Диавенон (10 мг/75 мг)
Инструкция
-
русский
-
қазақша
Саудалық атауы
Диавенон
Халықаралық патенттелмеген атауы
Жоқ
Дәрілік түрі
5 мг/75 мг, 10 мг/75 мг капсулалар
Құрамы
Бір капсуланың құамында
белсенді заттар: 5.00 мг бисопролол фумараты және 75.00 мг ацетилсалицил қышқылы – 5 мг/75 мг доза үшін, 10.00 мг бисопролол фумараты және 75.00 мг ацетилсалицил қышқылы – 10 мг/75 мг доза үшін,
қосымша заттар: жүгері крахмалы, стеарин қышқылы, микрокристалды целлюлоза, магний стеараты,
Опадри AMB OY-B-28920 қабығы: ішінара гидролизденген поливинил қышқылы, титанның қостотығы (Е171), тальк, соя лецитині, ксантан шайыры,
капсуланың қабығы: титанның қостотығы (Е171), желатин,
сия: шеллак, темірдің (III) қара тотығы (Е172), пропиленгликоль, аммиак ерітіндісі.
Сипаттамасы
Өлшемі №1, ASABIS 5/75 деген жазуы, ақ түсті үлбірлі қабықпен қапталған таблеткасы және ақ немесе ақ дерлік ұнтағы бар ақ, қатты желатинді, мөлдір емес капсулалар (5 мг/75 мг доза үшін).
Өлшемі №1, ASABIS 10/75 деген жазуы, ақ түсті үлбірлі қабықпен қапталған таблеткасы және ақ немесе ақ дерлік ұнтағы бар ақ, қатты желатинді, мөлдір емес капсулалар (10/75 мг доза үшін).
Фармакотерапиялық тобы
Бета-адреноблокаторлар. Селективтік бета-адреноблокаторлар. Бисопролол, біріктірілімдер
ATХ коды C07AB57
Фармакологиялық қасиеттері
Фармакокинетикасы
Бисопролол
Бисопролол асқазан-ішек жолынан толық дерлік сіңеді, ішке қабылдағанда оның биожетімділігі 90%-ға жуықты құрайды. Ас қабылдау препараттың биожетімділігіне ықпалын тигізбейді. Бисопрололдың кинетикасы дозаға байланысты және жасқа байланысты емес. Оның қан плазмасындағы концентрациясы 5 мг-нан 20 мг-ға дейінгі дозалар аралығында енгізілген дозаға пропорционалды. Қан плазмасында ең жоғары концентрацияға 2-3 сағаттан соң жетеді.
Бисопролол барынша кең таралады. Қан плазмасы ақуыздарымен байланысуы шамамен 35%-ға жетеді.
Конъюгацияға ұласпайтын тотығу жолымен метаболизденеді.
Бисопрололдың 95%-ы бүйрек арқылы шығарылады (50%-ы өзгермеген күйінде және 50%-ы метаболиттер түрінде).
Қан плазмасындағы жартылай шығарылу кезеңі 10-12 сағатты құрайды, соның арқасында тәулігіне бір рет қабылданатын дәрілік препарат 24 сағат бойы әсер етеді.
Ацетилсалицил қышқылы
Ацетилсалицил қышқылы ішке қабылдаған кезде көбіне жіңішке ішектің проксимальді бөлімінен және аз дәрежеде асқазаннан тез сіңеді.
Бауырда гидролиз арқылы метаболизденіп, салицил қышқылын түзеді, кейін глицинмен немесе глюкуронидпен конъюгацияланады. Бір реттік дозасын енгізгеннен кейін қан плазмасында ең жоғары мәндегі концентрациялар 2 сағат өткен соң пайда болады, содан кейін біртіндеп азаяды.
Салицилаттардың 80%-ға жуығы қан плазмасы ақуыздарымен байланысады, ацетилсалицил қышқылы аз дәрежеде байланысады. Салицилаттар организмнің көптеген тіндеріне және сұйықтығына, соның ішінде жұлын, перитонеальді және синовиальді сұйықтықтарға оңай енеді. Плацентарлы бөгет арқылы тез өтеді, аздаған мөлшерде емшек сүтімен бірге бөлініп шығады.
Ацетилсалицил қышқылының T1/2 шамамен 15 минутты құрайды. Орташа емдік дозаларда қабылдағанда салицил қышқылының T1/2 2-3 сағатты құрайды.
