Диаформин®

Диаформин®

Метформин

Үлбірлі қабықпен қапталған таблеткалар, 1000 мг

1 таблетканың құрамында:

қосымша заттар: картоп крахмалы, повидон К-30, магний стеараты;

үлбірлі қабық Opadry II 85F19250 Clear: полиэтиленгликоль, полисорбат 80, поливинил спирті, тальк.

Ақ немесе ақ дерлік түсті, үлбірлі қабықпен қапталған, сопақша пішінді, екі жақ беті дөңес, сызығы бар таблеткалар.

Қант диабетін емдеуге арналған дәрілер. Инсулиндерді қоспағанда, ішу арқылы қабылданатын гипогликемиялық дәрілер. Ішу арқылы қабылдауға арналған қант төмендететін препараттар. Бигуанидтер. Метформин

АТХ коды А10В А02

Фармакокинетикасы

Сіңуі. Метформинді пероральді түрде қабылдағаннан кейін ең жоғары концентрацияға жету уақыты (Тmax) шамамен 2,5 сағатты құрайды. Абсолюттік биожетімділігі 50-60%-ға жуық. Пероральді түрде қолданудан кейін сіңбейтін және нәжіспен бірге шығарылатын фракциясы 20-30%-ды құрайды.

Пероральді түрде қолданудан кейін метформиннің абсорбциясы қанық, бірақ толық емес.

Метформин абсорбциясының фармакокинетикасы дозаға байланысты емес деп болжам жасалады. Метформиннің ұсынылған дозаларын және дозалау режимін қолданғанда қан плазмасында тұрақты концентрацияға 24-48 сағат ішінде жетеді және 1 мкг/мл-ден азды құрайды. Бақыланатын клиникалық зерттеулерде қан плазмасында метформиннің ең жоғары деңгейі (Сmах) ең жоғары дозаларды қолданғанның өзінде 5 мкг/мл-ден асқан жоқ.

Тамақпен бір мезгілде қабылдағанда метформиннің абсорбциясы төмендейді және баяулайды.

Таралуы. Қан плазмасы ақуыздарымен байланысуы мардымсыз. Метформин эритроциттерге өтеді. Қандағы ең жоғары концентрациясы қан плазмасындағы ең жоғары концентрацияға қарағанда, төмен, және оған шамамен белгілі бір сол уақыттан кейін жетеді. Эритроциттер, бәрінен бұрын, таралудың екінші камерасы болып табылады. Орташа таралу көлемі (Vd) 63-276 л ауқымында өзгеріп отырады.

Метаболизмі. Метформин өзгермеген күйінде несеппен бірге шығарылады. Адамда метаболиттері анықталған жоқ.

Шығарылуы. Метформиннің бүйректік клиренсі > 400 мл/мин құрайды, бұл метформиннің шумақтық сүзілу және өзекшелік секреция есебінен шығарылатындығын көрсетеді. Дозаны пероральді түрде қабылдаудан кейін жартылай шығарылу кезеңі 6,5 сағатқа жуықты құрайды. Бүйрек функциясы бұзылған кезде бүйректік клиренсі креатинин клиренсіне пропорционалді түрде төмендейді, сондықтан жартылай шығарылу кезеңі артады, бұл қан плазмасындағы метформин деңгейінің артуына әкеледі.

Фармакодинамикасы

Метформин – гипергликемияға қарсы әсері бар бигуанид. Қан плазмасында глюкозаның бастапқы деңгейін де, сонымен қатар тамақ ішкеннен кейінгі глюкоза деңгейін де төмендетеді. Инсулиннің секрециясын стимуляцияламайды және осы механизм арқылы гипогликемиялық әсер бермейді.

Метформин үш жолмен әсер етеді:

– бауырда глюконеогенезді және гликогенолизді тежеу есебінен глюкозаның өндіріліп шығарылуының төмендеуіне әкеледі;

– бұлшықеттерде инсулинге сезімталдықты жақсартады, бұл қармап қалудың жақсаруына және шеткері глюкозаның утилизациясына әкеледі;

– ішекте глюкозаның сіңуін кідіртеді.

