Гриппостад®

• русский
• қазақша

• Скачать инструкцию медикамента

Саудалық атауы

Гриппостад®

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді заттар: парацетамол DC 208 мг

(құрамында 200 мг парацетамол және 8 мг желатин бар)

аскорбин қышқылы FС 160 мг

(құрамында 150 мг аскорбин қышқылы және

10 мг глицерол тристеараты бар)

кофеин 25 мг

хлорфенамин малеаты 2.5 мг,

қосымша зат – лактоза моногидраты,

капсула қабығының құрамы: желатин, хинолинді сары (Е 104), тазартылған су, «күн батар түстес» сары бояғыш (Е 110), титанның қостотығы (Е 171).

Сипаттамасы

Мөлдір емес ақ корпусы және мөлдір емес сары қақпағы бар, өлшемі 1, қатты желатинді капсулалар. Капсуланың ішіндегісі – ақтан сарғыш түске дейінгі ұнтақ

Фармакотерапиялық тобы

Анальгетиктер. Анальгетиктер – басқа да антипиретиктер. Парацетамол психолептиктермен біріктірілімде

АТХ коды N02BE71

Фармакологиялық қасиеттері

Фармакокинетикасы

Парацетамол

Ішке қабылдағаннан кейін парацетамол асқазан-ішек жолынан жылдам және толық сіңеді. Плазмалық концентрациясының жоғары шегіне қабылдағаннан кейін 30-60 минуттан соң жетеді.

Парацетамол организмнің бүкіл тіндерінде тез таралады. Қандағы, қан плазмасындағы және сілекейдегі парацетамол концентрациясының көрсеткіштері өзара салыстырмалы. Қан плазмасы ақуыздарымен байланысуы төмен.

Парацетамол метаболизмі, негізінен, бауырда глюкурон және күкірт қышқылдарымен конъюгациялану жолымен жүзеге асады. Емдік дозаларынан асырып қабылдаған кезде, конъюгациялану реакциясының қанығуы тез болады. Ішінара парацетамол метаболизмі Р450 цитохромы жүйесінің (ең алдымен CYP2E1) қатысуымен атқарылады, бұл N-ацетил-р-бензохинонимин метаболитінің түзілуіне апарады, оның уытсыздануы глютатион арқылы, сондай-ақ цистеинмен және меркаптур қышқылымен байланысу арқылы жүзеге асады. Айқын уыттанған жағдайда уытты метаболиттерінің саны өседі.

Парацетамол, ең алдымен, несеппен шығарылады. Сіңген мөлшерінің 90 %-ы 24 сағат ішінде негізінен глюкуронидтер (60-80 %) және байланысқан сульфат (20-30 %) түрінде бүйрек арқылы шығарылады. 5%-дан азы өзгермеген күйде шығарылады. Жартылай шығарылу кезеңі 2 сағатқа жуықты құрайды. Бауыр және бүйрек қызметі бұзылған емделушілерде, сондай-ақ артық дозаланған кезде және жаңа туған нәрестелерде жартылай шығарылу кезеңі ұзарады. Ең жоғары әсері және орташа әсер ету ұзақтығы (4-6 сағат) плазмалық концентрация деңгейімен өзара байланысты болады.

Бүйректің ауыр жеткіліксіздігі бар (креатинин клиренсі ˂ 10 мл/мин) емделушілерде парацетамол мен оның метаболитінің шығарылуы баяулайды. Егде жастағы емделушілерде парацетамолмен байланысуға қабілеттілік сақталады.

Кофеин

Ішке қабылдағаннан кейін кофеин жылдам және толық дерлік (t1/2= 2-13 минут) сіңеді және оның биожетімділігі шамамен абсолюттілікке тең. 5 мг/кг қабылдағаннан кейін Cmax мәніне 30-40 минут ішінде жетеді. Қан плазмасы ақуыздарымен байланысуы 30-дан 40 %-ға дейін түрленеді, ал таралу көлемі 0,52-1,06 л/кг құрайды. Кофеин бүкіл ағзалар мен тіндерге таралады, гематоэнцефалдық және плацентарлық бөгеттер арқылы тез өтеді және емшек сүтімен шығарылады.

