Дживи® (3000 МГ)

Дживи®

Дамоктоког альфа пэгол

Дәрілік түрі, дозалануы

Дживи, вена ішіне енгізу үшін ерітінді дайындауға арналған 500 ХБ, 1000 ХБ, 2000 ХБ, 3000 ХБ лиофилизат еріткішімен жиынтықта

Фармакотерапиялық тобы:

Қан және қан түзу ағзалары. Геморрагияға қарсы препараттар. К дәрумені және басқа гемостатиктер. Қан ұюының факторлары. Қан ұюының VIII факторы.

АТX коды В02ВD02

А гемофилиясы (VIII факторының туа біткен тапшылығы) бар, бұрын емделген, ≥ 12 жастағы пациенттерде қан кетулерді емдеу және профилактика жүргізу үшін.

Қолдануды бастағанға дейінгі мәліметтері тізімі

- әсер етуші затқа немесе қосымша заттардың кез келгеніне жоғары сезімталдық

-тышқандардың немесе атжалмандардың ақуыздарына белгілі аллергиялық реакциялар

Қолдану кезіндегі қажетті сақтық шаралары

Қадағалануы

Биологиялық дәрілік препараттардың қадағалануын жақсарту үшін енгізілетін препараттың атауын және партия нөмірін анық жазып қою керек.

Аса жоғары сезімталдық

Аллергиялық типті аса жоғары сезімталдық реакциялары білінуі мүмкін. Дәрілік препаратта тышқан және атжалман ақуыздарының қалдық белгілері болуы мүмкін. Аса жоғары сезімталдық реакциялары сондай-ақ ПЭГ-ке қарсы антиденелермен байланысты болуы мүмкін («Полиэтиленгликольге (ПЭГ) иммундық жауап» бөлімін қараңыз. Аса жоғары сезімталдық реакциялары пайда болған кезде пациенттерге дәрілік препаратты пайдалануды дереу тоқтатуға және дәрігерге қаралуға кеңес беру керек. Пациенттерге, есекжемді, жайылған есекжемді, кеуденің кернеуін, қарлығуды, гипотензияны және анафилаксияны қоса, аса жоғары сезімталдық реакциялардың ерте белгілері туралы ақпарат беру керек. Аса жоғары сезімталдықтың симптоматикалық емін қажеттілігіне қарай тағайындаған жөн. Анафилаксия немесе шок жағдайында емдеудің ағымдағы медициналық стандарттары қолданылуы тиіс.

Тежегіштер

VIII факторға бейтараптандыратын антиденелердің (тежегіштердің) түзілуі А гемофилиясы бар пациенттерді емдеудің белгілі асқынулары болып табылады. Бұл тежегіштер әдетте VIII факторға прокоагулянттық белсенділікке қарсы бағытталған IgG иммуноглобулиндер болып саналады, олар Бетезданың модификацияланған мөлшерлік анықтамасын пайдаланып, мл плазмадағы Бетезда (БЕ) бірліктерінде анықталады. Тежегіштердің даму қаупі аурудың ауырлығымен, сондай-ақ VIII факторды енгізген күндердің санымен өзара байланысты, оның үстіне бұл қауіп енгізудің алғашқы 50 күні (ЕК) ішінде ең жоғары болып табылады, бірақ мұндай қауіп сирек болса да, бүкіл өмір бойы сақталады. Сирек жағдайларда тежегіштер енгізудің алғашқы 50 күнінен кейін дамуы мүмкін.

Тежегіштер дамуының клиникалық маңыздылығы тежегіштің титріне байланысты болады, мұндайда төмен титр, жоғары титрдің тежегіштеріне қарағанда, клиникалық жауаптың жеткіліксіздігі қаупінің аздығын көрсетеді.

Жалпы алғанда, қан ұюдың VIII факторының препараттарын қабылдап жүрген барлық пациенттер тежегіштердің өндірілуі тұрғысында тиісті клиникалық бақылаулармен және зертханалық зерттеулермен мұқият қадағалануы тиіс.

