Дапар (250 мг)

Дапар

Дорипенем

Инфузия үшін ерітінді дайындауға арналған 250 мг және 500 мг ұнтақ

Бір құтының ішінде

белсенді зат – 250 мг немесе 500 мг дорипенем

Ақ немесе сәл сарғыш түске дейінгі ақ кристалды ұнтақ

Жүйелі пайдалануға арналған бактерияларға қарсы препараттар. Бета-лактамды бактерияларға қарсы басқа да препараттар. Карбапенемдер. Дорипенем.

АТХ коды J01DH04

Фармакокинетикасы

Бір дозасын енгізгеннен кейін дорипенемнің қан плазмасындағы орташа концентрациялары:

Дорипенемнің фармакокинетикалық параметрлері (Сmах және АUС) 1 немесе 4 сағат бойы вена ішілік инфузия кезінде 500 мг-ден 1 г дейінгі дозалық диапазонда дозаға тәуелді болады.

Дорипенемнің фармакокинетикалық параметрлері оны 1 сағаттық вена ішілік инфузия түрінде 500 мг-ден 2 г дейінгі дозаларда және 4 сағаттық вена ішілік инфузия түрінде 500 мг-ден 1 г дейінгі дозаларда тағайындағанда дозаға тәуелді.

Бүйрек функциясы қалыпты адамдарда 7-10 күн бойы әрбір 8 сағат сайын 500 мг немесе 1 г-нан көп реттік вена ішілік инфузия жасағаннан кейін дорипенемнің жинақталу белгілері байқалған жоқ.

Дорипенемнің қан плазмасы ақуыздарымен байланысуының орташа дәрежесі 8.1 құрайды және оның плазмадағы концентрациясына байланысты болған жоқ. Стационарлы жағдайдағы таралу көлемі шамамен 16.8 л-ге тең, бұл адамның жасушадан тыс сұйықтығының көлеміне (18.2 л) жақындау. Дорипенем тіндерге және биологиялық сұйықтықтарға (жатыр тіндеріне, ретроперитонеальді сұйықтыққа, қуық асты безінің тіндеріне, өт қабының тіндеріне және несепке) жақсы өтеді және оларда көптеген бактериялардың өсуін төмендетуге қажеттіден асатын концентрацияларына жетеді.

Дорипенемнің микробиологиялық тұрғыдан белсенді емес ашық сақиналы метаболитке биологиялық айналуы көбінесе дегидропептидаза-І әсері арқылы жүзеге асады. Дорипенемнің СҮР450 жүйесі изоферменттерінің және басқа ферменттердің әсер етуімен, НАДФ қатысуымен де, сондай-ақ қатысуынсыз да, өзгеріске ұшырайтыны байқалды.

Дорипенем, негізінен, бүйрек арқылы өзгермеген күйінде шығарылады. Дорипенемнің қан плазмасынан түпкілікті орташа жартылай шығарылу кезеңі 1 сағатқа жуық, ал плазмадан клиренсі шамамен сағатына 15.9 л/сағ тең. Орташа бүйректік клиренсі сағатына 10.3 л құрайды. Дорипенем шумақтық сүзілуге де, сонымен қатар бүйректік сөлініске де ұшырайды. Дорипенемнің бір дозасын (500 мг) қабылдаған кезде дозаның 71-ы несепте өзгермеген күйінде және 15-ы ашық сақиналы метаболиттер түрінде байқалады. Радиоактивті таңбаланған дорипенемнің бір дозасын (500 мг) қабылдаған кезде нәжісте жалпы радиоактивтіліктің 1-нан азы табылды.

Бүйрек жеткіліксіздігі бар пациенттер

Дапар препаратының бір дозасын (500 мг) енгізгеннен кейін жеңіл (креатинин клиренсі минутына 51-79 мл), айқындылығы орташа (креатинин клиренсі минутына 31-50 мл) және ауыр (креатинин клиренсі минутына  30 мл) бүйрек жеткіліксіздігіне шалдыққан пациенттерде АUС, дені сау (креатинин клиренсі минутына ≥ 80 мл) адамдармен салыстырғанда, тиісінше, 1.6 есе, 2.8 есе және 5.1 есе артады. Дапар препаратының дозасын бүйрек функциясының бұзылуы айқындылығы орташа және ауыр пациенттерде төмендеткен жөн.