Жартылай шығарылу кезеңі 4,1-ден 5,7 сағатқа дейін құрайды, дегенмен, жекеше ауытқуларына қарай, 9-10 сағатқа дейін ұзара түседі.

Кофеин және оның метаболиттері, ең алдымен, бүйрек арқылы шығарылады. 48 сағат ішінде жиналған несепте қабылданған дозаның 86 % анықталған, олардың 1,8 %-ы ғана өзгермеген кофеин түрінде шығарылады. Негізгі метаболиттері 1-метилнесеп қышқылы (12-38 %), метилксантин (8-19 %) және 5-ацетиламин-6-амин-3-метилурацил (15 %) болып табылады. Қабылданған дозаның 2-5 %-ы нәжіспен шығарылады. Метаболиттердің жалпы санының 44 %-ы 1,7-диметилнесеп қышқылын құрайды.

Аскорбин қышқылы

Аскорбин қышқылы аш ішектің проксимальді бөліктерінен сіңіріледі, сіңірілу дәрежесі концентрациясына байланысты. Бір реттік дозасын арттырған кезде биожетімділігі 1 г қабылдағаннан кейін 60-75 %-ға дейін, 3 г қабылдағаннан кейін шамамен 40 %-ға дейін және 12 г қабылдағаннан кейін 16 %-ға дейін төмендейді. Сіңірілмеген мөлшері тоқ ішек шырышында көмірқышқыл газына және органикалық қышқылға дейін ыдырайды.

Дені сау ересектерде ең жоғары тәулігіне 40-50 мг метаболизм 0.8-1.0 мг/дл плазмалық концентрация кезінде жетеді. Жалпы тәуліктік метаболизмі дене салмағына шамамен 1 мг/кг құрайды. Жоғары дозаларын қысқа мерзімде қабылдағаннан кейін плазмалық концентрациясының 4,2 мг/дл-ге тең деңгейіне 3 сағат өткен соң жетеді.

Аскорбин қышқылының 80 %-ы бүйрек арқылы өзгермеген күйде шығарылады. Жартылай шығарылу кезеңінің орташа мәні 2,9 сағат құрайды. Бүйрек арқылы шығарылуы гломерулярлық сүзілу және әріқарай проксимальді өзекшелерде кері сіңуі арқылы жүзеге асады. Дені сау ересектер плазмасында аскорбин қышқылы/дл концентрациясының жоғарғы шегі еркектерде 1.34±0.21 мг және әйелдерде 1.46±0.22 мг құрайды. Тәулігіне 180 мг жуық ұдайы қолданудан кейін организмде аскорбин қышқылы депосы 1.5 г құрайды. Гипофизде, бүйрек үсті бездерінде, көз бұршағында және лейкоциттерде жинақталады.

Хлорфенамин малеаты

Хлорфенамин плазмалық концентрациясының жоғары шегіне қабылдағаннан кейін 1-2 сағаттан соң жетеді. Әсер ету ұзақтығы 3-6 сағат құрайды. Метаболизмі, ең алдымен, гидроксилдену және конъюгациялану, сондай-ақ деметилдену арқылы және N- және S-тотықтарының түзілуімен жүзеге асады.

Ішке қабылдаған кездегі биожетімділігі алғашқы өтуінің айқын әсері нәтижесінде 25-50 % құрайды, ол бауыр қызметінің жеткіліксіздігі тұсында төмендейді. Қан плазмасы ақуыздарымен байланысуы – 69-72 %. Таралу көлемі – дене салмағына 3-7 л/кг. Жартылай шығарылу кезеңі ересектерде 15-36 сағат, ал балаларда 10-13 сағат құрайды. Бүйрек жеткіліксіздігі бар емделушілерде метаболиттерінің жартылай шығарылу кезеңінің ұзаруын күтуге болады. pH деңгейіне қарай (қышқылды немесе сілтілі орта) қабылданған дозаның 0-34 %-ы несеппен өзгермеген хлорфенамин малеаты түрінде шығарылады. Ұзақ қолданған кезде жинақталуы мүмкін.

Фармакодинамикасы

Суық тию ауруларының белгілерін жою үшін біріктірілген препарат. Ауыруды басатын, қызу түсіретін және қабынуға қарсы, сондай-ақ спазмолитикалық, бронхолитикалық, аллергияға қарсы және жалпы сергітетін әсер көрсетеді.

