Глюкоза (раствор для инфузий, 5%, Инфузия ЗАО)

• русский
• қазақша

• Скачать инструкцию медикамента

Саудалық атауы

Глюкоза

Халықаралық патенттелмеген атауы

Жоқ

Дәрілік түрі

Инфузияға арналған ерітінді 5 % 200 мл және 400 мл

Құрамы

1000 мл ерітіндінің құрамында

белсенді зат - 50.0 г глюкоза (сусыз затқа шаққанда),

қосымша зат - инъекцияға арналған су.

Сипаттамасы

Мөлдір, түссіз немесе сәл сарғыштау сұйықтық

Фармакотерапиялық тобы

Плазма алмастырушы және перфузиялық ерітінділер. Ирригациялық ерітінділер. Басқа да ирригациялық ерітінділер. Декстроза

АТХ коды В05СХ01

Фармакологиялық қасиеттері

Фармакокинетикасы

Енгізгеннен кейін организм тіндерінде жылдам таралады. Бүйрекпен шығарылады.

Фармакодинамикасы

Глюкозаның 5% ерітіндісі қан плазмасына қатысты изотониялы және оны көктамыр ішіне енгізгенде айналымдағы қанның көлемін толықтырады, ал жоғалтқан кезде қоректік материал көзі болып табылады, сондай-ақ организмнен удың шығарылуына ықпал етеді. Глюкоза қуат шығынын субстратты толықтыруды қамтамасыз етеді. Көктамыр ішіне иньекциялар кезінде метаболизм үдерістерін белсенді етеді, бауырдың уыттануға қарсы қызметін жақсартады, миокардтың жиырылу белсенділігін күшейтеді, қантамырларын кеңейтіп, диурезді ұлғайтады.

Қолданылуы

- гипер-және изотоникалық дегидратацияда

- балаларда операциялық араласу кезінде су-электролиттік теңгерім бұзылуларының алдын алуда

- уыттануда

- гипогликемияда

- басқа үйлесімді дәрілік заттар ерітінділерінің еріткіші ретінде.

Қолдану тәсілі және дозалары

Препаратты көктамыр ішіне тамшылатып қолданады. Ересектер үшін дозасы тәулігіне 1500 мл. Ең жоғары тәуліктік доза ересектер үшін 2 000 мл құрайды. Қажет болған жағдайда ересектер үшін енгізудің ең жоғары жылдамдығы – минутына 150 тамшы (500 мл/сағ).

Жағымсыз әсерлері

- гипокалиемия, гипофосфатемия, гипомагниемия, гипонатриемия, гиперволемия, (ауқымды инфузиялар жүргізу кезінде туындайтын электролиттік теңгерімнің бұзылулары)

- гипергликемия

- аллергиялық реакциялар (гипертермия, тері бөртулері, ангионевротикалық ісіну, шок)

Өте сирек

- шығу тегі орталықтан болған жүрек айнуы.

Жағымсыз реакциялар туындаған жағдайда ерітінді енгізуді тоқтатқан жөн, емделушінің жай-күйін бағалап, тиісінше жәрдем көрсету керек.

Қолдануға болмайтын жағдайлар

- гиперлактацидемия

- гипергидратация

- гипергликемия

- гиперосмолярлық кома

- глюкозаға аса жоғары сезімталдық.

- қан препараттарымен бір мезгілде енгізу

Дәрілермен өзара әрекеттесуі

Тиазидті диуретиктер және фуросемидпен бір мезгілде қолданған кезде олардың сарысудағы глюкоза деңгейіне әсер ету қабілетін ескеру керек. Инсулин шеткергі тіндерге глюкозаның түсуіне ықпал етеді. Глюкоза ерітіндісі пиразинамидтің бауырға уытты әсерін азайтады. Үлкен көлемде глюкоза ерітіндісін енгізу гипокалиемияның дамуына ықпал етеді, бұл бір мезгілде қолданылатын оймақгүл препараттарының уыттылығын жоғарылатады.

