Гриппферон® (Интерферон альфа-2b)

Гриппферон®

Интерферон альфа-2b

Дәрілік түрі, дозасы

Мұрынға тамызатын дәрі, 10000 ХБ/мл

Антинеопластикалық және иммуномодуляциялаушы препараттар. Иммуностимуляторлар. Интерферондар. Интерферон альфа-2b.

АТХ коды: L03AB05.

Балалар мен ересектердегі тұмау мен ЖРВИ профилактикасы және емдеу.

Қолдануды бастағанға дейін қажетті мәліметтер тізбесі

- интерферон препараттарын және препарат құрамына кіретін компоненттерді жекелей көтере алмау;

- аллергиялық аурулардың ауыр түрлері.

Қолдану кезінде қажетті сақтық шаралары

Гриппферон® препаратын қолданар алдында емдеуші дәрігермен кеңесіңіз.

Басқа дәрілік препараттармен өзара әрекеттесуі

Гриппферонмен® интраназальді тамыр тарылтатын препараттарды бір мезгілде қолдану ұсынылмайды, өйткені бұл мұрынның шырышты қабығының қосымша құрғауына ықпал етеді.

Арнайы ескертулер

Жүктілік немесе лактация кезінде

Гриппферон® бүкіл жүктілік барысында және бала емізу кезеңінде қолдануға рұқсат етілген.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Гриппферон® көлік құралын немесе қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Аурудың алғашқы белгілері кезінде Гриппферон® 5 күн бойы қолданылады:

• 0 жастан 1 жасқа дейін әрбір мұрын жолына күніне 5 рет 1 тамшыдан (бір реттік доза 1000 ХБ, тәуліктік доза 5000 ХБ);

• 1 жастан 3 жасқа дейін әр мұрын жолына күніне 3-4 рет 2 тамшыдан (бір реттік доза 2000 ХБ, тәуліктік доза 6000-8000 ХБ);

• 3 жастан 14 жасқа дейін әр мұрын жолына күніне 4-5 рет 2 тамшыдан (бір реттік доза 2000 ХБ, тәуліктік доза 8000-10000 ХБ);

• ересектерге әрбір мұрын жолына күніне 5-6 рет 3 тамшыдан (бір реттік доза 3000 ХБ, тәуліктік доза 15000-18000 ХБ).

ЖРВИ және тұмаудың профилактикасы мақсатында:

• науқаспен қатынас кезінде және / немесе салқындаған кезде препаратты күніне 2 рет бір реттік жас дозасында тамызады. Қажет болса, профилактикалық курстар қайталанады;

• аурудың маусымдық жоғарылауы кезінде препаратты жасқа қатысты дозада таңертең 24-48 сағат аралықпен бір рет тамызады.

Енгізу жолы және тәсілі

Интраназальді. Әрбір тамызғаннан кейін препаратты мұрын қуысына біркелкі бөлу үшін мұрын қанаттарын саусақпен бірнеше минут уқалау ұсынылады.

Артық дозалану жағдайында қабылдануы қажет шаралар

Артық дозалану жағдайлары тіркелмеген.

Гриппферон® дәрілік препаратын қолдану тәсілін түсіндіру қажет болғанда, Сізге кеңес алу үшін емдеуші дәрігерге жүгінуді ұсынамыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар (қажет болғанда)

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ < 1/10); сирек (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес).

Жиілігі белгісіз

- аллергиялық реакциялар.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz .

Қосымша мәліметтер

Дәрілік препараттың құрамы

1 мл препараттың құрамында:

белсенді зат: адамның рекомбинантты альфа-2b интерфероны кемінде 10000 ХБ;

қосымша заттар: динатрий эдетататы дигидраты, натрий хлориді, натрий гидрофосфат додекагидраты, калий дигидрофосфаты, повидон, макрогол 4000, тазартылған су.

Сыртқы түрінің, иісінің, дәмінің сипаттамасы

Мөлдір түссіз немесе ашық сары ерітінді.

Шығарылу түрі және қаптамасы

10 мл-ден дозатор-тамшылатқышы бар пластик құтыларда немесе алғаш ашылуын бақылау қақпақтары және дозатор қондырмалары бар полимер құтыларда. 1 құтыдан медициналық қолдану жөніндегі қазақ және орыс тілдеріндегі нұсқаулықпен картон қорапшаға салынған.

2 жыл, алғаш ашқаннан кейін-30 күн.

Жарамдылық мерзімі өткеннен кейін қолдануға болмайды!

2 °С-ден 8 °С-ге дейінгі температурада сақтау керек.

Құтыны ашқаннан кейін 30 күннен артық сақтауға болмайды.

Балалардың қолы жетпейтін жерде сақтау керек!

Рецептісіз.

Өндіруші туралы мәлімет

«Фирн М» («Фирн М» ЖШҚ) жауапкершілігі шектеулі қоғамы, Ресей Федерациясы, 108804, Мәскеу қ., Кокошкино елді-мекені, Кокошкино ск, Дзержинский к-сі, 4 үй

Тел./факс: +7 (495) 956-15-43

Эл. пошта: firnm@grippferon.ru

Тіркеу куәлігінің ұстаушысы

«Фирн М» («Фирн М» ЖШҚ) жауапкершілігі шектеулі қоғамы, Ресей Федерациясы, 108804, Мәскеу қ., Кокошкино елді-мекені, Кокошкино ск, Дзержинский к-сі, 4 үй

Тел./факс: +7 (495) 956-15-43

Эл. пошта: firnm@grippferon.ru

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

ЖК «Нестеренко А.Е.», Қазақстан Республикасы, 050000, Алматы қ., Мұқанов к-сі, 104 үй.

Тел.: +77273271602, +77077862629, +77058887587,

Факс: +772727996659

Эл. пошта: pharm_vigilance@mail.ru, ip_n_nesterenko@list.ru.