Дельтиба™

ДельтибаТМ

Деламанид

Дәрілік түрі, дозалануы

Үлбірлі қабықпен қапталған таблеткалар

Жүйелі пайдалануға арналған инфекцияға қарсы препараттар. Микобактерияға қарсы препараттар. Туберкулезді емдеуге арналған препараттар. Туберкулезді емдеуге арналған басқа препараттар. Деламанид.

АТХ коды J04AK06 

ДельтибаТМ препараты, егер төзімділіктің немесе жақпаушылықтың болуы салдарынан өзге тәсілмен тиімді емдеу сызбасын құрастыру мүмкін болмаса, көптеген дәрілік төзімділігі бар (КДТ-ТБ) туберкулездің өкпелік түрін талапқа сай біріктірілген емдеу режимінің құрамында 18 жастан асқан пациенттерде қолдануға көрсетілген.

Қолданудың басталуына дейінгі қажетті мәліметтер тізбесі

- 18 жасқа дейінгі балалар

- галактоза, лактоза жақпаушылығы

- әсер етететін затқа немесе қосымша заттардың кез келгеніне аса жоғары сезімталдық

- сарысу альбуминінің < 2,8 г/дл деңгейі

- CYP3A4 қуатты индукторлары болып табылатын дәрілік препараттарды (мысалы, карбамазепин) қолдану

Қолдану кезіндегі қажетті сақтандыру шаралары

Жетекшілікке алынатын ДДҰ нұсқауларына сәйкес, деламанид қабылдаудың 24-апталық кезеңі аяқталған соң біріктірілген емнің тиісті сызбасын қолданумен емдеуді жалғастырған жөн. Деламанид қабылдауды тікелей қадағалаумен өткізуге кеңес беріледі (DOTS стратегиясы).

Басқа дәрілік препараттармен өзара әрекеттесуі

Деламанидтің толық метаболизмдік бейіні және оның шығарылу тәсілдері соңына дейін зерттелмеген.

P450 3A4 цитохромы индукторларымен өзара әрекеттесу

Дені сау қатысушылардағы дәрілік өзара әрекеттесуді бағалау жөніндегі клиникалық зерттеулерде P450 (CYP) 3A4 цитохромының қуатты индукторын (тәулігіне 300 мг рифампицин) деламанидпен бірге (тәулігіне 200 мг) 15 күн қабылдаудан соң деламанид экспозициясының 45 % төмендеуі анықталған. Деламанидті 100 мг дозада х тәулігіне 2 рет тәулігіне 600 мг дозадағы әлсіз индуктор - эфавирензбен бірге 10 күн бойы қабылдағанда оның экспозициясының клиникалық мәнді төмендеуі байқалмаған.

Антиретровирустық препараттармен өзара әрекеттесуі

Дәрілік өзара әрекеттесуді бағалау жөніндегі клиникалық зерттеулерде дені сау қатысушылар 14 күн бойы деламанидті бөлек (100 мг х тәулігіне 2 рет) және тенофовир дизопроксилімен (тәулігіне 245 мг) немесе лопинавир/ритонавирмен (тәулігіне 400/100 мг) және 10 күн бойы эфавирензбен (тәулігіне 600 мг) біріктіріп қабылдады. Тенофовир мен эфавиренз сияқты антиретровирустық препараттарды қатарлас қолданғанда деламанид экспозициясы өзгермеген (айырмасы < 25 %), бірақ құрамында лопинавир/ритонавир бар антиретровирустық препаратпен бірге қолданғанда біршама ұлғайды. АИТВ-ға қарсы препараттар - тенофовир, лопинавир/ритонавир және эфавиренцпен біріктіріліп тағайындалған деламанид осы дәрілік препараттардың әсеріне ықпал етпеген.

