Глюкофаж® (1000 мг)

МНН: Метформин
Производитель: Мерк Сантэ с.а.с.
Анатомо-терапевтическо-химическая классификация: Metformin
Номер регистрации в РК: № РК-ЛС-5№014846
Информация о регистрации в РК: 28.01.2020 - бессрочно
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 22.46 KZT

Инструкция

Саудалық атауы

Глюкофаж®

Халықаралық патенттелмеген атауы

Метформин

Дәрілік түрі

Үлбірлі қабықпен қапталған 500 мг, 850 мг және 1000 мг таблеткалар

Құрамы

Бір таблетканың құрамында

белсенді зат – 500 мг, 850 мг немесе 1000 мг метформин гидрохлориді,

қосымша заттар: повидон, магний стеараты,

үлбірлі қабықтың құрамы - гидроксипропилметилцеллюлоза, 1000 мг таблеткада – таза опадрай YS-1-7472 (гидроксипропилметилцеллюлоза, макрогол 400, макрогол 8000).

Сипаттамасы

Глюкофаж 500 мг және 850 мг: дөңгелек, ақ түсті үлбірлі қабықпен қапталған, екі жағы дөңес таблеткалар.

Глюкофаж1000 мг: сопақша, ақ түсті үлбірлі қабықпен қапталған, екі жағы дөңес, екі жақ бетінде бөлетін сызығы және бір жақ бетінде «1000» деген өрнегі бар таблеткалар.

Фармакотерапиялық тобы

Қант диабетін емдеуге арналған дәрі. Қантты төмендету үшін ішу арқылы қабылданатын препараттар. Бигуанидтер. Метформин.

АТХ коды А10BA02

Фармакологиялық қасиеттері

Фармакокинетикасы

Пероральді қабылдағаннан кейін метформин таблеткалары плазмадағы ең жоғары концентрациясына (Cmax) шамамен 2,5 сағаттан кейін (Tmax) жетеді. Дені сау адамдардағы абсолютті биожетімділігі 50-60% құрайды. Пероральді қабылдағаннан кейін метформиннің 20-30% асқазан-ішек жолы арқылы өзгермеген түрде шығарылады.

Метформинді әдеттегі дозалары мен режимдерінде қабылдап қолданғанда қан плазмасындағы тұрақты концентрациясына 24-48 сағатта жетеді және ол тұтас алғанда 1 мкг/мл азды құрайды.

Метформиннің қан плазмасы ақуыздарымен байланысу дәрежесі елеусіз. Метформин эритроциттерде таралады. Қандағы ең жоғарғы деңгейі плазмадағысына қарағанда төменірек және шамамен сондай уақытта жетеді. Орташа таралу көлемі (Vd) 63–276 л құрайды.

Метформин өзгеріссіз күйде несеппен шығарылады. Адамда метформиннің қандай-да бір метаболиттері идентификацияланбаған.

Метформиннің бүйректік клиренсі 400 мл/минуттан астамды құрайды, бұл метформиннің шумақтық сүзілу және шумақтық сөлініс арқылы шығарылатынын көрсетеді. Ішке қабылдағаннан кейінгі жартылай шығарылу кезеңі 6,5 сағатқа жуықты құрайды.

Бүйрек функциясының бұзылуы кезінде бүйректік клиренсі креатинин клиренсіне пропорциональді төмендейді, және осылайша, жартылай шығарылу кезеңі артады, бұл қан плазмасындағы метформин деңгейінің артуына әкеледі.

Фармакодинамикасы

Метформин – гипергликемияға қарсы әсері бар бигуанид, қан плазмасындағы глюкозаның базалық та, постпрандиальді да деңгейлерін төмендетеді. Ол инсулин секрециясын стимуляцияламайды және осыған байланысты гипогликемия туғызбайды.

Метформиннің 3 түрлі әсер ету механизмі бар:

  • глюконеогенез бен гликогенолизді тежеудің есебінен глюкозаның бауырдан өндіріліп шығарылуын төмендетеді;

  • инсулинге сезімталдықты арттырудың есебінен бұлшықеттердегі шеткергі глюкозаның қамтылуы мен утилизациясын жақсартады;

  • глюкозаның ішекте сіңуін кідіртеді.

    Метформин гликогенсинтазаға әсер ете отырып, жасушаішілік гликоген синтезін стимуляциялайды. Сондай-ақ ол глюкозаның жарғақшалық тасымалдаушыларының (GLUT) барлық типтерінің қабілетін жақсартады.

