Димекс®

• русский
• қазақша

• Скачать инструкцию медикамента

Саудалық атауы

Димекс®

Халықаралық патенттелмеген атауы

Жоқ

Дәрілік түрі

Шәрбат 125 мл

Құрамы

5 мл шәрбаттың құрамында

белсенді заттар: 9,96 мг дифенгидрамин гидрохлориді және 99,6 мг аммоний хлориді бар.

қосымша заттар: 96% этил спирті, сахароза, бензой қышқылы, сорбин қышқылы, левоментол, натрий цитратының дигидраты, лимон қышқылы моногидраты, глицерол, «Малина» сұйық эссенциясы,тазартылған су.

Сипаттамасы

Бозғылт сарыдан сары қоңыр түске дейінгі, таңқурайға тән иісі бар шәрбат тәрізді сұйықтық.

Фармакотерапиялық тобы

Жүйелік әсер етуге арналған антигистаминдік препараттар. Аминоалкильді эфирлер. Басқа препараттармен біріктірілімдегі дифенгидрамин.

АТХ коды R06АА52

Фармакологиялық қасиеттері

Фармакокинетикасы

Сіңуі: Пероральді қолдағанғаннан кейін, дифенгидрамин гидрохлоридінің қолданылған дозасының орташа алғанда 65%-ы асқазан-ішек жолынан сіңеді. Дифенгидраминнің әсері пероральді қабылдағаннан кейін шамамен 1 сағаттан соң білінеді және 4-тен 6 сағатқа дейін жалғасады.

Аммоний хлориді ішекте резорбцияланады.

Таралуы: Ең жоғарғы плазмалық концентрациясына (81-ден 159 нг/мл-ге дейін) 100 мг дифенгидрамин гидрохлоридін бір рет қолданғаннан кейін 2 - 4 сағаттан соң жетеді. Ол плазма ақуыздарымен 76-дан 85%-ға дейін байланысады. Ағзаның барлық тіндеріне таралады.

Метаболизмі: Дифенгидраминнің шамамен 50%-ы бауырда метаболизденеді. Бірінші өтудің айтарлықтай әсеріне ие. Ұзақ уақыт қолданғанда өзінің метаболизмін индукциялауы мүмкін.

Шығарылуы: Дифенгидрамин өзгеріссіз күйде метаболиттер түрінде несеппен шығарылады. Қосылыс метаболиттері метаболизденбеген бөлігіне қарағанда баяуырақ шығарылады. 50-65%-ға жуығы несепте дифенилметанның туындылары түрінде анықталады. Дифенгидраминнің жартылай шығарылу кезеңі 1- 4 сағатқа жуықты құрайды.

Фармакодинамикасы

Димекс® - жөтелге қарсы айқын әсері бар біріктірілген дәрілік препарат, әсіресе, тітіркендіретін және спастикалық жөтел кезінде тиімді.

Дифенгидрамин гидрохлориді антихолинергиялық және тыныштандыратын әсері айқын антигистамин болып табылады. Ол эффекторлық ағзалардың жасуша жарғақшаларындағы Н1-рецепторларды бөгейді.

Оның антихолинергиялық әсері бронх сөлінісі мен бронхолитикалық әсердің азаюына негіз болады.

Аммоний хлоридінің секретомоторлық белсенділігі бар - тыныс алу эпителийі кірпікшелерінің қозғалысын көтермелейді, бронхтардың жиырылғыштығын арттырады, бронх сөлінің шығарылуын жеңілдетеді.

Қолданылуы

• тыныс жолдарының қабыну ауруларында тітіркендіретін және спастикалық жөтелді симптоматикалық емдеуде.

Қолдану тәсілі және дозалары

Шәрбат ішу арқылы қабылданады.

Ересектер: 5 мл-ден күніне 3-4 рет.

Емдеу курсы – 5 күннен аспайды.

Егде емделушілер

Бауыр қызметінің орташа бұзылуында сақтық жасау керек.