Парацетамол

Парацетамол ауыруды басатын, ыстық түсіретін және әлсіз қабынуға қарсы әсерлерін көрсетеді. Парацетамолдың әсер ету механизмі соңына дейін анықталмаған. Простагландиндердің орталық биосинтезінің едәуір бәсеңдеуі дәлелденген болып саналады, дәл сол уақытта шеткергі биосинтезі мардымсыз тежеледі. Сонымен қатар, парацетамол гипоталамустың жылу реттеу орталығындағы эндогенді пирогендер әсерін бәсеңдетеді.

Аскорбин қышқылы

Аскорбин қышқылы және оның метаболиті - дегидроаскорбин қышқылы тотығу-тотықсыздану үдерістерін ретке келтіруге қатысады. Аскорбин қышқылы көптеген ферментті жүйелер ко-факторы ретінде көрінеді (коллагеннің түзілуі, катехоламин синтезі, стероидтар, тирозин және бөгде заттар гидроксилденуі, карнитин биосинтезі, тетрагидрофолий қышқылының регенерациясы, сондай-ақ ақуыздардың альфа-аминделуі, мысалы АКТГ және гастрин).

Аскорбин қышқылы тапшылығы организмнің төзімділігін, әсіресе хемотаксисті, комплимент жүйесі белсенділігін және интерферон өнімдерін төмендетеді. Осы уақытқа дейін барлық молекулярлық-биологиялық функциялары белгіленген жоқ.

Аскорбин қышқылы темір тұздарының сіңірілуін және темір хелаттарының түзілуін күшейтеді. Ол бос радикалдардың қатысуымен тізбекті реакцияларды бөгейді. Аскорбин қышқылының антиоксидантты қызметі Е витамині, А витамині және каротиноидтер әсерлерімен өзара тығыз байланысты. Аскорбин қышқылы асқазан-ішек жолындағы әлеуетті экзогенді канцерогендердің залалсыздануына ықпал етеді деген дәйек толық дәлелденбеген.

Кофеин

Кофеин парацетамолдың ауыруды басатын әсерін күшейтетін ксантин туындысы болып табылады.

Хлорфенамин малеаты

Хлорфенамин малеаты Н1-рецепторларының классикалық блокаторы болып табылады, ол гистаминнің әсерін және соның салдарынан туындайтын иммундық реакцияларды бәсеңдетеді. Тұмау тәрізді жай-күйлерде бұл қылтамырлар өткізгіштігінің және тегіс бұлшықеттер, атап айтқанда, бронхтардың тегіс бұлшықеті жиырылуының жоғарылауымен көрініс береді. Хлорфенамин малеаты осындай реакциялардың пайда болуына кедергі келтіреді. Мұрынның шырышты қабығының ісінуін басу және секрет бөлінісінің азаюы мұрынмен демалудың қалпына келуіне ықпал етеді.

Қолданылуы

• бас ауыруымен, миалгиямен, артралгиямен, мұрынның бітелуімен және құрғақ жөтелмен қатар жүретін жұқпалы-қабыну аурулары кезіндегі қызба синдромында

Қолдану тәсілі және дозалары

Гриппостад® ересектерге күніне 3 рет 2 капсуладан тағайындалады. Ең жоғары тәуліктік доза 10 капсуладан аспауы тиіс.

Бауыр немесе бүйрек қызметінің бұзылуы, сондай-ақ Жильбер синдромы бар емделушілерде препарат дозасын азайту немесе қабылдаулар арасындағы аралықты ұзарту қажет.

Капсулалар жеткілікті сұйықтық мөлшерімен ішу арқылы қабылданады.

Гриппостад® ұзақ уақыт бойы немесе жоғары дозаларда дәрігер кеңесінсіз қолданылмауы тиіс.

