Гриппол® плюс (Вакцина гриппозная тривалентная инактивированная полимер-субъединичная)

• русский
• қазақша

• Скачать инструкцию медикамента

Саудалық атауы

Гриппол® плюс

Полимер-суббірлікті белсенділігі жойылған үш валентті тұмау вакцинасы

Халықаралық патенттелмеген атауы

Жоқ

Дәрілік түрі

Бұлшықет ішіне және тері астына енгізуге арналған суспензия, 0,5 мл

Құрамы

Бір иммунизациялаушы дозасының (0,5 мл) құрамында

белсенді заттар: А типті тұмау вирусының аллантоисты антигені:

А(Н1N1)* ……5 мкг гемагглютинин;

А(Н3N2)* ……5 мкг гемагглютинин

В типті тұмау вирусының аллантоисты антигені* …….

5 мкг гемагглютинин

дәрілік түрлері мен вакцина дайындауға арналған

лиофилизат полиоксидоний® .......500 мкг.

қосымша зат – фосфатты-тұзды буферлі ерітінді 0,5 мл дейін.

* Ағымдағы эпидемиологиялық маусым үшін маңызды штаммдар көрсетіледі.

Сипаттамасы

Түссіз немесе сарғыш реңді, сәл бозаңданатын сұйықтық.

Фармакотерапиялық тобы

Тұмауға қарсы вакциналар. Тұмау вирусы – белсенділігі жойылған, сплит-вакцина (ыдыратылған) немесе беткейлік антигендер.

АТX коды J07BB02

Иммунобиологиялық қасиеттері

Вакцина тұмауға қарсы спецификалық иммунитеттің жоғары деңгейінің қалыптасуын туғызады. Вакцинациядан кейінгі қорғаныс әсері, соның ішінде егде жастағы тұлғаларда да әдетте, 8-12 күннен кейін басталады және 12 айға дейін сақталады. Әр түрлі жастағы тұлғаларда тұмау вирустарына антиденелердің қорғағыш титрлары вакцинацияланғандардың 76-95% -ында анықталады.

Вакциналық препаратқа кең ауқымды иммунофармакологиялық әсері бар Полиоксидоний иммуномодуляторының қосылуы антигендердің тұрақтылығы мен иммуногенділігінің ұлғаюын қамтамасыз етеді, иммунологиялық жадыны көтеруге, антигендердің егу дозасын айтарлықтай (3 есеге) төмендетуге, иммундық статустың түзетілуі арқасында ағзаның басқа жұқпаларға төзімділігін арттыруға мүмкіндік береді.

Қолданылуы

Балаларда 6 айдан бастап, жасөспірімдер мен ересектерде жас шамасына қарамай тұмаудың спецификалық түрде алдын алу үшін.

Егуге жатқызылатын контингенттер. Вакцина әсіресе мыналарға көрсетілген:

1. Тұмаумен ауырған жағдайда асқынулар қаупі жоғары тұлғаларда:

• 60 жастан асқандарға; мектеп жасына дейінгі балаларға, оқушыларға;

• ЖРА-мен жиі ауыратын, созылмалы соматикалық аурулары бар, соның ішінде: орталық жүйке, жүрек-қантамыр және бронх-өкпе жүйелерінің аурулары мен дамуының ақаулары, бронх демікпесі, бүйректің созылмалы аурулары, қант диабеті, зат алмасу аурулары, аутоиммундық аурулар, аллергиялық аурулар (тауық жұмыртқасының ақуызына аллергиядан басқа); созылмалы анемиясы, туа біткен немесе жүре пайда болған иммунитет тапшылығы, АИВ-пен жұқпаланған ересектер мен балаларға;

2. Мамандығына байланысты тұмаумен ауыру немесе оны басқаларға жұқтыру қаупі жоғары тұлғаларға:

• медицина қызметкерлеріне, білім беру мекемелерінің қызметкерлеріне, әлеуметтік қызмет көрсету салаларына, көлік, сауда, милиция, әскери қызметкерлер және т.б.

Қолдану тәсілі мен дозалары

Вакцинация күзгі-қысқы кезеңде жыл сайын жүргізіледі. Тұмаумен ауырудың эпидемиялық өршуі басталған кезде вакцинациялауға болады.