Метформин гликогенсинтетазаға әсер ете отырып, гликогеннің жасушаішілік синтезін стимуляциялайды. Глюкозаның жарғақшалық тасымалдаушыларының барлық белгілі типтерінің (GLUT) тасымалдау қабілетін арттырады.

Гликемияға өзінің әсері бар екендігіне қарамай-ақ, метформин липидтердің метаболизміне оң ықпалын тигізеді: жалпы холестериннің, тығыздығы төмен липопротеиндердің және триглицеридтердің мөлшерін төмендетеді.

Метформинді қолдану кезінде пациенттердің дене салмағы тұрақты күйінде қалды немесе орташа төмендеді.

– диетамен емдеу және физикалық жүктеме режимі тиімсіз болғанда, әсіресе дене салмағы шамадан тыс болатын науқастардағы 2-типті қант диабетінде

– ересектерді емдеу үшін монотерапия ретінде немесе пероральді гипогликемиялық басқа дәрілермен біріктіріп, немесе инсулинмен бірге емдеуде

– 10 жастан асқан балаларды емдеу үшін монотерапия ретінде немесе инсулинмен біріктіріп емдеуде

Ересектер.

Монотерапия немесе басқа пероральді гипогликемиялық дәрілермен біріктіріп емдеу.

Әдетте бастапқы доза тамақ ішу кезінде немесе ішкеннен кейін тәулігіне 2-3 рет қабылданатын 500 мг құрайды.

10-15 күннен кейін дозаны қан сарысуындағы глюкоза деңгейін өлшеу нәтижелеріне сәйкес түзету қажет.

Дозаны баяу арттыру ас қорыту жолы тарапынан жағымсыз әсерлердің төмендеуіне мүмкіндік береді.

Жоғары дозалармен емдегенде үлбірлі қабықпен қапталған Диаформин® таблеткаларын 1000 мг-ден қабылдайды.

Ұсынылған ең жоғары доза тәулігіне 3 қабылдауға бөлінген 3000 мг құрайды.

Диабетке қарсы басқа препараттан ауысқан жағдайда осы дәріні қабылдауды тоқтату және жоғарыда көрсетілгендей, Диаформин® препаратын тағайындау қажет.

Инсулинмен біріктірілген ем.

Қандағы глюкоза деңгейін жақсы бақылауға қол жеткізу үшін метформин мен инсулинді біріктірілген ем түрінде қолдануға болады. Әдетте бастапқы доза тәулігіне 2-3 реттік 500 мг Диаформин® препаратын құрайды, ал сол кезде инсулин дозасын қандағы глюкоза деңгейін өлшеу нәтижелеріне сәйкес таңдаған жөн.

Балалар.

Монотерапия немесе инсулинмен біріктірілген ем.

Диаформин® препаратын 10 жастан асқан балаларға қолданады. Әдетте бастапқы доза тамақ ішу кезінде немесе ішкеннен кейін тәулігіне 1 рет 500 мг Диаформин® препаратын құрайды. 10-15 күннен соң дозаны қан сарысуындағы глюкоза деңгейін өлшеу нәтижелеріне сәйкес түзету қажет.

Дозаны баяу арттыру ас қорыту жолы тарапынан жағымсыз әсерлердің төмендеуіне мүмкіндік береді.

Ұсынылған ең жоғары доза тәулігіне 2-3 қабылдауға бөлінген 2000 мг құрайды.

Егде жастағы пациенттерде бүйрек функциясы төмендеуі мүмкін, сондықтан метформиннің дозасын бүйрек функциясына баға беру негізінде таңдау қажет, оны ұдайы жүргізу қажет («Айрықша нұсқаулар» бөлімін қараңыз).

Бүйрек функциясының жеткіліксіздігі бар пациенттер. Диаформин® препаратын бүйрек функциясының орташа жеткіліксіздігі бар, ІІІа сатысында (креатинин клиренсі 45-59 мл/мин немесе ШСЖ 45-59 мл/мин/1,73 м2) тек лактоацидоздың даму қаупін арттыруы мүмкін басқа жағдайлар жоқ болған жағдайда ғана қолданып, кейіннен дозаны түзетуге болады: бастапқы доза тәулігіне 1 рет 500 мг құрайды. Ең жоғары доза тәулігіне 2 қабылдауға бөлінген 1000 мг құрайды. Әрбір 3-6 ай сайын бүйрек функциясына мұқият мониторинг жүргізген жөн.