Жағымсыз әсерлері

Жиі (≥1/100 - <1/10)

• ауыздың құрғауы

Жиі емес (≥1/1000 - <1/100)

• терінің аллергиялық реакциялары (эритематозды немесе уртикарлы бөртпелер)

• дене температурасының көтерілуі (дәрілік қызба)

• шырышты қабықтардың зақымдануы

Сирек (≥1/10000 - <1/1000)

• бауыр трансаминазалары деңгейінің жоғарылауы

Өте сирек (<1/10000)

• қан көрінісінің өзгерістері: лейкопения, нейтропения, агранулоцитоз, тромбоцитопения, тромбоцитопениялық пурпура, панцитопения, апластикалық анемия, препаратты үлкен дозаларда қабылдағанда – метгемоглобинемия

• дискинезия (қозғалыс бұзылыстары)

• глаукоманың дамуы (жабық бұрышты глаукома), көрудің нашарлауы

• тыныс алу жолдарының аса жоғары сезімталдығы, бейімділігі бар емделушілердегі бронх түйілуі (анальгетикалық демікпе)

• асқазан-ішек жолы тарапынан болатын реакциялар: жүрек айну, құсу эпигастральді ауыру

• несеп шығарудың бұзылуы, бүйректің зақымдануы (жоғары дозада ұзақ қолданудан кейін)

• тәбеттің артуы

• тамыр ісінуі, ентігу, қатты терлеу, жүрек айну, артериялық қысымның қан айналымы бұзылуына және анафилактикалық шокқа дейін төмендеп кетуі сияқты парацетамолға аса жоғары сезімталдықтың ауыр реакциялары

• психоздық реакциялар

Жиілігі белгісіз

• парацетамол қабылдау фосфор-вольфрам қышқылының көмегімен қандағы несеп қышқылын анықтау және глюкоза-оксидаза-пероксидаза әдісімен қандағы глюкоза деңгейін анықтау нәтижелеріне ықпал етуі мүмкін

• аскорбин қышқылын 1 г дозада қабылдағаннан кейін несептегі аскорбин қышқылының концентрациясы әртүрлі клиникалық-химиялық параметрлерді (глюкоза, несеп қышқылы, креатинин және органикалық емес фосфаттар) бағалауды қиындататын сипатта көтеріледі, сондай-ақ нәжістегі қанды анықтауға жасалған талдау тұсында сенімсіз теріс нәтиже беруі мүмкін. Жалпы, аскорбин қышқылын қабылдағаннан кейін түсті реакцияларға негізделген химиялық әдістердің нәтижелеріне баға беру қиындай түседі;

• хлорфенамин малеаты аллергендерге жасалған тері тестілерінің нәтижелеріне әсер етуі мүмкін

• жүрек ырғағының бұзылуы (тахикардия)

• тыныштандыру әсері, ұйқышылдық

• жекелеген жағдайларда препарат қабылдау және Стивенс-Джонсон синдромы мен уытты эпидермалық некролиз (Лайелл синдромы) сияқты буллёзді тері реакцияларының дамуы арасында уақытша өзара байланыс бары байқалды

Қолдануға болмайтын жағдайлар

• препарат компоненттеріне аса жоғары сезімталдық

• бүйрек қызметінің ауыр бұзылулары

• бауыр қызметінің ауыр бұзылулары (Child-Pugh > 9)

• тұқым қуалаған галактоза көтере алмаушылық, Лапп лактаза тапшылығы, глюкоза және галактоза мальабсорбциясы

• 18 жасқа дейінгі балалар мен жасөспірімдерге

• жүктілік және лактация кезеңі

Дәрілермен өзара әрекеттесуі

• асқазанның босатылуын баяулататын пропантелин сияқты дәрілік заттармен бірге қолдану сіңірілуін төмендетуі, тиісінше, парацетамолдың әсерін баяулатуы мүмкін

• асқазанның босатылуын жеделдететін препараттармен, мысалы, метоклопрамидпен бір мезгілде қолдану препарат әсерін жылдамдатуы және парацетамолдың уыттылығын күшейтуі мүмкін

• зидовудинмен бірге қолдану нейтропенияның даму қаупін арттырады. Дәрігермен кеңескеннен кейін ғана зидовудинмен бір мезгілде қолдануға болады

• пробенецид парацетамолдың глюкурон қышқылымен байланысуын бәсеңдетіп, сол арқылы парацетамол клиренсінің төмендеуіне апарады. Пробенецидпен бір мезгілде қолданғанда препарат дозасын азайту керек

• салициламидтер препараттың жартылай шығарылу кезеңін ұзартуы мүмкін

• бауыр ферменттерінің индукциясына әкелетін дәрілік препараттармен бір мезгілде қабылдаған кезде сақтану қажет, өйткені бауырға уытты әсер ету қатері артады

• Гриппостад® ұзақ уақыт пайдаланылған жағдайда (бірнеше апта бойы) және антикоагулянттарды бір мезгілде пайдаланғанда сақтық таныту қажет, өйткені соңғыларының әсері күшеюі мүмкін

• холестираминмен бір мезгілде қолдану Гриппостад® әсерінің әлсіреуіне әкеледі, бұл парацетамол сіңірілуінің төмендеуінен болады

• Гриппостадты® алкогольмен немесе ОЖЖ қызметін бәсеңдететін препараттармен бір мезгілде қолдану соңғыларының тыныштандыратын әсерін күшейтеді

• Гриппостад® барбитураттар, антигистаминдер және т.б. сияқты әр түрлі заттардың тыныштандырғыш әсерін әлсіретуі мүмкін

• тироксинмен және симпатомиметиктермен бір мезгілде қабылдау соңғыларының тахикардиялық әсерінің күшеюіне әкеледі

• теофиллинмен бір мезгілде пайдаланғанда соңғысының шығарылуы баяулауы ықтимал

• кофеин және әсер ету ауқымы кең заттардың біріктірілімі (мысалы, бензодиазепиндер) жекелей әр түрлі және болжамдалмаған өзара әрекеттесуді туындатуы мүмкін

• ішуге арналған контрацептивтер, циметидин және дисульфирам бауырда кофеиннің ыдырауын төмендетеді, ал барбитураттар және никотин күшейтеді

• хинолон-карбон типті гираза тежегіштерімен бірге қолдану препарат компоненттерінің шығарылуын төмендетуі мүмкін

Айрықша нұсқаулар

Гриппостад мынадай жай-күйлерде ерекше сақтықпен немесе тек дәрігермен кеңескеннен кейін қолданылуы тиіс:

• бүйрек қызметінің бұзылуы

• бауыр қызметінің бұзылуы (Child-Pugh < 9)

• Жильбер синдромы

• оксалатты уролитиаз

• темірдің жиналуынан болатын аурулар (талассемия, гемохроматоз, орақ тәрізді-жасушалы анемия)

• алкогольді шамадан тыс тұтынудың ұзаққа созылуы

• пилородуоденальді тарылу және өт қабының тарылуы

• жабық бұрышты глаукома

• асқазанның және 12 елі ішектің ойық жаралы ауруы

• гипертиреоидизм

• жүрек ырғағының бұзылуы (тахикардияның және экстрасистолалардың күшею қаупі)

• үрейлену жағдайы (көріністерінің күшею қаупі)

Жоғары температурада, салдарлы жұқпалардың даму белгілерінде, симптоматика күшейгенде немесе жай-күй одан әрі нашарлағанда дәрігермен кеңесу қажет.

Құрамында парацетамол бар дәрілік заттар ұзақ уақыт бойына немесе ұсынылған дозаларынан асырып қолданылмауы тиіс.

Ауыруды басатын дәрілердің жоғары дозаларын ұзақ уақыт қолдану препарат дозасын арттырумен емдеуге болмайтын бас ауыруының дамуына әкелуі мүмкін.

Сонымен қатар, құрамында парацетамол бар дәрілік заттардың бәрі сияқты, ұсынылғанынан асып кететін дозаларда Гриппостад® қабылдау бауырдың зақымдануына әкелуі мүмкін. Мұндай жағдайда препарат қабылдауды дереу тоқтату қажет.

Препараттың артық дозалануының алдын алу мақсатында ең жоғары тәуліктік дозасынан асыруға болмайтынын есте сақтау керек.

Жекелеген жағдайларда тұқым қуалайтын глюкоза-6-фосфат дегидрогеназа тапшылығы бар емделушілерде аскорбин қышқылын үлкен дозаларда қабылдағаннан кейін (тәулігіне 4 г) ауыр гемолитикалық анемияның даму жағдайлары орын алды. Осыған орай, ұсынылған дозасынан асыруға болмайды.