Егер плазмада VIII фактордың белсенділігі күтілетін деңгейлеріне жетпесе, немесе егер қан кету тиісті дозаның жәрдемімен бақыланбаса, VIII фактор тежегішінің бар-жоқтығына тест жүргізу керек. Тежегіштер деңгейі жоғары пациенттерді VIII фактормен емдеу тиімді болмауы мүмкін, және емдеудің басқа нұсқаларын қарастыру керек. Мұндай пациенттерді қарамағына алу гемофилияны және VIII фактор тежегіштерін емдеу тәжірибесі бар дәрігермен жүзеге асырылуы тиіс.

Полиэтиленгликольге (ПЭГ) иммундық жауап

Анти-ПЭГ-антиденелермен байланысты жедел аса жоғары сезімталдық симптомдары және/немесе дәрілік әсердің жоғалуы ретінде көрініс беретін клиникалық иммундық жауап негізінен енгізудің алғашқы 4 күні ішінде байқалды. Білінетін VIII фактор тежегіштері болмаған кезде инъекциядан кейінгі VIII фактор деңгейінің төмендігінен дәрілік әсерінің жоғалуы, сірә, анти-ПЭГ-антиденелермен жүзеге асатындығы көрінеді; мұндай жағдайларда Дживи® қабылдауды тоқтату, ал пациенттерді VIII фактордың бұрынғы тиімді препаратына ауыстыру керек.

ПЭГ-ке иммундық жауап қаупінің едәуір төмендеуі жастың өсуімен байқалды. Қауіпті өзгерту үшін нақты соңғы жасын анықтау қиын болса да, бұл әсер даму үдерісінде иммунитеттің өзгеруімен байланысты болуы мүмкін, бұл құбылыс негізінен гемофилиясы бар жас балаларда кездеседі.

Пегилирленген ақуыздарға аса жоғары сезімталдық реакциялары бар пациенттер үшін кез келген потенциалды қауіптің салдарлары белгісіз. Деректер осының әсеріне ұшыраған пациенттерде Дживи® препаратын қолдануды тоқтатқаннан кейін титрде анти-ПЭГ IgM-антиденелердің төмендегенін және уақыт өте келе табылмағандығын көрсетеді. Анти-ПЭГ IgM антиденелер басқа VIII фактордың модификацияланбаған препараттарымен ешқандай да айқаспалы реактивтілігі байқалған жоқ. Барлық пациенттер өздерінің бұдан бұрынғы VIII фактор препараттарының жәрдемімен ойдағыдай емделе алды.

Жүрек-қантамырлық асқынулар

Жүрек-қантамырлық аурулардың бұрыннан қауіп факторы бар пациенттерде VIII фактормен орнын алмастыратын ем жүргізу жүрек-қантамыр ауруларының қаупін арттыруы мүмкін.

Катетермен байланысты асқынулар

Егер орталық венаға енгізілетін құрылғы (ОВЕҚ) қажет етілсе, жергілікті инфекцияларды, бактериемияны және катетердің тромбозын қоса, ОВЕҚ-мен байланысты асқынулар қаупін ескеру керек.

Басқа дәрілік препараттармен өзара әрекеттесуі

Адамда қан ұюының VIII факторы өнімдерінің (рекомбинантты ДНҚ) басқа дәрілік заттармен өзара әрекеттесуі туралы мәлімделген жоқ.

Арнайы ескертулер

Педиатрияда қолданылуы

Аталған ескертулер және сақтық шаралары ересектерге де, сонымен қатар жасөспірімдерге де қатысты. Дживи® 12 жастан кіші пациенттерге және бұрын емделмеген пациенттерге қолданылмайды.

Егде жастағы пациенттер

≥ 65 жастағы пациенттерде препаратты қолдану тәжірибесі шектеулі.

Бауыр функциясының жеткіліксіздігі бар пациенттер

Клиникалық зерттеулерде бауыр функциясы бұзылған пациенттерде дозаны түзету зерттелген жоқ.

Бүйрек функциясының жеткіліксіздігі бар пациенттер

Клиникалық зерттеулерде бүйрек функциясының жеткіліксіздігі бар пациенттерде дозаны түзету зерттелген жоқ.

