бас айналуы

• құлақтағы шу

• көрудің бұлыңғырлануы

• жүректің айнуы

• құсу

Сирек (≥1/10 000, <1/1000)

• метгемоглобинемия

• респираторлық дистресс

• цианоз

• гипотония

• брадикардия.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір мұз кәмпит құрамында:

белсенді заттар – бензидамин гидрохлориді 3,0 мг

2,4-дихлорбензил спирті 1,2 мг

лидокаин гидрохлориді 4,0 мг

қосымша заттар: сукралоза, изомальт М типі, сусыз лимон қышқылы, патенттелген көк V (Е131), кармуазин 196969 (Е122), таңқурай хош иістендіргіші 580004А.

Сыртқы түрінің, иісінің, дәмінің сипаттамасы

Дөңгелек пішінді, жалпақ, қызылдан күлгін түске дейін, бөлу сызығы бар мұз кәмпиттер

Шығарылу түрі және қаптамасы

8 мұз кәмпиттен поливинилиденхлоридпен қапталған, ламинатталған полиэтиленмен қапталған поливинилхлоридті үлбірден және алюминий фольгадан жасалған пішінді ұяшықты қаптамаға салынады.

Пішінді ұяшықты 2 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

25ºС-ден төмен температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Makson Healthcare Pvt. Ltd. Үндістан

Plot No-6A, Sector-D, Industrial Area Мандидип Dist. Raisen (M.P.)

462046, Үндістан

Тел.: +91-7480-233476 

Эл. пошта: info@maksongroup.com

Тіркеу куәлігінің ұстаушысы

Mapaex Consumer Healthcare Private Limited 

E-7, HIG-500, Arera Colony, Бхопал (M.P.)

462016, Үндістан

Тел.: +91-7480-233476 

Эл. пошта: info@maksongroup.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС

Қазақстан, Алматы қаласы, Әуезов ауданы, Мамыр-1 ықшам ауданы, 29 үй, 159 пәтер, пошта индексі 050036

Тел.: +7 727 313 12 07

Эл. пошта: info@registrarius.org

Веб-сайты: www.registrarius.org