Долутегравир, эмтрицитабин и тенофовир алафенамид

Долутегравир, эмтрицитабин және тенофовир алафенамид

Жоқ

Дәрілік түрі, дозасы

Үлбірлі қабықпен қапталған таблеткалар, 50 мг/200 мг/25 мг

Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. АИТВ инфекциясын емдеуге арналған вирусқа қарсы препараттар, біріктірілімдер.

АТХ коды J05AR

- Долутегравир, эмтрицитабин және тенофовир алафенамид препараты ересектерде және дене салмағы кемінде 40 кг балаларда 1-типті адамның иммун тапшылығы вирусының (АИТВ-1) инфекциясын емдеудің толық сызбасы ретінде жеке қолдануға көрсетілген.

Емді АИТВ-инфекциясын емдеуде тәжірибесі бар дәрігер бастауы керек.

Қолдану шектеулері:

• Долутегравир, эмтрицитабин және тенофовир алафенамид препараты интегразаның төзімді алмасымдары бар немесе интеграза тізбегін тасымалдау тежегішіне клиникалық күмәнді төзімділігі бар пациенттерге жеке ұсынылмайды, өйткені Долутегравир, эмтрицитабин және тенофовир алафенамид препаратының таблеткаларындағы долутегравир дозасы осы кіші топтарда жеткіліксіз. (долутегравирді қолдану жөніндегі нұсқаулықты қараңыз).

• Долутегравир, эмтрицитабин және тенофовир алафенамид препараты жоғары қауіп тобындағы ересектерде АИТВ-1 жыныстық жолмен жұқтыру қаупін төмендету үшін қарым қатынасқа дейінгі профилактика ретінде пайдалану үшін көрсетілмеген.

Қолданудың басталуына дейінгі қажетті мәліметтер тізбесі

- долутегравирге бұрын аса жоғары сезімталдық реакциясы бар пациенттерге

- дофетилидті плазмадағы дофетилид концентрациясының ықтимал жоғарылауына және ауыр және/немесе өмірге қауіпті оқиғалар қаупіне байланысты қабылдау.

Қолдану кезінде қажетті сақтандыру шаралары

Осы препаратпен жүргізілетін емді АИТВ-инфекциясын емдеуде тәжірибесі бар дәрігер бастауы керек.

Басқа дәрілік препараттармен өзара әрекеттесуі

Долутегравир органикалық катиондардың бүйрек тасымалдаушыларын OCT2 (IC50 = 1,93 мкм) және токсиндердің мультидәрілік экструзиялық тасымалдаушысын (MATE) 1 (IC50 = 6,34 мкм) іn vitro тежейді. Долутегравир OCT2 және әлеуетті MATE1 тежеу арқылы креатининнің түтікшелі секрециясын іn vivo тежейді. Долутегравир OCT2 немесе MATE1 арқылы шығарылған препараттардың қан плазмасындағы концентрациясын арттыруы мүмкін (дофетилид және метформин, 3-кестені қараңыз.)

Долутегравир іn vitro бүйректің базолатеральдық тасымалдаушыларын, органикалық аниондар тасымалдаушыларын (ОАТ) 1 (IC50 = 2,12 мкм) және OAT3 (IC50 = 1,97 мкм) басады. Алайда долутегравир тенофовирдің немесе пара-аминогиппураттың плазмалық, OAT1 және OAT3 субстраттарының концентрациясына in vivo әсер етпейді.

Долутегравир келесі элементтерді (IC50 50 мкм артық) In vitro тежемейді: P450 цитохромы (CYP)1А2, CYP2A6, CYP2B6, CYP2C8, CYP2C9, CYP2C19, CYP2D6, СУР3А, уридиндифосфат (УДФ)-глюкуронозилтрансфераза 1A1 (UGT1A1), UGT2B7, P-гликопротеин (P-gp), сүтбез обырына төзімді ақуыз (BCRP), өт тұзын кетіруге арналған сорғы (BSEP), органикалық аниондарды тасымалдау полипептиді (OATP)1B1, OATP1B3, OCT1, (MRP) 2 немесе MRP4 көптеген дәріге төзімді ақуызы. Долутегравир CYP1A2, CYP2B6 немесе CYP3A4 іn vitro индукциялаған жоқ. Осы деректер мен дәрілік өзара әрекеттесуді сынау нәтижелерінің негізінде долутегравир осы ферменттердің немесе тасымалдаушылардың субстраттары болып табылатын дәрілердің фармакокинетикасына әсер етпеуі ықтимал.