    Клиникалық зерттеулерде метформин қабылдау дене салмағына әсер етпеген немесе дене салмағын аздап төмендеткен.

    Өзінің гликемияға әсеріне қарамастан, метформин липидтердің метаболизміне оң әсер береді. Емдік дозалары қолданылған бақыланатын клиникалық зерттеулер кезінде, метформиннің жалпы холестериннің, тығыздығы төмен липопротеиндер мен триглицеридтердің мөлшерін төмендететіні анықталған.

Қолданылуы

Глюкофаж 2 типті қант диабетін емдеуге, әсіресе артық салмақты пациенттерде гликемияны ем-дәм және физикалық жаттығулармен ғана бақылау мүмкін болмағанда көрсетілген.

  • ересектерде Глюкофаж монотерапия түрінде қолданылуы мүмкін, диабетке қарсы басқа пероральді дәрілермен немесе инсулинмен біріктірілімде;

  • 10 жастан бастап балаларда Глюкофаж монотерапия түрінде немесе инсулинмен біріктірілімде қолданылуы мүмкін.

Қолдану тәсілі және дозалары

Ересектерге:

Монотерапия және диабетке қарсы басқа пероральді дәрілермен біріктірілген терапия:

Әдеттегі бастапқы дозасы ас қабылдау кезінде немесе ас қабылдаудан соң тәулігіне 2-3 рет 500 немесе 850 мг Глюкофаж препаратын құрайды.

Ем басталғаннан кейін 10-15 күннен соң препарат дозасын қандағы глюкозаны өлшеу нәтижесінің негізінде түзету қажет. Дозаны баяу арттыру асқазан-ішектік көтерілімділігінің жақсаруына ықпал етуі мүмкін.

Метформин гидрохлоридінің жоғары дозаларын (тәулігіне 2-3 г) қабылдайтын пациенттерде 500 мг дозадағы Глюкофажпрепаратының екі таблеткасын 1000 мг дозадағы Глюкофаж таблеткаларына алмастыруға болады. Ең жоғары ұсынылатын доза тәулігіне 3 г (үш рет қабылдауға бөлінген) құрайды.

Диабетке қарсы басқа дәрілерден ауысуды жоспарлаған жағдайда: басқа дәрілерді қабылдауды тоқтату және Глюкофаж препаратын жоғарыда көрсетілген дозада қабылдауды бастау қажет.

Инсулинмен біріктірілімде:

Қандағы глюкоза деңгейін жақсы бақылау үшін Глюкофаж бен инсулинді біріктірілген ем түрінде қолдануға болады. Глюкофаж препаратының әдеттегідей бастапқы дозасы тәулігіне 2-3 рет қабылданатын 500 мг немесе 850 мг құрайды, ал инсулин дозасын қандағы глюкозаның мөлшері негізінде анықтайды.

Балалар және жасөспірімдерге:

10 жастан асқан балаларға Глюкофаж монотерапия ретінде де, сонымен қатар инсулинмен біріктіріліп те қолданылуы мүмкін. Әдеттегі бастапқы дозасы ас қабылдау кезінде немесе одан соң тәулігіне бір рет 500 мг немесе 850 мг құрайды. 10-15 күн жүргізілген емнен кейін қанда глюкоза мөлшерін өлшеу нәтижесінің негізінде препарат дозасын түзету қажет. Дозаны баяу арттыру асқазан-ішек көтерілімділігін жақсартуы мүмкін. Ең жоғары ұсынылатын доза тәулігіне 2-3 қабылдауға бөлінген 2 г Глюкофаж препаратын құрайды.

Егде жастағы пациенттер:

Егде жастағы адамдарда бүйрек функциясының төмендеуі мүмкіндігіне байланысты, Глюкофаж препаратының дозасын бүйрек функциясы параметрлері негізінде таңдау керек. Бүйрек функциясы ұдайы бағалануы тиіс.

