Достинекс®

• русский
• қазақша

• Скачать инструкцию медикамента

Саудалық атауы

Достинекс®

Халықаралық патенттелмеген атауы

Каберголин

Дәрілік түрі

0,5 мг таблеткалар

Құрамы

Бір таблетканың құрамында

белсенді зат – 0,5 мг каберголин;

қосымша заттар: сусыз лактоза, лейцин.

Сипаттамасы

Ақ түсті, беті жалпақ, сопақша пішінді, бір жақ бетінде сызықпен бөлінген «Р» және «U» таңбалары бар және басқа жағында ортадағы «0» санының жоғарғы және төменгі бөлігінде қысқа кертігі бар, «700» саны жазылған таблеткалар.

Фармакотерапиялық тобы

Гинекологиялық ауруларды емдеуге арналған басқа да препараттар.

Пролактин секрециясының тежегіштері.

Каберголин

АТХ коды G02CB03

Фармакологиялық қасиеттері

Фармакокинетикасы

Каберголин асқазан-ішек жолынан тез сіңеді, қан плазмасында ең жоғары концентрацияға 0,5 - 4 сағаттан соң жетеді, қан плазмасы ақуыздарымен байланысы 41 – 42% құрайды. Каберголиннің несеппен бірге шығарылу жылдамдығымен баға берілетін жартылай шығарылу кезеңі дені сау ересек еріктілерде 63 - 68 сағатты және гиперпролактинемиясы бар емделушілерде 79 - 115 сағатты құрайды. Жартылай шығарылу кезеңінің ұзақ болуы салдарынан тепе-тең концентрация жағдайына 4 аптадан соң жетеді. Препаратты қабылдағаннан кейін 10 күннен соң, қабылданған дозаның 18% және 72%-ы тиісінше несептен және нәжістен табылады, сонымен қатар өзгеріске ұшырамаған препараттың несептегі үлесі 2 – 3% құрайды. Несепте иденфикацияланған каберголиннің негізгі өнімі қабылданған дозаның 4 - 6%-на дейінгі концентрацияда болатын 6-аллил-8β-карбокси-эрголин. Несептегі 3 қосымша метаболит мөлшері қабылданған дозаның 3%-нан аспайды. Метаболизм өнімдерінің пролактиннің секрециясын басуға қатысты әсері каберголинмен салыстырғанда едәуір аз болатыны анықталды. Радиоактивті таңбамен белгілен каберголиннің биотрансформациясы дені сау еріктілерде зерттелген, бұл кезде ол жылдам және айтарлықтай болды.

in vitro тәжірибелері көрсеткендей, каберголин 0,1–10 нг/мл концентрацияларда қан плазмасының ақуыздарымен 41–42 %-ға байланысты.

Ас қабылдау каберголиннің сіңуіне және таралуына әсер етпейді.

Фармакодинамикасы

Достинекс® эрголиннің дофаминергиялық туындысы болып табылады және гипофиздің лактотроптық жасушаларының D2-дофаминдік рецепторларының тікелей стимуляциясымен пролактинді төмендететін әсерімен сипатталады. Бұдан басқа, қан сарысуында пролактин деңгейін төмендететін осындайлармен салыстырғанда, өте жоғары дозаларда қабылдағанда, D2–рецепторлардың стимуляциясы салдарынан, Достинекс® орталық дофаминергиялық әсерге ие болады.

Қан плазмасында пролактин концентрациясының төмендеуі препаратты

қабылдағаннан кейін 3 сағат ішінде білінеді және дені сау ерікті адамдарда және гиперпролактинемиясы бар емделушілерде 7-28 күн бойы, және әйелдерде босанғаннан кейінгі кезеңде 14-21 күнге дейін сақталады.

Достинекстің® қатаң іріктегіш әсері бар, гипофиздің басқа гормондарының және кортизолдың негізгі секрециясына ықпалын тигізбейді. Препараттың пролактинді төмендететін әсері айқындылығы жағынан да, сондай-ақ әсер ету ұзақтығы жағынан да дозаға байланысты болып табылады.

