ДиклоФлекс (спрей для наружного применения 4%, 25 г)

• русский
• қазақша

• Скачать инструкцию медикамента

Саудалық атауы

ДиклоФлекс

Халықаралық патенттелмеген атауы

Диклофенак

Дәрілік түрі

Сыртқа қолдануға арналған спрей, 4 %, 12.5 г немесе 25 г

Құрамы

1 г спрей құрамында

белсенді зат: натрий диклофенагы - 40 мг,

қосымша заттар: пропиленгликоль, изопропил спирті, 76 % соя лецитині, этанол, натрий дигидрофосфаты дигидраты, динатрий фосфаты додекагидраты, динатрий эдетаты, жалбыз майы, аскорбилпальмитат, тазартылған су, хлорсутек қышқылы, натрий гидроксиді.

Сипаттамасы

Алтын сияқты сары түсті, изопропилді спирт және бұрышты жалбыз иісі бар мөлдір ерітінді

Фармакотерапиялық тобы

Жергілікті қолдануға арналған қабынуға қарсы стероидты емес препараттар. АТХ коды М02АА15

Фармакологиялық қасиеттері

Фармакокинетикасы

1.5 г препаратты теріге бүріккеннен кейін диклофенак сіңуінің жылдам басталғаны байқалады. Теріге бүріккеннен кейін 30 минуттан соң плазмалық деңгейі 1 нг/мл жуық шамаға жетеді. 3 нг/мл жуықты құрайтын ең жоғары деңгей шамамен 24 сағаттан кейін бақыланады. Диклофенактың жүйелік концентрациясы диклофенактың баламалы мөлшерін пероральді қабылдағаннан кейін жететін концентрациясынан шамамен 50 есе төмен. Жүйелік плазмалық деңгей ДиклоФлекс тиімділігіне әсер етпейді деп болжанады.

Диклофенак плазма ақуыздарымен қарқынды байланысады (шамамен 99 %).

Фармакодинамикасы

ДиклоФлекс – қабынуға қарсы стероидты емес дәрілік зат (ҚҚСД). Қабынуға қарсы, ауыруды басатын және орташа ыстық түсіретін айқын әсері бар.

Диклофенактың негізгі әсер ету механизмі қабыну, ауырудың және қызбаның генезінде маңызды рөлі бар простагландиндер биосинтезін тежеу болып табылады.

ДиклоФлекс ауыру синдромын жою үшін және қабыну үдерісіне байланысты болатын ісінуді азайтуға пайдаланылады.

Қолданылуы

- жарақаттан болатын сіңірдің, байламдардың, бұлшықет және буындардың жеңіл және орташа ауыруларын, қабынуларын жергілікті симптоматикалық жеңілдетуге.

Қолдану тәсілі және дозалары

Тек теріге жағуға арналған.

Препаратты бүріккеннен кейін гель тәрізді консистенцияға айналады. Бүріккішті әрбір басқанда құрамында 8 мг натрий диклофенагы бар 0.2 г жуық спрей бөлінеді.

Ересектер

Теріге жағуға арналған спрейдің ұсынылатын дозасы тәулігіне 1.0 - 3.0 г құрайды.

Препараттың бір реттік дозасы 1.0 г спрейден аспауы тиіс (құрамында 40 мг натрий диклофенагы бар), бұл үшін бүріккішті 5 рет басу керек. Ең жоғары тәуліктік доза 3.0 г спрейден аспауы тиіс (құрамында 120 мг натрий диклофенагы бар), бұл үшін бүріккішті 15 рет басу керек.

Терінің зақымданған бөлігіне ДиклоФлекстің жеткілікті мөлшерін жағу керек. Өңделетін орынның аумағына қарай препаратты жүйелі уақыт аралығымен тәулігіне бүріккішті 4-5 рет баса отырып, 3 рет қолдану керек.

ДиклоФлексті теріге абайлап ысқылау керек, өңделетін орын қол болмаса содан кейін қолды мұқият жуу керек. Теріге жаққаннан кейін препарат бірнеше минут ішінде кебуі керек.

Препаратпен емдеу симптомдары азайғанда тоқтатылуы мүмкін (ауыру мен ісіну). Емдеу дәрігер кеңесінсіз 7 күннен артық жалғастырылмауы тиіс. Емнің 3 күнінен кейін жағдайы жақсармаса дәрігермен кеңесу керек.

Егде емделушілер

Дозаны арнайы түзету талап етілмейді.

Балалар

Балаларда қолдану тәжірибесі жоқ, сондықтан ДиклоФлексті 15 жасқа дейінгі балаларда қолдану ұсынылмайды.

Бауыр немесе бүйрек жеткіліксіздігі бар емделушілер

Бүйрек және бауыр бұзылулары бар емделушілерде препаратты сақтықпен қолдану керек.

Жағымсыз әсерлері

Жиі

- жағу орнындағы реакциялар, қышыну және есекжем, құрғақтық, гиперемия, күйдіру сезімі, жанаспалы дерматит

Жиі емес

-іштің ауыруы, диспепсия, ас қорыту жолдарының бұзылуы

- бүйрек қызметінің бұзылуы

Сирек

- астма

Өте сирек

- ангионевротикалық ісіну және фотосезімталдық реакциялары сияқты жайылған тері бөртпесі және аса жоғары сезімталдық реакциялары.