Бүйрек функциясы бұзылуы бар пациенттер:

Метформинді бүйрек функциясының орташа бұзылуы – бүйректің созылмалы ауруының 3а сатысы (креатинин клиренсі [КлКр] 45-59 мл/мин немесе шумақтық сүзіліс есептік жылдамдығы [ШСЖе] 45-59 мл/мин/1,73 м2) бар пациенттерде – лактатацидоз даму қаупін жоғарылатуы мүмкін басқа жай-күйлері болмаған жағдайда ғана және дозаны төмендегіше түзеткенде қолдануға болады: метформин гидрохлоридінің бастапқы дозасы тәулігіне 1 рет 500 мг немесе 850 мг құрайды. Ең жоғары дозасы тәулігіне 2 қабылдауға бөлінген 1000 мг құрайды. Бүйрек функциясына мұқият мониторинг (әрбір 3-6 ай) жүргізу керек.

Егер КрКл немесе ШСЖе мәні тиісінше <45 мл/мин немесе <45 мл/мин/1,73 м2 деңгейге дейін төмендесе, онда метформин қолдануды дереу тоқтату керек.

Жағымсыз әсерлері

Емдеудің басында анағұрлым жиі кездесетін жағымсыз реакциялар жүрек айнуы, құсу, диарея, іштің ауыруы және тәбеттің болмауы болып табылады, олар көп жағдайда өздігінен басылады. Аталған симптомдардың дамуының профилактикасы үшін, Глюкофаж дозасын біріндеп арттыра отырып, 2 немесе 3 рет қабылдау ұсынылады.

Глюкофаж препаратымен емдеу жүргізгенде мынадай жағымсыз реакциялар байқалуы мүмкін. Мұндай реакциялар жиілігі мынадай тәсілмен жіктеледі: өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000).

Әр жиілік тобы үшін жағымсыз әсерлер олардың күрделілігінің төмендеу тәртібі бойынша берілген.

Зат алмасу тарапынан бұзылулар және ас қорыту бұзылуы

Өте сирек:

  • лактатацидоз

  • метформинді ұзақ қабылдаған кезде В12 витаминінің сіңуі төмендеуі мүмкін, ол сарысудағы оның деңгейін төмендетумен қатар жүруі ықтимал. Мегалобласты анемияны анықтаған кезде сол секілді этиологияның болуы ықтимал екендігін ескеру керек.

  • алкогольді қолданғанда дисульфирамға ұқсас реакция

Жүйке жүйесі тарапынан бұзылулар

Жиі:

  • дәм сезудің бұзылуы

Асқазан-ішек жолдары тарапынан бұзылулар

Өте жиі:

  • жүрек айнуы, құсу, диарея, іштің ауыруы, тәбеттің болмауы сияқты АІЖ бұзылулары. Көбіне бұл жағымсыз реакциялар емнің басында пайда болады, кейіннен өздігінен жойылады. Көрсетілген симптомдар дамуының профилактикасы үшін дозаны аздап арттыра отырып тамақтанудың алдында немесе тамақтанудан кейін 2 немесе 3 қабылдаумен Глюкофаж ® препаратын қолдану ұсынылады.

Бауыр және өт шығару жолдары тарапынан бұзылулар

Өте сирек:

  • метформин қолдануды тоқтатқаннан кейін болмайтын функционалдық бауыр сынамаларының ауытқуларының және гепатиттің жеке-дара жағдайлары анықталды

Тері және тері асты тіндері тарапынан бұзылулар:

Өте сирек:

  • эритема, қышыну, есекжем сияқты тері реакциялары

Балалар жасындағы пациенттер:

Балалардағы жағымсыз әсерлер сипаты және ауырлық әсері бойынша ересектерде анықталғанға ұқсас болды.

Глюкофаж препаратымен емдеуді бастағаннан кейін күдіктенген барлық жағымсыз құбылыстар туралы хабарлау керек. Бұл осы дәрілік заттың пайда/қауіп арақатынасының бейінін үздіксіз бақылауға мүмкіндік береді.

Қолдануға болмайтын жағдайлар

  • метформинге немесе кез келген қосымша заттарға жоғары сезімталдық;

  • диабеттік кетоацидоз, диабеттік прекома;

  • созылмалы бүйрек ауруы (3b, 4 және 5 сатысы) немесе бүйректің дисфункциясы (КрКл <45 мл/мин немесе ШСЖе <45 мл/мин/1,73 м2) ;

  • бүйрек функциясының бұзылуына әкелетін жедел жай-күй: дегидратация, ауыр инфекция, шок;

  • тіндер гипоксиясымен қатар жүретін жедел немесе созылмалы аурулар: декомпенсацияланған жүрек жеткіліксіздігі, тыныс алу жеткіліксіздігі, жақында өткерген миокард инфаркті, шок;

  • бауыр жеткіліксіздігі;

  • жедел алкогольдік интоксикация, алкоголизм.