Емдік әсерімен байланысты емес Достинекстің® фармакодинамикалық әсерлеріне артериялық қысымның (АҚ) төмендеуі ғана жатады. Препаратты бір рет қабылдағанда ең жоғары гипотензивтік әсер алғашқы 6 сағат ішінде білінеді және дозаға байланысты болып табылады.

Қолданылуы

• босанғаннан кейінгі физиологиялық лактацияға жол бермеуге

• босанғаннан кейін қалыптасқан лактацияны басуға:

а) босанғаннан кейін анасы емшекпен қоректендіргісі келмеген

жағдайда, немесе егер емшекпен қоректендіру анасына немесе баласына

медициналық себептерге байланысты қарсы көрсетілімде болғанда;

б) өлі сәби туғаннан немесе аборттан кейін

• аменореяны, олигоменореяны, ановуляцияны, галактореяны қоса, гиперпролактинемиямен байланысты бұзылуларды емдеуге

• гипофиздің пролактин секрециялайтын аденомасында (микро - және макропролактиномалар); идиопатиялық гиперпролактинемияда, гиперпролактинемиямен біріккен "бос" түрік ершігі синдромында.

Қолдану тәсілі және дозалары

Ішке, тамақтану кезінде.

Лактацияға жол бермеу: бір рет 1 мг (0,5 мг-ден 2 таблетка), босанғаннан кейінгі алғашқы күні.

Қалыптасқан лактацияны басу: екі күн бойы әрбір 12 сағат сайын тәулігіне екі рет 0,25 мг-дан (1/2 таблетка) (жалпы дозасы 1 мг тең). Емшек емізетін аналарда ортостатикалық гипотензия қаупін төмендету мақсатында, Достинекстің® бір реттік дозасы 0,25 мг-нан аспауы тиіс.

Гиперпролактинемиямен байланысты бұзылуларды емдеу: ұсынылатын бастапқы доза – аптасына бір қабылданатын (0,5 мг 1 таблетка) немесе екі қабылданатын (0,5 мг 1/2 таблетка, мысалы, дүйсенбі және бейсенбі) 0,5 мг құрайды. Апталық дозаны арттыру – тиімді емдік әсерге қол жеткізілгенше айлық аралықпен 0,5 мг-ға біртіндеп жүргізілуі тиіс. Емдік доза әдетте аптасына 1 мг құрайды, бірақ аптасына 0,25 мг-дан 2 мг-ға дейін ауытқып отыруы мүмкін. Гиперпролактинемиясы бар емделушілерде ең жоғары доза аптасына 4,5 мг-нан аспауы тиіс.

Жағымдылығына байланысты апталық дозаны бір рет қабылдауға немесе аптасына 2 және одан көпке бөліп қабылдауға болады. Апталық дозаны бірнеше қабылдауға бөлу препаратты аптасына 1 мг-дан асатын дозада тағайындағанда керек.

Дозаны іріктеу кезінде емделуші ең төмен тиімді дозаны анықтау мақсатында емдеуші дәрігермен мұқият бақылануы керек. Қан сарысуындағы пролактин деңгейін ай сайын анықтау керек, өйткені оның қалпына келуі әдетте тиімді дозаны қабылдағаннан кейін 2–4 апта ішінде байқалады.

Достинекс® препаратын қабылдауды тоқтатқаннан кейін әдетте гиперпролактинемияның қайталануы байқалады. Әйтсе де кейбір жағдайларда пролактин деңгейінің бірнеше ай ішінде тұрақты азаюы байқалады. Әйелдердің көбінде овуляторлық цикл Достинекс® препаратын қабылдауды тоқтатқаннан кейін кем дегенде 6 ай ішінде сақталады.

Ең жоғары ұсынылатын доза тәулігіне 3 мг құрайды.