3 жастан асқан балаларға, жасөспірімдер мен ересектерге вакцинаны бұлшықет ішіне немесе иықтың сыртқы бетінің үстіңгі үштен бір бөлігіне тері астына терең (дельта тәрізді бұлшықетке), кішкентай балаларға – санының алдыңғы бүйір бөлігінің беткейіне бұлшықет ішіне енгізеді.

6 айдан 35 айға дейінгі балаларды қоса алғанда 3-4 апта арлықпен екі қайтара 0,25 мл.

36 айдан асқан балалар мен ересектерге вакцинаны 0,5 мл дозада бір рет енгізеді.

Бұрын тұмаумен ауырмаған және вакцинацияланбаған балаларға вакцинаны 3-4 апта аралықпен екі қайтара енгізуге болады.

Иммунитет тапшылығы бар және иммуносупрессивті ем алып жүрген емделушілерге вакцина 0,5 мл-ден 3-4 апта аралықпен екі қайтара енгізілуі мүмкін.

0,25 мл (дозасының ½-і) вакцина енгізу көрсетілген балаларды иммунизациялау үшін, поршеньді еккіштің корпусында белгіленген арнайы сызыққа дейін немесе заттаңбаның шетіне салынған қызыл түсті таңбаға дейін баса отырып, еккіштің ішіндегісінің жартысын шығарып жіберу және қалған 0,25 мл-сін енгізу қажет.

Бір дозалы бір реттік еккішпен (еккіш-доза)жұмыс жасау жөніндегі нұсқаулар

Пайдаланар алдында вакцинаны бөлме температурасында ұстаңыз және еккішті тікелей инъекция алдында сілкіңіз. Иненің қорғағыш қалпақшасын шешіңіз және еккішті инесін жоғары қаратып тігінен ұстап тұрып және поршенін жаймен баса отырып, ондағы ауаны шығарып жіберіңіз.

Жағымсыз әсерлері

Вакцина тазартылуы жоғары препарат болып табылады, балалар мен ересектерде жақсы көтерімді.

Енгізілген жерде сирек ауырсыну, ісіну және терінің қызаруы түріндегі реакциялар дамуы мүмкін.

Өте сирек жекелеген тұлғаларда дімкәстану, бас ауыруы, температура жоғарылауы, жеңіл тұмаурату, тамақтың ауыруы түріндегі жалпы реакциялар болуы мүмкін. Аталған реакциялар әдетте 1-3 күннен кейін өздігінен басылады.

Аса сирек, кез-келген вакцинациядағы сияқты аллергиялық реакция, миалгия, невралгия, парестезия, неврологиялық бұзылыстар байқалуы мүмкін.

Егер нұсқаулықта көрсетілген жағымсыз әсерлердің кез-келгені ушыға бастаса немесе Сіз кез-келген басқа жағымсыз әсерлерді байқасаңыз, бұл туралы дәрігерге хабарлаңыз.

Қолдануға болмайтын жағдайлар

- Тауық жұмыртқасының ақуызына және вакцина компоненттеріне аллергиялық реакция.

- Жедел қызба жағдайлары немесе созылмалы аурудың өршуі (вакцинацияны сауыққанннан кейін немесе ремиссия кезеңінде жүргізеді).

- Бұрын тұмау вакциналарын енгізуге аллергиялық реакциялары болған адамдар

- Ауыр емес ЖРВЖ, ішектің жедел ауруларында вакцинацияны температура қалпына түскеннен кейін жүргізеді.

Дәрілермен өзара әрекеттесуі

Гриппол® плюс вакцинасын Профилактикалық егулердің Ұлттық күнтізбесіндегі (БЦЖ мен БЦЖ-М қоспағанда) белсенділігі жойылған және тірі вакциналарымен және Эпидемиялогиялық көрсеткіштер бойынша профилактикалық егулер күнтізбесінің (антирабиялықты қоспағанда) белсенділігі жойылған вакциналарымен бір мезгілде қолдануға болады. Сонымен қатар қолданылатын әр вакцинаға қарсы көрсетілімдер ескерілуі тиіс; препараттарды дененің әр түрлі жерлеріне әр түрлі еккіштермен енгізу керек.