Натрийдің мөлшері

Осы дәрілік препараттың құрамында дозаға шаққанда 1 ммольден азырақ натрий (23 мг) бар, яғни іс жүзінде «натрий жоқ».

Жүктілік немесе лактация кезінде

Әйелдерде А гемофилияның сирек кездесетіндігін ескерсек, жүктілік және емшек емізу кезінде VIII факторды қолдану тәжірибесі жоқ. Сондықтан жүктілік және емшек емізу кезінде VIII факторды, егер ол нақты белгіленсе ғана, қолдану керек.

Фертильділік

Егеуқұйрықтарға және үй қояндарына жүйелік уыттылыққа Дживи® препаратының қайталанған дозаларымен жүргізілген зерттеулерде еркектің репродукциялық ағзаларына еммен байланысты әсер етулер білінген жоқ. Адамдарда фертильділігіне ықпалы белгісіз.

Дәрілік заттың көлік құралын және потенциалды қауіпті механизмдерді басқару қабілетіне ықпал ету ерекшеліктері

Көлікті басқару және машинаны жүргізу қабілетіне Дживи® ықпалын тигізбейді.

Қолдану жөніндегі нұсқаулар

Емдеу гемофилияның емдеу тәжірибесі бар дәрігердің бақылауымен жүргізілуі тиіс.

Дозалау режимі

Дозасы және орнын алмастыратын емнің ұзақтығы VIII фактор тапшылығынының ауырлығына, қан кету орнына және дәрежесіне, сондай-ақ пациенттің клиникалық жағдайына байланысты.

Енгізілетін VIII фактор бірлігінің саны халықаралық бірлікпен (ХБ) көрсетіледі, олар VIII фактор концентраттары үшін ДДС-тің ағымдағы стандартына сәйкес келеді. Плазмадағы VIII фактордың белсенділігі не пайызбен (адамның қалыпты плазмасына қатысты), немесе ХБ-мен (плазмадағы VIII фактор үшін халықаралық стандартқа қатысты) көрсетіледі.

VIII фактор белсенділігінің бір ХБ-сі адамның қалыпты плазмасының 1 мл-дегі VIII фактордың санына баламалы.

Қажеттілік бойынша емдеу

VIII фактордың қажетті дозасын есептеу эмпириялық болжамдарға негізделген, кг дене салмағына шаққанда 1 ХБ VIII фактор плазмадағы VIII фактордың белсенділігін қалыпты белсенділіктің 1.5-2.5%-на арттырады.

Дживи® препаратының қажетті дозасы келесі формула бойынша анықталады:

Қажет етілетін доза (ХБ) = дене салмағы (кг) х VIII фактордың қалауынша жоғарылауы (% немесе ХБ/дл) х бақыланатын қалпына келудің кері шамасы (яғни 2.0% қалпына келуі үшін 0.5).

Енгізілетін препараттың мөлшері және енгізу жиілігі әрдайым әрбір нақты жағдайда қажетті клиникалық тиімділігіне бағытталуы тиіс.

Кейінгі геморрагиялық жайттар жағдайында VIII фактордың белсенділігі тиісті кезеңде плазма белсенділігінің белгіленген деңгейінен төменге (қалыптан %-ға) түспеуі тиіс. Келесі кесте қан кетулер көріністерінде және хирургиялық араласымдарда дозаны анықтау үшін нұсқау ретінде пайдаланылуы мүмкін:

1-кесте: Қан кетулердің көріністерінде және хирургиялық араласымдарда жасөспірімдер және ересектер үшін дозалануы жөніндегі нұсқау

Профилактикасы

Емдеудің тиісті профилактикалық сызбасын белгілеуге арналған барлық шешімдер пациенттің жекелей сипаттамаларына және емге реакциясына негізделген клиникалық пайымдауларға қарай қабылдануы тиіс.