Бауыр функциясы бұзылған пациенттер:

Мұндай деректер жоқ.

≥ 66 жастағы егде пациенттер

Жас ересектермен салыстырғанда, егде адамдарда креатинин клиренсінің жасқа байланысты өзгеру салдарынан дорипенемнің АUС 49-ға артты. Бүйрек функциясы қалыпты (жасына қарай) егде пациенттерде Дапар препаратының дозасын төмендетудің керегі жоқ.

Жынысы

Әйелдерде дорипенемнің АUС, еркектердегіге қарағанда 13-ға артық. Еркектер мен әйелдерге Дапар препаратының бірдей дозаларын енгізу керек.

Фармакодинамикасы

Дапар – құрылымы жағынан басқа бета-лактамды антибиотиктерге жақын, әсер ету өрісі ауқымды синтетикалық карбапенемді антибиотик. Дапардың аэробты және анаэробты грамтеріс және грамоң бактерияларға белсенділігі күшті. Имипенеммен және меропенеммен салыстырғанда, ол P.aeruginosa-ға қатысты 2-4 есе белсендірек.

Дапар бактериялық жасуша қабырғасының биосинтезін тежеу арқылы бактерицидті әсер етеді. Ол пенициллинмен байланыстырғыш көптеген маңызды ақуыздардың (ПБА) белсенділігін жояды, және бұл бактериялар жасушалық қабырғалары синтезінің тежелуіне, содан кейін бактериялық жасушалардың өлуіне әкеп соқтырады. Дапардың S.aureus 1, 2 және 4 ПБА-на қатысты өте жоғары аффинитеті бар. Е.coli және Р.aeruginosa жасушаларында дорипенем бактериялық жасушалардың пішінін демеуге қатысатын 2 ПБА-мен, сондай-ақ 3 және 4 ПБА-мен тығыз байланысады.

Дорипенем басқа антибиотиктердің әсерін әлсіз бәсеңдетеді, сондай-ақ басқа антибиотиктер арқылы бәсеңдемейді. Р.aeruginosa-ға қатысты амикацинмен және левофлоксацинмен, сондай-ақ грамоң бактерияларға қатысты даптомицинмен, линезолидпен, лефофлоксацинмен және ванкомицинмен аддитивті белсенділігі немесе әлсіз синергизмі болатыны сипатталған.

Төзімділік механизмдері

Бактериялардың дорипенемге төзімділігінің механизміне оның карбепенемді гидролиздейтін ферменттермен, мутантты немесе жүре пайда болған ПБА-мен белсенділігінің жойылуы, сыртқы жарғақша өткізгіштігінің төмендеуі және бактериялық жасушалардан дорипенемнің белсенді ағып шығуы жатады. Дапар, грамоң және грамтеріс бактериялар өндіретін пенициллиназаны және цефалоспориназаны қоса, көптеген бета-лактамазалармен гидролизге төзімді; бұған дорипенемді гидролиздеуге қабілетті салыстырмалы түрдегі сирек бета-лактамазалар жатпайды. Дорипенемнің ЕТТК-тен 4 есе асып түсетін концентрациясына төзімді Р.aeruginosa штамдарын іріктеу дорипенемнің әсеріне ұшыраған сегіз штамның жетеуіне қатысты  2 x 10-9 жиілікпен жүзеге асырылады. Бұл көрсеткіш эртапенемге, имипенемге, меропенемге, карбенициллинге, цефтазидимге, ципрофлоксацинге және тобрамицинге төзімді Р.aeruginosa штамдарын іріктеу жиілігінен төмен болды. Айқаспалы төзімділіктің болу мүмкіндігіне қарамастан, басқа карбапенемдерге төзімді кейбір штаммдар дорипенемге сезімтал.

*Клиникалық зерттеулерде дорипенем белсенді болған түрлер.

