Дисгрен
Инструкция
-
русский
-
қазақша
Саудалық атауы
Дисгрен
Халықаралық патенттелмеген атауы
Трифлусал
Дәрілік түрі
300 мг капсулалар
Құрамы
Бір капсуланың құрамында
белсенді зат – трифлусал 300 мг,
қосымша заттар: желатин, темірдің тотығы Е-172.
Сипаттамасы
Түссіз, № 1 өлшемді, қызыл түсті «DISGREN» жазуы бар, қатты желатин капсулалар
Капсула ішінде – ақ немесе ақ дерлік түсті ұнтақ
Фармакотерапиялық тобы
Антикоагулянттар. Тромбоциттер агрегациясының тежегіштері.
АТХ коды В01А С18
Фармакологиялық қасиеттері
Фармакокинетикасы
Трифлусал ішке қабылдаудан кейін 83-тен 100% дейінгі абсолютті биожетімділігін көрсете отырып, жылдам сіңеді (t½ Ка = 0,44 сағат). Эстераз әсерінен препарат өзінің негізгі белсенді метаболиті – 2–гидрокси–4–(трифторметил) бензой қышқылына (ГТБ) айнала отырып, жылдам гидролизденеді. Екіншілік конъюгирленген метаболит ГТБ - глицин – несепте анықталады. Плазмадағы жартылай шығарылу кезеңі (t½) трифлусал үшін 0,53 ± 0,12 сағатты және ГТБ үшін - 34,3 ± 5,3 құрайды. Негізінен бүйрекпен шығарылады (бүйрек клиренсі 48 сағатқа > 60 % құрайды). Несепте метаболизденбеген трифлусал, ГТБ және ГТБ – глицин қосылыстары анықталады.
Дені сау еріктілерде трифлусалдың - 300 немесе 900 мг бір дозасын пероральді қабылдаудан кейін, плазмадағы трифлусалдың ең жоғары концентрациясының (Cmax) орташа көрсеткіші тиісінше 3,2 ± 1,9 мкг/мл және 11,6 ± 1,7 мкг/мл құрайды. ГТБ арналған Cmax36,4 ± 6,1 мкг/мл және 92,7 ± 17,1 мкг/мл құрайды. 900 мг дозада Cmax (tmax) жету үшін қажетті уақыт трифлусал үшін 0,88 ± 0,26 сағатты және ГТБ үшін - 4,96 ± 1,37 сағатты құрайды. Қайта қабылдағаннан кейінгі ГТБ фармакокинетикалық параметрлері (13 тәулік бойына трифлусал тәулігіне үш рет 300 мг дозада немесе тәулігіне бір рет 600 мг) ГТБ плазмадағы Cmax тұрақты күйде (Cmax тк) тиісінше 178 ± 42 мкг/мл және 153 ± 37 мкг/мл құрайды. ГТБ емдік концентрацияларында плазма альбуминдерімен 98-дан 99% дейін байланысады. Бұл қосылыстар кофеин, теофиллин, глисентид, эналаприл, циметидин және варфарин болғанда елеулі өзгермейді. Алайда ГТБ бос фракциясы диклофенак, ибупрофен, индометацин, напроксен, пироксикам немесе салицил қышқылы сияқты ҚҚСП болуы жағдайында елеулі жоғарылайды. ГТБ жоғары концентрацияларында протеиннің байланыстыратын бөліктерінде ҚҚСП, глисентид және варфаринді алмастырады. Бұл заттар ақуыздардың байланыстыратын бірыңғай бөліктеріне аффинділік көрсетеді, олардың протеинмен тектестік дәрежесіне қарай және алмастыратын зат концентрациясына қарай өзара алмаса алады. Егде жастағы еріктілерде 300 мг трифлусалды тәулігіне екі рет қолданғаннан кейін трифлусал және ГТБ плазмадағы концентрациясы 3-5 тәулік ішінде тұрақты тепе теңдікке жетеді. Егде жастағы еріктілерде ФК көрсеткіштерінің - Cmax және tmax жас еріктілерде белгіленген көрсеткіштерден елеулі айырмашылығы жоқ. Трифлузал үшін қан плазмасындағы t½ - 0,92 ± 0,16 сағатты және ГТБ үшін 64,4 ± 6,6 сағатты құрайды; жас еріктілердегіге қарағанда екі көрсеткіш те жоғары. Алайда бұл жоғарылаудың клиникалық мәні жоқ және егде жастағы емделушілер үшін доза түзетуді талап етпейді.