Қолдануға болмайтын жағдайлар

- диклофенакқа немесе дәрілік препараттың қосымша заттарының кез келгеніне жоғары сезімталдық

- ацетилсалицил қышқылына немесе басқа да қабынуға қарсы стероидты емес препараттарға жоғары сезімталдық

- ацетилсалицил қышқылы немесе басқа да қабынуға қарсы стероидты емес препараттарды қабылдаудан туындаған бронхиалды демікпе, есекжем немесе ринит

- жүктілік және лактация кезеңі

- сүт безі аумағына жағу

- балалар және 15 жасқа дейінгі жасөспірімдер.

Дәрілермен өзара әрекеттесуі

Диклофенактың берілген дәрілік түрінен жүйелік биожетімділігі өте төмен. Сондықтан басқа дәрілік препараттармен өзара әрекеттесу қаупі онша көп емес.

Ацетилсалицил қышқылы мен басқа да ҚҚСД бір уақытта қабылдау жағымсыз реакциялар жиілігі ұлғаюына алып келуі мүмкін.

Айрықша нұсқаулар

Препараттың көзге және шырышты қабықтарға түсуіне жол беруге болмайды. ДиклоФлексті ашық жараға немесе терінің зақымданған орындарына тигізіп алмай, тек зақымданбаған теріге жағу керек. Препаратпен емдеу уақытында фотосезімталдық қаупін төмендету үшін күн сәулесінің шамадан тыс әсерінен аулақ болу керек.

Бөртпе туындағанда, емді тоқтату керек.

ДиклоФлексті окклюзиялық таңғышпен қолданбайды.

Препаратты жүйелі жағымсыз әсерлер (бүйрек тарапынан өте жоғары сезімталдық, демікпелік реакциялар немесе жағымсыз әсерлер) даму мүмкіндігінен терінің үлкен аумағына жағуға (дене беткейінің 600 шаршы сантиметрінен астам) және ұзақ уақыт бойына пайдалануға (төрт аптадан көп) болмайды. Бронхиальді демікпемен ауыратын немесе ол сыртартқысында бар емделушілерде, бронхтүйілуінің ұстамалары жеделдетілуі мүмкін.

ДиклоФлексті пептидтік ойық жарасы, бауыр немесе бүйрек жеткіліксіздігі, немесе геморрагиялық диатезі бар, сондай-ақ ішектің қабыну аурулары бар науқастарда сақтықпен қолдану керек.

ДиклоФлекс препараты құрамындағы пропиленгликоль тері тітіркенуін, бұрышты жалбыз майы аллергиялық реакциялар туындатуы мүмкін.

Жағымсыз әсерлер туындату қаупін төмендету үшін ең қысқа емдеу курсымен ең төмен тиімді дозасын пайдалану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ДиклоФлекс автомобиль басқаруға және механизмдерді пайдалану қабілетіне елеусіз әсер еткен. Бас айналуынан зардап шегетін немесе ҚҚСД қабылдау уақытында орталық жүйке жүйесі тарапынан басқа да бұзылулары бар емделушілер көлік басқарудан және механизмдерді пайдаланудан бас тартуы тиіс, бірақ бұндай симптомдардың сыртқа қолдануға арналған препараттарды пайдалануда болу ықтималдығы өте аз.

Артық дозалануы

Препаратты ұсынылған дозада қабылдау уақытында артық дозалану қаупі болмайды. Препаратты кездейсоқ пероральді енгізу жағдайында симптоматикалық ем жүргізу керек. Спецификалық у қайтарғысы жоқ.

Шығарылу түрі және қаптамасы

12.5 г немесе 25 г препараттан, бүріккішпен және пластик материалдардан жасалған қорғағыш қалпақшасымен жабдықталған, номинальді толтыру көлемі 15 мл немесе 30 мл күңгірт шыны құтыларда (Еур.Фарм. III типті).

1 құтыдан дәрілік заттың медицинада қолданылуы жөнінде мемлекеттік және орыс тілдеріндегі нұсқаулықтарымен бірге картон қорапқа салынған.

Сақтау шарттары

250С-ден аспайтын температурада, түпнұсқалық қаптамасында сақтау керек. Балалардың қолы жетпейтін жерде сақтау керек!

Сақтау мерзімі

3 жыл

Қаптамасын бірінші ашқаннан кейін – 6 ай.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Фарбил Вальтроп ГмбХ,

Им Вирриген 25, 45731, Вальтроп, Германия

Тіркеу куәлігінің иесі

ФармаСвисс Чех Республикасы с.р.о., Чех Республикасы.

Джанковкова 1569/2с, 17000, Прага 7, Чех Республикасы

Телефон: +386 (0) 1 236 47 12, факс: +386 (0) 1 236 47 05

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Adalan» ЖШС, Қазақстан Республикасы, 050057, Алматы қ-сы, Тимирязев к-сі, 42, 23 павильон, 202 кеңсе. Тел. + 7(727) 269-54-59.

Е-mail: reg@adalan.kz.