Грипхот-C

Грипхот -С

Жоқ

Дәрілік түрі, дозалануы

Ішке қабылдау үшін ерітінді дайындауға арналған ұнтақ

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол, біріктірілімдері, психолептиктерді қоспағанда.

АТХ коды N02BE51

- жоғарғы тыныс алу жолдарының ауруларын (респираторлық аурулар, аллергиялық ринит, ринофарингит) симптоматикалық емдеу.

- тұмауға ұқсас жай-күйлердің симптоматикалық емдеу (көзден жас ағуы, мұрынның шырышты бөлінділері, түшкіру, бас ауыруы және/немесе қызба)

Қолдануды бастағанға дейін қажетті мәліметтер тізбесі

- белсенді заттарға немесе қандай да бір қосымша заттарға аса жоғары сезімталдық

- бауыр жеткіліксіздігі

- жабық бұрышты глаукома

- қуықасты безінің аденомасы

- 15 жасқа дейінгі балалар мен жасөспірімдер

Қолдану кезіндегі қажетті сақтандыру шаралары

Тұрақты жоғары температура жағдайында, суперинфекция кезінде немесе егер препаратты қабылдау аясында симптомдар 5 күннен астам сақталса, емдеуді қайта қарау қажет.

Психологиялық тәуелділік қаупі ұсынылғаннан асатын дозаларды қабылдау кезінде және ұзақ емдеу кезінде пайда болуы мүмкін.

Артық дозалануды болдырмау үшін құрамында парацетамол бар басқа дәрілік препараттарды бір мезгілде қолдануды болдырмау қажет.

Салмағы 50 кг-ден асатын ересектер үшін парацетамолдың жалпы дозасы күніне 4 грамнан аспауы тиіс.

Алкогольді қолдану немесе седативті дәрілерді қабылдау (әсіресе барбитураттар) антигистаминді препараттардың седативті әсерін күшейтеді, демек емдеу кезінде бұл біріктірілімнен аулақ болу керек.

Жедел бүйрек жеткіліксіздігі бар пациенттерде (креатинин клиренсі <10 мл/мин) қабылдау арасындағы аралық кемінде 8 сағатты құрауы тиіс.

Басқа дәрілік препараттармен өзара әрекеттесуі

Ұсынылмайтын біріктірілімдер

Алкогольмен (препаратта фенираминнің болуына байланысты)

Алькоголь Н1-антигистаминді дәрілердің седативті әсерін күшейтеді.

Назарға алынуы қажет біріктірілімдер

Басқа седативті препараттармен бір мезгілде қабылдау (фенираминнің болуына байланысты)

• морфин туындылары (анальгетиктер, жөтелді басатын дәрілер және симптоматикалық емдеу үшін), нейролептиктер

• барбитураттар

• бензодиазепиндер

• бензодиазепиндер тобына жатпайтын ансиолитиктер (мысалы, непробамат)

• гипноздық

• седативті антидепрессанттар (амитриптилин, доксепин, миансерин, миртазапин, тримипрамин)

• седативті H1-антигистаминді дәрілер

• орталықтық әсер ететін гипертензияға қарсы препараттар, баклофен және талидомид, орталық жүйке жүйесіне бәсеңдететін әсерді күшейтуі мүмкін.

Бұл біріктірілімдер көлік құралдарын басқару кезінде немесе қауіптілігі зор механизмдермен жұмыс істеу кезінде қауіпті болуы мүмкін зейін қою қабілетінің бұзылуын тудырады.

Басқа антихолинергиялық дәрілермен бір мезгілде қабылдау (фенираминнің болуына байланысты):

• Имипраминді антидепрессанттар

• Антихолинергиялық H1-антигистаминді препараттардың көбі

• Антихолинергиялық антипаркинсондық дәрілік заттар

• Антиспазмолитиктік антихолинергиялық дәрілер

• Дизопирамид,

• Фенотиазинді нейролептиктер және клозапин

Ауыздың құрғауы, несептің іркілуі, іш қату сияқты қосымша антихолинергиялық жағымсыз реакцияларға түрткі болуы мүмкін.