Профилактика үшін доза әрбір 5 күн сайын 45-60 ХБ/кг құрайды. Пациенттің клиникалық сипаттамаларына байланысты, доза әрбір 7 күн сайын 60 ХБ/кг немесе аптасына екі рет 30-40 ХБ/кг құрауы тиіс (5.1 және 5.2 бөлімдерін қараңыз).

Артық салмақ бар пациенттерде профилактика үшін бір инъекцияға ең жоғары доза шамамен 6000 ХБ-ден аспауы тиіс.

Жасөспірімдер

Жасөспірімдерде қажеттілік бойынша және профилактикалық ем жүргізуге қатысты дозалау режимі ересек пациенттердегідей.

Емге мониторинг жүргізу

Емдеу барысында VIII фактор адекватты деңгейлеріне жеткенін айғақтау үшін, VIII фактор деңгейін тиісінше анықтау ұсынылады. Жеке-жеке алынған пациенттер VIII факторға өзінің жауабы бойынша, жартылай шығарылуының және қалпына келуінің әртүрлі кезеңдерін көрсете отырып, ерекшеленуі мүмкін. Дене салмағы шамадан тыс пациенттерде дене салмағына байланысты дозаны түзету қажет болуы мүмкін. Ірі хирургиялық араласымдар жағдайында, атап айтқанда, коагуляцияны (плазмадағы VIII фактордың белсенділігін) талдау жәрдемімен орнын алмастыратын емге нақты мониторинг қажет.

Пациенттерде қандағы VIII фактор белсенділігін анықтау үшін белсенділендірілген ішінара тромбопластин уақытын (БІТУ) in vitro пайдаланғанда, плазмадағы VIII факторды талдау нәтижелері БІТУ-ді анықтауға арналған реагент түріне де, сонымен қатар VIII фактордың белсенділігіне берілген тым жоғары немесе төмендетілген бағаға әкелуі мүмкін талдау кезінде пайдаланылатын референтті препаратқа да едәуір тәуелді болуы мүмкін. БІТУ және хромогендік талдау негізінде ұюды бір сатылық талдауға пайдаланылатын нақты реагенттердің жәрдемімен алынған талдау нәтижелері арасында едәуір қайшылықтар білінуі мүмкін екендігін ескерген жөн. Бұл Дживи® препаратымен емдеген кезде және зертхананы және/немесе талдауда пайдаланылатын реагенттерді алмастырғанда VIII факторға мониторинг жүргізу үшін маңызды. Бұл сондай-ақ әсері ұзаққа созылатын VIII фактордың модификацияланған препараттарына да қатысты.

Дживи® препаратының белсенділігін өлшеуді жоспарлайтын зертханалар дәлдік үшін өздерінің процедураларын тексеруі тиіс. Әдеттегі іс-тәжірибедегі зерттеулер плазмадағы VIII фактордың белсенділігін дәл өлшеу не тексерілген хромогендік субстратты (CS), немесе спецификалық реагенттер жәрдемімен ұюдың бір сатылық талдамасын (OS) пайдалана отырып, жүргізілуі мүмкін екендігін көрсетті. Дживи® үшін кремнийдің қостотығы негізінде кейбір бір сатылық талдаулар (мысалы, APTT-SP, STA-PTT) плазма үлгілеріндегі Дживи® препаратында VIII фактордың белсенділігін жете бағаламауы мүмкін; кейбір реагенттерде, мысалы, каолин негізіндегі белсендіргіштермен қайта баға беру үшін потенциал бар.

VIII фактордың клиникалық әсері емдеу тиімділігіне баға берудің өте маңызды элементі болып табылады. Қанағаттанарлық клиникалық нәтижелерге қол жеткізу үшін әрбір пациентте дозаны жекелей түзету қажет болуы мүмкін. Егер есептелген дозада VIII фактордың күтілген деңгейіне қол жеткізу мүмкін болмаса немесе егер оны енгізгеннен кейін қан кетуді бақылаудың сәті түспесе, VIII факторға айналымда тежегіштің немесе анти-ПЭГ антиденелердің бар екендігіне күмәндану керек.

Енгізу әдісі және жолы

Дживи® препараты вена ішіне енгізуге арналған.