Дапар дорипенемге сезімтал бактерия штаммдарынан туындаған төмендегі инфекцияларды емдеу үшін қолданылады

• өкпені жасанды желдетуге (ӨЖЖ) байланысты пневмонияны қоса алғанда, нозокомиальді (аурухана ішілік) пневмония

• асқынған интраабдоминальді инфекциялар

• несеп жолының асқынған инфекциялары

Препаратты қолданар алдында бактериологиялық зерттеу жүргізу ұсынылады. Дапарды 1 немесе 4 сағаттық вена ішілік инфузия түрінде енгізеді.

Дапар препаратын қолданудың ұсынылатын тәсілі және дозалары:

* 4 сағаттық құю ретінде әрбір 8 сағат сайын 1 г бүйрек клиренсі қарқынды (әсіресе креатинин клиренсі ≥ 150 мл/мин құрайтын) пациенттерді емдеу үшін және/немесе ферменттелмеген грамм-теріс патогендер (көкіріңді сепсис (Pseudomonas spp. сияқтылар) және акинетобактериялар (Acinetobacter spp.) туғызған инфекциялар кезінде қарастырылуы мүмкін.

Дозалаудың мұндай режимі фармакокинетикалық және фармакодинамикалық деректерге негізделген.

** Негізінен фармакокинетикалық және фармакодинамикалық факторларды ескере отырып, 4 сағаттық құю сезімталдығы аз патогендер инфекциясын емдеуге көбірек сай келуі мүмкін (Фармакодинамика бөлімін қараңыз). Дозалаудың мұндай режимін айрықша күрделі инфекцияларды емдеу кезінде де қарастыру керек.

Емдеу ұзақтығы

Дорипенеммен әдетте емдеу ұзақтығы 5-тен 14 күнге дейінгі аралықта ауытқиды, оны таңдау инфекцияның орнына және күрделілігіне, жұқпа жұқтыратын патогенге және пациенттің жауабына негізделуі тиіс. Әдетте нозокомиальді пневмониямен, оның ішінде желдетумен астасқан пневмонияны қоса зардап шегетін пациенттерді емдеу ұзақтығы 10-14 күнді құрайды, одан ұзағырақ емдеу көбінесе ферменттелмеген грамм-теріс патогендер (көкіріңді сепсис (Pseudomonas spp. сияқтылар) және акинетобактериялар (Acinetobacter spp.) туғызған инфекция жұқтырған пациенттер үшін лайық келеді (Фармакодинамика бөлімін қараңыз).

Клиникалық зерттеулер аясында дорипенем 14 күнге дейінгі кезеңде қабылданды, одан ұзағырақ қолдану қауіпсіздігі анықталмаған. Дорипенемді вена ішіне қолдануды бастағаннан кейін емдеу курсын аяқтау үшін тиісті пероральді емге ауысу клиникалық тұрғыдан жақсару байқалған кезде ғана мүмкін болады.

Егде пациенттерге арналған дозалар (≥65 жас)

Бүйрек функциясы өз жасына сәйкес келетін егде пациенттерде Дапардың дозасын төмендетудің қажеті жоқ.

Бүйрек функциясы бұзылған пациенттерге арналған дозалар

Креатинин клиренсі минутына  50-ден ≤ 80 мл-ге дейінгі пациенттерде дозаны азайту керек емес. Бүйрек функциясының бұзылуы орташа (креатинин клиренсі минутына ≥ 30-дан 50 мл-ге дейін) пациенттерде Дапар препаратының дозасы әрбір 8 сағат сайын 250 мг құрауға тиіс. Бүйрек функциясының бұзылуы ауыр (креатинин клиренсі минутына 30 мл) пациенттерде әрбір 12 сағат сайын 250 мг құрауға тиіс.

4 сағаттық құю түрінде әрбір 8 сағат сайын 1 г көрсетілімдегі пациенттерге доза тиісті түрде өзгертілуі керек (орташа дәрежедегі бүйрек жеткіліксіздігі: әрбір 8 сағат сайын 500 мг; ауыр бүйрек жеткіліксіздігі: әрбір 12 сағат сайын 500 мг).

Клиникалық деректердің және дорипенем мен оның метаболитінің әсер етуінің күтілетін артуы (дорипенем-М-1) ауыр бүйрек жеткіліксіздігі бар пациенттерде шектеулі болғандықтан, оларды емдеу үшін Дапар препаратын абайлап қолдану керек (Фармакокинетика бөлімін қараңыз).

Диализдегі пациенттерге арналған дозалар

Үздіксіз орнын басатын бүйректік ем алатын пациенттерді емдеу үшін Дапар препаратын қолдану және дозалау бойынша ұсыныстар төмендегі кестеде келтірілген:

БҰОБЕ - бүйректік ұзақ орнын басу емі;

ВВҰГ - вена-веналық ұзақ гемофильтрация;

ВВҰГДФ – вена-веналық ұзақ гемодиафильтрация;

ЕТБК: ең төмен бәсеңдеткіш концентрация

a БҰОБЕ алып жүрген жедел бүйрек жеткіліксіздігі бар пациенттер үшін, мұндай пациенттерде карбапенемдердің бүйректен тыс клиренсінің арту мүмкіндігін назарға ала отырып 4 сағаттық енгізу уақыты талап етіледі.

b БҰОБЕ алып жүрген созылмалы бүйрек жеткіліксіздігі бар пациенттерді емдеу үшін, 1 немесе 4 сағаттық енгізу уақыты қолданылуы мүмкін. Негізінен фармакокинетика/фармакодинамика факторларын ескере отырып, 4 сағаттық құю дорипенемнің плазмалық концентрациясы ең төмен бәсеңдеткіш концентрациядан асатын дозалау аралығының пайыздық уақытын барынша арттыру үшін сәйкес келуі мүмкін (%T > ЕТБК) (5.1 бөлімін қараңыз).

ЕТБК > 1 мг/л болатын патогендер үшін дозалау бойынша ұсыныстар дорипенем және дорипенем-М-1 метаболиті жинақталуының потенциалына байланысты үздіксіз орнын басатын бүйректік ем үшін анықталмаған (Фармакокинетика және Айрықша нұсқаулар бөлімін қараңыз). Клиникалық деректердің және дорипенем мен оның метаболитінің (дорипенем-М-1) әсер етуінің күтілетін артуы үздіксіз орнын басатын бүйректік емде жүрген пациенттерге шектеулі болғандықтан, оларды емдеу кезінде қауіпсіздігін мұқият мониторингілеу ұсынылады (Айрықша нұсқаулар бөлімін қараңыз).

Диализдің басқа түрінде жүрген пациенттерді емдеу кезінде дозаны өзгерту бойынша ұсыныс жасау үшін жеткілікті ақпарат жоқ (Фармакокинетика бөлімін қараңыз).

Бауыр функциясы бұзылған пациенттерге арналған дозалар

Мұндай пациенттерде Дапар препаратының дозасын төмендетудің қажеті жоқ.

18 жасқа толмаған пациенттер

18 жасқа дейінгі балаларды емдеу кезінде Дапар препаратының қауіпсіздігі мен тиімділігі анықталмаған. Қажетті деректер жоқ.

1-4 сағат ішінде вена ішіне құю түрінде қолданардың алдында Дапар препаратын бөліп алып, одан кейін сұйылту керек.

Ерітіндіні дайындау және препаратпен жұмыс істеу ережелері

Препаратты «Дайын ерітіндіні сақтау шарттары» бөлімінде көрсетілген нұсқауларды қоспағанда басқа дәрілік заттармен араластыруға болмайды. Инфузияға арналған 500 мг дозадағы ерітіндіні дайындау:

Дорипенем ұнтағын инъекцияға арналған 10 мл стерильді суда немесе 9 мг/мл (0,9) натрий хлоридінің ерітіндісінде (физиологиялық ерітінді) ерітеді.

Суспензияның ішінде бөгде бөлшектердің болмауын көзбен қарап тексереді (бұл дайын суспензия тікелей енгізу үшін қолданылмайды).

Дайын суспензияны ішінде 100 мл физиологиялық ерітінді немесе 50 мг/мл (5) глюкоза ерітіндісі бар инфузиялық пакетке шприц пен ине көмегімен қосады және толық ерігенше абайлап араластырады.

Бүйрек функциясы орташа немесе ауыр бұзылған пациенттер үшін инфузияға арналған 250 мг дозадағы ерітіндіні дайындау:

Дорипенемнің ұнтағын инъекцияға арналған 10 мл стерильді суда немесе 9 мг/мл (0,9 %) натрий хлоридінің ерітіндісінде (физиологиялық ерітінді) ерітеді.

Суспензияның ішінде бөгде бөлшектердің болмауын көзбен қарап тексереді (бұл дайын суспензия тікелей енгізу үшін қолданылмайды).

Дайын суспензияны ішінде 100 мл физиологиялық ерітінді немесе 50 мг/мл (5) глюкоза ерітіндісі бар инфузиялық пакетке шприц пен ине көмегімен қосады және толық ерігенше абайлап араластырады. Инфузиялық пакеттен 55 мл ерітіндіні сорғызып алады және тастай салады (ерітіндінің қалған көлемінде 250 мг дорипенем болады).

Инфузия

Инфузиялық ерітіндіні енгізер алдында онда механикалық бөгде заттардың бар-жоқтығын көзбен тексеріп шығады және олар табылатын болса, оны бүлінген деп есептейді.

Дорипенемнің пайдаланылмаған ерітіндісін және басқа қалдықтарды жергілікті ережеге сәйкес утилизациялау қажет.

Дайын ерітіндіні сақтау шарттары:

Дорипенемнің ұнтағына инъекцияға арналған стерильді суды немесе 9 мг/мл (0,9 %) натрий хлоридінің ерітіндісін (физиологиялық ерітінді) қосқаннан кейін оны инфузиялық ерітіндімен сұйылтудың алдында суспензияны құтыда 30º С-ге дейінгі температурада 1 сағат бойы сақтауға болады.

Төмендегі кестеде физиологиялық ерітіндіде немесе 50 мг/мл (5%) глюкоза ерітіндісінде сұйылтылған дорипенемді бөлме температурасында немесе тоңазытқышта ұстау жағдайындағы сақтау мерзімдері көрсетілген.

Физиологиялық ерітіндіде немесе 5% глюкоза ерітіндісінде дайындалған инфузиялық ерітінділерді сақтау:

*Тоңазытқыштан алғаннан кейін инфузиялық ерітінді бөлме температурасында сақтауға рұқсат етілген уақыт ішінде пациентке енгізілуі тиіс. Бұл орайда ерітіндіні тоңазытқышта сақтаудың, ерітіндіні бөлме температурасына дейін жылытудың және ерітіндіні пациентке енгізудің жиынтық уақыты жалпы алғанда тоңазытқышта сақтаудың рұқсат етілген уақытынан асып кетпеуге тиіс.

Өте жиі ≥ 1/10

• бас ауыруы

• жүрек айнуы, диарея

Жиі ≥ 1/100 -  1/10

• ауыз қуысының кандидозы, қынап ернеуінің зеңді инфекциясы

• флебит

• бауыр ферменттері деңгейінің жоғарылауы

• қышыну, бөртпе

Жиі емес ≥ 1/1000 -  1/100

- тромбоцитопения, нейтропения

- аллергиялық реакциялар

- С.difficile-ден болған жалған жарғақшалы колит

Жиілігі белгісіз

• анафилаксия

• Стивенс-Джонсон синдромы, уытты эпидермалық некролиз

• құрысулар

• дорипенемге немесе басқа карбапенемдерге аса жоғары сезімталдық

• бета-лактамды антибиотиктерге анафилаксиялық реакциялар болған пациенттер

• балалар және 18 жасқа дейінгі жасөспірімдер

Пробенецид дорипенемнің бүйрек клиренсін төмендетеді. Пробенецид пен Дапарды бір мезгілде қолдану ұсынылмайды.

Дапар сарысудағы вальпрой қышқылының деңгейін төмендетеді. Дапарды және вальпрой қышқылын бір мезгілде қолданған кезде соңғысының концентрациясына мониторинг жүргізген жөн. Сондай-ақ баламалы бактерияларға қарсы ем немесе құрысуға қарсы қосымша ем қолдану мүмкіндігін қарастыру керек.

Дапар Р450 цитохромы жүйесінің негізгі изоферменттерін тежемейді, сондықтан, осы ферменттермен метаболизденетін препараттармен өзара әрекеттеспейді. Дапарды ферменттерді индукциялау қабілеті жоқ.

Нақты пациенттерді емдеу үшін дорипенемді таңдау кезінде, инфекцияның күрделілігі мен бактерияларға қарсы басқа да сәйкес препараттарға төзімділігінің артық және карбапенем-резистентті бактериялар үшін таңдау қауіпті болуы сияқты факторларға сүйене отырып, бактерияларға қарсы карбапенемдер препараттарын қолдану мақсатқа сай болуына назар аудару керек.

Кеш басталған (> ауруханаға жатудың 5 күні) желдеткіш-астасқан пневмониясы бар пациенттерді емдеуге арналған антибиотикті және дозаны таңдау кезінде және нозокомиальді пневмонияның басқа да жағдайларында, көкіріңдік сепсис (Pseudomonas spp.) және акинетобактериялар (Acinetobacter spp.) сияқты сезімталдығы төмен патогендер анықталғанда немесе күдік туғанда сақ болу керек.

Егер көкіріңді таяқша (Pseudomonas aeruginosa) инфекциялары анықталған немесе күдік туған жағдайда аминогликозидпен бірге қолдану көрсетілуі мүмкін.

Аса жоғары сезімталдық реакциялары

Бета-лактамды антибиотиктер қабылдап жүрген пациенттерде күрделі, ал кейде өлімге ұшырататын аса жоғары сезімталдық реакциялары (анафилаксиялық реакциялар) пайда болуы мүмкін. Пациентті Дапар препаратымен емдер алдында бұдан бұрын басқа карбапенемдерге немесе бета-лактамды антибиотиктерге аса жоғары сезімталдық реакцияларының болған-болмағанын мұқият сұрау қажет. Бұрын осындай реакциялары болған пациенттерге Дапарды аса сақтықпен қолданған жөн. Дапарға аса жоғары сезімталдық реакциялары пайда болған жағдайда оны бірден тоқтату және тиісті ем жүргізу қажет. Аса жоғары сезімталдықтың ауыр жедел реакциялары (анафилаксия) адреналинмен шұғыл ем жүргізуді және оксигенотерапияны, сұйықтықтарды, сондай-ақ антигистаминдерді, кортикостероидтарды, прессорлы аминдерді вена ішіне енгізуді қамтитын басқа шұғыл шараларды қабылдауды және тыныс алу жолдарының өткізгіштігін демеуді қажет етеді.

Құрысулар

Дорипенемді қоса, карбепенемдермен емдеу кезінде құрысулардың пайда болуы. Құрысулар көбіне орталық жүйке жүйесі (ОЖЖ) тарапының бұзылуы (мысалы, инсульт немесе анамнезде құрысудың болуы) бұрыннан бар пациенттерде, бүйрек функциясының бұзылуында және 500 мг-ден артық дозасы кезінде неғұрлым жиі кездескен.

Жалған жарғақшалы колит

Бактерияларға қарсы барлық дерлік препараттармен емдеген кезде С.difficile-ден болған жалған жарғақшалы колит пайда болуы және жеңілден өмірге қауіп төндіретін ауырлыққа дейін ауытқуы мүмкін. Сондықтан да, егер Дапарды қабылдап жүрген пациентте диарея пайда болса, дәл осы асқыну туралы ескеру қажет.

Сезімтал емес бактериялардың шамадан тыс өсуі

Төзімді микроорганизмдердің шамадан тыс көбейіп кетуін болдырмау үшін Дапар препаратымен ұзақ уақыт емдемеген жөн.

Вальпрой қышқылымен өзара әрекеттесуі

Дапар препаратын вальпрой қышқылымен/натрий вальпроатымен бірге қолдану ұсынылмайды.