Егер креатинин клиренсі немесе ШСЖ 45 мл/мин дейін немесе 45-59 мл/мин/1,73 м2 дейін төмендесе, Диаформин® препаратын қолдануды дереу тоқтату қажет.

Зат алмасу: лактоацидоз.

Препаратты ұзақ уақыт қолданғанда В12 дәруменінің сіңуі төмендеуі мүмкін, бұл қан сарысуында оның деңгейінің төмендеуімен қатар жүреді. Егер пациентте мегалобластты анемия бар болса, В12 гиповитаминозының ықтимал себебін ескеру ұсынылады.

Жүйке жүйесі тарапынан: дәмнің бұзылуы.

Ас қорыту жолы тарапынан: ас қорыту жолы тарапынан жүректің айнуы, құсу, диарея, іштің ауыруы, тәбеттің болмауы сияқты бұзылыстар. Мұндай жағымсыз құбылыстар көбінесе емдің бас кезінде туындайды және көптеген жағдайларда өздігінен жоғалады. Ас қорыту жолы тарапынан жағымсыз құбылыстардың туындауына жол бермеу үшін дозаны баяу арттыру және тамақтану кезінде немесе тамақ ішкеннен кейін препаратты 2-3 қабылдау ұсынылады.

Гепатобилиарлық жүйе тарапынан: бауыр функциясы көрсеткіштерінің бұзылулары немесе гепатиттер, олар метформин қолдануды тоқтатқаннан кейін толық жоғалады.

Тері және теріасты шелі тарапынан: эритеманы, қышынуды, есекжемді қамтитын тері реакциялары.

– метформинге немесе препараттың кез келген басқа компонентіне жоғары сезімталдық

– диабеттік кетоацидоз, диабеттік прекома

– бүйрек функциясының орташа (ІІІb сатысы) және ауыр дәрежедегі жеткіліксіздігі немесе бүйрек функциясының жеткіліксіздігі (креатинин клиренсі < 45 мл/мин немесе ШСЖ < 45 мл/мин/1,73 м2) (ШСЖ < 30 мл/мин)

– бүйрек функциясы бұзылуының даму қаупімен өтетін: организмнің сусыздануы, ауыр инфекциялық аурулар, шок сияқты жедел жағдайлар

– тіндерде гипоксияның дамуына әкелуі мүмкін аурулар (әсіресе жедел аурулар немесе созылмалы аурулардың өршуі): жүрек функциясының декомпенсацияланған жеткіліксіздігі, тыныс алу жеткіліксіздігі, жақын арада бастан кешірген миокард инфарктісі, шок

– бауыр функциясының жеткіліксіздігі, алкогольмен жедел улану, маскүнемдік

Қолдануға ұсынылмайтын біріктірілімдер.

Алкоголь. Алкоголь әсерінен жедел улану лактоацидоз қаупінің жоғарылауымен, әсіресе ашығу немесе төмен калориялы диетаны сақтау жағдайларында, сондай-ақ бауыр функциясының жеткіліксіздігінде астасады. Диаформин® препаратымен емдеген кезде алкоголь және құрамында спирт бар дәрілік заттарды қабылдауға жол бермеген жөн.

Құрамында йоды бар рентгеноконтрастылы заттар. Құрамында йоды бар рентгенконтрастылы заттарды вена ішіне қолдану бүйрек функциясының жеткіліксіздігіне және, соның салдары ретінде, метформиннің жиналып қалуына және лактоацидоздың даму қаупінің ұлғаюына әкелуі мүмкін.

ШСЖ > 60 мл/мин/1,73 м2 болатын пациенттерге метформинді қолдануды зерттеулер жүргізуге дейін немесе жүргізу кезінде тоқтатқан жөн және тек бүйрек функциясына қайталап баға бергеннен кейін және бүйректің жағдайы әрі қарай нашарламағаны айғақталған жағдайда ғана, зерттеуден соң 48 сағаттан ерте қайта жаңғыртпау керек («Айрықша нұсқаулар» бөлімін қараңыз).