Дживи® препаратын жалпы көлеміне байланысты 2 - 5 минут бойы вена ішіне енгізу керек. Енгізу жылдамдығы пациентке жайлылық деңгейімен анықталуы тиіс (енгізудің ең жоғары жылдамдығы: 2.5 мл/мин).

Ерітіндіні сұйылтуға және енгізуге дайындау тәртібі

1. Қолды сабындап, жылы сумен мұқият жуу керек.

2. Жабық құтыны және шприцті (37°С-ден аспайтын) бөлме температурасына дейін қолмен жылыту керек.

3. Құтының қорғағыш қалпақшасын (А) алып тастайды. Резеңке тығынын залалсыздандырады, ауада кептіреді.

4. Ішінде препараты бар құтыны сырғанамайтын қатты жерге қою керек. Құтыға арналған адаптердің пластика картриджіндегі қағаз жабынды алып тастайды. Пластик картридждегі адаптерді алмау керек. Картриджді адаптермен бірге алу керек, оны ішінде препараты бар құтыға орналастырып, қатты қысу керек (В). Адаптер құтының қақпағында сырт етеді. Осы кезеңде адаптерді картриджден алмау керек.

5. Алдын ала толтырылған шприцті тік ұстап, жоғарғы қондырмадан поршеньді диаграммадағы сияқты алып, кертік бұрандасы бар тығынға стерженьді сағат тілінің бағытымен нығыздап бұрап жалғайды (С).

6. Шприцті корпусынан ұстап, шприцтің ұшынан қақпағын сындырып алады (D). Шприцтің ұшын қолға немесе кез келген басқа жерге тигізіп алмау үшін байқау қажет. Шприцті келесі манипуляцияға дейін алып қою керек.

7. Картриджді адаптерден алу және оны тастау керек (E).

8. Алдын ала толтырылған шприцті, оны сағат тілінің бағытымен айналдыра бұрай отырып, құтының кертілген адаптеріне жалғау керек (F).

9. Поршеньнің стерженін ақырын баса отырып, еріткішті енгізу керек (G).

10. Ішіндегі барлық зат ерігенше құтыны абайлап айналдырады (H). Құтыны сілкілеуге болмайды. Ұнтақтың толық ерігеніне көз жеткізу керек. Енгізер алдында ерітіндіде көзге көрінетін бөлшектердің бар-жоқтығын және түсінің өзгерген-өзгермегендігін қарап тексеру керек. Егер ол бұлыңғыр болса немесе ішінде көзге көрінетін бөлшектері бар болса, ерітіндіні пайдалануға болмайды.

11. Құтыны адаптерінің және шприцтің үстіңгі жиегінен (І) ұстап, ерітіндіні шприцке құяды, ал содан кейін поршеньнің стерженін ақырын және бір сарынды қозғай отырып тарту керек. Құтының ішіндегі заттың шприцке құйылғанына көз жеткізу қажет. Шприцті тігінен ұстап поршеньді басыңыз және шприцтегі ауаны шығарыңыз.

12. Қолға бұрау салу керек.

13. Инъекция жасалатын жерді анықтау және теріні тазарту керек.

14. Венаны шаншу және енгізуге арналған жүйені бұласырмен бекіту керек.

15. Поршеньнің тұрған жерін өзгертпей, шприцті құтының адаптерінен шығарып алу керек (соңғысы құтыға жалғасқан күйінде қалуы тиіс). Шприцті жанындағы препаратты енгізуге арналған жүйеге жалғау және ерітіндіні вена ішіне енгізу керек (J).

16. Бұрауды алып тастау керек.

17. Иненің қалпын қадағалай отырып, ерітіндіні вена ішіне 2-5 минут бойы енгізу керек. Енгізу жылдамдығы пациенттің жекелей реакциясына байланысты таңдап алынады, бірақ минутына 2,5 мл-ден тезірек болмауы тиіс.

18. Егер қосымша доза қажет болса, жоғарыда сипатталғандай, ішінде препараты бар жаңа шприцті пайдалану керек.