Дәрілермен өзара әрекеттесуі

Ұсынылмайтын біріктірілімдері

Алкоголь: жедел алкогольдік уыттану кезінде, әсіресе ашыққан немесе жеткіліксіз тамақтанған жағдайда және бауыр жеткіліксіздігі жағдайында лактатацидоздың даму қаупі арта түседі. Глюкофаж® препаратымен емделу кезінде алкоголь мен құрамында алкоголь бар дәрілік заттарды қабылдаудан бас тарту керек.

Құрамында йод бар контрастылы заттар:

Құрамында йод бар контрастылы заттарды тамыр ішіне енгізу бүйрек жеткіліксіздігін туғызуы мүмкін. Бұл метформиннің жинақталуына алып келуі және лактатацидоз туғызуы мүмкін.

ШСЖе >60 мл/мин/1,73 м2 пациенттерде метформин қолдануды құрамында йод бар контрастылы заттарды қолданып жүргізілетін зерттеулерге дейін немесе зерттеу жүргізу кезінде тоқтату керек, зерттеуден кейін 48 сағат өтпей жаңғыртуға болмайды және тек соңынан нашарламайтын, қалыпты нәтиже көрсеткен бүйрек функциясын қайта бағалағаннан кейін ғана жаңғыртылады.

Бүйрек функциясының ауырлығы орташа дәрежелі (ШСЖе 45-60 мл/мин/1,73 м2) бұзылуы бар пациенттерде метформин қабылдауды құрамында йод бар контрастылы заттарды қолданар алдында 48 сағат бұрын тоқтату керек және зерттеу өткеннен кейін 48 сағат өтпей жаңғыртуға болмайды және қалыпты нәтиже көрсеткен бүйрек функциясының қайта бағалауынан кейін ғана, ол соңынан нашарламайтын болса ғана жаңғыртылады.

Сақтықты талап ететін біріктірілімдер

Гипергликемиялық әсері бар дәрілік препараттар (глюкокортикоидтар (жүйелі және жергілікті әсер ететін) және симпотомиметиктер): қандағы глюкозаны, әсіресе емнің басында, жиірек анықтау талап етілуі мүмкін. Қажет болғанда, метформин дозасын тиісті дәрілік препараттармен соңғысын тоқтатқанша түзету керек.

Диуретиктер, әсіресе ілмекті диуретиктер олардың бүйрек функциясына потенциалды теріс әсері салдарынан лактоацидоз туындау қатерін жоғарылатуы мүмкін.

Айрықша нұсқаулар

Лактатацидоз

Лактатацидоз өте сирек, бірақ шұғыл ем жүргізілмеген жағдайда өлім қаупі жоғары күрделі метаболизмдік асқыну болып табылады, ол метформиннің жинақталуы салдарынан дамуы мүмкін. Метформинді қабылдаған пациенттердегі лактатацидоздың байқалған жағдайлары көбінесе қант диабеті және бүйректің айқын жеткіліксіздігі немесе бүйрек функциясының жедел нашарлауы бар пациенттерде дамып отырған. Бүйрек функциясы бұзылуы мүмкін жағдайларда, мысалы дегидратацияда (ауыр диарея, құсу) немесе гипертензияға қарсы, диуретикалық ем, немесе қабынуға қарсы стероидты емес дәрілер (ҚҚСД) тағайындағанда сақ болу керек. Көрсетілген жедел жай-күйлерде метформинмен емді уақытша тоқтату керек. Нашар бақыланатын диабет, кетоз, ұзақ уақыт ашығу, алкогольді шамадан тыс қолдану, бауыр жеткіліксіздігі және гипоксияға байланысты кез келген жай-күй (декомпенсацияланған жүрек жеткіліксіздігі, жедел миокард инфарктісі сияқты) сияқты басқа да қауіптің қатарлас факторларын ескеру керек.

Лактатацидоз диагнозы бұлшықет түйілулері, іштің ауыруы, және/немесе ауыр астения сияқты спецификалық емес симптомдар пайда болған жағдайда қарастырылуы тиіс. Пациенттерді олардың бұл симптомдардың пайда болуы туралы мәлімдеуі тиістігі туралы, әсіресе егер пациенттерде бұрын метформиннің жақсы көтерімділігі анықталса, өзінің емдеуші дәрігеріне хабардар ету керек. Лактатацидозға күдік болған жағдайда, Глюкофаж препаратымен емдеуді тоқтату керек. Глюкофаж препаратын қабылдауды жаңғырту тек пайда/қауіп арақатынасын және бүйрек функциясын ескерген соң ғана жеке негізде қарастырылуы тиіс.