Дофаминергиялық препараттарға сезімталдығы жоғары емделушілерге жағымсыз құбылыстар туындау қаупінің мүмкіндігін азайту үшін, Достинексмен® емдеуді өте төмен дозадан бастап (мысалы, аптасына бір рет 0,25 мг-нан), әрі қарай оны емдік дозаға жеткенше біртіндеп арттыру керек. Айқын жағымсыз құбылыстар пайда болғанда препараттың жағымдылығын жақсарту үшін дозаны уақытша төмендетіп, әрі қарай оны біртіндеп баяу арттырады (мысалы, әрбір екі апта сайын аптасына 0,25 мг-ға арттырады).

Емдеу ұзақтығын ем жасап жүрген дәрігер белгілейлі.

Жағымсыз әсерлері

Өте жиі (≥ 1/10)

- жүрек вальвулопатиясы (клапандық регургитацияны қоса) және онымен байланысты бұзылулар (перикардит және экссудативті перикардит)

- бас ауыруы, вертиго (бас айналуы)

- жүрек айнуы, диспепсия, гастрит, іштің ауыруы

- астения, жоғары шаршағыштық

Жиі(≥1/100 <1/10 дейін)

- ұйқышылдық

- депрессия

- ортостатикалық гипотензия (ұзақ уақыт қабылдағанда Достинекс® әдетте гипотензивті әсер білдіреді), постуральді гипотензия, қан кернеулер

- іш қату, құсу

- сүт безінің ауыруы

- артериялық қысымның симптомсыз төмендеуі (систолалық артериялық қысым ≥ 20 мм. с.б. және диастолалық артериялық қысым ≥ 10 мм с. б.)

Жиі емес(≥1/1000 <1/100 дейін)

- жүрек қағуының жиілеуі

- диспноэ, экссудативті плеврит, фиброз ( өкпе фиброзын қоса), мұрыннан қан кету

- аса жоғары сезімталдық реакциясы

- транзиторлы гемианопсия, естен тану, парестезиялар

- либидоның жоғарылауы

- саусақ қантамырларының тарылуы

- ісіну, шеткергі ісіну

- бөрту , алопеция (шаштың түсуі)

- аяқ бұлшықетінің құрысуы

- аменореямен әйелдерде етеккірі қалпына келгеннен кейін алғашқы бірнеше ай ішінде гемоглобиннің деңгейінің төмендеуі

Сирек (≥1/10000 <1/1000 дейін)

- эпигастрия аймағының ауыруы

Өте сирек (

- плеврофиброз

Белгісіз

- стенокардия

- тыныс алу ағзалары тарапынан бұзылулар, тыныс алу жеткіліксіздігі, плеврит, кеуде қуысының ауыруы

- кенеттен ұйықтап қалу, тремор

- көрудің бұзылуы

- озбырлық, сандырақ, гиперсексуальділік, кұмар ойындарға патологиялық құмарлық, психоздық бұзылулар, елестеулер

- бауыр функциясының бұзылуы

- креатинфосфокиназа деңгейінің жоғарылауы, бауыр функциясының биохимиялық көрсеткіштерінің қалыптан ауытқуы

Қолдануға болмайтын жағдайлар

• каберголинге немесе препараттың басқа компоненттеріне, сондай-ақ қастауыштың кез келген алкалоидтарына жоғары сезімталдық

• галактозаның жақпаушылығы

• Лапп лактаза тапшылығы

• глюкоза-галактоза мальабсорбциясы

• жүктілік аясында пайда болатын артериялық гипертензия, мысалы, преэклампсия немесе босанғаннан кейінгі артериялық гипертензия

• бауырдың ауыр жеткіліксіздігі (өте төмен дозаларды қолдану керек)

• ауыр психоздық немесе когнитивтік бұзылулар (соның ішінде сыртартқысында)

• фиброздық өзгерулерден туындаған өкпе және жүрек қызметінің жеткіліксіздігі немесе сыртартқыда осындай жағдайлардың болуы

• гипотензивтік әсер ететін препараттармен бір мезгілде қолдану (ортостатикалық гипотензияның пайда болу қаупіне байланысты)