Бүйрек функциясының орташа жеткіліксіздігі бар (ШСЖ 45-60 мл/мин/1,73 м2) пациенттерге метформин қолдануды құрамында йоды бар рентгенконтрастылы заттарды енгізуден 48 сағат бұрын тоқтату және тек бүйрек функциясына қайталап баға бергеннен кейін және бүйректің жағдайы әрі қарай нашарламағаны айғақталған жағдайда ғана, зерттеуден соңғы 48 сағаттан ерте қайта жаңғыртпау керек.

Сақтықпен қолданған жөн біріктірілімдер.

Гипергликемиялық әсер беретін дәрілік заттар (жүйелік және жергілікті әсер ететін глюкокортикостероидтар, симпатомиметиктер). Қандағы глюкоза деңгейін, әсіресе емнің бас кезінде бақылау қажет. Мұндай біріккен ем кезінде және оны тоқтатқаннан кейін Диаформин® препаратының дозасын гликемия деңгейін бақылай отырып, түзету қажет.

Диурездік заттар, әсіресе ілмектік диуретиктер, бүйрек функциясының ықтимал төмендеуі салдарынан лактоацидоздың даму қаупін арттыруы мүмкін.

Лактоацидоз өте сирек, бірақ ауыр метаболизмдік асқынулар болып табылады (шұғыл емдеу жоқ болған жағдайда өлім-жітім деңгейі жоғары), ол метформиннің жиналып қалу нәтижесі ретінде туындауы мүмкін. Пациенттерде, бүйрек функциясының жеткіліксіздігі бар қант диабетімен ауыратын немесе бүйрек функциясы күрт нашарлаған науқастарда лактоацидоз тіркелді. Бүйрек функциясы нашарлауы мүмкін жағдайларда, мысалы, сусыздану (күшті диарея немесе құсу) жағдайында, немесе гипотензиялық дәрілермен, диуретиктермен емдеуді бастаған кезде және қабынуға қарсы стероидты емес дәрілермен (ҚҚСД) емдеуді бастағанда сақтық таныту қажет. Көрсетілген өршулер туындаған жағдайда метформин қолдануды уақытша тоқтату қажет.

Лактоацидоздың туындау қаупінің басқа да мына факторларын ескерген жөн: нашар бақыланатын қант диабеті, кетоз, ұзақ уақыт ашығу, алкогольді шамадан тыс қолдану, бауыр функциясының жеткіліксіздігі немесе гипоксиямен байланысты кез келген жағдай (жүрек функциясының декомпенсацияланған жеткіліксіздігі, жедел миокард инфарктісі) («Қолдануға болмайтын жағдайлар» бөлімін қараңыз).

Лактоацидоз бұлшықет құрысулары, ас қорытудың бұзылулары, іштің ауыруы және ауыр астения түрінде көрініс беруі мүмкін. Пациенттерге осындай реакциялардың туындағаны жөнінде, әсіресе егер бұдан бұрын пациенттерге метформинді қолданудың жағымдылығы жақсы болған болса, дәрігерге дереу мәлімдегені жөн. Мұндай кезде жағдай анықталғанға дейін метформин қолдануды уақытша тоқтата тұру қажет. Метформинмен емдеуді жекелеген жағдайларда пайда/қаупі арақатынасына баға берілгеннен соң және бүйрек функциясына баға бергеннен кейін қайта жаңғырту керек.

Бүйрек функциясының жеткіліксіздігі. Метформин бүйрек арқылы шығарылатын болғандықтан, Диаформин® препаратымен емдеуді бастар алдында және емдеу кезінде креатинин деңгейін (Кокрофт-Голт формуласының жәрдемімен қан плазмасының креатинин деңгейі бойынша баға беруге болады) немесе ШСЖ тексеріп отыру қажет:

– бүйрек функциясы қалыпты пациенттерде жылына кем дегенде 1 рет;

– креатинин деңгейі қалыптың төменгі шегінде болатын пациенттерде және егде жастағы пациенттерде жылына кем дегенде 2-4 рет.

Креатинин клиренсі < 45 мл/мин (ШСЖ < 45 мл/мин/1,73 м2) болған жағдайда, метформинді қолдануға болмайды («Қолдануға болмайтын жағдайлар» бөлімін қараңыз).

