Глютаминовая кислота (таблетки, 250 мг)
Инструкция
-
русский
-
қазақша
Саудалық атауы
Глютамин қышқылы
Халықаралық патенттелмеген атауы
Глутамин қышқылы
Дәрілік түрі
Ішекте еритін қабықпен қапталған таблеткалар, 250 мг
Құрамы
Бір таблетканың құрамында
белсенді зат – 250.0 мг глутамин қышқылы (L-глютамин қышқылы),
қосымша заттар: картоп крахмалы, тальк, кальций стеараты, желатин
қабығы: ацетилфталилцеллюлоза (целлацефат).
Сипаттамасы
Дөңгелек, екі жағы дөңес, ақ немесе әлсіз сарғыш реңді ақ дерлік түстегі ішекте еритін қабықпен қапталған таблеткалар.
Фармакотерапиялық тобы
Жүйке жүйесі ауруларын емдеуге арналған басқа да препараттар. Жүйке жүйесі ауруларын емдеуге арналған өзге де препараттар.
АТХ коды N07XX
Фармакологиялық қасиеттері
Фармакодинамикасы
Орталық жүйке жүйесіндегі метаболиялық үдерістерді реттейтін дәрі; ноотроптық, уытсыздандыратын, аммиакты байланыстыратын әсер етеді. Мида жоғары метаболиялық белсенді нейромедиатор рөлін ойнайтын алмастырылатын амин қышқылы мида тотығу қалпына келу, ақуыз алмасу үдерісін көтермелейді. Жүйке және эндокринді жүйенің функциональдік жай-күйін өзгерте отырып, зат алмасуын қалпына келтіреді. Орталық жүйке жүйесінің синапстарындағы қозудың берілуін көтермелейді; аммиакты байланыстырады және сыртқа шығарады. Миофибрилл компоненттерінің бірі болып табылады, басқа амин қышқылдары мен ацетилхолиннің, аденозинтрифосфаттың, мочевинаның синтезіне қатысады, мидағы калий иондарының тасымалдануына және қажетті концентрациясының сақталуына ықпал етеді, тотығу-тотықсыздану әлеуетінің төмендеуін тежейді, организмнің гипоксияға төзімділігін арттырады, көмірсулар мен нуклеин қышқылдары арасындағы байланыструшы тізбек қызметін атқарады, қан мен тіндердегі гликолиз көрсеткіштерінің құрамын қалпына келтіреді; гепатоқорғаушы әсер етеді, асқазнның секреторлық қызметін бәсеңдетеді.
Фармакокинетикасы
Сіңуі - жоғары. Гистогематикалық бөгет (оның ішінде гематоэнцефалдық бөгет арқылы), жасуша қабығы мен субжасушалық түзілістер жарғақшалары арқылы жақсы өтеді. Бұлшықет пен жүйке тіндерінде, бауыр мен бүйректе жинақталады. Бүйректермен 4-7% өзгермеген күйінде шығарылады.
Қолданылуы
Кешенді ем құрамында қолданылады.
Ересектерге:
-
эпилепсияда (негізінен кіші ұстамалар эквивалентімен)
-
соматогенді, инволюциялық, уыттану психоздарда, депрессия құбылысымен реактивті жағдай, қажу
Балаларға:
-
психикалық дамудың кідіруі, Даун ауруында, балалардағы церебральді салдануда
-
полиомиелит (жедел және қалпына келтіру кезеңі)
-
препрараттар туындатқан (изоникотин қышқылы гидразидтерінің туындылары) нейроуыттылық әсерлердің алдын алуға және қайтаруға арналған
Қолдану тәсілі мен дозалары
Препарат тамақтануға дейін 15-20 минут бұрын ішке тағайындалады.
Ересектер бір реттік дозада күніне 2-3 рет 1 г (4 таблеткадан) қабылдайды. 6 жастағы балаларға – 0,5 г (2 таблетка), 7-9 жас – 0,5-1 г (2-4 таблетка), 10 жастағылар және одан үлкендер – күніне 2-3 рет 1 г (4 таблетка).
Емдеу курсы 1-2-ден 6-12 айға дейін.
Жағымсыз әсерлері
-
аллергиялық реакциялар
-
жүрек айнуы, құсу, іштің ауыруы, диарея
-
қатты қозу,
-
гемоглобин деңгейінің төмендеуі, лейкопения, ауыз қуысы шырышты қабығының тітіркенуі, еріннің жарылуы (ұзақ уақыт бойы қолданған кезде)
Қолдануға болмайтын жағдайлар
-
препарат компоненттеріне жоғары сезімталдық
-
қызба синдромы
-
бауыр және/немесе бүйрек жеткіліксіздігі
-
асқазан мен 12 елі ішектің ойық жарасы
-
анемия, лейкопения, сүйеккемігі қан түзілуінің бәсеңдеуі
-
қатты қозу, қатты өрши өтетін психоздық реакциялар
-
нефротикалық синдром
-
семіргенде
-
6 жасқа дейінгі балалар
-
лактация кезеңі
Дәрілермен өзара әрекеттесуі
Изоникотин қышқылы гидразиді тобындағы препараттар (изониазид, фтивазид және б.) туғызған нейроуыттылық құбылыстарының алдын алу және емдеу үшін тиамин және пиридоксинмен біріктіріп қолданады.
Айрықша нұсқаулар
Емдеу кезеңінде қан мен несептің жалпы клиникалық талдауларын тұрақты жүргізу керек.
Диспепсиялық құбылыс дамыған кезде препаратты тамақтану кезінде немесе тамақтанғаннан кейін қабылдайды.
Жүктілік пен лактация кезеңі
Жүктілік кезеңінде препаратты қолдану қауіпсіздігінің барабар және бақыланатын клиникалық зерттеулері жүргізілмеген. Ана үшін болжанатын пайда ұрық үшін қауіптен артқан жағдай да ғана қолдануға болады.
Емдеу кезеңінде бала емізуді тоқтатуға қатысты мәселелерді шешіп алу керек.
Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері
Препараттың жүйке жүйесіне ықпал ету мүмкіндігін ескере отырып, көлік құралдарын басқару немесе басқа механизмдермен жұмыс жасау кезінде препаратты қолдануда сақтық таныту керек.
Артық дозалау
Симптомдары: іштің ауыруы, жүрек айнуы, құсу
Емі: асқазанды шаю, белсенділендірілген көмірді қабылдау, қажет болған кезде - белгілеріне қарай ем жүргізу.
Шығарылу түрі мен қаптамасы
Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 10 таблеткадан салынған.
Пішінді ұяшықты қаптама мемлекеттік және орыс тілдеріндегі қолдану жөніндегі нұқсқаулықтың тең санымен бірге гофрланған картоннан жасалған жәшікке салынған.
Сақтау шарттары
Құрғақ жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
“Татхимфармпрепараты” ААҚ, Ресей
420091, Қазан қаласы, Беломорская көшесі, 260
тел. (843) 571-85-58; факс (843) 571-85-38
E-mail: marketing@tatpharm.ru
Тіркеу куәлігінің иесі
«Татхимфармпрепараты» ААҚ, Ресей
Казақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Мега Фарм Плюс» ЖШС, ОҚО, Шымкент қ-сы, Пограничная к-сі, №2/А
Тел./факс: (725) 240 92 85
e-mail: Megafarmplus@yandex.kz