Диагноз

Лактатацидоз ацидоздық ентігудің, іш ауыруының және соңынан комаға соқтыратын гипотермияның пайда болуымен сипатталады. Диагностикалық зертханалық көрсеткіштер қандағы рН төмендеуі, плазмадағы лактат деңгейінің 5 ммоль/л артық болуы, аниондық аралық пен лактат/пируват арақатынасының артуы болып табылады. Лактатацидозға күдік болғанда пациентті дереу ауруханаға жатқызу керек. Дәрігерлер пациенттерді лактатацидоз қаупі және симптомдары туралы хабардар етуі тиіс.

Бүйрек функциясы

Метформин бүйрекпен бөлініп шығатындықтан, Глюкофаж® препаратымен емдеуді бастар алдында және емделу кезінде жүйелі түрде креатинин клиренсін тексеріп отыру қажет (қан сарысуындағы креатинин деңгейін Кокрофт-Голт формуласының көмегімен анықтау арқылы):

  • бүйрек функциясы қалыпты пациенттерде жылына 1 реттен кем емес;

  • егде жастағы пациенттерде, сонымен қатар креатинин клиренсі төменгі қалып шегіндегі пациенттерде жылына 2-4 реттен кем емес.

Егер КрКл <45 мл/мин (ШСЖе <45 мл/мин/1,73 м2) болса, метформин қолдану қарсы көрсетілімде.

Егде жастағы пациенттерде бүйрек функциясының төмендеуі жиі кездеседі және симптомсыз жүреді. Бүйрек функция бұзылуы мүмкін кезде, мысалы, гипертензияға қарсы ем, диуретиктерді немесе қабынуға қарсы стероидты емес препараттарды қабылдау жағдайында ерекше сақ болу ұсынылады.

Сондай-ақ бұл жағдайларда бүйрек функциясын метформинмен ем бастағанға дейін тексеру ұсынылады.

Жүрек функциясы

Жүрек жеткіліксіздігі бар пациенттердің гипоксияның қаупіне және бүйрек жеткіліксіздігіне бейімділігі басым. Тұрақты созылмалы жүрек жеткіліксіздігі бар пациенттерге метформинді бүйрек және жүрек функциясын ұдайы мониторингтегенде ғана қолдануға болады.

Жедел және тұрақсыз жүрек жеткіліксіздігі бар пациенттерге Глюкофажқарсы көрсетілімде.

Хирургиялық араласулар

Глюкофажпрепаратын қабылдауды жалпы, спинальді немесе эпидуральді анестезиямен жүргізілетін жоспарлы хирургиялық араласулардан 48 сағат бұрын тоқтату керек. Әдетте Глюкофаж® препаратымен емдеуді хирургиялық араласулардан кейін немесе тамақ ішу жаңғыртылғаннан кейін 48 сағаттан ерте бастамау, сондай-ақ бүйрек функциясына қайта баға бергеннен кейін, ол қалыпты нәтижелер көрсетсе ғана бастау керек.

Басқа сақтық шаралары

Пациенттерге көмірсулардың күні бойғы тұтынылуын дұрыс реттестіре отырып, емдәм ұстану қажет. Артық дене салмағы бар адамдарға калориясы төмен емдәм ұстану керек.

Зертханалық талдауларды ауру барысының мониторингі үшін ұдайы жүргізу керек.

Глюкофаж препаратын қолдану гипогликемия туындата алмайды, бірақ пациенттерге оны инсулинмен немесе сульфонилмочевина туындыларымен біріктірілімде қабылдағанда сақ болу ұсынылады.

Бала жастағы пациенттер

Глюкофаж препаратымен емді бастағанға дейін 2 типті қант диабеті диагнозын растау керек.

Ұзақтығы бір жылдық бақыланатын клиникалық зерттеулерде метформиннің балалардағы бой өсуіне және жыныстық дамуына әсері анықталмады, бірақ уақыттың ұзағырақ кезеңінде деректер жоқ. Сондықтан балалардағы, әсіресе препубертатты кезеңде бұл көрсеткішке метформин әсерін бақылау ұсынылады.

