Диметилфумарат-Виста (Диметилфумарат)

Диметилфумарат-Виста

Диметилфумарат

Дәрілік түрі, дозасы

Ішекте еритін капсулалар, 120 мг, 240 мг

Антинеопластикалық және иммуномодуляциялайтын препараттар. Иммуносупрессанттар. Басқа иммуносупрессанттар. Диметилфумарат. АТХ коды: L04AX07

Диметилфумарат-Виста дәрілік заты қайталанатын ремитациялаушы жайылған склерозы бар ересек пациенттерді емдеу үшін қолданылады.

Қолдануды бастағанға дейін қажетті мәліметтер тізбесі

- белсенді затқа немесе препараттың кез келген қосымша компонентіне жоғары сезімталдық.

- күдікті немесе расталған үдемелі мультифокальді лейкоэнцефалопатия (ҮМЛ).

Қолдану кезіндегі қажетті сақтық шаралары

Диметилфумарат-Виста препаратын қолдануды жайылған склерозды емдеуде тәжірибесі бар дәрігердің бақылауымен бастау қажет. Емдеуді бастар алдында науқастарға препаратты қолданумен байланысты ықтимал жағымсыз әсерлер туралы хабарлау керек.

Басқа дәрілік препараттармен өзара әрекеттесуі

Диметилфумаратты ісікке қарсы немесе иммуносупрессиялық препараттармен біріктіріп қолдануға зерттеулер жүргізілген жоқ, сондықтан осы дәрілік препараттарды бір мезгілде қолданғанда сақтық таныту керек. Диметилфумарат препаратын клиникалық зерттеу барысында жайылған склероздың қайталануының профилактикасы үшін глюкокортикостероидтарды қатар жүретін қысқа мерзімді вена ішіне қолдану инфекциялардың даму жиілігінің клиникалық мәнді ұлғаюымен қатар жүрмеді. Профилактикалық екпелердің ұлттық күнтізбесіне сәйкес тірі емес вакциналарды бірлесіп тағайындау диметилфумаратпен емдеу кезінде қаралуы мүмкін.

Тірі вакциналар инфекциялық аурулардың қаупін арттыруы мүмкін, сондықтан вакцинацияның ықтимал пайдасы оны жүргізу қаупінен асатын жағдайларды қоспағанда, Диметилфумарат-Виста препаратын қабылдайтын пациенттерде қолданылмауы тиіс.

Диметилфумарат-Виста препаратымен емдеу кезінде фумар қышқылының басқа туындыларын (жергілікті және жүйелі қолдану үшін) бір мезгілде қолданудан аулақ болу керек.

Жүйелі қан ағымына түсер алдында диметилфумарат адам организмінде эстеразалардың қатысуымен, P450 (CYP) цитохромы жүйесінің изоферменттерінің қатысуынсыз метаболизденеді.

Диметилфумаратпен нефроуытты дәрілік заттармен (аминогликозидтер, диуретиктер, стероид емес қабынуға қарсы дәрілер немесе литий сияқты) бір мезгілде емдеу бүйрек және несеп шығару жүйесі тарапынан жағымсыз реакциялар потенциалын арттыруы мүмкін (мысалы, протеинурия). Алкогольдің орташа мөлшерін пайдалану диметилфумарат экспозициясын өзгертпейді және жағымсыз дәрілік реакциялар жиілігінің артуымен қатар жүрмейді. Көп мөлшерде сұйылтылмаған күшті алкогольдік ішімдіктерді (30 к. % артық) Диметилфумарат-Вистаны қабылдағаннан кейін бір сағат ішінде қолданбау қажет, өйткені алкоголь асқазан-ішек жолы тарапынан жағымсыз дәрілік реакциялар жиілігінің артуына әкелуі мүмкін.

CYP ықтимал индукциясын in vitro зерттеу нәтижелері (P450 цитохромы жүйесінің изоферменттері) Диметилфумарат-Виста препараты мен пероральді контрацептивтер арасындағы өзара әрекеттесуді анықтаған жоқ. In vivo зерттеуінде диметилфумаратты біріктірілген пероральді контрацептивтермен (норгестимат және этинилэстрадиол) бір мезгілде қолдану экспозицияда қандай да бір елеулі өзгерістерді анықтаған жоқ. Өзара әрекеттесу бойынша зерттеулер құрамында басқа прогестагендер бар пероральді контрацептивтермен жүргізілмеген, алайда Диметилфумарат-Виста препаратының олардың әсеріне әсері күтілмейді.

Балалар.

Дәрілік өзара әрекеттесу бойынша зерттеулер тек ересек пациенттер арасында жүргізілді.

Арнайы ескертулер

Диметилфумарат-Виста препаратын қолдануды жайылған склерозды емдеуде тәжірибесі бар дәрігердің бақылауымен бастау қажет. Емдеуді бастар алдында науқастарға препаратты қолданумен байланысты ықтимал жағымсыз әсерлер туралы хабарлау керек.

Қанды зерттеу/зертханалық сынақтар.