Ауырлығы орташа дәрежедегі бауыр жеткіліксіздігі бар емделушілерге препарат қабылдау аралығын ұлғайту керек.

Жағымсыз әсерлері

-жалпы әлсіздік, шаршау, седация, зейіннің нашарлауы, бас айналуы, ұйқышылдық, бас ауыруы, қимыл-қозғалыс үйлесімінің бұзылуы, мазасыздық, қозғыштықтың жоғарылауы, жүйкенің тозуы, ашушаңдық, ұйқысыздық, эйфория, тремор, парестезиялар, құрысулар

– гипотензия, жүрек ырғағының бұзылуы, жүрек қағуы

–ауыз бен тамақтың құрғауы, мұрынның бітелуі, бронх сөлінісінің қоюлануы, тыныс алудың қиындауы

- ауыздың құрғауы, жүрек айнуы, құсу, іш қатуы, диарея

– несеп шығарудың жиілеуі және/немесе қиындауы, несептің іркілуі

Сирек

– гемолитикалық анемия, тромбоцитопения

- қышу, бөртпе, фотосенсибилизация, анафилактикалық шок, эритема, есекжем, ангионевротикалық ісіну

– көрудің бұзылуы

– құлақтағы шуыл.

Қолдануға болмайтын жағдайлар

- белсенді заттарына немесе қосымша заттардың кез-келгеніне өте жоғары

сезімталдық

- шамадан тыс қақырық бөлінуімен созылмалы немесе тұрақты жөтелі бар

емделушілер

- МАО тежегіштерін бір уақытта қабылдау немесе оларды тоқтатқаннан

кейін бастапқы екі апта бойына

- жедел демікпе ұстамалары

– глаукома

– қуықасты безінің гипертрофиясы

– несепағардың тарылуы

– тарылтатын пептикалық ойық жара

– бүйрек пен бауырдың ауыр бұзылулары

– метаболикалық алкалоз

– эпилепсия

- алкоголизм

- жүктілік пен бала емізу

- 18 жасқа дейінгі балалар мен жасөспірімдер

Дәрілермен өзара әрекеттесуі

Дифенгидраминді МАО тежегіштерімен бір мезгілде қолдану (моноаминоксидаза тежегіштерімен) гистаминге қарсы препараттың антихолинергиялық әсерінің артуына алып келеді. Препаратты үшциклдық антидепрессанттармен бір мезгілде қолдану, әсіресе, егде адамдарда несептің іркілуі, ішек атониясы, офтальмологиялық тонустың жоғарылауы бар антихолинергиялық әсерге қатысты синергизмге алып келеді.

Препаратты адамдарда зерттеу барысында жүктілік кезінде дифенгидраминді бір мезгілде бензодиазепинді анксиолитик темазепаммен біріктіріп қолдану ұрықтың перинатальді өлімі деңгейінің артуына алып келгені байқалды. Орталық жүйке жүйесінің қызметі бәсеңдеуі дифенгидрамин мен алкогольді біріктіріп қабылдағанда байқалды.

Аммоний хлоридін (4г/8сағ) ішу арқылы қабылдау дифенгидраминнің шығарылуын шамамен үш есеге жеделдетеді және арттырады.

Кодеиннің, басқа да антигистаминдік дәрілердің және басқа да ОЖЖ депрессанттарының әсерін күшейтеді. Дифенгидрамин антихолинергиялық белсенділікке ие, осыған байланысты кейбір психотропты препараттардың және атропиннің әсерін күшейтуі мүмкін. Бұл тахикардияға, ауыз құрғауына, асқазан-ішек бұзылыстарына (мысалы, шаншу) несеп іркілуіне,бас ауыруына алып келуі мүмкін.

Дифенгидраминнің кумариндік антикоагулянттармен өзара әрекеттесуінің сипаттамасы жоқтығына қарамастан, гемостаздың кейбір көрсеткіштерінің, ішінара протромбиндік уақыттың төмендеуі мүмкіндігін есте ұстау керек.

Дифенгидраминді фенилбутазонмен бір мезгілде қолдану соңғысының жартылай шығарылу кезеңін өзгертпейді.

Айрықша нұсқаулар

Жоғары дозаларын және сезімтал адамдарда антигистаминдік препараттарды пайдаланғанда қозуды, елестеулерді, құрысуларды тудыруы мүмкін.

Егде жастағы емделушілерде сақтықпен қолдану керек, өйткені оларда антигистаминдік препараттар бас айналуын, ұйқышылдықты, артериялық гипотензияны жиі туындатуы мүмкін.

Қақырықтың шығуын қиындататын бронх сөлінің тұтқырлығы жоғарылайтындықтан, бронх демікпесі бар емделушілерге қолдануға болмайды.

Бүйрек пен бауыр қызметінің орташа бұзылулары немесе несеп іркілуі бар емделушілер препаратты пайдаланғанда сақтық жасауы тиіс.

Дәрілік препараттың құрамында 52,5 г сахароза бар. Ұсынымдарға сәйкес препаратты 5 мл бір реттік дозада қабылдағанда, ағзаға 2,15 г-ге дейін сахароза түседі. Препарат туа біткен фруктозаны көтере алмаушылығы бар емделушілерге, глюкоза/галактоза мальабсорбциясы синдромында немесе сахароза/изомальтаза тапшылығында қолданылмауы керек.

Димекстің® құрамында 7,68 к.%-ға дейін этанол бар. 5 мл құрамында 312 мг алкоголь бар. Препаратты бауыр ауруларында, алкоголизмде, эпилепсияда, жүкті әйелдерге, бала емізетін әйелдерге, балаларға қолдануға болмайды.

Димекс® шәрбатында қосымша зат ретінде глицерол бар, ол жоғары дозаларында бас ауыруын, асқазанның тітіркенуі мен диарея тудыруы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Димекс® препаратын пайдаланғанда ұйқышылдық пен қимыл-қозғалыс үйлесімінің бұзылуы пайда болуы мүмкін, сондықтан көлік құралдарының жүргізушілері мен машиналар операторларына сақтықпен қолдану керек.

Артық дозалануы

Симптомдары: қозу, шаршағыштық, қажу, ауыз құрғауы, аккомодация бұзылуы, тері эритемасы, асқазан-ішек бұзылуы, гипертермия, елестеулер, құрысулар, кома, жүрек-қан тамыр жеткіліксіздігі.

Емі: симптоматикалық: асқазанды шаю, белсенділендірілген көмір қолдану, тыныс алуды және артериялық қысымды мониторингтеу.

Құрысу дамыған жағдайда - диазепам; антихолинергиялық симптомдарды басу үшін - физостигмин.

Шығарылу түрі және қаптамасы

«Пильферпруф» типті, ALKOzell тығыздалған бұрандалы полиэтилен қалпақшасы бар, 125 мл шәрбаттан «Пильферпруф» типті, сыйымдылығы 125 мл күңгірт шыныдан жасалған немесе «Пильферпруф» типті, сыйымдылығы 125 мл, күңгіт-қоңыр ПЭТ құтыларға құйылады.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен және өлшегіш стақанмен бірге бір жағынан пигментпен жабылған картон пәшкеге салынған.

Сақтау шарттары

Түпнұсқалық қаптамасында, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейінгі жарамдылық мерзімі: 1 айға дейін.

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

СОФАРМА АҚ

Илиенский тас жолы 16

1220 София, Болгария

Тіркеу куәлігі иесінің атауы мен елі

СОФАРМА АҚ

Илиенский тас жолы 16

1220 София, Болгария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Алматы қ-дағы «Софарма» АҚ сауда өкілдігі,

Қазақстан, 050036, «Мамыр 4» ықшам ауданы, 190 үй.

Телефон нөмірі: 7 (727 3) 80 01 03

Факс нөмірі: 7 (727 3) 81 63 86

Электронды поштасы: info@sopharma.kz