Дексафлокс (суспензия глазная)

• русский
• қазақша

• Скачать инструкцию медикамента

Саудалық атауы

Дексафлокс

Халықаралық патенттелмеген атауы

Жоқ

Дәрілік түрі

Көзге арналған суспензия, 5 мл

Құрамы

1 мл ерітіндінің құрамында

белсенді зат – 1,0 мг дексаметазон, 3.0 мг офлоксацин

қосымша заттар: бензалконий хлориді, динатрий эдетаты, натрий хлориді, сусыз натрий сульфаты, тилоксапол, гидроксиметилпропилцеллюлоза, күкірт қышқылының 5М ерітіндісі немесе натрий гидроксидінің 1М ерітіндісі, инъекцияға арналған су.

Сипаттамасы

Көзге көрінетін бөлшектерден бос, біртекті, сәл сарғыш түсті суспензия.

Фармакотерапиялық тобы

Микробқа қарсы препараттармен біріктірілген қабынуға қарсы препараттар. Микробқа қарсы препараттармен біріктірілген глюкокортикостероидтар. Микробқа қарсы препараттармен біріктірілген дексаметазон.

АТХ коды S01СA01

Фармакологиялық қасиеттері

Фармакокинетикасы

Дексаметазон жергілікті қолданылып, мөлдір қабық арқылы камералық ылғалға сіңеді. Әсер етуші заттың конъюнктива қалтасынан қан айналымның жалпы жүйесіне сіңуі онша үлкен емес, сондықтан фармакокинетикасы мен жүйелі әсер етуінің елеулі мәні жоқ.

Офлоксацин жергілікті қолданылғанда препараттың емдік концентрациясына көз тіндерінде 30-60 минуттан соң жетеді. Шығарылу кезеңі – 6-7 сағат. Жүйелі сіңірілуі төмен.

Фармакодинамикасы

Дексафлокс – бактерияға қарсы, қабынуға қарсы және аллергияға қарсы әсер иеленген біріктірілген препарат.

Дексаметазон синтетикалық глюкокортикостероид болып табылады, қабыну үдерісінің барлық фазаларына әсер етеді. Қан тамырларының өткізгіштігін төмендетеді, лейкоциттер көшуін, фагоцитозды, кининдердің босап шығуын және антиденелердің өндірілуін бәсеңдетеді.

Офлоксациннің бактерицидті әсері бактериялық жасушаларда ДНҚ- гираза ферментін бөгеумен байланысты. Грамтеріс микроорганизмдердің көпшілігіне қатысты белсенділігі жоғары: Esherichia coli, Salmonella spp., Proteus spp., Morganella morganii, Shigella spp., Klebsiella spp., Enterobacter spp., Serratia spp., Citrobacter spp., Yersinia spp., Providencia spp., Legionella pneumophilla, Acinetobacter spp., Chlamydia spp.

Кейбір грамоң микроорганизмдерге, атап айтқанда Staphylococcus spp., Streptococcus spp қатысты белсенді.

Офлоксацинге Enterococcus faecalis, Streptococcus pheumoniae, Pseudomonas spp. орташа сезімтал.

Офлоксацин бета-лактамазаны өндіретін микроорганизмдерге сезімтал. Препаратқа анаэробтық бактериялар (B. Urealiticus-тен басқа) сезімтал емес.

Қолданылуы

- көз алмасының жедел және созылмалы аллергиялық және инфекциялық емес қабыну үдерістерінде

- көздің алдыңғы жағының инфекциялық-қабыну ауруларында

(блефарит, теріскен, конъюнктивит, дакриоцистит, кератит (эпителийдің зақымдалуынсыз), мөлдір қабықтың ойық жарасы, көздің хламидиялық инфекциясы)

- көз жарақаттарынан және хирургиялық араласулардан кейін бактериялық инфекцияның профилактикасы және емдеуде

Қолдану тәсілі және дозалары

Жедел қабыну жағдайларында конъюнктива қалтасына 2 күн бойы тәулігіне 4-5 рет 1-2 тамшыдан, сонан соң 4-6 күн бойы тәулігіне 3-4 рет

1-2 тамшыдан тамызады.

Созылмалы қабыну жағдайларында 14 күннен аспайтын уақыт бойы тәулігіне 2 рет 1-2 тамшыдан тамызады (дәрігердің қадағалауымен).

Операциялар мен жарақаттанулардан кейін, қабыну белгілерінің қарқындылық дәрежесіне қарай 14 күннен асырмай тәулігіне 2-4 рет 1-2 тамшыдан (дәрігердің қадағалауымен).

Қолданар алдында сілку керек. Құтының ішіндегісінің ластануын болдырмау үшін тамшылатқыш ұштығының ұшын кез келген беткейге жанастырмаған жөн.

Жағымсыз әсерлері

Препаратты тамызғаннан кейін бірден пайда болуы мүмкін:

• өтпелі жайсыздық, болымсыз ашыту сезімі, қышыну, шаншу

• қарқындылығы онша емес конъюнктива гиперемиясы, сондай-ақ көзден жас ағу

• көзде бөгде денені сезіну

Бұл белгілер 5-15 секундтан соң жоғалады және препаратты қолдануды тоқтату үшін көрсетілім болып табылмайды.