Үйлесімсіздік

Глюкоза аминофиллинмен, еритін барбитураттармен, эритромицинмен, гидрокортизонмен, варфаринмен, канамицинмен, еритін сульфаниламидтермен, цианокобаламинмен ерітінділерде үйлесімсіз.

Жалған-агглютинацияның туындау мүмкіндігіне байланысты 5% глюкоза ерітіндісін бір жүйеде бір мезгілде гемотрансфузияға дейін немесе одан кейін қолдануға болмайды.

Айрықша нұсқаулар

Препаратты бас-сүйек ішілік және жұлын ішілік қан құйылуы болған науқастарға өте сақтықпен қолдану керек.

Препаратты көктамыр ішіне ұзақ қолданғанда қандағы қант деңгейін бақылап отыру қажет.

Плазма гипоосмолярлығы туындауының алдын алу мақсатында 5% Глюкоза ерітіндісін натрий хлоридінің изотониялық ерітіндісін енгізумен біріктіруге болады.

Үлкен дозаларды енгізу кезінде қажет болса, инсулинді тері астына 4 - 5 г глюкозаға 1 ӘБ есебінен тағайындайды.

Құтының ішіндегісін тек бір емделушіге пайдалану керек. Бөтелкенің немесе полиэтилен құтының бүтіндігі бұзылғаннан кейін пайдаланылмаған бөтелке немесе құты ішіндегі бөлікті жою керек.

Жүктілік және лактация

Препаратты көрсетілімі бойынша қолдануға болады.

Балалар

Балаларда дозасы жасына, дене салмағына, жағдайы мен зертханалық көрсеткіштерге байланысты болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың тек стационар жағдайында ғана қолданылуына байланысты деректер жоқ.

Артық дозалануы

Симптомдары: жағымсыз реакциялар көрінісінің күшеюі, гипергликемия мен гипотониялық гипергидратацияның дамуы мүмкін. Емі: симптоматикалық ем, инсулин енгізу.

Шығарылу түрі және қаптамасы

200 мл, 400 мл ерітіндіден резеңке тығындармен тұмшаланып тығындалған және алюминий қалпақшалармен қаусырылған шыны бөтелкеде (градуирленген; градуирленбеген тар және кең мойны бар).

Бөтелкеге өздігінен желімделетін заттаңба (градуирленген бөтелкеге – градуирленбеген заттаңба; тар және кең мойны бар градуирленбеген бөтелкеге – градуирленген заттаңба) жапсырылады.

Препараты бар бөтелке медицинада қолданылуы жөніндегі мемлекеттік және орыс тілдеріндегі нұсқаулықтың сәйкес санымен 20 данадан (сыйымдылығы 200 мл немесе 250 мл бөтелке) жылуұстағыш полиэтилен үлбірде және 12 данадан (сыйымдылығы 450 мл немесе 500 мл бөтелке) немесе дәнекерленген екі қаптамадан жәшіктерге немесе 40 данадан (сыйымдылығы 200 мл немесе 250 мл бөтелке) және 24 данадан (сыйымдылығы 450 мл немесе 500 мл бөтелке) гофрланған картоннан жасалған жәшіктерге салынады.

Топтық қаптамадағы бөтелке санын тұтынушымен келісе отырып, өзгертуге жол беріледі.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды

Босатылу шарттары

Рецепт арқылы

Өндіруші ұйымның атауы мен елі

“Инфузия” Жабық акционерлік қоғамы, Украина

04073, Киев, Мәскеу даңғылы, 21-А үй,

тел.: (044) 490-93-75, 490-93-76.

E-mail: info@infuzia.com.ua

Тіркеу куәлігінің иесі

“Инфузия” жабық акционерлік қоғамы, Украина

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Аквилон -1» ЖШС, Қазақстан Республикасы,

ОҚО, Шымкент қ., Бархатная к-сі, 25,

тел: +77-252-56-68-41, E-mail: aqvilon_shm@mail.ru