19. Егер қосымша доза қажет болмаса, енгізуге арналған жүйені және шприцті алып тастау керек. Созылған қолдағы инъекция жасалған жерді 2 минутқа жуық тампонмен сәл қыса отырып ұстау және қажет болса, бұласырмен бекіту керек.

20. Дживи® препаратын әрбір енгізген сайын препараттың атауын және серия нөмірін жазып қою ұсынылады.

21. Пайдаланылмаған кез келген дәрілік препараттар немесе қалдықтар жергілікті талаптарға сәйкес жойылуы тиіс.

Артық дозаланған жағдайда қабылдау қажет шаралар

Клиникалық зерттеулерде артық дозаланған бір жағдай болды. Жағымсыз реакциялары туралы мәлімделген жоқ.

Емдеу гемофилияны емдеу тәжірибесі бар дәрігердің бақылауымен жүргізілуі тиіс.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажеттілік болғанда)

Қауіпсіздік бейініне түйіндеме

Аса жоғары сезімталдық немесе аллергиялық реакциялар (олар ангионевроздық ісінуді, инъекция жасалған жердің ашып ауыру сезімін және ауырсынуды, қалтырауды, қызаруды, жайылған есекжемді, бас ауыруды, есекжемді, гипотензияны, енжарлықты, жүректің айнуын, мазасыздықты, тахикардияны, кеуденің кернеуін, шаншуды, құсуды, қарлығуды қамтуы мүмкін) байқалды және кейбір жағдайларда ауыр анафилаксияға дейін (шокты қоса) өршуі мүмкін.

Бейтараптандыратын антиденелердің (тежегіштердің) дамуы VIII факторды, соның ішінде Дживи® препаратын қабылдаған, А гемофилиясы бар пациенттерде жүруі мүмкін. Тежегіштер дамыған кезде клиникалық жауап жеткіліксіз болады. Мұндай жағдайларда мамандандырылған гемофилия орталығына қаралу ұсынылады.

Клиникалық зерттеулерде бұрын емделген пациенттерде өте жиірек болған жағымсыз реакциялар бас ауыру, жөтел және гипертермия болды.

Жағымсыз реакциялардың кестелік тізбесі

Жалпы алғанда, қауіпсіздігі I және III [PROTECT VIII] фазаларға жүргізілген негізгі үш зерттеуге қатысқан 221 пациентте: 148 жасөспірімде/ересекте және <12 жастағы 73 балада зерттелді. PROTECT VIII зерттеуінде 121 пациент жалпы ұзақтық медианасы 3,9 жылды [ауқымы: 0,8-7,0] құрайтын ұзаққа созылған зерттеулерге өзінің қатысуын жалғастырды.

Балаларға жүргізілген зерттеулерге қамтылған <12 жастағы 73 пациенттің 59-ы әрі қарай созылған зерттеулерге өзінің қатысуын жалғастырды. Зерттеулердегі (негізгі зерттеу + созылған зерттеу) жалпы уақыт медианасы (ауқымы) 5,8 (1,0-6,6) жылды, бір пациентте медианасы 430 (ауқымы 98-671) ЕК құрады, 39 пациент =/> 5 жыл бойы емделді.

Барлық клиникалық зерттеулерде препаратты енгізу күндерінің медианасы 95237 (ең төмен.-ең жоғары: 1-698) құрады.

Жалпы алғанда, жүргізілген екі зерттеуде де ұзақтығы 5 жылдан асатын кезең ішінде 75 пациент бақыланды.

Төменде берілген кесте MedDRA жүйесі ағзаларының (ағзалар жүйесінің класы және ерекше терминдер деңгейі) жіктемесіне сәйкес келеді. Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін).

Әрбір жиілік тобында жағымсыз реакциялар күрделілігінің азаю ретімен берілген.

2-кесте: Клиникалық зерттеулердегі жағымсыз реакциялардың жиілігі

*Жиілігі VIII фактордың барлық препараттарымен жүргізілген зерттеулерге негізделген, олар ауыр А гемофилиясы бар пациенттерді қамтыды.