Диметилфумарат қабылдаған пациенттердегі клиникалық сынақтарда бүйрек функциясының жекелеген көрсеткіштерінің өзгерістері байқалды. Бұл өзгерістердің клиникалық көрінісі белгісіз. Емдеу басталар алдында, емдеу басталғаннан кейін 3 және 6 айдан соң, сосын 6 12 ай сайын және клиникалық көрсетілімдерге сәйкес бүйрек функциясына (креатинин, азот, қан мочевинасы деңгейі және несептің жалпы талдауы) бағалау жүргізу ұсынылады.

Бауыр ферменттерінің ұлғаюын (қалыптың жоғарғы шегінен ≥ 3) және жалпы билирубин деңгейінің жоғарылауын (қалыптың жоғарғы шегінен ≥ 2) қоса, бауырдың дәрілік зақымдануы диметилфумаратпен емдеуге байланысты туындауы мүмкін. Бауыр функциясының бұзылуы препаратты қолданғаннан кейін бірден, бірнеше аптадан кейін немесе одан кейін пайда болуы мүмкін. Байқалған жағымсыз реакциялар диметилфумаратпен емдеуді тоқтатқаннан кейін жоғалады. Емдеуді бастар алдында және емдеу кезінде сарысулық аминотрансферазаларға (мысалы, аланинаминотрансфераза (АЛТ), аспарагин-аминотрансфераза (АСТ)) және жалпы билирубин деңгейіне клиникалық көрсетілімдерге сәйкес бағалау жүргізу ұсынылады.

Диметилфумарат қабылдайтын пациенттерде ауыр ұзақ лимфопения дамуы мүмкін.

Диметилфумаратты қолдану лимфоциттердің төмен саны анықталған паценттерде зерттелмеген, сондықтан мұндай пациенттерді емдеу кезінде сақ болу қажет. Диметилфумаратпен емдеуді бастау алдында лимфоциттердің санын есептеуді қоса, толық қан талдауын тапсыру керек. Егер лимфоциттердің саны қалыпты мәндер диапазонынан аз болса, диметилфумаратпен емдеуді бастар алдында ықтимал себептерді мұқият бағалау қажет.

Емдеу басталғаннан кейін лимфоциттер санын қоса, толық қан талдауын 3 ай сайын жүргізу керек.

Лимфоциттер саны <0, 5x109/л, 6 айдан астам сақталатын пациенттерде диметилфумаратпен емдеудегі үзілістің орындылығын қарау қажет. Емдеудің пайда және қауіп теңгерімін клиникалық факторларды, зертханалық зерттеулерді бағалауды ескере отырып, емдеудің басқа да ықтимал нұсқалары тұрғысынан қайта қарау қажет. Қайта қарау кезінде клиникалық факторларды, зертханалық зерттеулер мен құрал-аспаптық зерттеулерді бағалауды қарастыру қажет. Егер емді лимфоциттердің сақталған < 0.5x109/л санына қарамастан жалғастыру қажет болса, күшейтілген мониторинг ұсынылады. Лимфоциттер санын есептеу көрсеткіштер қалыпқа келгенге дейін үнемі жүргізілуі керек. Қалпына келтірілгеннен кейін және емдеудің альтернативті нұсқалары болмаған кезде, емдеудегі үзілістен кейін диметилфумарат қабылдауды қайта бастау туралы шешімді клиникалық бағалау негізінде қабылдау қажет.

Лимфоциттер саны ≥ 0.5 x 109/л және <0.8 x 109/л, алты айдан астам сақталатын пациенттерде пайда мен қауіп теңгерімін бағалау қажет.

• Зертханалық анықталған лимфоциттер саны қалыптың төменгі шегінен (ЛНН) төмен пациенттерде лимфоциттердің абсолюттік санына тұрақты мониторинг жүргізу ұсынылады. ҮМЛ туындауының жекелей қаупін тағы ұлғайтуы мүмкін қосымша факторларды ескеру керек (ҮМЛ туралы бөлімді төменнен қараңыз).

Магниттік-резонанстық томография (МРТ).

Диметилфумарат-Виста дәрілік затын қолдануды бастағанға дейін салыстыру үшін пайдаланылуы мүмкін МРТ (әдетте 3 ай ішінде) орындалуы тиіс. МРТ-ны одан әрі жүргізу қажеттілігін ұлттық және жергілікті нұсқауларға сәйкес қарастырған жөн. МРТ үдемелі мультифокальді лейкоэнцефалопатияның (ҮМЛ) пайда болу қаупі жоғары пациенттерде күшейтілген қадағалаудың бөлігі ретінде қарастырылуы мүмкін. ҮМЛ-ге клиникалық күдік болған жағдайда диагностикалық мақсатта жедел МРТ жүргізу керек.

Үдемелі мультифокальді лейкоэнцефалопатия (ҮМЛ).

ҮМЛ жағдайлары орташа және ауыр дәрежедегі ұзақ лимфопения аясында диметилфумаратты және құрамында фумараттары бар басқа дәрілік препараттарды қабылдау кезінде пайда болды. ҮМЛ - бұл Джон Каннингем вирусынан (JS вирусы) туындаған оппортунистік инфекция, ол өлімге немесе мүгедектіктің ауыр түріне әкелуі мүмкін. ҮМЛ пациенттің организмінде Джон Каннингем вирусы болған кезде ғана дамуы мүмкін. JS-вирусқа антиденелердің болуына талдау жүргізу кезінде лимфопенияның JS антиденелерін анықтау дәлдігіне әсері диметилфумарат қабылдайтын пациенттерде зерттелмегенін ескеру қажет. Сондай-ақ, JS-вирустың антиденелеріне теріс талдау (лимфоциттердің қалыпты саны жағдайында) Джон Каннингем вирусын одан әрі жұқтыруға кедергі келтірмейтінін атап өткен жөн.