Тас түзілуіне бейім емделушілерде аскорбин қышқылын үлкен дозаларда қабылдау салдарынан кальцийоксалатты тастардың түзілу қаупі артады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тіпті препаратты тиісінше қолданғанның өзінде реакциялар шапшаңдығы көлік құралын немесе қауіптілігі зор механизмдерді басқару қабілеті нашарлайтын дәрежеге дейін өзгеруі мүмкін. Әсіресе, бұл препаратты алкогольмен қосып қолдануға қатысты.

Артық дозалануы

Симптомдары: 24 сағат ішінде тері жабындарының бозаруы, тәбеттің төмендеуі, жүрек айну, құсу, іштің ауыруы, бауырдың зақымдану көрсеткіші ретінде іштің орташа ауыруының сақталуына қарамастан, жағдайдың кейіннен субъективті жақсаруы; «бауыр» трансаминазалары белсенділігінің, дегидрогеназа мен билирубин лактатының жоғарылауы, тромбопластиндік уақыттың ұзаруымен біріктірілімде (қабылдағаннан кейін 12-48 сағаттан соң); бауыр зақымдануының клиникалық ауқымды көрінісі 2 күн өткен соң білінеді және шегіне 4-6 күннен кейін жетеді. Бір реттік қабылдау кезінде парацетамолдың 6 г жуық және одан артық дозада артық дозалануы бауыр жасушалары некрозына әкеледі, бұл тұтастай қайтымсыз некрозға, және кешірек гепатоцеллюлярлық жеткіліксіздікке, метаболикалық ацидозға және одан әрі кома мен өліммен аяқталатын энцефалопатияға әкелуі мүмкін. Парацетамолдың артық дозалануы кезінде бауырдың күрделі зақымдануы жоқ болса да, жедел бүйрек жеткіліксіздігі мен бүйрек өзекшелері некрозы, сондай-ақ миокард тарапынан бұзылудың және панкреатит дамуы мүмкін.

Препараттың артық дозалануы беттің ысынуымен, атаксиямен, мазасыздықпен, елестеулермен, бұлшықеттің дірілдеуімен, құрысулармен, қарашықтардың кеңеюімен, ауыз кеберсуімен, іш қатулармен және температураның көтерілуімен көрініс беретін антихолинергиялық синдромның дамуына әкелуі мүмкін. Әрі қарай ОЖЖ тарапынан белгілері байқалуы мүмкін (елестеулер, қозғалыс үйлесімінің бұзылуы немесе құрысулар). Соңғы мәредегі белгілері кома, тыныс алудың тоқтауы және жүрек-қантамыр коллапсы болып табылады. Кофеинді 1 г және одан артық қабылдаған кезде қысқа мерзім ішінде тремор, ОЖЖ, жүрек-қантамыр жүйесі тарапынан реакциялар (тахикардия, миокард зақымдануы) дамуы мүмкін. Аскорбин қышқылын 4 г артық қабылдаудан кейін асқазан-ішек симптоматикасымен қатар жүретін транзиторлық осмостық диарея дамуы мүмкін, ол әрқашан 10 г астам қабылдағанда дамиды.

Емі: симптоматикалық. Егер клиникалық көрінісі парацетамолмен уыттануды көрсеткен жағдайда, артық дозаланғаннан кейін 8-9 сағаттан соң SH-тобы донаторлары және глутатион-метионин синтезінің ізашарлары және 12 сағаттан соң N-ацетилцистеин енгізіледі. Әріқарай метионин мен N-ацетилцистеин енгізу қажеттілігі қандағы парацетамол концентрациясына, сондай-ақ оны қабылдаудан кейінгі өткен уақытқа қарай анықталады.

Шығарылу түрі және қаптамасы

10 капсуладан ПВХ/ПВДХ үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 немесе 2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

Телефон: + 49 6101 603-0

Телефакс: + 49 6101 603-259

Веб сайт: http://www.stada.de

Тіркеу куәлігі иесінің атауы және елі

ШТАДА Арцнаймиттель АГ, Германия

ҚР аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Нижфарм» ААҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e–mail: almaty@stada.kz