Көбіне бүйрек өзекшелерінде метаболиттер түрінде – салицилнесеп қышқылы, глюкуронид эфирлері, бос салицил қышқылы түрінде бүйрек өзекшелерінде белсенді секрециялану жолымен шығарылады. Шығарылуы несептің рН-на байланысты (несепті сілтілендіргенде салицилаттардың иондануы көбейеді, олардың қайта сіңуі нашарлайды және шығарылуы едәуір ұлғаяды).
Фармакодинамикасы
Бисопролол
Бисопролол өзінің симпатомиметикалық белсенділігінсіз селективті бета1-адреноблокатор болып табылады, жарғақшаны тұрақтандыратын әсері жоқ. Бронхтардың, қантамырлардың тегіс бұлшықеттерінің β2–адренорецепторларына және ферменттердің белсенділігін жасушаішілік реттеуге жауап беретін β2–адренорецепторларға ұқсастығының өте төмендігімен сипатталады, демек, тыныс жолдарының тонусына және метаболизмдік үдерістерге ықпалын тигізбейді.
Гипотензиялық, аритмияға қарсы және жүрек қыспасына қарсы әсер етеді.
Гипотензиялық әсері эффект қанның минуттық көлемінің азаюымен, шеткергі қантамырлардың симпатикалық стимуляциясымен, ренин-ангиотензин жүйесі белсенділігінің төмендеуімен (рениннің бастапқыдан асқын секрециясы бар науқастар үшін үлкен маңызы бар), орталық жүйке жүйесіне ықпал етуімен байланысты. Артериялық гипертензияда әсері 2-5 күннен кейін басталады, тұрақты әсері – 1-2 айдан кейін.
Жүрек қыспасына қарсы әсері ЖЖЖ сиреуі, жиырылғыштығының аздап төмендеуі, диастоланың ұзаруы, миокард перфузиясының жақсаруы нәтижесінде миокардтың оттегіні қажетсінуінің азаюымен жүзеге асады. Аритмияға қарсы әсері аритмогендік факторлардың (тахикардия, симпатикалық жүйке жүйесі белсенділігінің жоғарылауы, цАМФ мөлшерінің артуы, артериялық гипертензия) жойылуымен, синустық және эктопиялық ырғақ жетекшілерінің кенеттен қозу жылдамдығының азаюымен және атриовентрикулярлы түйін бойымен (көбіне антеградтық, және аз дәрежеде ретроградтық бағыттарда) және қосымша жолдар бойымен өткізгіштігінің баяулауымен жүзеге асады.
Қантамырлардың жалпы шеткергі кедергісі препаратты қолданудың басында, алғашқы 24 сағат ішінде, біршама артады (альфа-адренорецепторлар белсенділігінің реципрокті түрде өсуі нәтижесінде), ол 1-3 тәуліктен кейін бастапқысына оралады, ал ұзақ тағайындағанда төмендейді.
Орташа емдік дозаларда қолданғанда, селективті емес бета-адреноблокаторлардан айырмашылығы, құрамында бета2-адренорецепторлары бар ағзаларға (ұйқы безі, қаңқа бұлшықеттері, шеткергі артериялардың, бронхтардың, жатырдың тегіс бұлшықеті) және көмірсу алмасуына айқын ықпал етпейді, организмде натрий иондарының кідіруін туындатпайды.
Ацетилсалицил қышқылы
Ацетилсалицил қышқылының әсер ету механизмі циклооксигеназа ферменті белсенділігінің жойылуы болып табылады, соның нәтижесінде тромбоциттерде арахидон қышқылынан тромбоксан А2 (тромбоциттер агрегациясына мүмкіндік беретін және қантамырларды тарылтатын простагландин) синтезі, сондай-ақ эндотелиальді жасушаларда простациклин синтезі бұзылады.
Нәтижесінде тромбоциттер агрегациясы тежеледі, олардың деформацияға төзімділігі жоғарылайды, қанның реологиялық қасиеттері жақсарады, тромбтың түзілуі басылады, миркоайналым қалыпқа келеді.
Қолданылуы
- артериялық гипертензияда, монотерапиядан осы дәрілік біріктірілімге өту клиникалық тұрғыда негізделгенде
- жүректің ишемиялық ауруында: бұрын осы препараттың жекелеген компоненттерімен емделген емделушілерде стенокардия ұстамаларының алдын алуға
Қолдану тәсілі және дозалары
Ішке қабылдауға арналған капсулалар.