ҮМЛ дамуына күдік тудыратын алғашқы белгі немесе симптом болған кезде препаратты қабылдауды тоқтатып, тиісті диагностикалық бағалау жүргізу керек. ҮМЛ симптомдары жайылған склероздың қайталануына ұқсас болуы мүмкін.

Лимфопения аясында ҮМЛ даму қаупінің жоғарылауына ықпал ететін қосымша факторлар:

- диметилфумаратпен емдеу ұзақтығы. ҮМЛ жағдайлары шамамен 1-5 жыл емдеуден кейін пайда болды, дегенмен емдеу ұзақтығымен нақты байланыс белгісіз.

- иммунологиялық қорғаныс үшін маңызды CD4+ және әсіресе CD8+ Т лимфоциттерінің айтарлықтай төмендеуі (Жағымсыз реакциялар бөлімін қараңыз) және

- алдыңғы иммуносупрессиялық немесе иммуномодуляциялық терапия (төменде қараңыз).

Дәрігерлер осы симптомдардың неврологиялық дисфункцияны нұсқайтынын және егер соны нұсқаса бұл симптомдар жайылған склерозға тән бе, немесе ҮМЛ болжайтыны ықтимал ма, соны анықтау үшін пациенттерін тексеруі тиіс.

ҮМЛ білідретін алғашқы белгілерде немесе симптомдарда диметилфумаратты қабылдаудан бас тартқан және сандық полимеразалық тізбекті реакция (ПТР) әдісімен жұлын сұйықтығындағы (ЖС) ДНҚ-ны (JS-вирус) анықтауды қоса, тиісті диагностикалық зерттеулер жүргізген жөн.

ҮМЛ байланысты типтік белгілер әр түрлі, бірнеше күннен бірнеше аптаға дейін дамиды және дененің бір жағындағы әлсіздік немесе қозғалыс епсіздігі, көру қабілетінің бұзылуы және ойлаудың, есте сақтаудың және бағдарлаудың өзгеруі, сананың шатасуына және тұлғалық өзгеруге әкеледі.

Егер пациентте ҮМЛ дамыса, диметилфумаратты қабылдауды толығымен тоқтату қажет.

Иммуносупрессанттармен немесе иммуномодуляциялық препараттармен алдын-ала емдеу.

Пациенттердің басқа терапиядан, аурудың ағымын өзгертетін препараттармен диметилфумаратқа ауысуы кезінде диметилфумаратты қабылдаудың тиімділігі мен қауіпсіздігін бағалайтын зерттеулер жүргізілген жоқ. Диметилфумарат қабылдаған пациенттерде ҮМЛ дамуына алдыңғы иммуносупрессиялық терапияның әсері белгісіз. Пациенттерді аурудың ағымын өзгертетін терапиядан диметилфумаратқа ауыстырған кезде қосымша иммундық әсерге жол бермеу мақсатында, сондай-ақ жайылған склероздың реактивация қаупін азайта отырып, жартылай шығарылу кезеңін және алдыңғы препараттың әсер ету тетігін ескеру қажет.

Диметилфумаратпен емдеуді бастар алдында және емдеу кезінде үнемі толық қан талдауын жүргізу ұсынылады.

Диметилфумаратпен емдеу әдетте интерферонмен немесе глатирамер ацетатымен емдеуді тоқтатқаннан кейін бірден басталады.

Ауыр бүйрек және бауыр жеткіліксіздігі.

Диметилфумарат ауыр бүйрек немесе бауыр жеткіліксіздігі бар пациенттерде зерттелмеген, сондықтан препаратты пациенттердің осы тобында абайлап қолдану керек.

Өршудің айқындауы кезеңіндегі асқазан-ішек жолдарының аурулары. Диметилфумарат өршудің айқын кезеңінде асқазан-ішек жолы аурулары бар пациенттерде зерттелмеген, сондықтан препаратты пациенттердің осы тобында абайлап қолдану керек.

Қан кернеуі.

Клиникалық зерттеулерде диметилфумарат қабылдаған пациенттердің 34%-ында қан «кернеуі» байқалды, мұндай «кернеудің» қарқындылығы баяу немесе орташа айқын ретінде байқалды. Клиникалық тұрғыдан дені сау еріктілер арасында алынған деректер диметилфумаратты қабылдаумен байланысты «кернеулер» жанама түрде простагландиндердің әсерінен туындағанын көрсетеді. 75 мг дозада ішекте еритін қабықпен қапталмаған таблеткалар түрінде ацетилсалицил қышқылымен емдеудің қысқа курсы қан «кернеуінің» айқын дәрежесі байқалатын пациенттер үшін тиімді болуы мүмкін. Клиникалық тұрғыдан дені сау еріктілер арасындағы екі зерттеуде осындай терапия кезеңінде кернеулер жиілігі мен ауырлығы төмендетілді. Клиникалық зерттеулерде диметилфумарат алған 2560 пациенттің 3-інде қан «кернеуінің» ауыр жағдайлары байқалды, бұл жоғары сезімталдық немесе анафилактоидты реакция симптомы болуы мүмкін. Бұл көріністер өмірге қауіп төндірмеді, бірақ ауруханаға жатқызуға әкелді. Медицина қызметкерлері мен пациенттер қан «кернеуі» кезінде болуы ықтимал ауыр реакциялар туралы хабардар болуы керек.