Ингаляциялық енгізу кезіндегі пневмонит

Дапар препаратын ингаляциялық жолмен енгізген кезде пневмонит пайда болуы мүмкін, сондықтан оны ингаляциялық жолмен енгізбеген жөн.

Бүйректік ұзақ орын басу емі

Үздіксіз бүйректік орын басу емін алып жүрген пациенттерге дорипенем-М-1 метаболитінің әсер етуі, қазіргі таңда қауіпсіздігі жөнінде зертханалық деректер жоқ деңгейге дейін артуы мүмкін. Метаболитте мақсаттық фармакологиялық белсенділік жоқ, бірақ басқа да болуы ықтимал фармакологиялық әсерлері белгісіз. Қауіпсіздігін мұқият бақылау ұсынылады.

Балаларға арналған дозалар

Қазіргі таңда Дапар препаратын балаларға қолдану тәжірибесі жоқ.

Жүктілік және лактация

Дапар препаратын жүкті әйелдердің аздаған бөлігіне қолдану жөнінде деректер осы препараттың жүктілікке, шарана мен жаңа туған нәрестенің денсаулығына жағымсыз ықпал етпейтіндігін айғақтайды. Қазіргі таңда басқа релевантты эпидемиологиялық деректер жоқ. Дапарды жүкті әйелдерге қолдану ұсынылмайды. Препарат өте қажет жағдайда ғана тағайындалуы мүмкін.

Дорипенемнің әйелдердің емшек сүтінің құрамына енетін-енбейтіндігі белгісіз.

Дәрігер, нәресте үшін емшек сүтінің пайдасын және Дапар препаратымен емдеудің әйелдің өзі үшін пайдасын ескере отырып, бала емізуді жалғастыру немесе тоқтату жөнінде, немесе Дапар препаратымен емдеуді жалғастыру немесе тоқтау жөнінде шешім қабылдауға тиіс.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Әсер етпейді.

Симптомдары: дорипенемнің 10-14 күн бойы әр 8 сағат сайын 2 г дозадағы 1 сағаттық инфузияларын алған дені сау тұлғаларда 1 фазадағы зерттеулерде бөртпе дамуының жоғары жиілігі білінді (8 адамның 5-еуінде). Түйінді және эритематоздық элементтер түріндегі бөртпелер дорипенеммен емдеуді тоқтатқаннан кейін 10 күн ішінде басылды.

Емі: Дапарды енгізуді тоқтату және ол бүйрекпен толық шығарылғанға дейін демеуші ем жүргізу керек. Дорипенем организмнен гемодиализ арқылы шығарылады, дегенмен қазіргі кезде дорипенемнің артық дозалануы кезінде гемодиализ қолданылған бірде-бір жағдай сипатталмаған.

Шығарылу түрі және қаптамасы

Пластик қалпақшасы бар алюминий қақпақпен жабылған және инертті минеральды күшейткішімен бромбутил эластомерден жасалған тығынмен тығындалған, боросиликатты шыны құтыға препарат 250 мг-ден немесе 500 мг-ден салынған.

Пластик контейнерге бір құтыдан салынған.

1 контейнерден медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ, жарықтан қорғалған жерде, 30оС-ден аспайтын температурада сақтау керек.

Балалардың қолы жетпейтін жерде сақтау керек!

24 ай

Жарамдылық мерзімі өткеннен кейін қолдануға болмайды.

Рецепт арқылы

Гланд Фарма Лимитед, Үндістан

«Д-р Редди`с Лабораторис Лимитед», Үндістан 

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Д-р Редди’с Лабораторис Лимитед» компаниясының Қазақстан Республикасындағы өкілдігі: 050057 Алматы қ., 22 линия көшесі, 45,

абонент жәшігі 7, тел: 8(727)3941688, факс: 8(727)3941294

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Д-р Редди’с Лабораторис Лимитед» компаниясының Қазақстан Республикасындағы өкілдігі: 050057 Алматы қ., 22 линия көшесі, 45,

абонент жәшігі 7, тел: 8(727)3941688, факс: 8(727)3941294