Артериялық гипертензияны және жүректің ишемиялық ауруын емдеу
Қабылдау режимін және дозаны дәрігер, ЖЖЖ, АҚ деңгейі және емделушінің жалпы жағдайы сияқты параметрлерді ескере отырып, әр емделушіге жекелей таңдайды.
Әдетте бастапқы доза күніне бір рет 5 мг/75 мг құрайды. Қажет болғанда дозаны күніне бір рет 10 мг/75 мг-ға дейін арттыруға болады.
Диавенон препаратымен емдеу ұзақ.
Жүректің ишемиялық ауруы бар емделушілерде препаратты қабылдау күрт тоқтатылмауы тиіс. Тәуліктік дозаны біртіндеп төмендету керек.
Егде жастағы емделушілер
Әдетте дозаны түзету қажет емес, бірақ кейбір емделушілер үшін 5 мг/75 мг доза жеткілікті болуы мүмкін.
Бүйрек және бауыр қызметінің жеткіліксіздігі
Бүйрек қызметінің терминальді жеткіліксіздігі (креатинин клиренсі минутына 20 мл-ден аз) немесе бауыр қызметінің жеткіліксіздігі бар емделушілерде дозаны тәулігіне бір рет 10 мг/75 мг-нан асырмаған жөн.
Жағымсыз әсерлері
Бисопролол
Жиі (≥1/100 - <1/10)
- жүректің айнуы, құсу, диарея, іш қату
- бас айналу, бас ауыру
- аяқ-қолдың салқындау сезімі немесе парестезиялары, артериялық гипотензия (әсіресе жүрек қызметінің созылмалы жеткіліксіздігі бар емделушілерде)
- брадикардия (жүрек қызметінің созылмалы жеткіліксіздігі бар емделушілерде)
Жиі емес (≥1/1 000 - <1/100)
- брадикардия, атриовентрикулярлы өткізгіштіктің бұзылуы, жүрек қызметінің бұрыннан бар жеткіліксіздігінің өршуі (артериялық гипертензиясы және стенокардиясы бар емделушілерде)
- бұлшықет әлсіздігі және құрысулар
- ұйқының бұзылуы, депрессия
- сыртартқысында бронх демікпесі немесе тыныс жолдарының обструкциялық аурулары бар емделушілерде бронхтың түйілуі
- ортостатикалық гипотензия
- әлсіздік, астения (емнің басында кездеседі, көбіне әлсіз білінеді және 1–2 апта ішінде кетеді)
Сирек (≥1/10 000 - <1/1 000)
- естудің нашарлауы
- көз жасы ағуының бұзылуы (жанаспалы линзаларды пайдаланғанда ескеру қажет)
- бауыр ферменттері (АЛТ, АСТ) белсенділігінің жоғарылауы, гепатит
- триглицеридтер деңгейінің жоғарылауы
- түнгі қорқыныштар, елестеулер
- естен тану
- потенцияның нашарлауы
- aллергиялық ринит, асқын сезімталдық реакциялары (терінің қышуы, бөртпе, бетке ыстық тебулер)
Өте сирек (<1/10 000)
- конъюнктивит
- псориаз немесе барысының өршуі, псориазға ұқсас бөртпелер, алопеция
Ацетилсалицил қышқылы
Жиі (≥1/100 - <1/10)
- диспепсия, жүректің айнуы, құсу
Сирек (≥1/10 000 - <1/1 000)
- асқазан-ішек жолының шырышты қабығының тітіркенуі, ол эрозияның, ойық жараның және асқазан-ішектік қан кетудің пайда болуына әкеп соғуы мүмкін
- асқын сезімталдық реакциялары, есекжемді, ангионевротикалық ісінуді, ауыр бронх түйілуін қоса есептегенде
Қолдануға болмайтын жағдайлар
- бисопрололға немесе ацетилсалицил қышқылына, қабынуға қарсы стероидты емес препараттарға немесе қосымша заттардың қандай да болсын біреуіне жоғары сезімталдық
- жүрек қызметінің жедел жеткіліксіздігі
- жүрек қызметінің декомпенсация сатысындағы созылмалы жеткіліксіздігі
- кардиогендік шок
- синоатриальді блокада
- II немесе III дәрежелі атриовентрикулярлы блокада (кардиостимуляторсыз)
- брадикардия (емді бастар алдында минутына 60 соғудан аз)
- синустық түйіннің әлсіздігі синдромы
- артериялық гипотензия (систолалық қысым 100 мм с. б. төмен)
- бронх демікпесі немесе өкпенің созылмалы обструкциялық ауруы
- шеткергі қантамырлардың облитерациялайтын ауруларының және Рейно синдромының кеш сатысы
- феохромоцитома (альфа-адреноблокаторларды бір мезгілде пайданбағанда)
- метаболизмдік ацидоз
- гипопротромбинемия, гемофилия
- асқазанның және/немесе он екі елі ішектің ойық жара ауруының өршуі
- балалар және 18 жасқа дейінгі жасөспірімдер
- жүктілік және лактация кезеңі
Дәрілермен өзара әрекеттесуі
Диавенонның дәрілік өзара әрекеттесуіне зерттеулер жүргізілген жоқ.
