Дипрофол (20 мг/мл, ПАО Фармак)

Дипрофол

Пропофол

Инфузияға арналған эмульсия 20 мг/мл

1 мл эмульсияның құрамында

белсенді зат –20 мг пропофол;

қосымша заттар: соя майы, жұмыртқа фосфолипиді, глицерин, натрий гидроксиді, динатрий эдетаты, инъекцияға арналған су.

Ақ немесе ақ дерлік түсті, іс жүзінде ішінде қатты бөлшектер мен ірі май тамшылары жоқ гомогенді эмульсия. Ұзақ ұақыт тұрған кезде эмульсия болар-болмас қатпарлануы мүмкін.

Жүйке жүйесі. Анестетиктер. Жалпы анестетиктер. Басқа жалпы анестетиктер. Пропофол.

АТХ коды N01AX10

Фармакокинетикасы

Сіңірілуі. Пропофол 2 % анестезияны демеу үшін қолданғанда қандағы концентрациясы осы енгізу жылдамдығы үшін асимптотикалық түрде тепе теңдік жағдайына жуықтайды.

Таралуы. Пропофол организмге кеңінен таралады және одан жылдам шығарылады (жалпы клиренсі 1,5–2,0 л/минутты құрайды).

Шығарылуы. Дозасын болюстік енгізуден немесе инфузиясы аяқталғаннан кейін пропофол концентрациясының төмендеуін өте жылдам таралуымен (жартылай таралу кезеңі 2–4 минут), жылдам шығарылуымен (жартылай шығарылу кезеңі 30– 60 минут) және баяуырақ ақырғы фазасымен жүретін ашық үш камералы модельдің көмегімен сипаттауға болады, ол пропофолдың перфузиясы әлсіз тіндерден кері таралуын сипаттап береді.

Клиренсі метаболизм үдерістерінің көмегімен, негізінен бауырда, бұнда ол қанайналымға тәуелді, пропофолдың белсенді емес конъюгаттарын және сәйкесінше, несеппен шығарылатын хинолды түзе отырып жүзеге асады.

Бір реттік 3 мг/кг дозасын вена ішіне енгізгеннен кейін, пропофолдың 1 кг дене салмағы клиренсі жас ұлғаюына қарай осы принцип бойынша жоғарылай түседі: орташа клиренсі үлкендеу балалармен салыстырғанда, жаңа туған <1 айлық нәрестелерде едәуір төмен (20 мл/кг/мин). Бұдан өзге, жаңа туған нәрестелерде аталған параметрдің пациенттер арасындағы өзгергіштігі байқалған (ауқымы 3,7–78 мл/кг/мин). Клиникалық зерттеулердің аталған пациенттер тобы үшін елеулі өзгергіштікті көрсететін осындай деректерінің шектеулілігіне байланысты, дозалау жөнінде нұсқау беруге болмайды.

Дозаға тәуелділігі. Пропофол 2 % инфузия жылдамдығының ұсынылған ауқымында қолданғанда, осы дәрілік заттың фармакокинетикасы дозасына тәуелді.

Пропофол жалпы анестезияға арналған, әсер етуі жылдам, шамамен 30 секундтан соң басталатын қысқа әсерлі дәрі болып табылады. Әдетте, жалпы анестезиядан кейін қалыпқа келу жылдам жүреді. Жалпы анестезияға арналған барлық дәрілердегі сияқты, әсер ету механизмі жеткілікті дәрежеде айқын емес. Алайда, пропофолдың тыныштандыратын/ауыруды басатын әсеріне ГАМҚ нейромедиаторының тежегіштік функциясының лиганд басқаратын ГАМҚА-рецепторлары арқылы позитивті модуляциялануы түрткі болады деп есептеледі.

Пропофолды анестезияны индукциялау және демеп тұру үшін қолданғанда, орташа артериялық қысымның төмендегені және жүректің жиырылу жиілігінің болар-болмас өзгерістері байқалады. Гемодинамикалық көрсеткіштер, әдетте, анестезия сақталған кезең бойына салыстырмалы түрде тұрақты күйінде қалады, ал жағымсыз гемодинамикалық өзгерістердің туындау жиілігі төмен.

Пропофолды қолданғаннан кейін тыныс тарылуы мүмкін, әсерлерінің барлығы сапасы жағынан, вена ішіне енгізуге арналған жансыздандыратын басқа дәрілерді қолданғанда туындайтындарға ұқсас, және клиникалық жағдайларда жеңіл бақыланады.

Пропофол миішілік қан ағымын, бассүйекішілік қысымды және миішілік метаболизмді азайтады. Бассүйекішілік қысымның бастапқы көрсеткіштері жоғары пациенттерде бассүйекішілік қысымды азайтуы айқынырақ.

Наркоздан шығу әдетте, жылдамырақ, естің анықтығымен және бас ауыруының, операциядан кейінгі жүрек айнуы мен құсудың туындау жиілігінің төмендігімен жүреді. Пропофолмен анестезиядан кейін операциядан кейінгі жүрек айнуы мен құсудың туындау жиілігі ингаляциялық анестезияға арналған дәрілерді қолданған кездегі осындаймен салыстырғанда азырақ болады. Бұл пропофолдың құсуды туғызуға қабілеттілігінің айқындығы аздығымен байланысты болуы мүмкін.

Пропофол, әдетте, клиникалық жағдайларда жететін концентрацияларында, бүйрекүсті безі қыртысы гормондарының синтезін бәсеңдетпейді.

Фармакодинамикасы

Әсер ету механизмі. Пропофол (2,6-диизопропилфенол) – бұл жалпы анестезияға арналған, әсер етуі жылдам, шамамен 30 секунд ішінде басталатын, қысқа әсерлі дәрі. Наркоздан шығу әдетте жылдам орын алады. Жалпы анестезияға арналған басқа дәрілердегі сияқты, әсер ету механизмі жеткілікті зерттелмеген. Алайда, пропофол тыныштандыратын және есірткілік әсерлерін ГАМҚ нейротрансмиттерінің тежегіштік функциясына, соңғысының лиганд белсендіретін ГАМҚА-рецепторларымен өзара әрекеттестігін оңайлату арқылы оң ықпал ету жолымен жүзеге асырады деп есептеледі.