Дәрілік өзара әрекеттесу зерттеулерінде долутегравир мынадай препараттардың фармакокинетикасына клиникалық маңызды әсер еткен жоқ: даклатасвир, тенофовир, метадон, мидазолам, рилпивирин және құрамында норгестимат және этинилэстрадиол бар пероральді контрацептивтер. Әрбір өзара әрекеттесетін дәрілік зат үшін тарихи фармакокинетикалық деректермен айқас салыстыруды қолдана отырып, долутегравир келесі препараттардың фармакокинетикасына әсер етпейтіні анықталды: атазанавир, дарунавир, эфавиренц, этравирин, фосампренавир, лопинавир, ритонавир және боцепревир.

Басқа агенттердің долутегравир, эмтрицитабин және тенофовир алафенамидтің фармакокинетикасына әсері

Долутегравир: долутегравир, эмтрицитабин және тенофовир алафенамид препараты компоненттерінің бірі бола отырып, CYP3A кейбір қатысуымен UGT1A1 метаболизденеді.

Долутегравир сонымен қатар UGT1A3, UGT1A9, BCRP және P-gp үшін in vitro субстрат болып табылады. Осы ферменттер мен тасымалдағыштарды индукциялайтын дәрілер плазмадағы долутегравир концентрациясының төмендеуіне ықпал етіп, долутегравирдің емдік әсерін төмендетуі мүмкін.

Долутегравирді және осы ферменттерді тежейтін басқа препараттарды бір мезгілде қабылдау плазмадағы долутегравирдің концентрациясын арттыруы мүмкін.

Этравирин қан плазмасындағы долутегравирдің концентрациясын едәуір төмендетті, бірақ этравириннің әсері лопинавир/ритонавирді немесе дарунавир/ритонавирді бір мезгілде қабылдау арқылы бәсеңдеді және атазанавир/ритонавирді қабылдау арқылы бәсеңдеді деп күтілуді (3-кестені қараңыз.)

Долутегравир OATP1B1 немесе OATP1B3 іn vitroсубстраты болған жоқ.

Дәрілік өзара әрекеттесуді сынау нәтижелеріне негізделе отырып, мынадай препараттарды дозаны түзетпей долутегравирмен біріктіріп тағайындауға болады: атазанавир/ритонавир, лопинавир/ритонавир, дарунавир/ритонавир, даклатасвир, боцепревир, элбасвир/гразопревир, құрамында оральді контрацептивтері бар метадон, құрамында мидазолам бар препараттар және этинилэстрадиол, преднизон, рифабутин, рилпивирин және софосбувир/велпатасвир.

Эмтрицитабин және тенофовир алафенамид: Долутегравир, эмтрицитабин және тенофовир алафенамид препаратының компоненттерінің бірі болып табылатын тенофовир алафенамид P-gp, BCRP, OATP1B1 және OATP1B3 субстраты болып табылады.

P-gp және BCRP белсенділігіне елеулі әсер ететін дәрілер тенофовир алафенамид сіңірілуінің өзгеруіне әкелуі мүмкін (3-кестені қараңыз). P-gp белсенділігін индукциялайтын препараттар тенофовир алафенамидтің сіңірілуін азайтады, бұл плазмадағы тенофовир алафенамид концентрациясының төмендеуіне әкеледі, ол Долутегравир, эмтрицитабин және тенофовир алафенамид препаратының емдік әсерінің жоғалуына және төзімділіктің дамуына әкелуі мүмкін.

Долутегравир, эмтрицитабин және тенофовир алафенамид препаратын P-gp және BCRP (сүтбез обырына төзімді ақуыз) тежейтін басқа препараттармен бірге қабылдау плазмадағы тенофовир алафенамид сіңуін және концентрациясын арттыруы мүмкін.

Тенофовир алафенамид CYP1A2, CYP2B6, CYP2C8, CYP2C9, CYP2C19, CYP2D6 немесе UGT1A1 тежегіші болып табылмайды. Тенофовир алафенамид CYP3A in vitro әлсіз тежегіші болып табылады және CYP3A in vivo тежегіші немесе индукторы болып табылмайды .

Эмтрицитабинмен және тенофовир алафенамидпен жүргізілген дәрілік өзара әрекеттесу зерттеулерінің негізінде эмтрицитабин мен тенофовир алафенамидтің мынадай антиретровирустық препараттармен біріккен кезде клиникалық маңызды дәрілік өзара әрекеттесулер байқалмады немесе күтілмейді: ритонавирмен немесе кобицистатпен атазанавир, дарунавир немесе ритонавир, кобицистат, долутегравир, эфавиренц, ледипасвир, лопинавир/ритонавир, маравирок, невирапин, ральтегравир, рилпивирин және софосбувир. Эмтрицитабин мен тенофовир алафенамидтің клиникалық маңызы бар мынадай препараттармен біріккенде клиникалық маңызды дәрілік өзара әрекеттесулер байқалмады немесе күтілмейді: бупренорфин, итраконазол, кетоконазол, лоразепам, метадон, мидазолам, налоксон, норбупренорфин, норгестимат/этинилэстрадиол және сертралин.