Бисопрололды гипертензияға қарсы препараттармен, сондай-ақ қабылдағанда артериялық қысымның төмендеуіне мүмкіндік беретін, мысалы, үшциклдік антидепрессанттар, барбитураттар, фенотиазиндер сияқты басқа да дәрілік заттармен бір мезгілде қолдануға болмайды, өйткені бұл гипотензиялық әсердің күшеюіне әкеп соғуы мүмкін. Кальций өзекшелерінің антагонистерін (верапамил, дилтиазем) бета-адреноблокаторларды қабылдап жүрген емделушілерге енгізу ауыр гипотензияның және атриовентрикулярлы блокаданың пайда болу қаупіне әкелуі мүмкін.
Бисопрололды гипертензияға қарсы орталық әсері бар препараттармен (клонидин, гуанетидин, метилдопа, резерпин, миноксидил) бірге қолдану бұрыннан бар жүрек қызметінің жеткіліксіздігін орталық жүйке жүйесінің симпатикалық бөлімінің тонусын төмендету (ЖЖЖ және жүректен қанды айдаудың азаюы, вазодилатация) арқылы өршітуі мүмкін. Клонидинді бета-адреноблокаторларды қабылдауды тоқтатқанға дейін күрт төмендету «рикошет гипертензия» симптомының пайда болу қаупін арттыруы мүмкін. Демек, клонидинді тоқтатудан бірнеше күн бұрын бисопрололды қабылдауды тоқтату қажет.
Диавенонды атриовентрикулярлы өткізгіштікті, миокардтың жиырылғыш қабілетін тежейтін дәрілік препараттармен, мысалы, аритмияға қарсы І класқа жататын препараттармен (хинидин, дизопирамид, лидокаин, фенитоин, флекаинид, пропафенон), кальций өзекшелерінің дигидропиридинді қатарының антагонистерімен (фелодипин, амлодипин), аритмияға қарсы III класқа жататын дәрілік препараттармен (амиодарон), парасимпатомиметикалық белсенділігі бар препараттармен, жүрек гликозидтерімен біріктіріп тағайындағанда сақ болған жөн.
Жергілікті әсер ететін бета-адреноблокаторлар (мысалы глаукоманы емдеуге арналған көз тамшы дәрісі) бисопрололдың жүйелік әсерін потенциялауы мүмкін.
Бисопрололды жалпы анестезияға арналған дәрілік заттармен біріктіргенде рефлекторлы тахикардия төмендеуі және гипотензиялық әсері күшеюі мүмкін.
Бисопрололды және инсулинді немесе диабетке қарсы пероральді препараттарды бір мезгілде қолданғанда олардың гипогликемиялық әсері күшейеді. Бисопрололдың әсері нәтижесінде гипогликемия симптомдары (тахикардия, жүректің лүпілдеуі, тершеңдік) бүркемеленуі мүмкін.
Қабынуға қарсы стероидты емес дәрілік заттар (ҚҚСД) бисопрололдың гипотензиялық әсерін төмендетуі мүмкін.
β-симпатомиметиктерді (изопреналин, добутамин) бисопрололмен біріктіру препараттардың емдік әсерінің өзара төмендеуіне әкеледі.
Мефлохин бисопрололмен бірге қабылданғанда брадикардияның пайда болу қаупін арттыруы мүмкін.
Моксисилит бисопрололмен біріктірілгенде ауыр ортостатикалық гипотензияның пайда болуына әкелуі мүмкін.