Фармакодинамикалық қасиеттері. Әдетте, пропофол 2 % анестезияны индукциялау және демеп тұру үшін қолданғанда, оташа артериялық қысымның төмендегені және жүректің жиырылу жиілігінің болар-болмас өзгерістері байқалады. Алайда, қалыпты жағдайлардағы гемодинамика параметрлері анестезияны демеу кезінде салыстырмалы түрде тұрақты болып қалады, ал жағымсыз гемодинамикалық реакциялар туындаған жағдайлар саны көп емес.

Пропофол 2 % енгізгеннен кейін тыныс тарылуы дамуы мүмкін болғанымен, сапасы жағынан қандай-да бір реакциялар венаішілік анестезияға арналған басқа дәрілерді қолданғанда туындайтындарға ұқсас, және клиникалық тәжірибеде оңай түзетіледі. Пропофол 2 % ми қанайналымын, бассүйекішілік қысымды және ми метаболизмін төмендетеді. Бассүйекішілік қысымы әуелден жоғары пациенттерде бассүйекішілік қысымды төмендетуінің айқындығы көбірек.

Клиникалық қауіпсіздігі мен тиімділігі. Наркоздан шығу, әдетте, жылдам орын алады және когнитивтік функциялардың қалпына жылдам келуімен, бас ауыруы және операциядан кейінгі жүрек айнуы мен құсу жағдайлары санының аздығымен сипатталады.

Жалпы алғанда, пропофол 2 % қолданғанда, операциядан кейінгі жүрек айнуы мен құсу, ингаляциялық наркозға арналған дәрілерді пайдаланғандағыға қарағанда сирегірек байқалады. Мұның пропофолдың эметогендік қабілетінің төмендігімен байланысты болуы мүмкіндігі туралы деректер бар.

Пропофол 2 % клиникада қолданылатын концентрацияларында бүйрекүсті безі қыртысы гормондарының синтезін бәсеңдетпейді.

Педиатриялық популяция. Балалардағы пропофол қолданылған анестезияны зерттеудің шектеулі деректері, наркоз 4 сағатқа дейін созылған жағдайда, қауіпсіздігі мен тиімділігі сақталғандығын көрсетіп отыр. Жарияланған деректерге сәйкес, дәрілік затты балаларға, ұзаққа созылатын емшараларды жүргізуде, соңғысының қауіпсіздігі мен тиімділігінің өзгеруінсіз қолдануға болады.

Жалпы анестезияға арналған қысқа әсерлі дәрі ретінде препаратты келесілер үшін вена ішіне енгізеді:

- ересектер мен ˃ 3 жас шамасындағы балаларда жалпы анестезияны индукциялау және демеп тұру үшін;

- ересектер мен ˃ 3 жас шамасындағы балаларда диагностикалық және хирургиялық емшараларды жүргізуде тыныштандыру үшін, бөлек немесе жергілікті немесе жалпы анестезияға арналған дәрілік заттармен біріктіріп;

- ˃ 16 жас шамасындағы, қарқынды емдеу бөлімшесінде (ҚЕБ) өкпені жасанды желдету жүргізілетін пациенттерді тыныштандыру үшін.

Жалпы анестезияны идукциялау

Ересектер. Дипрофол 2 % анестезияны инфузия жолымен индукциялау үшін пайдалануға болады. Дипрофол 2 % болюстік инъекция түрінде пайдалану ұсынылмайды. Дипрофол 2 % препаратын анестезияны индукциялау үшін пайдалануға болады, бірақ тек, Дипрофол 2 % анестезияны демеп тұру үшін қабылдаған пациенттерде ғана.

Премедикация жүргізілген немесе жүргізілмеген пациенттерге (ересек пациентке инфузия түрінде әр 10 секунд сайын шамамен 2 мл-ден [40 мг] енгізу керек) анестезияның клиникалық белгілері пайда болғанға дейінгі клиникалық жауабын ескере отырып Дипрофол 2 % дозасын титрлеу ұсынылады. 55 жасқа дейінгі ересек пациенттердің көпшілігі үшін жалпы алғанда, препараттың 1,5–2,5 мг/кг дозасын енгізу жеткілікті. Жалпы қажетті дозасын енгізу жылдамдығын төмендету арқылы азайтуға болады (1–2,5 мл/мин [20–50 мг/мин]). 55 жастан асқан адамдар үшін жалпы анестезияға жетуге арналған дозасы жалпы алғанда аз. Американың анестезиологтар қоғамының (ASA) қауіптерді бағалау жүйесі бойынша 3 немесе 4 балмен бағаланған пациенттерге препаратты енгізудің азғантай жылдамдығымен (әр 10 секунд сайын шамамен 1 мл [20 мг]) қолдану керек.

Егде жастағы адамдар. Егде жастағы адамдарға анестезияны индукциялау үшін Дипрофол 2 % азғантай дозаларын енгізу қажет. Дозасын азайтқан кезде пациенттің денсаулық жағдайы мен жас шамасын ескеру керек. Азайтылған дозасын азғантай жылдамдықпен енгізу және клиникалық жауабын ескере отырып титрлеу керек.

Педиатриялық популяция. Дипрофол 2 % препаратын 3 жасқа толмаған балаларға анестезияны индукциялау үшін қолдану ұсынылмайды.

3 жастан асқан балаларға анестезияны индукциялау үшін Дипрофол 2 % дозасын анестезияның клиникалық белгілері пайда болғанға дейін баяу титрлеу керек. Дозасын жас шамасына және/немесе дене салмағына сәйкес таңдап алу керек. 8 жастан асқан пациенттердің көпшілігі үшін анестезияны индукциялау үшін Дипрофол 2 % кг дене салмағына шамамен 2,5 мг дозасын енгізу жеткілікті болып табылады. Кішкентай балаларға жоғары дозаларын енгізу (дене салмағына 2,5–4 мг/кг) қажет болуы мүмкін.

ASA бойынша 3 немесе 4 балмен бағаланған пациенттерге азғантай дозаларын қолдану ұсынылады («Айрықша нұсқаулар» бөлімін қараңыз).

Балаларда жалпы анестезияны индукциялау үшін, Дипрофол 2 % препаратын «Diprifusor» МКИ жүйесінің көмегімен енгізу ұсынылмайды.

Жалпы анестезияны демеп тұру

Ересектер. Анестезияны демеп тұруды Дипрофол 2 % үздіксіз инфузия түрінде енгізу жолымен наркоздың тереңдігін қамтамасыз етуге болады. Дипрофол 2 % препаратын болюстік инъекциялар түрінде енгізу ұсынылмайды. Наркоздан шығу, әдетте, жылдам орын алады, сондықтан, Дипрофол 2 % препаратын енгізуді емшараның соңына дейін жалғастыру маңызды.