Анафилаксиялық реакциялар.

Постмаркетингтік кезеңде диметилфумаратты енгізгеннен кейін анафилаксия/анафилактоидты реакцияның даму жағдайлары туралы хабарланды. Симптомдардың қатарына ентігу, гипоксия, гипотензия, Квинке ісінуі, бөртпе немесе есекжем кіруі мүмкін. Диметилфумаратпен индукцияланған анафилаксияның даму механизмі белгісіз. Әдетте, бұл реакциялар препараттың бірінші дозасын енгізгеннен кейін дамыды, бірақ диметилфумаратты кейінгі қабылдау кезінде де дамуы мүмкін. Бұл реакциялар ауыр дәрежеде болуы және пациенттің өміріне қауіп төндіруі мүмкін. Диметилфумаратпен емдеуді дереу тоқтата тұру және медициналық көмекке жүгіну ұсынылады. Терапияны қайта бастауға болмайды.

Инфекциялар. Плацебо-бақыланатын зерттеулердің III фазасында инфекциялармен ауру жағдайы (58%-бен салыстырғанда 60 %) және инфекциялардың ауыр жағдайлары (2%-бен салыстырғанда 2 %) тиісінше диметилфумарат немесе плацебо қабылдаған пациенттерде ұқсас болды. Егер пациентте ауыр инфекция дамыған болса, препаратпен емдеуді тоқтата тұру мүмкіндігін қарастыру және емді қайта бастағанға дейін пайдасы мен қауіптерін қайта қарау қажет. Диметилфумарат-Виста препаратын қабылдайтын пациенттерге дәрігерге инфекцияның симптомдары туралы хабарлау қажеттігі туралы нұсқау берілуі тиіс. Ауыр инфекциялары бар пациенттерге инфекция жойылғанға дейін Диметилфумарат-Виста препаратымен емдеуді бастамаған жөн. Лимфоциттер саны <0.8x109/л немесе <0.5x109/л пациенттерде инфекциялардың күрделі жағдайларының туындауының ұлғаюы байқалған жоқ. Егер ем орташа немесе ауыр ұзартылған лимфопения болған кезде жалғасса, үдемелі мультифокальді лейкоэнцефалопатияны (ҮМЛ) қоса, оппортунистік инфекцияның даму қаупі жоққа шығарылмайды.

Белдемелі герпес.

Көптеген жағдайлар күрделі болмады, алайда күрделі жағдайлар, оған қоса диссеминацияланған герпес зостер, көздің зақымдануымен жүретін герпес зостер, жетінші бассүйек-ми жүйкесі мен иінді түйіннің герпесвирустық инфекциясы нәтижесінде оталгия, неврологиялық герпесвирустық инфекция, герпесвирустық менингоэнцефалит, герпесвирустық менингомиелит туралы хабарланды. Бұл жағымсыз реакциялар емдеу кезеңінде кез келген уақытта пайда болуы мүмкін. Белдемелі герпестің белгілері мен симптомдарын, әсіресе диметилфумарат қабылдайтын пациенттерде лимфоцитопения болған кезде бақылау қажет. Егер белдемелі герпес туындаса, тиісті емдеуді тағайындау керек. Күрделі инфекциялары бар пациенттерге олар аяқталғанға дейін препаратты тоқтату мүмкіндігін қарастыру қажет.

Емдеудің басталуы.

Диметилфумарат-Виста препаратымен емдеуді асқазан-ішек жолы тарапынан асқынулардың және жағымсыз реакциялардың туындауын барынша азайту үшін біртіндеп бастау қажет.

Фанкони синдромы.

Фумар қышқылының басқа эфирлерімен бірге диметилфумаратты қолданған кезде Фанкони синдромының жағдайлары хабарланды. Фанкони синдромын ерте диагностикалау және диметилфумаратпен емдеуді тоқтату бүйрек жеткіліксіздігі мен остеомаляцияның алдын алу үшін қажет, өйткені синдром қайтымды. Ең маңызды белгілер: протеинурия, глюкозурия (қандағы қант деңгейі қалыпты), гипераминоацидурия және фосфатурия (гипофосфатемиямен бірге болуы ықтимал). Даму жағдайында полиурия, полидипсия және проксимальді бұлшықеттің әлсіздігі сияқты симптомдар байқалуы мүмкін. Сирек жағдайларда сүйектің локализацияланбаған ауыруымен гипофосфатемиялық остеомаляция, сарысудағы сілтілік фосфатаздың жоғарылауы және стрестік сыну болуы мүмкін. Фанкони синдромы креатинин деңгейінің жоғарылауынсыз немесе шумақтық сүзіліс жылдамдығының төмендеуінсіз жүруі мүмкін екенін атап өткен жөн. Түсініксіз симптомдар болған жағдайда Фанкони синдромының болуын қарастыру және тиісті тексерулер жүргізу керек.

