Димедрол (раствор для внутривенного и внутримышечного введения, 10 мг/мл, Дальхимфарм ОАО)

Димедрол

Дифенгидрамин

Вена ішіне және бұлшықет ішіне енгізуге арналған ерітінді

белсенді зат:

Дифенгидрамин гидрохлориді (димедрол) - 10 мг

қосымша зат:

Инъекцияға арналған су – 1 мл дейін.

Мөлдір түссіз сұйықтық.

Жүйелі әсер ететін гистаминге қарсы препараттар. Аминоалкильді эфирлер. Дифенгидрамин.

АТХ коды R06AA02

Фармакокинетикасы

Вена ішіне және бұлшықет ішіне енгізгеннен кейін димедрол организмде кеңінен тарайды, ең жоғарғы концентрациясына 20 - 40 минуттан соң жетеді. Гематоэнцефалдық кедергі және плацента арқылы жақсы өтеді. 99% астамы плазма ақуыздарымен байланысады. Бауырда метаболизденеді. Жартылай шығарылу кезеңі 1-4 сағат құрайды. Сүтпен бөлінеді және емшек еметін балаларда седативті әсер туғызуы мүмкін. Тәулік бойы негізінен глюкурон қышқылымен конъюгацияланған бензгидрол түрінде және тек елеуіз мөлшерде – өзгермеген түрде организмнен толығымен шығарылады.

Фармакодинамикасы

Бірінші буындағы Н1-гистаминді рецепторлар блокаторы. Орталық жүйке жүйесіне әсері мида Н1-гистаминді рецепторлар және м-холинорецепторлар блокадасымен қамтылған. Гистаминмен туындаған тегіс бұлшықеттердің түйілуін, қылтамырлар өткізгіштігінің жоғарылауын, тіндердің ісінуін, қышынуды және гиперемияның алдын алады немесе азайтады, жергілікті жансыздандыратын, құсуға қарсы, седативтік әсерге ие, ұйықтататын әсері бар.

Гистаминмен антагонизмі қабыну мен аллергияда жүйелі әсеріне, яғни артериялық қысымның төмендеуіне қарағанда жергілікті қантамырлық реакцияларға қатысты жоғары дәрежеде байқалады.

Алайда, қан көлемі айналымының тапшылығы бар пациенттерге парентеральді енгізгенде артериялық қысымның төмендеуі және бар гипотензия күшеюі мүмкін.

Мидың ошақталған зақымданумен және эпилепсиямен адамдарда электроэнцефалограммада эпилепсиялық разрядтарды белсенділендіреді (тіпті төмен дозаларда) және эпилепсия ұстамасына түрткі болуы мүмкін.

Әсері бірнеше минут ішінде, ұзақтығы – 12 сағатқа дейін дамиды.

Анафилаксиялық және анафилактоидты реакцияларда, Квинке ісінуі, сарысу құю ауруында кешенді емде.

Асқазанның және он екі елі ішектің ойық жара ауруында, гиперацидтік гастритте (біріктірілген ем құрамында).

Паркинсонизм, хорея, ұйқысыздықта.

Меньер синдромы, теңіз және ауа ауруында, сәуле соққы ауруында.

Терінің және жұмсақ тіндердің ауқымды жарақаттық зақымдануында (күюлерде, үсулерде), геморрагиялық васкулитте, қан сарысу ауруында.

Премедикацияда.

Қолдану тәсілі: вена ішіне немесе бұлшықет ішіне.

Ересектер мен 14 жастан асқан балаларға вена ішіне немесе бұлшықет ішіне 1-5 мл ерітінді 10 мг/мл (10 - 50 мг) күніне 1 - 3 рет; тәуліктік ең жоғарғы доза - 200 мг.

7 айдан 12 айға дейінгі балаларға 0,3 - 0,5 мл-ден (3 - 5 мг), 1 жастан 3 жасқа дейінгі балаларға 0,5 - 1 мл-ден (5 - 10 мг), 4-тен 6 жасқа дейінгі балаларға 1 - 1,5 мл-ден (10 - 15 мг), 7-ден 14 жасқа дейінгі балаларға 1,5 - 3 мл-ден (15 - 30 мг) қажеттілік кезінде әрбір 6-8 сағатта.

Аллергиялық реакциялар: есекжем, фотосезімталдық, тері бөртпесі, қышыну, анафилаксиялық шок.

Жүйке жүйесі тарапынан: бас айналуы, ұйқышылдық, ашуланшақтық, ұйқысыздық, эйфория, жалпы әлсіздік, шаршағыштық, седативтік әсер, назардың төмендеуі, бас ауыруы, қозғалыс қимылының бұзылуы, мазасыздық, жоғары қозғыштық (әсіресе балаларда), тітіркенушілік, сананың шатасуы, тремор, неврит, құрысулар, парестезия, көрудің нашарлауы, диплопия, жедел лабиринтит, құлақтағы шуыл эпилепсия түріндегі ұстамаға түрткі болуы мүмкін.

Ас қорыту жүйесі тарапынан: ауыздың құрғауы, ауыз қуысы шырышты қабығының қысқа мерзімді жансыздануы, анорексия, диарея, іш қатуы, жүрек айнуы, эпигастральді дистресс, құсу.

Тыныс алу жүйесі тарапынан: ауыз, мұрын, бронхтар қуысы шырышты қабығының құрғауы (қақарық тұтқырлығының жоғарылауы), кеуде қуысының қысылуы.

Қан түзу мүшелері тарапынан: гемолиздік анемия, тромбоцитопения, агранулоцитоз.

Жүрек-қан тамыр жүйесі және қан тарапынан: гипотензия, жүрек қағуы, тахикардия, экстрасистолия, агранулоцитоз, тромбоцитопения, гемолиздік анемия.

Несеп шығару жүйесі тарапынан: несеп шығуының бұзылуы.

Басқалары: тершеңдік, қалтырау, фотосенсибилизация.

- жабық бұрышты глаукома

- қуық асты безінің гиперплазиясы

- асқазан және он екі елі ішектің стеноздаушы ойылуы

- қуық мойны стенозы

- эпилепсия

- бронх демікпесі

- жүктілік және лактация кезеңі

- препаратқа жоғары сезімталдық

- 7 айға дейінгі балалар

- брадикардия

- жүрек ырғағының бұзылуы

- порфирия.

Этанолдың және орталық жүйке жүйесін бәсеңдететін дәрілік заттардың әсерін күшейтеді.

Моноаминоксидаза тежегіштері димедролдың антихолинергиялық белсенділігін күшейтеді.

Антагонистік өзара әсер етуі психостимуляторлармен біріктіріп тағайындағанда байқалады.

Улануды емдеу кезінде құстыратын дәрілік зат ретінде апоморфиннің тиімділігін төмендетеді.

М-холин бөгейтін белсенділігі бар дәрілік заттың антихолинергиялық тиімділікті күшейтеді.

Димедролмен емдеу кезінде ультракүлгін сәулелендіруден және этанол пайдаланудан аулақ болу керек.

Бұл препаратты қолданғаны жөнінде дәрігерді хабардар ету керек: құсуға қарсы әсер аппендицит диагнозын және басқа дәрілік заттардың артық дозалану симптомдарын байқауды қиындатуы мүмкін.

Препараттың дәрілік түрін тері астына енгізу үшін пайдалануға болмайды.

Жүктілік және лактация кезеңі

Жүктілік және бала емізу кезеңінде препаратты (бұл “өмірлік” көрсеткіш бойынша қажеттілік жағдайды қоспағанда) қолдануға болмайды.

Дәрілік препараттың көлік құралын, механизмді басқару қабілетіне ықпал етуі

Емдеу кезеңінде көлік жүргізуге және жоғары зейін шоғырландыруды және жылдам психомоторлық реакцияларды талап ететін қауіптілігі зор басқа да қызмет түрлерімен айналысуға болмайды.

Симптомдары: орталық жүйесін бәсеңдету, қозудың дамуы (әсіресе балаларда) немесе депрессия, көз қарашығының кеңеюі, ауыздың құрғауы, асқазан-ішек жолы мүшелерінің парезі.

Емі: арнайы антидоты жоқ, асқазанды шаю, қажеттілікте – артериялық қысымды көтермелейтін дәрілік заттар, оттегі, плазма алмастырғыш сұйықтықты вена ішіне енгізу. Эпинефринді және аналептикті пайдалануға болмайды.

Шығарылу түрі және қаптамасы

Вена ішіне және бұлшықет ішіне енгізуге арналған ерітінді 10 мг/мл.

Бейтарап шыны ампулаларда 1 мл-ден.

10 ампуладан қолданылуы жөніндегі нұсқаулықпен және ампуланы ашуға арналған пышақпен немесе ампула скарификаторымен бірге картон қорапқа салынған.

Сындыру нүктесі және сақинасы, кертігі бар ампуланы пайдалану кезінде ампуланы ашуға арналған пышақ немесе ампула скарификаторы салынбайды.

Жарықтан қорғалған жерде, 2-ден 25 оС-ге дейінгі температурада сақтау керек.

Балалардың қолы жетпейтін жерде сақтау керек!

5 жыл,

Жарамдылық мерзімі өткеннен кейін пайдалануға болмайды.

Рецепт арқылы.

Өндіруші

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

Қазақстан Республикасы аумағында тұтынушылардан препарат сапасына қатысты шағымдарды қабылдайтын ұйымның мекенжайы:

«МедЛайн Фармацевтика» ЖШС

Қазақстан Республикасы, 050054, Алматы қ., Сүйінбай даңғылы, 162 А,

тел. 8 (727) 225 00 37

Қазақстан Республикасы аумағында дәрілік заттың қауіпсіздігіне тіркеуден кейін қадағалауға жауыпты ұйымның атауы, мекенжайы және байланыс деректері

«МедЛайн Фармацевтика» ЖШС

Қазақстан Республикасы, 050054, Алматы қ., Сүйінбай даңғылы, 162 А,

тел. 8 (727) 225 00 37

5