Үздіксіз инфузия.

Енгізудің қажетті жылдамдығы түрлі пациенттерде едәуір өзгешеленуі мүмкін, алайда сағатына 4–12 мг/кг аралығындағы мәндері, әдетте, анестезияның қажетті тереңдігін демеп отыру үшін жеткілікті.

Егде жастағы адамдар. Дипрофол 2 % анестезияны демеп тұру үшін қолданғанда, енгізу жылдамдығын немесе мақсатты концентрациясын төмендету керек. ASA бойынша 3 немесе 4 балмен бағаланған пациенттерге дозасы мен енгізу жылдамдығын одан да көбірек азайту қажет. Егде жастағы адамдарға дәрілік заттың жылдам болюстік енгізілуін (бір рет және қайталап) болдырмау керек, өйткені ол жүрек-қантамыр және тыныс алу жүйелері функциясының бәсеңдеуіне алып келуі мүмкін.

Педиатриялық популяция. Дипрофол 2 % препаратын 3 жасқа толмаған балаларға анестезияны демеу үшін қолдану ұсынылмайды.

3 жастан асқан балаларда анестезияны демеп тұруды Дипрофол 2 % инфузия түрінде наркоздың қажетті тереңдігін ұстап тұру үшін қайталанатын енгізу арқылы қамтамасыз етуге болады. Қажетті енгізу жылдамдығы түрлі пациенттерде айтарлықтай өзгешеленуі мүмкін, алайда, сағатына 9–15 мг/кг мәндері, әдетте, анестезияның қажетті тереңдігіне жету үшін жеткілікті. Кішкентай балаларға, жоғарырақ дозаларын енгізу қажет болуы мүмкін. ASA бойынша 3 немесе 4 балмен бағаланған пациенттерге азғантай дозаларын қолдану ұсынылады (сонымен қатар «Айрықша нұсқаулар» бөлімін де қараңыз). Балаларда жалпы анестезияны демеу үшін, Дипрофол 2 % «Diprifusor» МКИ жүйесінің көмегімен енгізу ұсынылмайды.

Қарқынды емдеу бөліміндегі пациенттерді тыныштандыру

Ересектер. Қарқынды емдеу бөлімшесіндегі пациенттерді тыныштандыру үшін Дипрофол 2 % үздіксіз инфузия жолымен енгізу керек. Инфузия жылдамдығын тыныштандырудың қажетті тереңдігіне байланысты анықтау керек. Пациенттердің көпшілігінде тыныштандырудың қажетті тереңдігіне сағатына 0,3–4,0 мг/кг дозасын қолданғанда қол жеткізуге болады («Айрықша нұсқаулар» бөлімін қараңыз). Дипрофол 2 % препаратын қарқынды емдеу бөлімшесіндегі 16 жасқа дейінгі пациенттерді тыныштандыру үшін қолданбау керек («Қолдануға болмайтын жағдайлар» бөлімін қараңыз). Дипрофол 2 % қарқынды емдеу бөлімшесіндегі пациенттерді тыныштандыру үшін «Diprifusor» МКИ жүйесінің көмегімен енгізу ұсынылмайды.

Дипрофол 2 % майдың артық жүктемесі дамуының айрықша қаупі бар пациенттерге қолданғанда, қан липидтері концентрациясына мониторинг жүргізу ұсынылады. Егер мониторинг нәтижелері майлардың организмнен шығарылуының бұзылғанын көрсетсе, Дипрофол 2 % енгізуді сәйкесінше түзету керек. Егер пациентке құрамында липидтер бар басқа ерітінділер бір мезгілде вена ішіне енгізілсе, дозасын организмге инфузия барысында Дипрофол 2 % дәрілік түрінің компоненттері ретінде түсетін майлар мөлшерін ескере отырып азайту керек; 1,0 мл Дипрофол 2 % препаратының құрамында шамамен 0,1 г май бар. Егер тыныштандыру ұзақтығы 3 тәуліктен артық болса, липидтер концентрациясын мониторингілеуді пациенттердің барлығында жүргізу керек.

Егде жастағы адамдар. Дипрофол 2 % препаратын тыныштандыру үшін қолданғанда, инфузия жылдамдығын төмендету керек. ASA бойынша 3 немесе 4 балмен бағаланған пациенттерде дозасы мен енгізу жылдамдығын одан да көбірек азайту қажет. Дәрілік заттың егде жастағы адамдарға болюстік жолмен жылдам (бір рет және қайталап) енгізілуін болдырмау керек, өйткені бұл жүрек-қантамыр және тыныс алу жүйелері функциясының бәсеңдеуіне алып келуі мүмкін.

Педиатриялық популяция. Дипрофол 2 % препаратын қарқынды емдеу бөлімінде өкпені жасанды желдету жүргізілетін ≤ 16 жас шамасындағы балаларға тыныштандыру үшін қолданбаған дұрыс.

Диагностикалық және хирургиялық емшараларды жүргізу алдында тыныштандыру

Ересектер. Диагностикалық және хирургиялық емшараларды жүргізгенде қажетті тыныштандыруды қамтамасыз ету үшін, енгізу жылдамдығын жекелей таңдау және дозасын клиникалық жауапты ескере отырып титрлеу керек. Пациенттердің көпшілігінде тыныштандырудың индукциялануына дәрілік затты 1–5 минут ішінде 0,5–1,0 мг/кг дозада енгізген кезде қол жеткізуге болады. Тыныштандыруды демеп тұру Дипрофол 2 % инфузия түрінде енгізілетін дозасын титрлеу арқылы қамтамасыз етіледі, пациенттердің көпшілігі үшін тыныштандырудың қажетті тереңдігіне дейін сағатына 1,5–4,5 мг/кг енгізу жеткілікті. Инфузиядан бөлек, егер тыныштаныру тереңдігін жылдам арттыру қажеттілігі туындаса, 10–20 мг болюстеп енгізуге болады. ASA бойынша 3 немесе 4 балмен бағаланған пациенттерге енгізу жылдамдығы мен дозасын төмендету қажет болады. Диагностикалық және хирургиялық емшаралар алдында тыныштандыру үшін Дипрофол 2 % «Diprifusor» МКИ жүйесінің көмегімен енгізу ұсынылмайды.