10–нан 12 жасқа дейінгі балалар

Бақыланатын клиникалық зерттеулерге 10-12 жастағы тек 15 бала ғана қатыстырылған. 12 жастан кіші балаларда метформиннің тиімділігі және қауіпсіздігі одан үлкен жастағы балалар мен жасөспірімдерден айырмашылықсыз болса да, дегенмен 10–нан 12 жасқа дейінгі балаларға метформин тағайындағанда сақ болу керек.

Жүктілік және лактация кезеңі

Жүктілік

Жүктілік уақытындағы бақыланбайтын диабет (оның ішінде гестациялық та бар) туа біткен патология және перинатальді өлім жағдайының жоғары қаупімен астасады.

Жүктілерде метформин қолдану бойынша шектеулі деректер туа біткен бұзылулардың жоғары қаупі болмағанын көрсетеді.

Жүктілікті жоспарлағанда және жүктілік кезінде метформин қолдану ұсынылмайды. Ұрық дамуының бұзылуы туындау қаупін төмендетуде, қандағы глюкоза деңгейін мүмкін болғанша қалыпқа ең жақын күйде ұстап тұру үшін инсулин қолдану керек.

Лактация кезеңі

Метформин емшек сүтіне өтеді. Ондай емшек сүтін емген жаңа туған нәрестелерде/сәбилерде ешқандай жағымсыз әсерлер, байқалмаған. Алайда мәліметтер шектеулі болғандықтан, Глюкофаж® препаратымен емдеу уақытында баланы емізу ұсынылмайды.

Баланы емізудің пайдасын және бала үшін жағымсыз реакцияларының потенциалды қаупін ескере отырып, емізуді үзуге қатысты шешім қабылдау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Глюкофаж препаратымен монотерапия жасау гипогликемия туындатпайды және сондықтан автомобиль басқару және механизмдермен жұмыс істеу қабілетіне әсер етпейді. Алайда пациенттер Глюкофаж препаратын диабетке қарсы басқа дәрілік заттармен (сульфонилмочевина туындылары, инсулин немесе меглитинидтер) біріктірілімде қолданғанда гипогликемия туындау мүмкіндігін естен шығармауы тиіс.

Артық дозалануы

Глюкофаж препаратын 85 г дозада қолданғанда гипогликемия дамуы байқалмады. Алайда бұл жағдайда лактатацидоза дамығаны байқалды. Метформинмен елеулі артық дозалануы немесе қатарлас қаупі болуы лактатацидоз дамуына алып келуі мүмкін. Лактатацидоз ауруханаға жатқызуды талап ететін, шұғыл медициналық жай-күй болып табылады.

Емі: лактат пен метформинді организмнен шығарудың анағұрлым тиімді шарасы гемодиализ болып табылады.

Шығарылу түрі және қаптамасы

Үлбірлі қабықпен қапталған 500 мг, 850 мг таблеткалар

Поливинилхлоридті үлбірден және алюминий фольгадан жасалған пішінді ұяшықты қаптамада 20 таблеткадан салынған. 3 пішінді қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Үлбірлі қабықпен қапталған 1000 мг таблеткалар

Поливинилхлоридті үлбірден және алюминий фольгадан жасалған пішінді ұяшықты қаптамада 15 таблеткадан салынған. 4 пішінді қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл (500 мг және 850 мг дозасы үшін)

3 жыл (1000 мг дозасы үшін)

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

Мерк Сантэ с.а.с., Франция

2 rue du Pressoir Vert, 45400 Semoy, France/

2 рю дю Прессуар Вер 45400 Семуа, Франция

Тіркеу куәлігінің иесі

Мерк Сантэ с.а.с., Франция

37 Ruе Saint Romain 69379 Lyon Cedex 08, France /

37 рю Сен Ромен 69379 Лион Седекс, Франция

Қаптаушы

Мерк Сантэ с.а.с., Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

"Takeda Osteuropa Holding GmbH» (Австрия) компаниясының Қазақстандағы өкілдігі

Алматы қ., Шашкин к-сі 44

Телефон нөмірі (727) 2444004

Факс нөмірі (727) 2444005

Электронды поштасы DSO-KZ@takeda.com

Прикрепленные файлы

010109451477976538_ru.doc 132 кб
606806631477977691_kz.doc 107.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники