Глюкоза (раствор для инфузий, 5%, Келун фармацевтический завод)
Инструкция
-
русский
-
қазақша
Саудалық атауы
Глюкоза
Халықаралық патенттелмеген атауы
Жоқ
Дәрілік түрі
Инфузияға арналған 5% ерітінді
Құрамы
1 л ерітіндінің құрамында
белсенді зат - 50.0 г сусыз глюкоза,
қосымша заттар - инъекцияға арналған су.
Фармакотерапиялық тобы
Плазма алмастырғыш және перфузиялық ерітінділер. Ирригациялық ерітінділер. Басқа ирригациялық ерітінділер. Декстроза.
АТХ коды ВО5СХ 01
Сипаттамасы
Түссіз мөлдір сұйықтық
Фармакологиялық қасиеттері
Фармакокинетикасы
Глюкозаның 5% ерітіндісі изотониялық болып табылады. Декстроза тіндерге түскенде организмнің зат алмасуының көптеген бөлігіне белсенді қосылатын глюкоза-6-фосфатқа айнала отырып фосфорланады. Глюкозаның метаболизмінде тіндерде организмнің қызмет етуіне қажетті энергияның едәуір мөлшері бөлінеді. Ерітінді қан тамырлар жүйесінен жылдам шығарылады және қан тамырылары айналымындағы сұйықтық көлемін тек уақытша ұлғайтады. Бүйрек арқылы шығарылады.
Фармакодинамикасы
Регидратация және уытсыздандыруға арналған дәрі. Глюкоза организмдегі тотығу-тотықсыздану үдерістерін күшейтеді, бауырдың уыттануға қарсы қызметін жақсартады, организмнің энергетикалық шығындарының бір бөлігін жабады, өйткені ол жеңіл сіңетін көмірсулардың көзі болып табылады.
Қолданылуы
- организмде сұйықтық көлемін қалпына келтіру үшін және калория көзі ретінде
Қолдану тәсілі және дозалары
Глюкозаның (5%) изотониялық ерітіндісін көктамыр ішіне минутына 7 мл ең жоғары жылдамдықпен (1 минутта 150 тамшы немесе сағатына 400 мл) тамшылатып енгізеді. Ересектерге препараттың дозалануын дәрігер анықтайды және ол жасына, дене салмағына, емделушінің клиникалық жағдайына және зертханалық талдамаларының нәтижелеріне байланысты.
Зат алмасуы қалыпты ересектерге енгізілетін глюкозаның тәуліктік дозасы тәулігіне 4-6 г/кг аспауы керек, яғни шамамен тәулігіне 250-450 г, мұнда енгізілетін сұйықтықтың көлемі тәулігіне 30-40 мл/кг құрайды. Зат алмасу қарқындылығы төмендеген жағдайда тәуліктік дозаны 200-300 г-ге дейін төмендетеді.
Балалар үшін препараттың дозалануын дәрігер анықтайды және жасына, дене салмағына, емделушінің клиникалық жағдайына және зертханалық талдамаларының нәтижелеріне байланысты.
Май және аминқышқылдарымен парентеральді қоректендіру үшін балаларға бірінші күні тәулігіне 6 г/кг, келесі күндері - тәулігіне 15 г/кг дейін енгізеді. Дозаны есептеу кезінде енгізілетін сұйықтықтың рұқсат етілетін көлемін назарға алу керек: дене салмағы 2-10 кг балалар үшін – тәулігіне 100-165 мл/кг, дене салмағы 10-40 кг балаларға тәулігіне – 45-100 мл/кг.
Препаратты ұзақ мерзім енгізуді глюкозаның қан сарысуындағы концентрациясын бақылай отырып жүргізу керек.
Глюкозаның бұдан жылдам және толық сіңуі үшін кейде бір мезгілде инсулинді (тері астына 4-5 ӘБ-ден) енгізеді.
Жағымсыз әсерлері
- гипергликемия
- қызба
- гиперволемия
- гипокалиемия, гипофосфатемия, гипомагниемия, гипонатриемия
- аллергиялық реакциялар (гипертермия, тері бөртпелері, ангионевротикалық ісіну, анафилактикалық шок)
- сол жақ қарыншаның жедел жеткіліксіздігі
- ионды теңгерімнің бұзылуы
- ұйқы безінің инсулярлы аппараты қорының азаюы
- енгізген жердің аздап ауыруы
- тромбофлебит.