Жүктілік және лактация кезеңі

Жүкті әйелдерде диметилфумаратты қолдану туралы деректер шектеулі немесе жоқ. Диметилфумарат-Виста препаратын жүктілік кезінде және контрацепцияның сенімді әдістерін пайдаланбайтын ұрпақ өрбіту жасындағы әйелдерде қолдану ұсынылмайды. Диметилфумарат-Виста препаратын жүктілік кезінде тек аса қажет жағдайда, ана үшін потенциалды пайда шарана үшін ықтимал қауіптен асып кеткен кезде ғана тағайындауға болады.

Бала емізу

Диметилфумарат немесе оның метаболиттері адамның емшек сүтіне өтетіні белгісіз, сондықтан нәрестелер мен сәбилер үшін қауіпті жоққа шығаруға болмайды. Емшек емізуді тоқтату немесе Диметилфумарат-Виста препаратымен емдеуді тоқтату туралы шешім анаға келетін пайда мен балаға төнетін қауіп арақатынасын мұқият бағалаудан кейін қабылдануы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Диметилфумарат-Виста дәрілік заты машиналарды басқару және пайдалану қабілетіне әсер етпейді немесе аз ғана әсер етеді. Машиналарды басқару және пайдалану қабілетіне әсері туралы зерттеулер жүргізілген жоқ, бірақ диметилфумараттың клиникалық зерттеулері кезінде қабілетке ықтимал әсері анықталған жоқ.

Қолдану жөніндегі нұсқаулар

Дозалау режимі

Препаратты қолдануды жайылған склерозды емдеуде тәжірибесі бар дәрігердің бақылауымен бастау қажет.

Бастапқы доза күніне 2 рет 120 мг құрайды. 7 күннен соң дозаны күніне 2 рет 240 мг-ға дейін арттыру ұсынылады.

АІЖ тарапынан жағымсыз реакциялар немесе қанның «кернеу» эпизодтары пайда болған кезде препарат дозасын тәулігіне 2 рет 120 мг-ға дейін қысқаша төмендетуге болады. 1 ай ішінде препаратты қабылдауды күніне 2 рет 240 мг дозада қайта бастау ұсынылады.

Пациенттердің ерекше топтары

Балалар

Балалар мен 18 жасқа дейінгі жасөспірімдерге диметилфумаратты қолданудың қауіпсіздігі мен тиімділігі анықталмаған.

Қазіргі уақытта қолжетімді деректер негізінде балалар мен жасөспірімдерге арналған диметилфумаратты дозалауға қатысты нұсқаулар беруге болмайды.

Егде жастағы пациенттер

Белсенді заттың әсер ету механизмін ескере отырып, теориялық тұрғыдан егде жастағы пациенттерді емдеуде препараттың дозасын өзгерту үшін жеткілікті негіздер жоқ.

Бауыр жеткіліксіздігі бар пациенттер / бүйрек жеткіліксіздігі бар пациенттер

Диметилфумарат бүйрек немесе бауыр жеткіліксіздігі бар пациенттерде зерттелмеген. Клиникалық фармакологиялық зерттеулер деректеріне сүйене отырып, пациенттердің осы санатында дозаны түзету талап етілмейді. Бүйрек және бауыр жеткіліксіздігі ауыр пациенттерді емдеуді сақтықпен жүргізген жөн.

Енгізу жолы және тәсілі

Ішке қабылдау үшін.

Капсуланы тұтасымен жұту керек. Капсуланы немесе оның ішіндегісін ұсақтауға, бөлуге, ерітуге, соруға немесе шайнауға болмайды, өйткені мини-таблетканың ішекте еритін қабығы ішектің тітіркенуіне жол бермейді.

Қабылдау уақыты көрсетілген қолдану жиілігі

Диметилфумарат-Виста препаратын тамақтану кезінде қабылдау керек. Қан кернеу немесе АІЖ тарапынан жағымсыз реакциялары байқалатын пациенттерде Диметилфумарат-Виста препаратын тамақтану кезінде қабылдау жағымдылығын жақсартуы мүмкін.

Емдеу ұзақтығы

Емдеу курсын дәрігер анықтайды

Артық дозалану жағдайында қабылдануы қажет шаралар

Диметилфумаратпен артық дозалану жағдайлары туралы хабарланған жоқ. Мұндай жағдайларда сипатталған симптомдар диметилфумараттың белгілі жағымсыз әсерлерінің бейініне сәйкес келді. Диметилфумараттың немесе белгілі антидоттың шығарылуы үшін белгілі терапиялық әсер жоқ. Артық дозаланған жағдайда клиникалық көрсетілімдерге сәйкес симптоматикалық демеуші емді бастау ұсынылады.

Дәрілік препараттың бір немесе бірнеше дозасын жіберіп алған кезде қажетті шаралар

Егер пациент препаратты қабылдауды өткізіп алса, қосарлы дозаны қабылдауға тыйым салынады. Пациент өткізіп алған дозаны кем дегенде 4 сағаттан соң қабылдай алады. Басқа жағдайда пациент келесі дозаны қабылдағанға дейін күту керек.