Гемодиализ жүргізілетін, терминальді сатыдағы созылмалы бүйрек жеткіліксіздігі бар емделушілерде қан плазмасындағы ГТБ концентрациясының көрсеткіштері гемодиализге дейін және одан кейін ұқсас болды.
Фармакодинамикасы
Трифлусал емдік дозасында қан тамырлық циклооксигеназаға елеусіз ғана әсер етуіне орай простациклин биосинтезіне әсер етпейді, тромбоксан биосинтезін тромбоцитарлық циклооксигеназаны қайтымсыз тежеу жолымен төмендетеді. Сол сияқты трифлусалдың негізгі метаболиті - 2–гидрокси–4–(трифторметил) бензой қышқылы (ГТБ) тромбоцитарлық циклооксигеназаның қайтымды тежегіші болып табылады, өзінің жартылай ыдырауының ұзақтығына қарай (шамамен 34 сағат) трифлусалдың антитромбоздық әсеріне ықпал етеді. Трифлусал сияқты ГТБ да тромбоциттерде тромбоцитарлық фосфодиэстэразды тежеу жолымен циклдық аденозин 5-монофосфат (ц-АМФ) концентрациясын жоғарылатуы мүмкін. Бұдан басқа, in vitro және ex vivo трифлусалдың адам нейтрофилінде азот оксидінің босап шығуын көтермелейтіні, сондай-ақ антитромбоздық әсерге ықпалы бары анықталды. Трифлусал дені сау еріктілерде, сондай-ақ науқастарда да тромбоциттер агрегациясының тежелуін көрсетті. Дені сау еріктілердегі ex vivo тәжірибелерінде трифлусалды 600 мг дозада қолданғаннан кейін 24 сағаттан соң арахидон қышқылымен индукцияланған тромбоциттер агрегациясы 65% төмендеген. Трифлусалды қайта қолдану (7 тәулік бойына тәулігіне 600 мг-ден) арахидон қышқылымен, АДФ (аденозиндифосфатпен), эпинефринмен немесе коллагенмен индукцияланған тромбоциттер агрегациясының 50 – 75 % тежелуіне алып келді.
Қолданылуы
Төмендегі коронарлық немесе церебральді-васкулярлық ишемиялық ұстамаларды бірінші өткергеннен кейінгі екіншілік алдын алуға:
- миокард инфарктісінде
- тұрақты немесе тұрақсыз стенокардияда
- қан айналымының цереброваскулярлық геморрагиялық емес транзиторлық бұзылуларында.
- жүрекше фибриляциясы бар емделушілерде эмболиялық асқынуларды болдырмау үшін пероральді антикоагулянттармен бір кешенде аортокоронарлық шунттаудан соң көктамырлық шунттар окклюзиясының алдын алуға.
Қолдану тәсілі
Ішке қабылданады. Ұсынылатын доза — тәулігіне 600 мг (2 капсуладан) 1 рет қабылдауға немесе тәулігіне 900 мг (3 капсуладан) тәулігіне, 3 рет қабылдауға. Препаратты тамақ ішу уақытында, судың жеткілікті мөлшерімен іше отырып, қабылдау ұсынылады.