Рифампицинді бір мезгілде қолдану бисопрололдың жартылай шығарылу кезеңін азайтуы мүмкін.
Моноаминоксидаза тежегіштері (МАО-В тежегіштерін қоспағанда) бета-адреноблокаторлардың гипотензиялық әсерінің потенциялануына да, сонымен бірге гипертониялық криздің пайда болу қаупіне әкеп соғуы мүмкін.
Ацетилсалицил қышқылының аясында бисопрололдың гипотензиялық әсері төмендейді.
Алкогольді және кортикостероидтарды қабылдау ацетилсалицил қышқылының асқазан-ішек жолына ульцерогендік әсерін күшейтеді.
Ацетилсалицил қышқылы антикоагулянттардың (кумарин туындыларының), пероральді гипогликемиялық дәрілік препараттардың (сульфонилмочевина туындыларының) әсерін потенциялауы, қабынуға қарсы стероидты емес дәрілік препараттардың тиімділігіне ықпал етуі, пробенецидтің урикозуриялық әсерін тежеуі мүмкін.
Ацетилсалицил қышқылын және метотрексатты бірге қолдану кезінде соңғысының уыттылығы жоғарылауы мүмкін.
Айрықша нұсқаулар
Жүректің ишемиялық ауруы бар емделушілер бисопрололмен емдеуді күрт тоқтатпауы керек, өйткені бұл жағдайдың нашарлауына, миокард инфарктісінің пайда болуына және кенеттен өліп кетуге әкеп соғуы мүмкін.
Жүректің ишемиялық ауруының барысы ауыр болған жағдайда емдеуді жалғастыру үшін пайда және қауіп факторлардың арақатынасын таразылау қажет.
Бисопрололды жүрек қызметі жеткіліксіздігінің декомпенсация сатысындағы емделушілерге пайдалануға болмайды.
Бисопрололды мыналарда абайлап пайдаланған жөн:
- бронх түйілуінде (бронх демікпесі, өкпенің созылмалы обструкциялық ауруы);
- қандағы глюкоза деңгейі күрт өзгеретін қант диабетінде, өйткені препаратты қабылдаған кезде гипогликемия симптомдары (тахикардия, жүректің лүпілдеуі, тершеңдік) бүркемеленуі мүмкін;
- десенсибилизация емі жүргізілгенде. Басқа да бета-адреноблокаторлар сияқты, бисопролол аллергендерге сезімталдықты және анафилактикалық реакциялардың ауырлық дәрежесін арттыруы мүмкін. Адреналинмен емдеу әрдайым күтілгендей емдік әсер бере бермейді;
- бірінші дәрежелі АВ блокадасында;
- PR аралығы ұзарғанда;
- вазоспастикалық стенокардияда (Принцметал стенокардиясы);
- шеткергі артериялардың облитерациялайтын ауруларында, Рейно синдромында, өйткені шағымдардың күшеюі, әсіресе емнің бас кезінде, байқалуы мүмкін;
- жалпы анестезияда. Наркоз жасар алдында, брадикардияға, рефлекторлы тахикардияның төмендеуіне басылуына және қан жоғалтқан жағдайда компенсацияға рефлекторлы қабілеттің төмендеуіне әкелетін басқа да дәрілік препараттармен потенциалды түрде өзара әрекеттесу қаупі бар екендігін ескеріп, емделушінің бисопролол қабылдап жүргенін анестезиологқа айту қажет. Егер хирургиялық араласым алдында препаратты тоқтату қажеттілігі пайда болса, онда дозаны біртіндеп төмендеткен және емдеуді анестезия жүргізуден шамамен 48 сағат бұрын аяқтаған жөн.
Циклопропанды және трихлорэтиленді қолданған кезде сақ болған жөн.
Псориаздан зардап шегіп жүрген, немесе сыртартқысында псориазы бар науқастарда, бисопрололды пайдасы мен қаупінің арақатынасына мұқият баға бергеннен кейін ғана тағайындайды.
Феохромоцитомасы бар емделушілерде бисопрололды альфа-адреноблокадаға қол жеткеннен кейін ғана қолдануға болады.
Бисопрололмен емдеу кезінде тиреотоксикоз симптомдары бүркемеленуі мүмкін.
Спортшыларға допинг бақылау жүргізген кезде бұл препараттың оң нәтиже беруі мүмкін екендігін ескерген жөн.