Туберкулезге қарсы препараттармен өзара әрекеттесуі

Дәрілік өзара әрекеттесуді бағалау жөніндегі клиникалық зерттеулерде дені сау қатысушылар 15 күн бойы деламанидті бөлек (тәулігіне 200 мг) және рифампицин/изониазид/пиразинамидпен (тәулігіне 300/720/1800 мг) немесе этамбутолмен (тәулігіне 1100 мг) біріктіріп қабылдаған. Қатарлас қабылданатын туберкулезге қарсы препараттардың (рифампицин, изониазид, пиразинамид) экспозициясына ықпалы жоқ. Деламанидпен бірге қолдану плазмадағы этамбутолдың тепе-тең концентрациясын (шамамен 25 %) едәуір арттырды, осы құбылыстың клиникалық мәні белгісіз.

QTc аралығын ұзартуға қабілетті препараттармен өзара әрекеттесуі

QTc аралығын ұзартуға қабілетті препараттарды қабылдап жүрген пациенттерді деламанидпен емдегенде сақтық шарасын қадағалау керек.

Басқаларын қоспағанда, ондай препараттарға жатады:

- Аритмияға қарсы дәрілер (мысалы, амиодарон, дизопирамид, дофетилид,ибутилид, прокаинамид, хинидин, гидрохинидин, соталол).

- Нейролептиктер (мысалы, фенотиазиндік қатардағы, сертиндол, сультоприд, хлорпромазин, галоперидол, мезоридазин, пимозид, тиоридазин), антидепрессанттар.

- Белгілі бір микробқа қарсы препараттар, соның ішінде:

- макролидтер (мысалы, эритромицин, кларитромицин)- моксифлоксацин, спарфлоксацин

- зеңге қарсы препараттар, триазол туындылары

- пентамидин

- саквинавир

- Белгілі бір тыныштандыратын әсері жоқ антигистаминдік препараттар (мысалы, терфенадин, астемизол, мизоластин).

- QT аралығын ұзарту мүмкіндігімен белгілі бір малярияға қарсы препараттар (мысалы, галофантрин, хинин, хлорохин, артесунат/амодиахин, дигидроартемизинин/пиперакин).

- Цизаприд, дроперидол, домперидон, бепридил, дифеманил, пробукол, левометадил, метадон, қабіршөп алкалоидтары, мышьяк триоксиді.

КДТ-ТБ бар пациенттерде моксифлоксацин мен деламанидті біріктіріп қолдану зерттеулері жүргізілмеген. Деламанид қабылдайтын пациенттерге моксифлоксацин тағайындау ұсынылмайды.

Арнайы сақтандырулар

Сақтықпен

Бауыр функциясының орташа және ауыр дәрежедегі бұзылуы бар пациенттерде ұсынылмайды, бүйрек функциясының ауыр дәрежедегі бұзылуларында, QT аралығының айқын ұзаруында, жүрек тарапынан қауіп факторлары болғанда, қатар жүргізілетін АИТВ емінде, фторхинолондар қатар тағайындалғанда, гипоальбуминемияда және кейбір басқа ауруларда ұсынылмайды.

Бүйрек функциясының бұзылуы

Бүйрек функциясының ауыр бұзылуы бар пациенттерде деламанид қолдану деректері жоқ. Осындай пациенттерге препаратты тағайындау ұсынылмайды. Бүйрек функциясының елеусіз немесе орташа бұзылуы бар пациенттерде дозаны түзету қажет емес.

Бауыр функциясының бұзылуы

Бауыр функциясының орташа және ауыр бұзылуы бар пациенттерге деламанид тағайындау ұсынылмайды. Бауыр функциясының елеусіз бұзылуы бар пациенттерде дозаны түзету қажет емес.

QT аралығының ұзару мүмкіндігіне байланысты жалпы нұсқаулар

Емдеу басталғанша және деламанид қабылдау кезеңі аяқталғанша ай сайын электрокардиограмма (ЭКГ) түсіруге кеңес беріледі. Егер деламанидтің алғашқы дозасын қабылдауға дейін немесе емдеу кезінде QTcF >500 мс байқалса, деламанидпен емдеу басталмайды немесе препарат тоқтатылады. Егер деламанидпен емделу кезеңінде QTc аралығының ұзақтығы 450 мс (ерлерде)/470 мс (әйелдерде) асып кетсе, ондай пациенттер жиірек ЭКГ бақылауынан өтуі тиіс. Сондай-ақ емдеу басталғанша сарысу электролиттеріне, мысалы, калийге тексеру өткізуге және қалып шегінен ауытқуларды түзетуге кеңес беріледі.

QT аралығының ұзару айқындылығы

КДТ-ТБ бар пациенттер тәулігіне екі рет 100 мг деламанид қабылдаған плацебо-бақыланатын зерттеуде плацебоға түзету жасалған QTcF аралығының орташа ұзаруы (бастапқы мәндермен салыстырғанда) 1 айдан соң 7,6 мс және 2 ай өткенде 12,1 мс құрады. Пациенттердің 3 %-да зерттеудің осы немесе өзге кезеңінде аралықтың 60 мс немесе одан артық ұзаруы байқалды, ал 1 пациентте QTcF аралығы > 500 мс құрады. «Пируэт» типті тахикардия жағдайлары немесе уақытына қарай препаратты қолданумен байланысты болжанатын басқа полиаритмия құбылыстары білінбеген.

Жүрек тарапынан қауіп факторлары

Деламанидті қолданудан күтілетін болжамды пайда ықтималды қауіптен асып кететін жағдайларды қоспағанда — төменде атап көрсетілген қауіп факторлары бар пациенттерде деламанидпен емдеуді бастауға болмайды. Осы орайда, деламанид қабылдаудың бүкіл кезеңі бойына өте жиі ЭКГ бақылауы қажет.

- Туа біткен QTc аралығы ұзаруының немесе QTc аралығының ұзаруына немесе QTc > 500 мс мәніне әкелуге қабілетті кез келген клиникалық жай-күйдің болуы.

- Анамнезде клиникалық көріністері бар аритмиялардың немесе клиникалық тұрғыдан мәнді брадикардияның болуы.

- Ауыр артериялық гипертензия, сол жақ қарынша гипертрофиясы (гипертрофиялық кардиомиопатияны қоса) немесе сол жақ қарыншаның лықсыту фракциясының төмендеуімен іркілісті жүрек жеткіліксіздігі сияқты аритмияның дамуына бейімдендіретін жүрек-қантамыр жүйесінің аурулары.

- Электролит теңгерімінің бұзылулары, әсіресе, гипокалиемия, гипокальциемия немесе гипомагниемия.

- QTc аралығын ұзартуға қабілетті дәрілік заттарды қабылдау.

Деламанидпен қатарынан 24 аптадан артық емделу ұзақтығы жөнінде деректер жоқ. Деламанидті:

- өкпеден тыс жерлерде (мысалы, орталық жүйке жүйесінде, сүйектерде) орналасқан туберкулезді;

- M. Tuberculosis кешенін қоспағанда, микобактериялардың басқа түрлері туғызған инфекцияларды;

- M. Tuberculosis туғызған жасырын инфекцияны емдеуге қолдану жөнінде клиникалық деректер жоқ.

Дәріге төзімді M. tuberculosis штаммдары туғызған туберкулезді біріктірілген емдеу режимінің құрамында деламанидті қолдану жөнінде клиникалық деректер жоқ. Деламанидке төзімділіктің қалыптасуын болдырмау мақсатында — ДДҰ нұсқауларына сәйкес деламанид тек қана талапқа сай КДТ-ТБ біріктірілген емдеу режимінің құрамында қолданылуы тиіс. Емделу кезінде деламанидке төзімділік дамыған жағдайлар байқалған. Деламанидке төзімді штаммдарды іріктеудің қаупі, препаратты M. Tuberculosis қатысты белсенділігі жорамалданатын дәрілердің аздаған санымен біріктіріп пайдаланылғанда және (немесе) егер осы жағдайда аталған препараттар көбірек тиімділігі болжанатын дәрілерге жатқызылмаса, демек, жоғары. Бұдан бөлек, шектеулі клиникалық деректер деламанидтің рифампицин мен изониазидке төзімді штаммдар туғызған, бірақ басқа препараттарға сезімтал КДТ-ТБ емдеу режимдерімен біріктіргенде көбірек тиімді болатынын көрсетеді. Препараттың ең төмен тиімділігі деламанидті мүмкін болатын ең үздік КДТ-ТБ емдеу сызбасының құрамында пайдалану кезінде білінді. Деламанид қабылдаған пациенттерде QT аралығының ұзаруы байқалды. QT аралығы емдеудің алғашқы 6-10 аптасының ішінде уақыт өтуімен біртіндеп ұзарады, ал кейіннен өзгеріссіз күйде қалады. QT аралығының ұзаруы DM-6705 негізгі метаболитінің мөлшерімен нақты өзара байланысты. Плазма альбумині мен CYP3A, тиісінше, DM-6705 түзілуі мен метаболизмін реттейді.

