Диоксидин®

Диоксидин®

-

Дәрілік түрі, дозасы

Қуыс ішіне енгізуге, жергілікті және сыртқа қолдануға арналған ерітінді, 10 мг/мл.

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа препараттар. Бактерияға қарсы басқадай препараттар.

ATX коды: Ј01ХХ

Басқа химиотерапиялық препараттардың тиімсіздігімен немесе олардың нашар жағымдылығымен сезімтал микрофлорадан туындаған іріңді бактериялық инфекциялар.

Қуыс ішіне енгізу- кеуде және құрсақ қуыстарының іріңді үдерістерінде, іріңді плевритте, плевра эмпиемасында, өкпе абцестерінде, перитониттерде, циститтерде, терең іріңді қуыстары бар жараларда (жұмсақ тіндер абсцестерінде, жамбас шел қабатының флегмоналарында, операциядан кейінгі несеп және өт шығару жолдарының жараларында, іріңді маститте және т.б.).

Жергілікті қолдану- перфорациясы бар жедел іріңді ортаңғы отитті және созылмалы іріңді ортаңғы отиттің өршуін емдеу, жедел тонзиллофарингитті емдеу, созылмалы тонзиллиттің өршуін (компенсацияланған түрі) емдеу.

Сыртқа қолдану - орналасуы әртүрлі беткейлік және терең жаралар, ұзақ уақыт жазылмайтын жаралар мен трофикалық ойық жараларда, жұмсақ тіндер флегмоналары, инфекция жұқтырған күйікте, остеомиелит кезіндегі іріңді жараларда.

Қолдануды бастағанға дейін қажетті мәліметтер тізбесі

Препаратты жекелей көтере алмау, бүйрек үсті безінің жеткіліксіздігі (оның ішінде анамнезінде), жүктілік, лактация кезеңі, балалар (18 жасқа дейін).

Қолдану кезіндегі қажетті сақтық шаралары

Диоксидин®, стационар жағдайында тағайындайды.

Диоксидин® тек ересектерге тағайындалады.

Диоксидиннің® 1% ерітіндісін төмен температурада сақтау кезінде ерітіндінің тұрақсыздығына байланысты вена ішіне енгізу үшін қолдануға болмайды.

Емдеу курсын бастар алдында препаратты көтере алатындығына сынама жасалады, ол үшін 1% ерітіндінің 10 мл қуысына енгізіледі. 3-6 сағат ішінде жағымсыз әсерлер болмаған кезде (бас айналуы, қалтырау, дене температурасының жоғарылауы) курстық емдеу басталады.

Диоксидин® инфекциялық аурулардың ауыр түрлері немесе басқа бактерияға қарсы препараттардың, соның ішінде II-IV буын цефалоспориндерінің, фторхинолондардың, карбапенемдердің тиімсіздігі кезінде тағайындалады.

Созылмалы бүйрек жеткіліксіздігінде дозаны төмендетеді.

Пигментті дақтар пайда болғанда дозаны енгізу ұзақтығын 1,5-2 сағатқа дейін арттырады, дозаны азайтады, антигистаминдік препараттар тағайындалады немесе Диоксидин® тоқтатады.

Басқа дәрілік препараттармен өзара әрекеттесуі

Препараттың дәрілік өзара әрекеттесуі сипатталмаған.

Арнайы ескертулер

Жүктілік

Препаратты жүктілік кезінде қолдануға болмайды.

Емшек емізу

Лактация кезінде препаратты қолдануға қарсы көрсетілген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Емдеу кезеңінде көлік құралдарын жүргізу және аса көңіл қоюды және психомоторлық реакциялардың жылдамдығын талап ететін басқа да қауіпті қызмет түрлерімен айналысу кезінде сақ болу қажет.

Қолдану жөніндегі нұсқаулар

Дозалау режимі

Қуыс ішіне енгізу.

Іріңді қуысқа оның көлеміне байланысты тәулігіне 10-нан 50 мл-ге дейін Диоксидин® 1% ерітіндісі енгізіледі. Диоксидин® ерітіндісі катетер, дренажды түтік немесе шприц арқылы қуысқа енгізіледі. Қуысқа енгізу үшін ең жоғары тәуліктік доза - 70 мл 1% ерітінді. Препарат әдетте тәулігіне бір рет қуысқа енгізіледі. Көрсетілімдер бойынша тәуліктік дозаны екі қабылдауға енгізуге болады.

Жергілікті қолдану.

Перфорациясы бар жедел іріңді ортаңғы отитті және созылмалы іріңді ортаңғы отиттің өршуін емдеуд кезінде 0,25% Диоксидин® ерітіндісі қолданылады. 0,25% ерітінді алу үшін препараттың ампулалық ерітінділерін қажетті концентрацияға дейін стерильді 0,9% натрий хлориді ерітіндісімен немесе 1:3 қатынасында инъекцияға арналған сумен (Диоксидин® ерітіндісінің 1 бөлігі және натрий хлориді ерітіндісінің 3 бөлігі немесе инъекцияға арналған су) сұйылтады. Ерітінді шыны немесе пластик ыдыста дайындалады. Алынған 0,25% ерітінді пипеткамен сыртқы есту жолына күніне 3 рет 5 тамшы ерітінді тамызады. Ерітіндіні қырынан жатқан пациентке тамызу керек; емшарадан кейін пациент бірнеше минут бойы сол қалыпта қалуы тиіс, сыртқы есту жолына мақта турунда салуға болады.

Жедел тонзиллофарингитті және созылмалы тонзиллиттің өршуін емдеу кезінде 0,1% Диоксидин® ерітіндісі қолданылады. 0,1% ерітінді алу үшін препараттың ампулалық ерітінділерін қажетті концентрацияға дейін стерильді 0,9% натрий хлориді ерітіндісімен немесе 1:9 қатынасында инъекцияға арналған сумен (Диоксидин® ерітіндісінің 1 бөлігі және натрий хлориді ерітіндісінің 9 бөлігі немесе инъекцияға арналған су) сұйылтады. Алынған 0,1% ерітінді бадамша безді шприцпен шаю немесе күніне 3 рет шаю үшін қолданылады. Бір емшара үшін 50 мл ерітінді қолданылады.

Сыртқа қолдану.

0,1-1% Диоксидин® ерітінділерін қолданыңыз. 0,1-0,2% ерітінді алу үшін препараттың ампулалық ерітінділерін қажетті концентрацияға дейін стерильді 0,9% натрий хлориді ерітіндісімен немесе инъекцияға арналған сумен сұйылтады. Беткейлік инфекциялық іріңді жараларды емдеу үшін жараға 0,5-1% Диоксидин® ерітіндісімен суланған сүрткілер қолданылады. Терең жаралар өңдеуден кейін 1% Диоксидин® ерітіндісіне малынған тампондармен бос тампондайды, ал дренаж түтігі болғанда қуысқа 20-дан 100 мл-ге дейін препараттың 0,5% ерітіндісі енгізіледі.

Остеомиелит (қолұшы, өкше жаралары) кезінде терең іріңді жараларды емдеу үшін ванна түрінде препараттың 0,5-1% ерітінділері қолданылады немесе жараны 15-20 минут ішінде препараттың ерітіндісімен арнайы өңдеу жүргізіледі (осы мерзімде жараға ерітінді енгізу), содан кейін 1% Диоксидин® ерітіндісімен таңғыштар қолданылады.

0,1-0,5% ерітінді түріндегі Диоксидин® операциядан кейін инфекцияның профилактикасы және емдеу үшін қолдануға болады. Көрсетілімдер бойынша (остеомиелиті бар пациенттер) және жақсы көтеретін жағдайда емдеуді күн сайын жүргізуге болады.

Енгізу жолы және тәсілі

Қуыс ішіне енгізу, жергілікті және сыртқа қолдану.

Емдеу ұзақтығы

Қуыс ішіне енгізу.