БЕП - бұрын емделген пациенттер

**инъекция жасалған жердің қышуын, инъекция жасалған жердегі бөртпені және қантамырға шаншылған жердің қышуын қамтиды

***эритеманы және мультиформалы эритеманы қамтиды

****бөртпені және папулездік бөртпені қамтиды

PROTECT VIII зерттеуі мен балаларға ұзақ жүргізілген зерттеуде қауіпсіздік бейінінің айырмашылықтары болған жоқ.

Жекелеген жағымсыз реакциялардың сипаттамасы

Иммуногенділік

Дживи® препаратына жүргізілген клиникалық зерттеулер кезінде және мұның алдында енгізілген ≥ 150 күнде бұрын емделген, ауыр А гемофилия (VIII фактор:C <1%) диагностикаланған 159 (≥12 жас) жасөспірімде және ересектерде (хирургиялық араласымды басынан кешірген пациенттерді қоса) иммуногенділікке баға берілді. Зерттеу уақытының медианасы 713 күнді құрады, енгізу күнінің медианасы – 131 күн (ауқымы: 1-ден 309 күнге дейін).

VIII факторға тежегіштер

VIII факторға қарсы тежегіштердің пайда болуының не de novo да (алғаш табылған), не айғақталған жағдайлары да болған жоқ. VIII факторға (1,7 БЕ/мл) тежегіштердің төмен титрінің жалғыз ғана айғақталмаған оң нәтижесі хирургиялық араласымнан кейін бір ересек пациентте тіркелді.

Анти-ПЭГ-антиденелер

Спецификалық анти-ПЭГ IgM антиденелер дамитын ПЭГ-ке қарсы иммуногенділік бір пациентте байқалды. Иммундық жауап Дживи® препаратының 4 инъекциясынан кейін аса жоғары сезімталдықтың клиникалық реакциясымен қоса жүрді. ПЭГ-ке антиденелер Дживи® препаратымен емдеуді тоқтатқаннан кейін жоғалды.

Бала жасындағы пациенттер

Бұрын емделген < 12 жастағы 73 баланың (бұрын емделген < 6 жастағы 44, бұрын емделген 6-дан<12 жасқа дейінгі 29) қатысуымен жүргізілген, аяқталған клиникалық зерттеулерде ПЭГ-ге иммундық жауаппен байланысты жағымсыз реакциялар 6 жастан кіші балаларда байқалды. 6 жастан кіші жас тобындағы 44 пациенттің 10-ында (23%), енгізудің алғашқы 4 күні ішінде бейтараптандыратын анти-ПЭГ-антиденелерге байланысты, препарат тиімділігінің жоғалуы байқалды. 44 пациенттің 3-уінде (7%) препарат тиімділігінің жоғалуы аса жоғары сезімталдық реакцияларымен бірікті (4.4 бөлімін қараңыз). ПЭГ-ке иммундық жауаптың ешқандай да триггерлерін немесе предикторларын анықтаудың сәті түспеді.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті РММ «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Ішінде препараты (лиофилизаты) бар 1 құтының ішінде белсенді зат: 500 ХБ, немесе 1000 ХБ, немесе 2000 ХБ, немесе 3000 ХБ дамоктоког альфа пэгол (адам қан ұюының ПЕГилденген рекомбинантты В-домені жойылған VIII факторы) бар.

Қалпына келтірілген бір мл ерітіндінің құрамында: 200 ХБ (500 ХБ/2,5 мл дозасы үшін), 400 ХБ (1000 ХБ/2,5 мл дозасы үшін), 800 ХБ (2000 ХБ/2,5 мл дозасы үшін), 1200 ХБ (3000 ХБ/2,5 мл дозасы үшін) дамоктоког альфа пэгол (адам қан ұюының ПЕГилденген рекомбинантты В-домені жойылған VIII факторы) бар.

қосымша заттар: сахароза, гистидин, глицин, натрий хлориді, кальций хлорид дигидраты, полисорбат 80, мұзды сірке қышқылы (pH-ты түзету үшін)

Еріткіш; инъекцияға арналған су.