Егде жастағы адамдар. Дипрофол 2 % тыныштандыру үшін қолданғанда, енгізу жылдамдығын немесе мақсатты концентрациясын төмендету керек. ASA бойынша 3 немесе 4 балмен бағаланған пациенттерге дозасы мен енгізу жылдамдығын одан да көбірек азайту қажет. Дәрілік затты егде жастағы адамдарға болюстік жолмен жылдам (бір рет және қайталап) енгізбеу керек, өйткені бұл жүрек-қантамыр және тыныс алу жүйелері функциясының бәсеңдеуіне алып келуі мүмкін.

Педиатриялық популяция. Дипрофол 2 % препаратын 3 жасқа толмаған балаларға диагностикалық және хирургиялық емшараларды жүргізуде қолдану ұсынылмайды.

3 жастан асқан балаларға дозасы мен енгізу жылдамдығын тыныштандырудың қажетті тереңдігіне және клиникалық жауабына сәйкес таңдап алу керек. Балалардың көпшілігінде тыныштандырудың индукциялануына Дипрофол 2 % дене салмағына 1–2 мг/кг дозада енгізгенде қол жеткізуге болады. Тыныштандыруды демеп тұруға инфузия кезінде дозаларын тыныштандырудың қажетті тереңдігіне жеткенше титрлеу арқылы қол жеткізуге болады. Пациенттердің көпшілігіне сағатына 1,5–9,0 мг/кг дозасы жеткілікті. ASA бойынша 3 немесе 4 балмен бағаланған пациенттерге дозасы мен енгізу жылдамдығын одан да көбірек азайту қажет болуы мүмкін.

Қолдану тәсілі.

Дипрофол 2 % ауыруды басатын белсенділік танытпайды, сондықтан, әдетте, ауыруды басатын қосымша дәрілік заттарды қатарлас енгізу қажеттілігі туындайды.

Дипрофол 2 % инфузия үшін шыны контейнерлерден, пластик шприцтерден, алдын ала толтырылған Дипрофол 2 % шприцтерінен қолдануға болады.

Анестезияны демеп тұру үшін Дипрофол 2 % препаратты сұйылтылмаған күйінде қолданғанда, инфузия жылдамдығын бақылау үшін үнемі шприцтік немесе волюметриялық инфузия помпасы сияқты жабдықтарды қолдану ұсынылады.

Дипрофол 2 % енгізер алдында инъекцияға және инфузияға арналған сұйықтықтардың көмегімен араластырмау керек. Дипрофол 2 % тікелей келесі ерітінділерді инфузиялау орнының алдында тұратын Y тәрізді жалғағыш арқылы енгізуге болады:

• декстрозаның венаішілік инфузияға арналған 5 % ерітіндісі;

• натрий хлоридінің венаішілік инфузияға арналған 0,9 % ерітіндісі;

• натрий хлоридінің 0,18 % ерітіндісі қосылған венаішілік инфузияға арналған 4 % декстроза ерітіндісі.

Пластиктен жасалған бір реттік шприцтерге қарағанда, алдын ала толтырылған шыны шприцтің үйкеліс кедергісі азырақ, және пайдалануға қолайлырақ. Сондықтан, егер Дипрофол 2 % алдын ала толтырылған шприцті, инфузия желісін қолданып енгізілсе, шприц пен пациент арасын қадағалаусыз ашық қалдыруға болмайды. Шприцтік инфузиялық помпасы бар, алдын ала толтырылған шприцті қолданғанда олардың тиісінше үйлесімділігіне көз жеткізу керек. Помпа дизайнында сифондық әсердің алдын алу қарастырылуы тиіс екендігіне көңіл бөлу керек, ал окклюзия сигналы 1000 мм сн. бағ. асатын мәнге орнатылуы тиіс. Бағдарламаланған помпаны немесе оның түрлі шприцтерді пайдалануға мүмкіндік беретін баламасын қолданған жағдайда, Дипрофол 2% алдын ала толтырылған шприцті қолданғанда «B-D» 50/60 мл «PLASTIKPAK» опциясын ғана таңдау керек.

Мақсатты концентрациясымен инфузия: Дипрофол 2 % ересектерге «Diprifusor» МКИ жүйесінің көмегімен енгізу. Дипрофол 2 % «Diprifusor» МКИ жүйесінің көмегімен енгізу ересектердегі индукциялаумен және жалпы анестезияны демеумен шектеледі. ҚЕБ-де немесе балаларға тыныштандыру жүргізуге қолдану ұсынылмайды.

Дипрофол 2 % МКИ түрінде тек, «Diprifusor» МКИ бағдарламалық жасақтамасы бар «Diprifusor» МКИ жүйесін қолданып енгізуге болады. Ондай жүйелер тек электронды таңбасы бар, Дипрофол 1 % немесе 2 % құйылған алдын ала толтырылған шприцтермен жұмыс істейді. «Diprifusor» МКИ жүйесі пропофолдың анықталған концентрациясы үшін инфузия жылдамдығын автоматты түрде белгілейді. Пайдаланушылар инфузияға арналған помпаны қолдану жөніндегі нұсқаулықпен, Дипрофол 2 % МКИ жүйесінің көмегімен енгізу және шприцтерді анықтау жүйесімен тиісінше жұмыс істеу ережелерімен таныс болуы тиіс.

«Diprifusor» МКИ жүйесі анестезиологқа қандағы пропофолдың мақсатты (қарастырылған) концентрацияларын белгілеу және өзгерту арқылы қалаған индукциялау жылдамдығы мен анестезия тереңдігіне қол жеткізуге және бақылап отыруға мүмкіндік береді. Кейбір «Diprifusor» МКИ жүйелері үшін, әсеріне байланысты баламалы енгізу режимі қолжетімді, бірақ оның қауіпсіздігі мен тиімділігі әлі анықталмаған.

«Diprifusor» МКИ жүйесі пропофолдың пациент қанындағы нөлге тең бастапқы концентрациясын анықтайды. Сондықтан, пациентке пропофолды алдын ала енгізген жағдайда, «Diprifusor» МКИ жүйесін қолданғанда бастапқы азғантай мақсатты концентрациясын таңдау қажеттілігі туындауы мүмкін. Сонымен қатар, помпаны ажыратқаннан кейін «Diprifusor» МКИ жүйесінің жұмысын дереу қайта бастау ұсынылмайды.

Төменде пропофолдың мақсатты концентрациялары жөнінде нұсқаулар келтірілген. Пациенттерде пропофолдың фармакокинетикасы мен фармакодинамикасының өзгергіштігін ескере отырып, премедикация жүргізілген немесе жүргізілмеген жағдайда, наркоздың қажетті тереңдігіне қол жеткізу үшін клиникалық жауапты ескере отырып, пропофолдың мақсатты концентрациясын титрлеу керек.

55 жасқа дейінгі ересек пациенттерде анестезияға, әдетте, пропофолдың 4–8 мкг/мл ауқымындағы мақсатты концентрациялары кезінде қол жеткізуге болады. Премедикация жүргізілген пациенттерге бастапқы мақсатты 4 мкг/мл және премедикациясыз – 6 мкг/мл концентрациясын қолдану ұсынылады. Аталған мақсатты концентрациялары кезінде индукциялау уақыты, әдетте, 60–120 секунд. Жылдамдығының жоғарырақ болуы анестезияның ертерек индукциялануына қол жеткізуге мүмкіндік береді, бірақ, жүрек-қантамыр және тыныс алу жүйелері функциясының айқынырақ бәсеңдеуімен байланысты болуы мүмкін. 55 жастан асқан және/немесе ASA бойынша 3 немесе 4 балмен бағаланған пациенттерге бастапқы төменірек мақсатты концентрациясын қолдану керек. Содан соң анестезияның біртіндеп индукциялануына қол жеткізу үшін, мақсатты концентрациясын біртіндеп, әр минут сайын 0,5–1,0 мкг/мл-ден арттыруға болады.

Әдетте, қосымша анальгезия жүргізу қажеттілігі туындайды. Ондай жағдайда, анестезияны демеп тұруға арналған мақсатты концентрациясын төмендету дәрежесі бірге енгізілген анальгетиктердің дозасына тәуелді болады. Пропофолдың 3–6 мкг/мл ауқымындағы мақсатты концентрациялары, әдетте, талапқа сай анестезияны қамтамасыз етеді. Пропофолдың оянған кездегі күтілетін концентрациясы әдетте 1,0–2,0 мкг/мл, бұл көрсеткішке анестезияны демеп тұру кезеңінде енгізілген анальгетиктердің дозасы әсер етеді.

Жүйелі

Жағымсыз құбылыстардың туындау жиіліктерін анықтауға арналған критерийлер: өте жиі (≥ 1/10), жиі (≥ 1/100, <1/10), кейде (≥ 1/1000, <1/100), сирек (≥ 1/10000, <1/1000), өте сирек (<1/10000) және белгісіз (қолда бар деректер негізінде жиілігін анықтауға болмайды).

- әсер етуші затына немесе қосымша заттарының қандай-да бреуіне аса жоғары сезімталдық.

- 3 жасқа дейінгі балаларға (индукциялау және жалпы анестезияны демеп отыру үшін).

- Дипрофол 2 % құрамында соя майы бар және жержаңғаққа немесе сояға аса жоғары сезімталдығы бар пациенттерге қолдануға арналмаған.

- Дипрофол 2 % препаратын қарқынды емдеу бөлімшесіндегі ≤ 16 жас шамасындағы пациенттерге тыныштандыру мақсатында қолданбау керек.

Пропофол 2 % препараты жұлынға жасалатын және эпидуральді анестезияға арналған дәрілік заттармен, сондай-ақ, премедикация үшін жиі пайдаланылатын дәрілермен, миорелаксанттармен, ингаляциялық наркозға арналған дәрілермен және анальгетиктермен біріктіріп қолданылған; фармакологиялық үйлесімсіздік жағдайлары байқалмаған. Жалпы анестезияны жергілікті анестетиктермен біріктіріп қолданғанда, Дипрофол 2 % препаратының азғантай дозаларын тағайындауға болады. Айқын гипертензия жағдайлары рифампицинді қабылдап жүрген пациенттерде пропофолды қолданғанда байқалған.

ОЖЖ бәсеңдететін басқа дәрілік заттармен, мысалы, премедикацияға, ингаляциялық наркозға арналған дәрілік заттармен және анальгетиктермен бірге қолдану, тыныштандыратын, ауыруды басатын әсерлерінің, сондай-ақ, Дипрофол 2 % препаратының жүрек-қантамыр және тыныс алу жүйелерінің функциясын бәсеңдететін әсерінің күшеюіне алып келуі мүмкін.

Дипрофол 2 % препаратын жансыздандыру жүргізуде тәжірибесі бар маман (немесе, қажет болған жағдайда, қарқынды емдеу бөлімінде жұмыс істеу тәжірибесі бар дәрігер) енгізуі тиіс. Пациенттің жағдайына тұрақты мониторинг жүргізу керек. Пациенттің тыныс жолдарының өткізгіштігін қамтамасыз етуге арналған, өкпесін жасанды желдетуге арналған, оттегін беруге және басқа реанимация іс-шараларын жүргізуге арналған жабдық әрдайым қолжетімді болуы және пайдалануға дайын тұруы тиіс. Дипрофол 2 % препаратын диагностикалық немесе хирургиялық емшараны жүргізіп жатқан адам енгізбеуі тиіс. Көбінесе медицина қызметкерлері арасында, пропофол 2 % шамадан тыс қолдану және оған тәуелділік жағдайлары туралы хабарланды. Жалпы анестезияға арналған басқа дәрілік заттарды қолданған жағдайдағы сияқты, Дипрофол 2 % препаратын тыныс алу функциясын демеусіз енгізу тыныс алу жүйесі тарапынан өмірге қауіп төндіретін асқынулардың дамуына алып келуі мүмкін.

Дипрофол 2 % препаратын хирургиялық немесе диагностикалық емшараларды жүргізу үшін санасы сақталған қалпында, тыныштандыру үшін енгізгенде, гипотензияның, тыныс жолдары өткізгіштігінің бұзылуының және оттегімен қанығудың төмендеуінің бастапқы белгілерін анықтау үшін пациенттің жағдайына үздіксіз мониторинг жүргізу керек.

Орталық жүйке жүйесін бәсеңдететін басқа дәрілік заттарды қолданғандағы сияқты, Дипрофол 2 % препаратын хирургиялық емшаралар кезінде тыныштандыру үшін қолданғанда, пациентте еріксіз қимыл-қозғалыстар туындауы мүмкін. Иммобилизациялауды қажет ететін емшараларды жүргізгенде, ондай қимыл-қозғалыстар науқас үшін қауіпті болуы мүмкін.