Белгіленген және басқа да әлеуетті маңызы бар дәрілік өзара әрекеттесулер

Долутегравирдің дәрілік өзара әрекеттесуіне және эмтрицитабин мен тенофовир алефенамидтің белгіленген дозасына немесе барлық үш компоненттің белгіленген дозалары біріктіріліміне зерттеулер жүргізілмеген.

Долутегравирмен, эмтрицитабинмен және тенофовир алафенамидпен әлеуетті дәрілік өзара әрекеттесулер туралы ақпарат төменде 3-кестеде келтірілген.

Осы нұсқаулар не дәрілік өзара әрекеттесуді сынауға, не өзара әрекеттесудің күтілетін шамасына және елеулі жағымсыз әсерлердің немесе тиімділігінің жоғалу мүмкіндігіне байланысты болжанатын өзара әрекеттесулерге негізделген.

3-кесте. Долутегравир, эмтрицитабин және тенофовир алафенамид үшін белгіленген және басқа да әлеуетті маңызы бар дәрілік өзара әрекеттесулер: дозадағы өзгерістер дәрілік өзара әрекеттесуді сынау немесе болжамды өзара әрекеттесу негізінде ұсынылуы мүмкін

Бүйрек функциясына әсер ететін препараттар

Эмтрицитабин мен тенофовир шумақтық сүзілу мен белсенді түтікшелі секрецияның бірігуі есебінен көбінесе бүйрек арқылы шығарылатындықтан, Долутегравир, эмтрицитабин және тенофовир алафенамид препаратын бүйрек функциясын төмендететін немесе белсенді түтікшелі секреция үшін бәсекелесетін препараттармен бірге қолдану эмтрицитабин, тенофовир және бүйрек арқылы шығарылатын басқа да препараттар концентрациясының артуына ықпал етуі мүмкін, бұл жағымсыз реакциялар қаупінің артуына әкеп соғуы мүмкін. Мысалы, белсенді түтікшелі секрециясы арқылы шығарылатын кейбір препараттар мыналарды қамтиды, бірақ олармен шектелмейді. Оларға мыналар жатады: ацикловир, цидофовир, ганцикловир, валацикловир, валганцикловир, аминогликозидтер (мысалы, гентамицин), сондай-ақ үлкен дозалары немесе көптеген ҚҚСП.

Арнайы сақтандырулар

Гепатоуыттылығы

Құрамында долутегравир бар қабылдау режимін қабылдаған пациенттерде бауыр тарапынан жағымсыз оқиғалар туралы хабарланды. B немесе C гепатиті бар пациенттер долутегравир, эмтрицитабин және тенофовир алафенамид препаратын қолданғанда трансаминазалар деңгейінің нашарлау немесе жоғарылау қаупіне ұшырауы мүмкін. Кейбір жағдайларда трансаминазалар деңгейінің жоғарылауы иммунитеттің қалпына келу синдромы немесе В гепатитінің реактивациясы туындағанын, әсіресе гепатитке қарсы емді тоқтату жағдайларында көрсетті. Бауыр ауруы бұрын болмаған немесе басқа да анықталатын қауіп факторлары жоқ, құрамында долутегравир бар емді қабылдаған пациенттерде қан сарысуындағы бауырдың биохимиялық көрсеткіштерінің жоғарылағанын, гепатитті және бауыр функиясының жедел жеткіліксіздігін қоса, гепатоуыттылық жағдайлары байқалды. Бауыр трансплантациясына алып келген абакавирдің, долутегравирдің және ламивудиннің белгіленген дозалары бар препараттарды қабылдау салдарынан бауырдың зақымдану жағдайлары хабарланды. Гепатоуыттылығының бар-жоғына мониторинг жүргізу ұсынылады.

Аса жоғары сезімталдық

Бөртпелермен, конституциялық белгілермен және кейде ағзалардың дисфункциясымен, соның ішінде бауырдың зақымдалуымен бірге жүретін аса жоғары сезімталдық реакциялары туралы хабарланды. Долутегравир, эмтрицитабин және тенофовир алафенамид препаратын қабылдауды аса жоғары сезімталдық реакцияларының белгілері немесе симптомдары (қызбамен, жалпы дімкәстікпен, шаршаумен, бұлшықет немесе буын ауыруларымен, терінің күлдіреуімен немесе қабыршықтануымен, ауыз қуысының күлдіреуімен немесе зақымдануымен, конъюнктивитпен, бет ісінуімен, гепатитпен, эозинофилиямен, ангионевроздық ісінумен, қоса алғанда, бірақ олармен шектелмейтін, тыныс алудың қиындауымен бірге жүретін қатты бөртпе немесе бөртпе) пайда болған кезде тоқтату қажет. Бауыр аминотрансферазаларының көрсеткіштерін қоса алғанда, пациенттердің клиникалық жай-күйін бақылау және тиісті емді бастау керек. Долутегравир, эмтрицитабин және тенофовир алафенамид препаратын немесе басқа да күмәнді агенттерді аса жоғары сезімталдық реакциясы туындағаннан кейін тоқтатудың кідіруі өмірге қауіп төндіретін сипатта болуы мүмкін. Долутегравир, эмтрицитабин және тенофовир алафенамид препаратын бұрын аса жоғары сезімталдық реакциясы бар пациенттерге қабылдауға болмайды.

Дәрілік өзара әрекеттесуіне байланысты жағымсыз реакциялар немесе вирусологиялық жауаптың жоғалу қаупі

Долутегравир, эмтрицитабин және тенофовир алафенамид препаратын басқа препараттармен бір мезгілде қолдану белгілі немесе әлеуетті маңызы бар дәрілік өзара әрекеттесулерге әкелуі мүмкін, олардың кейбіреулері келесілерді туындатуы мүмкін:

• Долутегравир, эмтрицитабин және тенофовир алафенамид препаратының емдік әсерінің жоғалуы және төзімділіктің ықтимал дамуы

• қатарлас препараттардың күшті әсерінен болатын клиникалық маңызды ықтимал жағымсыз реакциялар.

Өзара әрекеттесуі барынша азайтылуы мүмкін қатарлас препараттарға қатысты дозалау жөніндегі нұсқауларды қоса алғанда, осы ықтимал және белгілі маңызды дәрілік өзара әрекеттесулердің алдын алу немесе бақылау жөніндегі қадамдар туралы 3-кестені қараңыз. Долутегравир, эмтрицитабин және тенофовир алафенамид препаратымен емдеуге дейін және емдеу кезінде дәрілік өзара әрекеттесу мүмкіндігін қарастыру; Долутегравир, эмтрицитабин және тенофовир алафенамид препаратымен емдеу кезінде қатарлас препараттарды қабылдауды қайта қарау; және қатарлас препараттарды қабылдаумен байланысты жағымсыз реакцияларды бақылау қажет.

АИТВ-1 және В гепатиті вирусымен бір мезгілде инфекцияланған пациенттерде ауыр түрдегі В гепатитінің өршуі

АИТВ-1 бар пациенттерді антиретровирустық емді бастар алдында В гепатитінің созылмалы вирусының (HBV) бар-жоғына тексеру қажет.

В гепатитінің жедел өтетін ауыр асқынулары жағдайлары (мысалы, бауырдың декомпенсациясы және бауыр функциясының жеткіліксіздігі) АИТВ-1 және В гепатиті вирусымен коинфекцияланған пациенттерде, сондай-ақ тенофовир дизопроксил фумараты бар препараттарды қабылдауды тоқтатқан пациенттерде тіркелген. Бұл реакциялар Долутегравир, эмтрицитабин және тенофовир алафенамид препаратымен емді тоқтатқан кезде туындауы мүмкін. Долутегравир, эмтрицитабин және тенофовир алафенамид препаратын қабылдауды тоқтатқан АИТВ-1 және HBV коинфекцияланған пациенттерде ем тоқтатылғаннан кейін ұзақ уақыт бойы клиникалық, зертханалық бақылаумен де мұқият мониторинг жүргізілуі тиіс. Қажет болған жағдайда, В гепатиті вирусына қарсы, әсіресе үдемелі ауруы немесе бауыр циррозы бар пациенттерде емді бастау қажет болуы мүмкін, өйткені емнен кейін гепатиттің өршуі бауырдың декомпенсациясын және бауыр функциясыныңы жеткіліксіздігін туындатуы мүмкін.

Иммунитеттің Қалпына Келу Синдромы

Долутегравир мен эмтрицитабинді, долутегравирдің екі компонентін, эмтрицитабинді және тенофовир алафенамидті қамтитын біріктірілген антиретровирустық ем қабылдаған пациенттерде иммунитеттің қалпына келу синдромы туралы хабарланды. Біріктірілген антиретровирустық емнің бастапқы кезеңінде емге жауап беретін иммундық реакциясы бар пациенттерде баяу немесе қалдық оппортунистік инфекцияларға қабыну реакциясы дамуы мүмкін (мысалы, Mycobacterium avium инфекциясы, цитомегаловирус, Pneumocystis jirovecii [PCP] туындатқан пневмония немесе туберкулез), бұл одан әрі тексеру мен емдеуді қажет етуі мүмкін. Аутоиммундық аурулар (мысалы, Грейвс ауруы, полимиозит және Гийен-Барре синдромы) иммунитеттің қалпына келу жағдайында да пайда болады; алайда аурудың басталуына дейінгі уақыт анағұрлым өзгергіш және емдеу басталғаннан ұзақ уақыттан кейін туындауы мүмкін.

Бүйрек функциясы жеткіліксіздігінің жаңадан басталуы немесе нашарлауы

Бүйрек функциясының жедел жеткіліксіздігі және Фанкони синдромы (ауыр гипофосфатемиясымен байқалатын бүйрек түтікшелерінің зақымдануы) жағдайларын қоса алғанда, бүйрек функциясының бұзылуы туралы жануарларға ерікті адамдарға да жүргізілген токсикологиялық зерттеулерде, тенофовирдің дәрі ізашарларын пайдаланғанда хабарланған. Долутегравир, эмтрицитабин және тенофовир алафенамид препаратын есептеп шығарылған креатинин клиренсі 30 мл/мин төмен пациенттерге қабылдау ұсынылмайды, өйткені бұл популяцияда деректер жеткіліксіз.

Бүйрек функциясы бұзылған тенофовир дәрі ізашарын қабылдайтын пациенттер және нефроуытты дәрілерді стероидты емес қабынуға қарсы препараттарды қоса қабылдайтын пациенттер бүйрек тарапынан жағымсыз реакциялардың жоғары даму қаупіне ұшырайды.

Долутегравир, эмтрицитабин және тенофовир алафенамид препаратымен емді бастар алдында және оның барысында барлық пациенттерде креатинин клиренсіне, несептегі глюкоза мен ақуыз деңгейіне бағалау жүргізу керек. Бүйректің созылмалы ауруы бар пациенттерде тенофовир дәрі ізашарын қабылдаған кезде қан сарысуындағы фосфор деңгейін бақылау керек, өйткені олар көп дәрежеде Фанкони синдромының жоғары даму қаупіне ұшырайды. Бүйрек функциясының клиникалық елеулі төмендеуі немесе Фанкони синдромының белгілері байқалатын пациенттерде Долутегравир, эмтрицитабин және тенофовир алафенамид препаратын қабылдауды тоқтату керек.

Лактоацидоз және стеатозбен байқалатын ауыр гепатомегалия

Эмтрицитабинді, таблеткалардағы долутегравирдің, эмтрицитабиннің және тенофовир алафенамидтің біріктірілімін қоса алғанда, нуклеозидтердің аналогтарын, тенофовир дизопроксил фумаратының, тенофовирдің басқа да дәрі ізашарларын бөлек немесе басқа антиретровирустық препараттармен біріктіріп қолдану кезінде болған өлімді қоса алғанда, лактоацидоз және стеатозбен байқалатын ауыр гепатомегалия жағдайлары туралы хабарланды. Долутегравир, эмтрицитабин және тенофовир алафенамид препаратымен емді лактоацидоздың клиникалық немесе зертханалық көрінісі немесе айқын гепатоуыттылығы бар (трансаминазалар деңгейінің елеулі жоғарылауы болмаған жағдайда да гепатомегалия мен стеатозды қоса) кез келген пациентте тоқтата тұру керек.

Педиатриялық популяция

Долутегравир, эмтрицитабин және тенофовир алафенамид препаратын дене салмағы кемінде 40 кг балаларға тағайындау керек, өйткені препарат компоненттерін түзету мүмкін емес белгіленген дозалардың біріктірілімі болып табылады. Осы салмақ тобындағы жеке компоненттер үшін қауіпсіздігім ен тиімділігі белгіленді.

Егде жастағы пациенттер

Долутегравир: долутегравирдің зерттеулеріне жас субъектілермен салыстыру үшін 65 жастағы және одан үлкен субъектілердің жеткілікті саны кірмеген. Егде жастағы пациенттерге долутегравирді тағайындағанда сақ болу керек, бұл көбінесе бауыр, бүйрек немесе жүрек функциясының төмендеуімен, сондай-ақ қатар жүретін аурулардың немесе басқа да дәрілік емнің жоғарылауымен жиі қатар білінеді.

Эмтрицитабин және Тенофовир алафенамид: Егде жастағы пациенттер мен 18-65 жас аралығындағы ересектер арасында қауіпсіздігінде немесе тиімділігінде айырмашылықтар байқалмады.

Бауыр функциясының жеткіліксіздігі бар пациенттер

Бауыр функциясының жеңіл (Чайлд-Пью шкаласы бойынша А класы) немесе орташа (Чайлд-Пью шкаласы бойынша В класы) жеткіліксіздігі бар пациенттерде Долутегравир, эмтрицитабин және тенофовир алафенамид препаратының дозасын түзету ұсынылмайды. Долутегравир, эмтрицитабин және тенофовир алафенамид препаратының фармакокинетикасына бауыр функциясының ауыр жеткіліксіздігінің (Чайлд-Пью бойынша С класы) әсері зерттелмеген. Демек, Долутегравир, эмтрицитабин және тенофовир алафенамид препаратын бауыр функциясының ауыр жеткіліксіздігі бар пациенттерге қолдануға ұсынылмайды.

Бүйрек функциясының жеткіліксіздігі бар пациенттер

Долутегравир, эмтрицитабин және тенофовир алафенамид препараты бүйрек функциясының ауыр жеткіліксіздігі (есептеп шығарылған креатинин клиренсі <30 мл/мин) бар пациенттерге қолдануға ұсынылмайды, препарат белгіленген дозалардың біріктірілімі болғандықтан, әр компонентті түзету мүмкін емес. Бүйрек функциясының жеңіл немесе орташа жеткіліксіздігі (есептеп шығарылған креатинин клиренсі ≥ 30 мл/мин) бар пациенттерге препараттың дозасын түзету ұсынылмайды.

Жүктілік немесе лактация кезінде

Препаратты қабылдаудың туа біткен ақаулармен және түсік тастаумен байланысын анықтау үшін жүктілік кезеңінде долутегравир, эмтрицитабин және тенофовир алафенамид біріктілімін қолдану туралы деректер жеткіліксіз. Тенофовир алафенамидтің жүкті әйелдерде қолданылуы бағаланбады. Зерттеулерде долутегравирді қабылдаумен байланысты дамудың қолайсыз нәтижелері туралы ешқандай дәлел болған жоқ.

Клиникаға дейінгі зерттеулерде эмтрицитабин мен тенофовир алафенамидті бөлек қабылдау кезінде қолайсыз оқиғалар байқалған жоқ.

Долутегравир адамның емшек сүтімен бөлінетіні, өндірілуіне әсер ететіні немесе емшектегі балаға әсер ететіні белгісіз.

Эмтрицитабин адамның емшек сүтімен бірге шығарылатыны байқалды; Тенофовир алафенамидтің осындай ұқсас қасиеті бар-жоғы белгісіз. Адамдарда емшек сүтімен бірге тенофовир алафенамидтің шығуы туралы беймәлім болып қалғанымен, эмтрицитабинде бұл қасиеттің бар екендігі туралы дәлелдер бар.

Эмтрицитабинмен ем қабылдайтын пациенттерде емшектегі балалар эмтрицитабинге вирустық төзімділіктің даму қаупіне ұшырауы мүмкін. Қазіргі уақытта эмтрицитабинмен ем қабылдайтын пациенттерде емшектегі балаларға қатысты басқа қауіптер туралы ақпарат жоқ.

Көлік құралдарын және қауіптілігі зор механизмдерді басқару қабілетіне әсері

Пациенттерді ем кезеңінде бас айналу реакциясы туралы хабардар ету керек.

Пациенттің көлік құралдарын немесе қауіптілігі зор механизмдерді басқару қабілетін бағалау кезінде оның клиникалық статусын және долутегравирге жағымсыз реакциялар бейінін ескеру қажет.

Қолдану жөніндегі нұсқаулар

Дозалау режимі

Долутегравир, эмтрицитабин және тенофовир алафенамид препаратын қабылдау алдында тестілеу

Долутегравир, эмтрицитабин және тенофовир алафенамид препаратын қабылдауды бастар алдында пациенттер гепатит вирусы инфекциясының бар-жоғына тестілеуден өтуі қажет, сондай-ақ креатинин клиренсіне, несептегі глюкозаның, ақуыздың бар-жоғы мен деңгейіне бағалау жүргізу керек, сондай-ақ ем кезінде барлық пациенттерге мониторинг жүргізу қажет.

Долутегравир, эмтрицитабин және тенофовир алафенамид препараты құрамында 50 мг долутегравир, 200 мг эмтрицитабин және 25 мг тенофовир алафенамид бар үш компоненттен тұратын белгіленген дозасы бар біріктірілген препарат болып табылады. Долутегравир, эмтрицитабин және тенофовир алафенамид препаратының ұсынылатын дозасы ересектер мен дене салмағы кемінде 40 кг және креатинин клиренсі кемінде 30 мл/мин балаларға тамақпен бірге немесе тамақсыз тәулігіне бір рет пероральді қабылданатын 1 таблетканы құрайды.

Долутегравир, эмтрицитабин және тенофовир алафенамид препаратын бір мезгілде қабылданатын препараттармен дозалау жөніндегі нұсқаулар

Өткізіп алған доза

Егер пациент қабылдауды өткізіп алса, препаратты есіне түсірген бойда қабылдау керек. Кейінгі қабылдау кезінде өткізіп алған дозасын еселемеу керек және белгіленген дозасын асырмау керек.

Пациенттердің ерекше топтары

Егде жастағы пациенттер

Жас субъектілермен салыстыру үшін 65 және одан үлкен жастағы пациенттерде дозалау және емге жауап қайтару жөніндегі нұсқаулар бойынша деректер жоқ. Препаратты егде жастағы пациенттерге тағайындағанда сақ болу керек, өйткені долутегравирді, эмтрицитабинді және тенофовир алафенамидті қабылдау бауыр, бүйрек немесе жүрек функциясының жоғары төмендеу жиілігін, сондай-ақ қатар жүретін аурулардың немесе басқа да дәрілік емнің күшейетінін көрсетеді.

Бүйрек функциясының жеткіліксіздігі

Долутегравир, эмтрицитабин және тенофовир алафенамид препаратын қабылдау бүйрек функциясының ауыр жеткіліксіздігі бар пациенттерге ұсынылмайды (есептеп шығарылған креатинин клиренсі < 30 мл/мин), өйткені Долутегравир, эмтрицитабин және тенофовир алафенамид препараты белгіленген дозасы бар біріктірілімді болып табылады және әрбір компоненттің дозасын түзету мүмкін емес. Бүйрек функциясының жеңіл немесе орташа жеткіліксіздігі (есептеп шығарылған креатинин клиренсі ≥ 30 мл/мин) бар пациенттерге Долутегравир, эмтрицитабин және тенофовир алафенамид препаратының дозасын түзету ұсынылмайды.

Бауыр функциясының жеткіліксіздігі

Бауыр функциясының жеңіл (Чайлд-Пью шкаласы бойынша А класы) немесе орташа (Чайлд-Пью жіктемесі бойынша В класы) жеткіліксіздігі бар пациенттерде Долутегравир, эмтрицитабин және тенофовир алафенамид препаратының дозасын түзету ұсынылмайды. Долутегравир, эмтрицитабин және тенофовир алафенамид препаратының фармакокинетикасы бойынша деректер бауыр функциясының ауыр дәрежелі жеткіліксіздігі бар пациенттерде (Чайлд-Пью жіктемесі бойынша С класы) жоқ, сондықтан пациенттердің осы тобында препаратты қабылдау ұсынылмайды.

Енгізу әдісі мен жолы

Пероральді.

Долутегравир, эмтрицитабин және тенофовир алафенамид препараты ас ішуге қарамастан қабылдауға болады.

Артық дозалану жағдайында қабылдау қажет болатын шаралар

Долутегравирмен, эмтрицитабинмен және тенофовир алафенамидпен артық дозаланғанда жүргізілетін спецификалы ем белгілі. Артық дозалану жағдайында пациенттің жағдайын бақылап, қажет болған жағдайда стандартты демеуші ем қолдану керек.

Долутегравир: долутегравир плазма ақуыздарымен тығыз байланыста болғандықтан, диализ кезінде айтарлықтай бөлігінің жойылу ықтималдылығы аз.

Эмтрицитабин: ұсынылғаннан асатын дозаларында шектеулі клиникалық тәжірибе бар. Ауыр жағымсыз реакциялар туралы хабарланған жоқ. Өте жоғары дозалардың әсері белгісіз.

Гемодиализ эмтрицитабинді енгізгеннен кейін 1,5 сағат ішінде басталатын диализдің 3 сағаттық кезеңі ішінде эмтрицитабин дозасының шамамен 30%-ын жояды (қанағымның жылдамдығы 400 мл/мин және диализат ағынының жылдамдығы 600 мл/мин). Перитонеальді диализ көмегімен эмтрицитабинді жою мүмкіндігі белгісіз болып қалады.

Тенофовир алафенамид: ұсынылғаннан асатын артық дозаланудың шектеулі клиникалық тәжірибесі бар, елеулі жағымсыз реакциялары туралы хабарланған жоқ. Өте жоғары дозалардың әсері белгісіз. Тенофовир гемодиализ арқылы шамамен 54% экстракция коэффициентімен тиімді жойылады.

Дәрілік препаратты қолдану тәсілін түсіндіру үшін медициналық қызметкер кеңесіне жүгінуге кеңес беріледі.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болған жағдайда)

-гепатоуыттылық

-аса жоғары сезімталдық

-ауыр және жедел түрдегі В гепатитінің өршуі

-иммунитеттің қалпына келу синдромы

-бүйрек функциясы жеткіліксіздігінің жаңадан басталуы немесе нашарлауы

-лактоацидоз және стеатозбен байқалатын ауыр гепатомегалия

Бұрын ем алмаған пациенттердегі зерттеулерде және емдеу тәжірибесі бар зерттеулерде байқалатын аз таралған жағымсыз реакциялар мынадай жағымсыз реакциялар бұрын ем алмаған немесе емдеу тәжірибесі бар, кез келген бір зерттеуде біріктірілген режимде долутегравир қабылдаған пациенттердің кемінде 2% - ында байқалды. Бұл оқиғалар олардың ауырлығына және ықтимал себеп-салдарлық байланысты бағалауға байланысты енгізілді.

Асқазан-ішек жолы тарапынан: іштің ауыруы, іш жайсыздығы, метеоризм, іштің жоғарғы бөлігінің ауыруы, құсу.

Бауыр тарапынан: гепатит.

Тірек-қимыл аппараты тарапынан: миозит.

Психикалық бұзылулар: суицидтік ойлар және суицидке әрекеттену мінез-құлқы, суицидтік нәтиже. Бұл оқиғалар негізінен анамнезінде депрессия немесе басқа психикалық аурулары бар сыналатындарда байқалды.

Бүйрек және несеп шығару жолдары тарапынан: бүйрек функциясының жеткіліксіздігі.

Тері тарапынан: қышу.

Тіркеуден кейінгі қолдану: клиникалық зерттеулер барысында хабарланған жағымсыз реакцияларға қосымша тіркеуден кейінгі қолдану кезеңінде мынадай жағымсыз реакциялар анықталды. Бұл реакциялар саны белгісізі топтан өз еркімен хабарланатындықтан, олардың жиілігін сенімді бағалау немесе препараттың әсерімен себеп-салдарлық байланысты анықтау әрдайым мүмкін емес.

Долутегравир

Бауыр тарапынан: бауыр функциясының жедел жеткіліксіздігі, гепатоуыттылық

Тірек-қимыл жүйесі тарапынан: артралгия, миалгия

Психиатриялық бұзылулар: үрей.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz/

Қосымша мәліметтер

Дәрілік препараттың құрамы

Үлбірлі қабықпен қапталған бір таблетканың құрамында

белсенді заттар: натрий долутегравирі

50.000 мг долутегравирге баламалы,

200.000 мг эмтрицитабин,

тенофовир алафенамид фумараты

25.000 мг тенофовир алафенамидке баламалы.

қосымша заттар: маннитол (Pearlitol 50 C), микрокристалды целлюлоза (Pharmacel 101), натрий крахмалгликоляты А типі (Primojel), повидон (Kollidon K 30), микрокристалды целлюлоза (Farmacel 102), натрий кроскармеллозасы (Ac-Di-Sol), магний стеараты (Ligamed MF-2-V).

Үлбірлі жабыны: опадрай II ақ 85F580019: жартылай гидролизденген поливинилді спирт (Е 1203), тальк (Е 533b), макрогол/полиэтиленгликоль (Е 1521), титанның қостотығы (Е 171).

Сыртқы түрінің, иісінің, дәмінің сипаттамасы

Бір жағында "L17" бедері бар және екінші жағы тегіс, ақ немесе ақ дерлік түсті үлбірлі қабықпен қапталған сопақша пішінді таблеткалар.

Шығарылу түрі және қаптамасы

30, 90 немесе 180 таблеткадан тығыздығы жоғары полиэтиленнен жасалған құтыға салынады. Құтыда ылғал сіңіргіш силикагель бар.

Құтыға өзі желімделетін заттаңба мен қазақ және орыс тілдерінде медициналық қолдану жөніндегі нұсқаулық жапсырылады.

2 жыл

Жарамдылық мерзімі өткеннен кейін қолдануға болмайды!

30°С-ден аспайтын температурада сақтау керек.

Құтыны алғаш ашқаннан кейін 30 °С-ден аспайтын температурада 6 айдан асырмай сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Laurus Labs Limited,

(Unit-II), Plot No. 19, 20 & 21, Western Sector, APSEZ,

Atchutapuram Mandal, Visakhapatnam District-531011,

Andhra Pradesh, Үндістан.

Тел. +914039804333/23420500/501,

электронды мекенжайыinfo@lauruslabs.com

Тіркеу куәлігінің ұстаушысы

Laurus Labs Limited,

(Unit-II), Plot No. 19, 20 & 21, Western Sector, APSEZ,

Atchutapuram Mandal, Visakhapatnam District-531011,

Andhra Pradesh, Үндістан.

Тел. +914039804333/23420500/501,

электронды мекенжайыinfo@lauruslabs.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан Республикасы, 050043, Алматы қ., Мирас ш.а., 157, т.е. 819. Тел. (727) 311-81-96 / 97, электронды мекенжайы: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Канумуру И.Г., Қазақстан Республикасы, 050043, Алматы қ., Мирас ш.а., 157, 2-блок, т.е. 819. Тел. (727) 311-81-96/97, ұялы тел. +77479911904, электронды мекенжайы: irina.volovnikova@gmail.com.