Тоқтату симптомдары қаупінің болуын нұсқау

Бұл дәрілік затқа қатысты емес.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Препаратты әрдайым қосымша параққа немесе емдеуші дәрігердің нұсқауларына сәйкес қабылдаңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Қауіпсіздік бейініне шолу.

Диметилфумарат қабылдаған пациенттер үшін ең жиі жағымсыз реакциялар (жиілігі ≥10 %) қанның «кернеуі» және асқазан-ішек жолы тарапынан жағымсыз реакциялар (яғни диарея, жүрек айнуы, іш ауыруы, іштің жоғарғы бөлігінің ауыруы) болды. Қан «кернеуі» және асқазан-ішек жолы тарапынан жағымсыз реакциялар, әдетте, емдеу курсының ерте кезеңдерінде (бірінші кезекте бірінші ай ішінде) және қан «кернеу» эпизодтары және асқазан-ішек жолы тарапынан жағымсыз реакциялар байқалған пациенттерде көрініс табады, бұл реакциялар диметилфумаратпен емдеудің барлық мерзімі ішінде мезгіл-мезгіл қайта туындауы мүмкін. Терапияны тоқтатуға әкелетін ең көп таралған жағымсыз реакциялар (жиілігі >1%) қан «кернеуі» (3 %) және асқазан-ішек жолы тарапынан жағымсыз реакциялар (4%) болды.

Жағымсыз дәрілік реакциялар MedDRA жүйелік-ағзалық класы шеңберінде MedDRA басым терминдер түрінде ұсынылған. Жағымсыз дәрілік реакциялардың таралуы мынадай санаттарға сәйкес көрсетілген:

• Өте жиі (≥1/10)

• Жиі (≥1/100 <1/10 дейін)

• Жиі емес (≥1/1000 <1/100 дейін)

• Сирек (≥1/10000 <1/1000 дейін)

• Өте сирек (<1/10000)

• Белгісіз (қолда бар деректер бойынша жиілікті бағалау мүмкін емес)

1 Тіркеуден кейінгі қолдану тәжірибесі кезінде алынған жағымсыз реакциялар

Жекелеген жағымсыз дәрілік реакциялардың сипаттамасы

Қан «кернеуі».

Қан «кернеуі» әдетте пациенттерде қанның теріге немесе қызу сезіміне әсер етеді, бірақ басқа көріністерді қамтуы мүмкін (мысалы, жылу, қызару, шаншу, шымылдату сезімі). Қан «кернеуі» әдетте емдеу курсының басында (әдетте бірінші айда) көрініс табады, және мұндай пациенттерде бұл құбылыстар диметилфумаратпен емдеу кезінде мезгіл-мезгіл білінуі мүмкін. Көп жағдайда қан «кернеуінің» қарқындылығы баяу немесе орташа айқын ретінде байқалды. Диметилфумарат қабылдаған пациенттердің тек 3%-ы қан «кернеуіне» байланысты емдеуді тоқтатты. Кең таралған эритемамен, тері бөртпесімен және/немесе терінің қышуымен сипатталатын «кернеулердің» ауыр ағымының жағдайлары диметилфумарат қабылдаған пациенттердің 1%-дан азында байқалды.

Асқазан-ішек жолының (АІЖ) тарапынан бұзылу.

АІЖ тарапынан бұзылулар әдетте емдеу курсының басында (әдетте бірінші айдың ішінде) білінеді және асқазан-ішек жолы тарапынан бұзылулары бар пациенттерде бұл бұзылыстар диметилфумаратпен емдеу кезінде мезгіл-мезгіл көрініс табуы мүмкін. Көп жағдайда АІЖ тарапынан бұзылулардың қарқындылығы баяу немесе орташа айқын ретінде байқалды. Диметилфумарат қабылдаған пациенттердің төрт пайызы (4%) асқазан-ішек жолы тарапынан бұзылуларға байланысты емдеуді тоқтатты. Диметилфумарат қабылдаған пациенттердің 1%-ында асқазан-ішек жолдарының ауыр бұзылыстарының, соның ішінде гастроэнтерит пен гастриттің пайда болуы байқалды.

Бауыр функциясы

Плацебо-бақыланатын зерттеулер негізінде пациенттердің көпшілігінде бауыр трансаминазалары деңгейінің қалыптың жоғарғы шегінен (ҚЖШ) 3 есе жоғары жоғарылауы байқалды. Негізінен, плацебо қабылдаған пациенттермен салыстырғанда диметилфумарат қабылдаған пациенттерде бауыр трансаминазалары деңгейінің жоғарылау жағдайлары жиілігінің артуы диметилфумаратты қабылдаудың алғашқы 6 айында байқалды. Аланинаминотрансфераза және аспартатаминотрансфераза деңгейінің ҚЖШ-дан 3 және одан көп есе жоғарылауы тиісінше плацебо қабылдаған пациенттердің 5% және 2%-ында және диметилфумарат қабылдаған пациенттердің 6% және 2%-ында байқалды. Бауыр трансаминазаларының жоғары деңгейіне байланысты препаратты қабылдауды пациенттердің <1%-ы тоқтатты.

Бауыр трансаминазалары белсенділігінің бір мезгілде 3 және одан көп есе және жалпы билирубиннің қалыптың жоғарғы шегінен 2 және одан көп есе арту жағдайлары байқалған жоқ. Тіркеуден кейінгі кезеңде диметилфумаратты қолданған кезде бауыр трансаминазалары деңгейінің жоғарылауы және бауырдың дәрілік зақымдануы (трансаминазалар деңгейінің 3 есе артуы және жалпы билирубиннің 2 есе қатар өсуі) тіркелді, бұл емдеу тоқтатылғаннан кейін жоғалып кетті.

Инфекциялар.

Белдемелі герпестің даму жағдайлары диметилфумарат препаратын қабылдау аясында тіркелді. Ұзақ мерзімді кеңейтілген зерттеу кезінде, жайылған склерозы бар 1736 пациент диметилфумаратпен ем қабылдаған кезде, шамамен 5%-да жеңілден орташа ауырлыққа дейін белдемелі герпестің даму жағдайлары байқалған. Көптеген субъектілерде, оған қоса ауыр дәрежедегі белдемелі герпесі бар адамдарда лимфоциттердің саны қалыпты деңгейден аз болды. Қатарлас лимфоцитопениясы бар субъектілерде 2 және 3 дәрежедегі лимфопения басым болды. Диметилфумаратты тіркеуден кейінгі қолдану кезеңінде белдемелі герпестің көптеген жағдайлары күрделі болмады және емдеу тоқтатылғаннан кейін жоғалып кетті. Шектелген деректер диметилфумаратты тіркеуден кейінгі қолдану кезеңінде белдемелі герпесі бар пациенттерде лимфоциттердің абсолютті саны бойынша қолжетімді. Алайда пациенттердің көпшілігінде 2 (<0.8×109/л-ден 0.5×109/л-ге дейін) немесе 3 (<0.5×109/л-ден 0.2×109/л-ге дейін) класты лимфопения байқалды.

Лимфопения.

Үдемелі мультифокальді лейкоэнцефалопатияның дамуы орташа және айқын ұзақ лимфопения аясында байқалады.

Инфекциялар, оның ішінде ҮМЛ және оппортунистік инфекциялар.

Диметилфумаратты қолдану кезінде үдемелі мультифокальді лейкоэнцефалопатияны (ҮМЛ) туындататын Джон Каннингем вирусын (JS-вирус) жұқтыру жағдайлары туралы хабарланды. ҮМЛ өлімге немесе ауыр мүгедектікке әкелуі мүмкін. Клиникалық сынақтардың бірінде диметилфумарат қабылдаған бір пациентте өліммен аяқталған ұзақ ауыр лимфопения аясында (лимфоциттер саны негізінен <0,5х109 / л 3,5 жыл ішінде) ҮМЛ дамыған. Постмаркетингтік жағдайларда ҮМЛ қалыпты және жеңіл лимфопения кезінде де тындады (зертханалық стандарттарда анықталғандай > 0,5x109/л <ЛНН дейін).

ҮМЛ диагностикасы кезінде Т-лимфоциттердің субпопуляцияларын анықтай отырып, ҮМЛ бірнеше жағдайда CD8+Т-жасушалар саны <0,1x109/л дейін төмендегені анықталды, ал CD4+Т-жасушалар санының төмендеуі әр түрлі болды (<0,05-тен 0,5x109/л диапазонында) және лимфопенияның жалпы ауырлығымен (<0,5x109/л-ден <ЛНН-ге дейін) көп өзара байланысты болды. Демек, бұл пациенттерде CD4+/CD8 + қатынасы жоғарылаған.

Ұзаққа созылған орташа немесе ауыр лимфопения диметилфумаратты қолданған кезде ҮМЛ қаупін арттырады, алайда ҮМЛ жеңіл лимфопениясы бар пациенттерде де кездеседі. Одан өзге, постмаркетингтік жағдайдағы ҮМЛ жағдайларының көпшілігі 50 жастан асқан пациенттерде болды.

Диметилфумаратты пайдалану кезінде белдемелі герпес жұқтыру жағдайлары туралы хабарланды. МС шалдыққан 1736 пациент диметилфумарат алған ұзақ мерзімді кеңейтілген зерттеуде шамамен 5%-да белдемелі герпестің бір немесе бірнеше оқиғасы байқалды, олардың көпшілігі жеңіл немесе орташа дәрежеде болды. Көптеген субъектілерде, оған қоса белдемелі герпестің ауыр инфекциясын жұқтырған адамдарда лимфоциттердің саны қалыптың төменгі шегінен асып кетті. Бір мезгілде лимфоциттердің саны төменгі шектен (ЛНН) төмен пациенттердің көпшілігінде лимфопения орташа немесе ауыр деп бағаланды. Постмаркетингтік жағдайларда белдемелі герпес инфекциясының көптеген жағдайлары күрделі емес және емделуге болады. Шектеулі деректер ALC бойынша постмаркетингтік жағдайларда белдемелі герпес инфекциясы бар пациенттерде қолжетімді. Алайда, хабарламаларға сәйкес пациенттердің көпшілігінде қалыпты (<0,8x109/л-ден 0,5x109/л-ге дейін) немесе ауыр (<0,5x109/л-ден 0,2x109/л-ге дейін) лимфопения байқалды.

Зертханалық көрсеткіштердің нормадан ауытқуы.

Плацебо-бақыланатын зерттеулерде несептегі кетондар көрсеткіші (1+ немесе одан жоғары) диметилфумарат қабылдаған пациенттерде (45 %) плацебо қабылдаған пациенттермен (10%) салыстырғанда жоғары болды. 1,25-дигидроксивитамин D деңгейі плацебо қабылдаған пациенттерге қатысты диметилфумарат қабылдаған пациенттерде төмендеді (2 жылғы белгідегі бастапқы деңгейден төмендеудің медианалық пайызы тиісінше 15%-бен салыстырғанда 25% құрады), ал диметилфумарат қабылдаған пациенттерде паратиреоидты гормон (ПТГ) деңгейі плацебо қабылдаған пациенттермен салыстырғанда артты (2 жылғы белгідегі бастапқы деңгейден артудың медианалық пайызы тиісінше 15%-бен салыстырғанда 29% құрады). Екі параметрдің орташа мәндері қалыпты шектерде қалды.

Емнің алғашқы 2 айында эозинофилдердің орташа санының белсенділігінің транзиторлық жоғарылауы байқалды.

Балалар.

18 жасқа дейінгі склерозы бар балаларда диметилфумаратты қолдану қауіпсіздігі анықталған жоқ.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» http://www.ndda.kz

Қосымша мәліметтер

Дәрілік препараттың құрамы

Препараттың бір капсуласында

белсенді зат – диметилфумарат 120 мг, 240 мг

Қосымша заттар:

Мини-таблетка ядросы: микрокристалды целлюлоза, натрий кроскармелозасы, тальк, сусыз коллоидты кремнийдің қостотығы, магний стеараты;

Ішекте еритін қабықтың құрамы (органикалық қабат): Метакрил қышқылының изопропил сулы-спиртті суспензиясы және метилметакрилат кополимері (1:1), триэтил цитраты, изопропил спирті

Суда еритін қабықтың құрамы (суда еритін қабат): метакрил қышқылының сулы суспензиясы, этилакрилат кополимері (1:1), тальк, симетикон, триэтил цитраты, тазартылған су

Силоидты бүрку: сусыз коллоидты кремнийдің қостотығы, тазартылған су

Капсула құрамы: желатин, титанның қостотығы (Е 171), темірдің (III) сары тотығы (Е 172), бриллиантты көк (Е 133).

Принт бояғышының құрамы: шелак, темірдің (III) қара тотығы (Е 172), полиэтиленгликоль (Е 1520), аммоний гидрототығы (Е 527).

Сыртқы түрінің, иісінің, дәмінің сипаттамасы

Өлшемі «0» корпусы ақ және қақпағы ашық жасыл, корпусында «DFT 120» деген жазуы бар капсулалар.

Капсуланың ішіндегісі – ақ түсті мини-таблеткалар (120 мг доза үшін).

Өлшемі «0» корпусы және қақпағы ашық жасыл, корпусында «DFT 240» деген жазуы бар капсулалар.

Капсуланың ішіндегісі – ақ түсті мини-таблеткалар (240 мг доза үшін).

Шығарылу түрі және қаптамасы

10 капсуладан ПВХ/алюминий фольгадан жасалған пішінді ұяшықты қаптамаға салынған.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған (120 мг доза үшін).

10 капсуладан ПВХ/алюминий фольгадан жасалған пішінді ұяшықты қаптамаға салынған.

6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған (240 мг доза үшін).

3 жыл.

Жарамдылық мерзімі өткеннен кейін қолдануға болмайды.

Түпнұсқалық қаптамасында 25° С-ден аспайтын температурада сақтау керек. Балалардың қолы жетпейтін жерде сақтау керек!

Рецепт арқылы.

Өндіруші туралы мәлімет

Синтон Чили Лтда.

Эль Кастаньо № 145, Валле Гранде, Лампа, Сантьяго, Чили

Телефон нөмірі: 800 393 333 +562 2499 0888

Тіркеу куәлігінің ұстаушысы

МИСТРАЛ КЭПИТЕЛ МЕНЭДЖМЭНТ ЛИМИТЕД

9 Вайтмор Мэнор Клоуз, Ковентри, CV6 2PH, Ұлыбритания

Телефон нөмірі: +447872326293, +44 192 693 5385

Электронды пошта: info@mistral.capital

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Джеткросс» ЖШС, Қазақстан Республикасы, 050000, Алматы қ., Тимирязев к-сі, 42 үй, № 15/1 павильон, «КЦДС Атакент» АҚ, 1 кеңсе.

тел: +7 708 591 0281

e-mail: elmira_tavieva@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Nur Business Consulting» ЖШС, Қазақстан Республикасы, 050010, Алматы қ., Қазыбек би к-сі, 22 үй, 304 кеңсе.

тел: +7 708 930 1280

e-mail: pharmacovigilancenbc@gmail.com