Өте сирек

• қабақтардың немесе конъюнктивалардың ісінуі немесе тітіркенуі

• мөлдір қабықтың жұқаруы немесе көз алмасының тесілуі (көру бұзылыстары, көзден жас ағу)

• әріқарай глаукоманың дамуына ұласатын көзішілік қысымның артуы

• көру жүйкесінің зақымдалуы

• артқы субкапсулярлы катаракта

• көру жітілігінің бұзылыстары және көру аясының тарылуы (анық көре алмау, көз алмасының ауыруы)

• көздің салдарлы инфекциялары, мөлдір қабықтың зеңді зақымдануы

• глаукома (кортикостероидтарды ұзақ уақыт пайдаланғанда)

• көру жүйкесінің зақымдалуы

• конъюнктиваның қабынуы (фотофобияны қоса)

• бас ауыруы

Қолдануға болмайтын жағдайлар

• дексаметазонға және препараттың басқа құрамдас бөліктеріне жоғары сезімталдық

• Herpes simplex және басқа вирустар туғызған мөлдір қабықтың және конъюнктивалық қабықтардың вирустық аурулары

• көздің зеңді аурулары

• көз туберкулезі

• желшешек

• көздің емделмеген іріңді инфекциялары

• жұмсақ жанаспалы линзаларды қолданғанда

• қалпына келмейтін көзішілік қысымды глаукома

• лактация кезеңі

• 8 жасқа дейінгі балалар

Мөлдір қабықтан бөгде денені асқындырмай алып тастағаннан кейін және кез келген басқа инфекцияларда немесе мөлдір қабықтың эпителий беткейінің зақымдалуларында ұсынылмайды.

Дәрілермен өзара әрекеттесуі

Глаукомада қолданылатын дәрілік заттармен, әсіресе ұзақ уақыт және үлкен дозаларда қосуға болмайды, өйткені көзішілік қысым көтерілуі мүмкін.

Холинергияға қарсы препараттарды, әсіресе атропинді және оның аналогтарын Дексафлокспен бірге ұзақ уақыт қолдану көзішілік қысымның арту қаупін төндіреді.

Айрықша нұсқаулар

Препаратты қолданар алдында жұмсақ жанаспалы линзаларды шешу керек. Препаратты тамызған сәттен 30 минут өткенде оларды қайта тағып алуға болады. Жанаспалы линзалар мен Дексафлокс қолданылған жағдайда мөлдір қабық ойық жарасының даму қаупі артады.

Көздің қызару себебі анықталмаған жағдайда кортикостероидтарды қолдануға болмайды. Ұсынылған мерзімнен едәуір асып кететін Дексафлоксты ұзақ уақыт қолдану зеңдер, бактериялар мен вирустар туғызған салдарлы инфекцияның даму қаупін жоғарылатады; сондай-ақ катарактаның пайда болуына немесе дамуының жеделдеуіне, көзішілік қысымның көтерілуіне және бұрыннан бейім тұлғалардағы глаукомаға әкелуі мүмкін, бұл аурулардың пайда болу қаупіне қант диабетіне шалдыққан пациенттер көбірек ұшырайды.

Дексафлокспен ұзақ уақыт емдеу кезінде мөлдір қабықтың жай-күйін флюоресцеин тестісімен тексеру, сондай-ақ көзішілік қысымды өлшеу ұсынылады. Флюоресцеин тестісінің нәтижесі оң болса немесе көзішілік қысым көтерілсе, препаратты қолдануды тоқтатқан дұрыс.

Жергілікті қолданылатын стероидтар көз алмасы бактериялық инфекциясының белгілерін бүркемелеуі мүмкін, бұл жағдайларда антибиотиктерді бір мезгілде жергілікті тағайындау керек.

Дексафлоксты қолданған кезде мөлдір қабықтың жұқаруына немесе склераға әкелетін ауруларды бұрын өткерген тұлғаларда сақтық шараларын қадағалау қажет, өйткені мұндай пациенттерде мөлдір қабықтың тесілуі немесе склера болуы мүмкін.

Жүктілік

Жүкті әйелдерде жергілікті қолданылатын кортикостероидтардың клиникалық сынақтары жөнінде деректер жоқ, сондықтан препаратты жүктілік кезінде ана үшін болжанатын пайда шаранаға төнетін потенциалды қатерден артық болған жағдайда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Препаратты тамызғаннан кейін көзден жас ағуы және оның тұмандануы мүмкін екенін назарға ала отырып, оны тікелей көлік құралдарын басқару немесе қауіптілігі зор механизмдермен жұмыс істеу алдында қолданбаған дұрыс.

Артық дозалануы

Суспензияның асқазан-ішек жолына кездейсоқ түсіп кетуі ауыр жағымсыз зардаптарға әкелмейді. Препаратты ұзақ уақыт қолдану Дексафлокстың жүйелі әсер етуіне әкелуі мүмкін.

Шығарылу түрі және қаптамасы

нзалкония хлорид00000000000000000000000000000000000000000000000000000000000000000000000000000000000000000000000000000000000005 мл препараттан қақпағы бұралатын және алғашқы ашылуы бақыланатын пластмасса құтыларға құяды.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

Құрғақ, жарықтан қорғалған жерде, 15 0С-ден 25 0С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейін препаратты сақтау мерзімі 28 күн.

Жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецепт арқылы

Өндіруші

«Jamjoom Pharmaceuticals Co. Ltd», Сауд Арабиясы

Сауд Арабиясы,

Жедах қ., Индустриялық алаң, 5 фаза,

тел./факс: +966 2 6081111 / +966 2 6081222

e-mail: ahmed@jamjoompharma.com, jpharma@ jamjoompharma.com

Тіркеу куәлігінің ұстаушысы

«Jamjoom Pharmaceuticals Co. Ltd», Сауд Арабиясы

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Жамжум Фармацеутикалс Компани» өкілдігі

Қазақстан Республикасы, 050059, Алматы қ.,

әл-Фараби д-лы, 15 «Нұрлы тау» ӨҚО, блок 4"В", №18 кеңсе.

e-mail: gulnur.abdyzhappar @jamjoompharma.com

тел: +7 727 3111308,+7 727 3111309