Сыртқы түрінің, иісінің, дәмінің сипаттамасы

Лиофилизат: ақтан сәл сарғыш түске дейінгі лиофилизацияланған сығымдалған масса.

Еріткіш: көзге көрінетін бөлшектерсіз мөлдір түссіз сұйықтық.

Шығарылу түрі және қаптамасы

500 ХБ, 1000 ХБ, 2 000 ХБ және 3000 ХБ препараттан сұр түсті резеңке тығынмен тығындалған және флип-офф пластмасса қалпақшасы бар алюминий қалпақшамен қаусырылған, көлемі 10 мл, І типті түссіз шыны құтыда.

І типті түссіз шыныдан жасалған, алдын ала толтырылған шприцте инъекция ға арналған стерильді су 2.5 мл-ден.

Ішінде лиофилизаты бар 1 құты, алдын ала толтырылған еріткіші бар 1 шприц, құтыға арналған 1 адаптер және вена ішіне енгізуге арналған 1 жинақ медициналық қолданылуы жөнінде қазақ және орыс тілдеріндегі нұсқаулықпен бірге картон қорапшаға салынған.

Лиофилизат: 24 ай

Еріткіш: 48 ай

Жарамдылық мерзімі өткеннен кейін қолдануға болмайды.

Тоңазытқышта (2 ºС-ден 8 ºС-ге дейінгі температурада) сақтау керек. Мұздатып қатыруға болмайды. Жарық әсерінен қорғау үшін қолданғанға дейін картон қорапшада сақтау керек. Сақтау мерзімі шегінде (24 ай) препаратты қаптамасында 25°С-ден аспайтын температурада 6 ай бойы немесе 30 °С-ден аспайтын температурада 3 ай бойы сақтауға болады.

Инъекцияға арналған стерильді суды 2 ºС-ден 25 ºС-ге дейінгі температурада сақтау керек. 30 ºС температурада – 6 айдан асырмай сақтау керек. Мұздатып қатыруға болмайды.

25°С-ден аспайтын немесе 30°С-ден аспайтын температурадағы сақтау мерзімінің аяқталу күні препараттың картон қорапшасына жазылуы тиіс. Бұл күн картон қорапшада көрсетілген жарамдылық мерзімі күнінен ешқашан аспауы тиіс. Препараттың осы мерзімінің соңғы күні басталған кезде оны тоңазытқышқа қайта салуға болмайды, препарат пайдаланылуы немесе тасталуы тиіс.

Сұйылтылған ерітінді

Сұйылтудан кейін қолдану үдерісінде химиялық және физикалық тұрақтылығын бөлме температурасында 3 сағат бойы көрсетті. Сұйылтқаннан кейін салқындатпаңыз.

Микробиологиялық көзқарас тұрғысынан алғанда препаратты сұйылтқаннан кейін бірден пайдалану керек. Егер препарат сұйылтылғаннан кейін дереу пайдаланылмаса, қолданар алдында сақтау мерзімі және шарттары үшін жауапкершілік тұтынушының мойнында болады.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Байер Хелскэр ЛЛС, АҚШ

тел.: 0214/30 51 348

факс: 0214/30 51 603

е-mail: medical-information@bayer.com

Тіркеу куәлігінің ұстаушысы

Байер АГ, Леверкузен, Германия

тел.: 0214/30 51 348

факс: 0214/30 51 603

е-mail: medical-information@bayer.com

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс жасау деректері (телефон, факс, электронды пошта)

«Байер КАЗ» ЖШС

Тимирязев к-сі, 42, павильон 15, кеңсе 301

050057 Алматы, Қазақстан Республикасы,

тел. +7 727 258 80 40, факс: +7 727 258 80 39,

e-mail: kz.claims@bayer.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, факс, электронды пошта):

«Байер КАЗ» ЖШС

Тимирязев к-сі, 42, павильон 15, кеңсе 301

050057 Алматы, Қазақстан Республикасы

тел: +7 701 715 78 46 (тәулік бойы)

тел:+7 727 258 80 40, ішкі 106  (жұмыс уақытында)

факс: +7 727 2588 039

e-mail: pv.centralasia@bayer.com