Пациентті ауруханадан шығарғанға дейін, Дипрофол 2 % препаратын қолданғаннан кейін организм функцияларының толықтай қалпына келуіне көз жеткізу үшін жеткілікті уақыт өтуі тиіс. Өте сирек жағдайда, Дипрофол 2 % препаратын қолдану операциядан кейінгі естен танумен байланыстырылуы мүмкін, ол бұлшықет тонусының жоғарылауымен қатар жүруі мүмкін. Аталған жағдайдың алдында ұйқысыздық кезеңі жүруі мүмкін. Бұл жағдай өздігінен басылатын болса да, есінен танып қалған пациентке қажетті көмек көрсету керек.

Әдетте, функциялардың Дипрофол 2 % қолданудан туындаған бұзылулары, 12 сағаттан соң-ақ анықталмайды. Келесілер туралы:

- денсаулық сақтау мекемесінен басқа адамдардың сүйемелдеуімен кетудің дұрыстығы;

- көлік құралдарын басқару сияқты күрделі немесе қауіпті тапсырмаларды орындаумен байланысты қызметтер қалпына келгенге дейінгі кезең туралы;

- орталық жүйке жүйесін бәсеңдетуі мүмкін басқа дәрілік заттарды (мысалы, бензодиазепиндерді, апиындарды, этил спиртін) қолдану туралы кеңес бергенде, Дипрофол 2 % әсерлерін, жүргізілген емшараның сипатын, қатарлас дәрілік заттардың қабылдануын, пациенттің жас шамасы мен жағдайын ескеру керек.

Венаішілік анестезияға арналған басқа дәрілік заттар сияқты, Дипрофол 2 % жүрек, тыныс алу, бүйрек немесе бауыр функциясының бұзылуы бар пациенттерге, сондай-ақ, гиповолемиясы бар немесе әлсіреген пациенттерге сақтықпен қолдану керек. Дипрофол 2 % клиренсі қанайналымға тәуелді, сондықтан, жүрек лықсытуын азайтатын дәрілік заттарды қатарлас тағайындау Дипрофол 2 % клиренсінің төмендеуіне алып келеді.

Дипрофол 2 % препаратының айқын ваголитикалық белсенділігі жоқ, бұл дәрілік затты қолдану брадикардияның (жекелеген жағдайларда – терең) және асистолияның даму жағдайларымен байланыстырылады. Анестезияны индукциялаудың алдында немесе демеп отыру кезінде, әсіресе, кезбе жүйке тонусының басым болуы мүмкіндігі жағдайында немесе Дипрофол 2 % брадикардия туғызуы мүмкін басқа дәрілік заттармен бірге қолданылғанда, антихолинергиялық дәрілік затты вена ішіне енгізудің талапқа сай болатындығын қарастыру керек.

Венаішілік анестезия және орталық жүйке жүйесін бәсеңдететін дәрілік заттар үшін, пациенттерге Дипрофол 2 % енгізгенге дейін және енгізгеннен кейін кемінде 8 сағат бойы алкогольді қолданбаудың маңыздылығын баса айту керек. Орталық жүйке жүйесін бәсеңдететін дәрілік заттармен, мысалы, этил спиртімен, жалпы анестезияға арналған дәрілік заттармен және есірткілік анальгетиктермен бірге қолдану, орталық жүйке жүйесін бәсеңдету әсерлерінің күшеюіне алып келеді. Дипрофол 2 % орталық жүйке жүйесін бәсеңдететін, парентеральді енгізілетін дәрілік заттармен біріктіріп қолданғанда, тыныс алу және жүрек-қантамыр жүйелері функциясының ауыр бәсеңдеуі туындауы мүмкін. Дипрофол 2 % препаратын анальгетикті қолданғаннан кейін енгізу ұсынылады, ал дозасын клиникалық жауапты ескере отырып сақтықпен титрлеу керек («Дәрілермен өзара әрекеттесуі» бөлімін қараңыз).

Анестезияны индукциялау кезінде дозасына, премедикация шараларының жүргізілуіне және басқа дәрілік заттардың қолданылуына байланысты, гипотензия және уақытша апноэ туындауы мүмкін. Жекелеген жағдайларда гипотензияны басу үшін, сұйықтықтарды вена ішіне қолдану және жансыздандыруды демеп отыру кезеңі бойына Дипрофол 2 % препаратын енгізу жылдамдығы төмендету қажет болуы мүмкін. Дипрофол 2 % препаратын эпилепсиясы бар пациенттерге енгізген кезде құрысулардың туындау қаупі бар.

Липидтер алмасуының бұзылуы және майлы эмульсияларды сақтықпен қолданылуы керек жағдайлары бар пациенттерге тиісінше көмек көрсету қерек («Қолдану тәсілі және дозалары» бөлімін қараңыз).

Электроқұрысу емін жүргізген кезде қолдану ұсынылмайды.

Жансыздандыруға арналған басқа дәрілік заттарды қолданғандағы сияқты, наркоздан шығу кезеңі кезінде сексуалдық тежелу байқалуы мүмкін.

Қарқынды емдеу бөлімшесіндегі (ҚЕБ) пациенттерге арналған нұсқаулар Инфузияға арналған пропофол эмульсияларын ҚЕБ-де тыныштандыру үшін қолдану алуан түрлі метаболикалық бұзылулармен және түрлі ағзалар жүйелерінің жеткіліксіздігімен байланыстырылады, олар өлімге соқтыруы мүмкін. Келесі жағымсыз құбылыстардың біріктірілімдері дамығаны туралы хабарланды: метаболикалық ацидоз, рабдомиолиз, гиперкалиемия, гепатомегалия, бүйрек жеткіліксіздігі, гиперлипидемия, жүрек аритмиясы, Бругад типті ЭКГ (ST сегментінің жоғарылауы және дөңес Т тісшесі) және жылдам үдейтін және әдетте, инотроптармен демеуші емге сезімтал емес жүрек жеткіліксіздігі. Аталған құбылыстардың біріктірілімі пропофол инфузиясы синдромы деп аталады және әдетте, бастың ауыр жарақаттары бар пациенттерде және тыныс жолдарының инфекциялары бар, қарқынды емдеу бөлімшесіндегі ересектерге тыныштаныру үшін ұсынылғанынан артық дозаларын қабылдаған балаларда байқалады.