Егде жастағы пациенттерде бүйрек функциясының төмендеуі жиі кездеседі және симптомсыз өтеді. Бүйрек функциясы бұзылуы мүмкін жағдайларда, мысалы, сусыздану жағдайында немесе гипотензиялық дәрілермен, диуретиктермен емдеуді бастаған кезде және қабынуға қарсы стероидты емес дәрілермен емдеуді бастағанда сақтық танытқан жөн. Мұндай жағдайларда сондай-ақ метформинмен емдеуді бастар алдында бүйрек функциясын тексеру ұсынылады.

Жүрек функциясы. Жүрек функциясының жеткіліксіздігі бар пациенттерде гипоксияның және бүйрек функциясы жеткіліксіздігінің даму қаупі өте жоғары. Жүрек функциясының тұрақты созылмалы жеткіліксіздігі бар пациенттерге метформинді жүрек және бүйрек функциясына ұдайы мониторинг жүргізгенде қолдануға болады. Метформинді жүрек функциясының жедел және тұрақсыз жеткіліксіздігі бар пациенттерге қолдануға болмайды («Қолдануға болмайтын жағдайлар» бөлімін қараңыз).

Құрамында йоды бар рентгенконтрастылы заттар. Радиологиялық зерттеулерге арналған рентгенконтрастылы заттарды вена ішіне қолдану бүйрек функциясының жеткіліксіздігін туындатуы және, салдары ретінде, метформиннің жиналуына және лактоацидоздың даму қаупінің жоғарылауына әкелуі мүмкін. ШСЖ > 60 мл/мин/1,73 м2 пациенттерге метформинді қолдануды зерттеу жүргізгенге дейін немесе жүргізу кезінде тоқтату және тек бүйрек функциясына қайтадан баға бергеннен кейін және бүйректің жағдайы әрі қарай нашарламағаны айғақталған жағдайда ғана, зерттеулер жүргізгеннен соңғы 48 сағаттан ерте қайта жаңғыртпау керек («Дәрілермен өзара әрекеттесуі» бөлімін қараңыз).

Бүйрек функциясының орташа жеткіліксіздігі бар (ШСЖ 45-60 мл/мин/1,73 м2) пациенттерге метформин қолдануды құрамында йоды бар рентгенконтрастылы заттарды енгізуден 48 сағат бұрын тоқтату және тек бүйрек функциясына қайтадан баға бергеннен кейін және бүйректің жағдайы әрі қарай нашарламағаны айғақталған жағдайда ғана, зерттеулер жүргізгеннен соңғы 48 сағаттан ерте қайта жаңғыртпау керек («Дәрілермен өзара әрекеттесуі» бөлімін қараңыз).

Хирургиялық араласымдар. Диаформин® препаратын қолдануды жалпы, жұлын немесе перидуральді анестезия арқылы жүргізілетін жоспарлы хирургиялық араласымнан 48 сағат бұрын, және операция жүргізгеннен кейін 48 сағаттан соң немесе ауыз арқылы тамақтану қалпына келгеннен кейін, және бүйрек функциясының қалыпты екендігі анықталған жағдайда ғана тоқтату қажет.

Балалар. Метформинмен емдеуді бастағанға дейін 2 типті қант диабеті диагнозы айғақталуы тиіс. Клиникалық зерттеу нәтижелері бойынша 1 жыл бойы балалардың өсуіне және жыныстық жетілуіне метформиннің ықпалы байқалған жоқ. Алайда Диаформин® препаратын ұзақ қолданғанда өсуге және жыныстық жетілуге метформиннің әсеріне қатысты деректер жоқ, сондықтан метформинмен емделіп жүрген, әсіресе жыныстық жетілу кезеңіндегі балаларда осы параметрлерді мұқият қадағалау ұсынылады.

10-нан 12 жасқа дейінгі балалар. Клиникалық зерттеу деректері бойынша, пациенттердің осы тобында тиімділігі және қауіпсіздігі жасы үлкен балалардағы осындайдан айырмашылығы жоқ. Препаратты 10-нан 12 жасқа дейінгі балаларға аса сақтықпен тағайындау керек.

Басқа да сақтық шаралары. Пациенттер тәулік бойы көмірсуды теңбе-тең қабылдаумен диетаны ұстануы қажет. Дене салмағы шамадан тыс пациенттер калориясы төмен диетаны сақтауды жалғастырғаны жөн. Пациенттердің көмірсулық алмасу көрсеткіштерін ұдайы бақылау қажет.