ГипоальбуминемияКлиникалық зерттеуде деламанид қабылдаған пациенттерде ң QTc аралығы ұзаруының өте жоғары қаупімен гипоальбуминемияның қатар жүретіні анықталған. Деламанид альбумин деңгейі < 2,8 г/дл пациенттерге қарсы көрсетілімді. Деламанид қабылдауды сарысу альбуминінің < 3,4 г/дл деңгейінде бастаған немесе альбумин деңгейі емделу кезінде осы деңгейге дейін төмендеп кеткен пациенттерге деламанид қабылдаудың бүкіл кезеңі бойына өте жиі ЭКГ бақылауы қажет болады.

CYP3A4 күшті тежегіштерімен қатарлас қолдану.

Деламанидті CYP3A4 қуатты тежегішімен (лопинавир/ритонавир) қатарлас қолдану DM-6705 метаболиті экспозициясының 30 % жоғарылауымен қатар жүрді, онымен QTc аралығының ұзаруы қатарласты. Соған сәйкес, егер деламанидті қандай да бір CYP3A4 қуатты тежегішімен бір мезгілде тағайындау қажет болса, деламанидті қабылдаудың бүкіл кезеңі бойына өте жиі ЭКГ бақылауы ұсынылады.

Деламанидті фторхинолондармен қатарлас қолдану.

QTcF аралығы 60 мс артық ұзаруының барлық жағдайлары фторхинолонды қатарлас қабылдағанда білінді. Сондықтан, егер осы препараттарды бір мезгілде қолданусыз талапқа сай КДТ-ТБ емдеу сызбасын құру мүмкін болмаса, деламанидті қабылдаудың бүкіл кезеңі бойына өте жиі ЭКГ бақылауы ұсынылады.

Деламанидті АИТВ қарсы препараттармен қатарлас қолдану

АИТВ қарсы қатарлас ем қабылдайтын пациенттерде деламанидті қолдану тәжірибесі жоқ.

Басқа да аурулар кезінде тағайындау

Препарат құрамында лактоза моногидраты бар. Галактоза жақпаушылығы, саамдар лактазалық жеткіліксіздігі немесе глюкоза-галактоза мальабсорбциясы сияқты сирек тұқым қуалайтын аурулары бар пациенттерге препаратты тағайындауға болмайды.

Жүктілік кезінде және бала емізу кезеңінде қолдану

Жүктілік

Препаратты жүкті немесе бала тууға қабілетті әйелдерге, егер олар контрацепцияның сенімді әдісін қолданбаса, тағайындауға болмайды, өйткені деламанидті жүктілерде қолдану деректерінің көлемі тым шектеулі. Жануарларға жүргізілген зерттеулерде деламанидтің фертильділікке ықпал етпейтіні анықталған.

Емшек емізу кезеңі

ДельтибаТМ препаратымен емделу кезінде емшек емізуге кеңес берілмейді, өйткені емшек еметін балаға төнуі мүмкін қаупін жоққа шығаруға болмайды. Осы дәрілік заттың немесе оның метаболиттерінің адамда емшек сүтімен шығарылуы белгісіз. Жануарларда жүргізілген фармакокинетикалық зерттеудің қолда бар деректеріне сәйкес, деламанид және (немесе) оның метаболиттері емшек сүтіне бөлінеді.

Егде жастағы пациенттерде қолдану

Препаратты егде жастағы пациенттерде қолдану деректері жоқ.Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Механизмдерді жүргізу және басқару қабілетіне әсер ету зерттеуі жүргізілмеген. Алайда пациенттерде осы әрекеттерді орындау қабілетіне ықпал етуі мүмкін жағымсыз әсерлер дамығанда оларға механизмдерді жүргізуден және басқарудан бас тартуға (мысалы, өте жиі жағымсыз әсерлер бас ауыру мен тремор болып табылады) кеңес беріледі.

Қолдану жөніндегі нұсқаулар

Дозалану режимі

Ішке қабылдауға арналған. Ересектерге ұсынылатын доза тәулігіне 2 рет 100 мг құрайды.

Көптеген дәрілік төзімділігі бар Mycobacterium tuberculosis туғызған туберкулезді емдеу тәжірибесі бар дәрігерлерге ДельтибаТМ емін бастауға және емдеу барысын қадағалауға рұқсат етіледі. ДельтибаТМ көптеген дәрілік төзімділігі бар туберкулезді (КДТ-ТБ) талапқа сай біріктіріп емдеу құрамында ғана қолданылуы тиіс.

Қабылдау уақытын көрсетумен қолдану жиілігі

ДельтибаТМ препаратын тамақтану кезінде қолданған жөн.

Емдеу ұзақтығы

Қабылдау ұзақтығы — 24 апта.

Артық дозалану жағдайында қабылдау қажет болатын шаралар

Клиникалық зерттеулерде артық дозалану жағдайлары байқалмаған. Алайда, қосымша клиникалық деректер препаратты 200 мг дозада х тәулігіне 2 рет (яғни, барлығы 400 мг) қабылдаған пациенттерде деламанидтің жалпы қауіпсіздік бейінінің препаратты ұсынылған 100 мг дозада х тәулігіне 2 рет қабылдаған пациенттердегі жалпы қауіпсіздік бейінімен салыстырмалы екенін көрсетеді. Сонымен қатар кейбір жағымсыз реакциялар аса жоғары жиілікте байқалды, ал QT аралығының ұзару жағдайларының жиілігі дозаның көбеюімен артты. Артық дозалануды емдеу үшін деламанидті асқазан-ішек жолы өзегінен кідіріссіз шығару және демеуші емді пайдалану керек. Жиі ЭКГ бақылауы қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында дәрігердің немесе фармацевттің кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Әрбір жүйе-ағза класының шегінде жағымсыз реакциялары жиілік санаттарына бөлінген:

өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10 000-нан <1/1000 дейін), өте сирек (<1/10 000) және жиілігі белгісіз. Әр жиілік санатында жағымсыз реакциялар күрделілігінің кему ретімен берілген.

* Аталған құбылыстардың жиілігі, ЖФС-мен біріктірілген плацебо тобымен салыстырғанда, ЖФС-мен біріктірілген деламанидпен емдеу тобында төмен болды.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

Сыртқы түрінің, иісінің, дәмінің сипаттамасы

Дөңгелек пішінді, сәл дөңес, ойығы және бір жағында «DLM» және «50» деген жазуы бар сары түсті үлбірлі қабықпен қапталған таблеткалар.

Шығарылу түрі және қаптамасы

Алюминий фольгадан (Alu/Alu) жасалған пішінді ұяшықты қаптамаға 8 таблеткадан салады.

Пішінді 6 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

5 жыл

Жарамдылық мерзімі өткеннен кейін қолдануға болмайды.

Ылғалдан қорғау үшін түпнұсқалық қаптамасында 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Оцука Фармасьютикал Ко., Лтд, Жапония

779-0195 Токусима, Итано-гун, Итано-тё, Мацутани, Сиситоки, Минами, 13

Тіркеу куәлігінің ұстаушысы

«Р-Фарм» АҚ

123154, Ресей, Мәскеу қ., Берзарин к-сі, 19 үй, 1 корпус

Тел. +7 (495) 956-79-37, факс +7(495) 956-79-38

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы мен Орталық Азиядағы «Р-Фарм» АҚ өкілдігі

050059, Алматы қ., Әл-Фараби д-лы, 17/1, «Нұрлы тау» ПФО, 5Б блок, 18 кеңсе

Тел.: +7 727 325 0 100, факс: +7 727 325 0 200, e-mail: Safety@rpharm.ru