Жақсы көтеретін жағдайда препаратты 3 апта немесе одан да көп уақыт бойы енгізуге болады. Қажет болса, 1-1, 5 айдан кейін қайталама курстар өткізіледі.

Жергілікті қолдану.

Жедел іріңді ортаңғы отитті және созылмалы іріңді ортаңғы отиттің өршуі кезіндегі емдеу курсының ұзақтығы 10 күн (клиникалық жақсауға қол жеткенде емдеу курсы 6-8 күн болуы мүмкін).

Емдеу курсы 7 күн.

Сыртқа қолдану.

Көрсетілімдер бойынша (остеомиелиті бар пациенттер) және жақсы көтеретін жағдайда емдеуді күн сайын 1,5-2 ай бойы жүргізуге болады.

Артық дозалану жағдайында қабылдануы қажет шаралар

Диоксидин® препаратымен артық дозаланғанда жедел бүйрек үсті безінің жеткіліксіздігі дамуы мүмкін, бұл препаратты және тиісті гормонды алмастыратын терапияны дереу тоқтатуды талап етеді.

Дәрілік препараттың бір немесе бірнеше дозасын жіберіп алған кезде қажетті шаралар

Жекелеген дозаларды өткізіп алған жағдайда препараттың қосарлы дозасын қабылдауға болмайды.

Тоқтату симптомдары қаупінің болуын нұсқау

Осы уақытқа дейін тоқтату симптомдары туралы хабарланған жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Диоксидин® стационар жағдайында тағайындалады.

Дәрілік препаратты қабылдамас бұрын дәрігерден кеңес алыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Қуыс ішіне енгізу кезінде:

Белгісіз

• бас ауыруы.

• аллергиялық реакциялар

• фотосенсибилизациялаушы әсер (күн сәулесінің әсерінен денеде пигментті дақтардың пайда болуы)

• құрыспалы бұлшықет жиырылуы

• диспепсиялық бұзылыстар

• қалтырау

• дене температурасының жоғарылауы

Сыртқа қолдану кезінде:

Белгісіз

• жара маңындағы дерматит

• қышыну

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде:

Әсер етуші зат: гидроксиметилхиноксалиндиоксид (диоксидин) - 10 мг.

Қосымша заттар- инъекцияға арналған су - 1 мл дейін.

Сыртқы түрінің, иісінің, дәмінің сипаттамасы

Мөлдір жасылдау-сары сұйықтық.

Шығарылу түрі және қаптамасы

10 мл-ден тығыздығы төмен полиэтиленнен жасалған ампулаларда. 10 ампуладан біріктірілген материалдан жасалған пакетте. 10 ампуладан 1 пакет медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 15-тен 25 °С-ге температурада сақтау керек.

Сақтау процесінде кристалдар тұнған жағдайда (15°С-ден төмен температурада) олар ампулаларды қайнаған су моншасында кристалдар (мөлдір ерітінді) толығымен ерігенге дейін шайқау арқылы ерітеді. Егер 36 - 38°С дейін салқындаған кезде кристалдар қайтадан тұнбаса, препарат қолдануға жарамды.

Балалардың қолы жетпейтін жерде сақтау керек!

Рецепт арқылы.

Өндіруші туралы мәлімет

«Гротекс» ЖШҚ

Ресей, 195279, Санкт-Петербург қ., Индустриалды даңғ., 71 үй, корп. 2, лит. А.

Тел.:+7 (812) 385 47 87,

факс: +7 (812) 385 47 88.

Тіркеу куәлігінің ұстаушысы

«Валента Фарм» АҚ, Ресей

141101, Мәскеу облысы, Щелково қаласы, Фабричная көшесі, 2 үй.

Телефон: +7 (495) 933-48-62, факс +7 (495) 933-48-63

Электронды пошта: info@valentapharm.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«Валента Фармацевтика» акционерлік қоғамының Қазақстан Республикасындағы өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551 ішкі тел.4027

Ұялы тел. +7 771 779 79 37

Электронды пошта: asia@valentapharm.com