Қолдануға болмайтын жағдайлар
- препарат компоненттеріне жоғары сезімталдық
- қант диабеті, гипергликемия
- гиперлактацидемия
- гиперосмолярлы кома
- мидың және өкпенің ісіну қаупімен циркуляторлы бұзылулар
- ми ісінуі, өкпе ісінуі, сол жақ қарыншаның жедел жеткіліксіздігі
- глюкоза утилизациясының операциядан кейінгі бұзылуы
Дәрілермен өзара әрекеттесуі
Глюкоза натрийдің асқазан-ішек жолдарынан сіңуін жеңілдетеді. Препаратты аскорбин қышқылымен бірге тағайындауға болады. Инсулинді 4-5 г-ға 1 ӘБ есебінен бір мезгілде енгізу глюкозаның толығырақ сіңуіне ықпал етеді.
Глюкоза күшті тотықтандырғыш болуына байланысты, оны гексаметилентетраминмен қосып бір еккіште енгізуге болмайды.
Глюкозаны алкалоидтар ерітіндісімен (олардың ыдырауы жүзеге асады), жалпы анестетиктер және ұйықтатқыштармен (олардың белсенділігін төмендетеді) араластырмаған жөн.
Глюкоза сондай-ақ ауыруды басатын, адреномиметикалық заттардың әсерін әлсіретеді; стрептомициннің белсенділігін жояды, нистатиннің тиімділігін төмендетеді.
Осмолярлықты арттыру үшін глюкозаның 5% ерітіндісін натрий хлоридінің изотониялық ерітіндісімен біріктіруге болады.
Тиазидті диуретиктермен және фуросемидпен бір мезгілде қолданған кезде қан сарысуындағы глюкоза деңгейіне олардың ықпал ету қабілетін ескеру керек. Глюкоза ерітіндісі бауырға пиразинамидтің уытты әсерін төмендетеді. Глюкоза ерітіндісінің көп мөлшерін енгізу гипокалиемияның дамуына ықпал етеді, ол оймақгүл препараттарын бір мезгілде қабылдау уыттылықты арттырады.
Глюкоза аминофиллинмен, ерітілген барбитураттармен, гидрокортизонмен, канамицинмен, ерітілген сульфаниламидтермен, цианокобаламинмен ерітінділерде үйлесімсіз.
Жалған агглютинацияның пайда болуы мүмкіндігіне байланысты гемотрансфузияның алдында немесе кейін бір мезгілде бір жүйеде қолдануға болмайды.
Айрықша нұсқаулар
Ұзақ мерзім қолдану немесе ерітіндінің көп мөлшерін жылдам инфузиялау ісінуге немесе судан уыттануға, бауырдың функциональдік жағдайының бұзылуына және ұйқы безінің инсулярлы аппаратының қорының азаюына әкеп соқтыруы мүмкін. Сондықтан ісінуі, бүйрек қызметінің бұзылуы, бауырдың қалпына келмейтін циррозы бар науқастарға сұйықтықтарды қабылдауды шектеу керек. Электролиттерді көп мөлшерде жоғалтатын науқастарға глюкозаның көп мөлшерін енгізу қауіпті болуы мүмкін. Гипергликемия сауығу барысына теріс әсер ететіндіктен глюкоза ерітіндісін бастан өткерген жедел ишемиялық ұстамалардан кейін тағайындауға болмайды.
Енгізген жерде жұқпалар, тромбофлебит, сондай-ақ қан құйылған жағдайда тіндердің некрозы дамуы мүмкін. Мұндай реакциялар автоклавтаудан кейін пайда болатын шіріген өнімдермен туындауы мүмкін немесе препаратты енгізу техникасы дұрыс болмағанда пайда болады. Көктамыр ішіне енгізу электролит алмасуының бұзылуы, оның ішінде гипокалиемия, гипомагниемия және гипофосфатемияға әкеп соқтыруы мүмкін. Емделушілерде мұндай жағымсыз әсерлер дамуының алдын алу үшін препараттың дозасын және енгізу техникасын қадалағау керек және организмнің қышқылды-сілтілі теңгерімін бақылау керек.
Енгізердің алдында құтыны бөлшектердің немесе түсінің өзгеруінің болуына көзбен шолып тексеру керек. Құты мен қақпақ зақымданбаған болуы керек.