Аталған құбылыстар дамуының негізгі қауіп факторлары: тіндердің оттегімен қамтылуының төмендеуі; ауыр неврологиялық жарақат және/немесе сепсис; тамырды тарылтатын препараттар, стероидтар, инотроптар және/немесе Дипрофол 2 % сияқты дәрілік заттардың біреуінің немесе бірнешеуінің жоғары дозаларын қолдану (әдетте, сағатына 4 мг/кг артық дозаларда 48 сағаттан артық енгізу ұзақтығымен).

Медицина қызметкерлері жоғарыда аталған қауіп факторлары бар пациенттерде аталған құбылыстардың туындауы мүмкіндігіне дайын болуы және Дипрофол 2 % дозасын азайту немесе аталған белгілер дамыған жағдайда, бұл дәрілік затты тоқтату жөнінде жылдам шешім қабылдауы тиіс. Оттегінің жеткілікті жеткізілуін және гемодинамика параметрлерінің сақталуын қамтамасыз ету үшін, орталық жүйке жүйесін бәсеңдететін барлық дәрілік заттардың, сондай-ақ, қарқынды емдеу бөлімшесінде қолданылатын басқа препараттардың дозаларын титрлеу керек. Бассүйекішілік қысымы жоғары пациенттер, емдеудегі аталған өзгерістер кезінде жеткілікті церебральді перфузиялық қысымды демеп тұруға бағытталған сәйкесінше емді қабылдауы тиіс.

Сағатына 4 мг/кг дозасын арттырмаған дұрыс.

Липидтер алмасуының бұзылуы және майлы эмульсияларды сақтықпен қолдану керек басқа жағдайлары бар пациенттерге сәйкесінше көмек көрсету керек.

Пропофолды майлардың артық жүктемесі дамуының айрықша қаупі бар пациенттерге қолданғанда, қандағы липидтер концентрациясына мониторинг жүргізу ұсынылады. Егер мониторингілеу нәтижелері майлардың организмнен шығарылуының бұзылғанын көрсетсе, пропофолдың енгізілуін сәйкесінше түзету керек. Егер пациентке құрамында липидтер бар басқа сұйықтықтар вена ішіне бір мезгілде енгізілсе, организмге инфузия барысында пропофолдың дәрілік түрінің компоненттері ретінде түсетін май мөлшерін ескере отырып дозасын азайту керек; 1,0 мл Дипрофол 2 % препаратының құрамында шамамен 0,1 г май бар.

Дипрофол 2 % құрамында 0,0018 ммоль/мл натрий бар. Оны натрий тұтынылуы бақыланатын диета ұстап жүрген пациенттерді емдегенде ескеру керек.

Қосымша сақтық шаралары. Митохондриялық аурулары бар пациенттерді сақ болып емдеу керек. Аталған науқастарда анестезия, хирургиялық емшараларды және ҚЕБ-дегі басқа іс-шараларды жүргізуде аурулар өршуі мүмкін. Ондай пациенттерде нормотермияны демеп отыру, оларды көмірсулармен және сұйықтықтың жеткілікті мөлшерімен қамтамасыз ету ұсынылады. Митохондриялық ауруларының өршуі мен пропофол инфузиясы синдромының бастапқы көріністері ұқсас болуы мүмкін. Дипрофол 2 % құрамында микробқа қарсы консерванттар жоқ, сондықтан, микроорганизмдердің көбеюінің алдын ала алмайды.

Динатрий эдетаты мырышты қоса, металдар иондарының хелаторы болып табылады, және микроорганизмдердің көбеюін бәсеңдетеді. Дипрофол 2 % препаратын ұзақ уақыт қолданғанда, әсіресе, мырыш жеткіліксіздігіне бейім пациенттерге, мысалы, күйік шалған, диареясы және/немесе ауыр сепсисі бар адамдарға, мырыш қосылыстарын қосымша қолдану қажеттілігі туралы шешім қабылдау керек.

Дипрофол 2 % препаратын қолданар алдында ампуласын немесе құтысын ашқаннан кейін бірден стерильді шприцке немесе инфузия жүйесіне асептикалық жағдайларда сорып алу керек. Содан кейін бірден дәрілік затты енгізуді бастау керек. Инфузия кезеңі бойына Дипрофол 2 % және инфузияға арналған жабдықпен жүргізілетін барлық операцияларды асептикалық жағдайларында жүргізу керек. Инфузияға арналған қандай-да бір ерітінділерді Дипрофол 2 % құйылған инфузия жүйесіне тура енгізу орнының алдында қосу керек. Дипрофол 2 % микробтық сүзгісі бар жүйелерде қолданбаған дұрыс.

Дипрофол 2 % және осы дәрілік зат құйылған шприцтер тек бірғана пациентке бір рет қолдануға арналған. Басқа майлы эмульсияларды қолдану жөніндегі қолданыстағы нұсқаулық қағидаларына сәйкес, пропофолдың бір реттік инфузиясы 12 сағаттан ұзақ созылмауы тиіс. Емшараның соңында немесе 12 сағаттан соң, аталған сәттердің қайсысы бұрын басталғандығына байланысты, пропофол құйылған ыдыс пен инфузия желісін жою және жаңасына ауыстыру керек.

Бірінші қаптамасының ішіндегісін қолданар алдында сілку керек.

Дәрілік заттың қолданғаннан кейінгі қалған кез келген көлемін жойып жіберу керек.

Миорелаксанттарды, атракурий мен мивакурийді Дипрофол 2 % енгізілген венаішілік желі арқылы, оны алдын ала жуып-шайып алмай тұрып енгізбеу керек. Ауыр брадикардия дамыған жағдайлар сирек. Асистолияға дейін үдегені туралы бірен-саран хабарламалар бар.

Жекелеген жағдайларда, гипотензияны басу үшін, сұйықтықтарды вена ішіне қолдану және препаратты енгізу жылдамдығын азайту қажет болуы мүмкін.

Рабдомиолиз дамыған жағдайлар туралы өте сирек, пропофол ҚЕБ-де тыныштандыру үшін сағатына 4 мг/кг артық дозаларда енгізілген кезде хабарланды.

Диаметрі үлкен венаға: білек және шынтақ ойығының веналарына енгізу жолымен азайтуға болады; жергілікті ауыруды да лидокаинді бірге енгізу арқылы азайтуға болады.

Аталған құбылыстардың біріктірілімін науқасы ауыр, аталған құбылыстар дамуының көптеген қауіп факторлары бар пациенттерде байқалуы мүмкін пропофол инфузиясы синдромы деп атайды, «Айрықша нұсқаулар» бөлімін қараңыз.

Бругад типті ЭКГ: ST сегментінің жоғарылауы және ЭКГ-дағы дөңес Т тісшесі.

Ересектердегі жүректің жылдам үдейтін (кей жағдайларда өлімге әкеп соқтыратын) жеткіліксіздігі. Ондай жағдайлардағы жүрек жеткіліксіздігі, әдетте, инотроптармен демеуші емге сезімтал болмаған.

Көбінесе, медицина қызметкерлері арасында пропофолды шамадан тыс қолдану және оған тәуелділік. Жиілігі белгісіз, өйткені, клиникалық зерттеулердің қолда бар деректерінің негізінде бағалау мүмкін емес.

Тіндердің тіршілікке қабілеттілігі бұзылған жағдайда, некроз туралы хабарланды.

Қарқынды ем жүргізу кезінде пропофолды енгізуді кенеттен тоқтатқаннан кейін. Өкпе ісінуі, артериялық гипотензия, асистолия, брадикардия, құрысулар, дистония/дискинезия дамыған жағдайлар туралы хабарланды. Пропофолды реанимация жағдайларында тыныштандыратын әсеріне қол жеткізу үшін сағатына 4 мг/кг артық дозаларда қолданғанда, рабдомиолиз, метаболикалық ацидоз, гиперкалиемия немесе кейде өлімге соқтыратын жүрек жеткіліксіздігі сирек байқалды.

Пропофолдың анестезияны индукциялау үшін, жаңа туған нәрестелерге лицензиясыз пайдаланылғаны туралы хабарламалар, балаларға арналған дозалау режимін қолданғанда жүрек жұмысы мен тыныс алудың бәсеңдеуі дамуы мүмкіндігін көрсетіп отыр.

Жергілікті. Дипрофол 2 % препаратымен жансыздандырудың индукциясы сатысында туындауы мүмкін жергілікті ауыруды лидокаинді қатарлас қолдану арқылы («Қолдану тәсілі және дозалары» бөлімін қараңыз) және диаметрі үлкен веналарға: білек және шынтақ ойығының веналарына енгізу жолымен азайтуға болады. Тромбоз бен флебит дамыған жағдайлар сирек. Байқаусызда тамырдан тыс енгізілуі және жануарларға жүргізілген зерттеулер тіндер реакциясының өте аз екендігін көрсетіп отыр. Жануарларға артерия ішіне енгізгенде жергілікті тіндік әсерлері байқалған жоқ.

Педиатрияда қолданылуы. Дипрофол 2 % препаратын 3 жастан асқан балаларға ұсынылған көрсетілімдеріне сәйкес қолданады. Азғантай көлемдерін титрлеудің қиын болатындығына байланысты, Дипрофол 2 % препаратын < 3 жас шамасындағы балаларға қолдану ұсынылмайды.

Пропофолды 16 жасқа дейінгі пациенттерге, соның ішінде қарқынды емдеу бөлімшесіндегі тыныштандыру үшін қолданбау керек, өйткені пропофолдың аталған жас тобында тыныштандыру үшін қауіпсіздігі мен тиімділігі белгісіз.

Жүктілік және лактация кезінде қолданылуы

Жүктілік. Дипрофол 2 % препаратының жүктілік кезіндегі қауіпсіздігі анықталмаған. Дипрофол 2 % препаратын аса қажет жағдайларда болмаса, жүкті әйелдерге қолданбау керек. Алайда, Дипрофол 2 % препаратын жүктілікті жасанды жолмен тоқтатуды жүргізген кезде қолдануға болады.

Босанулар. Дипрофол 2 % плацентарлық бөгет арқылы өтеді және неонатальді депрессия жағдайларын (дәрі-дәрмектен болған неонатальді депрессия синдромы) туғызуы мүмкін. Бұл дәрілік затты аса қажет жағдайларда болмаса, босанулар кезіндегі жансыздандыру үшін қолданбаған дұрыс.

Емшек емізу. Бала емізетін әйелдердің қатысуымен жүргізілген зерттеулер, 2 % пропофолдың аздаған мөлшері емшек сүтіне экскрецияланатындығын көрсетті. Сондықтан, әйелдерге Дипрофол 2 % енгізгеннен кейінгі 24 сағат ішінде емшек емізбеу керек. Осы мерзімде бөлінген сүтті сауып алу және төгіп тастау керек.

Препараттың көлік және қауіптілігі зор механизмдерді басқару қабілетіне әсер ету ерекшеліктері. Дипрофол 2 % көлік құралдарын басқару және басқа механизмдермен жұмыс істеу қабілетіне орташа әсер береді. Пациенттерге, көлік құралдарын басқару немесе басқа автоматтандырылған жүйелермен жұмыс істеу сияқты ауыр тапсырмаларды орындау жалпы анестезия жүргізілгеннен кейінгі біраз уақыт ішінде асқынатындығын ескерту керек. Әдетте, функциялардың Дипрофол 2 % қолданудан туындаған бұзылулары 12 сағаттан соң анықталмайды.

Байқаусызда артық дозалануының жүрек-қантамыр және тыныс алу жүйелері функциясының бәсеңдеуімен сипатталу ықтималдығы жоғары. Тыныс алу жүйесі функциясының бәсеңдеуін өкпені жасанды желдетудің және оттегін берудің көмегімен емдеу керек. Жүрек-қантамыр жүйесінің бәсеңдеуі жағдайында пациентті басын төмен салып көлденеңінен жатқызу және ауыр жағдайларда плазма алмастырғыш ерітінділер мен прессорлық дәрілік заттарды енгізу керек.

Шығарылу түрі және қаптамасы

Мөлдір шыныдан жасалып, резеңке тығындармен және пластик қалпақшалары бар алюминий қақпақтармен тығындалған құтыларға 50 мл-ден құйылған.

Құтыларға өздігінен желімденетін заттаңбалар жабыстырылады.

Көлемі 50 мл 1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

Түпнұсқалық қаптамасында, 25 ºС-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін қолдануға болмайды.

Рецепт арқылы.

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фармак» ЖАҚ Қазақстан Республикасындағы өкілдігі

Қазақстан Республикасы, Алматы қ., индексі 050012, Амангелді к-сі, 59 "А", "Шартас" бизнес орталығы, 9 қабат. Тел./факс: + (727) 267 63 73, электронды пошта: а.aspetova@farmak.kz