Дилтиазем Ланнахер (180 мг)

• русский
• қазақша

• Скачать инструкцию медикамента

Саудалық атауы

Дилтиазем Ланнахер

Халықаралық патенттелмеген атауы

Дилтиазем

Дәрілік түрі

Үлбірлі қабықпен қапталған, босап шығуы ұзартылған 90 мг және 180 мг таблеткалар

Құрамы

Бір таблетканың құрамында

белсенді зат – 90 мг немесе 180 мг дилтиазем гидрохлориді бар,

қосымша заттар: лактоза моногидраты, полиакрилат, 30%1 дисперсия метакрил қышқылы-этилакрилат сополимері (1:1), аммоний метакрилат сополимері, В типі, гипромеллоза, магний стеараты,

қабықтың құрамы: гипромеллоза, макрогол 6000, титанның қостотығы (Е171), тальк, полиакрилат, 30%2 дисперсия.

1 4.5 мг (9.0 мг) құрғақ зат 15.0 мг (30.0 мг) суспензияға сәйкес келеді

2 0,558 мг (0.744 мг) құрғақ зат 1.860 мг (2.480 мг) суспензияға сәйкес келеді

Сипаттамасы

Дөңгелек пішінді, екі беті дөңес, ақ түсті үлбірлі қабықпен қапталған таблеткалар.

Фармакотерапиялық тобы

Кардиомиоциттерге тікелей әсер ететін «баяу» кальций өзектерінің селективті блокаторлары. Бензотиазепиндердің туындылары. Дилтиазем.

АТХ коды C08DB01

Фармакологиялық қасиеттері

Фармакокинетикасы

Сіңірілуі

Дилтиазем асқазан-ішек жолынан іс жүзінде толығымен сіңеді; биожетімділігі бауырдағы жүйеалдылық ауқымды метаболизмінің арқасында 40-50%-ға жуықты құрайды.

Дилтиазем кинетикасы дозаға тәуелсіз. Осылайша, биожетімділігі дозасын артырған сайын аса пропорциональді артады.

Таралуы

Дилтиазем плазма ақуыздарымен шамамен 70-80%-ға байланысады (шамамен 35-40%-ға альбуминмен).

Метаболизмі

Дилтиазем Р450 цитохромы жүйесінің аралас функциясы бар оксидазаның қатысуымен бауырда метаболизденеді. Тек 2-4%-ы ғана өзгеріссіз күйде несепте анықталады. Екі метаболит – дезацетилдилтиазем мен N-диметилдилтиаземнің фармакологиялық әсерлері төмен.

Шығарылуы

Дилтиазем мен оның метаболиттері бауырмен және бүйрекпен шығарылады.

Жартылай шығарылу кезеңі 4-10 сағатқа жуықты құрайды.

Емделушілердің ерекше топтарындағы кинетикасы

Бауыр функциясының бұзылуы бар емделушілерде биожетімділігі артуы және шығарылуы баяулауы мүмкін.

Фармакодинамикасы

Дилтиазем Ланнахер кальций өзектерінің блокаторлары тобына жатады. Әсер ету механизмі кальцийдің миокард жасушаларына (кардиостимуляция жүйесіне, жүректің өткізгіштік жүйесіне, жұмыс істеп тұрған миокард), сондай-ақ тамырлардың тегіс бұлшықеттері жасушаларына өтуін тежеуіне негізделген.

Дилтиазем коронарлық артерияларды кеңейтуінің және жүрек қарыншасы бұлшықетіне түсетін жүктемені төмендету арқылы миокардтың оттегіге қажеттілігін азайтуының арқасында стенокардия кезінде тиімді.

Дилтиазем шеткергі қантамырларды кеңейтуінің және жүйелі қантамыр кедергісін төмендетуінің арқасында антигипертензивтік әсер береді.