Арнайы сақтандырулар

Педиатрияда қолдану

Препарат 15 жасқа дейінгі балалар мен жасөспірімдерде қолдануға қарсы көрсетілімде.

Жүктілік немесе лактация кезінде

Жануарларға жүргізілген зерттеулерде және адамдарда қолданудың клиникалық деректері негізінде осы препараттың теріс әсері туралы деректер жоқ.

Алайда, сақтық шарасы ретінде бұл препаратты жүкті әйелдерге немесе бала емізетін әйелдерге қолданбаған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бұл препаратты қолдану кезінде орын алатын ұйқышылдықтың пайда болу қаупіне, әсіресе автомобиль және жоғары зейін қоюды талап ететін басқа механизмдерді басқаратын адамдарға назар аудару керек.

Қолдану жөніндегі нұсқаулар

Дозалау режимі

15 жастан асқан балалар мен ересектер үшін 1 сашеден күніне 2-3 рет. Қабылдау арасындағы аралық кем дегенде 4 сағатты құрауы тиіс.

Парацетамолдың жиынтық дозасы тәулігіне 4 граммнан аспауы тиіс.

Емдеудің ең көп ұзақтығы 5 күнді құрайды.

Пациенттердің ерекше топтары

Бүйрек жеткіліксіздігі бар пациенттер

Бүйрек жеткіліксіздігі бар пациенттерде креатинин клиренсіне байланысты дозаны азайту және препаратты қабылдау арасындағы аралықты төмендегі кестеге сәйкес ұлғайту ұсынылады:

Кесте

Парацетамолдың жиынтық дозасы тәулігіне 3 граммнан аспауы тиіс.

Бауыр жеткіліксіздігі бар пациенттер

Пациенттердің бұл тобы үшін препаратты қолдану ұсынылмайды.

Сақтық шаралары

Мынадай жағдайларда парацетамолдың күніне 60 мг/кг-ден аспайтын (күніне 3000 мг-ден аспайтын) ең төмен тиімді тәуліктік дозасын қарастырған жөн:

- дене салмағы 50 кг дейінгі ересек пациенттерде

- созылмалы алкоголизм кезінде

- ұзақ уақыт дұрыс тамақтанбау (бауыр глютатионының төмен қоры)

- сусыздану кезінде.

Енгізу әдісі және жолы

Грипхот-С бір сашенің ішіндегісін бір стақан ыстық немесе суық суда ерітіп, сұйықтықтың жеткілікті мөлшерімен қабылдаған жөн.

Тұмауға ұқсас жай-күйлерді емдеу кезінде препаратты кешке ыстық сумен қабылдау керек.

Емдеудің ең көп ұзақтығы 5 күнді құрайды.

Артық дозалану жағдайында қабылдануы қажеті шаралар

Фенираминмен байланысты реакциялар

Фенираминнің артық дозалануы келесіні туындатуы мүмкін: құрысулар (әсіресе балаларда), сананың бұзылуы, кома.

Парацетамолмен байланысты реакциялар

Егде жастағы пациенттерде және әсіресе кішкентай жастағы балаларда (бұл емдік артық дозалану нәтижесінде де, кездейсоқ та болуы мүмкін) уыттану қаупі бар; салдары өлімге әкелуі мүмкін.

Симптомдары: әдетте алғашқы 24 сағат ішінде пайда болатын жүрек айну, құсу, анорексия, бозару, іштің ауыруы.

Парацетамолдың артық дозалануы (ересектерде бір қабылдауға 10 г астам парацетамол және балаларда дене салмағына 150 мг/кг) қайтымсыз некроздың пайда болу ықтималдығы бар бауыр циррозына әкелуі мүмкін, бұл гепатоцеллюлярлық жеткіліксіздікке, метаболизмдік ацидозға, энцефалопатияға әкеледі, бұның соңы комаға әкелуі және ол өліммен аяқталуы мүмкін.

Мұнымен бір уақытта, бауыр трансаминазаларының, лактат- дегидрогеназаның және билирубиннің жоғары деңгейі протромбин деңгейінің төмендеуімен бір мезгілде байқалады, бұл қабылдағаннан кейін 12-48 сағаттан кейін байқалуы мүмкін.

Шұғыл шаралар: дереу ауруханаға жатқызу, қан плазмасындағы парацетамол құрамын анықтау үшін қан алу, пероральді қолданған жағдайда асқазанды шаю.

Емі: мүмкіндігінше препаратты қабылдағаннан кейін 10 сағаттан кешіктірмей N- ацетилцистеин антидотын вена ішіне немесе пероральді барынша жылдам енгізу.

Симптоматикалық ем.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар

Препаратты қолдану туралы сұрақтар болған жағдайда емдеуші дәрігерге жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Фенираминмен байланысты реакциялар

Молекуланың фармакологиялық қасиеттері дозаға тәуелді немесе тәуелді болмайтын, жеделдігі әртүрлі жағымсыз әсерлерге түрткі болуы мүмкін.

- емдеудің басында неғұрлым айқын байқалатын сананың бәсеңдеуі немесе ұйқышылдық

- шырышты қабықтардың құрғауы, іш қату, аккомодацияның бұзылуы, мидриаз, тахикардия, несеп іркілу қаупі сияқты антихолинергиялық әсерлер

- ортостатикалық гипотония

- тепе-теңдіктің бұзылуы, бас айналуы, есте сақтау қабілетінің немесе зейін қоюдың нашарлауы (көбінесе егде жастағы пациенттерде)

- қозғалыс үйлесімінің бұзылуы, тремор

- бағдардан жаңылу, елестеулер

- аса сирек жағдайларда қозудың жоғарылау реакциялары (қозу, күйгелектік, ұйқысыздық).

Сирек

- эритема, қышыну, экзема, пурпура, есекжем

- ісіну, Квинке ісінуі

- анафилаксиялық шок

- лейкопения, нейтропения, тромбоцитопения, гемолиздік анемия.

Парацетамолмен байланысты реакциялар

Сирек

- анафилаксиялық шок, Квинке ісінуі, эритема, есекжем және тері бөртпелері сияқты аса жоғары сезімталдық жағдайлары (егер мұндай реакциялар пайда болса, емдеуді тоқтата тұруы тиіс)

Өте сирек

- тромбоцитопения, лейкопения және нейтропения.

- ауыр тері реакциялары, олардың пайда болуы емдеуді тоқтатуды талап етеді

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір пакет (саше) ішінде

белсенді заттар: 500.00 мг парацетамол

25.00 мг фенирамин малеаты

200.00 мг аскорбин қышқылы

қосымша заттар: маннитол, E952 натрий цикламаты, сусыз лимон қышқылы, E954 натрий сахарині, лимон хош иістендіргіші#, сусыз коллоидты кремнийдің қостотығы.

#Лимон хош иістендіргішінің құрамы: мальтодекстрин, кремнийдің қостотығы, апельсин эфир майы, жөке эфир майы, цитрал, геранилацетат, линалоол, децилацетат, нерилацетат.

Сыртқы түрінің, иісінің, дәмінің сипаттамасы

Ұнтақ пен құрғақ агломераттардың ақ дерлік қоспасы.

Шығарылу түрі және қаптамасы

3,5 г ұнтақтан үш қабатты ПЭ/Ал/Қағаз үлбірден жасалған пакетте (сашеде).

10 пакеттен (сашеден) медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл.

Жарамдылық мерзімі өткеннен кейін қолдануға болмайды!

25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

Адифарм ЕАД

Мекенжайы: Симеоновско шоссе бульвары № 130, София 1700, Болгария

Тел./факс: +359 2 860 20 00

Еmail: office@adipharm.com

Тіркеу куәлігінің ұстаушысы

Адифарм ЕАД

Мекенжайы: Симеоновско шоссе бульвары № 130, София 1700, Болгария

Тел./факс: +359 2 860 20 00

Еmail: office@adipharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

АСФАРМА МЕДИКАЛ ДЕНТАЛ УРУНЛЕР ВЕ ИЛАЧ САНАИ ТИДЖАРЕТ АНОНИМ ШИРКЕТИ компаниясының өкілдігі

050000 Қазақстан Республикасы, Алматы қ., Қармысов к-сі, 90 үй

Тел: 8 (727) 291-31-47

E-mail: info.kz@asfarma.com