• сыртартқысында фиброзбен байланысты өкпе-жүрек ауруларының болуы (өкпелік, перикардиальді және ретроперитонеальді фиброз)

• ұзақ уақыт емдегенде емге дейінгі эхокардиография деректері бойынша жүрек вальвулопатиясының белгілері

• бүйрек жеткіліксіздігі

• нейролептиктермен бір мезгілде қолдану

• жүктілік токсикозы

• 16 жасқа дейінгі балалар

Дәрілермен өзара әрекеттесуі

Каберголин мен басқа қастауыш алкалоидтарының өзара әрекеттесуі жөнінде ақпарат жоқ, сондықтан Достинекспен® ұзақ уақыт емдеу кезінде осы дәрілік заттарды бір мезгілде қолдануға болмайды.

Достинекс® дофаминдік рецепторларды тікелей стмуляциялау жолымен емдік әсер ететін болғандықтан, оны дофамин антагонистері сияқты әсер ететін препараттармен (фенотиазиндар, бутирофенондар, тиоксантендер, метоклопрамид және басқалар) бір мезгілде тағайындауға болмайды, өйткені олар пролактин деңгейін төмендетуге бағытталған Достинекс® әсерін бәсеңдетуі мүмкін.

Достинексті® антибиотик-макролидтермен (мысалы, эритромицинмен) бір мезгілде қолдануға болмайды, өйткені бұл каберголиннің жүйелік биожетімділігінің артуына әкеп соғуы мүмкін.

Достинексті® қан қысымын төмендететін дәрілік препараттармен бірге қолданғанда сақ болу қажет, өйткені препарат симптоматикалық гипотензияның пайда болуына мүмкіндік береді.

Айрықша нұсқаулар

Достинексті® келесі жағдайларда және/немесе ауруларда абайлап тағайындаған жөн:

• жүрек-қантамырлардың ауыр ауруларында, Рейне синдромында

• пептикалық ойық жарада, асқазан-ішектік қан кетулерде

Препаратты қолданар алдында жүктіліктің бар-жоқтығын анықтау қажет. Достинекс® препаратымен ем жүргізгеннен кейін жүкті болып қалуға кем дегенде бір ай бойы жол бермеген жөн.

Достинексті® артериялық қысымды төмендететін басқа дәрілік препараттармен тағайындағанда, постуральді гипотензияға жол бермеу үшін, абайлап қолданады.

Гиперпролактинемиямен байланысты бұзылуларды емдеу мақсатында Достинексті® тағайындар алдында гипофиз функциясына толық зерттеу жүргізу қажет.

Препаратпен ұзақ уақыт емдеуді бастағанға дейін

Ұзақ емдеуді бастар алдында зерттеулер жүргізу қажет: жүрек эхокардиографиясы, кеуде қуысына рентгенография, бүйрекке ультрадыбыстық зерттеу, сондай-ақ қабыну үдерісін анықтау үшін қанға және несепке тексеру жүргізу.

Жүрек клапандарының болуы мүмкін симптомсыз патологияларын анықтау үшін, эхокардиографияны қоса, барлық емделушілерге жүрек-қантамыр жүйесін тексеруді жүргізу керек.

Сондай-ақ емді бастағанға дейін эритроциттердің шөгу жылдамдығын (ЭШЖ) немесе басқа да қабыну маркерлерінің деңгейін анықтау, өкпе функциясын бағалау, кеуде қуысы ағзаларының рентгенографиясын жасау және бүйрек функциясын бағалау керек.

Клапандық регургитациямен емделушілерде негізгі аурудың ағымының нашарлау мүмкіндігі туралы деректер жоқ. Жүрек клапандарының фиброзы анықталғанда каберголинді тағайындауға болмайды.

Ұзақ уақыт емдеу үдерісінде

Фиброзды өзгерістер симптомсыз дамуы мүмкін, сондықтан емделушілер өршімелі фиброздардың болуы мүмкін біліністерін анықтау мақсатында ұдайы бақылануы тиіс.

Яғни, емдеу кезінде келесі жағдайлар мен аурулардың белгілері мен симптомдарына назар аудару керек:

• диспноэ, ентігумен, тұрақты жөтелмен немесе кеуде қуысындағы ауырумен білінуі мүмкін плевро-өкпе аурулары;

• бел тұсының немесе бүйірдің ауыруы және аяқтардың ісінуімен білінуі мүмкін бүйрек жеткіліксіздігі, несеп ағардың немесе іш қуысы қантамырларының обструкциясы, сондай-ақ ретроперитонеальді фиброзға нұсқауы мүмкін, іш қуысындағы кез келген ауқымды түзілімдер немесе ауыру;

• клапандық немесе перикардиальді фиброз жиі жүрек жеткіліксіздігімен білінетін болғандықтан жүрек жеткіліксіздігі.

Осылайша аталған симптомдар пайда болған жағдайда клапандар фиброзын (және констриктивті перикардитті) жоққа шығару керек.

Фиброзды өзгерістерді анықтау мақсатында мұқият клиникалық диагностикалық мониторинг жүргізу ұсынылады. Емді бастағаннан кейін бірінші эхокардиографиялық тексеруді 3–6 айдың ішінде жүргізу керек; нәтижесінде эхокардиографиялық тексерудің қажеттігі әрбір нақты жағдайда жоғарыда аталған белгілер мен симптомдарға ерекше назар аударумен клиникалық тексеру нәтижелеріне қарай, бірақ 6–12 айда бір реттен сиретпей анықталуы керек.

Эхокардиографиялық тексеруде Клапандық регургитация және клапандар айғармасының қозғалғыштығының шектелуі немесе олардың жуандауы алғаш рет анықталғанда, сондай-ақ аталған жағдайлардың ағымының ауырлау белгілері анықталғанда каберголинмен емдеуді тоқтату керек.

Зерттеудің басқа әдістерін қолдану қажеттігі (мысалы, жүрек аускультациясы, рентгенологиялық тексеру және компьютерлік томографияны қамтитын клиникалық зерттеулер) жекелей анықталады.

Фиброздық өзгерістерді растау қажеттігінде қосымша зертханалық тексерулер мысалы, эритроциттердің шөгу жылдамдығын (ЭШЖ) және қан сарысуында креатинин құрамын анықтауды жүргізу керек.

Плевральді эффузиямен/фиброзбен науқастарда қанның жалпы талдауында ЭШЖ жоғарылау жағдайында кеуде қуысының рентгендиагностикасын жасау керек.

Достинексті® ұзақ қолданудан кейін байқалған, фиброздық және сероздық қабыну бұзылулары (плеврит, плевралық жалқық, плевралық фиброз, өкпе фиброзы, перикардит, перикардтық жалқық, жүрек жеткіліксіздігі) сияқты симптомдар кейбір жағдайларда препаратты тоқтатқаннан кейін басылады.

Дозаны арттырғанда емделушілер, емдік әсерді қамтамасыз ететін тиімді ең төмен дозаларды анықтау мақсатында, дәрігердің бақылауында болуы тиіс.

Гиперпролактинемиямен байланысты бұзылыстарды емдеу

Дозалаудың тиімді режимі таңдап алынғаннан кейін қан сарысуындағы пролактин концентрациясын анықтауды жүйелі түрде (айына 1 рет) жүргізіп отыру керек. Пролактин деңгейінің қалыпқа келуі әдетте емдеудің 2-4 аптасы ішінде байқалады.

Достинексті® тоқтатқаннан кейін әдетте гиперпролактинемияның қайталанғаны байқалады, алайда кейбір емделушілерде бірнеше ай бойы пролактин деңгейінің тұрақты басылуы байқалады. Әйелдердің көбісінде овуляторлы циклдер Достинексті® тоқтатқаннан кейін кем дегенде 6 ай бойы сақталады.