Бұдан өзге, дилтиазем әсіресе атриовентрикулярлық түйін өткізгіштігін баяулату арқылы аритмияға қарсы препарат ретінде әсер етеді. Қалыпты жүрекшеішілік және қарыншаішілік өткізгіштікке әсер етпейді. Синустық түйіннің импульс қалыптастыруына мүлдем әсер етпейді деуге болады. Синустық түйін дисфункциясы жағдайында ол тоқтап қалуы немесе синоаурикулярлық блокада болуы мүмкін.

Айқын теріс инотроптық әсері әлеуеттілігінің орны әдетте жүрек қарыншасы бұлшықетінің кейінгі жүктемесін төмендету арқылы, миокардтың оттегіге қажеттілігін азайту және салыстырмалы түрде миокард функциясы қалыпты емделушілерде емдік дозалары ауқымында рефлекторлық симпатикалық белсенділендіру арқылы толтырылады.

Дилтиаземді нитраттармен бір мезгілде қабылдағанда стенокардиясы бар емделушілерде аддитивтік әсері дамығаны хабарланған.

Қолданылуы

- артериялық гипертензияны ұзақ уақыт емдеуде

- жүректің коронарлық ауруын ұзақ уақыт емдеуде (созылмалы стенокардия, вазоспастикалық стенокардия, Принцметалл стенокардиясы, миокард инфарктісінен кейінгі стенокардия)

Қолдану тәсілі және дозалары

Таблеткаларды ас ішердің алдында, шайнамай және азғантай сұйықтықпен іше отырып қабылдау керек. Дозалау режимі жекелей анықталады.

Әдетте 2 қабылдауға бөлінген 180-360 мг тәуліктік дозада тағайындайды. Ең жоғарғы тәуліктік дозасы 360 мг құрайды. Ұзаққа созылатын демеуші емге көшкен кезде препараттың дозасын таңертеңгілік, тәулігіне бір рет 180 мг дейін азайтуға болады. Емдеу ұзақтығын емдеуші дәрігер анықтайды.

Жағымсыз әсерлері

Сирек

- бас ауыруы, бас айналуы

- қатты қажу, парестезия

- ұйқының бұзылуы, күйгелектік, аса жоғары белсенділік (соның ішінде маниакальді көріністер)

- аяқтардың ісінулері

- ауыздың құрғауы, жүрек айнуы, іштің қатуы, метеоризм, қыжыл, іштің ауыруы, құсу, диарея

-терінің қызаруы, жарыққа сезімталдық

- тері бөрпелері, қышыну, экзантема түріндегі аллергиялық реакциялар

Жекелеген жағдайлар

- лейкопения, тромбоцитопения

- қан сарысуында бауыр трансаминазалары гамма-глутамил-трансфераза, лактатдегидрогеназа (ЛДГ) белсенділігінің, сілтілік фосфатазаның уақытша жоғарылауы мүмкін, гепатит

- қызыл иектердің шырышты қабығының гиперплазиясы (ұзақ уақыт қолданғанда)

- брадикардия, артериялық гипотензия, атриовентрикулярлық өткізгіштіктің бұзылуы, асистолия, жүрек жеткіліксіздігі симптомдарының білінуі (аса сирек, жоғары дозаларда қабылдағанда)

- ангионевротикалық ісіну, тері васкулиті, полиморфты эритема, Стивенс- Джонс синдромы, уытты эпидермальді некроз

- гинекомастия

Қолдануға болмайтын жағдайлар

- бензотиазепин туындыларына немесе қосымша заттарының кез-келгеніне жоғары сезімталдық

- айқын брадикардия

- синустық түйін әлсіздігі синдромы

- кардиогендік шок

- асқынған жедел миокард инфарктісі

- II және III дәрежелі атриовентрикулярлық блокада (кардиостимуляторы бар емделушілерден басқа)

- Вольф-Паркинсон-Уайт синдромы, қолқа стенозы

- артериялық гипотензия

- жүректің жедел жеткіліксіздігі, II Б - III сатыдағы жүректің созылмалы жеткіліксіздігі

- бауыр мен бүйрек функциясының ауыр бұзылулары

- бета-адреноблокаторлармен қатарластырып көктамырішілік емдеу

- жүктілік және лактация кезеңі

- 18 жасқа дейінгі балалар.

Дәрілермен өзара әрекеттесуі

Жүрек функциясына немесе жүрек өткізгіштігіне бәсеңдеткіш әсер ететін (мысалы, пероральді бета-адреноблокаторлар, аритмияға қарсы дәрілер, оймақгүл препараттары, кейбір ингаляциялық есірткілік заттар) препараттар

Бір мезгілде қабылдау кардиостимуляция жүйесінде және жүрек өткізгіштігінде бұзылуларды (атриовентрикулярлық блокада, брадикардия), гипотензия мен жүрек жеткіліксіздігін тудыруы мүмкін. Қатарлас қолданғанда пайдасы мен қаупінің арақатынасына оң баға берілуі және мұқият клиникалық қадағалау қажет. Бета-адреноблокаторларды көктамыр ішіне енгізу қарсы көрсетілімді.

Дантролен к/і

Жануарларға жүргізілген зерттеулер барысында верапамил мен дантроленді көктамыр ішіне бір мезгілде енгізгенде өлімге әкелген жүрекшелердің жыпылықтауы тіркелген. Емделушіге дилтиазем мен дантроленді бір мезгілде көктамыр ішіне енгізгенде миокард депрессиясы мен кардиогендік шок тіркелген. Осылайша, дилтиазем мен дантроленді көктамыр ішіне бір мезгілде енгізуді болдырмаған жөн.

Антигипертензивтік препараттар, три- және тетрациклдық антидепрессанттар, психозға қарсы препараттар

Препарат антигипертензивтік әсерін күшейтеді.

Фермент-индукциялаушы препараттар (мысалы, рифампицин, сульфинпиразон, фенобарбитал)

Дилтиаземнің қан плазмасындағы концентрациясы мен оның тиімділігі төмендеуі мүмкін.

Дигоксин, дигитоксин, циклоспорин А, карбамазепин, мидазолам, триазолам, алфентанил

Дилтиазем жоғарыда аталған препараттардың қан плазмасындағы концентрациясын арттыруы, сондай-ақ олардың тиімділігі мен уыттылығын күшейтуі мүмкін. Дозасын реттеу қажет болуы мүмкін. Дилтиазем мен мидазоламды немесе алфентанилді бір мезгілде қабылағанда трахея түтігінің экстубациясынан кейін операциядан кейінгі кезең ұзаруы мүмкін.

Циметидин, ранитидин

Циметидин мен ранитидин дилтиаземнің қан плазмасындағы концентрациясын арттыруы мүмкін.

Кураре типті бұлшықет релаксанттары

Дилтиазем жүйке-бұлшықет блокадасын күшейтуі мүмкін.

Литий

Дилтиазем литийге сезімталдықты (нейроуыттылықты) күшейтуі мүмкін.

Кальций тұздары, D витамині

Қан сарысуында кальций деңгейінің жоғары болуы дилтиаземнің әсерін әлсіретуі мүмкін.

Дилтиазем Ланнахер препаратын антигипертензивтік дәрілермен бір мезгілде қабылдағанда гипотензивтік әсерінің күшейгені байқалады.

Айрықша нұсқаулар

Дилтиаземді симптомсыз жүрек жеткіліксіздігі және жеңіл дәрежелі жүрек жеткіліксіздігі (NYHA жіктемесі бойынша I және II сатыдағы) бар емделушілерде, сондай-ақ синоаурикулярлық және бірінші дәрежелі атриовентрикулярлық блокада кезіне сақтықпен қолдану керек.

Бауыр немесе бүйрек функциясының бұзылулары бар науқастарда, сондай-ақ егде жастағы емделушілерде артериялық қысым мен жүректің жиырылу жиілігін (ЖЖЖ) мұқият бақылау қажет. Қажет болса, дозасын ретке келтіру керек.

Қауіпсіздік тұрғысынан, жүректің коронарлық ауруы бар емделушілерде, әсіресе препаратты ұзақ уақыт қабылдағаннан немесе шунттаудан кейін, стенокардия ұстамалары қайталануын болдырмау үшін, Дилтиаземді қабылдауды күрт тоқтатпау керек. Дозасын біртіндеп азайту керек. Ұзақ уақыт ем жүргізгенде бауыр функциясы көрсеткіштерін, әсіресе осыған бейім емделушілерде мұқият бақылауға алу қажет.

Жүрек функциясына немесе жүрек өткізгіштігіне бәсеңдеткіш әсер беретін препараттар (мысалы, пероральді бета-адреноблокаторлар, аритмияға қарсы дәрілер, оймақгүл препараттары, кейбір ингаляциялық есірткілік заттар), дилтиаземмен бір мезгілде қабылдағанда пайдасы мен қаупінің арақатынасына оң баға беруді және мұқият клиникалық қадағалауды қажет етеді. Дилтиазем мен дантроленді к/і бір мезгілде тағайындамау керек.

Циклоспорин А-мен ұзақ уақыт емдегенде дилтиаземнің дозасын төмендету немесе тоқтату қан плазмасындағы циклоспорин А концентрациясының төмендеуіне алып келуі мүмкін. Бұл жағдайда, трансплантаттың ажырап кету қаупіне байланысты циклоспорин А дозасын реттеу қажет.

Ұзақ әсер ететін, үлбірлі қабықпен қапталған Дилтиазем «Ланнахердің» 90 мг бір таблеткасының құрамында 40 мг лактоза моногидраты бар. Препаратты сирек тұқым қуалайтын метаболизденудің бұзылулары бар емделушілерге (галактозаны көтере алмаушылық, Лапп лактаза тапшылығы, глюкоза және галактоза мальабсорбциясы синдромы) тағайындамау керек.

Дәрілік заттың көлік құралдарын немесе аса қауіпті механизмдерді басқару қабілетіне әсер ету ерекшеліктері

Жекелей сипаттағы реакциялардың дамуына байланысты, препарат автокөлік жүргізу және механизмдерді басқару қабілетіне әсер етуі мүмкін, бұл әсіресе емдеудің басында, препаратты ауыстырғанда және емдеу кезінде алкоголь қолданғанда маңызды.

Артық дозалануы

Симптомдары: брадикардия, атриовентрикулярлық өткізгіштік бұзылулары, артериялық гипотензия, кардиогендік шок, кома, асистолия.

Емі: білінген артық дозаланудың ауырлығына байланысты. Асқазанды шаю, белсендірілген көмірді тағайындау қажет, ары қарай белгісіне қарай емдеу. Қажет болса атропин, изопротеренол, допамин немесе добутаминді тағайындау ұсынылады, сондай-ақ, өткізгіштіктің айқын бұзылулары кезінде электрокардиостимуляцияны қолдануға болады.

Қажет болса, уыттану көріністері көктамыр ішіне 10-20 мл 10% кальций глюконатының ерітіндісін енгізу арқылы тиімді қайтарылады.

Ақуыздармен байланысу дәрежесінің жоғары болуы (80%-ға жуық) себепті белсенді затының гемодиализ арқылы шығарылуы мүмкін емес.

Шығарылу түрі және қаптамасы

10 таблеткадан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамаға салады.

2 (90 мг доза үшін) немесе 3 (180 мг доза үшін) пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«G.L. Pharmа GmbH.», Industriestrasse 1, A-8502 Lannach, Австрия

Тіркеу куәлігінің иесі

«Валеант» ЖШҚ, Ресей

Қазақстан Республикасы аумағында тұтынушылардан өнімнің (тауар) сапасы жөніндегі шағымдарды қабылдайтын ұйымның мекенжайы

«Валеант» ҚР ЖШҚ өкілдігі

Телефон + 7 727 3 111 516 , факс +7 727 3 111 517

Электронды пошта Office.KZ@valeant.com