Педиатриялық практикада қолданылуы
Жаңа туғандар мен сәбилерде тіпті сұйықтықтың аз мөлшері де су-тұз теңгеріміне ықпал етуі мүмкін. Препаратты жаңа туғандарға, оның ішінде күні жетпей жаңа туғандарға тағайындағанда абай болу керек. Қан сарысуындағы электролиттер деңгейін және диурез, сұйықтықты қабылдауды мұқият бақылау керек. Глюкоза балаларға, көбіне сәбилерге, жаңа туғандарға немесе дене салмағы төмен сәбилерге тағайындалған жағдайда сарысудағы глюкоза концентрациясын ұдайы бақылау керек. Дене салмағы өте төмен жаңа туғандарда глюкоза ерітіндісін шамадан тыс немесе жылдам көктамырішілік құю сарысу осмоляльділігінің жоғарылауына, сондай-ақ бассүйекішілік қан құйылуына әкелуі мүмкін.
Егде емделушілер
Препаратты қолданудың клиникалық тәжірибесін зерттеуде егде және жас емделушілердегі жауап реакцияларында айырмашылықты көрсеткен жоқ. Жалпы, егде емделушілер үшін дозаны таңдау сақтықпен жүруі керек, осы ретте, әдетте қатар жүрген ауруды, сондай-ақ дәрі-дәрмекпен қатар емдеуді ескере отырып төмен дозадан бастайды.
Глюкозаның организмнен, негізінен бүйрек арқылы шығарылатынын ескере отырып, бүйрек жеткіліксіздігі бар емделушілерде уытты реакциялардың даму қаупі жоғары болуы мүмкін. Егде емделушілердің бүйрек жеткіліксіздігімен жиі зардап шегетінін ескере отырып, дозаны таңдау кезінде сақтық таныту керек, сондай-ақ бүйрек қызметін бақылау ұсынылады.
Жүктілік және лактация
Глюкоза көктамырішілік ерітінді түрінде жүкті әйелдерге, егер оған аса қажеттілік болған жағдайда ғана тағайындалуы мүмкін. Бала емізетін аналарға глюкоза ерітіндісін көктамыр ішіне тағайындаған кезде абай болу керек.
Дәрілік заттардың көлік құралдарын жүргізуге және қауіпті механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: жағымсыз әсерлердің айқын симптомдары. Гипергликемия пайда болуы мүмкін. Глюкоза құрамы жоғарылағанда (55 ммоль/л-ден жоғары, кейде 100 ммоль/л-ге дейін және жоғары) гиперосмолярлы кома және шок туындауы мүмкін. Бұл жағдайлардың патогенезінде су және электролиттердің қан ағымына осмотикалық ығысуы, сондай-ақ полиурия маңызды рөл атқарады. Мұнда күрт дегидратация және жасушалық сусыздану, гемоконцентрация, қан коагуляциясы жүйесінің белсенділенуі дамиды, ол артериялар мен көктамырларда жергілікті және диссеминирленген тромб түзілуін жиі туындатады.
Емі - симптоматикалық.
Шығарылу түрі және қаптамасы
Алюминий қалпақшамен қаусырылған және резеңке тығынмен тығындалған шыны құтыларда 100 мл, 200 мл, 250 мл, 400 мл және 500 мл-ден, ашу үшін құтыға дәнекерленген сақинасы бар қалпақшамен қамтылған және полипропиленнен жасалған резеңке тығынмен тығындалған құтыда 100 мл, 200 мл, 250 мл, 400 мл және 500 мл-ден.
Құтылар медицинада қолданылуы жөніндегі мемлекеттік және орыс тілдеріндегі нұсқаулықтың сәйкес санымен бірге картоннан жасалған пәшкеге салынған.
Сақтау шарттары
Жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Ерітінді бұлыңғырланған болса пайдалануға болмайды!
Құтының тығыз тұмшалануы сақталған жағдайда препаратты мұздатып қатыру оны қолдануға қарсы көрсетілім болып табылмайды.
Құтының ішкі беткейінің суланбауы препаратты қолдануға қарсы көрсетілім болып табылмайды.
Сақтау мерзімі
Шыны құтыларда 2 жыл.
Полипропиленнен жасалған құтыларда 3 жыл.
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы
Өндіруші
Келун фармацевтикалық зауыты, ҚЫТАЙ
Тiркеу куәлiгiнің иесi
Келун фармацевтикалық зауыты, ҚЫТАЙ
Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы
«Айерол-фарм» ЖШС
Жұлдыз 2 ықшам ауданы, 39А үй, 54 пәтер
Тел: +7 (727) 316-34-07 Факс: +7 (727) 316-34-08