Достинекс® гиперпролактинемиялық гипогонадизммен әйелдерде овуляция мен фертильділікті қалпына келтіреді. Жүктілік етеккір айналымы қалпына келгенге дейін де болуы мүмкін болғандықтан, аменорея кезеңі бойы жүктілікке тестті 4 аптада бір реттен сирек емес, ал етеккір оралымы қалпына келгеннен кейін әрдайым етеккір 3 күннен артыққа іркілгенде жүргізу керек.

Жүктілікті жоспарламаған әйелдер, Достинекспен® емдеу кезінде, сондай-ақ оны тоқтатқаннан кейін және ановуляция қайтқанға дейін контрацепцияның бөгеттік әдісін қолдану ұсынылады. Жүкті болып қалған әйелдер гипофиздің үлкею симптомдарын уақытылы анықтау үшін, дәрігердің бақылауында болуы керек өйткені жүктілік кезінде осыған дейін болған гипофиз ісігінің өлшемі үлкеюі мүмкін

Психикалық бұзылыстар

Достинексті® қабылдауда құмар ойындарға патологиялық әуестік, либидоның жоғарылауы, гиперсексуальділік, компульсивті шығындар немесе сатып алу, үнемі ас қабылдауды қажетсіну және компульсивті шамадан тыс ас қабылдау секілді мінез-құлықтық симптомдар айқын болуы мүмкін импульстік бақылаудың бұзылуын анықтау үшін үнемі зерттеулер жүргізу керек. Аталған симптомдар пайда болғанда дозаны төмендету және/немесе препаратты біртіндеп тоқтату керек.

Бауырдың жеткіліксіздігі

Бауырдың ауыр жеткіліксіздігімен емделушілерде (Child-Pugh жіктелуі бойынша С класы), Достинекс® препаратымен ұзақ уақыт емдеу көрсетілімде болғанда препаратты төмен дозада қабылдау мүмкіндігін қарастыру керек. Мұндай емделушілерге 1 мг дозаны бір рет қолданғанда, дені сау еріктілермен және бауыр жеткіліксіздігінің төмен айқындығымен емделушілермен салыстырғанда, AUC («концентрация/уақыт» қисығы астындағы аудан) мәнінің артқаны байқалды.

Фиброз және жүректің вальвулопатиясы

Достинексті® ұзақ қабылдағаннан кейін емделушілерде плевралық жалқық/плевралық фиброз және вальвулопатия байқалды. Кейбір жағдайларда емделушілер бұған дейін дофаминнің эрголинді агонистерімен ем қабылдаған. Сондықтан Достинексті® жүрек функциясы бұзылуларының белгілері және/немесе клиникалық симптомдары бар немесе осындай жағдайлар сыртартқысында көрсетілген емделушілерге абайлап қолданған жөн. Достинексті® қабылдауды тоқтатқаннан кейін плевралық жалқық/плевралық фиброз және вальвулопатия диагнозы бар емделушілерде симптомдардың жақсарғаны байқалды.

Вальвулярлы регургитациясы бар науқастардың Достинексті® қабылдағаннан кейін жағдайларының нашарлауын анықтау мақсатында тексерулер жүргізілген жоқ. Емделушіде фиброзды вальвулярлы бұзылулар бар болған жағдайда Достинекс® препаратымен ем жүргізбеу керек.

Препаратпен ұзақ емделу кезінде фиброзды бұзылулары бар науқастар плевра-өкпе аурулары симптомдарының өсуін, бүйрек қызметінің жеткіліксіздігін, несепағардың немесе абдоминальді қантамырлық обструкциясын, жүрек ақауларын дер кезінде анықтау үшін дәрігердің ұдайы бақылауында болуы қажет; сондай-ақ қосымша зерттеу әдістерін: қанға жалпы және биохимиялық талдамаларды (ЭШЖ, креатинин деңгейлері) жүйелі жүргізіп отыру қажет.

Ұйқышылдық немесе кенеттен ұйықтап қалу

Достинексті® қолдану ұйқышылдықты, Паркинсон ауруы бар емделушілерде кенеттен ұйықтап қалуды тудырады. Осыған ұқсас жағдайларда Достинекс® дозасын төмендету немесе емдеуді тоқтату керек.

Гиперпролактинемиямен байланысты бұзылулары бар, егде жастағы емделушілерге препаратты қолдануға қатысты зерттеулер жүргізілген жоқ.

Педиатрияда қолданылуы

Препараттың 16 жасқа толмаған балалардағы қауіпсіздігі және тиімділігі анықталған жоқ.

Жүктілік және лактация

Жүкті әйелдерде Достинексті® қолданып бақыланатын клиникалық зерттеулер жүргізілмегендіктен, жүктілік кезінде препарат қабылдауды тоқтатқан жөн.

Препараттың жартылай шығарылу кезеңінің ұзақтығын және оның ұрыққа әсері жөнінде деректердің шектеулі екендігін ескеріп, Достинексті® қабылдауды тоқтатқаннан кейін, ең кемінде, бір ай бойы жүктіліктің басталуына жол бермеген жөн (қолда бар деректер бойынша, гиперпролактинемиямен байланысты бұзылуларға Достинексті® аптасына 0,5 - 2 мг дозада қолдану түсік тастау жиілігінің, мезгілінен бұрын босанудың, көп ұрықты жүктіліктің және іштен туа біткен даму ақаулардың артуымен қатарласа жүрген жоқ).

Препараттың емшек сүтімен бірге шығарылуы жөнінде мәлімдемелер жоқ, алайда Достинексті® қолданудың әсері болмаған жағдайда, лактацияға жол бермеу немесе басу үшін, аналары емшек емізуден бас тартқандары жөн. Гиперпролактинемиямен байланысты бұзылуларда, Достинексті® бала емізгісі келетін аналарға тағайындамаған жөн.

Лактация кезінде гипотонияның білінуіне жол бермеу үшін Достинекстің® жалғыз дозасы 0,25 мг-нан аспауы тиіс. Клиникалық зерттеулер лактацияны басу үшін препараттың жалғыз 0,5 мг дозасында жағымсыз әсерлер қаупінің екі еселенгенін көрсетті.

Дәрілік заттың көлік құралдарын және басқа да қауіпті механизмдерді басқару қабілетіне ықпал ету ерекшеліктері

Достинекс® қабылдап жүрген, ұйқышылдық байқалатын емделушілерге автомобиль жүргізуді және зейіннің нашарлауы олар үшін немесе айналасындағылар үшін ауыр зақымдану немесе өлім қаупін тудыруы мүмкін жұмыстарды (мысалы, механизмдермен) жасауды тоқтата тұруы керектігі алдын ала ескертілуі тиіс.

Артық дозалануы

Симптомдары: жүректің айнуы, құсу, диспепсиялық бұзылулар, ортостатикалық гипотензия, сананың шатасуы, психоз, елестеулер.

Емі: препаратты шығаруға бағытталған шаралар (асқазанды шаю) және, қажет болғанда, артериялық қысымды демеу. Дофамин антагонистері тағайындалуы мүмкін.

Шығарылу түрі және қаптамасы

Түбіне кептіретін агент және кеуекті қағаз салынған пластик қондырмасы бар, бұралатын алюминий қақпақпен жабылған, І типті қоңыр шыны құтыда 2 немесе 8 таблеткадан.

1 құтыдан қолданылуы жөнінде мемлекеттік және орыс тілдеріндегі нұсқаулықпен бірге картон қорашаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттарыРецепт арқылыӨндіруші және қаптаушы

Пфайзер Италия С.р.л.

Виа дель Комерсио – 63046

Марино дель Тронто, Асколи Пичено, Италия

Тіркеу куәлігінің иесі

Пфайзер Эйч Си Пи Корпорэйшн,АҚШ

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

«Пфайзер Эйч-Си-Пи Корпорэйшн» (АҚШ) компаниясының өкілдігі

Алматы қ-сы, Абылай хан д-лы, 141

тел. (727) 272-27-01, 250-09-16

факс (727) 272-04-06