Метформинмен монотерапия гипогликемияны туындатпайды, алайда Диаформин® препаратын инсулинмен немесе басқа да пероральді гипогликемиялық дәрілермен (мысалы, сульфонилмочевина туындыларымен немесе меглитинидпен) бір мезгілде қолданғанда сақ болған жөн, өйткені гипогликемиялық әсері күшеюі мүмкін.

Педиатрияда қолданылуы

Диаформин® препаратын 10 жастан асқан балаларға қолдануға болады.

Жүктілік және лактация кезеңінде қолдану

Жүктілік. Жүктілік кезеңінде (гестациялық немесе тұрақты) бақыланбайтын диабет туа біткен аномалияның және перинатальді өлім-жітімнің даму қаупін арттырады. Туа біткен ауытқулар қаупінің жоғары еместігін көрсететін жүкті әйелдерге метформинді қолдану деректері шектеулі. Клиникаға дейінгі зерттеулерде жүктілікке, ұрықтың және шарананың дамуына, босануға және босанудан кейінгі дамуға жағымсыз ықпалы байқалған жоқ. Жүктілікті жоспарлағанда, сондай-ақ жүктілік басталған жағдайда диабетті емдеу үшін метформинді емес, бірақ қалыпты деңгейге барынша көбірек жақын глюкоза деңгейін демеу үшін, шаранада кемістіктің даму қаупін азайту үшін инсулинді қолдану ұсынылады.

Емшек емізу. Метформин емшек сүтіне экскрецияланады, бірақ жаңадан туған нәрестелерде/емшек еміп жүрген сәбилерде жағымсыз әсерлер байқалған жоқ. Алайда, препаратты қолданудың қауіпсіздігі жөнінде деректер жеткіліксіз болғандықтан, Диаформин® препаратымен емдеу кезінде емшек емізу ұсынылмайды. Емшек емізуді тоқтату жөніндегі шешімді емшек емізудің артықшылығын және нәресте үшін жағымсыз әсерлердің потенциалды қаупін ескере отырып, қабылдау қажет.

Фертильділік. Метформин дене бетінің ауданына шаққанда адам үшін ұсынылған тәуліктік ең жоғары дозадан 3 есе дерлік артық тәуліктік 600 мг/кг дозаларда қолданғанда фертильділікке ықпалын тигізген жоқ.

Көлікті және потенциалды қауіпті механизмдерді басқару қабілетіне препараттың ықпал ету ерекшеліктері

Автокөлікті басқарғанда немесе басқа механизмдермен жұмыс жасағанда Диаформин® реакция жылдамдығына ықпалын тигізбейді, өйткені препаратпен монотерапия гипогликемияны туындатпайды.

Алайда гипогликемияның даму қаупі бар болғандықтан, метформинді басқа гипогликемиялық дәрілермен (сульфонилмочевина туындылары, инсулин немесе меглитинидтер) біріктіріп қолданғанда сақ болған жөн.

Артық дозалануы

Препараттың 85 г дозасын қолданғанда гипогликемияның дамуы байқалған жоқ. Алайда мұндай жағдайда лактоацидоздың дамығаны байқалды. Метформин дозасының едәуір жоғарылауы немесе қатар жүретін қауіп факторлары лактоацидоздың пайда болуын туындатуы мүмкін. Лактоацидоз кідіртуге болмайтын жағдай болып табылады және оны стационарда емдеген жөн. Организмнен лактатты және метформинді шығару үшін өте тиімді әдіс гемодиализ боып табылады.

Шығарылу түрі және қаптамасы

Поливинилхлоридті мөлдір үлбірден және баспалы алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты 6 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігін ұстаушы

«Фармак» ЖАҚ, Украина

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері:

«Фармак» ЖАҚ Қазақстан Республикасындағы өкілдігі

Қазақстан Республикасы, Алматы қ., индекс 050012, Амангелді к-сі, 59 "А", "Шартас" бизнес орталығы, 9-қабат. Тел./факс: +7 (727) 267 63 73,  электронды поштасы: а.aspetova@farmak.kz