Диавенонды сыртартқыда асқазанның және он екі елі ішектің ойық жарасы бар немесе коагуляциясы бұзылған емделушілерге абайлап қолданған жөн. Препарат асқазан-ішектік қан кетуді тудыруы мүмкін.
Дәрілік заттардың көлік құралдарын немесе қауіпті механизмдерді басқару қабілетіне ықпал ету ерекшеліктері
Диавенонның жағымсыз әсерлерін (бас айналу, артериялық гипотензия) ескеріп, препаратты қабылдау кезінде автокөлікті немесе қауіпті механизмдерді басқаруды тоқтата тұруы керек.
Артық дозалануы
Бисопролол
Симптомдары: брадикардия, артериялық гипотензия, II немесе III дәрежелі атриовентрикулярлы блокада, жүрек қызметі жеткіліксіздігінің өршуі, бронхтың түйілуі, гипогликемия.
Емдеу: препаратты тоқтату және организмнің өмірлік маңызы бар қызметтерін қалпына келтіруге бағытталған симптоматикалық ем. Диализ бисопрололды организмнен аздаған дәрежеде шығарады.
Төменде артық дозалану симптомдары пайда болғанда қолданылатын емдік шаралардың нұсқаулары берілген.
Брадикардия: көктамыр ішіне атропинді енгізеді. Тиімділігі аз реакцияларда изопреналинді немесе оң хронотроптық әсері бар басқа дәрілік препаратты абайлап енгізеді. Кейбір жағдайларда кардиостимулятор имплантациясы қажет болуы мүмкін.
Артериялық гипотензия: көктамыр ішіне қантамырларды тарылтатын препараттарды, глюкагонды, инфузиялық ерітінділерді енгізеді.
II немесе III дәрежелі атривентрикулярлы блокада: көктамыр ішіне изопреналин енгізеді немесе кардиостимуляторды имплантациялайды.
Жүрек қызметі жеткіліксіздігінің өршуі: көктамыр ішіне диуретиктерді, инотроптық әсері бар дәрілік препараттарды, вазодилататорларды енгізеді.
Бронхтың түйілуі: изопреналин, бета 2-симпатомиметиктер және (немесе) аминофиллин сияқты бронходилататорларды енгізеді.
Гипогликемия: глюкоза ерітіндісін көктамыр ішіне енгізеді.
Ацетилсалицил қышқылы
Симптомдары: бас айналу, құлақтың шыңылдауы, естудің нашарлауы, тершеңдік, жүректің айнуы, құсу, бас ауыру, сананың шатасуы.
Қатты артық дозаланған жағдайда гипервентиляция, дене температурасының жоғарылауы, мазасыздық, гипергликемия, респираторлы алкалоз, метаболизмдік ацидоз, кетоз, кома, жүрек-қантамыр, тыныс, бүйрек қызметтерінің жеткіліксіздігі, асқазан-ішектік қан кету, тромбоцитопения, протромбинді уақыттың ұзаруы сияқты симптомдар байқалуы мүмкін.
Емдеу: асқазанды шаю және қышқыл-сілтілік теңгерімді қалпына келтіруге бағытталған қарқынды сілтілік диурез. Гемодиализ қатты уланған жағдайда таңдау түскен дәрі болып табылады және салицилаттардың плазмадағы концентрациясы >700 мг/л (5,1 ммоль/л) болатын емделушілерге немесе ауыр клиникалық немесе метаболизмдік бұзылулардың пайда болуын тудыратын өте төмен концентрация жағдайында оны қолдану мүмкіндігі қарастырылады.
Шығарылу түрі және қаптамасы
ПВХ/PCTFE (полихлортрифторэтилен) біріктірілген үлбірден және ПВХ/алюминий фольгадан жасалған пішінді ұяшықты қаптамада 10 капсуладан.
Пішінді ұяшықты 3 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 25°C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
«Польфарма» АҚ фармацевтикалық зауыты
Пельплиньск к-сі 19, 83-200 Старогард Гданьски, Польша
Тіркеу куәлігінің иесі
«Химфарм» АҚ, Қазақстан
Тұтынушылардан өнім, тауар сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«Химфарм» АҚ, Шымкент қ-сы, Қазақстан,
Рашидов к-сі, н/ж, т/ф: 560882
Телефон нөмірі 7252 (561342)
Факс нөмірі 7252 (561342)
Электронды поштасы standart@santo.kz