Жағымсыз әсерлері
жиі
- диспепсиялық бұзылулар (әдетте препаратты тоқтатпай-ақ, бірнеше күннен кейін өтеді)
сирек
-бөртпе, қышыну
өте сирек
-бас ауыруы, үрейлену сезімі, естен тану, бас айналуы,
құрысулар
- құлақтағы шуыл, гипакузия
- дәм сезудің бұзылуы
- артериялық гипертензия, қан тамырлық экстракардиалдық бұзылу
- ентігу, ринит, тонзиллит, трахеит
- анемия
- коагуляцияның бұзылуы және қан кетулер (мұрыннан қан кету, гематома,
пурпура, қызыл иектің қанағыштығы)
- гематурия, несеп шығару жолдарының жұқпалары
- қызба, суық тию симптомдары
- фотосенсибилизация
Қолдануға болмайтын жағдайлар
- препарат компоненттеріне және белсенді заттарына жеке жоғары сезімталдық
- асқазанның және/немесе он екі елі ішектің ойық жарасы (оның ішінде сыртартқысында)
- жедел қан кету
- балалық және 18 жасқа дейінгі жасөспірімдік кезең
- жүктілік және лактация кезеңі
Дәрілермен өзара әрекеттесуі
ҚҚСП бір мезгілде қолданғанда трифлусал метаболитінің белсенділігі ұлғаяды, бұл ҚҚСП тиімділігінің жоғарылауына алып келеді, сондықтан бұл препараттардың дозасын түзету қажет. Қан кету қаупі туындауын жоғарылататын тромболитикалық препараттарды, ацетилсалицил қышқылын және басқа да қабынуға қарсы стероидты емес препараттарды (ҚҚСП) бір уақытта сақтықпен қолдану қажет.
Айрықша нұсқаулар
Бауыр немесе бүйрек жеткіліксіздігі: препаратты бүйрек немесе бауыр жеткіліксіздігі бар емделушілерде қолданудың клиникалық тәжірибесі шектеулі. Сондықтан осындай патологиялы емделушілерді емдеуде ерекше зейін қою ұсынылады. Гемодиализдегі, ауыр бүйрек жеткіліксіздігі бар емделушілерде трифлусалдың басты метаболиті - 2-гидрокси-4-(трифторметил) бензой қышқылының (ГТБ) қан плзамасындағы концентрациясы елеулі өзгермейді, сондықтан доза түзету жүргізудің қажеті жоқ.
Қан кету қаупі: препаратты жарақаттану нәтижесінде немесе басқа да патологиялық жай-күйлерде қан кету қаупі жоғары емделушілерде сақтықпен қолдану қажет. Жоспарлы хирургиялық араласуларда қан кету қаупін таразылау керек және қажет болғанда жоспарлы оперативті араласулардан кемінде 7 күн бұрын Дисгренмен емдеуді тоқтату керек.
Педиатрияда қолданылуы
Препараттың балалардағы қауіпсіздігі мен тиімділігі анықталмаған, сондықтан препарат педиатриялық практикада қолданылуға ұсынылмайды.
Жүктілік және лактация кезеңі
Дисгреннің жүктілік кезіндегі әсері туралы деректер жоқ, сондықтан препаратты осы кезеңде қолдану ұсынылмайды. Жануарларға зерттеулер жүргізілген уақытта жүктілікке, ұрықтың дамуына, тууға және туғаннан кейінгі дамуға тікелей немесе жанама жағымсыз әсерлері анықталмаған. Трифлусалдың емшек сүтіне өту мүмкіндігі туралы деректер жоқ, сондықтан емдеу кезеңінде емшекпен емізуден бас тарту керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Болуы мүмкін жағымсыз әсерлерді ескере отырып, автокөлік және басқа да потенциалды қауіпті механизмдерді басқаруда сақтық жасау керек.
Артық дозалануы
Симптомдары: жоғары доза қабылдаған жағдайда салицилаттармен уыттану симптомдары дамуы мүмкін (бас ауыруы, бастағы шуыл, бас айналуы, жүрек айнуы, құсу,тыныс алудың жиілеуі).
Емі: препаратты тоқтату, симптоматикалық емдеу.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.
3 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
J. Uriach & Cia, S.A., Испания
Тіркеу куәлігінің иесі
J. Uriach & Cia, S.A., Испания
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ҚР «Медиал Ди энд Пи ЛТД» Орталық Азия бойынша өкілдігі
Мекенжайы: 050050 Алматы қ-сы, Темекі зауыты к-сі, 20,
тел +77272954882, факс-2954881. e- mail: medial.office@gmail.com