Вакцинаны негізгі ауруды базистік емдеу аясында енгізуге болады. Иммуносупрессивті ем (кортикостероидтар, цитоуытты препараттар, радиотерапия) алып жүрген емделушілерді вакцинациялаудың тиімділігі төмен болуы мүмкін.

Айрықша нұсқаулар

Егу жүргізілетін күні вакцинацияланатын адамдарды дәрігер (фельдшер) міндетті түрде термометриямен тексеріп шығуы тиіс. Температура 37,0 °С-ден асса, вакцинация жүргізілмейді.

Дәрігер иммунитет тапшылығы, аллергия немесе алдыңғы вакцинацияға әдеттен тыс реакцияның бар екендігінен, сондай-ақ, вакцинация уақытымен сәйкес келетін немесе вакцинацияның алдындағы кез-келген емдеуден хабардар болуы тиіс.

Бүтіндігі немесе затбелгісі бүлінген, физикалық қасиеттері өзгерген (түсі, мөлдірлігі), жарамдылық мерзімі өтіп кеткен, сақтау шарттарының талаптары бұзылған еккіш-дозалардағы препарат қолдануға жарамсыз.

Сақтандыру шаралары.

Көктамыр ішіне енгізуге болмайды! Вакцинация жүргізілетін кабинеттерде шокқа қарсы емдейтін дәрілер болуы қажет. Вакцинацияланған адам иммунизациялаудан кейін 30 минут бойы медицина қызметкерінің қадағалауында болуы тиіс.

Жүктілік және лактация

Белсенділігі жойылған тұмау вакциналарын қолдану тәжірибесі вакцинацияның ұрыққа тератогендік немесе уытты әсер етпейтінін көрсетеді. Жүкті әйелдерді вакцинациялау туралы шешімді дәрігер жекелей, тұмаумен жұқпалану қаупі мен тұмау жұқпасының ықтимал асқынуларын есепке ала отырып қабылдайды. Екінші және үшінші триместрлерде вакцинациялау анағұрлым қауіпсіз.

Бала емізу вакцинациялау үшін қарсы көрсетілім болып табылмайды.

Дәрілік заттардың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері

Бұл вакцинаны пайдалану автокөлік немесе басқа техниканы басқару қабілетіне әсер етпейді.

Артық дозалануы

Ұсынылған дозалары сақталған жағдайда артық дозаланған жағдайлар тіркелмеген.

Шығарылу түрі мен қаптамасы

Бір рет қолданылатын, сыйымдылығы 1 мл еккіштерде 0.5 мл (1 доза) суспензиядан.

1 еккіштен полимер жабыны бар алюминий фольгамен немесе полимер жабыны бар ламинацияланған қағазбен қапталған поливинилхлоридті үлбірден жасалған пішінді ұяшықты қаптамаға салады.

1 пішінді ұяшықты қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салады.

Сақтау және тасымалдау шарттары

Жарықтан қорғалған жерде, 2°С-ден 8°С-ге дейінгі температурада сақтау керек.

Балалардың қолы жетпейтін жерде сақтау керек.

Мұздатып қатыруға болмайды!

Мұздатып қатырылған препарат қолдануға жарамайды.

Жарық өткізбейтін контейнерлерде, 2°С-ден 8°С-ге дейінгі температурада, мұздатып қатырылуын болдырмайтын жағдайларда тасымалданады. 25°С-ге дейінгі температурада 6 сағат бойы тасымалдануына жол беріледі.

Сақтау мерзімі

1 жыл. Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«НПО Петровакс Фарм» ЖШҚ

Ресей Федерациясы, 142143, Мәскеу облысы, Подольск ауданы, Покров ауылы, Сосновая к-сі, 1 үй, тел./факс: +7 (495) 926-21-07, e -mail: info@petrovax.ru

Тіркеу куәлігінің иесі

«НПО Петровакс Фарм» ЖШҚ

Ресей Федерациясы, 142143, Мәскеу облысы, Подольск ауданы, Покров ауылы, Сосновая к-сі, 1 үй, тел./факс: +7 (495) 926-21-07, e -mail: info@petrovax.ru

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы